Wylie

e-texts based on the ACIP/ALL Input

ཕྱག་འཚལ་ལོ། །ཡིད་དང་རྗེས་སུ་མཐུན་པའི་གནས་གང་ཡང་རུང་བར་བདེ་བའི་སྟན་ལ་འདུག་ཅིང། རང་གི་སྙིང་གར་པདྨ་འདབ་མ་བརྒྱད་ཀྱི་སྟེང་དུ་ཉི་མའི་དཀྱིལ་འཁོར་ལ་ཧཱུཾ་ནག་པོ་རྣམ་པར་སམས་ཏེ། དེའི་འོད་ཟེར་གྱིས ་ནམ་མཁའ་ཨི་ཕྱོགས་སུ་བླ་མ་དང་སངས་རྒྱས་དང། བྱང་ཆུབ་སེམས་དཔའ་རྣམས་དང། འཆད་པར་འགྱུར་བའི་ཁྲོ་ཆེན་གཏུམ་པོ་འགུགས་ཤིང་ཡང་དག་པར་མཆོད་ཅིང། སྡིག་པ་བཤགས་པ་དང། ཕྱིས་མི་བྱེད་པར་སྡོམ་པ་དང། གསུམ་ལ ་སྐྱབས་སུ་འགྲོ་བ་དང། བསོད་ནམས་ལ་རྗེས་སུ་ཡི་རང་བ་དང། བདག་དབུལ་བ་དང། བྱང་ཆུབ་ཏུ་སེམས་བསྐྱེད་པ་ལ་སོགས་པ་དང། བྱམས་པ་དང། སྙིང་རྗེ་དང། དགའ་བ་དང། བཏང་སྙོམས་དང། ཚངས་པའི་གནས་བཞི་བསྒོམས་ལ། འགྲོ་བ ་དངོས་མེད་ཀྱི་རང་བཞིན་གཟུང་བ་དང། འཛིན་པ་རྣམ་པར་གྲོལ་བ། སྒྱུ་མ་དང། རྨི་ལམ་ལྟ་བུར་རྟོགས་ཤིང་སྟོང་པ་ཉིད་བསྒོམ་པར་བྱའོ། །ོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོ་ཧཾ་ཞེས་སོ། །དེའི་རྗེས་ལ་ནམ་མཁའ་འདྲི་མ་མེད་པའི་ཕྱོགས་སུ་པདྨ་འདབ་མ ་བརྒྱད་ཀྱི་སྟེང་དུ་ཉི་མའི་དཀྱིལ་འཁོར་ལ་ཧཱུཾ་ནག་པོ་ལས་སྐྱེས་ཤིང། ཡུ་བ་ལ་ཧཱུཾ་གིས་མཚན་པའི་རལ་གྲི་དེའི་འོད་ཟེར་རྣམས་ཀྱིས་དེ་བཞིན་གཤེགས་པའི་ཚོགས་མ་ལུས་པ་བཀུག་ཅིང་རབ་ཏུ་བཞུགས་སོ། །དེ་ནས་ཧཱུཾ་ལས་བྱུང་བ་བསྐལ་པ་དཔག ་ཏུ་མེད་པའི་མེ་འབར་བའི་ཕྲེང་བ་ཅན། བདུད་གདུལ་བར་དཀའ་བ་ནམ་པར་འདུལ་བར་བྱེད་པ་སྤྲིན་སྔོན་པོ་ཆེན་པོ་ལྟ་བུའི་ལུས་ཅན་རིན་པོ་ཆེ་སྣ་ཚོགས་ཀྱི་རྒྱན་གྱིས་བརྒྱན་པ། རིན་པོ་ཆེས་སྤྲས་པའི་ཅོད་པན་གྱིས་གཙུག་ཕུད་ལྔས་གསལ་བར་བྱས ་ལ། གཞོན་ནུ་མ་བསྡིགས་པ་རོལ་པར་གྱུར་པའི་མེ་ཏོག་ཀུན་ད་ལྟ་བུའི་ཡ་སོས་མ་མཆུ་མནན་པས་གདུག་པ་ལ་བསྡིགས་པ་དང། འཇིགས་སུ་རུང་བའི་གཟུགས་ཀྱི་དཔལ་དང་ལྡན་པ། ཁྲོ་གཉེར་དང། མཐོ་བ་ལྟ་བུ། སྤྱན་གཉིས་ཀྱིས་ཅིག་ཅར་ས་བླ ་དང། ས་འོག་འཇིགས་པར་བྱེད་པའི་སའི་དཀྱིལ་འཁོར་ལ་གཡས་པའི་པུས་མོས་མནན་པ། སྣ་ཚོགས་པདྨ་ལ་གནས་པའི་ཉི་མའི་གདན་ལ་འདུག་པའི་ཞབས་གཡོན་པས་བཞེངས་པར་འདོད་པ། ཕྱག་གཡས་པས་དཀྱིལ་དུ་ཧཱུཾ་གིས་མཚན་པའི་རལ་གྲི་སྔོན་པོ་འབར ་བ་བསྣམས་པ། གཡོན་པས་སྡིགས་མཛུབ་ཀྱིས་བསྡིགས་པར་བྱས་པའི་ཁྱབ་འཇུག་དང། འཕྲོག་བྱེད་དང། གསེར་གྱི་སྙིང་པོ་ལ་སོགས་པ་དང། ཉོན་མོངས་ཀྱི་ཚོགས་ཀྱི་དགྲ་དཔག་ཏུ་མེད་པ་འཁྲུགས་པ་བཅིངས་པ་ལ་རྡོ་རྗེས་མཚན་པའི་གསེར་གྱི་ཞགས ་པ་བསྣམས་པ། འགྲོ་བའི་འདོད་པ་མཛའ་ཡས་པ་ཕུན་སུམ་ཚོགས་པ་སྦྱིན་པ་ལ་རོ་གཅིག་པ་དཔལ་ལྡན་ཁྲོ་ཆེན་གཏུམ་པོ་བསྒོམ་པར་བྱའོ། །བཅོམ་ལྡན་འདས་ཁྲོ་ཆེན་རྒྱལ་པོ་མི་གཡོ་བའི་སྙིང་གར་པདྨ་དང་ཉི་མ་ལ་གནས་པའི་ཧཱུཾ་ལས་བྱུང་ཞིང་དཀྱིལ་དུ་ཧཱུཾ ་གིས་མཚན་པའི་རལ་གྲི་ཡོངས་སུ་གྱུར་པས་ཁྲོ་ཆེན་གཏུམ་པོ་གཉིས་པ་སྙིང་གི་ནང་ན་གནས་པ་བསམ་པར་བྱའོ། །ཡང་དེའི་སྙིང་གར་པདྨ་དང་ཉི་མ་ལ་གནས་ཤིང་ཧཱུཾ་ལས་སྐྱེས་པའི་རལ་གྲི་ནག་པོ་དཀྲོངས་པ་དཀྱིལ་དུ་ཧཱུཾ་གིས་མཚན་པ་བསྒོམ་མོ། །དེའི་འོད་ཀྱིས ་ཡེ་ཤེས་སེམས་དཔའ་བཀུག་ཅིང་དམ་ཚིག་སེམས་དཔའ་བཞིན་དུ་བལྟས་ལ། ཛ(རྒྱུད་འགྲེལ་བར་བྱའོ། །ཆུལ་ཆུ་བཞིན་དུ་གཅིག་ཏུ་གྱུར་བའི་འདྲེན་པ་པོ་བསྒོམ་པར་བྱའོ། །བཅོམ་ལྡན་འདས་ཀྱི་སྤྱན་གཉིས་དང། སྙན་གཉིས་དང། ཤངས་གཉིས་དང། ཞལ?་དང། དབུ་དང། ཐུགས་རྣམས་ལ་གོ་རིམས་ཇི་ལྟ་བར་རྣམ་པར་སྣང་མཛད་དང། མི་བསྐྱོད་པ ་དང། རིན་ཆེན་འབྱུང་ལྡན་དང། སྣང་བ་མཛའ་ཡས་དང། དོན་ཡོད་གྲུབ་པ་དང། བདག་མེད་མ་རྣམས་ཡན་ལག་དྲུག་ལ་བསྐྱེད་པར་བྱའོ། །སྙིང་ལ་གནས་པའི་ཧཱུཾ་ལས་སྤྲོས་པའི་འོད་ཟེར་གྱིས་དེ་བཞིན་གཤེགས་པ་དང་ལྷ་མོའི་ཚོགས་བཀུག་ཅིང། བདུད་རྩི ་ལྔས་གང་བའི་བུམ་པ་རྣམས་ཀྱིས་ཁྲུས་བྱ་སྟེ། སྤྱི་བོར་མི་བསྐྱོད་པ་བསྒོམས་ལ། ལྷ་མོ་རྣམས་ཀྱིས་གང་དང་རོལ་མོ་ལ་སོགས་པ་རྣམ་པ་སྣ་ཚོགས་དང། མཆོད་པ་ལ་སོགས་པ་སྣ་ཚོགས་ཀྱིས་དགྱེས་པར་བྱའོ། །དེ་ནས་བཅོམ་ལྡན ་འདས་གཞན་དོན་ལ་བརྩོན་པ་པོ་སེམས་ཅན་ཐམས་ཅད་ཆགས་སྡང་དང། གཏི་མུག་ལ་སོགས་པ་དང། ཁྱབ་འཇུག་དང། འཕྲོག་བྱེད་དང། གསེར་གྱི་སྙིང་པོ་དང། འདོད་ལྷ་ལ་སོགས་པ་དང། གཏི་མུག་ཆེད་པོ་དང། ཆགས་པའི་དྲ་བས་ཀྱང་མ་རིག ་པའི་མུན་པས་སྲིད་པའི་འཁོར་ལོ་འཁོར་དུ་འཇུག་པ་དེ་དག་བལྟ་བར་བྱའོ། །དེ་ནས་སྙིང་ལ་གནས་པའི་སྔགས་ལས་སྤྲོས་པའི་ཁྲོ་ཆེན་རྒྱལ་པོ་རྣམས་ཀྱིས་བདུད་ཀྱི་ཚོགས་དཔག་ཏུ་མེད་པ་འཁོར་དང་བཅས་པ། གཅེར་བུ་སྐྲ་གྲོལ་བ། དུ་བར་གྱུར་པ ་སྐྱབས་མེད་པ། རྡོ་རྗེའི་ཞགས་པས་བཅིངས་ཤིང་བཀུག་སྟེ་བསྡུས་ནས་ཕྱེ་མང་བྱས་ལ། རལ་གྲི་རྣོན་པོས་དུམ་བུར་བཅད་ལ། བྱམས་པའི་སེམས་ཀྱིས་ཡང་སྤྲུལ་ནས་ཆོས་ལ་དགོད་པའི་ཆེད་དུ་རང་གི་རྐང་པའི་ཕྱོགས་སུ་བཞག་ལ། བསྒོ་བ་ལས་ངལ ་བར་གྱུར་ན་སྨིན་མཚམས་ཀྱི་བར་དུ་སེམས་བཞག་ལ་སྔགས་བཟླས་པར་བྱའོ། །སྣ་ཚོགས་གཅིག་ཏུ་གྱུར་པའི་སྐུ་ཅན་ཁྲོ་ཆེན་གཏུམ་པོ་སྔོན་པོའི་སྔགས་བཟླས་པ་ཙམ་གྱིས། གདུལ་དཀའ་འདུལ་བ་དང། འགྲོ་བ་དབང་དུ་འགྱུར་བ་དང། ཞི་བ་དང། ? ་བ་དང། འཕེལ་བ་དང། དགྱེས་པ་དང། རྒྱས་པ་དང། དེ་བཞིན་དུ་བསྐྲག་པ་དང། འགུགས་པ་དང། བསོད་པ་དམ་བསྡིགས་པའི་ལས་ཐམས་ཅད་བྱེད་པར་འགྱུར་རོ། །ཁྲོ་ཆེན་གཏུམ་པོའི་སྒྲུབ་ཐབས། སློབ་དཔོན་པྲ་བྷཱ་ཀ་ར་གིར་ཏིས་མཐེར་པ་སྒྲོགས? ་སོ།། །ཐུགས་རྗེས་ཆེན་པོའི་རྒྱུད་གསུམ་པ། །མཁས་རྟོགས་འཇོམ་ཞིང་ཡི་དམ་མཐོང། །སྤོབས་པ་བརྩོད་པ་སྙན་དང་མཁས། །སྦྱིན་པ་ཚུལ་ཁྲིམས་ཀྱི་རང་འགྱུར།། །།རྒྱ་གར་སྐད་དུ། ཙཎྜ་མཧཱ་རོ་ཥ་ཎ། ་