Wylie

e-texts based on the ACIP/ALL Input

དཔོན་མང་མེ་མཛད་ཀྱིས་མཛད་པ་རྫོགས་སོ།། །།དཔལ་རྡོ་རྗེ་རྣམ་པར་འཇོམས་པ་ལ་ཕྱག་འཚལ་ལོ། །དཔལ་རྡོ་རྗེ་རྣམ་པར་འཇོམས་པའི་ཁྲུས་ཀྱི་ཆོ་ག་བུམ་པ་སྒྲུབ་པར་འདོད་པའི་སྒྲུབ་པ་པོ་དམ་ཚིག་དང་ལྡན་པས་གནས ་ཁང་ཡིད་དང་མཐུན་པར་ལ་གཞི་རྣམས་ལེགས་པར་མཉམས་ཏེ། བྱུག་སྤོས་ལ་སོགས་པ་རྣམས་ཀྱི་ཆག་ཆག་བཏབ་ལ་དཀྱིལ་འཁོར་ལ་བརྟེན་པ་དང་མཎྜལ་ལ་བརྟེན་པ་གཉིས་གང་མོས་སུ་བྱའོ། །དཀྱིལ་འཁོར་ལ་བརྟེན་ན་དཀྱིལ་འཁོར་གྱི་ཆོ་ག་དང་དབང ་བསྐུར་བའི་ཆོ་གང་ཞིན་བྱའོ། །མཎྜལ་ལ་བརྟེན་ན་ཁྲུ་གང་གི་མཎྜལ་སྔོན་པོ་ཟླུམ་ཞིང་དབུས་ཡིད་ཙམ་མཐོ་བ་ལ་ཆགས་ལེགས་བར་བྱ་ཞིང་མཉམ་པའི་སྟེང་དུ་བུམ་པ་གསེར་རམ་དངུལ་ལམ་ཟངས་སམ་ལྕགས་ལ་སྒྲུབ་པ་པོ་འབྱོར་པའི་ཁྱད་པར་གྱིས་བྱའོ།། ་དེ་ཡང་པད་མ་དམར་པོའི་མདོག་ལྟར་དམར་ཞིང་བྷུ་རུ་དང། མཚལ་བཟང་པོའི་མདོག་ལྟར་དམར་ཞིང་ནག་པོ་ར?་རི་མེད་ཅིང་ཤིན་ཏུ་འཇམ་པར་བྱའོ། །དེ་ཡང་ཚད་དང་ལྡན་པར་བྱ་སྟེ། ཞབས་ཀྱི་རྡུབ?་ཀྲོལ་དཔངས་སུ་སོར་གཅིག་གི་ཚད་དུ་བྱ། ་སྟེགས་ལ་སོར་གཉིས། ལྷོ་བ་ལྷུང་བཟེད་དང་འདྲ་བར་བྱ། མགྲིན་པ་ནི་དཔངས་སུ་སོར་བཞི་ཕྱིར་གྱེད་པ་ཁ་ཁྱེར་གྱི་འདབ་མ་ལ་སོར་གཉིས། མར་བཅལ་བ་ལ་ནས་གང་དཔངས་དེ་གང་མཉམ། ཁའི་བུ་ག་ནི་སོར་བཞིའི་ཚད་དུ་བྱའོ། །ལྟེ་བའི་ཚད་ནི་རབ་ལ་ཕུལ ་ཉི་ཤུ་རྩ་གཅིག་།འབྲིང་པོ་རྣམས་སུ་བཅུ་གཅིག་དང། བདུན་དང་བྲེ་གང་ཤོད་བར་བྱའོ། །ཐ་མ་ནི་ཕུལ་བཞི་དང་ཕུལ་གང་ཁྱོད་བཞི་ཤོད་བར་བྱའོ། །དེ་ལྟ་བུའི་བུམ་པ་ཆག་པ་དང། ཞོམ་པ་དང་གས་པ་དང། ནག་པོར་རི་དང། ཐག་ཐུག་མེད་པ་མཚན ་ཉིད་དང་ལྡན་པ་ནི་དབང་བསྐུར་འཇུག་པའི་རྐྱེན་དང་བྱིན་བརླབས་སུ་ངེས་པའོ། །དེ་ལྟ་བུའི་བུམ་པ་མཚན་ཉིད་དང་ལྡན་པའི་ནང་དུ་ཆུ་རབ་ཏུ་གཙང་མ་སྲོག་ཆགས་མེད་པས་བཀང་སྟེ། དུང་དང་ནོར་བུ་དང། མུ་ཏིག་མིག་མ་ཕུག་པ་དང། བྱུ་རུ་དང་གསེར་དང ་རིན་པོ་ཆེ་ལྔ་དང། གི་རི་ག་ནི་དང། སིང་ཧཱ་དང། བྱ་གྲི་དང། ས་ཧཱ་དང། ས་ཧཱ་དེ་བ་ལ་སོགས་ཏེ་སྨན་ལྔ་དང། ནས་དང་འབྲས་དང། མོན་སྲན་གྲེའུ་དང། གྲོ་དང་ཏིལ་ཏེ་འབྲུ་ལྔ་དང། ཙན་དན་དང། ག་པུར་དང། གུ་གུལ་དང། གླ་རྩི་དང། སྤོས་སྦྱར་མ་སྟེ ་དྲི་ལྔ། ཀ་ར་དང། པུ་རམ་དང། སྦྲང་རྩི་དང། མར་དང། ལན་ཚྭ་ལ་སོགས་ཏེ་སྙིང་པོ་ལྔ་དང། མན་ཤེལ་དང་རྡོ་རྗེ་དང། མེ་ཏོག་དམར་པོ་རབ་ཏུ་དྲི་ཞིམ་པ་རྣམས་ཀྱང་བླུགས་ལ། དེ་ནས་དྲི་དང་ལྡན་པའི་ཆུ་ལ་སྔགས་བཟླས་ལ་བུམ་པ་བསངས་ཏེ། ཙན ་དན་དམར་པོ་ལ་སོགས་པའི་དྲི་ཞིམ་ཞིང་བཀྲ་ཤིས་པའི་རྫས་གང་ཡང་རུང་བས་ལྷ་རྣམས་ཀྱི་མཚན་མ་ལེགས་པར་བྲིས་ལ་རས་དམར་པོ་དྲི་མ་མེད་པ་མགུལ་པ་བཅིང་ངོ། །ཀུ་ཤ་དང་ཤུག་པ་ལ་སོགས་པའི་ཤིང་ལོ་མ་ཅན་མེ་ཏོག་དང་འབྲས་བུར་ལྡན ་པས་ཁ་བརྒྱན་ལ་ཚོན་སྣ་ལྔའི་རས་སྐུད་དྲིལ་ཏེ་མདུད་པ་བྱས་ལ་དེའི་སྟེང་དུ་བ་དམར་མོའི་ལྕི་བས་རྒྱས་བདབ་སྟེ། རྩཝ་དུར་བ་ཉག་མ་བདུན་དང་རྨ་བྱ་བདུན་བཞུག་གོ་།དེ་དག་གི་སྟེང་དུ་རིན་པོ་ཆེའི་སྣོད་ཆུང་ཞིང་མཛེས་པའི་ནང་དུ་ཡུངས་ཀར་དང་ཏིལ་དཀར་པོ་དང ་ཨ་ལ་ཀའི་ཕྱེ་མ་རྣམས་བླུགས་ལ་བཞག་གོ་།དེ་དག་མ་བླུགས་པའི་གོང་དུ་ནི་གུ་གུལ་ལ་བདུད་རྩི་ཐབས་སྦྱོར་གྱི་སྔགས་ཨོཾ་ཨ་མྲི་ཏེ་ཧཱུཾ་ཕཊ་ཅེས་བརྗོད་ལ་བདུག་པར་བྱའོ། །དེ་ནས་སྒྲུབ་པ་པོ་བདག་ཉིད་ཀྱིས་གོས་གསར་པ་གྱོན་ཏེ། ལག་པ་གཡོན་པའི ་མཐིལ་དུ་ཆུ་གཙང་མ་བླུགས་ལ་དེ་ཉིད་ཨ་ཡོངས་སུ་གྱུར་པ་ལས། ཟླ་བའི་དཀྱིལ་འཁོར་དུ་དམིགས་ལ་གཡས་པའི་སོར་མོ་གསུམ་རྡོ་རྗེ་རྩེ་གསུམ་པར་དམིགས་ཏེ། ཨོཾ་ཤོ་ད་ན་ཏེ་ཨོཾ་ཤ་ཏ་ན་ཡེ་སྭཱཧཱ། ཞེས་བརྗོད་པས་གཡས་དང་གཡོན་དང། དབུས་སུ ་གཏོར་ལ་དེ་ནས་གཡས་པའི་སྲིན་ལག་ཆུ་ནང་དུ་བཅུག་ལ། དེ་ཉིད་ལ་ཉི་མའི་དཀྱིལ་འཁོར་དུ་དམིགས་ལ་བདག་ཉིད་ཀྱིས་ཧུབ་གསུམ་བཏུང་ངོ། །དེ་ལྟར་ཉེ་རེག་དང་འཐོར་འཐུང་བྱས་ལ་བདག་ཉིད་ཁྲོ་བོ་ཏི་རིན་ཏི་རིའི་གཟུངས་ཀྱིས་ལངས་ལ་ཧཱུཾ་ཧཱུཾ་ཞེས ་བརྗོད་པས་རྐང་པ་གཡས་པ་རྡོ་རྗེ་གཡོན་པ་ཕུར་པར་དམིགས་པ་དང། མིག་གཡས་པ་ཟླ་བའི་དཀྱིལ་འཁོར་གྱི་སྟེང་དུ་ཧཱུཾ་སྔོན་པོ་འཕྲེད་ལ་ཉལ་བ་དམིགས་གཡོན་པ་མ་ལས་ཉི་མའི་དཀྱིལ་འཁོར་གྱི་སྟེང་དུ་ཧཱུཾ་དམིགས་ལ་རབ་ཏུ་སྡང་བའི་མིག་གིས ་བགེགས་རྣམས་ལ་དབང་ལྡན་ནས་བརྩམས་ཏེ། ཕྱོགས་བཅུར་ཁྱབ་པར་བལྟས་ཏེ། ཧཱུཾ་ཞེས་བརྗོད་པས་རྡོ་རྗེའི་རྩིག་པ་དང། རབ་དང་དྲ་བ་དང། གུར་དང། ས་གཞིའི་དམིགས་པར་བྱས་ལ་ཕུར་བུ་དང་ཐོ་བ་ཐོགས་པས་ཀྱང་མཚམས་གཅད་པར་བྱའོ།། ་ད་ནས་ཕུར་བུའི་ཡུངས་ཀར་བླངས་ཏེ། ཨོཾ་བནདྷ་བནདྷ་ཀྲོ་དྷ་ཀཱི་ལི་ཀཱི་ལི་ཡ་ཧཱུཾ་ཕཊ། ཅེས་བརྗོད་པ་དང་བགེགས་བསྐྲད་ཡང་བདུད་རྩི་ཐབས་སྦྱོང་དུ་དམིགས་ཏེ། ཧཱུཾ་ཧཱུཾ། དུས་གསུམ་སངས་རྒྱས་ཐམས་ཅད་ཀྱི། །མངག་གཞུག་ཕོ་ཉའི་ལས་མཛད་པ། ། ་ཁྲོ་ཆེན་བདུད་རྩི་འཁྱིལ་པ་ཡི། །ཡུངས་ཀར་དག་ལ་མངོན་པར་སྔགས། །ཕྱོགས་རྣམས་ཀུན་དུ་གཏོར་བྱས་ན། །བགེགས་ཀྱི་སྦྱོར་བ་རྒྱུན་ཆོད་ཅིག་།དེ་ནས་བདུད་རྩི་ཐབས་སྦྱོར་གྱི་སྔགས་བརྗོད་ཅིང། ཕྱོགས་མཚམས་ཀྱི ་སྔགས་བརྗོད་ཅིང་གཏོར་ལ་བསྐྲད་དེ། །ནད་པ་ལ་བྱེད་ན་གོང་གི་དཀྱིལ་འཁོར་གྲུ་བཞི་པ་དང་ལྡན་པའི་ས་ཉིད་ལ་དབུས་སུ་ཁྲུ་ངོ་ཁྲུས་བྱེད་པའི་ས་སྣ་ཚོགས་པས་བཀང་ལ་བཞག་གོ་།དེ་ནས་སྔགས་པ་བདག་ཉིད་ཀྱིས་ཁྲུས་བྱ་སྟེ། བུམ་པའི་ནང་དུ་དཀྱིལ ་འཁོར་གྱི་ལྷ་ཚོགས་སྔགས་དང་ཕྱག་རྒྱས་སྤྱན་དྲངས་ཏེ། དེ་ནས་ལག་པའི་སོར་མོའི་ནང་དུ་བསྣོལ་ཏེ་ཁུ་ཚུར་བཅངས་ལ་མཐེ་བོང་དང་གུང་མོ་དང་མཐེའུ་ཆུང་རྣམས་བཤིབས་ཏེ་བསྒྲེངས་ལ་ནས་རེ་རེ་ལས་མ་རེག་པར་བྱས་ལ། ན་མོ་རཏན་ཏྲ་ཡཱ་ཡ། ན་མ(རྒྱུད་འགྲེལ་པ་ཎ་ཡེ། མཧཱ?་ཡཀྵ་སེ་ན་པ་ཏ་ཡེ་བཛྲ་བོ་དྷ་ར་ན་ཡ་སྭཱཧཱ། ཞེས་པས་རྡོ་རྗེ་རྣམ་འཇོམས་ཀྱི་སྐུ་མདོག་ཕྱག་མཚན་གསལ་བར་དམིགས་ལ། བུམ་པའི་ནང་དུ་པཾ་ཡོངས་སུ་གྱུར་པ་ལས། བདུད་རྩི་ལྔའི་ཆུ་རྒྱུན་དག་ལས་པདྨ་དཀར་པོའི་ཟ་འབྲུ་དང། སྡོང་པོར་བཅས་པ ་དམིགས་ལ་དེ་ཉིད་ཀྱི་ལྟེ་པ་ལ་ཉི་མ་དང་ཟླ་བ་དང་པདྨའི་གདན་ལ་བཞུགས་པར་དམིགས་ལ་དེ་ནས་དཀྱིལ་འཁོར་གྱི་ཆོ་ག་ལས་འབྱུང་བ་བཞིན་དུ་ལྷ་སོ་སོའི་དམ་ཚིག་གི་ཕྱག་རྒྱ་དང། སྔགས་བརྗོད་ཅིང་སྤྱན་དྲང་ངོ། །དེ་ནས་མཆོད་ཡོན་ལན་བདུན་ནམ་ལན ་ཉི་ཤུ་རྩ་གཅིག་གམ་སུམ་ཅུ་རྩ་ལྔ་དབུལ་ལོ། །ཡང་ལྷ་རེ་རེའི་དམ་ཚིག་གི་ཕྱག་རྒྱས་སྤྱན་དྲངས་སྔགས་བརྗོད་ཅིང་དེ་དག་རེ་རེ་ལ་ཡང་མཆོད་པ་ལྔ་ལྔ་དབུལ་ལོ། །དེ་ནས་ཕྱོགས་སྐྱོང་རྣམས་ཀྱི་ཕྱག་རྒྱས་སྤྱན་དྲང་བ་ནི། ལངས་ཏེ་རྐང་པ་གཡས་པ་བརྐྱད ་བའི་ཚུལ་གྱིས་ལག་པ་གཡོན་པ་རྡོ་རྗེའི་ཕྱག་རྒྱ་བསྟན་ཏེ། གཡས་པ་རྡོ་རྗེའི་ཕྱག་རྒྱ་སྟ་ཟུར་དུ་བཞག་པར་བྱ་སྔགས་ནི། ཨོཾ་ཧ་ན་ཧ་ན་བྷི་ཏ་བཛྲ་ཧཱུཾ་ཕཊ། ཡང་གཡས་གཡོན་བརྐྱང་བའི་ཚུལ་གྱིས་ལག་པ་གཡས་པའི་མཛུབ་མོ་ལྕགས་ཀྱུ་ལྟར་བསྐྱེད་དོ། ། ་གཡས་པ་བརྒྱ་བྱིན་གྱིའོ། །ཡང་མེའི་ཕྱོགས་སུ་བལྟས་ཏེ། ལེག་པ་གཡས་པ་བརྐྱང་ལ་རྐང་པ་གཉིས་མཉམ་བར་བྱས་ལ་མཛུབ་མོ་བཀུག་སྟེ། རྩེ་མོ་གུང་མོའི་ཚིགས་གསུམ་པར་གཟུགས་སོ། །སྔགས་ནི། ཨོཾ་བཛྲ་ན་ལ་མཧཱ་བུ་ཏ་ཛཝ་ལ་སརྦ་བྷསྨི་ཀུ་རུ་སརྦ་དུཥྚན ་ཧཱུཾ་ཕཊ། མཐེ་བོང་མཐིལ་དུ་སྦྱར་ཏེ་བརྟན་པོར་བཞག་ལ་གཡབས་པ་ནི་སྤྱན་དྲང་བའོ། །མཛུབ་མོ་མཐེ་བོང་བཙུགས་ཏེ་ཕྱིར་དྲག་ཏུ་བརྐྱང་བ་ནི་སླར་བཏང་བའོ། །གཤིན་རྗེའི་ཕྱོགས་སུ་བལྟས་ཏེ་བསྒྲེངས་ལ་བསྟིམས་པ་མདུན་དུ་བཞག་ལ་སོར་མོ་ཕན་ཚུན་བསྣོལ་ཏེ་ཁུ ་ཚུར་དམ་དུ་བཅངས་ལ་སྲིན་ལག་བཤིབས་ཏེ་བསྒྲེངས་ལ་སྙིང་གར་བཞག་པར་བྱའོ། །སྔགས་ནི་ཨོཾ་བཛྲ་ཀི་ལ་བནདྷ་བནདྷ་ཧ་ན་ཧ་ན་ཧཱུཾ་ཕཊ། སྲིན་ལག་གཉིས་བཤིབས་གཡས་པས་ནང་དུ་བཟློག་པ་ནི་སྤྱན་དྲང་བའོ། །ནང་དུ་བཟློག་པ་དེ་ལས་ཕྱིར་བྱུང་སྟེ་བཤིབས་པ་དེ ་ནི་སླར་བཏང་བའོ། །བདེན་བྲལ་གྱི་ཕྱོགས་སུ་བལྟས་ཏེ་རྐང་པ་མཉམ་པར་བཞག་ལ། ལག་པ་གཡས་པ་ཁུ་ཚུར་བཅངས་པ་ལས་མཛུབ་མོ་དང་གུང་མོ་གཉིས་རལ་གྲི་འདྲ་བར་བཤིབས་ཏེ་བསྒྲེངས། ལག་པ་གཡོན་པ་ཡང་དེ་ལྟ་བུའི་ཚུལ་གྱིས་ཤུགས་འདྲ་བར་སྟ་ཟུར ་གཡོན་དུ་བཞག་པར་བྱའོ། །སྔགས་ནི་རི་ཏེ་རཀྵ་དྷི?་པ་ཏ་ཡེ་སྭཱཧཱ། གཡོན་པའི་མཛུབ་མོ་བཀུག་སྟེ་གཡས་པས་སྤྱན་དྲང་བའོ། །ཕྱིར་བསྐྱོད་དེ་སླར་བཀྲོལ་བར་གཤེགས་སུ་གསོལ་བའོ། །ཆུ་ལྷའི་ཕྱོགས་སུ་བལྟས་ཏེ་རྐང་པ་མཉམ་པར་བཞག་ལ། གཡས་པ་ཁུ་ཚུར ་བཅངས་ནས་མཐེ་བོང་དང་མཛུབ་མོ་ཞགས་མིག་ལྟར་བྱ། གཡོན་ཀྱང་དེ་ལྟར་བྱ་སྟེ་སྙིང་གར་བཞག་གོ་།སྔགས་ནི་ཨོཾ་ན་ག་བཛྲ་ཨ་ན་ཡ། སརྦ་དྷ་ན་བྱ་བཛྲ་ཧི་ར་ཎྱ་སརྦ་ན་ར་སྨ་ནི་མུག་ཏ་ལ་ཀ་ར་དྷི་ནི་སརྦ་ག་ར་ཎ་ནི་ཙ། ཛ་དྷ་ར་ས་མ་ཡ། མ་ནུ ་སྨ་ར། ཨ་གནདྷ?་ཨ་བནདྷ། བནདྷ་བནདྷ། ཧ་ར་ཧ་ར་ནན་མཧཱ་ཙེ་ཏ་ཧཱུཾ་ཕཊ། གཡོན་པའི་མཛུབ་མོའི་ལྕགས་ཀྱུ་གཡབས་པ་ནི་སྤྱན་དྲང་བའོ། །ཕྱིར་བསྐྱོད་དེ་སླར་བཀྲོལ་བ་ནི་སླར་བཏང་བའོ། །རླུང་ལྷའི་ཕྱོགས་སུ་བལྟས་ཏེ་རྐང་པ་བཤིབས་ཏེ་བསྒྲེངས་ལ་གཡོན་པའི་ཁུ་ཚུར ་བཅངས་ལ། གུར་མོ་བསྒྲེངས་པའི་ཚིགས་དང་པོར་མཛུབ་མོ་བཀུག་པ་ཐིང་ཐོ་གཙུགས་ལ་གཡས་པ་དེ་ལྟར་བྱ་སྟེ་སྟ་ཟུར་གཡས་སུ་བཞག་གོ་།སྔགས་ནི། ཨོཾ་བཛྲ་ཨ་ན་ལི་མཧཱ་བཻ་ག་ཨ་ན་ཡ་སརྦ་དུཥྚན་ཧཱུཾ་ཕཊ། མཛུབ་མོ་དེ་ཉིད་སྤྱན ་དྲངས་པ་དང་སླར་བཏང་པར་བྱའོ། །ཀུ་བེ་རའི་ཕྱོགས་སུ་བལྟས་ཏེ་རྡོ་རྗེ་བཅིངས་པ་ནང་དུ་བཟློག་ནས་མཐེའུ་ཆུང་བཤིབས་ཏེ་བརྐྱང་བའི་སྐབས་སུ་སོ་སོའི་སྲིན་ལག་སྦྱར་བར་བྱའོ། །སྔགས་ནི། ཨོཾ་ཀུ་བེ་ར་ཡཀྵེ་ཌི་པ་ཧ་ཡེ་སྭཱཧཱ། གུང་མོ་གཉིས་རྡོ་རྗེ་ལྟར་བཀུག ་སྟེ་གཡབས་པ་ནི་སྤྱན་དྲང་བའོ། །དེ་ཉིད་ཀྱིས་བསྐྱོད་པ་ནི་སླར་བཏང་བའོ། །དབང་ལྡན་ཕྱོགས་སུ་བལྟས་ཏེ། བསྒྲེང་ལ་སྙིམ་པ་དཀན་ལ་སྲིན་ལག་མཐེ་ཆུང་བཀུག་སྟེ་བསྣོལ་ལ་གུང་མོ་གཉིས་བཤིངས་ཏེ་བསྒྲེངས་པའི་རྒྱབ་ལོགས་སུ་མཛུབ་མོ་གཉིས་རྡོ་རྗེ་ལྟར ་བྱ། མཐེ་བོང་གཉིས་བར་དུ་བཤིབས་ཏེ་བཞག་གོ་།སྔགས་ནི། ཨོཾ་དྷི་ཧཱུཾ་བིནདྷ་བཛྲ་ཤུ་ལ་སྭཱཧཱ། མཛུབ་མོ་གཉིས་སེན་མོ་མི་སྤྲད་པར་ནང་དུ་གཡབས་པ་ནི་སྤྱན་དྲང་བའོ། །ཕྱིར་བསྐྱོད་དེ་བཀྲོལ་བ་ནི་སླར་གཤེགས་པའོ། །འོག་ཏུ་བལྟས་ཏེ་ལག་པ་གཉིས་པདྨ ་ལྟར་བྱ་སྟེ། སྤྱན་དྲང་བ་དང། སླར་བཏང་བ་ཡང་ནང་དུ་གཡབས་པ་དང་ཕྱིར་བཀྲོལ་བའོ། །སྔགས་ནི། ན་མ་ས་མནྟ་བུད་དྷ་ནན། ཨོཾ་པྲི་ཏི་བྱ་སྭཱཧཱ། སྟེང་གི་སྙིང་པོ་ལག་པ་ཁོང་སྟོང་དུ་སྦྱར་ལ་མཐེ་བོང་གཉིས་བཤིབས་ཏེ་སྤྱི་བོར་གཞག་པར་བྱའོ། །སྤྱན་དྲང ་པ་དང་སླར་བཏང་བ་ནང་དུ་དང་ཕྱིར་བཀྲོལ་པའོ། །སྔགས་ནི། ན་མ་ས་མནད་བྷུ་ཏ་ནན། ཧེ་ཤྭ་རྒྱ་པྲ་ཏ་ཛཧཡོ་ཏིར་མ་ཡ་སྭཱཧཱ། དེ་ནས་མེ་ཏོག་དང་བདུག་པ་ལ་སོགས་པའི་མཆོད་པ་དབུལ་ལོ། །གཏོར་མ་ནི་འབྲས་ཆན་ཞོ་དང་སྦྱར་བ་དང། དྲི་བསྲུང་དང་ལྡན་པའི ་ཤིང་ཏོག་ཁུར་བ་ལ་སོགས་པས་མཆོད་དོ། །ཆང་དང་ཤ་དང་ཁྲག་གིས་ནི་མ་ཡིན་ནོ། །དེ་དག་གི་འཁོར་གྱི་གདོན་རྣམས་ལ་ནི་ཤ་ཆད་དང་འབྱུང་པོའི་ཁ་ཟས་སུ་སྦྱིན་ནོ། །དེ་ནས་ཚོན་སྣ་ལྔ་ཡི་སྐུད་པ་གསར་བ་ཤིན་ཏུ་མཉམ་པ་ལ་དྲི་དང་ལྡན་པའི་གུ་གུལ་ལ ་སོགས་པ་གཏོར་མ་བྱ་སྟེ། བུམ་པའི་མགུལ་པ་ལ་བཏགས་ལ་རྡོ་རྗེ་ལ་བསྟོད་ལ་བཞག་གོ་།དེ་ནས་ཤུགས་པ་ལ་སོགས་པའི་དྲི་དང་ལྡན་པའི་ཤིང་ལ་སྦྱིན་སྲེག་ཀྱང་བྱ། །དེ་ནས་བདག་ཉིད་ཀྱིས་ཁྲུས་བྱ་སྟེ། གོས་གསར་པ་གྱོན་པ་ལ་དཔྲལ་པ་ལ་དྲིའི་ཐིག་ལེ་བྱས་ལ ་སྔགས་པ་གཡོག་བཞི་དང་ལྡན་པས་གཟུངས་ཐག་བཞི་ཕྱོགས་བཞིར་འཐེན་ལ་རྒྱུད་རྫོགས་པ་བརྒྱ་བརྒྱ་ཀླགས་ཏེ་ལྔ་བཅུའི་བར་དུ་མཆོད་པ་ལྔ་དབུལ། བརྒྱ་རྫོགས་པ་ལ་ཞི་བའི་སྦྱིན་སྲེག་བྱའོ། །དེ་ནས་བཟླས་པ་བྱ་སྟེ། བུམ་པའི་ལྷ་ལ་ཡེ་ཤེས་སེམས ་དཔའ་བསྟིམ་སྟེ། ལྷ་སོ་སོའི་ཐུགས་ཀ་ནས་རྡོ་རྗེ་སྔོན་པོ་ནས་ཙམ་པ་ཁ་མེད་པའི་ལྟེ་བ་སྔགས་བརྒྱས་གང་མོས་ཀྱི་འཁོར་བར་དམིགས་ལ་བདག་ཉིད་སྙིང་པོ་བསྡུས་པ་ལ་བཟླས་པ་བྱས་པས། དེ་ཉིད་ལས་འོད་འཕྲོས་པས་ཡེ་ཤེས་སེམས་དཔའ་ཨི་ཐུགས ་ཀའི་ས་བོན་ལས་འོད་འཕྲོས་པས་ལྷ་འོད་དུ་ཞུ། དེ་ཉིད་ལ་སྔགས་ཀྱི་སྒྲ་བྱུང་བས་ཡེ་ཤེས་ཀྱི་བདུད་རྩི་བབས་པ་གཉིས་སུ་མེད་པར་བསྟིམ། བདག་གི་ལྕེའི་སྟེང་དུ་ཡང་ཡེ་ཤེས་ཀྱི་རྡོ་རྗེ་ནས་ཙམ་གྱི་སྦུག་མ་ནས། སྔགས་ཀྱི་རང་སྒྲ་གྱུར་བས་བདག་དང ་སེམས་ཅན་གྱི་དོན་བྱས་ཕྱི་རོལ་གྱི་སྣང་བ་རྣམས་ཀྱང་སྔགས་ཀྱི་རང་སྒྲ་བྱུང་བས་གདུག་པའི་ཚོགས་རྣམས་ཚར་བཅད་པར་བྱས་པའོ། །དེ་ལྟར་དམིགས་པ་གསུམ་དང་མི་འབྲལ་བར་བྱས་པས་བདག་དང་སྒྲའི་དངོས་པོ་ཐམས་ཅད་སྒྲའི་བསམ་གཏན་དང་མི ་འབྲལ་བ་ནི་དོན་གྱི་མན་ངག་གོ་།ཡུངས་ཀར་ལ་སྔགས་བཟླས་ཏེ་བུམ་པར་བླུགས་པས། ལྷ་རྣམས་ཀྱི་སྟེང་གི་རྡོ་རྗེ་ལ་ཡེ་ཤེས་ཀྱི་བདུད་རྩི་བབས་ལ་དམིགས་པ་དང། ཡང་ན་མེ་ཏོག་རབ་ཏུ་དྲི་ཞིམ་པ་ལ་སྔགས་བཟླས་བ་བུམ་པར་བླུགས་ལ་ལྷ་རྣམས་ཀྱི ་སྤྱན་ལམ་དུ་མཆོད་པའི་སྤྲིན་རབ་ཏུ་མཛེས་ཤིང་རྒྱ་ཆེ་བར་དམིགས་པས། དངོས་གྲུབ་ཐམས་ཅད་བདག་ལ་སྟེར་བར་དམིགས་སོ། །དེ་ལྟར་སྙིང་པོ་བསྡུས་པ་ལ་བརྒྱ་འམ་སྟོང་ངམ་ཁྲིའམ་འབུམ་མཾ་རང་ཇི་ལྟར་དམིགས་པར་བཟླས་ལ། སློབ་མ་ཁྲུས་བྱས ་ཏེ་གོས་གསར་པ་དྲི་མ་མེད་པ་གྱོན་ཏེ་གསུམ་ལ་སྐྱབས་སུ་འགྲོ་བ་དང། སེམས་བསྐྱེད་པ་ལ་སོགས་པ་བྱ་སྟེ། ན་མོ་དཀོན་མཆོག་གསུམ་ལ་ཕྱག་འཚལ་ལོ། །དཀོན་མཆོག་གསུམ་ལ་སྐྱབས་སུ་མཆི། །དཀོན་མཆོག་གསུམ་ལ་མཆོད ་པ་འབུལ། །སྡིག་པ་ཐམས་ཅད་སོ་སོར་བཤགས། །མྱ་ངན་མི་འདའ་གསོལ་བ་འཚལ། །ཆོས་ཀྱི་འཁོར་ལོ་བསྐོར་བར་བསྐུལ། །དོན་དམ་ཀུན་རྫོབ་རང་བཞིན་གྱིས། །སྡོམ་པ་མ་ལུས་བདག་གིས་གཟུང། །མ་བསྒྲལ་བ་རྣམས་བསྒྲལ་བགྱིས་ནས། །མ་རྒལ ་བ་རྣམས་བརྒལ་བྱས་ཏེ། །དབུགས་མ་ཕྱིན་པ་དབུགས་དབྱུང་སྟེ། །སེམས་ཅན་མྱ་ངན་འདས་ལ་དགོད། །འགྲོ་བའི་དགེ་ལ་རྗེ་ཡི་རང། །ཀུན་ཀྱང་སེམས་ཅན་དོན་དུ་བསྔོ། །ཞེས་བརྗོད་ལ་རྡོ་རྗེ་ལག་ཏུ་བྱིན་ལ་དབུགས་དུ་བྱུང་སྟེ། དབུ་རྒྱན་གོན་ལ་གཟེངས ་བསྟོད་ལ་དཀྱིལ་འཁོར་གྱི་ཤར་སྒོ་ནས་སྤང་ལེང?་ཀྱི་སྟེང་ནས་ལམ་སྟོན་ལ་དབུས་སུ་ཁྲུས་བྱས་ཏེ། ཡེ་ཤེས་ཀྱི་ལྷ་མོ་བདུད་རྩིའི་བུམ་ཆུ་ཐོགས་པ་མང་པོར་སྤྲུལ་ལན་མཁའ་ནས་བདུད་རྩིའི་ཆུ་རྒྱུན་ཕབ་པས་ཕྱི་ལུས་ཀྱི་སྡུག་བསྔལ་དང། ནང་སེམས་ཀྱི་སྡུག ་བསྔལ་དང། མི་མཐུན་པའི་རྨི་ལམ་སུམ་ཅུ་རྩ་གཉིས་ལ་སོགས་པ་རྨིས་པ་དང། མྱ་ངན་དང་སེམས་ལས་སུ་མི་རུང་བའི་མི་བདེ་བ་རྣམ་པར་དག་པར་དམིགས་པར་བྱས་ལ། ཚིགས་སུ་བཅད་པ་འདི་དག་ཀྱང་བརྗོད་པར་བྱའོ། །ེ་མའོ། །ཁྲུས་མཚོག? ་འདི་ནི་དཔལ་དང་ལྡན། །རྡོ་རྗེའི་ཁྲུས་ནི་བླ་ན་མེད། །རྡོ་རྗེ་ཡེ་ཤེས་ཁྲུས་འདི་ཡིས། །བཀྲ་ཤིས་བུམ་པ་ལ་བརྟེན་ནས། །སྡུག་བསྔལ་ཐམས་ཅད་མེད་བར་བྱེད། །བདེ་བ་ཕུན་སུམ་ཚོགས་པར་གནས། །མ་གྲུབ་པ་རྣམས་གྲུབ་པར་བྱེད། །འདོད་པ་ཐམས ་ཅད་རབ་ཏུ་སྦྱིན། །དཔལ་ལྡན་ཡེ་ཤེས་མཆོག་གི་ཁྲུས། །རྒྱལ་མཆོག་དམ་པ་སྦྱིན་པར་བྱའོ། །ཞེས་པས་ཀྱང་ཁྲུས་བྱའོ། །དེ་ནས་བཀྲ་ཤིས་ཀྱི་རྫས་བརྒྱད་ཀྱིས་སློབ་མ་བཀྲ་ཤིས་པར་བྱ་བའི་ཕྱིར་ཡུངས་ཀར་དང་ཞོ་དང། རྩཝ་དུར་བ་དང། ལི་ཁྲི་དང། དུང ་དང། བིལ་བའི་འབྲས་བུ་དང། མེ་ལོང་དང། འགི་ཝང་རྣམས་རིམ་པས་སྦྱིན་ནོ། །བྲབ་པ་དང། བྱབ་པ་དང། དྲིལ་བ་དང། སྦྱོར་བ་དང། རྡེག་པ་ལ་སོགས་པ་ཡང་བྱའོ། །དེ་ལྟར་ཁྲུས་རྟག་ཏུ་བྱས་ན་རྒྱལ་པོ་རྣམས་བསོད་ནམས་རྒྱས་པ་དང། གདོན་ཞིང ་དང། ཕ་རོལ་གྱི་སྡེ་རྣམས་དབང་དུ་གྱུར་པ་དང། རྒོལ་བ་རྣམས་ཚར་གཅོད་པར་འགྱུར་ལ་དེ་བཞིན་དུ་བློན་པོ་དང། བུ་འདོད་པ་དང་བྱང་སྟེམས་ཀྱིས་འཇིགས་པ་དང། ཕ་རོལ་གྱི་གམག་གིས་འཇིགས་པ་དང། གཟའ་དང། རྒྱུ་སྐར་དང། ནད་དང་མུ་གེས་འཇིགས ་པ་དང། དེ་འཛིན་འཇིགས་པ་ཆེན་པོ་བརྒྱད་དང། ནོར་འགྲིབ་པ་དང་ལོངས་སྤྱོད་འདོད་པ་དང། འཁོར་དང་ཚེ་རིང་བར་འདོད་པ་དང། དབང་ཐང་རྒྱས་བར་འདོད་པ་དང། སྐྲག་དང་གཟི་མདངས་འདོད་པ་དང། སྟོབས་དང་ནུས་པ་དང་གྲགས་པ་དང། དཔལ་དང་དབང ་ཕྱུག་དང། གཟུགས་འདོད་པ་དང། ནོར་འདོད་པ་དང། འབྲུ་འདོད་པ་དང། ཟས་འདོད་བ་དང། གོས་དང་རྒྱན་དང། བཞོན་པ་དང། ལྷ་ཉེ་བར་འདོད་པ་དང། གདོན་བརླག་བར་འདོད་པ་དང། སྡིག་པ་མ་ལུས་པ་དག་པར་འདོད་པ་རྣམས་ཀྱིས་རྟག་ཏུ་ཁྲུས་བྱས་ན་འདོད ་པའི་དོན་ནི་ཇི་ལྟ་བ་བཞིན་དུ་འགྲུབ་པར་ངེས་སོ། །དེའི་ཕྱིར་ན་མི་མཐུན་པའི་ཕྱོགས་མཛའ་དག་ལས་ཐར་བར་བྱེད་པས་ན་སྔོན་བྱུང་དུ་རྒྱལ་པོ་ལ་སྨོན་པ་དང། ཡང་ན་རྒྱལ་པོ་བསོད་ནམས་ཆེ་བའི་ཕྱིར་སྨོས་ཏེ། རྒྱལ་པོ་རྟག་ཏུ་ཁྲས་གྱིས་ཤིག་ཅེས་འགྲོ་བ ་མིའི་དཔོན?་ཡིན་པས་སྨོས་སོ། །སྔ་མ་དད་ད་ལྟར་དང་ཕྱི་མའི་སྡིག་པ་མ་ལུས་པ་ལས་ཐར་པར་བྱེད་པ་འཕགས་པ་རྡོ་རྗེ་རྣམ་པར་འཇོམས་པ་ཁྲུས་ཀྱི་ཆོ་ག་།སློབ་དཔོན་ཆེན་པོ་དཔལ་མར་མེ་མཛད་ཀྱིས་མཛད་པ་རྫོགས་སོ།། །། ་