Wylie

e-texts based on the ACIP/ALL Input

པཎྜི་ཏ་ཤཱཀྱ་ཤྲཱི་བྷ་དྲ་དང་བྱིས་པ་དཔལ་གྱིས་བསྒྱུར་ཅིང་གཏན་ལ་ཕབ།། །།རྒྱ་གར་སྐད་དུ། མཉྫུ་ཤྲཱི་ཙ་ལ་ཙཀྲ། བོད་སྐད་དུ། འཇམ་དཔལ་གཡོ་བའི་འཁོར་ལོ། །འཇམ་པའི་དབྱངས་ལ་ཕྱག་འཚལ་ལོ། །སྔོན ་དུ་འགྲོ་བ་བསོད་ནམས་ཀྱི་ཚོགས་ལ། མདུན་གྱི་ནམ་མཁའ་ལ་རང་གི་བླ་མ་དང་འཇམ་དབྱངས་ལ་སོགས་པ་སངས་རྒྱས་དང་བྱང་ཆུབ་སེམས་དཔའ་དཔག་ཏུ་མེད་པ་བཞུགས་པར་བསམས་ལ་ཡན་ལག་བདུན་པ་རྒྱས་པར་བྱ།། ་དེ་ནས་ཚད་མེད་པ་བཞི་བསྒོམ་དངོས་པོ་ཐམས་ཅད་རྨི་ལམ་ལྟ་བུའི་བློ་ཉེ་བར་གཞག། རང་གི་ལུས་དབུལ། །དེ་ནས་དྲི་བཟངས་ཀྱི་ཆུས་ཆག་ཆག་བཏབ་ལ་སྟན་བདེ་བའི་སྟེང་དུ་ཏིང་ངེ་འཛིན་སྐྱེ་བ་དང་མཐུན་པའི་ལུས་ཀྱི་རྣལ ་འབྱོར་དང་ལྡན་པས་ཆོས་ཐམས་ཅད་སྟོང་པ་ཉིད་དུ་བསྒོམ་སྟེ། བྱིན་གྱིས་རླབ་པའི་སྔགས་སྭ་བྷཱ་བ་ལ་སོགས་ཀྱང་བརྗོད་དོ། །དེ་ལས་སྐྱོ་བར་གྱུར་ན་གང་དུ་ཡང་མ་གྲུབ་པའི་ངང་ལས་རང་གི་སྔར་གྱི་གདན་གང་ན་ཡོད་པའི་སར ་ཨཱ་དཀར་པོ་ཡོངས་སུ་གྱུར་པ་ལས་ཟླ་བའི་དཀྱིལ་འཁོར་དེའི་སྟེང་དུ་ཡི་གེ་དྷཱི(རྒྱུད་འགྲེལ་དེ་རྣམས་འོད་ཟེར་གྱིས་དྷཱི(རྒྱུད་འགྲེལ་ཁ་ཕྱེ་བ་ལྟ་བུའི་སྤྱན་དཀྱུས་རིང་བ། དབུ་ལ་གཙུགས་ཕུད་ལྔ་འཕྱང་བ། རིན་པོ་ཆེའི་རྒྱན་མང་པོས་མཛད་པ། །བཅུ་དྲུག་ལོན་པའི་ཁྱེའུ་ལྟར་གཞོན་ཤ་དང་བཅས་པ་ཟླ་བ་བྱེ་བའི་གཟི་བརྗིད་ལྟར་འོད་ཟེར་རབ་ཏུ་འབར་བའི་སྐུ་བསྐྱེད་དེ། དེའི ་ཐུགས་ཀར་ཨོཾ་འོད་ཟེར་གྱི་ཕུང་པོ་ཅན་ཡོངས་སུ་གྱུར་པ་ལས་འཁོར་ལོ་རྩིབས་བརྒྱད་པ་ཁ་དོག་ཤིན་ཏུ་དཀར་ཞིང་འོད་ཟེར་དཔག་ཏུ་མེད་པ་འཕྲོ་བ། དེའི་སྟེང་དུ་ཨ་ལས་ཟླ་བའི་དབུས་སུ་ཨཾ་ཡོངས་སུ་གྱུར་པ་ལས་འཇམ་དབྱངས། ཤར ་དུ་ར་ཡོངས་སུ་གྱུར་པ་ལས་དྲ་བ་ཅན་གྱི་འོང། །རྒྱབ་ཏུ་བ་ཡོངས་སུ་གྱུར་པ་ལས་ཟླ་འོད། གཡས་ས་ཙམ་ཡོངས་སུ་གྱུར་པ་ལས་སྐྲ་ཅན་མ། གཡོན་དུ་ནམ་ཡོངས་སུ་གྱུར་པ་ལས་ཉེ་བའི་སྐྲ་ཅན་མའོ། །འདི་དག་གི་སྐུ་མདོག་ཕྱག་མཚན་ནི ་ཕྱི་རོལ་གྱི་འཕགས་པ་བཞིན་ནོ། །སྐུ་ཕྱི་ནང་ཐམས་ཅད་དྲི་མ་ཡོངས་སུ་དག་ཅིང་འོད་ཟེར་འཕྲོ་བས་མ་རིག་པའི་རྫབ་བསལ་བར་བསམ། །གཡོ་བའི་འཁོར་ལོ་ཞེས་བྱ་བ་ནི། །འཁོར་ལོ་དེ་གཡོ་ཞིང་འཁོར་བས་རྫ་མཁན་གྱི་འཁོར་ལོ ་ལྟར་རབ་ཏུ་འཁོར་བསམ་རིག་པ་ལ་སོགས་པ་ཉོན་མོངས་པ་རྣམས་གཅོད་པར་བྱེད་དོ། །ཡེ་ཤེས་སེམས་དཔའ་དགུག་པ་དང། གཞུག་པ་དང། རིགས་ལྔས་དབང་སྐུར་ཏེ། རིགས་ཀྱི་བདག་པོས་དབུ་བརྒྱན་པ་ནི་གཞན་དང་མཐུན་ནོ། །ཟླ ་བ་དང་འཁོར་ལོ་དང་ལྷའི་སྐུ་དྲི་མ་ཡོངས་སུ་དག་པ་འཇའ་ཚོན་ལྟ་བུ་ལ་དམིགས་ལ། །ོཾ་ཨ་ར་པ་ཙ་ན་དྷཱི(རྒྱུད་འགྲེལ་ནི་རྒྱུན་མི་འཆད་པ་དང་གུས་པའི་སྒོ་ནས་བསྒྲུབས་ན་འགྲུབ་པར་འགྱུར་རོ། །འཕགས་པ་འཇམ་དཔལ་གཡོ་བའི་འཁོར་ལོའི་མན་ངག་།ཁ་ཆེའི་པཎྜི་ཏ་ཤཱཀྱ་ཤྲཱི་བྷ་དྲའི་ཞལ་སྔ་ནས་མཛད་པ་རྫོགས་སོ།། །།རྒྱ་གར་སྐད་དུ། ་