Wylie

e-texts based on the ACIP/ALL Input

ཕྱོགས་བཅུར་བཞུགས་པའི་སངས་རྒྱས་ལ། །རྒྱ་ཆེར་བསྟོད་པ་སྤྱོད་པ་དང། །འགྲོ་བའི་ལམ་ནི་སྟོན་པ་པོ། །འཇམ་དཔལ་ཁྱེད་ལ་ཕྱག་འཚལ་བསྟོད། །ངག་གི་དབང་ཕྱུག་ལ་བུ་མོ་བརྒྱད་ཀྱིས་བསྟོད་པ་རྫོགས་སོ།། །།རྒྱ་གར་སྐད་དུ། ་ཨཱརྱ་མཉྫུ་ཤྲཱི་སྟོ་ཏྲ། བོད་སྐད་དུ། འཕགས་པ་འཇམ་དཔལ་ལ་བསྟོད་པ། འཕགས་པ་འཇམ་དཔལ་ལ་ཕྱག་འཚལ་ལོ། །དཔལ་གྱི་འབྱུང་གནས་འཇམ་དཔལ་ཀུན་གྱི་དཔལ། །མཛའ་དག་བྱམས་པས་ཁྱབ་པས་འཇམ་པའི་ངང། །འཇམ ་དང་དཔལ་དུ་གྲགས་པས་དོན་དང་ལྡན། །འཇམ་དཔལ་ཡང་དག་དཔལ་ལ་ཕྱག་འཚལ་བསྟོད། །གཞོན་ནུའི་སྐུ་མདོག་གསེར་མདངས་འོད་ལམ་འབར། །རིན་ཆེན་མཆོག་གིས་བརྒྱན་པས་ས་ལེས་པ། །བྱིན་ཆེན་དང་བའི་ཐུགས་མངའ་འཛུམ་པ་པོ།། ་གཟི་བརྗིད་མཛེས་དང་ལྡན་ལ་ཕྱག་འཚལ་བསྟོད། །ཡོན་ཏན་གཏེར་གྱི་ཨུཏཔལ་ཕྱག་ན་བསྣམས། །པདྨ་རྒྱས་པའི་སྙིང་པོའི་གདན་ལ་བཞུགས། །ལྷ་ཡི་ཆ་ལུགས་ལྷ་ལས་ཁྱད་པར་འཕགས། །བལྟ་བས་མི་སྐྱོ་ཁྱོད་ལ་ཕྱག་འཚལ་བསྟོད། །གཞོན ་ནུ་སྒེག་པའི་ཚུལ་དུ་གདའ་མོད་ཀྱི། །ཡེ་ཤེས་ཐོགས་མེད་མངའ་བས་ཀུན་མཁྱེན་པས། །སེམས་ཅན་དོན་ལ་ནན་ཏན་དོན་དུ་གཉེར། །འགྲོ་བ་མཛའ་དག་སྒྲོལ་ལ་ཕྱག་འཚལ་བསྟོད། །གཞོན་ནུ་སྤྲུལ་པའི་མཚན་དང་དཔེ་བྱད་ལ། །གང་གིས་ཡུད ་ཙམ་མཐོང་བས་འདུན་པ་སྐྱེ། །གང་ལ་ཅིས་འདུལ་དེ་ལྟར་སྤྲུལ་མཛད་པ། །ཐབས་ཀྱིས་འདྲེན་པའི་མགོན་ལ་ཕྱག་འཚལ་བསྟོད། །བསམ་རྟོགས་སྤྲོས་ལ་དབེན་པས་སངས་རྒྱས་བརྙེས། །ཡོད་མེད་རྟག་ཆད་མཛའ་ལ་མི་གནས་ཤིང། །གཉིས ་མེད་མཉམ་པས་ཆོས་ཀྱི་ཚུལ་ལ་གནས། །ཡང་དག་དོན་གྱི་མཆོག་ལ་ཕྱག་འཚལ་བསྟོད། །ཁྱོད་ནི་ཆོས་དབྱིངས་ཟབ་མོའི་འབྱུང་གནས་ཏེ། །ཡི་གེ་སྨྲ་བས་རྟོག་པའི་ཡུལ་མེད་ཀྱང། །འདུལ་བའི་དབང་གིས་ཆོ་འཕྲུལ་གཟུགས ་སྟོན་པ། །དམ་པས་མཐོང་བར་མཛད་ལ་ཕྱག་འཚལ་བསྟོད། །ཚུལ་བཞིན་མ་ཡིན་ཡིད་ལ་བྱེད་པ་སྤངས། །རིག་པས་དགོན་པར་གྱུར་པའི་ཐབས་ལ་དབེན། །ཡེ་ཤེས་བདུད་རྩི་ཆར་གྱིས་བརླན་མཛད་ཅིང། །བྱང་ཆུབ་མྱུ་གུ ་སྐྱེད་ལ་ཕྱག་འཚལ་བསྟོད། །བྱམས་ཆེན་འགྲན་ཟླ་མེད་པ་དག་གི་དབང། །མཚན་མར་སྤྲོས་པའི་རྩོད་པ་ཚར་བཅད་དེ། །ཞི་བ་མི་གཡོ་དབྱིངས་སུ་འཛུད་མཛད་པ། །འཇིག་རྟེན་དེད་དཔོན་མཆོག་ལ་ཕྱག་འཚལ་བསྟོད། །ཅང་མཁྱེན་ཆེན་པོ་ཤེས ་རབ་རལ་གྲི་ཡིས། །ལྟ་བ་དམན་པ་བསླང་པའི་དྲ་བ་འདྲལ། །བག་ཡངས་མི་རྟོག་དབྱིངས་སུ་ཡུན་དུ་བཞུགས། །སྐྱེ་དགུ་བདེ་བར་འགོད་ལ་ཕྱག་འཚལ་བསྟོད། །ཁྱོད་ནི་ཆོས་དབྱིངས་ཟབ་མོའི་འབྱུང་གནས་ཏེ། །གསུང་རབ་མདོ་སྡེ་བཅུ ་གཉིས་གང་ལ་ཡང། །གང་དུ་ཁྱོད་ཀྱིས་གསུངས་པ་ལྷག་པར་ཟབ། །ཆོས་ཉིད་དོན་མཆོག་སྟོན་ལ་ཕྱག་འཚལ་བསྟོད། །དངོས་པོ་མཚན་མར་ཆགས་པའི་དུག་འཐུངས་པས། །སྡུག་བསྔལ་ནད་ཀྱིས་བརྒྱལ་བའི་སེམས་ཅན་རྣམས། །གཉིས ་མེད་རང་བཞིན་མྱ་ངན་འདས་སྟོན་པ། །བདུད་རྩི་སྟོབས་པར་མཛད་ལ་ཕྱག་འཚལ་བསྟོད། །མ་རིག་རྨོངས་པས་བསླད་པའི་མུན་རུམ་ནས། །ཐར་པའི་དུས་མེད་མུ་ཆོར་འཁྱམས་པ་ལ། །ཡེ་ཤེས་སྒྲོན་མའི་འོད་ཀྱིས་གསལ་མཛད ་ནས། །སྣང་བས་ཐར་པར་མཛད་ལ་ཕྱག་འཚལ་བསྟོད། །ཡོན་ཏན་རྫོགས་ཏེ་བཙལ་བར་བྱ་མིན་པས། །ཐུགས་རྗེས་ཐུགས་དམ་བཙན་པར་གྱུར་པ་ཡང། །བརྩོན་འགྲུས་སྐྱོ་བ་མི་མངའ་སྲིད་བ་སེལ། །སེམས་ཅན་མཛའ་དག་སྒྲོལ་ལ ་ཕྱག་འཚལ་བསྟོད། །སེམས་ཅན་མཐུན་པར་སྲིད་པ་མི་འདོར་ཞིང། །ཇི་ལྟར་ཉེས་པའི་སྐྱོན་གྱིས་མི་གོས་པ། །འདམ་ནས་པདྨ་གསལ་བ་འབྱུང་བ་ལྟར། །སྐྱོན་མེད་དག་པ་ཁྱོད་ལ་ཕྱག་འཚལ་བསྟོད། །སེམས་ཅན་ཟད་པའི་མཛའ་ནི་དཔག ་དཀའ་སྟེ། །སྲིད་པ་སྟོངས་པར་ཐུགས་དམ་བཅས་པ་ཡི། །ཡོན་ཏན་དེས་ན་བྱང་ཆུབ་གཞན་ལས་འཕགས། །ཐུགས་རྗེ་མཐུ་སྟོབས་ཆེ་ལ་ཕྱག་འཚལ་བསྟོད། །འཕགས་པ་འཇམ་དཔལ་ལ་ཁྱེའུ་བཅུ་དྲུག་གིས་བསྟོད་པ་རྫོགས་སོ།། །། ་