Wylie

e-texts based on the ACIP/ALL Input

སྙིང་གའི་ས་བོན་གྱི་འོད་ཟེར་གྱི་ཡེ་ཤེས་སེམས་དཔའ་སྤྱན་དྲངས་ལ་རོ་གཅིག་ཏུ་གྱུར་པར་རྣམ་པར་བསྒོམས་ཏེ། མི་བསྐྱོད་པ་ཅོད་པན་ལ་བཞུགས་པར་བདག་ཉིད་ཡུན་རིང་དུ་བསྒོམ་པར་བྱ་པའོ། །ངལ་བར་གྱུར?་ན་སྔགས་བཟླས་པར་བྱ་བའོ། །དེ་ལ ་སྔགས་ནི་འདི་ཡིན་ཏེ། ཨོཾ་ཧྲཱི(རྒྱུད་འགྲེལ་གྱིས་བསྒྱུར་བའོ།། །།རྒྱ་གར་སྐད་དུ། བིགྷྣཾ་ཀ་སཱ་དྷ་ནཾ། བོད་སྐད་དུ། བགེགས་མཐར་བྱེད་ཀྱི་སྒྲུབ་ཐབས། དང་པོར་རེ་ཞིག་བདེ་བའི་སྟན་ལ་ཉེ་བར་གནས་པའི་སྒྲུབ་པ་པོས་ཡི་གེ་ཨཱཾ་དམར་པོ་ལས་ངེས་གྲུབ་པའི་ཉི ་མའི་དཀྱིལ་འཁོར་རང་གི་སྙིང་གར་རྣམ་པར་བསྒོམས་ལ། དེའི་སྟང་དུ་ཡི་གེ་ཧཱུཾ་མཐིང་ནག་རྣམ་པར་དགོད་དོ། །ཡི་གེ་ཧཱུཾ་གི་འོད་ཟེར་ལས་བྱུང་བའི་བགེགས་ཀྱི་གཤེད་དང། བླ་མ་དང་སངས་རྒྱས་དང་བྱང་ཆུབ་སེམས་དཔའ་རྣམས་ལེགས ་པར་དམིགས་ལ། མེ་ཏོག་ལ་སོགས་པས་ཡང་དག་པར་མཆོད་ཅིང། ཕྱག་ཙལ་ཏེ་།གསུམ་ལ་སྐྱབས་སུ་འགྲོ་བ་ལ་སོགས་པ་བྱ་སྟེ། སྟོང་པ་ཉིད་བསྒོམ་པར་བྱ་བའོ། །ོཾ་སྟོང་པ་ཉིད་ཀྱི་ཡེ་ཤེས་ཀྱི་རྡོ་རྗེའི་བདག་ཉིད་ཀྱི་རང་བཞིན་ནི་ང་ཡིན་ནོ།། ་དེའི་རྗེས་ལ་ཡི་གེ་ཨོཾ་དམར་པོ་ལས་བྱུང་བའི་ཉི་མའི་དཀྱིལ་འཁོར་གྱི་སྟེང་དུ་ཡི་གེ་ཧཱུཾ་ངོ། །དེ་ཡོངས་སུ་གྱུར་པ་ལས། རྡོ་རྗེ་ཡི་གེ་ཧཱུཾ་གིས་བྱིན་གྱིས་བརླབས་པ་རྣམ་པར་བསྒོམ་པར་བྱ་བའོ། །ཡི་གེ་ཧཱུཾ་གི་འོད་ཟེར་གྱིས་བསྐུལ་བའི་དེ ་བཞིན་གཤེགས་པ་རྣམས་ཐམས་ཅད་ལེགས་པར་ཞུགས་པ་སྔོན་དུ་འགྲོ་བའི་དེ་དག་ཐམས་ཅད་ཡོངས་སུ་གྱུར་པ་ལས་བགེགས་མཐར་བྱེད་དུ་བདག་ཉིད་རྣམ་པར་བསམ་པར་བྱ་སྟེ། སྐུ་མདོག་མཐིང་ནག་གཡས་བསྐུམ ་པའི་ཞབས་ཀྱིས་གནས་པའི་ཞལ་གཅིག་ཕྱག་གཉིས་པ། གཡོན་པའི་ཕྱག་ནི་སྡིགས་མཛུབ་དང་བཅས་པའི་ཞགས་པ། གཡས་པའི་ཕྱག་ནི་རྡོ་རྗེ་གདེང་བ་དང། འཇིགས་སུ་རུང་བ་དང་སྐྲ་ཁམ་སེར་གྱེན་དུ་ཕྱོས་ས?་པར་རོ། །དེ་ནས་བཅོམ་ལྡན ་འདས་ཀྱི་ཐུགས་ཀར་ཉི་མའི་དཀྱིལ་འཁོར་ལ་ཡི་གེ་ཧཱུཾ་ཡོངས་སུ་གྱུར་པ་ལས་ཡི་གེ་ཧཱུཾ་གིས་བྱིན་གྱིས་བརླབས་པའི་རྡོ་རྗེའོ། །དེ་ལྟ་བུར་གྱུར་པའི་བགེགས་རྣམས་ཀྱི་གཤེད་པོ་སྐུ་སྤྲོ་པ་དང་བསྡུ་བ་དང་ལྡན་པ་པདྨ་འདབ་མ་སྣ་ཚོགས་པའི ་སྟེང་ན་ཉི་མ་ལ་བཞུགས་པ། དམ་ཚིག་ལ་སོགས་པ་ཆོ་ག་བཞིན་དུ་སྔོན་དུ་འགྲོ་བས་བསྒོམ་པར་བྱ་བའོ། །དེ་དག་རྣམས་ཐུན་ཆོད་གཉིས་དང། གསུམ་དང། བསྒོམ་པར་བྱ་བ་ཡིན་ནོ། །ོཾ་ཨཱ:བིགྷྣནྟ་ཀྲི་ཏ་ཧཱུཾ། བགེགས་མཐར་བྱེད་ཀྱི་སྒྲུབ ་ཐབས་སོ།། །།པཎྜི་ཏ་ཨ་ལས་དགེ་སློང་ཚུལ་ཁྲིམས་རྒྱལ་མཚན་གྱིས་བསྒྱུར་བའོ།། །།རྒྱ་གར་སྐད་དུ། བ་ལིཾ་བིདྷ། བོད་སྐད་དུ། གཏོར་མའི་ཆོ་ག། དབང་པོ་ལ་ཧྲཱི:གཤིན་རྗེ་ལ་ཥྚཱི:ཆུ་ལྷ་ལ་བི། ཀུ་བེ་ར ་ལ་ཀྲི། དབང་ལྡན་ལ་ཏཱ། མེ་ལྷ་ལ་ཨ། བདེན་བྲལ་ལ་ན། རླུང་ལྷ་ལ་ན། ཟླ་བ་ལ་ཧཱུཾ། ཉི་མ་ལ་ཧཱུཾ། ཚངས་པ་ལ་ཕཊ། ནོར་བདག་ལ་ཕཊ། སྣ་ཚོགས་གཤེས་གཉེན་ལ་སྭ། འབྱུང་པོ་རྣམས་ལ་ཧཱ། ཧི་ཧཱི་ཧཱུཾ་ཧཱུཾ་བཾ་ཕཾ་སྭཱཧཱ། གཏོར་མའི་སྔགས་སོ། ། ་གར་ཟ་བ་དེ་དག་ཐམས་ཅད་གཤིན་རྗེ་གཤེད་ལ་དབུལ་བར་བྱ་བའོ། །གཏོར་མའི་ཆོ་ག་ཨ་ལས་ཚུལ་ཁྲིམས་རྒྱལ་མཚན་གྱིས་བསྒྱུར་བའོ།། །།རྒྱ་གར་སྐད་དུ། བཛྲ་ཧཱུཾ་ཀྵ་ར་སྭཱ་དྷ་ནཾ། བོད་སྐད་དུ། རྡོ་རྗེ་ཧཱུཾ་མཛད་ཀྱི་སྒྲུབ་ཐབས ་སྔར་བཤད་པའི་ཆོ་གའི་རིམ་པས་ནམ་མཁའ་ཨི་དབྱིངས་སུ་ཡི་གེ་ར་ལས་བྱུང་བའི་ཉི་མ་ལ། ཡི་གེ་ཧཱུཾ་འབར་བའི་འོད་དབུང་བསྐལ་པའི་མེ་ལྟར་ཤིན་ཏུ་གདུག་པ་ཁ་དོག་ནག་པོ་གཟི་བརྗིད་ཆེན་པོས་འཁྲིགས་པའོ། །དེ་བྱུང་དྲག་པོ་ཆེན་པོ ་