Wylie

e-texts based on the ACIP/ALL Input

རྡོ་རྗེ་རྣམ་པར་འཇོམས་པའི་བུམ་པའི་ཆོ་ག་རྫོགས་སོ།། །།རྒྱ་གར་སྐད་དུ། ཤཾ་ཏི་ཧོ་མ་བི་དྷི། བོད་སྐད་དུ། ཞི་བའི་སྦྱིན་སྲེག་གི་ཆོ་ག་དཔལ་རྡོ་རྗེ་རྣམ་པར་འཇོམས་པ་ལ་ཕྱག་འཚལ་ལོ། །ཟུག་རྡུའི་ཉེས་བ་དང་བྲལ་ཞིང། ་མི་ཤེས་མཚན་མ་སྤངས་པ་དང། །མ་རུངས་གདོན་བགེགས་མི་གནས་པ། །དཀར་ཞིང་གཙང་མ་སྣུམ་པའི་སར། །ཁྲུ་གང་ཀུན་ནས་ཟླུམ་པོའི་དབྱིབས། །ཁྲུ་ཕྱེད་ཐུར་དུ་བྲུས་པའི་ཁུང། །ཁ་ཁྱེར་གྱིས་མཛེས་ཞི་བ་ཡི། །མཚན་མ་དཀར་པོའི་རྫས ་ཀྱིས་བྱུག། དཀར་ཞིང་དྲི་ཞིམ་འོ་མ་ཅན། །རེག་ན་ཟུག་རྡུ་དང་བྲལ་བའི། །ཟླ་མདོག་མེ་ཏོག་འབྱུང་བའི་ཤིང། །ཁུར་ས་དང་རྗེས་མཐུན་དབྱིབས་སུ་བརྩིགས། །མཆོད་དང་བསྲེག་པའི་ཡོ་བྱད་རྣམས། །ལས་དང་རྗེས་མཐུན་ཉེར་བསགས་ཏེ། །མེ་སྤར ་མེ་དབུས་རཾ་ལས་ལྷ། །མདོག་དཀར་བགྲང་འཕྲེང་དབྱུག་གུ་དང། །མི་འཇིགས་སྤྱི་བླུགས་འཛིན་པ་བསྐྱེད། །ཡེ་ཤེས་མེ་བཀུག་གཉིས་མེད་བསྟིམ། །མཆོད་དང་བསྟོད་དང་བསྲེག་པའི་མཐར། །སླར་ཡང་མཆོད་བསྟོད་མཉེས་པ ་ཡི། །མེ་ལྷ་འབར་བའི་མེ་དབུས་སུ། །རང་ལྷག་ལྷར་བསྐྱེད་ཡེ་ཤེས་བསྟིམ། །དེར་ཡང་མཆོད་དང་བསྟོད་པ་དང། །བསྲེག་པའི་རྫས་ཀྱིས་མཉེས་པ་དང། །མཆོད་བསྟོད་འདོད་དོན་གསོལ་བ་དང། །ཡི་གེ་བརྒྱ་པས་ཡོངས་བསྐངས་ནས།། ་གཤེགས་བསྡུ་སླར་ཡང་མེ་ལྷ་ཡི། །མཆོད་སྲེག་རྫས་ཀྱིས་ཚིམ་བྱས་ལ། །འདོད་དོན་ལས་ཀྱིས་གསོལ་བཏབ་སྟེ། །གཤེགས་གསོལ་ཉེ་བར་བསྡུ་བར་བྱ། །ཞི་བའི་སྦྱིན་སྲེག་གི་ཆོ་ག་རྫོགས་སོ།། །། ་