Wylie

e-texts based on the ACIP/ALL Input

པས་སྒྲས་འཇིགས་འགྱུར། །རྡོ་རྗེ་བྱ་བ་པའི་ལས་ཚོགས། རྗེ་བཙུན་ཀླུ་སྒྲུབ་ཀྱིས་མཛད་པ་རྫོགས་སོ།། །།བཅོམ་ལྡན་འདས་དཔལ་ཕྱག་ན་རྡོ་རྗེ་ལ་ཕྱག་འཚལ་ལོ། །དེ་ཡོངས་སུ་བསྙེན་པར་འདོད་པའི་རིག་པ་འཛིན་པས། །བསམ ་གཏན་གྱི་ཁང་པར་མཎྜལ་སྔོན་པོ་བྱ་སྟེ། མཆོད་རྟེན་སྔོན་པོ་དང། རྟ་གཏོར་དང། མཆོད་རྫས་དང། རྟེན་ཁྱད་པར་ཅན་བཞག་ལ། དང་པོ་ཁྲུས་བྱས་ལ། དེ་ནས་སྐྱབས་སུ་འགྲོ། རྒྱུ་བྱང་ཆུབ་མཆོག་ཏུ་སེམས་བསྐྱེད། རྐྱེན་བྱམས ་པ་དང་སྙིང་རྗེ་བསྒོམ། །ཐབས་ཕ་རོལ་ཏུ་ཕྱིན་པ་དྲུག་ལ་གནས་པ་དེ་ནི་ཐབས་ཀྱི་བསྲུང་བའོ། །ཤེས་རབ་ཀྱིས་བསྲུང་བ་ནི་སྟོང་པ་རང་གསལ་བར་བསྒོམ་པའོ། །དེ་གཉིས་སུ་མེད་པའི་བསྲུང་བ་ནི་རྒྱུད་རྐྱང་ལམ་དུ་ཁྱེར་ལ ་ཉམས་སུ་བླངས་པའི་མན་ངག་ནི། ཡེ་ཤེས་ལྔ་ལྡན་ཡིག་འབྲུ་ལས། །ཁ་དོག་ལྔ་ཡི་འོད་ཟེར་འཕྲོ། །ཉོན་མོངས་ལྔ་དང་ཀླུ་དུག་ལྔ། །རྣམ་སྨིན་ལུས་ཀྱི་ནང་ལྔ་བསྲེག། དེ་ཡི་དེ་དག་བསྲེགས་ནས་ཀྱང། །ལྷག་མ་ལུས་པར་གྱུར་པ་རྣམས། སྤོབས ་པ་ཡི་སྦྱོར་བས་བསྲེག་།བཅོམ་ལྡན་འདས་ཀྱིས་གསུངས་པ་ཡི། །གསང་སྔགས་སྐྱོན་སྤངས་བཟླས་པར་བྱ། །དེ་ལ་མན་ངག་རྣམ་གསུམ་སྟེ། །བསམ་གཏན་ཏིང་འཛིན་རྩེ་གཅིག་ལ། །གཉིད་ཀྱི་བར་ཆད་རབ་ཏུ་སྤང། །གཞན་གྱི་གཏམ་གྱིས་? ་མི་གཅད། །བདུད་དང་རྡོ་རྗེ་འཛིན་པའི་ལམ། །བླ་མའི་ཞལ་ལས་ཤེས་པར་བྱ། །རྒྱུན་དུ་འམ་ཐུན་བཞིའི་རྣལ་འབྱོར་བྱ། །དེ་ནས་སྤྱོད་ལམ་དུས་དག་ཏུ། །བསྐྱེད་བསྡུ་མི་དམིགས་རྒྱས་བཏབ་ལ། །བརྒྱ་བས་བཤགས་ཤིང་དགེ་བར་བསྔོ། །རྟགས ་རྣམས་སྒྱུ་མ་ལྟ་བུར་གཟུང། །དད་ལྡན་བརྩོན་བྱས་ཡིད་ཆེས་ན། །གདོན་མི་ཟ་བར་འགྲུབ་འགྱུར་ཏེ། དེ་བས་ཐེ་ཚོམ་མེད་པར་ནི། །ཤིན་ཏུ་དང་པས་འབད་དེ་བསྒྲུབ། །ཟླ་དྲུག་བསྙེན་པ་དེ་ལྡན་ན། །ཐུན་མོང་མཆོག་གིས་དངོས ་གྲུབ་འགྲུབ། །དེས་ན་བསྒྲུབ་བྱ་འདྲེན་པའི་ལྷ། །དགེ་སློང་དཔལ་དང་ལྡན་པ་ཡི། །ཀླུ་ཞེས་བྱ་བས་ད་སྐད་གསུངས། །སྐྱབས་འགྲོ་སེམས་བསྐྱེད་བྱམས་སྙིང་རྗེ། །བསྒོམས་ཏེ་ཕ་རོལ་ཕྱིན་དྲུག་ལམ། །དེ་དག་ཐབས་ཀྱི་བསྲུང་བའོ། ་ཤེས་རབ་ཟུང་འཇུག་ལམ་བསྒོམས་ཏེ། །སྐྱན་སྤངས་སྔགས་བཟླས་དགེ་བ་བསྔོ། །ཡན་ལག་བདུན་ལྡན་སྒྲུབ་ཐབས་འདི། །འབད་པས་ཚོགས་གཉིས་བསགས་ནས་ནི། །དངོས་གྲུབ་རྣམ་གཉིས་ཐོབ་ནས་ཀྱང། །གདུག་པའི་ནད་ལས ་གྲོལ་བར་ཤོག། སློབ་དཔོན་འཕགས་པ་ཀླུ་སྒྲུབ་ཀྱིས་མཛད་པ་རྫོགས་སོ།། །། *། །རྒྱ་གར་སྐད་དུ། མཧཱ་ཡཀྵ་སེ་ནཱ་པ་ཏ་ཡེ་བཛྲ་པཱ་ཎི་སཱ་དྷ་ནཱཾ་ནཱ་མ། བོད་སྐད་དུ། གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་ཞེས་བྱ་བའི་སྒྲབས ་