Wylie

e-texts based on the ACIP/ALL Input

མཁའ་ལྟར་སྤྲོས་བྲལ་རོ་གཅིག་རོ། །བདེ་ཆེན་འབྱུང་གནས་ཡེ་ཤེས་དྲི་མེད་མཉམ་གཞག་ཆེན་པོར་བསྒོམ་པར་བྱ། །དེ་རྗེས་མཆོད་སོགས་དག་པའི་ཡན་ལག་ཆོ་ག་ཇི་བཞིན་ཡེ་ཤེས་སེམས་དཔའ་ལེགས་བཅུག ་སྟེ། །རྣམ་གསུམ་འཁོར་བ་དཀར་དམར་སྔོ་ཚུལ་གོ་རིམ་ཇི་བཞིན་སྐུ་གསུང་ཐུགས། །མཐོ་རིས་ས་སྟེང་ངན་འགྲོའི་སར་གནས་སྐྱེ་དགུའི་སྙིང་རབ་སིམ་བྱེད་པས། །བརྟན་གཡོའི་མཚན་ཉིད་དམ་པའི་ཞལ་བཞིན་མཁས་པས་རབ་ཏུ་ཤེས་པར ་བྱ། །ཐུགས་རྗེ་ཆེན་པོ་ཡེ་ཤེས་སེམས་དཔའ་ཨི་སྒྲུབ་ཐབས་རྫོགས་སོ།། །།འཕགས་པ་སྤྱན་རས་གཟིགས་འཁོར་ལོ་གསུམ་ལ་ཕྱག་འཚལ་ལོ། །ས་བླ་དང་ནི་ས་སྟེང་ས་འོག་དུད་འགྲོ་ལ་སོགས་སྦྱོང་བ་ཡི། །འཁོར་ལོ་དྲི་མེད ་དཀར་དང་དམར་པོ་རྣམ་པར་སྔོ། །སྤྱི་བོ་སྙིང་ག་ལྟེ་བའི་དབུས་བཞུགས་ཟླ་བ་དང། །པདམོ་ཉི་མ་ཧཾ་དང་ཧཱུཾ་དང་ཨཱས(རྒྱུད་འགྲེལ་དེའི་སྙིང་པོ་ལ་ནི་གསལ་བྱེད་དམར་པོས་བརྒྱན་ཏོ། །སྙིང་ཁར་ནི་ཆོས་ཀྱི་བདག་ཉིད་ཀྱི་འདབ་མ་བཅུ་དྲུག་པའི་པདྨ་འབུར་བ་བྱུ་རུའི་ཁ་དོག་ཅན་ནོ། །དེའི་སྙིང་པོ་ལ་ནི་དབྱངས་ཡིག་དཀར་པོས་བརྒྱན་ཏོ། །ལྟེ་བར་ནི་སྤྲུལ་པའི་བདག་ཉིད་ཀྱིས ་རྩིབས་དྲུག་ཅུ་རྩ་བཞི་རལ་གྲིའི་ཁ་དོག་ཅན་ནོ། །དེའི་སྙིང་པོ་ལ་ནི་འབེབས་སྔོན་པོས་བརྒྱན་ཏོ། །གསུམ་ཀའི་སྲོག་ཤིང་ནི་རྩཝ་མཆོག་གོ། ལྕགས་ཀྱུ་ཞེས་བྱ་བའི་རླུང་གིས་བསྐོར་བར་བྱའོ། །འོག་མས་ནི་སྦར་བར་བྱའོ། །ཐོག་མས་ནི་དབབ ་པར་བྱའོ། །བར་མས་ནི་བསྲེ་བར་བྱའོ། །ཐམས་ཅད་ལས་ནི་ཡེ་ཤེས་རང་བྱུང་ངོ། །འཛག་པ་ལ་སོགས་པའི་རིམ་པ་ཡང་ཕྲེང་བའི་འཁོར་ལོ་ལའོ། །རབ་ཏུ་གསལ་བ་དང་བདེ་བ་ཆེན་པོ་དང་རྣམ་པར་མི་རྟོག་པ་འབྱུང་བར་འགྱུར་རོ་ཞེས་བྱ ་བའི་དོན་ཏོ། །རྩ་དང་རླུང་དང་ཐིག་ལེ་ཉིད་སྦྱོར་བར་བཤད་དོ། །ཕ་དང་མ་དང་བདེ་བར་གཤེགས་པའི་སྙིང་པོ་ཡི་ས་བོན་ཏེ། ཐོག་མ་དང་ཐ་མ་དང་བར་རོ། །སྐུ་གསུང་ཐུགས་རྣམ་པར་སྤྱོད་པ་ཉིད་དོ། །འདུས་བྱས་འདུས་མ་བྱས་གཉིས་མེད། །ཟབ་མོ་མངོན་པར ་འབྱུང་བའི་ལམ། །རྟོག་པའི་རྒྱལ་པོ་ལས་བསྡུས་པ། །རྣལ་འབྱོར་ལ་ཕན་བྱེད་པ་ཡིན། །སྤྱན་རས་གཟིགས་འཁོར་ལོ་གསུམ་བསྒོམ་པ་རྫོགས་སོ།། །།ཐུགས་རྗེ་ཆེན་པོ་རྒྱལ་བ་ལྔ་ལ་ཕྱག་འཚལ་ལོ། །ཤིན་ཏུ་རྣམ་དག་དང་བའི་མཚོར། །རབ ་མཛེས་སྡོང་བུ་ལྔ་ལྡན་སྟེང། །རྣམ་སྣང་རྡོ་རྗེ་སེམས་དཔའ་དང། །རིན་འབྱུང་འོད་དཔག་མེད་དོན་གྲུབ། །ལྔ་རིག་རྣམ་དག་སྣ་ཚོགས་གཟུགས། །དངོས་གཅིག་རྒྱལ་བ་ལྔ་ལ་འདུད། །བྱང་ཆུབ་སེམས་དཔའ་ཨི་སྤྱོད་པ་ཁྱད་པར་ཅན་ལ་གནས་པས་སྙིང་རྗེ་ཆེན་པོ ་མདུན་དུ་བྱས་ལ། །ཐོག་མ་ཁོ་ནར་ཆོས་ཐམས་ཅད་སྟོང་པ་ཉིད་དུ་རབ་ཏུ་བསྒོམ་པར་བྱའོ། །གདོད་ནས་མ་སྐྱེས་འོད་གསལ་བ། །གང་ཤར་ཉིད་ན་ངོ་བོ་ཉིད། །ཆོས་རྣམས་ཀུན་གྱི་མཚན་ཉིད་དེ། །བླ་མའི་དྲིན་གྱིས་རྟོགས་པར་འགྱུར། །གང་འདི་ལྟར་ངོ་བོ ་མེད་པའི་ཆོས་འདི་དག་ནི་ཟབ་པའི་ཕྱིར་རྟོགས་དཀའ་བས་མི་ཤེས་པའི་འགྲོ་བ་ལྔ་པོ་ནི་ངེས་པར་སྡུག་བསྔལ་བའོ་ཞེས་བརྟགས་ནས་དམིགས་པ་མེད་པའི་ཐུགས་རྗེ་ཆེན་པོ་རླུང་གི་དཀྱིལ་འཁོར་མངོན་པར་བསྐྱོད་པས། །སྐྱེ་བོ་ཉོན་མོངས་སྒྲིབ ་ཚོགས་སྤྲིན་གྱི་ཕུང་པོ་ཤིན་ཏུ་འཐུག་པོ་གཏིབས་གྱུར་ལ། །ཚམ་ཚོམ་མེད་པར་དྲག་པོའི་ཤུགས་ཀྱིས་ཀུན་ཏུ་རབ་ཏུ་དྲལ་ཞིང་ཡོངས་སུ་གཏོར། །དེ་ཡི་ཐབས་གྱུར་ཐུགས་རྗེའི་དབྱིངས་སྐྱེས་སྣ་ཚོགས་མཛད་པས་དབྱེར་མེད་ཅིག་ཆེར་བསྒྲུབ་པ ་ཡི། །མགོན་པོ་དམ་པ་རིགས་ཀྱི་ལྷ་ལྔ་བསྒྲུབ་ཅིང་སྟོབས་ལྔ་སོགས། །དེ་ལ་དབུས་སོགས་སྡོང་འདབ་བཅས། །ཟླ་བའི་འཁོར་ལོ་གསལ་བ་ལ། །མེ་ལོང་གཟུགས་ལྟར་འབྲུ་ལྔ་བསམ། །འཕྲིན་ལས་ལ་སྦྱར་སྐུར་བསྐྱེད་དོ། །རྣམ་པར་སྣང་མཛད ་