Wylie

e-texts based on the ACIP/ALL Input

བསྙམས་ལ་མར་ཕུལ་བཞི་དང། འོ་མ་ཕུལ་བཞི་དང་བ་ལང་གི་ཀོ་བ་ཕུལ་བཞི་དང། རའི་ཆུས་བཏགས་ལ་མེ་ཆུང་བས་བཙོས་ལ་ནད་པ་རིག་སྔགས་ཀྱིས་ཁྲུས་བྱས་ལ། དེ་དག་ལ་སྔགས་བརྒྱ་རྩ་བརྒྱད ་སྔགས་ལ་ལུས་ལ་བྱུགས། སྣར་བླུག་མིག་ལ་བསྐུ་ལྟོར་བཏང་བས་གནོད་སྦྱིན་གྱི་གདོན་ལས་ཐར་བར་ངེས་སོ། །སློབ་དཔོན་ཡེ་ཤེས་རྡོ་རྗེས་མཛད་པ། །གདོན་ལས་རྣམ་པར་ཐར་པར་ངེས་པའི་སྒྲུབ་ཐབས་དམ་བ་རྫོགས་སོ། །། ་དཔལ་རྡོ་རྗེ་རྣམ་པར་འཇོམས་པ་ལ་ཕྱག་འཚལ་ལོ། །འབྱུང་པོ་ཐམས་ཅད་འགུགས་པའི་ལས་བྱེད་པར་འདོད་པས་དུར་ཁྲོད་དུ་སོང་ནས། མཎྜལ་ནག་པོ་བྱས་ལ་བུམ་པ་ནག་པོ་དང?་མཐིད་གི་མགུལ་ཆིངས་བྱས་ལ། དུག་ཤིང་གི་ལོ་མས ་ཁ་བརྒྱན་བྱས་ཏེ། སྲད་བུ་ནག་པོའི་གཟུངས་ཐག་བཏགས་ལ། བཅོམ་ལྡན་འདས་སྐུ་མདོག་ནག་པོར་བསྒྱུར་ཏེ། རིག་སྔགས་ཀྱི་སྙིང་པོ་ཇི་ལྟར་ནུས་པ་བཟླས་ལ་དེའི་རྗེས་ལ་སརྦ་ཀུ་ལན་ཨ་པརྟ་ཡ་སྭཱཧཱ། ཞེས་སྟོང་ཕྲག་གཅིག་བཟླས་ནས ་གཟུངས་ཐག་ནས་བཟུང་སྟེ་བདག?་ཉིད་ཀྱི་སྙིང་ག་ནས་རྡོ་རྗེ་ལྕགས་ཀྱུས་མཚན་པ་གྲངས་མེད་པ་འཕྲོས་པS་གང་འབྱུང་པོའི་གདོན་གང་ལ་དམིགས་པ་འགུགས་པར་དམིགས་ཏེ། བཟླས་བརྗོད་ཀྱི་འཕྲོ་འདུ་བྱས་པས་འབྱུང་པ་དམིགས་པ་ཙམ་གྱིས་ཁུགས་ཏེ། དེ ་ནས་བུམ་པའི་ནང་དུ་དཀུག་ཏེ་རྡོ་ཅན་གྱིས་?་ཀྱི་འོག་ཏུ་མནན་ཏེ་ཀུ་ཅོའི་སྒྲ་འདོན་ཅིང་ཇི་ལྟར་བགོ་བ་བཞིན་དུ་ཉན་པར་དམིགས་སོ། །དེ་ནས་གནན་པར་འདོད་ན་དུར་ཁྲོད་དུ་བུམ་པ་དང་བཅས་པ་མནན། །བསྲེག་ན་ཏིལ་གྱི་བུམ་པ་ལ་བརྒྱ་རྩ་བརྒྱད ་དབུལ། སྐྲོད་ན་བྱ་ནག་མོའི་སྤུ་ལ་སྔགས་བཟླས་ལ་རླུང་ལ་བསྐུར། བཀུག་ན་འབྱུང་པོའི་སྟོབས་ཉམས་པར་འདོད་ན་མཆོད་རྟེན་གྱི་འོག་ཏུ་འཁོར་ལོ་བརྒྱངས་ལ་བཞག་གོ?་།དེ་ཉིད་བརླག་པར་འདོད་ན་ཏ་ལའི་ལོ་མ་ལ་གཟུགས་དང་མིང་ར་ཁྲག་གིས ་བྲིས་ལ་གསལ་ཤིང་ལ་བསྐྱོན་ནོ། །འབྱུང་པོ་འབུགས?་པའི་སྒྲུབ་པ་རྡོ་རྗེ་ལྕགས་ཀྱུ་ཞེས་བྱ་བ། སློབ་དཔོན་ཡེ་ཤེས་རྡོ་རྗེས་མཛད་པ་རྫོགས་སོ།། །།དཔལ་རྡོ་རྗེ་རྣམ་པར་འཇོམས་པ་ལ་ཕྱག་འཚལ་ལོ། །རིགས ་སྔགས་ཀྱི་ལས་ཐམས་ཅད་བྱེད་དུ་འཇུག་པའི་སྒྲུབ་པ་ལས་ཀྱི་བྱེ་བྲག་སྣ་ཚོགས་པ་སྒྲུབ་པར་འདོད་བའི་སྒྲུབ་པ་པོ་དམ་ཚིག་དང་ལྡན་པས། གནས་ཁང་ཡིད་དང་མཐུན་པར་རྡོ་རྗེ་རྣམ་པར་འཇོམས་པའི་ལྷ་ལྔའི་དཀྱིལ་འཁོར་བཞེངས་ལ། བུམ ་པ་ལྔ་ལ་རྒྱུད་སྟོང་ཕྲག་རེ་བཟླས་ལ། དེ་ནས་ལས་ལ་སྦྱར་བ་ནི། རིག་སྔགས་གཅད་པར་འདོད་ན་མཚོན་རྣོན་པོ་ལ་སྙིང་པོ་རྒྱས་པ། །ལན་གཉིས་བརྗོད་པས་རྩཱ?་ཀུ་ཤ་བཅད་ངོ། །ཡང་ན་ས་བཅད་དོ་དེས་རིགས་སྔགས ་གཅད་པར་ངེས་སོ། །ལན་གསུམ་པས་རིག་སྔགས་ཉམས་པ་སྐོངས་སོ། །མར་དོའི་ཉི་ཤུ་གསུམ་ལ་སྔགས་བརྗོད་ལ་དཀྱིལ་འཁོར་གྱི་མདུན་དུ་མཆོད་པ་བྱས་ན་རྨི་ལམ་དུ་དགེ་བ་དང་མི་དགེ་བ་སྟོན་པར་ངེས་སོ། །ཐལ་བ་འམ་ཆུ་ལ་ལན་བཞི་བཟླས ་ཏེ། དུར་ཁྲོད་ཀྱི་སོལ་བ་ལ་གཟུགས་བྱས་ཏེ་མཚོན་གྱིས་བཏུབ་ཅིངས་ལ་བརྡབས་ན་གདོན་ལས་གྲོལ་བར་ངེས་སོ། །།ཡང་ན་དུར་ཁྲོད་ཀྱི་སོལ་བས་ལག་མཐིལ་གཡོན་དུ་རྡོ་རྗེ་བྲིས་ཏེ། ས་ལ་གཟུགས་བྲིས་ལ་རྡོ་རྗེ་དང་ལྡན་པའི་ལག་པས ་མནན་ན་བཞན་གྱི་རིག་སྔགས་ནོན་ཏོ། །སྐུད་པ་ལ་མདུད་པ་པོར་བ་ལ་ལན་ཉེར་གཅིག་བརྗོད་པས་རིག་སྔགས་འཆིང་ངོ། །དཀྱིལ་འཁོར་གྱི་ཙན་དན་དམར་པོས་རྡོ་རྗེ་རྩེ་ལྔ་པ་བྲིས་ལ་གུ་གུལ་གྱིས་བདུགས་ལ་མེ་ཏོག་གཏོར་ཅིང་གཞན ་གྱིས་ཟླ་བར་ལན་ཉེར་གཅིག་བཟླས་ན་ཀ་བབས་པར་ངེས་སོ། །ཆུ་འམ་སོ་པག་གི་དུམ་བཱུམ་ཐལ་མོ་བརྡབས་པ་ལན་བདུན་བཟླས་ན་ནད་པ་ལ་འཕྲ་མེན་མའི་ཉེ་འབྱེད་ལས་གྲོལ་ལོ། །རྨ་བྱའི་མདོངས་དང་ཆུ་གྲི་དང་མེ་ལོང་ལ་བརྒྱ་བཟླས་ན ་