Wylie

e-texts based on the ACIP/ALL Input

མ་བྱིན་ཏེ་གསོལ་བ་གདབ་བོ། །དེ་ནས་བསྒྲུབ་བྱ་གདུགས་དཀར་མོའི་སྤྱན་སྔར་ཕྱག་འཚལ་བ་དང། མཆོད་པ་དང། སྐོར་བ་ཐུན་བཞིར་བྱ་ཞིང། གདོན་གྱི་ཚོགས་རྣམས་ལ་གཏོར་མ་བྱིན་ཏེ་གསོལ་བ་གདབ་བོ། །ཁྱད་པར ་དུ་རིམས་ཀྱི་འབྱུང་པོ་ལ་ཡང་གཏོར་མ་བྱིན་ཏེ་གསོལ་བ་གདབ་པར་བྱའོ། །ཆོ་ག་དེ་ལྟ་བུ་དང་ལྡན་པས་ཐུན་བཞིར་གཟུངས་གདོན་པར་བྱའོ། །ཐ་མར་ཡང་འཕགས་པ་ལ་མཆོད་པ་དང་སྲུང་མའི་ཚོགས་ལ་གཏོར་མ་རྒྱ་ཆེན་པོ་སྦྱིན་ནོ། །རིམས ་བསྲུང་བའི་ཆོ་ག་རྫོགས་སོ།། །།ལྷ་མོ་གདུགས་དཀར་མོ་ཅན་ལ་ཕྱག་འཚལ་ལོ། །ཕྱུགས་ནད་བསྲུང་བར་འདོད་པས། དང་པོར་གོར་གྱི་འབྱུང་པོ་ལ་མཆོད་པ་དང་གཏོར་མས་ཚིམས་པར་བྱ་སྟེ། དེ་ནས་བསྒྲུབ་བྱ་རྣམS ་ལ་ཐམས་ཅད་འཇོམས་པར་བྱེད་པའི་སྔགས་ཀྱིས་བགེགས་བསྐྲད་ཅིང་གཟིར་བ་དང། བསྲུང་བའི་འཁོར་ལོ་བཏགས་ཏེ་ཁྲུས་བྱ་བ་དང། འཕགས་པ་གདུགས་དཀར་པོ་ཅན་བསྒོམ་པའི་རྣལ་འབྱོར་པས་མཐར་མཆོད་བསྟོད་བྱས་ཏེ། གོང ་ཞི་བའི་གསོལ་བ་གདབ་པ་དང། ཚངས་པ་ལ་སོགས་པས་མཆོད་པ་དང་གཏོར་མས་ཚིམ་པར་བྱས་ཏེ་གསོལ་བ་གདབ་པར་བྱའོ། །དེ་ཡང་བར་སྐབས་སུ་གདུགས་དཀར་མོ་དང་བསྲུང་མའི་ཚོགས་ལ་གསོལ་བ་གདབ་ཅིང་?་པ་སྒྱུར ་ཏེ་བསྲུང་བར་བྱའོ། །ཁྱད་པར་དུ་གོར་གྱི་འབྱུང་པོ་ལ་འབྱུང་གཏོར་གྱིས་མཉེས་པར་བྱའོ། །དེ་ལྟར་ཐུན་བཞིའི་སྦྱོར་བས་རྟག་ཏུ་བསྒོམས་པས་མཐར་ཕྱིན་པ་དང། འཇིག་རྟེན་པ་དང། འཇིག་རྟེན་ལས་འདས་པས་མཆོད་བསྟོད་བྱས་ཏེ། ཕྱུཌ ་དེ་རྣམས་གནས་དབེན་པར་གནས་པར་བྱའོ། །དེ་ལྟ་བུས་ནི་གོར་ཐམས་ཅད་ཞི་བར་འགྱུར་རོ། །གོར་བསྲུང་བའི་ཆོ་ག་སློབ་དཔོན་ཙནྡྲ་གོ་མིས་མཛད་པ་རྫོགས་སོ། །།རྣལ་འབྱོར་པ་ཞི་བའི་སྦྱིན་སྲེག་བྱེད ་པར་འདོད་པས། དང་པོར་ས་གཞི་ཤིན་ཏུ་ཁ་དོག་དཀར་བ་དག་པ་ལ་ཐབ་ཁུང་ཟླུམ་པོ་རྒྱར་ཁྲུ་གང་ཟབས་སུ་ཁྲུ་བྱེད་པ། ཁ་ཁྱེར་སོར་བཞི་པ་དང་ལྡན་པར་བྱ་སྟེ། དེ་ལ་དྲི་དཀར་པོས་བྱུག་པ་དང། མེ་ཏོག་དཀར་པོ་གཏོར་བར་བྱའོ། །དེ་ཡང་དབུས་སུ་པདྨའི་སྟེང ་དུ་རྡོ་རྗེས་མཚན་བ་བྲིས་ཏེ། ཁ་ཁྱེར་ཡང་རྡོ་རྗེས་བསྐོར་བར་བྱའོ། །དེ་ནས་ཐབ་ཏུ་བུད་ཤིང་བརྩིགས་པ་དང། མཆོད་པ་དང་གཏོར་མ་བཤམས་ཏེ། ཞི་བའི་རྫས་ཏིལ་དང་མར་དང། ཀུ་ཤ་དང་དུར་བ་དང། ནས་དང་གྲོ་དང་དཀར་གསུམ་མངར? ་གསུམ་ལ་སོགས་པ་བསགས་ཏེ་རང་ཉིད་ཁྲུས་བྱས་ཏེ། གོས་གཙང་མ་བགོས་ནས། སྟན་བདེ་བ་ལ་པདྨའི་འདུག་སྟངས་སམ། རྡོ་རྗེའི་སྐྱིལ་མོ་ཀྲུང་གིས་ཁ་ཤར་དུ་བལྟས་ཏེ་གནས་པར་བྱའོ། །དེ་ནས་རང་ཉིད་སྒྲུབ་ཐབས་ལས་འབྱུང་བ་ལྟར་ལྷའི ་རྣལ་འབྱོར་བྱས་ཏེ། དེ་ནས་མཧཱ་ཤུ་ནྱཱ?་ཏཱ་ཛྙཱ?་ནས། ཐབ་དང་རྫས་རྣམས་སྟོང་པར་བྱས་ཏེ། རཾ་ལས་ཐབ་ཁུང་འབར་བའི་གཞལ་ཡས་ཁང་དུ་བསམས་ཏེ། དེའི་དབུས་སུ་སེངྒེ་ཉི་མ་པདྨའི་སྟེང་དུ། སྔར་བཞིན་དུ་ཆོ་གའི་ཡན་ལག་གསུམ་གྱིས་གདུགས ་དཀར་མོ་ཅན་འཁོར་དང་བཅས་པ་བསྐྱེད་པར་བྱའོ། །དེ་ནས་མཆོད་པ་བསང་ཞིང་བྱིན་གྱིས་བརླབས་ནས་མདུན་དུ་ཡེ་ཤེས་ཀྱི་འཁོར་ལོ་སྤྱན་དྲངས་ཏེ། མཆོད་པ་དང་བསྟོད་པ་བྱས་ལ། སྲེག་རྫས་རྣམས་གདུགས་དཀར་མོའི་སྙིང་པོས་བསྲེག་པར་བྱའོ ་རྫས་དེ་རྣམས་རེ་རེ་ལ་ཡང་བདུན་ནས་ཉི་ཤུ་རྩ་གཅིག་ཏུ་འཁོར་དང་བཅས་པ་རྣམས་ལ་འབུལ་ལོ། །མཐར་ཡང་མཆོད་པས་མཉེས་ཤིང་ཚིམ་པར་བྱས་ནས་བཟོད་པར་གསོལ་ཏེ་དགེ་རྩར་བསྡོས་ནས་ཡེ་ཤེས་ཀྱི་ལྷ་གཤེགས་སུ་གསོལ་ལ། དམ་ཚིག ་པ་རང་ལ་བསྡུའོ། །དེ་ལྟ་བུའི་ཞི་བའི་ཆོ་ག་ཡང་ནད་དང་གདོན་ལ་སོགས་པ་ཞི་བར་གྱུར་པ་དེ་སྲིད་ཀྱི་བར་དུ་བདུན་ནམ་ཉི་ཤུ་རྩ་གཅིག་གི་བར་དུ་བྱའོ། །ཞི་བའི་སྦྱིན་སྲེག་སློབ་དཔོན་ཙནྡྲ་གོ་མིའི་གླིང་པས་མཛད་པ་རྫོགས་སོ།། །། ་