Wylie

e-texts based on the ACIP/ALL Input

སློབ་དཔོན་ཙནྡྲ་གོ་མས་མཛད་པ་རྫོགས་སོ།། །།དེ་ལ་རང་ངམ་གཞན་ལ་བསྲུང་བར་འདོད་པས། དང་པོར་གྲོ་ག་འམ་རས་སམ་ཤིང་ཤུན་ལ། གུར་ཀུམ་གྱིས་རིམ་པ་བཞིར་གནས་པར་བསྐོར་ཏེ་དབུས་སུ་འཁོར་ལོ་རྩིབས ་བརྒྱད་བ་བཀོད་པའི་ལྟེ་བ་ལ་བསྲུང་བར་བྱ་བའི་མིང་བསྲུང་ཚིག་དང་བཅས་པ་བྲིས་ཏེ། རྩིབས་བརྒྱད་པོ་དག་ལ་ནི། ཨོཾ་རི་ཥི་གན་ནས་ཨཥྚ་ན་མའི་བར་དུ་སོ་སོར་བྲིས་ཏེ། ཡང་བསྲུང་བའི་ཚོགས་དང་བཅས་པར་རོ། །གཉིས་པ་ལ་ནི ་ཏདྱ་ཐཱ། ཨོཾ་ནས་ཧཱུཾ་བན་བྷའི་བར་དུ་སྡེ་ཚན་བརྒྱད་དུ་དགོད་པར་བྱའོ། །རིམ་པ་གསུམ་པར་ནི་ཞི་བར་བྱེད་པའི་རིག་སྔགས། ཏདྱ་ཐཱ། ཧཱུཾ་ནས་མ་མའི་བར་དུ་དགོད་པར་བྱའོ། །རིམ་པ་བཞི་བར་ནི། ཐམས་ཅད་འཇོམས་པའི་རིག་སྔགས་ཨོཾ་ཨ་སི་ཏཱ་ན ་ལཱརྐ་ནས་བི་ས་ན་ཡའི་བར་དུ་བསྲུང་པའི་ཚིག་དང་བཅས་པར་དགོད་པར་བྱའོ། །དེ་ལྟར་བྲིས་པ་དེ་བུམ་པ་འམ་མཎྜལ་སྟེང་དུ་བཞག་ནས། བདག་ཉིད་ལྟའི་རྣལ་འབྱོར་རྡོགས་པར་བྱ་སྟེ། འཁོར་ལོའི་དབུས་ཀྱི་ཡི་གེ་ལས་འཕགས་པ་གདུགས ་དཀར་མོ་ཅན་འཁོར་བཅས་བསྐྱེད་པར་བྱའོ། །དེ་ནས་མདུན་དུ་གཞལ་ཡས་ཁང་བསམས་ཏེ། ཡེ་ཤེས་ཀྱི་ལྷ་ཆོགས་སྤྱན་དྲངས་མཆོད་པ་བྱ་སྟེ། གཟུངས་ནས་འབྱུང་བས་གསོལ་བ་བཏབ་ལ། བཟླས་པ་བརྒྱ་འམ་སྟོང་དམ་ཅི་ཙམ་འཚམ་པར ་བྱའོ། །དེ་ནས་འཁོར་ལ་ཡང་མཆོད་ཅིང་ཚངས་པ་དང་དབང་པོ་དང་ཉེ་དབང་དང་ལེགས་ལྡན་ལ་སོགས་པ་ལ་གཏོར་མ་ཕུལ་ཏེ། གསོལ་བ་བཏབ་ནས་རང་དམ་གཞན་སྐྱེས་པ་འམ་བུད་མེད་ཕྱག་འཚལ་ཞིང་སྐྱབས་སུ་འགྲོ་བ་བྱས་ནས། ཡུངས ་ཀར་དང་བཅས་པས་ལུས་སམ་མགུལ་དུ་བཏགས་ན་མེས་མི་ཚུགས་པ་ལ་སོགས་པའི་ཡོན་ཏན་དང་ལྡན་ནོ། །སློབ་དཔོན་ཙནྡྲ་གོ་མིས་མཛད་པའི་བསྲུང་པའི་འཁོར་ལོ་རྫོགས་སོ།། །།བདག ་