Wylie

e-texts based on the ACIP/ALL Input

བཟླས་པ་བྱའོ། །གཤིན་རྗེ་ནག་པོ་སྒྲུབ་པའི་ཐབས་རྫོགས་སོ།། །།ཁམས་པ་ལོ་ཙྪ་བ་བ་རི་དགེ་སློང་དྷརྨཱ་ཀཱིརྟིས་བསྒྱུར་བའོ།། །།དང་པོར་རེ་ཞིག་སྒྲུབ་པ་པོ་བདེ་བའི་སྟན་ལ་ཉེ་བར་འདུག་སྟེ། རང་གི་སྙིང་གར་ཡི་གེ་ཨཾ་དམར་པོ་ཡོངས་སུ ་གྱུར་བ་ལས་ཉི་མའི་དཀྱིལ་འཁོར་བསྒོམ་པར་བྱའོ། །དེའི་སྟེང་དུ་ཡི་གེ་ཧཱུཾ་སྔོན་པོ་བཀོད་ནས། ཡི་གེ་ཧཱུཾ་ལས་སྐྱེས་པའི་འོད་ཟེར་ལས་བྱུང་བའི་གཤིན་རྗེ་མཐར་བྱེད་ལ་སོགས་པའི་བླ་མ་དང། སངས་རྒྱས་དང། བྱང་ཆུབ་སེམས་དཔའ་རྣམས་དམིགས་ནས། ་མེ་ཏོག་ལ་སོགས་ཡང་དག་པར་མཆོད་དེ་ཕྱག་བྱས་ནས། གསུམ་ལ་སྐྱབས་སུ་འགྲོ་བ་ལ་སོགས་པ་བྱས་ནས་སྟོང་པ་ཉིད་བསྒོམ་པར་བྱའོ། །ོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོ་ཧཾ་ཞེས་བྱའོ། །དེ་ནས་ཡི་གེ་ཨཾ་དམར་པོ་ལས་སྐྱེས་པའི་ཉི་མའི་དཀྱིལ་འཁོར ་གྱི་སྟེང་དུ་ཡི་གེ་ཧཱུཾ་ངོ། །དེ་ཡོངས་སུ་གྱུར་པ་ལས་རྡོ་རྗེས་མཚན་པའི་དབྱུག་པ། ཡི་གེ་ཧཱུཾ་གིས་བྱིན་གྱིས་བརླབས་ལ་བསྒོམ་པར་བྱའོ། །ཡི་གེ་ཧཱུཾ་གི་འོད་ཟེར་གྱིས་བསྐུལ་བའི་དེ་བཞིན་གཤེགས་པ་ཐམས་ཅད་གཞུག་པ་སྔོན་དུ་འགྲོ་བ་དེ་ཐམས་ཅད་ཡོངས་སུ ་གྱུར་པ་ལས་གཤིན་རྗེ་གཤེད་ཀྱི་རྣམ་པར་བསམ་པར་བྱའོ། །བདག་ཉིད་གཡོན་བརྐྱང་བའི་ཞབས་ཀྱིས་གནས་པ་ཞལ་གཅིག་ཕྱག་གཉིས་པ། མདོག་སྔོ་བ། ཕྱག་གཡས་ན་རྡོ་རྗེས་མཚན་པའི་དབྱུག་པ་སྔོན་པོ་འཕྱར་བ། ཕྱག་གཡོན་པས་ཞགས་པ་དང ་བཅས་པའི་སྡིགས་མཛུབ་སྙིང་གར་རོ། །དེ་ལྟར་གྱུར་པའི་གཤིན་རྗེ་གཤེད་སྤྲོ་བ་དང། བསྡུ་བའི་གཟུགས་སྣ་ཚོགས་པདྨའི་སྟེང་དུ་ཉི་མ་ལ་གནས་པའི་མ་ཧེ་ཤ་ལ་ཞོན་པ་བསྒོམ་པར་བྱའོ། །དེ་ནས་བཅོམ་ལྡན་འདས་ཀྱི་ཐུགས་ཀར་ཉི་མའི་དཀྱིལ ་འཁོར་ལ་ཡི་གེ་ཧཱུཾ་ཡོངས་སུ་གྱུར་པ་ལས་དབྱུག་པ་སྔོན་པོ་ཡི་གེ་ཧཱུཾ་གིས་བྱིན་གྱིས་བརླབས་པའོ། །ཡི་གེ་ཧཱུཾ་ལས་བྱུང་བའི་འོད་ཀྱིས་འགྲོ་བ་གསལ་བར་བྱས་ནས་ཡང་དེ་ཉིད་དུ་གཞུག་པར་བྱའོ། །དེ་ལྟ་བུའི་རིམ་པས་ཇི་སྙེད་འདོད་པར ་སྤྲོ་བ་དང་བསྡུ་བར་བྱའོ། །དམ་ཚིག་ལ་སོགས་པའི་ཆོ་ག་སྔོན་དུ་འགྲོ་བས། དེ་ལྟར་ཐུན་མཚམས་གཉིས་དང་གསུམ་དང་བཞིར་བསྒོམ་པར་བྱའོ། །ོཾ་ཧྲི་ཥྚརི(རྒྱུད་འགྲེལ་ནག་པོའི་སྒྲུབ་ཐབས་རྫོགས་སོ།། །།ཁམས་པ་ལོ་ཙ་བ་བ་རི་དགེ་སློང་ཆོས་ཀྱི་གྲགས་པས་བསྒྱུར་བའོ།། །།རྒྱ་གར་སྐད་དུ། ཀྲིཥྞ་ཡ་མཱ་མཱ་རི་སཱ་དྷ་ནཾ། བོད་སྐད་དུ། གཤིན་རྗེ་གཤེད་ནག་པོ་སྒྲུབ་པའི་ཐབས། བཅོམ་ལྡན ་