Wylie

e-texts based on the ACIP/ALL Input

མཛའ་བཅོ་བརྒྱད་པའི་མན་ངག་སློབ་དཔོན་རྡོ་རྗེ་གོ་ཆས་མཛད་པ་རྫོགས་སོ།། །། ?་(།རྡོ་རྗེ་རྣམ་པར་འཇོམས་པའི་གཟུངས་ཀྱི་ཆོ་ག་བཞུགས་སོ།)་། *། །རྒྱ་གར་སྐད་དུ། བཛྲ་བི་དཱ་ར་ཎ་ནཱ་མ་དྷ་ར་ཎི་བི་དྷི། བོད་སྐད་དུ། རྡོ་རྗེ་རྣམ་པར ་འཇོམས་པ་ཞེས་བྱ་བའི་གཟུངས་ཀྱི་ཆོ་ག་།རྡོ་རྗེ་རྣམ་པར་འཇོམས་པ་ལ་ཕྱག་འཚལ་ལོ། །ཞི་ཡང་གདུག་འདུལ་ཁྲོ་མཆོག་སྐུ་འདུད་དེ་ཡི་ཆོ་ག་བཤད། །རང་སྐད་ཅིག་གིས་ལྷའི་ང་རྒྱལ་དང་ལྡན་པའི་ཐུགས་ཀར་ཟླ་བའི་དཀྱིལ་འཁོར་གྱི་སྟེང་དུ ་གཟུངས་ཀྱི་སྔགས་བསམས་ལ་དེའི་འོད་ཀྱིས་སངས་རྒྱས་དང་བྱང་ཆུབ་སེམས་དཔའ་དང། བཅོམ་ལྡན་འདས་ཕྱག་ན་རྡོ་རྗེ་དང་བཅས་པ་སྤྱན་དྲངས་ལ། མཆོད་པ་དང། སྡིག་པ་བཤགས་པ་དང། བསོད་ནམས་ལ་རྗེས་སུ་ཡི་རང་བ་དང། དཀོན ་མཆོག་གསུམ་ལ་སྐྱབས་སུ་གསོལ་བ་དང། བྱང་ཆུབ་ཏུ་སེམས་བསྐྱེད་པ་དང། ལམ་ལ་གནས་པ་དང། ལུས་དབུལ་བ་དང། དགེ་བའི་རྩ་བ་བསྔོ་བ་བྱས་ལ། ཨོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོཉ་ཧཾ་ཞེས་བས་ཆོས་ཐམས་ཅད་སྟོང་པ་ཉིད་དུ་ལྷག ་པར་མོས་པར་བྱའོ། །དེའི་རྗེས་ལ་གཟུངས་ཀྱི་ཡི་གེ་སྒྲ་ཙམ་ལ་དམིགས་པ་དང། དེ་ཡོངས་སུ་གྱུར་པ་ལས། གཟུངས་ཀྱི་ཡིག་འབྲུ་རྣམ་པར་བསམ་པ་དང། དེ་ཡོངས་སུ་གྱུར་པ་ལས། ཟླ་བའི་དཀྱིལ་འཁོར་ཆེན་པོ་གཟུངས་ཀྱི་ཡི་གེ་རྣམས། གཟུངས ་ཀྱི་ཚུལ་དུ་ནང་ན་གནས་པར་བསམས་ལ། དེ་ལས་ཕྱག་ན་རྡོ་རྗེའི་སྐུ་དཔག་ཏུ་མེད་པ་འཕྲོས་བས་སེམས་ཅན་ཐམས་ཅད་ཀྱི་སྡིག་བ་སྡུག་བསྔལ་སྦྱངས་ཏེ། བླ་ན་མེད་པའི་བྱང་ཆུབ་ལ་བཀོད་དེ། སླར་འདུས་ནས་ཟླ་བ་ལ ་ཐིམ། དེ་ཡོངས་སུ་གྱུར་པ་ལས། བཅོམ་ལྡན་འདས་ཕྱག་ན་རྡོ་རྗེའི་ཐུགས་ཀྱི་སྦྲུལ་བ་རྡོ་རྗེ་རྣམ་པར་འཇོམས་པ་སྐུ་མདོག་ལྗང་སྔོན་ཕྱག་གཡས་ན་སྣ་ཚོགས་རྡོ་རྗེ་ངོས་གཅིག་མེད་པ་བསྣམས་པ་གཡོན་པ་དྲིལ་བུ་དཀུ་རུ་བསྟེན་པ། རྒྱན་ཐམས་ཅད ་ཀྱིས་བརྒྱན་བ། སེམས་དཔའ་ཨི་སྐྱིལ་མོ་ཀྲུང་དུ་བཞུགས་པ། དེའི་ཐུགས་ཀའི་ཟླ་བའི་དཀྱིལ་འཁོར་གྱི་སྟེང་དུ་གཟུངས་ཀྱི་ཡི་གེ་རྣམས་བསམ་མོ། །དེའི་སྔགས་ཀྱི་འོད་ཀྱིས་མདུན་དུ་ཡེ་ཤེས་སེམས་དཔའ་རང་དང་འདྲ་བ་ལྕང་ལོ་ཅན་གྱི་ཕོ་བྲང་ནས་སྤྱན ་དྲངས་ནས། མེ་ཏོག་ལ་སོགས་པས་མཆོད་ནས་བསྟོད་དེ། དེ་གཉིས་ཀྱི་ཟླ་བའི་དཀྱིལ་འཁོར་གྱི་སྟེང་གི་སྔགས་ཀྱི་འོད་འཕྲོས་པས་ཡི་གེར་བ་འོད་བསྐལ་བའི་མི་འདྲ་བ་བསམ། ཡེ་ཤེས་སེམས་དཔའ་ཨི་སྐུ་དང་དེའི་ཐུགས་ཀའི་ཟླ་བ་དང། ་དེའི་སྟེང་གི་གཟུངས་ཀྱི་ཡི་གེ་ལ་དམིགས་ཏེ་གཟུངས་གདོན་ནོ། །ཡང་དམ་ཚིག་སེམས་དཔའ་ཨི་གསུང་ལ་དམིགས་ཏེ་གཟུངས་གདོན་ནོ། །དེ་བཞིན་དུ་རིམ་གྱིས་ཐུན་བཞི་རུ་གཟུངས་འབུམ་བཟླས་པ་ནི་སྔོན་དུ་བསྙེན་པའོ། །དེ་ནས་ནད་པ ་ལ་སོགས་པའི་དོན་དུ་ས་ཕྱོགས་གཙང་མ་རུ་བ་ཡི་རྣམ་པ་ལྔས་བྱུགས་ཏེ། མེ་ཏོག་གི་སིལ་མ་དགྲམ་པར་བྱའོ། །ཕྱོགས་སྐྱོང་བཅུ་དང་བཅས་པའི་དཀྱིལ་འཁོར་བྲི་བ་འམ། མཎྜལ་གང་ཡང་རུང་བ་བྱས་ལ། རིན་པོ་ཆེ་འམ་ས་ལས ་བྱས་པའི་བུམ་པ་རྩ་བ་མི་གནག་བ་ནག་པོར་རི་མེད་པའི་རིན་པོ་ཆེ་སྣ་ལྔ་དང། འབྲུ་ལྔ་དང། སྨན་ལྔ་དང། སྙིང་བོ་ལྔ་དང། སྤོས་དྲི་ཞིམ་བླུགས་ཏེ། ལྡམ་བུས་ཁ་བརྒྱན་ལ་མགྲིན་པ་རས་ཀྱིས་དཀྲིའོ། །བྲུམ་ལས་རིན་པོ་ཆེའི་བུམ་པར ་བསྐྱེད་དེ་བཾ་ལས་བདུད་རྩིའི་རྒྱ་མཚོ། པཾ་ལས་པདྨ། དེའི་སྟེང་དུ་གོང་བཞིན་དུ་བཅོམ་ལྡན་འདས་བསྐྱེད་ལ། ཡེ་ཤེས་སེམས་དཔའ་སྤྱན་དྲངས་ཏེ་མཆོད་བསྟོད་བྱས་ལ་གཏོར་མ་གཏང་སྟེ། གོང་བཞིན་བཟླས་བ་བྱའོ། །དེ་ནས་ནད་བ་སྡོམ་པ་འཛིན་དུ ་བཅུག་ལ། བུམ་པའི་ཆུས་ཁྲུས་བྱས་ན་ནད་པ་ནད་ལས་ཐར་བར་འགྱུར་རོ། །རྡོ་རྗེ་རྣམ་པར་འཇོམས་པའི་ཁྲུས་ཀྱི་ཆོ་ག་སློབ་དཔོན་བྱང་ཆུབ་སྙིང་པོས་མཛད་བ་རྫོགས་སོ།། །།རྣམ་པར་འཇོམས་པ་ཡེ་ཤེས་སྐུ། །རབ་ཏུ་བཏུད ་