Wylie

e-texts based on the ACIP/ALL Input

མེ་ལྟར་འོད་ཟེར་ནི། །འབར་བའི་ནང་དུ་འཇུག་པར་གྱུར་པའི་སྐུར། །བསྒོམ་པར་བྱ་བའི་ལྷ་མོ་རལ་གཅིག་མ། །སྤྲོ་བྱ་དེ་ནས་གསང་སྔགས་བཟླས་པ་བྱ། །སྔགས་ཀྱང་ནུས་བ་བསམ་གྱིས་མི་ཁྱབ་སྟེ། །ཡི་གེ ་བྱེད་དང་བཅས་པའི་བཞི་པོ་རྣམས། །འཇིག་རྟེན་བསྐྱོད་དང་དབང་བྱ་གཞུག་བྱ་དང། །སྐྲག་པར་བྱེད་པ་སངས་རྒྱས་རྣམས་ཀྱིས་གསུངས། །ཞབས་གཉིས་བརྐྱང་བསྐུམ་མཛད་པའི་རྩེ་ཡིས་ནི། །བསྒྲུབ་བྱའི་མགོ་ནས་ཞབས་གཉིས ་དག་གིས་གནོན། །པདྨའི་སྣོད་ནི་རྣམ་བསྒོམ་དེ་ལྟར་རིན། །རྣལ་འབྱོར་པ་ཡི་སྤྲོ་བས་སྔགས་བཟླས་སོ། །སྔགས་ཀྱང་ལྷ་མོ་ཡང་དག་སད་བྱེད་པའི། །གྲུབ་པ་ཉིད་ནི་བརྗོད་པར་བྱ་བ་ལས། །དང་པོས་མཛའ་ཡིན་ཏེ་མེ་ཡི་ཤིང། །རྟ་ལ་ཞིན ་པ་དབྱང?་ཡིག་ཨའི?་ཡིས་ཕིག། ཟླ་ཕྱེད་ཐིག་ལེ་ཕྱེད་པས་མགོ་བོ་ནི། །བརྒྱན་པར་གྱུར་པ་བཏུ་བར་བྱ་བ་ཡིན། །གཉིས་པ་ཡང་ནི་དེ་བཞིན་འོན་ཀྱང་ནི། །ཎ་མཛའ་ཨི་གཟུགས་ལ་གནན་པར་བྱ་བ་ཡིན། །ས་མཛའ་ཉིད་ནི་གསུམ་པ ་ཡང་ཡིན་ཏེ། །དབྱངས་ཡིག་དྲུག་པ་དང་ནི་ལྡན་པ་ལ། །མགོ་བོ་སྔར་བཞིན་དུ་ནི་མཛེས་པའོ། །བཞི་པ་ཕ་སྟེ་ཊའི་མཛའ་ཅན་ཡིན། །སྔགས་འདི་དག་ནི་སྔགས་པས་བཟླས་བྱ་སྟེ། །ཧྲཱི་ཏྲཾ་ཧཱུཾ་ཕཊ་བྱ་བ་འདྲ་བའོ། །འཕགས་མ ་རལ་གཅིག་མའི་སྒྲུབ་ཐབས་རྫོགས་སོ།། །།པཎྜི་ཏ་ཆེན་པོ་དཱ་དང་ཨ་ལས་དགེ་སློང་ཚུལ་ཁྲིམས་རྒྱལ་མཚན་གྱིས་བསྒྱུར་བའོ།། །།རྒྱ་གར་སྐད་དུ། ཨུཥྞི་ཥ་བི་ཛ་ཡཱ་སཱ་དྷ་ནཾ། བོད་སྐད་དུ། གཙུག ་ཏོར་རྣམ་པར་རྒྱལ་མའི་སྒྲུབ་ཐབས། གཙུག་ཏོར་རྣམ་པར་རྒྱལ་མ་ལ་ཕྱག་རྒྱ་ཚལ་ལོ། །སྔར་བཤད་པའི་རིམ་པས་ཟླ་བ་ལ་ཡི་གེ་བྷུཾ་དཀར་པོས་བསྐྱེད་པའི་བཅོམ་ལྡན་མ་དཀར་མོ་ཞལ་གསུམ་སྤྱན་གསུམ་མ། གཞོན་ནུ་མ་ལར་ཚོ་ལ་བབ? ་མ། །རྒྱན་ཐམས་ཅད་དང་ལྡན་པའི་ཕྱག་བརྒྱད་མ་བསམ་པར་བྱ་བའོ། །གཡས་པ་དང་ཅིག་ཤོས་ཀྱི་ཞལ་ནི་སེར་མོ་དང་ནག་མོའོ། །གཡས་ཀྱི་ཕྱག་བཞིན་ནི་སྣ་ཚོགས་རྡོ་རྗེ་དང། པདྨ་ལ་བཞུགས་བའི་སངས་རྒྱས་དང། མདའ་བསྣམས་པ་དང། ་མཆོད་སྦྱིན་པའི་ཕྱག་རྒྱའོ། །གཡོན་གྱི་ཕྱག་བཞིན་ནི་གཞུ་དང་སྡིཌ་མཛུབ་དང་ཞཌ་པ་དང། མི་འཇིགས་པ་སྤྱིན་པའི་ཕྱག་གིས་བུམ་པ་གང་བའོ། །མཆོད་རྟེན་གྱི་ནང་ན་བཞུགས་པ་སྟེ། དབུ་རྒྱན་ལ་རྣམ་པར་སྣང་མཛད་བཞུགས་པ་ངེས་པར་རྫོགས་པར་བྱས་ལ། རང ་གི་ས་བོན་ལ་པདྨ་ལ་གནས་པ་སྙིང་གར་བསྒོམ་པར་བྱ་བའོ། །དེའི་རྗེས་ལ་སྤྱི་བོ་དང་མགྲིན་པ་དང། དཔྲལ་བ་དང་ལྟེ་བ་དང། རྐང་པ་རྣམས་ལ་རིམ་པ་ཇི་ལྟ་བ་བཞིན་དུ་ཧཱཾ་ཏྲཱཾ་ཧྲཱི(རྒྱུད་འགྲེལ་སྔགས་བཟླས་པར་བྱ་བ་ནི། ཨོཾ་བྷྲུཾ་སྭཱཧཱ། གཙུག་ཏོར་རྣམ་པར་རྒྱལ་མའི་སྒྲུབ་ཐབས་སོ། ། བྷ་ཡའི་ཞལ་སྔ་ནས་དགེ་སློང་ཚུལ་ཁྲིམས་རྒྱལ་མཚན་གྱིས་བསྒྱུར་བའོ།། །།རྒྱ་གར་སྐད་དུ། ཨ་པ་རཱ་ཛི་ཏ་སཱ་དྷ་ནཾ། བོད་སྐད་དུ། ་གཞན་གྱིས་མི་ཐུབ་མའི་སྒྲུབ་ཐབས། སྔར་བཤད་པའི་ཆོ་གའི་རིམ་པས་སྙིང་གའི་ཟླ་བའི་དཀྱིལ་འཁོར་ལ་ཡི་གེ་ཨོཾ་དཀར་པོ་ལས་གྲུབ་པའི་བཅོམ་ལྡན་འདས་མ་གཞན་གྱིས་མི་ཐུབ་མ་དཀར་མོ་ཨ་ཏ་པ་ཏྲ་ཞལ་གསུམ་ཕྱག་དྲུག་མ ་སྟེ། ཞལ་རེ་རེ་སྤྱན་གསུམ་གསུམ་མ། དཀར་བ་དང་མཐིང་ནག་དང་སྐྱ་རེངས་ནི་གཡས་པ་དང་གཡོན་པའི་ཞལ་ལོ། །འཁོར་ལོ་དང་ལྕགས་ཀྱུ་དང་གཞུ་ནི་གཡས་པའི་ཕྱག་གསུམ་གྱིས་བསྣམས་པའོ། །རྡོ་རྗེ་དཀར་པོ་དང་མདའ་དང། ཞཌ ་པ་བསྣམས་ཤིང་སྡིགས་མཛུབ་མཛད་པ་ནི་གཡོན་པའི་ཕྱག་གོ། ཁྲོས་པའི་སྤྱན་གྱིས་གཟིགས་པ་དང་ལྡན་པ། གདོན་ཐམས་ཅད་བརླག་པར་མཛད་པ། ལྷ་རྫས་ཀྱི་རྒྱན་དང་ན་བཟའ་དང་ལྡན་པ། རྣམ་པར་སྣང་མཛད་གཙོ་བོར་གྱུར་ ་