Wylie

e-texts based on the ACIP/ALL Input

མཁས་པ་རཏན་ཨ་ཀ་རའི་ཞལ་སྔ་ནས་དང་ཚུལ་ཁྲིམས་རྒྱལ་མཚན་གྱིས་བསྒྱུར་བའོ། །།*། །རྒྱ་གར་སྐད་དུ། ཧ་རི་ཧ་རི་ཧ་རི་བཱ་ཧ་སཱ་དྷ་ནི། བོད་སྐད་དུ། སེང་གེ་དང་བྱ་ཁྱུང་དང་ཁྱབ་འཇུག་ལ་བཞུགས་པའི་སྒྲུབ ་ཐབས། སྔར་བརྗོད་པའི་རིམ་པ་ཉིད་ཀྱིས་སྟོང་པ་ཉིད་བསྒོམས་པའི་རྗེས་ཐོགས་ལ། ཡི་གེ་ཧྲཱི:དཀར་པོ་ཡོངས་སུ་རྫོགས་པར་གྱུར་པ་ལས། སེངྒེ་དང་བྱ་ཁྱུང་དང་ཁྱབ་འཇུག་ལ་བཞུགས་པ་ལས་འབྱུང་བའི་བཅོམ་ལྡན་འདས་སྤྱན་རས་གཟིགས ་དབང་ཕྱུག་ཏུ་བདག་ཉིད་བསྒོམ་པར་བྱ་སྟེ། སྐུ་ཐམས་ཅད་དཀར་བ་རལ་པ་དང་དབུ་རྒྱན་དང་ལྡན་པ་ཞི་བའི་ཆ་བྱད་ཅན་ཕྱག་གཡས་པས་བཅོམ་ལྡན་འདས་དེ་བཞིན་གཤེགས་པ་དཔང་དུ་མཛད་པ། གཉིས ་པས་ཕྲེང་བ་བསྣམས་པ་གསུམ་པས་ཚུལ་ངན་པར་གནས་པའི་འཇིག་རྟེན་པ་རྣམས་སྟོན་པར་མཛད་དོ། །གཡོན་པས་དབྱུག་ཐོ་བསྣམས་པོ་གཉིས་པས་རི་དགས་ཀྲི་ཤྭཱི་པགས་པ་བསྣམས་པ། གསུམ་པས་རིལ་པ་སྤྱི་བླུགས་བསྣམས ་པའོ། །སེངྒེ་དང་བྱ་ཁྱུད་དང་ཁྱབ་འཇུག་གི་ཕྲག་པ་ན་གནས་པའོ། །ོཾ་ཧྲཱི:ཧཱུཾ་ཞེས་པའི་སྔགས་འདིས་བཟླས་པར་བྱ་བའོ། །སེངྒེ་དང་བྱ་ཁྱུང་དང་ཁྱབ་འཇུག་ལ་བཞུགས་པ་ལས་འབྱུང་བའི་སྒྲུབ་ཐབས་སོ། །དགེ་སློང་ཚུལ་ཁྲིམས་རྒྱལ ་མཚན་གྱིས་བསྒྱུར་བའོ།། །།རྒྱ་གར་སྐད་དུ། ཧ་རི་ཧ་རི་ཧ་རི་བཱ་ཧ་ན་སཱ་དྷ་ནི། བོད་སྐད་དུ། སེངྒེ་དང་བྱ་ཁྱུང་དང་ཁྱབ་འཇུག་ལ་བཞུགས་པའི་གྲུབ་ཐབས། དང་པོར་རེ་ཞིག་སྔགས་པས་བདེ་བའི་སྟན་ལ་གནས་ཏེ།། ་