Wylie

e-texts based on the ACIP/ALL Input

མཛེས་པ་ཡི། །ཁྲོ་གཉེར་ཅན་ལ་ཕྱག་འཚལ་བསྟོད། །འཕགས་པ་དོན་ཡོད་ཞགས་པ་ལྷ་ལྔའི་བསྟོད་པ། །སློབ་དཔོན་ཆེན་པོ་ཙན་བྲ་གོ་མི་མཛད་པ་རྫོགས་སོ།། །།རྒྱ་གར་སྐད་དུ། ཨཱརྱ་ཨ་མོ་གྷ་པཱ་ཤ་མཎྜ་ལ་དེ ་ཝ་ག་ཎ་སྟོ?་ཏྲ་བི་མ་ལ་བྲ་བྷཱ་ནཱ་མ། བོད་སྐད་དུ། འཕགས་པ་དོན་ཡོད་ཞགས་པའི་དཀྱིལ་འཁོར་གྱི་ལྷ་ཚོགས་ལ་བསྟོད་བ་དྲི་མ་མེད་པའི་འོད་ཅེས་བྱ་བ། །བཅོམ་ལྡན་འདས་ཐུགས་རྗེ་ཆེན་པོ་ལ་ཕྱག་འཚལ་ལོ། །རང་བཞིན ་ཆོས་ཀྱི་དབྱིངས་ལས་མ་གཡོས་ཀྱང། །ཐུགས་རྗེ་ཆེན་པོས་གདུལ་བྱའི་སྣང་ངོ་ལ། །གང་ལ་གང་འདུལ་དེ་ལ་དེ་སྟོན་པའི། །འཇིག་རྟེན་དབང་ཕྱུག་ཁྱོད་ལ་བསྟོད་པར་བགྱི། །འཁོར་བར་གནས་ཀྱང་སྐྱོན་གྱིས་མ་གོས་ཕྱིར། །པདྨ ་དཀར་པོ་རབ་རྒྱས་ལྟེ་བ་ལ། །ཐུགས་རྗེའི་ཆུ་རྒྱུན་འབེབས་མཛད་ཟླ་བའི་གདན། །ཡེ་ཤེས་འགྱིང་ཚུལ་བཞུགས་མཛད་ཁྱོད་ལ་བསྟོད། །འཇིག་རྟེན་ལོག་རྟོག་སྟོན་པ་འདུལ་བའི་ཕྱིར། །རྒྱལ་པོའི་རོལ་སྟངས་དབང་ཕྱུག་ཆ་ལུགས ་འཛིན། །སྣ་ཚོགས་ཐབས་མངའ་ཨི་རིན་ཆེན་རྒྱན་གྱིས་སྤྲས། །འཇིག་རྟེན་ཀུན་གྱིས་བསྟོད་པ་ཁྱོད་ལ་འདུད། །དོན་དམ་ཆོས་སྐུ་ཉག་གཅིག་ཞལ་མངའ་ཞིང། །ཐུགས་རྗེས་འགྲོ་ལ་ཆགས་བས་ཧྲཱི(རྒྱུད་འགྲེལ་གྱིས་དབང་བསྐུར་འོད་དཔག་མེད། །རལ་པའི་ཁུར་ན་འཚང་བ་ཁྱོད་ལ་བསྟོད། །འགྲོ་དྲུག་སྒྲོལ་ཕྱིར་རལ་པའི་ཅོད་པན་འཛིན། །རྒྱལ་བའི་རྒྱལ་པོ་རིན་ཆེན་དབུ་རྒྱན་ཅན། །མེ་ཏོག་ཅོད་བན་རྒྱལ་སྲས་འགྲན་ཟླ་བྲལ། །དུས ་གསུམ་རྒྱལ་བའི་བདག་པོ་ཁྱོད་ལ་བསྟོད། །ནོར་བུའི་སྙམ་ཆས་འགྲོ་ལ་ཆོས་སྒྲ་སྒྲོགས། །སྤྱན་གསུམ་དུས་གསུམ་ཤེས་དང་ཤེས་བྱ་མཁྱེན། །འཛུམ་པའི་ཞལ་མངའ་འགྲོ་བའི་དོན་ལ་དགྱེས། །སྟོང་ཉིད་ཐུགས་རྗེ་ཅན་ལ ་ཕྱག་འཚལ་བསྟོད། །ཀུན་རྫོབ་ཙམ་དུ་འཁོར་བའི་སྡུག་བསྔལ་གྱི། །ཉོན་མོངས་ཀུན་སྐྱོབ་བདེ་བའི་མཆོག་སྦྱིན་ཅིང། །དོན་དམ་རྣམ་དག་པདྨ་དཀར་པོ་བསྣམས། །ཐབས་ཤེས་ཟུང་འཇུག་ཕྱག་གཉིས་ཕྱག་འཚལ་བསྟོད། །སྲེད་བའི་མེས ་བདུངས་རྒྱུད་ལྔའི་སེམས་ཅན་ལ། །བདུད་རྩིའི་རྒྱུན་འབེབས་གཡས་ན་སྤྱི་བླུགས་འཛིན། །བདུད་བཞིའི་འཇིགས་སྐྱོབ་གཡོན་པ་སྐྱབས་སྦྱིན་མཛད། །འཁོར་འདས་གཉིས་མེད་གཟིགས་ལ་ཕྱག་འཚལ་བསྟོད། །སྲིད་གསུམ་གཟོད། ་ནས་དབེན་པར་རྟོགས་པའི་ཕྱིར། །རི་དགས་ལྤགས་པས་སྐུ་ཡི་ཤམ་ཐབས་མཛད། །འཁོར་འདས་རང་བཞིན་སྤྲོས་བྲལ་རྟོགས་པའི་ཕྱིར། །གངས་རི་ཀུན་དའི་མདངས་ལྡན་ཁྱོད་ལ་བསྟོད། །ཁྱོད་ཀྱི་ཐུགས་རྗེའི་རྒྱུན་གྱིས་དུས་གསུམ་གྱི། ། ་རྒྱལ་བ་སྲས་བཅས་འགྲོ་དོན་ལ་བསྐུལ་ནས། །མཛད་བྱའི་འཕྲིན་ལས་མ་ལུས་མཛད་པའི་ཕྱིར། །དཀྱིལ་འཁོར་གཙོ་བོར་བཞུགས་བ་ཁྱོད་ལ་བསྟོད། །ཕ་རོལ་ཕྱིན་བཅུའི་ཡོན་ཏན་རབ་རྫོགས་ཕྱིར། །ཕྱག་ཞབས་ཀུན་ལ་ནོར་བུའི་རྒྱན་གྱིས ་སྤྲས། །ས་བཅུའི་སྟོབས་རྫོགས་ཡེ་ཤེས་མངའ་བའི་ཕྱིར། །མུ་ཏིག་དོ་ཤལ་འཕྱང་ལ་ཕྱག་འཚལ་བསྟོད། །རྫུ་འཕྲུལ་མཐུ་ཡིས་འགྲོ་བ་དྲང་བ་དང། །སྟོབས་བཅུའི་རྩལ་གྱིས་བདུད་དཔུང་གཞོམ་པའི་ཕྱིར། །ཞབས་གཉིས་ཅུང་ཟད་བརྐྱང ་བསྐུམ་རོལ་པས་བཞུགས། །རྟག་པར་གཞན་དོན་མཛད་ལ་ཕྱག་འཚལ་བསྟོད། །སྲིད་པ་གསུམ་པོ་དབྱིངས་སུ་བསྒྲལ་བའི་ཕྱིར། །འཛམ་བུ་ཆུ་བོའི་གསེར་ལྟར་འབར་བའི་སྐུས། །ཡེ་ཤེས་རོལ་བའི་འོད་ཟེར་འགྱེད་མཛད་པའི། །མ་རིག་མུན ་པ་འཇོམས་ལ་ཕྱག་འཚལ་བསྟོད། །གཟུང་འཛིན་དྲི་མ་དང་བྲལ་པདྨའི་གདན། །ཉོན་མོངས་གདུང་སེལ་ཟླ་བའི་གདན་ལ་བཞུགས། །འགྲོ་དོན་ཡེངས་བ་མི་མངའ་བཞེངས་ཚུལ་ཅན། །ཐུགས་རྗེ་ཆགས་པའི་མདོག་མདའ་ཁྱོད་ལ་འདུད། ་ཐབས་ཀྱི་ཞགས་པས་འགྲོ་བ་དྲང་བའི་ཕྱིར། །ཧ་ལས་འཁྲུངས་པའི་ཚུལ་སྟོན་དོན་ཆེན་མཛད། །སྐྱེ་མེད་ཞལ་མངའ་སྲིད་གསུམ་གཟིགས་པའི་སྤྱན། །དབུ་རྒྱན་རྒྱལ་བའི་ཅོད་པན་འཆད་ལ་བསྟོད། །བདེན་བཞིའི ་ཕྱག་གིས་ཆོས་ཀྱི་འཁོར་ལོ་བསྐོར། །སྙིང་རྗེའི་ཞགས་པས་འགྲོ་བ་འདྲེན་པར་མཛད་རྟོགས་པའི་རྡོ་རྗེས་ལོག་རྟོག་མཚན་མ་འཇོམས། །སྒྱུ་མའི་རྫུ་འཕྲུལ་མངའ་བ་ཁྱོད་ལ་བསྟོད། །མཁྱེན་བརྩེའི་ལྕགས་ཀྱུས་འཁོར་བ་བདེ་བར ་འགུགས། །ནུས་ལྡན་བགྲང་ཕྲེང་ཡོན་ཏན་གཏེར་མཛོད་འཛིན། །འགྲོ་དོན་མཛད་མཁས་ཞབས་གཉིས་བརྐྱང་བསྐུམ་ཚུལ། །མཚན་དོན་ལྡན་པར་བཞུགས་པ་ཁྱོད་ལ་བསྟོད། །མ་ཆགས་པདྨའི་རིགས་ཏེ་སྐྱོན་བྲལ་སྟེང། ། ་མཁྱེན་པས་ཉོན་མོངས་ཚོགས་འཇོམས་ཉི་མའི་གདན། །བདུད་དཔུང་འཇོམས་མཛད་ཁྲོ་རྒྱལ་ཧཱུཾ་ལས་འཁྲུངས། །ཁྲོ་བས་ཁྲོ་བ་འདུལ་མཛད་ཁྱོད་ལ་བསྟོད། །རྔམ་པའི་ཞལ་གྱིས་ལོག་རྟོག་དབྱིངས་སུ་གསོལ། །དམར་སེར ་རལ་པས་ལོག་འདྲེན་བྲན་དུ་འདུལ། །ཡེ་ཤེས་སྤྱན་གྱིས་ཁམས་གསུམ་སྐུ་གསུམ་གཟིགས། །རྟ་མགྲིན་རྟ་སྐད་སྒྲོགས་ལ་ཕྱག་འཚལ་བསྟོད། །རྡོ་རྗེ་དབྱུག་བས་བགེགས་དཔུང་རྡུལ་དུ་རློག་།རྡོ་རྗེ་སྡིགས་མཛུབ་བདུད་སྡེ་སྐྲག ་བར་མཛད། །གསེར་གྱི་འཁོར་ལོས་འཁོར་བའི་རྩ་བ་གཅོད། །ཆགས་བྲལ་པདྨ་འཆང་ལ་ཕྱག་འཚལ་བསྟོད། །རིན་ཆེན་སྤྲུལ་རྐྱེན་ཀླུ་རྒྱལ་གདུགས་བ་འདུལ། །གླང་ཆེན་གཡང་གཞི་སྟོབས་བཅུ་མདའ་བའ་ཨི་དཔལ། །སྟག་ཤམ ་བ་ཏིས་འཕྲིན་ལས་རྣམ་བཞི་མཛད། །ཁྲོ་རྒྱལ་བརྐྱང་བསྐུམ་བཞུགས་ལ་ཕྱག་འཚལ་བསྟོད། །སྐྱོན་བྲལ་གདན་ལ་རྨོངས་སེལ་ཉི་མའི་སྟེང། །ཕ་ལས་འཁྲུངས་པའི་བདུད་འདུལ་ནག་མོ་ཆེ། །རྔམ་པའི་སྟངས་ཀྱིས་གདུག་པ ་སྒྲོལ་བར་མཛད། །མཆེ་བ་གཙིགས་པས་བདུད་བཞི་གསོལ་ལ་བསྟོད། །རྣམ་ཐར་ཕྱག་བརྒྱད་ཡེ་ཤེས་རྣོ་བའི་མཚོན། །ཤེས་རབ་རལ་གྲིས་གཏི་མུག་རྩད་ནས་གཅོད། །ཐུགས་རྗེའི་ཞགས་པ་སྐྱོན་བྲལ་པདྨ་འཆང། །ཐབས་མཁས་བརྩེ་བའི ་མདའའཕེན་ཁྱོད་ཕྱག་འཚལ། །འཁོར་ལོས་སྲིད་པའི་འཁོར་ལོ་འཇོམས་མཛད་ཅིང། །དབྱུག་པས་བགེགས་འདུལ་རྩེ་གསུམ་དུག་གསུམ་གཅོད། །སྤྲོས་བྲལ་གཞུ་ཡིས་ཐུགས་རྗེའི་མདའའཕེན་མ། །འཕགས་ལ། དོན་ལྡན་རལ ་གཅིག་མ་ལ་བསྟོད། །ཁྲོ་རྒྱལ་ཀུན་འདུལ་དབུ་རྒྱན་རིན་ཆེན་འཆང། །བདུད་དགྲ་ཀུན་འཇོམས་ཁྲོ་མོའི་ཆ་ལུགས་རྫོགས། །སྟག་ལྤགས་ཤམ་ཐབས་སྟོབས་བཅུའི་རྩལ་མངའ་བའི། །རྒྱལ་བ་ཀུན་སྐྱེད་ཁྲོ་རྒྱལ་ཡུམ་ལ་བསྟོད།། །། ་སྐྱོན་བྲལ་ཆུ་སྐྱེས་གདུང་བ་སེལ་བའི་སྟེང། །ཊ་ལས་འཁྲུངས་པའི་འཕྲིན་ལས་ཀུན་རྫོགས་མ། །བརྩེ་བའི་ཞལ་མངའ་འཕྲིན་ལས་རྒྱས་པའི་ཕྱག་།རལ་པའི་ཅོད་པན་རྡོ་རྗེས་བརྒྱན་ལ་བསྟོད། །ཐོད་དབྱུག་བགེགས་འདུལ་པདམོས་འཁོར ་བ་སྐྱོབ། །ཕྲེང་བས་སེམས་ཅན་རྗེས་འཛིན་འགྲོ་དྲུག་ལ། །དམ་ཆོས་བདུད་རྩིའི་རྒྱུན་འབེབས་སྤྱི་བླུགས་འཛིན། །སྒྲུབ་པ་པོ་ལ་མཆོག་གསོལ་མཛད་ལ་བསྟོད། །རིན་ཆེན་རྒྱན་འཆངས་དང་ཡོན་ཏན་རྫོགས། །དར་ཤམ་བ་ཏིས་མི་འཇིགས ་ལྷ་ཆེན་འདུལ། །ཆགས་ཅན་འདུལ་ཕྱིར་ཆགས་པ་ལྟར་སྟོན་པའི། །ལྷ་མོ་ཁྲོ་གཉེར་ལྡན་ལ་ཕྱག་འཚལ་བསྟོད། །ཀུན་ཀྱང་ཡེ་ཤེས་འོད་དཔུང་ཀློང་ན་བཞུགས། །ཐབས་ལ་མཁས་པས་སྣ་ཚོགས་ཅིར་ཡང་སྟོན། །ཉམ་ཐག་འགྲོ་ལ ་ཀུན་ཏུ་བརྩེ་བ་ཅན། །ཐུགས་རྗེས་རྟག་ཏུ་གཟིགས་མཛད་ཁྱོད་ལ་བསྟོད། །ཡེ་ཤེས་རོལ་པ་ཆེན་པོའི་བདག་ཉིད་ཕྱིར། །སྦྱིན་པའི་ཕ་རོལ་ཏུ་ཕྱིན་པ་རབ་རྫོགས་ཕྱིར། །སྒེག་པའི་ཚུལ་འཆང་བདེ་བའི་མཆོད་འབུལ་མ། །སྒེག་ཅིང ་བཞད་པར་མཛད་ལ་ཕྱག་འཚལ་བསྟོད། །བྱང་ཆུབ་ཡན་ལག་འབྲས་བུ་ཀུན་སྟེར་བས། །ཚུལ་ཁྲིམས་ཕ་རོལ་ཕྱིན་པ་རབ་རྫོགས་ཕྱིར། །རིན་ཆེན་ཕྲེང་བ་འཆང་ཞིང་མཆོད་པ་འབུལ། །ཆགས་བྲལ་བལྟ་བར་མཛད་ལ ་ཕྱག་འཚལ་བསྟོད། །གཟོད་ནས་ཞི་བའི་དོན་ལ་རབ་མོས་པས། །བཟོད་པའི་ཕ་རོལ་ཕྱིན་པ་རབ་རྫོགས་ཕྱིར། །སྙན་པའི་གླུ་དབྱངས་སྒྲོགས་ཤིང་མཆོད་པ་འབུལ། །དོན་དམ་རྟོགས་པར་མཛད་ལ་ཕྱག་འཚལ་ལོ། །རྒྱལ་བ་མཆོད་པར ་བྱ་ཕྱིར་སྐྱོ་བ་མེད། །བརྩོན་འགྲུས་ཕ་རོལ་ཕྱིན་པ་རབ་རྫོགས་ཕྱིར། །སྣ་ཚོགས་རོལ་པས་དགྱེས་པའི་གར་མཛད་མ། །མཉེས་པའི་གཟིགས་མོ་མཛད་ལ་ཕྱག་འཚལ་བསྟོད། །སངས་རྒྱས་རྒྱུ་འབྲས་བྱང་ཆུབ་སེམས་ཡིན་པས། ། ་བསམ་གཏན་ཕ་རོལ་ཕྱིན་པ་རབ་རྫོགས་ཕྱིར། །ཡིད་འོང་མེ་ཏོག་རྣམས་ཀྱིས་མཆོད་མཛད་མ། །རྣམ་ཐར་སྒོ་གསུམ་རྟོགས་ལ་ཕྱག་འཚལ་བསྟོད། །ཐར་པར་འཇུག་པ་དབུ་མར་གྲུབ་པ་དང། །ཤེས་རབ་ཕ་རོལ་ཕྱིན་པ་རབ་རྫོགས ་ཕྱིར། །བདུག་སྤོས་སྤྲིན་ཚོགས་རྣམས་ཀྱིས་རྒྱལ་བ་མཆོད། །དོན་དམ་གོ་བར་མཛད་མ་ཁྱོད་ལ་བསྟོད། །མི་ཤེས་མུན་པ་ལྷག་མཐོང་གིས་འཇོམས་ཤིང། །ཐབས་མཆོག་ཕ་རོལ་ཕྱིན་པ་རབ་རྫོགས་ཕྱིར། །སྣང་བའི་སྒྲོན་མས ་ཀུན་ཏུ་མཉེས་མཛད་མ། །མ་རིག་མུན་སེལ་མཛད་མ་ཁྱོད་ལ་བསྟོད། །ཉོན་མོངས་དྲི་ང་རབ་ཏུ་འཇོམས་པ་དང། །སྨོན་ལམ་ཕ་རོལ་ཕྱིན་པར་བ་རྫོགས་ཕྱིར། །དྲི་མཆོག་བྱུག་པས་རྒྱལ་བ་མཉེས་མཛད་མ། །རི་རབ་བསྣམས ་མཛད་མ་ཁྱོད་ཕྱག་འཚལ་བསྟོད། །སྙིང་རྗེ་ཆེན་པོས་འགྲོ་བ་ཀུན་བསྡུས་ནས། །སྟོབས་བཅུའི་ས་ལ་ཀུན་ཏུ་དགོད་བྱའི་ཕྱིར། །ལྕགས་ཀྱུ་འཛིན་ཅིང་ཞི་བའི་ལས་མཛད་མ། །ཤར་སྒོར་བཞུགས་ཚུལ་མཛད་མ་ཁྱོད་ཕྱག་འཚལ།། ་བྱམས་པ་ཆེན་པོས་སྡུག་བསྔལ་ཀུན་བསལ་ནས། །ཡང་དག་རིག་པའི་དོན་ལ་དགོད་པའི་ཕྱིར། །ཞགས་པ་འཛིན་ཅིང་རྒྱས་པའི་ལས་མཛད་མ། །ལྷོ་སྒོར་བཞུགས་ཚུལ་མཛད་མ་ཁྱོད་ཕྱག་འཚལ། །དགའ་བ་ཆེན་པོས་འགྲོ་ཀུན་བདེ ་ལ་འགོད། །སྲིད་གསུམ་འགྲོ་བ་དབང་དུ་བྱ་བའི་ཕྱིར། །ལྕགས་སྒྲོག་བསྣམས་ནས་དབང་གི་ལས་མཛད་མ། །ནུབ་སྒོར་བཞུགས་ཚུལ་མཛད་མ་ཁྱོད་ཕྱག་འཚལ། །བཏང་སྙོམས་ཆེན་པོས་འགྲོ་ཀུན་བདག་ཏུ་མཛད། །མ་ལུས་སངས་རྒྱས་ས ་ལ་རབ་དགོད་ཕྱིར། །དྲིལ་བུ་འཆང་ཞིང་མངོན་སྤྱོད་ལས་མཛད་མ། །བྱང་སྒོར་བཞུགས་མ་ཁྱོད་ལ་གུས་པ་བསྟོད། །ཚངས་པ་དྲག་པོ་ཉི་མ་ཟླ་བ་དང། །དབང་པོ་གཤིན་རྗེ་ཆུ་ལྷ་ནོར་གྱི་བདག་།དྲང་སྲོང་སྲིན་པོ་རླུང་དང་དབང་བདག་སྟེ། །འཇིག ་རྟེན་འདུལ་ཕྱིར་ཞབས་དྲུང་འདུད་མཛད་བསྟོད། །བདག་འདྲ་ལས་ཀྱིས་མནར་བའི་སྐྱེ་བོ་ཡིས། །ཡོན་ཏན་རྒྱ་མཚོ་མངའ་བའི་མགོན་པོ་ཡིས། །ཡོན་ཏན་ཆ་ཤས་ཙམ་ཡང་མ་རིག་པས། །ཁྱོད་ཀྱི་མཛད་ཚུལ་དཔག་པར་མི་ནུས་མོད། ། ་མུན་ཁུད་ནང་ནས་མེ་ཁྱེར་འོད་ཙམ་ཞིག་།ཁྱོད་ཀྱི་མཐུ་ཡིས་དད་པའི་བློ་ཐོབ་ནས། །རྒྱ་མཚོ་ཆེ་ལས་སྐྲ་རྩེའི་ཆུ་ཐིགས་ཙམ། །བདག་ཡིས་སྤྲོ་བས་ཁྱོད་ལ་བསྟོད་པ་འདིས། །ཅུང་ཟད་ཙམ་རྙེད་དགེ་བ་དྲི་མ་མེད། །གངས་རི་ལྟར་དཀར་ཤེས ་ཙམ་ཐོབ་པ་དེས། །རྒྱུད་ལྔའི་འགྲོ་བས་ཉེས་པ་ཀུན་སྤངས་ནས། །མགོན་པོ་འོད་དཔག་མེད་པའི་གནས་ཐོབ་ཤོག་།འཕགས་པ་དོན་ཡོད་ཞགས་པའི་དཀྱིལ་འཁོར་གྱི་ལྷ་བཅུ་བདུན་ལ་དོན་རྟགས་ཀྱི་སྒོ་ནས་བསྟོད་པ་དྲི་མ་མེད་པའི ་འོད་ཅེས་བྱ་བ་རྫོགས་སོ།། །།རྒྱ་གར་སྐད་དུ། ཀལྤ་མ་ན་ཧ་ར་ན་ནི་ནཱ་མ་ལོག་ནཱ་ཐ་སྟོ་ཏྲ། བོད་སྐད་དུ། འཇིག་རྟེན་མགོན་པོའི་བསྟོད་པ་ཡིད་འཕྲོག་སྡིག་འཇོམས་ཞེས་བྱ་བ། །ཐུགས་རྗེ་ཆེན་པོ་ལ་ཕྱག་འཚལ་ལོ།། ་