Wylie

e-texts based on the ACIP/ALL Input

པར་བཤད་པ་བླ་མ་རྡོ་རྗེ་གདན་པས་མཛད་པ་རྫོགས་སོ།། །།པཎྜི་ཏ་ཆེན་པོ་དེ་ཉིད་དང། ལོ་ཙཱ་བ་དགེ་སློང་བ་རིས་བསྒྱུར་བའོ།། །།རྒྱ་གར་སྐད་དུ། སི་ཏཱ་ཏ་པ་ཏྲེ ་ཨ་པ་རཱ་ཛི་ཏ་ནཱ་མ་མཎྜལ་ལ་སཱ་དྷ་ནཾ། བོད་སྐད་དུ། གཞན་གྱི་མི་ཐུབ་པ་གདུགས་དཀར་མོ་ཅན་ཞེས་བྱ་བའི་དཀྱིལ་འཁོར་གྱི་སྒྲུབ་པའི་ཐབས་འཕགས་པ་གདུགས་དཀར་མོ་ཅན་ལ་ཕྱག་འཚལ་ལོ། །ཡོན་ཏན་ཀུན་གྱི་གཞིར་གྱུར་པ། །རྒྱལ་བཱི ་གཙུག་ཏོར་ལས་བྱུང་བ། །སྤྲུལ་པའི་རང་བཞིན་ལྷ་མོ་ནི། །སྐུ་མདོག་གངས་རི་ཉི་ཤར་འདྲ། །ཕྱག་སྟོང་སྤྱན་སྟོང་བརྒྱ་ཕྲག་སྟོང། །ལྷ་རྫས་གོས་ཀྱིས་ཡང་དག་བརྒྱན། །བཀྲ་ཤིས་ཆེ་བའི་ལྷ་མོ་ལ། །དེ་ལ་བསྟོད་དེ་སྒྲུབ་ཐབས་བྲི། ། ་ཀུན་ལ་ཕན་གདགས་རིམ་པ་ཡི། །གདུགས་དཀར་དཀྱིལ་འཁོར་རྣམས་གཉིས་ལས། །ཡིད་ཀྱི་རྣམ་པ་བཀོད་པ་ཡིས། །བཤད་ཀྱིས་ཉོན་མོངས་མ་དང་མིན། །ཡིད་དགའ་བ་ཡི་གནས་དག་ཏུ། །སྒྲུབ་པ་དམ་ཚིག་གྲོགས་བཅས་ཀྱིས།། ་ས་ཕྱོགས་དེར་ནི་བཤམ་པ་དང། །བསག་པ་དུམ་པ་ལ་སོགས་པ། །ནུབ་དང་སྦྱར་ཡིན་དེ་ལས་གཞན། །རིགས་དང་མི་རིགས་ཚོགས་པར་བྱ། །སྙིང་རྗེ་ཆེན་པོ་རབ་དམིགས་པས། །སེམས་བསྐྱེད་སྔོན་དུ་སོང་བ་ཡིས། །སྐད་ཅིག་སྐུ ་ཡིས་ཕྱོགས་དང་མཚམས། །བསྲུང་དང་སྔགས་དང་ཕྱག་རྒྱས་སོ། །སྙིང་གར་ཟླ་སྟེངས་ཡི་གེ་ཡི། །འོད་ཀྱི་དྲང་དང་སྤྲུལ་ནས་ནི། །བསོད་ནམས་ཚོགས་ནི་རྫོགས་པ་དང། །སྙན་ཚིག་བདག་གི་སྟོང་པ་དང། །ཕྱག་འཚལ་སྔོན་དུ་སོང་བ་ཡིS།། ་སེམས་བསྐྱེད་སྡོམ་པ་བཟུང་དབང་བསྐུར། །ལྷ་རྣམས་བསྡུས་པས་ལུས་བསྲེགས་ཏེ། །རང་བཞིན་ལུས་སུ་བལྟ་བར་བྱ། །གནས་སུ་ཨོཾ་བསམ་འགྲོ་བ་སྦྱང། །སངས་རྒྱས་མཛད་པ་རྫོགས་པ་དང། །འཁོར་ལོ་མ་ལུས་རྫོགས་པར་བྱ། །དཀར་མེ ་ཆེན་མོ་ཕྱག་སྟོང?་མ?། །དབུ་སྟེང་སྤྱན་དྲངས་བརྒྱ་ཕྲག་སྟོང། །ལྷ་ཡི་རྒྱན་དང་ཆས་རྫོགས་པ། །བཀྲ་ཤིས་ཆེའི་ལྷ་མོའོ། །ཕྱོགས་ནི་ཤར་ལྷོ་ནུབ་བྱང་དུ། །དྲག་ཤུལ་ཆེན་མོ་རབ་གཏུམ་མོ། །འབར་བ་ཆེན་མོ་སྟོབས་ཆེན་མོ། །བལྟ་དཀར་སེར་དང ་དམར་ལྗང?་ས?། །གཡས་གཡོན་མཐུན་པར་ཕྱག་རྒྱ་ནི། །རྡོ་རྗེ་ཁུ་ཚུར་དཀུར?་བརྟེན་དང། །བུམ་པ་བཟུང་བས་འགྱིང་བ་ཡི། །ཉི་ཟླ་གདན་བཞུགས་བསམ་པར་བྱ། །དེ་ཡི་དཀྱིལ་འཁོར་འཁོར་ལོ་ལ། །ཤར་ཕྱོགས་འཁོར་ལོ་རྣམ་བཞི་ལ། ། ་གོས་དཀར་པོ་དང་ཁྲོ་གཉེར་ཅན། །ཕྲེང་བའི་པདྨ་རྡོ་རྗེ་མ། །སོར་མོ་ཕྲེང་བ་ཨུཏཔ་ལའོ། །སྔོ་བསངས་ལྗང་གུ་དམར་མོའོ། །ལྷོ་ཡི་ཕྱོགས་ཀྱི་འཁོར་ལོར་ནི། །གཞན་གྱིས་མི་ཐུབ་སྒྲོག་ཅན་མ། །མཆོད་མོ་གཟི་བརྗིད་ཆེན་མོ་ནི། །དཀར་དང་སེར་ནག ་ལྗང་གུ་མ། །རྡོ་རྗེ་རིན་ཆེན་དབྱུག?་པ་སྟེ། །སྤོས་དང་རྡོ་རྗེ་ལུ་གུ་རྒྱུད། །ནུབ་ཏུ་སྟོབས་ཆེན་ལུ་གུ་རྒྱུད། །རྡོ་རྗེ་རིགས་འཛིན་རིགས་གསེར་འཕྲེང། །དམར་དང་སེར་དང་དཀར་ལྗང་མ། །རྡོ་རྗེ་དང་ནི་བགྲང་ཕྲེང་བསྣམས། །བྱང་དུ་རྡོ་རྗེ་རིན་ཆེན་མ། ་གཙུག་ཏོར་བསྒྱིངས་མ་གསེར་ཅན་མ། །དམར་མོ་དཀར་དང་ལྗང་གུ་སེར། །སྣ་ཚོགས་རྡོ་རྗེ་བགྲེང་ཕྲེང་ཅན། །སྒྲོལ་མ་དཀར་མོ་ནམ་མཁའ་ལ། །བསྒྱིངས་པ་སྐྱབས་སྦྱིན་བསམ་པར་བྱ། །པདྨའི་སྤྱན་ནི་འོད་དུ་བསམ། །དཀར་མོ་རྡོ་རྗེ་སྐྱིལ་ཀྲུང་པདྨ? ་ལྷ་མོ་འདི་དག་ཐམས་ཅད་ཀྱང། །ཡིད་ཙམ་ཁྲོས་ནས་གཙོལ་གཟིགས། །སྒོ?་མ་མཚམས་ཀྱི་ལྷ་མོ་ནི། །དཀྱིལ་འཁོར་ཀུན་ནས་རབ་ཏུ་གསལ། །ཤར་ལ་སོགས་པའི་ཕྱོགས་རྣམས་དང། །མི་ཡི་མཚམས་སུ་གནས་པར་བྱ། །ཐམས་ཅད་པ ་ནི་རྫོགས་པ་རུ། །བློ་དང་ལྡན་པས་བསྒོམ་པར་བྱ། །གཙོ་མོའི་ཐུགས་ཀར་ས་བོན་ལས། །དེ་ལྟ་བུ་ཉིད་བསྐྱེད་པ་ཡི། །ས་བོན་འོད་ཀྱིས་འགྲོ་བ་སྦྱངས། །དེ་བཞིན་གཤེགས་པ་མཆོད་པ་དང། །མཛད་པ་མ་ལུས་མཐར་ཕྱིན་བྱ། །ཡེ་ཤེས ་སེམས་དཔའ་སྤྱན་དྲངས་ལ། །མཉེས་དང་ཐ་དད་མེད་པར་བྱ། །ཡི་གེ་གསུམ་གྱིས་བྱིན་བརླབས་ཏེ། །མ་འདྲེས་རབ་བསལ་བསྒོམ་པར་བྱ། །གཙོ་མོ་ཆང་གིས་མཆོད་པ་དང། །ཕྱག་སོགས་རྫོགས་ནས་བྱ་བ་ནི། །འདོད་པ ་ཀུན་ལ་སྦྱར་བར་བྱ། །གལ་ཏེ་སློབ་མ་དབང་བསྐུར་ན། །སྔོན་བཞིན་དུ་ནི་བསྒོམ་པར་བྱ། །བུམ་པ་སྦྱང་བྱས་ཟླ་ལ་ཨོཾ། །སྤྲོ་བསྡུ་ལྷ་མོ་བསྐྱེད་པ་དང། །དགུག་པ་བྱས་ནས་མཆོད་སོགས་བྱ། །དེ་ནས་ལེགས་ལྡན་མཆོད་པ་དང། །བསྒོ་དང་ལས ་བཅོལ་དེ་ནས་ནི། །སྔོན་དུ་ལུང་དེ་བཀླག་པར་བྱ། །བདུན་ནམ་འབུམ་མམ་གྲངས་མེད་པའོ། །ལེགས་ལྡན་གཟུངས་ཀྱི་བསྟོད་པ་དང། །མཆོད་པས་བསྒོ་བ་ཐམས་ཅད་བྱེད། །ལྷ་མོ་འོད་ཞུ་བདུད་རྩི་ཡིས། །ཁྲུས་དང་བཀྲ་ཤིས་བརྗོད་པར་བྱའོ ་དབུས་བཞག་ཕྱོགས་རྣམས་བཅིངས་པ་དང། །སྐུད་པ་ལྔ་ཡི་དྲ་བ་ཡིས། །ཚོན་གྱིས་བཅད་དེ་དཀྲི་བ་དང། །རུས་པ་འམ་བོང་བ་རྡོ་བ་ལ། །དཀྲིས་ནས་གཏོར་ཏེ་བྱུར་བསལ་བྱ། །དེ་ནས་གཏོར་མ་བྱས་ནས་ནི། །བསྲུང་བ་ལུས་སམ་མགུལ་དུ་གདག? ་བཅིངས་པ་ལུས་ལས་དཀྲི་བ་དང། །ཕུར་བུ་བཏོན་ནས་གདབ་པར་བྱ། །གྲོ་གའམ་རས་སམ་ཤིང་ཤུན་ལ། །གུར་ཀུམ་དྲི་ཞིམ་འོན་བུ་ཡིས། །སྐར་མ་རྒྱལ་ལ་བབ་པ་ན། །སྔགས་པས་བྲི་བ་རྫོགས་ནས་ནི། །བཏགས་པ་ཙམ་གྱིས་བཤད་པ ་ཡི། །གནོད་པ་མ་ལུས་པ་ལས་ཐར། །དད་ལྡན་འདི་དུ་དབང་བསྐུར་བ། །བུ་འདོད་ཡི་དམ་བཅས་ཙམ་གྱིས། །རྙེད་དེ་ཚེ་དང་བསོད་ནམས་འཕེལ། །བདེ་བ་ཅན་དུ་ཉེ་བར་འགྲོ་།རྒྱལ་ལ་བྲི་བ་རྫོགས་ནས་ནི། །རྒྱལ་མཚན་རྩེལ་བཏགས་ནས་ནི།། ་རིམ་གྲོ་ཆེན་པོ་བཙུགས་བྱས་ན། །མི་ནད་ལ་སོགས་ཟློག་པར་བྱེད། །དེ་ནི་ཆར་འབབ་ནད་མེད་པ། །ཀླུ་རྣམས་ཀྱིས་ནི་བྱིན་གྱིས་རློབ། །འདི་དག་བྱ་བ་ཀུན་ལ་ནི། །མཆོད་དང་གཏོར་མས་ལེགས་ལྡན་མཆོད། །མཁས་པ་རྣམས་ཀྱིས་བརྗོད ་པ་དང། །དགེ་བས་སྐུ་གཉིས་རྫོགས་པར་ཤོག་།བཅོམ་ལྡན་འདས་ཀྱི་གཙུག་ཏོར་ནས་བྱུང་བའི་གདུགས་དཀར་མོ་ཅན་གྱི་ཆོ་གའི་རིམ་པ། སློབ་དཔོན་གྷི་རི་ཝ་ཏས་མཛད་པ་རྫོགས་སོ།། །།རྒྱ་གར་སྐད་དུ། ཨཱརྱ་སརྦ་ཏ ་