Wylie

e-texts based on the ACIP/ALL Input

དེ་བཞིན་གངས་ཅན་གྱི། །ཟླ་བ་གཟས་ཟིན་ནུབ་མོ་བསྒྲུབ་པ་ནི། །སྔགས་པའི་ཁ་ན་འདུག་པ་གཡོ་བར་བྱེད། །ཟོས་ན་དེས་ནི་ཐམས་ཅད་རིག་པ་འཐོབ། །ཤེས་རབ་རྣོ་འགྱུར་སྨན་གག་གནས་པ་དང། །གཞན་དཔྱད་བཤད་པ་ཡོན་ཏན་མང ་པོ་རྣམས། །དེ་དག་སྨན་གྱི་དཔྱད་ལས་འབྱུང་བ་ཡི། །ཆོ་ག་བཞིན་དུ་བསྒྲུབས་ནས་སྦྱར་བར་བྱ། །དཔྱད་འདི་བདག་གིས་ཕྱིན་ཅི་མ་ལོག་པར། །མདོར་བསྡུས་ནས་ནི་འདི་རུ་བཤད་པ་ཡིན། །དཔྱད་གཞན་དག་གི་དངོས་གྲུབ་ཆོ་ག་རྣམས། ་བལྟས་ན་མེད?་བཞིན་འདིར་ནི་བསྒྲུབ་པར་བྱ། །ཤག་ཏི་ཏྲི་ཤཱུ་ལ་ལྕགས་ཀྱུ་འཁོར་ལོ་དང། །རྡོ་རྗེ་རྨ་བྱ་དེ་ཡི་མཇུག་མ་རྣམས། །རལ་གྲི་བསྒྲུབ་པའི་ཆོ་ག་བཤད་པ་བཞིན། །བསྒྲུབས་ན་ཇི་སྐད་བཤད་པའི་དངོས་གྲུབ་འཐོབ། །ཕྱེ་མ ་མིག་སྨན་ཟ་བའི་དངོས་གྲུབ་རྣམས། །གཞན་ཡང་འཇིག་རྟེན་པ་ཡི་བཤད་པ་བཞིན། །སྔགས་རིག་པས་ནི་དེ་བཞིན་བསྒྲུབ་པར་བྱ། །སྔགས་མཁན་གཙང་སྦྲ་ཆེ་ལ་རྟག་འབད་པས། །ཉི་མའི་རྩེ་ལ་ལན་བརྒྱ་བཟླས་པ་ཡི། ། ་ཆུ་འཐུངས་ན་ནི་བསྙེན་པ་མ་བྱས་ཀྱང། །ལོ་གཅིག་གིས་ནི་ཚིག་ལ་དབང་དུ་འགྱུར། །གཙུག་ལག་དོན་རྣམས་མ་ལུས་ཤེས་པར་འགྱུར། །འདུས་བྱས་རང་བཞིན་ཟུང་དུ་མ་འདྲེས་པ། །ལན་ཅིག་ཐོས་ནས་འདི་ནི་ཆུད་མི་ཟ། །དེ་ནི་ཐོག་མར་ཡིད ་ཆོས་ཕྱིར་བཤད་དོ། །འདི་ནི་ཆོ་ག་བསྡུས་ནས་བཤད་པ་སྟེ། །འཇམ་དཔལ་གཞོན་ནུའི་རབ་ཏུ་གསང་བ་ཡི། །དཔྱད་འདི་ཚིག་བཅད་བརྒྱ་ཡི་གྲངས་བྱས་པ། །གྲུབ་པ་འཕགས་པའི་ལྷས་ནི་འདི་བྱས་སོ། །བཅོམ་ལྡན་འདས་འཇམ ་པའི་དབྱངས་ཀྱི་དཔྱད་པ་རྫོགས་སོ།། །། *། (།འཇམ་དཔལ་དབྱངས་དཔའ་བོ་གཅིག་ཏུ་གྲུབ་པའི་སྒྲུབ་ཐབས་མར་མེ་མཛད་དཔལ་ཡེ་ཤེས་ཀྱིས་མཛད་པ་བཞུགས།།)་།། !། །རྒྱ་གར་སྐད་དུ། སིད་དྷཻ་ཀ་པཱི་ར་མཉྫུ་ཤྲཱི(རྒྱུད་འགྲེལ་སྐད་དུ། འཇམ་པའི་དབྱངས་དཔའ་བོ་གཅིག་ཏུ་གྲུབ་པའི་སྒྲུབ་པའི་ཐབས། །འཇམ་པའི་དབྱངས་དཔའ་བོ་གཅིག་ཏུ་གྲུབ་པ་ལ་ཕྱག་འཚལ་ལོ། །དེ་ལ་དང་པོར་སྔགས་པས་གདོང་བཀྲུ་བ་ལ་སོགས་པ་བྱ་སྟེ་ཡིད་དང་མཐུན་པའི་བསམ ་གཏན་གྱི་གནས་གཙང་ཞིང། །མེ་ཏོག་དྲི་ཞིམ་པོས་གཙལ་དུ་བཀྲམ་པར། སྟན་གཙང་ལ་བདེ་བར་སྐྱིལ་མོ་ཀྲུང་གིས་འདུག་སྟེ། འབྱུང་པོ་ཐམས་ཅད་པའི་གཏོར་མའི་སྔགས་ཀྱིས་གཏོར་མ་བྱིན་གྱིས་བརླབས་ལ། །ོཾ་ཨ་བི་གྷྣཱཾ་ཏ་ཀྲི་ཏ ་ཧཱུཾ་ཕཊ་ཅེས་བྱ་བའི་སྔགས་ལན་བཅུའི་བར་དུ་བརྗོད་དེ་ཕྱོགས་བཅུ་ན་གནས་པའི་བགེགས་ཐམས་ཅད་བསྐྲད་པར་བྱའོ། །དེ་ནས་རང་གི་སྙིང་གར་ཨ་ཆོས་ཐམས་ཅད་ཆོས་ཀྱི་དབྱིངས་ཀྱི་རང་བཞིན་སྐྱེ་བ་མེད་པ་སྟོན་པར་བྱེད་པ། སྟོན ་ཀའི་ཟླ་བ་ལྟར་དཀར་བ། འོད་ཟེར་དཀར་པོ་འཕྲོ་བས་རང་གི་ལུས་གསལ་བར་བྱེད་པ་ཤིན་ཏུ་ཕྲ་བ་བསམས་ལ། །དེ་ཡོངས་སུ་གྱུར་པས་འོད་ཟེར་དཀར་པོའི་ཐིག་ལེ་ཤེལ་སྒོང་དག་པ་ལྟ་བུ། དེ་རིམ་གྱིས་འཕེལ་བར་གྱུར་བས་ཟླ་བའི ་དཀྱིལ་འཁོར་གྱི་གཟུགས་སུ་བསམ་ཞིང། དེའི་སྟེང་དུ་ཡི་གེ་དྷི(རྒྱུད་འགྲེལ་