Wylie

e-texts based on the ACIP/ALL Input

པའི་པཎྜི་ཏ་ཆེན་པོ་ཤཱཀྱ་རཀྵི་ཏ་ལ་སོགས་བའི་ཞལ་སྔ་ནས་ལེགས་པར་མཉན་ནས་དགེ་སློང་ཚུལ་ཁྲིམས་རྒྱལ་མཚན་གྱིས་དོགས་པ་དང་བྲལ་བར་བསྒྱུར་བའོ།། །།རྒྱ་གར་སྐད་དུ། བཱ་གཱི་སཱ་དྷ་ནཾ། ་བོད་སྐད་དུ། ངག་སྒྲུབ་པའི་ཐབས་ཞེས་བྱ་བ། གསུང་རྡོ་རྗེ་ལ་ཕྱག་འཚལ་ལོ། །སྔར་གྱིས་བཞིན་དུ་སྟོང་པ་ཉིད་རྣམ་པར་བསྒོམས་ལ། ཡི་གེ་བཾ་ལས་བྱུང་བའི་སྣ་ཚོགས་པདྨ་ཡི་གེ་ཨོཾ་ལས་བསྐྱེད་པའི་ཟླ་བའི་དཀྱིལ་འཁོར་རོ།། ་དེའི་སྟེང་དུ་ཡི་གེ་ཧྲཱི:དམར་པོ་ཡོངས་སུ་གྱུར་པ་ལས་བདག་ཉིད་སྣང་བ་མཛའ་ཡས་ཀྱི་སྐུར་བསྒོམ་པར་བྱ་སྟེ། མཉམ་གཞག་གི་ཕྱག་རྒྱ་དང་ལྡན་པ། ཐུགས་རྗེའི་མདོག་རྡོ་རྗེ་སྐྱིལ་མོ་ཀྲུང་གིས་བཞུགས་པའོ། །དེ་ནས་སྙིང་གར? ་ཟླ་བ་ལ་ཡི་གེ་ཧཱུཾ་ལས་བྱུང་བའི་རྡོ་རྗེ་སྔོན་པོ་རྩེ་ལྔ་བ་གྱེན་དུ་ལངས་པ་སྟེ། དེའི་དབུས་ཀྱི་རྩེ་མའི་སྟེང་དུ་ཡི་གེ་ཨཱ:དམར་པོ་བསྒོམ་པར་བྱ་བའོ། །ལྕེའི་རྩེ་མོ་ལ་ཡང་ཡི་གེ་ཧྲཱི:དམར་པོའོ། །འདི་ནི་དག་སྒྲུབ་པའི་ཐབས་སོ། །མཁས་པ ་དག་ལས་དགེ་སློང་ཚུལ་ཁྲིམས་རྒྱལ་མཚན་གྱིས་བསྒྱུར་བའོ།། །།རྒྱ་གར་སྐད་དུ། མཉྫུ་ཤྲཱི་སཱ་དྷ་ནཾ། བོད་སྐད་དུ། འཇམ་དཔལ་གྱི་སྒྲུབ་ཐབས། སྔར་བཞིན་དུ་སྡིག་པ་བཤགས་པ་ལ་སོགས་པའི་རྗེས་ཐོགས ་ལ་སྟོང་པ་ཉིད་ལེགས་པར་དམིགས་ཏེ། ཟླ་བ་ལ་གནས་པའི་ཡི་གེ་མཾ་གི་ས་བོན་ངེས་པར་རྫོགས་པ་ལས་འཕགས་པ་འཇམ་པའི་དབྱངས་ཏེ། སྐུ་མདོག་སེར་པོ་ཞལ་གཅིག་ཕྱག་གཉིས་པ་ཟུར་ཕུད་ལྔ་དང་ལྡན་པའི་གཞོན་ནུ ་རྒྱན་ཐམས་ཅད་ཀྱིས་བརྒྱན་ཅིང། ཕྱག་གཡོན་ན་ཨུཏཔ་ལ་བསྣམས་པ། ཕྱག་གཡས་པ་རོལ་པས་བསྐྱོད་པ། སེངྒེའི་ཁྲི་ལ་གནས་པའི་པདྨ་དང་ཟླ་བ་ལ་བཞུགས་པར་བདག་ཉིད་སྐད་ཅིག་གིས་བསྒོམ་པར་བྱ་བའོ།། ་དེ་ནས་སྙིམ་པ་བཅས་ལ་མཛུབ་མོ་གཉིས་དང་སྲིན་ལག་གཉིས་སེན་མོ་ལ་སྟེན་པར་བྱས་པ་ནི་ཨུཏཔ་ལ་ཁ་བྱེ་བའི་ཕྱག་རྒྱ་བྱ་བ་ཡིན་ནོ། །ོཾ་བཱ་གི་ཤྭ་རཱི་མུ:ཞེས་བྱ་བ་ནི་བཟླས་པའི་སྔགས་སོ། །རྒྱལ་པོ་ཆེན་པོ་བརྗིད་པ་ཞེས་བྱ་བའི་འཇམ་དཔལ ་གྱི་སྒྲུབ་ཐབས་སོ། །མཁས་པ་ལས་དགེ་སློང་ཚུལ་ཁྲིམས་རྒྱལ་མཚན་གྱིས་བསྒྱུར་བའོ།། །།རྒྱ་གར་སྐད་དུ། སིདྡྷི་ཀཱ་བི་ར་སཱ་དྷ་ནཾ། བོད་སྐད་དུ། དཔའ་པ་གཅིག་ཏུ་གྲུབ་པའི་སྒྲུབ་ཐབས། སྟོན་གྱི་ཟླ་ལྟར་གསལ་འབར་བའི།། ་དང་པོར་འཇམ་རྡོར་ཕྱག་འཚལ་ནས། །མདོར་བསྡུས་གསལ་བའི་མཆོག་གིས་ནི། །དེ་ཡི་སྒྲུབ་ཐབས་བདག་གིས་བཤད། །དང་པོར་རེ་ཤིག་སྔགས་པས་ཡིད་ཀྱི་རྗེས་སུ་མཐུན་པའི་ས་ཕྱོགས་གཙང་མར་བདེ་བའི་སྟན་གྱི་དབུས་སུ་གནས ་ལ། རང་གི་སྙིང་གར་ཡི་གེ་ཨ་ལས་ངེས་པར་བྱུང་བའི་ཟླ་བར་རལ་གྲི་དང་བའི་དེ་ཁོ་ན་ཉིད་མཾ་རྣམ་པར་དགོད་པར་བྱ་བའོ། །དེའི་འོད་ཟེར་གྱིས་ནམ་མཁའ་བཀང་བས་བཅོམ་ལྡན་འདས་དང། རྗེ་བཙུན་བླ་མ་ནམ་མཁའ་ལ་བལྟས་ཏེ། དེ་ནས ་བཅོམ་ལྡན་འདས་ཀྱི་མདུན་དུ་གནས་ལ། ཡིད་ཀྱི་རང་བཞིན་གྱི་མཆོད་པས་འཇམ་དཔལ་དང། བླ་མ་རྗེ་བཙུན་མཆོད་པར་བྱ་ཞིང་ཕྱག་འཚལ་ལོ། །དགེ་བ་འཕེལ་བར་བྱ་བའི་དོན་དུ་དེ་ནས། སྡིག་པ་བཤགས་པ་ཐམས་ཅད་ནི ་བདག་གིས་བཤགས་པར་བགྱིའོ། །བསོད་ནམས་ཐམས་ཅད་ལ་ནི་བདག་རྗེས་སུ་ཡི་རང་ངོ། །དེ་དག་ཀྱང་བླ་ན་མེད་པའི་སངས་རྒྱས་ཀྱི་བྱང་ཆུབ་ཏུ་བདག་གིས་ཡོངས་སུ་བསྔོ་བར་བགྱིའོ། །བྱང་ཆུབ་ཀྱི་བར་དུ་སངས་རྒྱས་དང། ཆོས་དང་དགེ ་འདུན་ལ་བདག་སྐྱབས་སུ་མཆིའོ། །བདག་གིས་བརྗོད་པའི་བྱང་ཆུབ་ཏུ་སེམས་བསྐྱེད་པར་བགྱི་བའོ། །དེ་ནས་བཅོམ་ལྡན་འདས་གཉུག་མའི་ས་བོན་དང་ལྷན་ཅིག་གྱུར་པར་བལྟས་ལ། ཁམས་གསུམ་པོ་ཐམས་ཅད་ཀྱི་འགྲོ་བ། ་