Wylie

e-texts based on the ACIP/ALL Input

རྒྱ་གར་སྐད་དུ། ཨཱརྱ?་ཏ་ཐཱ་ག་ཏོཥྞཱི་ཥ་སི་ཏཱ་ཏ་བ་ཏྲེ་ན་མ?་དྷ་ར་ཎི་བི་དྷི་ནཱ་མ(རྒྱུད་འགྲེལ་མོ་ཅན་ལ་ཕྱག་འཚལ་ལོ། །རྣལ་འབྱོར་ནུས་པ་ཆུང་གྱུར་ཅིང། །བསྡུས་པ་ལ་མོས་སེམས་ཅན་ལ། །ཙནྡྲ་བདག་གིས་ལེགས་བསྡུས་ཏེ། །གཟུངས་ཀྱི་ཆོ་ག་དགོད་པར་བྱ། །དང་པོར་སྔགས་པ་དམ་ཚིག་ལྡན། །བྱང་ཆུབ་སེམས ་ལྡན་རབ་སྦྱངས་ཏེ། །ཆོ་ག་བསྡུས་རྒྱས་མཁས་པ་ཡིས། །མཎྜལ་ཆག་ཆག་བཏབ་སྟེངས་སུ། །དྲི་ཡི་བྱུག་པ་ལེགས་བསྒོས་ཏེ། །དང་པོར་དབུས་སུ་པདྨ་ནི། །འདབ་བརྒྱད་གེ་སར་བཅས་པ་བྲི། །དེ་ཡི་ཕྱིར་ནི་བཅུ་དྲུག་པ། །བྲིས་ཏེ་སྒོ་ནི་གཅིག་པ ་བྱ། །དེ་དབུས་རིན་ཆེན་ཁྲི་སྟེབས་སུ། །པུཾ་པ་མཚན་ཉིད་ལྡན་པ་གཞག་།རྒྱན་དང་དྲི་ཡིས་ཆུས་གང་བྱའོ། །དེ་ནས་མཆོད་དང་གཏོར་མ་བཤམ། །དང་པོ་བྱང་ཆུབ་སེམས་བསྐྱེད་ལ། །བདུན་བོ་རྣམ་པར་དག་པ་ཡི། །སྔོན་འགྲོས་ལྷ་མོ་བསྐྱེད་པར ་བྱའོ། །དེ་ནས་བཟླས་དང་གཏོར་མ་དང། །མཆོད་དང་བསྟོད་པ་ལ་སོགས་བྱ། །བུམ་པ་མི་དམིགས་བྲུཾ་ལས་ནི། །རིན་ཆེན་ལས་གྲུབ་གཞལ་ཡས་ཁང། །དཀྱིལ་འཁོར་ཆོ་ག་ནས་གསུངས་པ། །རིམ་པས་བསྐྱེད་པ་རྫོགས་པར་བྱ། །བྱིན ་བརླབས་ཡེ་ཤེས་སྤྱན་དྲངས་དབང། །དེ་རྗེས་མཆོད་པས་མཆོད་པར་བྱ། །བསྟོད་དང་གསོལ་གདབ་བཟླས་པ་བྱ། །ཕར་འཕྲོས་འོད་ཀྱིས་ལྷ་མཆོད་ལ། །ཚུར་འདུས་བདག་གི་སྡིག་པ་དག་།ངོ་བོ་ཆུ་ལ་རྣམ་པ་ལྷ། །ཡང་ན་བཟློག་པའི་རྣམ་པར་བྱ། ་དེ་ནས་ལེགས་ལྡན་ཆེན་པོ་ལ། །གཏོར་མ་རྒྱས་པར་བྱིན་ནས་ནི། །སློབ་མ་ཁྲུས་བྱས་སྟན་ལ་འདུག་།ཐུན་མོང་ཁྱད་པར་སྡོམ་པ་ཀུན། །ཕོག་ལ་ལྷ་ལ་མཆོད་བསྟོད་བྱ། །དེ་ནས་ཐམས་ཅད་འཇོམས་པ་ཡི། །སྔགས་ཀྱིས་སློབ་མ་བསྲུང ་བསྐྲད་ལ། །དེ་ནས་བུམ་པའི་ཆུ་ཡིས་ནི། །སློབ་མའི་མགོ་ནས་བླུགས་པ་དང། །བཀྲ་ཤིས་ཚིགས་བཅད་བརྗོད་པར་བྱ། །སྡིག་སྒྲིབ་དག་སྟེ་རང་གི་ནི། །རིགས་ཀྱིས་དབུ་ལ་བརྒྱན་པར་བྱ། །དེ་ནས་མེ་ཏོག་མཆོད་པ་དང། །དབུ་རྒྱན་ལ་སོག་བྱས ་དེ་ནས། །རང་གི་འདོད་དོན་གསོལ་བ་གདབ། །བླ་མ་ལ་ནི་ཡོན་ཕུལ་ལ། །རང་གི་དམ་ཚིག་བརྗོད་པར་བྱ། །བླ་མས་དཀྱིལ་འཁོར་ལ་བསྲུང་བའི། །དམ་ཚིག་རྒྱས་པར་བསྒྲགས་ནས་ནི། །བྱུར་བསལ་ལ་སོགས་རྫོགས་པར་བྱ། །དེ་ནས་བསྲུང་བའི་ཁོར ་ལོ་ཡང་།ཆོ་ག་ལྟར་བྲིས་གདགས་པར་བྱ། །མདོར་བསྡུས་མཎྜལ་འདབ་བརྒྱད་པ། །བྱས་ཏེ་གོང་ལྟར་ཆོ་ག་བྱ། །ཤིན་ཏུ་བསྡུས་ལ་བུམ་པར་ནི། །ལྷ་མོ་ཉིད་སྐུ་རྫོགས་པར་ནི། །བྱས་ཏེ་སྨོན་ལམ་ལ་སོགས་བྱ། །དེ་ནས་ཁྲུས་སོགས་རྒྱས་པར་བྱ།? ་དེས་ནི་ཕྱི་ནང་གནོད་པ་དང། །སྡིག་པའི་ཆོགས་རྣམས་མ་ལུས་པ། །ཐམས་ཅད་ཞི་བར་འགྱུར་བ་ཡིན། །གཞན་ཡང་ལས་ཚོགས་མ་ལུས་པ། །ཀུན་ཀྱང་དེ་ལས་འགྲུབ་པར་འགྱུར། །འཕགས་པ་དེ་བཞིན་གཤེགས་པའི་གཙུག་ཏོར་ནས་བྱུང་བའི ་གདུགས་དཀར་མོ་ཅན་གྱི་ངོ?་གའི་མན་ངག་སློབ་དཔོན་ཙནྡྲ་གོ་མིས་མཛད་པ་རྫོགས་སོ།། །།བླ་མ་ཟངས་དཀར་ལོ་ཙ་བས་བསྒྱུར་བའོ།། །།ལྷ་མོ་གདུགས་དཀར་པོ་ཅན་ལ ་