Wylie

e-texts based on the ACIP/ALL Input

ཅད་ལས་ཐར་པར་ངེས་སོ། །སློབ་དཔོན་ཡེ་ཤེས་རྡོ་རྗེས་མཛད་པ་རྫོགས་སོ།། །།དཔལ་རྡོ་རྗེ་རྣམ་པར་འཇོམས་པ་ལ་ཕྱག་འཚལ་ལོ། །སྲིན་པོའི་གདོན་ལས་ཐར་བར་འདོད་པས་སྔོན་དུ་འཇུག་དུས་དང ་མཚན་ཉིད་བསྟན་པ་སྟེ། གཏུམ་ཞིང་གཟུ་ལུམས་ཆེ་བ་དང། གཏམ་སྦྱི་རྡོལ་ལཾ། རླང་པོ་སྨྲ་ཞིང་འཐབ་པ་ལ་དགའ་རྟག་ཏུ་ཚིག་རྩུབ་པའི་མི་ལ་མང་པོའི་ཚེས་ཉི་ཤུ་བཞི་ལ་སྲིན་པོའི་གདོན་འཇུག་སྟེ། ཞུགས་པའི་མཚན་མ་ན་གློ ་བུར་དུ་དུ། རེས་དགའ་ནི་གླུ་ལེན། ཚིག་བཙལ་འགྲུས་སུ་སྨྲ་སྐོམ་དང་ལྟོ་ཆེ། ཤ་ལ་སྲེད་རྒྱུག་ཅིང་ལག་པ་ས་ལ་སྡེབས་པའམ་སྐོར་བར་བྱེད་པའོ། །དེ་ལས་ཐར་པ་ནི་ཁུར་བ་སྣ་ཚོགས་པ་དང། ཤ་སྣ་ཚོགས་པ་དང། མ་བསད ་པར་ཤི་བའི་ཁྲག་སྣ་ཚོགས་པ་དང། དྲི་ཞིམ་པོའི་སྦོས་སྣ་ཚོགས་པ་དང། འབྲས་ཆན་གྱི་གཏོར་མ་སྦྱིན་ཏེ། བདག་ཉིད་ཁྲུས་དང་གཙང་སྒྲ?་ལ་གནས་པར་བྱ་སྟེ། དགེ་སློང་དམ་བྲམ་ཟེ་ལ་སྟོན་མོ་བྱ། ལྷོ་འམ་ནུབ་ཏུ་གཏོར་མ་བཏང་ལ ་དུག་མོ་ཉུངས?་དང། ཁ་དྷ་དང། ཏ་མ་ལའི་ལོ་མ་དང། མེ་ཏོག་སྐམ་པོ་དང། པི་པི་ལིང་དང། བཅའ་སྒ་དང། ན་ལེ་ཤམ་དང། སྐྱུ་རུ་ར་དང་ནིམ་པའི་རྩ་བ་དང། སྒོག་སྐྱ་དང་ཤིང་ཀུན་དང། རྒྱམ་ཚ་ཡུངས་ཀར་རྣམས ་བསྙམས་ལར?་དཀར་མོའི་གཅིན་དང་རློན་བཏགས་བྱས་ལ་བའི་གཅིན་ཕུལ་བཅུ་དྲུག་མེ་ཆུང་བས་བཙོས་ལ་ནད་པ་དེ་གོས་དཀར་པོ་གོན་ཏེ་ཁྲུས་ལ་སྔར་ལྟར་བསྔགས་ནས་བྱིན་ན་སྲིན་པོའི་གདོན་ལས་ཐར་ངེས་སོ། །སློབ་དཔོན་ཡེ་ཤེས ་རྡོ་རྗེས་མཛད་པ་རྫོགས་སོ།། །།དཔལ་རྡོ་རྗེ་རྣམ་པར་འཇོམས་པ་ལ་ཕྱག་འཚལ་ལོ། །ཤ་ཟའི་གདོན་ལས་ཐར་བར་འདོད་པས། སྔོན་དུ་མཚན་མ་བརྟགས་ཏེ། ཤ་སྐམ་ཤིང་ང་རྒྱལ་ཆེ། ་