<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N2722: 'phags pa de bzhin gshegs pa'i gtsug tor nas byung ba'i gdugs dkar mo can gzhan gyi mi thub pa zhes bya ba'i nye bar bshad pa<br><table><tr><td>
<input type="button" onclick="location.href='tcompleteup.php?id=N2722&coll=TN&volcur=0';" value="show page break" />
<td width=150><td>
<input type="button" onclick="location.href='tcompleteul.php?id=N2722&coll=TN&volcur=0';" value="show line break" />

<td width=150><td>
<a href="tcomplete.php?coll=TN&id=N2722&volcur=0" style=font-size:25px;">Wylie</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">ཉེན་པའི་སེམས་ཅན་ལ། །སྡུག་བསྔལ་སེལ་བའི་སྐྱབས་སུ་ད་གྱུར་ཅིག་།འཕགས་པ་གདུགས་དཀར་ཅན་ལ་བསྟོད་པ་རྫོགས་སོ།། །།རྒྱ་གར་སྐད་དུ། ཨཱརྱ་ཏ་ཐཱ་ག་ཏོཥྞཱི་ཥ་སི་ཏཱ་ཏ་པ་ཏྲེ་ན་མ་ཨ་པ་རཱ་ཛི་ཏ
་ཨུ་པ་དེ་ཤ་།བོད་སྐད་དུ། འཕགས་པ་དེ་བཞིན་གཤེགས་པའི་གཙུག་ཏོར་ནས་བྱུང་པའི་གདུགས་དཀར་པོ་ཅན་གཞན་གྱིས་མི་ཐུབ་པ་ཞེས་བྱ་བའི་ཉེ་བར་བཤད་པ། བཅོམ་ལྡན་འདས་གདུགས་དཀར་པོ་ཅན་ལ་ཕྱག་འཚལ་ལོ། །སྙིང་རྗེ
་ཆེན་པོས་སེམས་བསྐྱེད་དེ། མཎྜལ་ལེགས་བར་བྱུགས་ཏེ་ཐིག་ལེ་དང་མེ་ཏོག་གི་ཚམ་བུ་བཀྲམ་ནས་སྤྱན་དྲངས་པ་དང། མཆོད་པ་སྔོན་དུ་འགྲོ་བས་ལེགས་པ་དང་ལྡན་པ་ལ་མཆོད་པ་དང་གཏོར་མ་སྦྱིན་པར་བྱའོ། །དེ་ནས་མཎྜལ་ལ་ཨ
་ལས་ཟླ་བ་ལ་ཨོཾ་བསམས་ལ། འོད་ཀྱིས་སྤྲོ་བ་དང། བསྡུ་བ་བྱས་པ་ལས་བཅོམ་ལྡན་འདས་མ་གདུགས་དཀར་མོ་ཞལ་གསུམ་མ། ཞལ་གསུམ་ལ་སྦྱན་གསུཾ་གསུཾ་ཡོད་པའོ། །སྔོ་བ་དང་དམར་བ་ནི་གཡོན་དང་གཡས་ཀྱི་ཞལ་ལའོ། །རྒྱུན་སྣ་ཚོགས་པS
་བརྒྱན་པ། ཕྱག་བརྒྱད་པ། གཡས་ཀྱི་དང་པོ་ན་གདུགས་དཀར་པོ། གཉིས་པན་འཁོར་ལོ། གསུམ་པ་ན་ལྕགས་ཀྱུའོ། །བཞི་བ་ན་གཞུའོ། །གཡོན་དང་པོ་ན་རྒྱལ་མཚན་འཛིན་པའོ། །གཉིས་པ་ན་རྡོ་རྗེ་དཀར་པོའོ། །གསུམ་པ་ན་མདའོ། །བཞི་པ་ན་ཞགས
་པ་དང་བཅས་པའི་སྡིགས་མཛུབ་ནི་གཡོན་ནའོ། །ཁྲོས་པའི་སྟངས་དང་བཅས་པས་མ་རུངས་པ་ཐམས་ཅད་འཇིགས་པར་བྱེད་པའོ། །འོད་ཟེར་ལྕགས་ཀྱུ་དང་འདྲ་བས་ཡེ་ཤེས་ཀྱི་སྟད་གུག་པ་གཞུག་པ་དང་བཅིང་བ་དབང་དུ་བྱའོ། །དབང་དུ་བསྐུར་བ་ལ་པཻ
་རོ་ཙ་ནའོ། །ཕྱག་དང་མཆོད་པ་བྱས་ནས་མངོན་དུ་བྱས་ཏེ་དམིགས་པ་བཅུ་བཞིས་བཀླག་པར་བྱའོ། །ལེགས་པ་དང་ལྡན་པ་ལ་གཟུངས་ཀྱི་བསྟོད་པ་བྱའོ། །ཡང་ན་མདུན་དུ་དམིགས་ཏེ་བསྟན་པ་ལྟར་ཀུན་ཡིད་ཀྱིས་བྱ་བ་ཡིན་ནོ། །དམིགས་པ་བཅུ་བཞི
་ནི་ཕྱག་གི་དམིགས་པ་དང། ཐམས་ཅད་བཟློག་པ་དང། རི་ཁྲོད་ལོ་མ་ཅན་ཉི་ཤུ་རྩ་གཉིས་དང། བདག་བསྲུང་བ་དང་བཅོམ་ལྡན་འདས་མའི་ཆེ་བ་དང། འཇིགས་པ་བརྒྱད་བཟློག་པ་དང། གདོན་ཆེན་པོ་ཉི་ཤུ་རྩ་བཞི་བཟློག་པ་དང། རིག་སྔགས་བཅོད?
་པ་དང། མ་མོ་བརྒྱད་དང། དམ་ཚིག་ཅན་བཅུ་བཞིའི་སྔགས་དང། ཐམས་ཅད་བཟློག་པ་དང། ནད་ཐམས་ཅད་བསྲུང་བ་དང། ཐམས་ཅད་བཟློག་པ་དང། ལུས་ལ་གདགས་པ་དང། འདི་དང་ཕྱི་མར་ཕུན་སུམ་ཚོགས་པ་དང། བུ་སྲིད་དང་གཡུལ་ཞི་པ
་དང། ཁྱད་པར་དུ་བདག་བསྲུང་བ་དང། ཆར་དབབ་པའོ། །གཤེགས་པ་དང་བསྡུ་བ་བྱས་ཏེ། ཇི་ལྟར་བདེ་བར་གནས་པར་བྱའོ། །འཕགས་ཨིཔ་དེ་བཞིན་གཤེགས་པའི་གཙུག་ཏོར་ནས་བྱུང་བའི་གདུགས་དཀར་པོ་ཅན་གཞན་གྱིས་མི་ཐུབ་པ་ཞེས་བྱ་བའི་ཉེ
་པར་བཤད་པ་བླ་མ་རྡོ་རྗེ་གདན་པས་མཛད་པ་རྫོགས་སོ།། །།པཎྜི་ཏ་ཆེན་པོ་དེ་ཉིད་དང། ལོ་ཙཱ་བ་དགེ་སློང་བ་རིས་བསྒྱུར་བའོ།། །།རྒྱ་གར་སྐད་དུ། སི་ཏཱ་ཏ་པ་ཏྲེ
་