Wylie

e-texts based on the ACIP/ALL Input

*། (།སྒོ་མཛའ་ཡས་པའི་གཟུངས་ཀྱི་འགྲེལ་བཞུགས།།)་།།རྒྱ་གར་སྐད་དུ། ཨཱརྱ་ཨ་ནནྟ་མུ་ཁ་ནིརཧཱ་ར་དྷཱ་ར་ཎི་ཊཱི་ཀཱ། བོད་སྐད་དུ། འཕགས་པ་སྒོ་མཛའ་ཡས་པས་བསྒྲུབ་པའི་གཟུངས་རྒྱ་ཆེར་འགྲེལ་པ། འཇམ ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །རྫོགས་སངས་རྒྱས་དང་ཆོས་དང་ནི། །དགེ་འདུན་ལ་ཡང་ཕྱག་འཚལ་ནས། །མཛའ་ཡས་སྒོས་སྒྲུབ་གཟུངས་ཀྱི་དོན། །མདོར་བསྡུས་རྣམ་པར་དབྱེ་བར་བྱ། །རྫོགས་པའི་སངས་རྒྱས་སྲས་དང ་བཅས་པ་ཤེས་བྱ་ཀུན་གྱི་ཡང་དག་ཐུགས་སུ་ཆུད་གྱུར་པའི། །སྤྱོད་ཡུལ་ཟབ་མོའི་གཟུངས་འདི་ཛི་ག་བདག་འདྲ་ཉོན་མོངས་བློ་ཞན་ལ་ཡིས་ག་ལ་ལྕོགས། །དེ་ནི་གནས་མ་ཡིན་པར་ཤིན་ཏུ་མངོན་བཞིན་འོན་ཀྱང་གཟུངས་དོན་རྣམ ་པར་དབྱེ་བར་བྱ། །བདག་ནི་དད་པས་གུས་པར་བསྐུལ་ལ་གཞན་དབང་བློ་ཅན་དག་གིས་མི་བྱ་ཅི་ཡང་མེད། །འཇིག་རྟེན་མ་ལུས་ཡང་དག་འདོད་པའི་དངོས་པོ་སྒྲུབ་པ་ཡིས། མཐུ་དང་ལྡན་པ་མ་ཡིན་དམན་ཞིང་དོན་ཀྱང་མ་བྱས་པས ་བདག་ནི་ཚེ་རབས་ཕྱི་མ་ལ་ཡང་སྐྱེ་བོ་འདི་འདྲ་བར། །འགྱུར་དུ་དོགས་ཕྱིར་འདི་ལུས་རབ་ཏུ་དབྱེ་བར་བྱ། །གླེང་བསླང་བ་དང་གླེང་གཞི་དང། །འདུས་པ་དང་ནི་དགོས་པ་ལ། །ཡང་དག་བརྟགས་ནས་དོན་ཆེན་ཕྱིར། །ཞུ་བ་ལ་ནི་ནན་ཏན་བྱས། ། ་དོན་ཕྱེ་བས་ན་ཐུབ་པ་ལ། །རྒྱ་ཆེར་མཁྱེན་པར་གསོལ་བ་དང། །ཐུབ་ལ་གསོལ་བ་འདེབས་པ་དང། །དམ་བཅའ་མངོན་དུ་ཕྱོགས་བྱ་དང། །བསྲུང་དང་གཟུངས་ཀྱི་ངོ་བོ་དང། །དེ་ལ་བསྟོད་དང་ཕན་ཡོན་དང། །འཐོབ་པའི་ཐབས་དང་ཕན ་ཡོན་དང། །དེ་ཡི་སྔོན་བྱུང་བརྗོད་པ་དང། །ཆོས་ཀྱི་རྣམ་གྲངས་ཆེ་ཉིད་དང། །མིང་ཞུས་པ་དང་བྱ་བ་གཉིས། །ཡི་རངས་པར་ཡང་བསྟན་པ་སྟེ། འདི་ལ་འདིར་ནི་མདོར་སྡུས་པའོ། །མདོ་འདིར་དོན་རྣམ་པ་བཅུ་དགུ་བསྟན་ཏེ་དེ་ལ་ཡང ་དག་པར་སྡུད་པར་བྱེད་པས་བདག་ཉིད་ཚད་མ་ཉིད་དུ་བརྗོད་པས་ཡང་དག་བསྡུ་བར་བྱ་བའི་དོན་ཕྱིན་ཅི་མ་ལོག་པར་བསྟན་པའི་ཕྱིར་ཐོག་མར་གླེང་བསླང་བ་བསྟན་ཏེ། །ཕྱིན་ཅི་མ་ལོག་པར་བསྟན་པ་དེ་ཡང་གདུལ་བྱའི་སྐྱེ་བོ་ཐེ་ཚོམ་མེད་པར ་འདི་ལ་བཟུང་བའི་ཕྱིར་རོ། །དེའི་འོག་ཏུ་གླེང་གཞི་ནི་བསྟན་པའི་གཞིར་གྱུར་པའི་ཕྱིར་དེ་བསྟན་ཏོ། །དེ་ནས་བསྟན་པའི་གནས་དེ་ཡིན་པའི་ཕྱིར་དང། །དེའི་དགོས་པ་ཡིན་པའི་ཕྱིར་འཁོར་རྣམས་འདུས་པ་བསྟན་ཏོ། །དེ་ནས་འཁོར་འདུས་པ ་མཐོང་ནས་དགོས་པ་ལ་བརྟགས་པའི་ཞུ་བ་བྱ་བ་བསྟན་ཏོ། །དེ་ནས་དེ་ལྟར་དགོས་པ་ལ་བརྟགས་ཏེ་གཞག་པའི་དོན་བཅོམ་ལྡན་འདས་ལ་མཁྱེན་པར་གསོལ་བ་བསྟན་ཏོ། །དེ་ནས་མཁྱེན་པར་གསོལ་བའི་དོན་ལ་དགོས་པ་ཡོད་པའི་ཕྱིར་དེ་ནས ་དེ་ཉིད་ཀྱི་ཕྱིར་བསྟན་པར་དམ་བཅའ་བ་བསྟན་ཏོ། །དེ་ནས་དྲིས་པ་དང་ལན་གདབ་པའི་ཆེ་བ་ཉིད་བརྗོད་པའི་ཕྱིར་འདྲི་བ་པོ་མངོན་དུ་ཕྱོགས་པར་བྱ་བ་བསྟན་ཏོ། །དེ་ནས་བདུད་ལ་སོགས་པས་གནོད་པ་བྱེད་པ་བསལ་བའི་ཕྱིར་ཀུན་ནས་བསྲུང ་བ་བསྟན་ཏོ། །དེ་ནས་བསྲུང་པ་རྙེད་པ་ལ་སེམས་ཅན་རྣམས་འདི་ལ་གུས་པ་བསྐྱེད་པའི་ཕྱིར་དང། ཡོན་ཏན་ཕུན་སུམ་ཚོགས་པ་ཐམས་ཅད་ཀྱི་རྟེན་ཡིན་པས་འདྲི་བ་པོའི་དོན་འདོད་པ་བསྒྲུབ་པའི་ཕྱིར་ཆེ་བ་ཉིད་བརྗོད་པའི་དོན་དུ་གཟུགས་ཀྱི ་ངོ་བོ་བསྟན་ཏོ། །དེ་ནས་སེམས་ཅན་རྣམས་སྤྲོ་བ་བསྐྱེད་པ་དང། །ལྷག་པར་གུས་པ་བསྐྱེད་པའི་ཕྱིར་ཆེ་བ་ཉིད་བརྗོད་པའི་དོན་དུ་གཟུངས་ཀྱི་ངོ་བོ་ཉིད་དེ་ལ་བསྟོད་པ་བསྟན་ཏོ། །དེ་ནས་འབྲས་བུ་ཡང་དག་པར་བསྟན་པས་ཀྱང་སེམས་ཅན་རྣམས ་དེ་ལ་བཟུད་པའི་ཕྱིར་གཟུངས་ཀྱི་ངོ་བོའི་ཕན་ཡོན་བརྗོད་དོ། །དེ་ནས་གཟུངས་ཀྱི་འབྲས་བུ་ཐོས་ནས་མཆོག་ཏུ་དགའ་བ་དགའ་སྟོན་ལྟ་བུ་སྐྱེས་པས་ཐོབ་པར་བྱ་བའི་ཐབས་ཚོལ་བས་དེའི་འོག་ཏུ་དེ་ཐོབ་པར་བྱ་བའི་ཐབས་བསྟན་ཏོ། །དེ་ནས ་དེ་ལ་གུས་པར་འཇུག་པར་བྱ་བའི་ཕྱིར་དང། གཟུངས་ཀྱི་ངོ་བོའི་ཆེ་བ་ཉིད་བརྗོད་པར་བྱ་བའི་ཕྱིར། དེ་ཐོབ་པར་བྱ་བའི་ཐབས་ལ་འཇུག་པའི་ཕན་ཡོན་བསྟན་ཏོ། །དེ་ནས་དེའི་འོག་དུ་གཟུངས་ལ་སོགས་པའི་འབྲས་བུ་དེ་ལ ་ངེས་པ་ཤིན་ཏུ་བསྟན་པ་བསྐྱེད་པའི་ཕྱིར་སྔོན་བྱུང་བ་བསྟན་ཏོ། །དེས་འདོད་པའི་དོན་རབ་ཏུ་བསྒྲུབས་ནས་ཀྱང་བརྗོད་པར་བྱ་བ་དང་བརྗོད་པ་ལ་གུས་པ་བསྐྱེད་པའི་ཕྱིར། །དེའི་འོག་ཏུ་ཆོས་ཀྱི་རྣམ་གྲངས་ཀྱི་ཆེ་བ་ཉིད་མཇུག་སྡུད་པར་བྱེད་དོ། །དེ ་ནས་ཆོས་ཀྱི་རྣམ་གྲངས་ཀྱི་ཆེ་བ་ཉིད་ཐོབ་ཏེ་དགའ་བ་སྐྱེས་ནས་ཐ་སྙད་དུ་བྱ་བའི་ཕྱིར་མིང་ཞུའོ། །དེ་ནས་ཆོས་ཀྱི་རྣམ་གྲངས་ཀྱི་འབྲས་བུའི་བྱེ་བྲག་ཡང་དག་པར་བསྟན་པའི་ཕྱིར་མིང་འདོགས་སོ། །དེ་ནས་མདོ་ཡོངས་སུ་རྫོགས་པ་ན། །བཅོམ ་ལྡན་འདས་ཆོས་སྟོན་པ་དོན་མེད་པ་མ་ཡིན་པར་བསྟན་པའི་ཕྱིར། །ཐམས་ཅད་ཀྱང་སྐལ་བ་ཇི་ལྟ་བ་བཞིན་དུ་འབྲས་བུ་ཐོབ་པར་གྱུར་ཏོ་ཞེས་རབ་ཏུ་བསྟན་པའི་དོན་དུ་ཡི་རང་བ་བསྟན་ཏེ། དོན་དེ་དག་གི་སྦྱར་བ་ནི་དེ་ལྟ་བུ་ཡིན་ནོ། །དེ་ལ་བསྒྲུབ་བྱ་སྒྲུབ ་བའི་བྱེ་བྲག་གིས། །གླེང་བསླང་རྣམ་པ་བརྒྱད་ཏུ་བསྟན། །འདོར་ན་འདི་ལ་བསྒྲུབ་བྱ་གསུམ། །སྒྲུབ་པ་རྣམ་པ་ལྔར་འདོད་དོ། །འདི་ལྟར་གླེང་བསླང་བ་ནི་བསྒྲུབ་པར་བྱ་བ་དང་སྒྲུབ་པའི་བྱེ་བྲག་གིས་རྣམ་པ་གཉིས་སུ་འགྱུར་ཏེ། །བསྒྲུབ་པར་བྱ་བ་ནི་ཡང་དག་པར ་སྡུད་པར་བྱེད་པས་བདག་ཉིད་ཚད་མ་ཉིད་དུ་བྱ་བ་ཡིན་ཏེ། དེའི་ཚིག་གིས་ཆོས་ཀྱི་རྣམ་གྲངས་འདི་ལ་གཞན་དག་གིས་ངེས་པ་བསྐྱེད་པའི་ཕྱིར་དང་ངེས་པ་སྐྱེས་ནི་མ་རྣམས་ནན་ཏན་བྱེད་པ་ལ་གནས་པས་འདོད་པ་ཐོབ་པར་འགྱུར་གྱི། དེ་ལྟ་མ་ཡིན་ན་མི་འཐོབ ་པར་བསྟན་པའི་ཕྱིར་རོ། །ཚད་མ་ཉིད་དུ་བྱ་བ་དེ་ཡང་ཡུལ་དང། ལུས་དང། རང་གི་ངོ་བོ་དང་རྣམ་པ་གསུམ་གྱིས་བསྟན་ཏེ། དེ་ལ་ཡུལ་ནི་མདོའི་དོན་འོག་ནས་འབྱུང་བ་རྣམས་སོ། །ལུས་ནི་བདག་ཉིད་དེ་ཡང་དག་པར་སྡུད་པར་བྱེད་པའོ། །རང་གི་ངོ་བོ་ནི་རྣ ་བའི་རྣམ་པར་ཤེས་པས་ངེས་པར་འཛིན་པ་སྟེ། འདི་སྐད་ཅེས་བྱ་བ་ལ་སོགས་པའི་ཚིག་གསུམ་གྱིས་དེ་དག་གོ་རིམས་བཞིན་དུ་བསྟན་ཏོ། །སྒྲུབ་པ་ནི་རྣམ་པ་ལྔས་བསྟན་ཏེ། དུས་ཀྱི་བྱེ་བྲག་ནི་དུས་གཅིག་ན་ཞེས་བྱ་བ་སྟེ། དེ་ཡང་གང་གིས་ཚེ་གོང་མ་དང་སྦྱར ་ན་དེའི་ཚེ་འཁོར་རྣམས་ཀྱི་ངེས་པ་བསྐྱེད་པའི་ཕྱིར་བདག་ཉིད་མང་དུ་ཐོས་པར་བསྟན་ཏེ། འདི་ལྟར་བདག་གིས་དུས་གཅིག་ན་འདི་ཐོས་ཀྱི་དུས་གཞན་ན་ཡང་གཞན་དག་ཐོས་སོ། །དེ་བས་ན་བདག་ནི་མང་དུ་ཐོས་བ་ཡིན་ཏེ། དེའི་བདག་གི་ཚིག་ནི་ཡིན་ཆོས ་པར་བྱ་བ་ཡིན་པར་བསྟན་པའི་ཕྱིར་རོ། །གང་གི་ཚེ་འོག་མ་དང་སྦྱར་ན་དེའི་ཚེ་དུས་གཅིག་ན་བཅོམ་ལྡན་འདས་གྲོང་ཁྱེར་ཡངས་པ་ན་བཞུགས་ཀྱི་དུས་གཞན་གྱི་ཚེ་ནི་གུད་ན་ཡང་བཞུགས་ཏེ། དེ་བས་ན་ཡུལ་དེ་དག་ཀྱང་ལེགས་པ་འདོད་བ་རྣམས་ཀྱི་ ་བརྟེན་པར་བྱ་བ་ཡིན་པར་བསྟན་ཏོ། །བྱེད་པ་པོའི་བྱེ་བྲག་ནི་བཅོམ་ལྡན་འདས་ཞེས་པ་སྟེ། བདུད་བཞི་བཅོམ་པ་འམ། དབང་ཕྱུག་ལ་སོགས་པའི་ཡོན་ཏན་དང་ལྡན་པས་བྱེད་པ་པོ་ཁྱད་པར་དུ་འཕགས་ཏེ། འདི་ནི་འདི་ལྟ་བུ་ཞིག་གིས་བསྟན་པ་ལས? ་ན་ཕྱིན་ཅི་མ་ལོག་པ་ཡིན་ནོ། །ས་གཞི་འདི་ནི་འདི་ལྟ་བུ་ཞིག་གནས་པ་ལས་ན་བསོད་ནམས་ཀྱི་ཁྱད་པར་དང་ལྡན་པ་ཡིན་གྱིས་ཐེ་ཚོམ་མ་བྱེད་ཅིག་པར་བསྟན་པའི་ཕྱིར་རོ། །བྱ་བའི་བྱེ་བྲག་ནི་བཞུགས་ཏེ་ཞེས་བྱ་བ་སྟེ། ལྷ་དང་ཚངས་པ་དང། ་སངས་རྒྱས་ལ་སོགས་པའི་གནས་པ་རྣམས་ཀྱིས་གནས་པའོ། །ཡང་ན་རྫུ་འཕྲུལ་ལ་སོགས་པ་རྣམ་པ་སྣ་ཚོགས་ཀྱིས་གདུལ་བྱ་རྣམས་ཀྱི་སེམས་འཕྲོག་པས་གནས་པ་སྟེ། འདི་གཉིས་ཀྱིས་ནི་བཅོམ་ལྡན་འདས་ཚུལ་ཡོངས་སུ་དག་པ་དང། ་གཞན་ལ་ཕན་འདོགས་པའི་བྱ་བ་ལ་མཁས་པར་ཡང་བསྟན་ཏོ། །ཡུལ་གྱི་བྱེ་བྲག་ནི་ཡུལ་ཡངས་པ་ན་ཚལ་ཆེན་པོའི་ཁང་པ་བརྩེགས་པའི་ཁང་བཟངས་ན་ཞེས་བྱ་བ་སྟེ། དེ་ཡང་རྣམ་པ་གསུམ་སྟེ། ལོངས་སྤྱོད་པའི་ཕྱིར་ཉེ་བ་དང། རབ་ཏུ་ཉེ་བ ་དང། ཤིན་ཏུ་ཉེ་བར་བསྟན་ཏོ། །ཉེ་བ་དང་རབ་ཏུ་ཉེ་བ་དང། ཤིན་ཏུ་ཉེ་བ་དག་གིས་ནི་འཇིག་རྟེན་གྱི་གུས་པའི་ཁྱད་པར་ཆུང་ངུ་དང། འབྲིང་དང་ཆེན་པོ་བསྐྱེད་པས་བསོད་ནམས་ཀྱི་ཕུང་པོའི་ཁྱད་པར་ཆུང་ངུ་དང་འབྲིང་དང་ཆེན་པོ ་བསྐྱེད་པར་བྱ་བའི་ཕྱིར་རོ། །ཐ་གྲུ་ཆེ་བའི་ཕྱིར་ཡངས་པའོ། །ཡང་ན་བྲམ་ཟེ་དང་ཁྱིམ་བདག་རྣམས་འབྱོར་པ་རྒྱ་ཆེན་པོས་དེ་ན་གནས་པའི་ཕྱིར་ཡངས་པའོ། །ཞ་འབྲིང་བའི་བྱེ་བྲག་ནི་བསོད་ནམས་ཆེ་བར་བསྟན་པའི་ཕྱིར་རོ། །དེ་ཡང་རྣམ་པ་གཉིས་ཏེ ་ཞ་འབྲིང་བ་ཉན་ཐོས་ཀྱི་བྱེ་བྲག་དང། ཞ་འབྲིང་བ་བྱང་ཆུབ་སེམས་དཔའ་ཨི་བྱེ་བྲག་གོ་།དེ་ལ་ཞ་འབྲིང་བ་ཉན་ཐོས་ཀྱི་བྱེ་བྲག་ནི་རྣམ་པ་ལྔས་བསྟན་ཏེ། ཡོན་ཏན་ནི་ཆེན་པོ་ཞེས་བྱ་བ་སྟེ། བྱམས་པ་ལ་སོགས་པའི་ཡོན་ཏན་གྱི་ཆེ་བ་ཉིད་དང་ལྡན ་པའི་ཕྱིར་རོ། །ཉོན་མོངས་པ་སྤངས་པ་ནི་དགེ་སློང་ཞེས་བྱ་བ་སྟེ། ཉོན་མོངས་པ་བཅོམ་པས་ན་དགེ་སློང་ཡིན་པའི་ཕྱིར་རོ། །དེ་ཁོ་ན་ཤེས་པ་བསྐྱེད་པ་ནི་དགེ་འདུན་ཞེས་བྱ་བ་སྟེ། ཆོས་ཀྱི་དེ་ཁོ་ན་ཉིད་དངོས་གསུམ་དུ་བྱེད་པས་?་ལ་སོགས་པ ་དག་གིས་ཕྱེད་པར་དཀའ་བས་དགེ་འདུན་ཡིན་པའི་ཕྱིར་རོ། །ཚུལ་ཁྲིམས་ནི་དགེ་སློང་ཞེས་བྱ་བ་སྟེ། སོ་སོར་ཐར་པའི་སྡོམ་པ་ཐོབ་པས་དགེ་སློང་ཡིན་པའི་ཕྱིར་ཏེ། དེའི་ཕྱིར་དོན་གྱི་བྱེ་བྲག་གིས་དགེ་སློང་ལན་གཉིས་སུ་སྨོས་སོ། །?? ་སྟོང་ཞེས་བྱ་བ་སྟེ། གྲངས་བརྒྱད་སྟོང་དུ་ངེས་པར་ཆད་པའོ། །ཞ་འབྲིང་བ་བྱང་ཆུབ་སེམས་དཔའ་ཨི་བྱེ་བྲག་ནི་རྣམ་པ་གསུམ་དུ་བསྟན་ཏེ། གྲངས་ནི་རབ་ཏུ་མང་པོ་ཞེས་བྱ་བ་སྟེ། ཞ་འབྲིང་པ་ཉན་ཐོས་པས་ལྷག་པའི་ཕྱིར་རབ་ཏུ་མང་པོ་ཡིན་ནོ། །ཤེས ་རབ་དང་ཐབས་དང་ལྡན་པ་ནི། བྱང་ཆུབ་སེམས་དཔའ་ཞེས་བྱ་བ་སྟེ། སྒྲ་འདི་གཉིས་ནི་ཤེས་རབ་དང་ཐབས་ལ་བྱ་བར་དོན་ཡོད་ཞགས་པའི་མདོ་ལས་འབྱུང་བའི་ཕྱིར་རོ། །སྟོང་བ་ཉིད་ལ་གནས་པ་དང་ལྡན་པ་ནི་སེམས་དཔའ་ཆེན་པོ་ཞེས་བྱ་བ ་སྟེ། ཆོས་ཐམས་ཅད་ཀྱི་ངོ་བོ་ཉིད་མེད་པ་ཆེན་པོ་ལ་སེམས་པའི་ཕྱིར་རོ། །ཡང་ན་སེམས་ཅན་གྱི་ཁམས་མ་ལུས་པ་ཡོངས་སུ་བསྐྱབ་པའི་བསམ་པ་དང་ལྡན་པ་སྟེ། བསམ་པ་ཆེ་བའི་ཕྱིར་རོ། །ཡང་ན་སྨོན་ལམ་ཆེན་པོ་དང་ལྡན་པ་སྟེ། སྔོན་བྱང་ཆུབ་ཏུ ་སྨོན་ལམ་བཏབ་པའི་ཕྱིར་ཏེ། དེ་བས་ན་དེ་དག་གི་བསམ་པ་ཆེ་བའི་ཕྱིར་སེམས་དཔའ་ཆེན་པོ་སྨོས་སོ། །དེ་ལྟར་ན་རྣམ་པ་ལྔས་བདག་ཉིད་ཚད་མ་ཉིད་དུ་བསྒྲུབ་ཏེ། འདི་ལྟར་འཇིག་རྟེན་ན་ཡང་ལོག་པར་ཞུགས་པ་ལ། དུས་དང་ཡུལ་དང་བྱ་བ་ལ་སོགས་པ་དྲན་པར ་བྱེད་པས་བརྡ་སྤྲོད་པ་སྣང་བའི་ཕྱིར་རོ། །ཇི་སྐད་བསྟན་པའི་དགོས་པ་ཡང་ཞར་ལ་བསྒྲུབ་སྟེ། ཆུར་བ་ལ་སོགས་པའི་དོན་བྱེད་པ་ན་ཞོ་ལ་སོགས་པ་ཡང་འགྲུབ་པ་བཞིན་ནོ། །ད་ནི་གླེང་གཞི་བརྗོད་པར་བྱ་སྟེ། གླེང་གཞི་ཐུབ་པས་གསུངས་པ་འདི། དེ་ཡིས་གདུལ ་བའི་དབང་མཛད་ནས། །རྣམ་པ་ལྔ་དང་ལྡན་པ་སྟེ། །ཕངས་པ་རྣམ་པ་གསུམ་དུ་འདོད། །གླེང་གཞི་ངེས་གདུལ་བ་རྣམས་ལ་དགོངས་པར་མཛད་ནས། །བཅོམ་ལྡན་འདས་ཀྱི་གླེང་གཞི་རྣམ་པ་ལྔ་དང་ལྡན་པ་བཀའ་སྩལ་ཏོ། །གླེང་གཞི་དེ་ནི་གཟུངས?་བསྟན?་པའི་ཕྱིར་ཏེ། ? ་ལྟར་བཅོམ་ལྡན་འདས་སྐུ་རུས་པ་རྡོ་རྗེ་ལྟར་བསྲ་བའི་སྐུ་མངའ་བ་ཡང་མི་རྟག་པར་རྟོགས་ཏེ། ལྷག་པར་ཚེས་སྐྱོ་བ་སྐྱེས་ནས་གཟུངས་མཉམ་པའི་སྣོད་དུ་འགྱུར་ཞིང་མྱུར་དུ་བསྒྲུབ་པར་ཡང་འགྱུར་བས་དེའི་ཕྱིར་བཅོམ་ལྡན་འདས་ཀྱིས་བསྟན་ཏོ། །འཇིག་རྟེན? ་ཡང་འཆི་བའི་ཚེ་སྣོད་དུ་གྱུར་པ་དག་ཁོ་ན་ལ་གཅེས་པ་སྟོན་པར་བྱེད་པས་དེའི་ཕྱིར་དེ་དང་འདྲ་བར་ཆོས་ཀྱི་རྣམ་གྲངས་འདི་ཉིད་ཆོས་ཐམས་ཅད་ཀྱི་ནང་ན་གཅེས་པར་སྟོན་ཅིང་གཙོ་བོ་ཡིན་པར་ཡང་སྟོན་ཏོ། །རྣམ་པ་ལྔ་དང་ལྡན་པ་ནི་འདི་ལྟ་སྟེ། ཐུགས་རྗེ་ཆེན ་པོ་དང་ལྡན་པ་ནི། དེ་ཡང་བཅོམ་ལྡན་འདས་ཀྱིས་ཞེས་བྱ་བས་བསྟན་ཏེ། འདི་ལྟར་དབང་ཕྱུག་ལ་སོགས་པའི་ཡོན་ཏན་དང་ལྡན་བཞིན་དུ། སྐུ་ཚེའི་འདུ་བྱེད་དག་འདོར་བར་མཛད་པ་ནི་ཐུགས་རྗེ་ཆེན་པོ་མེད་བར་མི་རུང་ངོ། །སྨོན་ལམ་ཆེན་པོ་དང ་ལྡན་པ་ནི། །དེ་ཡང་དྲན་པ་དང་ལྡན་ཞིང་ཞེས་པས་བསྟན་ཏེ། སྔོན་བཅོམ་ལྡན་འདས་ཀྱིས་བདག་གི་སྲོག་ཡོངས་སུ་བཏང་བས་ཀྱང་སེམས་ཅན་གྱི་དོན་བྱའོ་ཞེས་སྨོན་ལམ་བཏབ་པོ། །དེའི་ཕྱིར་དྲན་པ་དང་ལྡན་བཞིན་དུ་སྐུ་ཚེའི་འདུ ་བྱེད་དག་བོར་ཏེ། སྔོན་གྱི་སྨོན་ལམ་དྲན་པས་བོར་རོ་ཞེས་བྱ་བའི་ཐ་ཚིག་གོ་།ཤེས་རབ་དང་ལྡན་པ་ནི། དེ་ཡང་མཁྱེན་བཞིན་དུ་ཞེས་བྱ་བ་བས་བསྟན་ཏེ། འདི་ལྟར་མཁྱེན་བཞིན་དུ་སྐུ་ཚེའི་འདུ་བྱེད་དག་བོར་རོ། །དེ་ནི་འདི་སྐད་དུ་ཅི་ནས་གཞན་གྱི་དོན་འགྲུབ ་བར་འགྱུར་བ་དེ་ལྟར་བོར་རོ་ཞེས་བསྟན་པར་འགྱུར་རོ། །ཕངས་པའི་དངོས་པོ་གཏོང་བ་དང་ལྡན་པ་ནི། ཚེའི་འདུ་བྱེད་དག་གཏང་བར་གྱུར་ཏོ་ཞེས་བྱ་བས་བསྟན་ཏེ། དེ་ཡང་བཅོམ་ལྡན་འདས་ཀྱིས་བདག་ཅག་གིས་ཕྱིར་སྐུ་ཡོངས་སུ་གཏོང་པ་ཡང་མཛད་དོ་སྙམ ་དུ་འཛིན་པ་རྣམས་བཅོམ་ལྡན་འདས་ལ་གུས་པ་བསྐྱེད་པའི་ཕྱིར་རོ། །ཕངས་པའི་དངོས་པོ་ཡང་རྣམས་པ་གསུམ་གྱིས་བསྟན་ཏེ། ནང་གི་ཁྱད་པར་དུ་འཕགས་པ་དང། མང་བ་དང། ཡོངས་སུ་གཏོང་པའི་ཡུལ་གྱིས་བསྟན་ཏོ། །ཚེ་རྣམས་བཏང་བར་གྱུར་ཏོ་ཞེས་བྱ ་བས་ཀྱང་ཆོག་ན། འདུ་བྱེད་སྨོས་པ་ནི་ཚེའི་རྫས་གང་ན་མེད་པར་བསྟན་པའི་ཕྱིར་རོ། །དགོས་པ་དང་ལྡན་པ་ནི། དེ་ཡང་འདི་དག་ཅེས་བྱ་བ་ལ་སོགས་པས་བསྟན་ཏེ། དེ་ཡང་བཅོམ་ལྡན་འདས་ནི་དགོས་པ་མངོན་དུ་གཏོང་བར་བསྟན་པ་ཡིན་ནོ། །དགོས་པ་དེ་ཡང ་རྣམ་པ་ལྔས་བསྟན་ཏེ། ཉེ་བ་མངོན་སུམ་གྱི་དངོས་པོ་བསྟན་པ་དང། གྲངས་བསྟན་པ་དང། དུས་བསྟན་པ་འདི་གསུམ་ནི། སངས་རྒྱས་ཀྱིས་གདུལ་བའི་སེམས་ཅན་ཡོངས་སུ་སྨིན་པར་མཛད་པའི་དུས་འདིར་ཟད་དོ་ཞེས་བསྟན་པའི་ཕྱིར་རོ། །འདས་པ་བསྟན ་པ་དང། ཡོངས་སུ་མྱ་ངན་ལས་འདའ་བར་བསྟན་པ་འདི་ནི་སངས་རྒྱས་ཀྱིས་གདུལ་པའི་སེམས་ཅན་ཡོངས་སུ་སྨིན་པར་མཛད་པའི་དུས་མེད་པར་འགྱུར་པ་བསྟན་པའི་ཕྱིར་རོ། །གལ་ཏེ་ཚེའི་འདུ་བྱེད་རྣམས་བཏང་བར་གྱུར་ནི། འདི་དག་ཅེས་བྱ་བ་ལ་སོགས ་པའི་ཚིག་ཇི་ལྟ་བུ་ཞེ་ན། སྨྲས་པ་འདི་དག་ལ་སོགས་ཚིག་གིས་ནི། དེ་དག་བྱིན་གྱིས་བརླབས་པར་བསྟན། ཟླ་བ་གསུམ་པོ་འདི་དག་འདས་ནས་ཡོངས་སུ་མྱ་ངན་འདའ་ཨོ་ཞེས་བྱ་བའི་ཚིག་འདིས་ཚེའི་འདུ་བྱེད་དེ་དག་བྱིན་གྱིས་བརླབས་པར་བཅོམ་ལྡན་འདས་ཀྱིས་བསྟན་ཏེ ་དེ་ནི་བདུད་གཉིས་བཅོམ་པ་ཡིས། གདུལ་བ་ལ་ནི་ཐུགས་བརྩེ་ཕྱིར། འཆི་བདག་དང་ཕུང་པོའི་མཚན་ཉིད་ཀྱིས་བདུད་གཉིས་བཅོམ་པས་གདུལ་བ་གང་ཡིན་པ་དེ་ལ་ཐུགས་བརྩེ་བའི་ཕྱིར་བྱིན་གྱིས་བརླབས་པ་དེར་མཛད་དེ། འཆི་བ་ལ་དབང་བར་བསྟན་པའི ་ཕྱིར་ནི་བཏང་ངོ། ཕུང་པོ་ལ་དབང་མངའ་བར་བསྟན་པའི་ཕྱིར་ནི་བྱིན་གྱིས་བརླབས་ཏེ་དེ་ལྟར་ངེས་པར་གཟུང་བར་བྱའོ། །ཡང་ན་འཆི་བདག་དང་ཕུང་པོ་གཉིས་ལས་བཟློག་སྟེ་ཤེས་པར་བྱའོ། །ཡང་ན་འཆི་བདག་དང་ཕུང་པོ་གཉིས་ལས། ཡང་ན་ལྷག་པ ་རྣམས་ནི་བཏང་ལ། ཟླ་བ་གསུམ་གྱི་དུས་ཚུན་ཆད་ནི་གཞག་པར་ཁོང་དུ་ཆུད་པར་བྱའོ། །འདི་ལ་ཡང་བཅོམ་ལྡན་འདས་ལ་བདུད་གཉིས་བཅོམ་པ་མངའ་སྟེ་སྦྱར་བར་བྱའོ། །གདུལ་བའི་བསམ་པའི་བྱེ་བྲག་གིས་མྱ་ངན་ལས་འདའ་བར་འཇུག་པའི་ཕྱིར། ་སྤྲུལ་པའི་སྐུས་ནི་མྱ་ངན་ལས་འདའ་བར་འདོད་ཀྱི་ཅིག་ཤོས་མིན། ལོངས་སྤྱོད་རྫོགས་པའི་སྐུས་མྱ་ངན་ལས་འདའ་བར་ནི་མི་འདོད་དོ། །ཅིའི་ཕྱིར་ཞེ་ན། གཏན་དུ་གནས་པའི་རྒྱུ་ལྡན་པ། སངས་རྒྱས་རྣམས་ནི། མྱ་ངན་ལས་འདའ་བར་ཡང་མི་རིགས། གཏན ་དུ་གནས་པའི་རྒྱུ་ནི་བསོད་ནམས་དང་ཡེ་ཤེས་ཀྱི་ཚོགས་ཡིན་ལ། དེ་ཡང་གུས་པར་བསྐལ་པ་གྲངས་མེད་པ་དུ་མར་རྒྱུན་ཏུ་བསྒྲུབས་པའི་ཕྱིར་ཕུལ་དུ་བྱུང་བ་སྟེ། དེ་བས་ན་འབྲས་བུ་ནི་རྒྱུ་དང་འདྲ་བའི་ཕྱིར། དེའི་འབྲས་བུ་ཡང་ཕུལ་དུ་བྱུང་བ་ཡིན ་པས་ལོངས་སྤྱོད་རྫོགས་པའི་སྐུས་མྱ་ངན་ལས་འདའ་བར་ག་ལ་འགྱུར། དེ་ལྟ་མ་ཡིན་དུ་ཟིན་ན་ཆེན་པོའི་འབྲས་བུ་ཆུང་ངུར་འགྱུར་ལ། ཆུང་ངུའི་འབྲས་བུ་ཆེན་པོར་འགྱུར་པས་སྲོག་གཅོད་པ་སྤངས་ལ་སོགས་པ་དང། ཚེ་རིང་བར་འགྱུར ་བ་ལ་སོགས་པ་དག་རྒྱུ་དང་འབྲས་བུའི་དངོས་པོ་ཉིད་དུ་མི་འགྱུར་བའི་རིགས་སོ། །གལ་ཏེ་ཚེ་དཔག་ཏུ་མེད་པ་ཞིག་ལས་བཅོམ་ལྡན་འདས་ཀྱིས་སྐུ་ཚེ་བཏང་བའི་ཕྱིར་མྱ་ངན་ལས་འདས་སོ་ཞེས་ན་མ་ཡིན་ཏེ། རྫུ་འཕྲུལ་གྱི་རྐང་པ་བཞི་པོ ་འདི་དག་ཅེས་བྱ་བ་ལ་སོགས་པ་གསུངས་པའི་ཕྱིར་རོ། །ཡང་ཞེས་བྱ་བ་ནི་དམ་བཅས་པ་མ་རྫོགས་པ་རྣམས་མྱ་ངན་འདའ་བར་མི་རིགས་པ་ཁོ་ནར་ངེས་པར་གཟུང་བར་བྱ་སྟེ། དགེ་བ་གཞན་ཡང་དམ་བཅས་པ་ལས་འགལ་བར་མི་བྱེད་ན། དགེ་བ་མ ་ལུས་པའི་བླ་མར་གྱུར་པ། སངས་རྒྱས་བཅོམ་ལྡན་འདས་རྣམས་ལྟ་མཛད་པར་གལ་འགྱུར་དེ་དག་གིས་ནི་བདག་ཅག་གིས་སེམས་ཅན་ཐམས་ཅད་བླ་ན་མེད་པའི་བྱང་ཆུབ་ཏུ་དགོད་པར་བྱའོ་ཞེས་བྱ་བ་ལ་སོགས་པར་ཐུགས་དམ་བཅས་ཏེ། དེ་བས་ན་ཇི་སྲིད ་དུ་གཟུང་བར་བྱ་བའི་སེམས་ཅན་གཅིག་ཙམ་ཡོད་པ་དེ་སྲིད་དུ་དེ་དག་མྱ་ངན་ལས་འདའ་བ་ནི་མི་རིགས་པ་དང། སངས་རྒྱས་ཀྱིས་གདུལ་བའི་སེམས་ཅན་མེད་དུ་ཟིན་ཀྱང་བརྒྱ་བྱིན་ལ་སོགས་པའི་གཟུགས་ཀྱིས་གདུལ་བ་ཡོད་པའི་ཕྱིར་རོ། །དེ་བས་ན་སྤྲུལ ་པའི་སྐུ་ཁོ་ནས་མྱ་ངན་ལས་འདས་འདའ་བར་འདོད་དེ། དེ་ལྟར་ཡང་ངེས་པར་གཟུང་བར་བྱའོ། །སངས་རྒྱས་མྱ་ངན་ཡོད་མི་འདའ་། །ཆོས་ཀྱང་ནུབ་པར་མི་འགྱུར་ཏེ། །སེམས་ཅན་ཡོངས་སུ་སྨིན་མཛད་ཕྱིར། །ཡོངས་སུ་མྱ་ངན་འདའ་བ་སྟོན་ཅེས་བྱ་བ་ལ་སོགས་པ ་གསུངས་པའི་ཕྱིར་རོ། །ད་ནི་འཁོར་རྣམས་བསྡུ་བ་བསྟན་ཏེ། རྫོགས་སངས་རྒྱས་ཀྱི་མཐུས་བསྟངས་པས། །མ་བསྒྲིམས་བསྒྲིམས་དང་བསྒྲིམས་པ་ཡིས། །འཕྱས་སུ་འགྱུར་བ་བསལ་བའི་ཕྱིར། །བསྡུ་བ་རྣམ་པ་གསུམ་དུ་བཞག་།བཅོམ་ལྡན་འདས་ཀྱིས་བསྡུ ་བ་རྣམ་པ་གསུམ་བྱེད་དུ་བཅུག་པ་ལ། མ་བསྒྲིམས་པར་བསྡུས་པ་ནི་མཽངྒལ་གྱི་བུ་ཆེན་པོས་བྱས་པ་སྟེ། དེ་བས་ན་སྟོང་སྨོས་བ་ཡིན་ཏེ། འཇིག་རྟེན་གྱི་ཁམས་སྟོང་དུ་ནི་ཉན་ཐོས་ཀྱིས་ཀྱང་མངོན་པར་འདུ་བྱ་མི་དགོས་པར་བྱེད་ནུས་སོ། །བསྒྲིམས་ཏེ་བསྡུས་པ་ནི་ཤཱ ་རིའི་བུས་བྱས་པ་སྟེ། དེ་བས་ན་དེར་རྫུ་འཕྲུལ་མངོན་པར་བྱ་བར་སྨོས་སོ། །བསྒྲིམས་ཏེ་བསྡུས་པ་ཅིག་ཤོས་ན། བྱང་ཆུབ་སེམས་དཔའ་ཆེན་པོ་རྣམས་ཀྱིས་བྱས་པ་སྟེ། དེ་བས་ན་དེ་ལྟས་སྨོས་ཏེ། ཏིང་ངེ་འཛིན་གྱི་བྱེ་བྲག་གིས་བསྐྱེད་པའི་རྟགས་ཀྱིས་བྱེ་བྲག་འགའ་ ་ལ་བལྟས་ཞེས་བྱའོ། །འདི་དག་ཐམས་ཅད་ཀྱང་བཅོམ་ལྡན་འདས་ཀྱིས་མཛད་པ་ཡིན་ཏེ། དང་པོ་དང་ཐ་མ་ནི་བཀས་མཛད་དོ། །བར་མ་ནི་མཐུས་མཛད་དེ། བཅོམ་ལྡན་འདས་ཀྱིས་གང་གིས་མ་མཛད་པའི་རྣམ་པ་དེ་མེད་པར་བསྟན་པའི་ཕྱིར་རོ། །བསྡུ་བ་གསུམ ་པོ་འདི་ལྟ་བུ་བཅོམ་ལྡན་འདས་ཀྱིས་མཛད་པ་འདི་ཡང། ལ་ལ་འདི་སྙམ་དུ་བཅོམ་ལྡན་འདས་ནི་གདུལ་བའི་འཕྲིན་ལས་ཡོངས་སུ་མ་རྫོགས་པའི་མྱ་ངན་ལས་འདས་སོ་སྙམ་དུ་འཕྱ་བར་འགྱུར་བ་བསལ་བའི་ཕྱིར་རོ། །དེ་བས་ན་ཉན་ཐོས་ཆེན་པོ་ལ་སོགས་པ་སྨོས ་སོ། དེ?་ལྟ?་མ་ཡིན་དུ་ཟིན་ནས་སུ་ཡང་རུང་བ་ལ་བཅོམ་ལྡན་འདས་ཀྱིས་བྱིན་གྱིས་བརླབས་ན་ཡང་ཐམས་ཅད་བསྡུད་ནུས་པས་ཉན་ཐོས་ཆེན་པོ་ལ་སོགས་པ་སྨོས་ཅི་དགོས་ཏེ། སྨོས་པ་ན་གང་དུ་བཅོམ་ལྡན་འདས་ཀྱིས་འདི་ལྟ་བུ་དག་བྱིན་གྱིས་བརླབས་ཏེ། འཁོར ་བསྡུད་པ་དེར་སངས་རྒྱས་ཀྱིས་གདུལ་བའི་སེམས་ཅན་གང་འདུ་བར་མི་འགྱུར་བ་དང། ཡོངས་སུ་སྨིན་པར་མི་འགྱུར་བ་སུ་ཡང་མེད་དོ་ཞེས་སྟོན་ཏོ། །དེ་བས་ན་གདུལ་བའི་དོན་ཡོངས་སུ་རྫོགས་ནས་གདོད་བཅོམ་ལྡན་འདས་ཡོངས་སུ་མྱ་ངན་ལས་འདས་སོ། །བཙུན་པར ་མི་འགྱུར་བསལ་བའི་ཕྱིར། །ཐུབ་པས་མངོན་དུ་མ་མཛད་དེ། །གུས་པ་བསྐྱེད་པར་བྱ་བའི་ཕྱིར། །གཞན་དག་སྡུད་པར་བྱེད་དུ་བཅུག་།བཅོམ་ལྡན་འདས་ཉིད་ཀྱིས་མཛད་སྤྱོད་མོད་ཀྱི། །མི་བཙུན་པར་འགྱུར་བ་བསལ་བའི་ཕྱིར་གདུལ་བ་ཐམས་ཅད་བདག་ཉིད་ཀྱིས ་བསྡུ་བ་མ་མཛད་དོ། །དེ་བས་ན་གུས་པ་བསྐྱེད་པའི་ཕྱིར་བཅོམ་ལྡན་འདས་ཀྱིས་མཽངྒལ་གྱི་བུ་ཆེན་པོ་ལ་སོགས་པ་སྡུད་དུ་བཅུག་གོ་།དེས་གདུལ་དབང་མཛད་བཅོམ་ལྡན་གྱིས། །དེ་གཉིས་མྱ་ངན་འདས་པར་བསྟན། །འདིར་ནི་དེ་གཉིས་སྨོས་པའི་ཕྱིར། །ཡང་དག་མྱ་ངན་ ་འདས་མ་ཡིན། །འཕགས་པ་ཤཱ་རིའི་བུ་དང། མཽངྒལ་གྱི་བུ་གཉིས་དེའི་སྔ་རོལ་དུ་མྱ་ངན་ལས་འདས་པས་གདུལ་བའི་སེམས་ཅན་རྣམས་ཀྱི་དབང་དུ་མཛད་ནས། བཅོམ་ལྡན་འདས་ཀྱིས་དེ་གཉིས་མྱ་ངན་ལས་འདས་པ་བསྟན་པ་ཡིན་གྱི་དེ་གཉིས ་ལ་འདིར་བསྐུལ་བ་མཛད་པས་ཡང་དག་པའི་དོན་དུ་དེ་གཉིས་མྱ་ངན་ལས་འདས་པ་ནི་མ་ཡིན་ནོ། །བསྡུ་བ་གསུམ་ལ་སྐོ་བ་དང། །བསྐོ་བར་བྱ་བའི་བྱ་བ་དང། །དེའི་འབྲས་བུ་གོ་རིམས་དག། བསྟན་པ་ཟད་པར་འདོད་པ་ཡིན། །བསྡུ་བ་རྣམས་པ་གསུམ་ལ་ཡང་མདོར ་བསྡུ་བ་སྐོ་བ་པོའི་བྱ་བ་དང། བསྐོ་བར་བྱ་བའི་བྱ་བ་དང། དེའི་འབྲས་བུ་དང། འབྲས་བུའི་གོ་རིམ་བསྟན་པར་ཁོང་དུ་ཆུད་པར་བྱའོ། །དེ་ལ་བསྡུ་བ་དང་པོ་ལ་སྐོ་བ་པོའི་བྱ་བ་ནི་མངོན་དུ་ཕྱོགས་པར་བྱ་བ་དང། བྱ་བ་ལ་བསྐོ་བའོ། །བྱ་བ་ལ་བསྐོ་བ་དེ་ལ་ཡང་གཙོ་བོ ་མ་ཡིན་པའི་བྱ་བ་དང། གཙོ་པོའི་བྱ་བ་དང་རྣམ་པ་གཉིས་སོ། །དེ་ཡང་སོང་ལ་ཞེས་བྱ་བ་ལ་སོགས་པས་གོ་རིམ་བཞིན་བསྟན་ཏོ། །བསྐོ་བར་བྱ་བའི་བྱ་བ་ནི་བཀའ་མཉམ་པ་དང། དེ་བཞིན་དུ་བསྒྲུབ་པ་སྟེ། དེ་བཞིན་དུ་བསྒྲུབ་པ་ནི། བཅོམ་ལྡན་འདས་ཀྱིས ་བཀའ་སྩལ་མ་ཐག་ཏུ་རི་རབ་ཀྱི་རྩེ་མོ་ལ་འདུག་སྟེ། སྐད་ཅིག་གིས་གོ་བར་བྱས་པའོ། །སྐད་ཅིག་དེ་ཉིད་ལ་ཞེས་བྱ་བ་ནི་བཅོམ་ལྡན་འདས་ལ་གུས་པར་བྱེད་པ་བསྟན་པའི་ཕྱིར་དང། གདུ་བའི་དུས་ལས་ཡོལ་བ་བསལ་བའི་ཕྱིར་དང། གདུལ་བའི་བྱ་བ ་དག་ལ་གུས་པར་བྱེད་པ་བསྟན་པའི་ཕྱིར་རོ། །མངོན་པར་འདུ་བྱེད་པ་མེད་པའི་རྫུ་འཕྲུལ་དང་ལྡན་བར་བསྟན་པར་ཡང་མངོན་ནོ། །འདི་ནི་འདུག་པ་དང་གོ་བར་བྱེད་པ་གཉིས་ག་ལ་ཡང་སྦྱར་བར་བྱའོ། །རང་གི་རྫུ་འཕྲུལ་གྱི་སྟོབས་སྨོས་པ་ཡང་གཉིས ་ཀ་དང་སྦྱར་པར་བྱའོ། །རི་རབ་ཀྱི་རྩེ་མོ་སྨོས་པ་དང། སྟོང་གི་འཇིག་རྟེན་གྱི་ཁམས་སུ་གོ་བར་བྱེད་པ་འདི་གཉིས་ནི་ཆེ་བ་ཉིད་བསྟན་པའི་ཕྱིར་ཏེ། འདིས་ནི་གང་ན་འདི་ལྟ་བུའི་སྡུད་པ་པོ་ཡོད་པ་དེར་ནི་སངས་རྒྱས་ཀྱིས་གདུལ་བ་སུ་ཡང་མི་འདུལ་བ་མེད་པར ་བསྟན་ཏོ། །གོ་བར་བྱེད་པ་ཡང་དོན་རྣམ་པ་བརྒྱད་དང་ལྡན་ཏེ་གུས་པར་ཉམས་སུ་ལེན་དུ་གཞུག་པའི་ཕྱིར་མངོན་དུ་ཕྱོགས་པར་བྱ་བའི་དོན་དུ། རྗེས་སུ་ཆགས་པ་ལ་སོགས་པ་མེད་པ་ཤེས་པར་བྱ་བའི་ཕྱིར་མཛའ་དག་གི་དོན་དང། བཀའ་དང་མཐུན་པའི ་དོན་བསྒྲུབས་པའི་ཕྱིར་གཞིའི་དོན་དང། དེ་ཁོ་ན་རྟོགས་པ་དག་སློབ་མར་གྱུར་ཏེ། དེ་ལྟ་བུ་དག་ལ་ཡང་ཕན་འདོགས་པས་ཆོས་ཀྱི་རྣམ་གྲངས་ཀྱི་ཆེ་བ་ཉིད་བསྟན་པའི་ཕྱིར་ཆོས་ཀྱི་དེ་ཁོ་ན་རྟོགས་པའི་དོན་དང། བསྐུལ་བ་ལ་སོགས་པའི་མ་ལོངས་པ་མེད་པ་བསྟན ་པའི་ཕྱིར་འཇུག་པར་བྱ་བའི་དོན་དང། དེ་དག་ཉིད་ལ་ཆོས་བསྟན་པས་ཕན་འདོགས་པའི་ཕྱིར་ཆོས་འདོད་པའི་དོན་དང། རང་གི་དོན་རབ་ཏུ་བསྟན་པས་དེ་དག་གི་སྤྲོ་བ་བསྐྱེད་པའི་ཕྱིར་འབྲས་བུ་ཉེ་བར་བསྟན་པའི་དོན་དང། བསྒྲིམས་པ་མེད་པར་འདུལ་བར་བསྟན་པའི ་ཕྱིར་རང་དབང་ཡོད་པར་བསྟན་པའི་དོན་ཏོ། །དེ་གཉིས་ཀྱི་འབྲས་བུ་ཡང་རྣམ་པ་གསུམ་གྱིས་བསྟན་ཏེ། གྲངས་དང། ཉོན་མོངས་པ་སྤངས་པ་དང་ལྡན་པ་དང་འདུས་པའོ། །དེའི་གོ་རིམས་ཀྱང་རྣམ་པ་བཞིས་བསྟན་ཏེ། མཐོང་བ་དང་ཕྱག་འཚལ་བ་དང། བསྐོར་བ་བྱེད་པ ་དང། འཁོད་པའོ། །དེ་དག་ཀྱང་དངོས་པོས་གོ་རིམ་དུ་གྱུར་པར་རིག་པར་བྱ་སྟེ། ལྷགས་པའི་འོག་ཏུ་ཐོག་མ་ཁོ་ནར་མཐོང་ངོ། །དེ་ནས་མཐོང་བས་ལུས་ཚིམ་པར་གྱུར་ནས། །ཕྱག་འཚལ་ལོ། །དེ་ནས་དད་པའི་ཤུགས་མངོན་པར་འཕེལ་ནས་བསྐོར་བ་བྱེད་དོ། །དེ་ནས་གོ ་རིམ་བཞིན་བྱ་སྣས་གང་གི་ཕྱིར་ལྷགས་པ་དེའི་ཕྱིར་འཁོད་དོ། །བསྡུ་བ་གཉིས་པ་ལ་སྐོ་པ་པོའི་བྱ་བ་ནི་སངས་རྒྱས་ཀྱི་མཐུ་སྟེ། མཐུའི་དབང་ཡིན་ནོ། །བསྐོ་བར་བྱ་བའི་བྱ་བ་ནི་ཐབས་དཔྱོད་པ་དང། དེའི་འབྲས་བུ་དཔྱོད་པ་དང། ཐབས་སྒྲུབ་པ་དང། དེའི་འབྲས་བུ ་བསྒྲུབ་པ་སྟེ། རྟོག་པ་མངོན་དུ་གཏོད་པ་ནི་ཐབས་དང་དེའི་འབྲས་བུ་དཔྱད་ནས་དེ་བསྒྲུབས་པས་འབྲས་བུ་འགྲུབ་པར་བྱེད་དོ། །དེ་བས་ན་དེ་དག་གོ་རིམ་ནི་དེ་ལྟ་བུ་ཡིན་ནོ། །འབྲས་བུ་དཔྱོད་པ་ཡང་རྣམ་པ་ལྔ་སྟེ། མཛའ་དག་དག་དང། གཞི་དང། གདུལ་བ་དང། ་དེའི་རབ་ཏུ་དབྱེ་བ་དང། རང་གི་ངོ་བོ་སྟེ། ཉན་ཐོས་ཀྱི་ཐེག་པ་ཅན་ལ་སོགས་པ་སྨོས་པའི་ཕྱིར་རོ། །བྱང་ཆུབ་མཆོག་གི་རིགས་ཡིན་ལ། །བློ་ཞན་ཤེས་གཉེན་དམན་བརྟེན་པས། །གང་དག་དམན་པའི་ལམ་བརྟེན་པ། །དེ་དག་འདིར་བཀུག་ཤེས ་པར་བྱ། །དེ་ལྟར་མ་ཡིན་ཆོས་བསྟན་པ་འདི་དག་ལ་ཕན་མེད་པས་དེ་དག་བཀུག་པས་ཅི་ཞིག་བྱ་སྟེ། མདོ་རྫོགས་ཀྱི་བར་དུ་ཡང་གཞན་ནས་ཇི་སྐད་འབྱུང་དུ། ཉན་ཐོས་ཀྱི་ཐེག་པ་ཅན་རྣམས་ཀྱིས་འབྲས་བུ་ནི་ཅི་ཡང་མ་བསྟན་ལ། བཅོམ་ལྡན་འདས་ཀྱིས ་ཆོས་བསྟན་པ་ནི་འབྲས་བུ་མེད་པ་མ་ཡིན་ནོ། །དེ་ལྟ་བས་ན་དེ་དག་ལ་ཡང་དེའི་ཚེ་ཕྱིར་མི་ལྡོག་པའི་ས་ལ་འགོད་པ་ལ་སོགས་པའི་འབྲས་བུ་ཡོད་པར་ངེས་པར་བཟུང་བར་བྱའོ། །དེ་བས་ན་དེ་དག་ནི་སངས་རྒྱས་ཀྱི་རིགས་ཅན་ཁོ་ན་ཡིན་པ་པས། ཅི་ཞིག་ལྟར ་གྱུར་ཏེ། ཐེག་པ་གཞན་ལ་ཞུགས་པ་ཤེས་པར་བྱའོ། །འབྲས་བུ་དེའི་གོ་རིམ་ཀྱང་རྣམ་པ་བཞི་སྟེ། སྔ་མ་བཞིན་དུ་ངེས་པར་གཟུང་ངོ། །བསྡུ་བ་གསུམ་པ་ལ། སྐོ་བ་པོའི་བྱ་བ་ནི། མངོན་དུ་ཕྱོགས་པར་བྱ་བ་དང། བྱ་བ་ལ་བསྐོ་བའོ། །དེ་དག་རྣམ་པ་བཞི ་དག་གིས། །མངོན་དུ་ཕྱོགས་པར་མཛད་པ་ན། །བསྡུ་བའི་མཛའ་དག་ཉིད་དང་ནི། ཆེན་པོ་ཉིད་ཀྱང་རྒྱལ་བས་བསྟན། །སྔོན་དུ་ཕྱོགས་པར་བྱ་བ་ཡང་རྣམ་པ་བཞི་སྟེ། ཏིང་ངེ་འཛིན་ཐོབ་པ་ནི། མཐོང་བ་དོན་ཡོད་ཅེས་བྱ་བའི་ཏིང་ངེ་འཛིན་ཏེ། དེ་ཐོབ་པའི་ཕྱིར ་བྱང་ཆུབ་སེམས་དཔའ་ཡང་མཐོང་བ་དོན་ཡོད་ཅེས་གསུངས་པ་དང། ཏིང་ངེ་འཛིན་དེའི་འབྲས་བུ་ཐོབ་པ་ནི། ཏིང་ངེ་འཛིན་འགའ་ཞིག་འབྲས་བུ་མཐོང་བ་དོན་ཡོད་པ་ཉིད་དེ། དེ་ཐོབ་པའི་ཕྱིར་མཐོང་བ་དོན་ཡོད་ཅེས་གསུངས་པ་དང། སྨོན་ལམ་གྱི ་འབྲས་བུ་ཐོབ་པ་ནི། སྔོན་གྱི་སྨོན་ལམ་གྱི་འབྲས་བུ་ཐོབ་པར་བྱ་བའི་ཕྱིར། མཐོང་བ་དོན་ཡོད་ཅེས་གསུངས་པ་དང། ཡོན་ཏན་བསྒྲུབས་པའི་འབྲས་བུ་ཐོབ་པ་དེས་གང་གིས་མཐོང་བ་དོན་ཡོད་པར་གྱུར་པ་དེ་ལྟ་བུའི་ཡོན་ཏན་བསྒྲུབས་པས་ན་དེའི ་ཕྱིར། མཐོང་བ་དོན་ཡོད་ཅེས་གསུངས་པའོ། །དེའི་མཐོང་བ་དོན་ཡོད་པ་ཉིད་ནི། དེ་མཐོང་བ་འབྲས་བུ་མེད་པར་མི་འགྱུར་བའི་ཕྱིར་རོ། །དེ་བཞིན་དུ་བྱང་ཆུབ་སེམས་དཔའ་ཐམས་ཅད་ལ་ཡང་སྦྱར་བར་བྱའོ། །རྣམ་པ་འདི་དག་གི་བསྡུ་བའི་མཛའ་དག་ཉིད་དང། ཆེན ་པོ་ཉིད་བསྟན་ཏེ། སྡུད་པ་པོ་རྣམས་ཆེ་བའི་ཕྱིར་རོ། །བྱ་བ་ལ་བསྐོ་བ་ནི་རྣམ་པ་གཉིས་ཏེ། གཙོ་བོ་མ་ཡིན་པའི་བྱ་བ་དང། གཙོ་བོའི་བྱ་བ་དང། །གཙོ་བོ་མ་ཡིན་པའི་བྱ་བ་ཡང་རང་གི་ངོ་བོ་དང། ཡུལ་གྱིས་རྣམ་པ་གཉིས་སུ་འགྱུར་ཏེ། ཡུལ་ནི་ཐམས་ཅད་ཀྱི་ཞེས ་བྱ་བ་ལ་སོགས་པ་སྟེ། དེ་ཕན་ཆད་ན་སངས་རྒྱས་ཀྱིས་གདུལ་བ་མེད་པའི་ཕྱིར་རོ། །གཙོ་བོའི་བྱ་བ་ནི་མཛའ་དག་དང། གདུལ་བའི་རང་གི་ངོ་བོ་དང། དེའི་དབྱེ་བ་དང། གཞི་དང། རང་གི་ངོ་བོ་བསྟན་ཏེ། དེའི་གདུལ་བའི་རང་གི་ངོ་བོ་བསྟན་ཏེ། ཉན་ཐོས་ལ་སོགས ་པ་གཞན་སངས་རྒྱས་ཀྱི་གདུལ་བ་མེད་པའི་ཕྱིར་རོ། །དེའི་དབྱེ་བ་བསྟན་པ་ནི། དེ་སྙེད་ཅིག་གིས་དབྱེ་བས་ཐ་དད་པའི་བྱང་ཆུབ་སེམས་དཔའ་རྣམས་བཀུག་པའོ། །ཉན་ཐོས་ལ་སོགས་པ་གང་ཡིན་པ་དེ་དག་དགུག་པ་ལ་ཤིན་ཏུ་དགའ་བ་ཅི་ཞིག་ཡོད་ན་མ་བཀུག ་པར་གྱུར་ཅེ་ན། དེའི་ཕྱིར་དེ་དག་ལ་དེས་གདུ་བ་མེད་པར་བསྟན་པའི་ཕྱིར་རོ། །སྲིད་པ་ཐམ་པ་ནི་ཚེ་འདི་ཉིད་ལ་མངོན་པར་རྫོགས་པར་འཚང་རྒྱ་བའོ། །སྐྱེ་བ་ཅིག་གིས་ཐོགས་པ་ནི་ཚེ་ཕྱི་མ་ལ་མངོན་པར་རྫོགས་པར་འཚང་རྒྱ་བའོ། །ཕྱིར་མི་ལྡོག་པ་ནི་སངས་རྒྱས ་པ་ཐོབ་པ་རྣམས་སོ། །མི་སྐྱེ་བའི་ཆོས་ལ་བཟོད་པ་ཐོབ་པ་ནི་རབ་ཏུ་དགའ་བ་ལ་སོགས་པའི་ས་ཐོབ་པ་རྣམས་སོ། །དད་པས་མོས་པ་ནི་མོས་པས་སྤྱོད་པའི་ས་ཐོབ་པ་རྣམས་སོ། །སྲིད་པ་ཐ་མ་པ་སྨོས་པ་ནི་ཆོས་ཀྱི་རྣམ་གྲངས་ཀྱི་ཆེ་བ་ཉིད་བསྟན་པའི་ཕྱིར་ཏེ། བསོད ་ནམས་དང་ཡེ་ཤེས་ཀྱི་ཚོགས་ཡོངས་སུ་རྫོགས་པ་རྣམས་ལ་ཡང་ཕན་འདོགས་པ་ཡིན་པའི་ཕྱིར་རོ། །བསྡུ་བ་ཞེས་བྱ་བ་འདི་ནི་གཞན་ཡིན་ལ། དེ་ཡང་བསྡུ་བར་བྱ་བའི་བྱ་བ་ལ་བརྗོད་པར་འདོད་ན་རུང་སྟེ། དེ་ལྟ་ན་བསྒྲིམས་ཏེ་བསྡུ་བ་འདི་ཇི་ལྟར་རུང་ཞེ་ན། ་ཉེས་པ་མེད་དེ་འདི་ལྟར་གང་ཞིག་བསྒྲིམས་དེ་བསྡུ་བ་དང། གང་ཡང་བསྒྲིམ་ནི་མི་དགོས་པ། །བརྗོད་པ་འདོད་པ་འདི་ལ་འདི། །འཇིག་རྟེན་སྤྱོད་པའི་ཚུལ་གྱིས་འཇུག། བྱ་བ་ལ་མ་སྦྱར་དུ་ཟིན་ཀྱང་ནུས་པ་ལ་སོགས་པ་མཐོང་བའི་དབང་གིས་སྒྲ་འདི ་འཇིག་རྟེན་སྦྱོར་ཏེ། ཚོང་པའི་གྲོང་ནན་གྱིས་སྡུས་ཤིག་ཅེས་བྱ་བ་ལ་སོགས་པ་དང། འདྲ་བས་ན་ཉེས་པ་མེད་དོ། །བསྐོར་བར་བྱ་བའི་བྱ་བ་ནི། །བཀའ་མཉན་པ་དང། དེ་བཞིན་དུ་བསྒྲུབ་པའོ། །དེའི་འབྲས་བུ་དང། དེའི་གོ་རིམ་གྱི་དོན་ནི་ཕལ་ཆེར་གོང་དུ་རྔལ་བས་རྣམ ་པར་མ་ཕྱེའོ། །ལེགས་སོ་ཞེས་བྱ་བའི་སྒྲ་ནི་དོན་འདིར་དེ་ལྟར་འཚལ་ལོ་ཞེས་བྱའོ། །བརྗོད་དུ་མེད་པ་ནི་གྲངས་ཀྱི་བྱེ་བྲག་ཡིན་ཏེ། དེས་ཀྱང་བརྗོད་དུ་མེད་པའོ། །ཡང་ན་བརྗོད་དུ་མེད་པའི་ཡང་བརྗོད་དུ་མེད་པ་ཉིད་གྲངས་ཀྱི་བྱེ་བྲག་ཡིན་ཏེ། བརྒྱ་ཞེས་བྱ་བ་ལ་སོགས ་པ་བཞིན་ནོ། །དེ་ཡང་བྱེ་བ་ཁྲག་ཁྲིག་ཕྲག་འབུམ་གྱི་བྱེ་བྲག་ཡིན་ནོ། །ད་ནི་དགོས་པ་རྟགས་ནས་ཕན་པ་ཆེ་བ་དང། གདུལ་བའི་བྱེ་བྲག་དང། གུས་པའི་བྱེ་བྲག་དང། སྟོན་པ་པོའི་བྱེ་བྲག་དང། དགོས་པའི་བྱེ་བྲག་དང། རྣམ་པ་ལྔས་ཞུ་བ་བསྟན་ཏོ། །སྟོན་པ་པོ་ནི་བྱེ་བྲག ་རྣམ་པ་གསུམ་གྱིས་ཁྱད་པར་དུ་འཕགས་ཏེ། གང་ཕྱིར་དེ་བཞིན་གཤེགས་པ་ནི། །སྐྱོན་དང་ཉོན་མོངས་ཕུང་པོ་སྩལ། །དོན་ཀུན་ཡང་དག་མཁྱེན་པ་སྟེ། དེ་ཕྱིར་རྒྱལ་ལ་ཞུ་བར་འོས། །གང་གི་ཕྱིར་ཕྱིན་ཅི་མ་ལོག་བར་གསུངས་པས་དེ་བཞིན་གཤེགས་པ་སྟེ། དེའི་ཕྱིར ་ཞུ་བར་འོས་ཏེ། དེ་ཡང་ཉོན་མོངས་པ་དང་ཤེས་བྱའི་སྒྲིབ་པ་སྤངས་པའི་ཕྱིར་རོ། །དེའི་དེ་ཡང་དོན་ཐམས་ཅད་ཡང་དག་པར་མཁྱེན་པའི་ཕྱིར་རོ། །ཡང་ན་གང་གི་ཕྱིར་ཡང་དག་པར་རྫོགས་པའི་སངས་རྒྱས་ཡིན་པ་དེའི་ཕྱིར་ཞུ་བར་འོས་ཏེ། དེའི་དེ་ཡང་ཉོན ་མོངས་པ་དང་ཤེས་བྱའི་སྒྲིབ་པ་སྤངས་པའི་ཕྱིར་རོ། །དེའི་དེ་ཡང་དེ་བཞིན་གཤེགས་པ་ཡིན་པའི་ཕྱིར་རོ། །བདེ་བར་གཤེགས་པ་རྣམས་ཀྱིས་བགྲོད་པ་དང། རྗེས་སུ་བགྲོད་པའི་ལམ་དུ་གཤེགས་པའི་ཕྱིར་རོ་ཞེས་བྱ་བའི་ཐ་ཚིག་གོ། དད་པས་མོས་པ་ལ ་སོགས་པས། གོང་ན་གོང་དུ་འཐོབ་པའི་ཕྱིར། །གདུལ་བའི་བསམ་པའི་བྱེ་བྲག་གིས། །དོན་ནི་རྣམ་ལྔར་བསྟན་པ་ཡིན། །དགོས་པའི་བྱེ་བྲག་ནི་རྣམ་པ་ལྔ་སྟེ། དད་པས་མོས་པ་རྣམས་ཀྱིས་མི་སྐྱེ་བའི་ཆོས་ལ་བཟོད་པ་འཐོབ་པ་དང། མི་སྐྱེ་བའི་ཆོས་ལ་བཟོད་པ ་ཐོབ་རྣམས་ཀྱིས་ཕྱིར་མི་ལྡོག་པའི་སའི་ཐོབ་པ་དང། དེ་རྣམས་ཀྱིས་སྐྱེ་བ་གཅིག་གིས་ཐོགས་པ་ཉིད་འཐོབ་པ་དང། དེ་རྣམས་ཀྱིས་ཀྱང་སྲིད་པ་ཐམ་པ་ཉིད་འཐོབ་པ་དང། སྲིད་པ་ཐ་མ་པ་རྣམས་ཀྱིས་ཀྱང་གཟུངས་ཀྱི་སྒོར་འཇུག་པ་འཐོབ་པའོ། །སྡུག་བསྔལ་ལ ་སོགས་ཡུལ་རྣམས་ལ། །ན་མ་ནུར་བྱེད་པ་སོམ་ཉིར་བསྟན། །དེ་སྤངས་ས་ཐོབ་འདི་ཡིན་པར། །འདིར་ནི་དོན་གྱིས་བསྟན་པ་ཡིན། །དོན་གྱིས་ན་སྡུག་བསྔལ་ལ་སོགས་པའི་བདེན་པ་ལ་དམིགས་པའི་ཐེ་ཚོམ་སྤངས་མདང་བས་མོས་པ་རྣམས་ཀྱིས་ས་ཐོབ་པར ་བསྟན་ཏོ། །མོས་ཉི་སྤངས་པས་སྡུག་བསྔལ་ལ་སོགས་པའི་བདེན་པ་མཐོང་བས་སྤང་བར་བྱ་བའི་ཉོན་མོངས་པའི་ཚོགས་ཀྱང་སྤངས་བར་ཁོང་དུ་ཆུད་པར་བྱ་སྟེ། དེ་དག་ནི་ཅིག་ཅར་སྤོང་བར་འགྱུར་བའི་ཕྱིར་རོ། །ཐམས་ཅད་ཅེས་སྨོས་པ་ནི་བདེན་པ་བཞི ་ལ་དམིགས་པའི་སོམ་ཉི་བསྡུ་བའི་ཕྱིར་རམ། །ཆུང་ངུ་ལ་སོགས་པའི་བྱེ་བྲག་གིས་ཐ་དད་པ་བསྡུ་བའི་ཕྱིར་རོ། །ཕྱིར་མི་ལྡོག་པའི་ས་ནི་འདིར། རྣམ་པ་གཉིས་ཀྱིས་འཐོབ་པར་བསྟན། །ས་དང་པོ་ཐོབ་པས་མི་སྐྱེ་བའི་ཆོས་ལ་རི་རྦོད་པ་ཐོབ་པ་རྣམས ་ཀྱིས་ནི་རང་གི་སྟོབས་དང་གཞན་གྱི་སྟོབས་རྣམ་པ་གཉིས་ཀྱི་ཕྱིར་མི་ལྡོག་པའི་ས་ཐོབ་པར་བསྟན་ཏོ། །སྒྲིབ་པ་མེད་པ་ནི་ཉོན་མོངས་པ་དང་ཤེས་བྱ་བའི་སྒྲིབ་པ་སྤངས་པའི་ཕྱིར་ཏེ། ཡེ་ཤེས་དང་སྤོབས་པ་གང་ལ་ཡོད་པ་དེའི་ངོ་བོ་ནི་ཞེས་བྱ་བར་ཚིག་རྣམ་པར་སྦྱར་རོ། ་ཡང་ན་སྒྲིབ་པ་མེད་པ་ནི་ཐམས་ཅད་མཁྱེན་པའི་ཡེ་ཤེས་ཏེ། འདིས་སྣང་བར་བྱེད་པས་དེའི་ངོ་བོ་ཉིད་དེ་ཡིན་པས་ཡང་ངེས་པར་བཟུང་བར་བྱའོ། །འདིས་མི་གཡོ་བའི་ས་བསྟན་ཏེ། དེ་ནི་རང་གི་སྟོབས་ཡིན་ནོ། །གཞན་གྱི་སྟོབས་ནི་རྣམ་པ་གསུམ་གྱིས་བསྟན་ཏེ། དགེ་བའི ་བཤེས་མཉེན་དུ་དུ་མ་ལ་བསྟེན་པས། །ཐོས་བ་ལས་བྱུང་བའི་ཤེས་པ་འཐོབ་པ་དང། བསམས་པ་ལས་བྱུང་བའི་ཤེས་པ་འཐོབ་པ་དང། བསྒོམ་པ་ལས་བྱུང་བའི་ཤེས་པ་འཐོབ་པ་སྟེ། དེས་དྲན་པ་བརྗེད་པར་འགྱུར་ཏོ། །ཡང་ནི་ཆོས་བསྟན ་པ་ཉན་པ་དང། དེའི་དོན་འཛིན་པ་དང། དུས་གཞན་ནི་མི་བརྗེད་པ་དང། དེ་ལྟར་ན་དགེ་བའི་བཤེས་གཉེན་མཆོག་ལ་བསྟེན་ནས། བླ་ན་མེད་པའི་བྱང་ཆུབ་ཏུ་ངེས་པར་གྱུར་པས་ཕྱིར་མི་དོག་པར་བསྟན་པའི་ཕྱིར། བར་དུ་ཞེས་པ་ལ་སོགས་པ་ཞེས་སོ། །སྐྱེ་བ ་གཅིག་གིས་ཐོགས་རྣམས་ཀྱིས། །ས་ནི་རྟེན་བཞིན་ཐོབ་པ་འགྱུར། །ཕྱིར་མི་ལྡོག་པ་རྣམས་ཀྱིས་ནི་རྣམ་པ་བཞིས་སྐྱེ་བ་གཅིག་གིས་ཐོགས་པའི་ས་འཐོབ་པར་འགྱུར་ཏེ། སྤྱོད་པ་སྦྱིན་སོགས་ཕ་རོལ་ཕྱིན། །ཚོགས་ཀྱིས་རྣམ་པ་གཉིས་སུ་འབྱུང། ? ་ནི་བསོད་ནམས་ཕ་རོལ་ཕྱིན། །ལྷག་མ་ཡེ་ཤེས་ཅིག་ཤོས་གཉིས། །སྦྱིན་པ་དང། ཚུལ་ཁྲིམས་དང། བཟོད་པའི་ཕ་རོལ་ཏུ་ཕྱིན་པ་གསུམ་པ་བསོད་ནམས་ཀྱི་ཚོགས་སོ། །བསམ་གཏན་དང། ཤེས་རབ་དང། ཐབས་དང། སྨོན་ལམ་དང། སྟོབས་དང། ? ་ཞེས་བྱ་བ་ནི་ཡེ་ཤེས་ཀྱི་ཚོགས་སོ། །བརྩོན་འགྲུས་ནི་གཉི་ག་སྟེ། གཉི་གར་བྱ་བ་བྱེད་པའི་ཕྱིར་རོ། །སྤྱོད་པ་དེས་ཐོབ་པར་བྱ་བ་ནི་ཡོངས་སུ་དག་པ་རྣམ་པ་བཞི་སྟེ། དེས་སྐྱེ་བ་གཅིག་གིས་ཐོགས་པར་འགྱུར་རོ། །དེས་གདུལ་ཕྱིར་ནི་གཅས་པ་དང། །བསྟན་པ་དོན་ཡང ་མཚུངས་པ་མེད། །སྨོན་ལམ་འབྲས་བུ་འགྲུབ་པ་དང། དགའ་མགུར་ཞིང་ནི་སྟོན་པར་བྱེད། །སྨོན་ལམ་གྱིས་བསྒྲུབས་པའི་བསོད་ནམས་དང་ཡེ་ཤེས་ཀྱི་ཚོགས་ཀྱི་སྟོབས་ཀྱིས་བྱང་ཆུབ་སེམས་དཔའ་གདུལ་བ་ཉིད་དུ་སེམས་ཅན་རྣམས་གནས་པ་ནི་སེམས་ཅན ་ཡོངས་སུ་དག་པའོ། །མདོ་སྡེ་ལ་སོགས་པ་ཆོས་བསྟན་པ་དོན་ཡོད་ཅིང་མཚུངས་པ་མེད་པའི་འབྲས་བུ་དང་ལྡན་པས་ན་ཆོས་ཡོངས་སུ་དག་པའོ། །སྨོན་ལམ་མ་ལུས་པར་འབྲས་བུ་འགྲུབ་པས་ན་སྨོན་ལམ་ཡོངས་སུ་དག་པའོ། །གདུལ་བའི་བསམ་པའི་བྱེ་བྲག་གིས ་ཅི་དགའ་འགྱུར་ཞིང་ཀུན་ཏུ་སྟོན་པས་ན་ཞིང་ཡོངས་སུ་དག་པའོ། །ཡང་ན་སེམས་ཅན་ལ་སོགས་རྣམས་དག་ནི། །སེམས་ཅན་ཆོས་དོན་གཉེར་དང་ཞིང། རང་བཞིན་བདག་མེད་མཐོང་བ་ཡིན། །དེ་ནི་འདོད་པའི་དོན་གྲུབ་བྱེད། །འདིས་ཡོངས་སུ་དག་པར་འགྱུར་བས་ན་ཡོངས་སུ་དག་པ་སྟེ། ་ཡོངས་སུ་དག་པ་བཞི་ནི། སེམས་ཅན་ལ་སོགས་པ་བདག་མེད་པར་མཐོང་བ་ཉིད་དོ། །བདག་མེད་པར་མཐོང་བ་ལས་བྱང་ཆུབ་སེམས་དཔས་གདུལ་བ་ཉིད་དུ་སེམས་ཅན་རྣམས་གནས་པ་ཞེས་བྱ་བ་ལ་སོགས་པ་སྔར་བསྟན་པའི་འདོད་པ་ཐམས་ཅད་འགྲུབ་པར་འགྱུར་རོ། །དོན་དུ ་གཉེར་བ་ཞེས་བྱ་བ་ནི་སྨོན་ལམ་མོ། །ད་ནི་སྐྱེ་བ་གཅིག་གིས་ཐོགས་རྣམས་ཀྱིས། །སྲིད་པ་ཐ་མ་པའི་ས་ནི་བརྟེན་བཞིས་འཐོབ་པར་འགྱུར་བར་བཤད་ཅེས་བྱ་བ་ཚིག་གི་ལྷག་མའོ། །གདུལ་བ་རྣམས་ཀྱི་བྱེ་བྲག་གིས། ལུས་སོགས་ཡིད་དུ་འོང་བར་གནས། །ཐམས་ཅད་མཁྱེན ་པའི་ཡོན་ཏན་གྱི། །ཚོགས་ཀྱི་གཞི་ཡང་སྐྱེ་བ་ཡིན། །ལུས་དང་ངག་དང་ཡིད་དེ་དག་ནི་གདུལ་བའི་བསམ་པའི་བྱེ་བྲག་གིས་དུས་གཅིག་ཏུ་གནས་ན་ཡང་དེ་དག་ཡིད་དུ་འོངས་སྟེ། དེ་དག་རྗེས་སུ་མཐུན་པའི་ཕྱིར་རོ། །ཐམས་ཅད་མཁྱེན་པའི་ཡོན་ཏན་རྣམས་ཀྱི་རྟེན་དུ་གྱུར ་བའི་ཕྱིར་སྐྱེ་བ་ཡིད་འོང་ངོ། །ཡང་གི་སྒྲ་ནི། བཀག་པའི་ལས་ལུས་ལ་སོགས་པས་མི་སྤྱོད་པའི་ཕྱིར་དང། མ་བཀག་པ་ཀུན་ཏུ་སྤྱོད་པའི་ཕྱིར་དང། སྐྱེ་བ་འཇིག་རྟེན་ཐམས་ཅད་ཀྱི་དོན་དུ་གཉེར་བར་བྱ་བ་ཡིན་པའི་ཕྱིར། །ལུས་ལ་སོགས་པ་ཡིད་དུ་འོང་ཞེས་བྱ་བའོ་ཞེས ་བསྡུའི?་དོན་དང། ད་ནི་སྲིད་པ་ཐ་མ་པ་རྣམས་ཀྱིས་གཟུངས་ཀྱི་སྒོར་འཇུག་པ་ཇི་ལྟར་འཐོབ་པར་འགྱུར་བ་བསྟན་ཏེ། གཟུངས་ནི་རྣམ་གསུམ་གང་གི་ཕྱིར། །ཚིག་དང་དོན་དང་གཉི་གའི་གཟུངས། །ལེགས་པ་ལ་ནི་ཉམས་པ་ན། །འཛིན་པར་བྱེད་བས་དེ་ཕྱིར་གསུངས་ལེགས ་པ་ནི་བདག་དང་གཞན་གྱི་དོན་ཕུན་སུམ་ཚོགས་པའོ། །དེ་ཡང་ཕན་དང་ཕན་པ་མ་ཡིན་པ་འཐོབ་པ་དང། སྤང་པའི་མཚན་ཉིད་དེ། སྲོག་ཆགས་དེ་ལས་ཉམས་པ་ན་འཛིན་པར་བྱེད་པས་གཟུངས་སོ། །བདག་དང་གཞན་གྱི་དོན་འགྲུབ་ཕྱིར། །གཟུངས་ཉིད་སྒོ་མོ་སྒོ་ཡིན ་དེ་ལས་འཇུག་པ་དེ་ཤེས་པ། དེ་ཡང་རྣམ་བཞིར་བསྟན་པ་ཡིན། །འདི་ལྟར་གྲངས་མེད་པས་སམ། དུས་མཛའ་ཡས་པ་ནས་ཞུགས་པས་མཐུ་ཟད་མི་ཤེས་པ་མི་ཟད་པའི་སྒོ་ཐབས་རྣམས་ཀྱིས་སེམས་ཅན་ཡོངས་སུ་སྨིན་པར་བྱེད་པ་འམ།། ་བདག་དང་གཞན་གྱི་དོན་ཕུན་སུམ་ཚོགས་པ་སྒྲུབ་པ་སྟེ། དེ་གཟུངས་ཀྱི་སྒོར་འཇུག་པ་གང་ལ་ཡོད་པ་ཞེས་ཚིག་རྣམ་པར་སྦྱར་ནས། གཟུངས་ཀྱི་སྒོར་འཇུག་པ་ཞེས་བྱའི་སྒྲ་ཡི་ཁྱད་པར་དུ་ཚིག་བསྡུའོ། །དང་བ་ལ་སོགས་པའི་དབང་པོ་རྣམས་ལ་མཁས་པ་གཟུངས ་ཀྱི་སྒོར་འཇུག་པ་གང་ལ་ཡོད་པ་ཞེས་ཚིག་རྣམ་པར་སྦྱར་ནས་སྔ་མ་བཞིན་དུ་ཁྱད་པར་དུ་ཚིག་བསྡུའོ། །དབང་པོ་ལ་མཁས་པ་ནི་ཆུང་ངུ་ལ་སོགས་པའི་བྱེ་བྲག་དང། ཡོངས་སུ་སྨོན་པའི་དུས་ལ་སོགས་པའི་བྱེ་བྲག་ལ་སྦྱོད་པའོ། །འདི་ལ་འདུ་བྱེད་པ་མེད་པས་ན ་ལས་དང་རྣམ་པར་སྨིན་པ་ལ་མཁས་པ་འདུས་མ་བྱས་པའོ། །འདུས་པ་ནི་མ་བསྒྲིམས་པར་འཇུག་པ་སྟེ། དེ་གཟུངས་ཀྱི་སྒོར་འཇུག་པ་གང་ལ་ཡོད་པ་ཞེས་ཚིག་རྣམ་པར་སྦྱར་ནས་སྔ་མ་བཞིན་དུ་ཁྱད་པར་དུ་ཚིག་བསྡུའོ། །ཡང་ན་ལས་དང་རྣམ་པར་སྨིན་པ་ལ་མཁས ་པ་དང། འདུས་མ་བྱས་གཉིས་ལ་གཟུངས་ཀྱི་སྒོར་འཇུག་པ་ཞེས་བྱ་བར་རིག་པར་བྱའོ། །དེ་ལ་འདུས་མ་བྱས་པ་སྟོང་པ་ཉིད་ཡིན་པར་གཟུང་བར་བྱའོ། །ལས་རྣམ་པར་སྨིན་པའི་རང་གི་ངོ་བོ་དང། །དུས་དང་གནས་སྐབས་དང། ཡུལ་ལ་སོགས་པའི་བྱེ་བྲག་ལས ་དཔྱོད་པ་ནི་ལས་དང་རྣམ་པར་སྨིན་པ་ལ་མཁས་པའོ། །ཆོས་ཟབ་མོ་ལ་བཟོད་པའི་གཟུངས་ཀྱི་སྒོར་འཇུག་པ་གང་ལ་ཡོད་པ་དེ་ཞེས་ཚིག་རྣམ་པར་སྦྱར་ནས། སྔ་མ་བཞིན་དུ་ཁྱད་པར་དུ་ཚིག་བསྡུའོ། །སེམས་ཅན་རྣམས་ཞེས་བྱ་བ་ནི་འོག་མ་གཉིས་དང ་ཡང་འབྲེལ་བར་རིག་པར་བྱའོ། །ཡང་ན་ཞུ་བ་འདི་ནི་མདོར་བསྡུ་ན། བྱང་ཆུབ་སེམས་དཔའ་ཀུན་ལ་ཡང། གང་ལ་ཇི་སྙེད་འོས་ཡིན་པ། །དེ་ལ་དེ་སྙེད་འགྱུར་བ་ཡིན། འདི་ལྟར་དད་པས་མོས་པའི་དབང་དུ་བྱས་ན་ནི། འདི་དག་ཐམས་ཅད་ཡོད་པར་བལྟ ་བར་བྱའོ། །མི་སྐྱེ་བའི་ཆོས་ལ་བཟོད་པ་ཐོབ་པའི་དབང་དུ་བྱས་ན་ནི་སོམ་ཉི་ཐམས་ཅད་སྤོང་བ་མ་གཏོགས་པར། །ཞུ་བ་ལྷག་མ་རྣམས་ཡོད་པར་ངེས་པར་གཟུང་བར་བྱའོ། །དེ་བཞིན་དུ་བྱང་ཆུབ་སེམས་དཔའ་གཞན་དག་ལ་ཡང་ཅི་རིགས་པར་བྱའོ།། ་ད་ནི་བཅོམ་ལྡན་འདས་ལ་ཞུ་བ་མཁྱེན་པར་གསོལ་བ་སྟོན་ཏེ། ཞུ་བའི་འབྲས་བུ་བློ་ལྡན་གྱིས། །ཞུ་བ་ཉིད་དུ་རབ་ཏུ་གསུངས། །ཡང་ན་འབྲས་དང་ཐ་དད་པས། །སྒྲོ་བཏགས་ཞུ་བ་ཉིད་དུ་གསུངས། །ཞུ་བ་ཞེས་བྱ་བའི་སྒྲ་ནི་འཕགས་པ་ཤཱ་རིའི་བུས་ཞུ་བའི ་དངོས་པོའི་འབྲས་བུ་གང་ཡིན་པ་སེམ་ཉི་ཐམས་ཅད་སྤོང་བ་ལ་སོགས་པ་དེ་ཡིན་པར་གསུངས་ཏེ། འབྲས་བུ་ལ་རྒྱ་བཏགས་པ་སྟེ། འཇུག་གི་འབྲས་བུའི་ཚིག་མི་མངོན་པར་བྱས་པའི་ཕྱིར་རོ། །དེ་ལྟ་བུ་མ་ཡིན་དུ་ཟིན་ན་ཞུ་བའི་རང་གི་ངོ་བོ་ངེས་པར་མ ་བྱས་པའི་ཕྱིར། །དེ་དག་ཅེས་བྱ་བའི་སྒྲ་དང་སྦྱོར་བར་བྱེད་པ་མི་རིགས་ཏེ། དེ་ལྟར་ན་ཞུ་བ་དེ་དག་ལ་ཞུ་བའི་འབྲས་བུ་དེ་དག་ཅེས་བྱ་བར་ཁོང་དུ་ཆུད་པར་བྱའོ། །ཇི་སྐད་སྨོས་པ་ཞེས་བྱ་བ་ནི་རང་གི་ངོ་བོ་ཡིན་ནོ། །བཟུང་བ་ཞེས་བྱ་བ་ལ་སོགས་པའི་ཚིག་གསུམ་ནི། ཚིག ་འབྲུ་དང། དོན་དང། གཉི་གའོ། །ཡང་ན་ཉན་ཐོས་དང། རང་སངས་རྒྱས་དང། ཐེག་པ་ཆེན་པོའི་ཐེག་པ་ཅན་རྣམས་ལ་ཕན་གདགས་པའི་ཕྱིར་རོ། །བདག་དང་གཞན་དང་གཉི་གའི་དོན་འགྲུབ་པའི་ཕྱིར་ཡང་བརྗོད་པར་ཤེས་པར་བྱའོ། །ཡང་ན་རང་གི་ངོ་བོ་དང། རབ་ཏུ་དབྱེ ་བ་གཉིས་ཀྱིས་ནི་བཟུང་ངོ། །སོ་སོ་རང་གི་རིག་པར་སྤྱོད་པས་ནི་ཡིད་ལ་བྱས་སོ། །ཚད་མ་ཐམས་ཅད་ཀྱིས་རྣམ་པར་དག་པས་ནི་ཀུན་ཆུབ་པར་བྱས་སོ། །རྣམ་པ་གཞན་ཡང་ཇི་སྐད་སྨོས་པའི་འབྲས་བུའི་བྱེ་བྲག་གིས་ཞུ་བའི་རང་གི་ངོ་བོ་དམིགས་ཀྱིས་མ་ཕྱེ་བ ་དམིགས་ཀྱིས་ཕྱེ་ནས། དེ་དག་ཅེས་བྱ་བ་ལ་སོགས་པ་བརྗོད་དེ། ཇི་སྐད་སྨོས་པའི་འབྲས་བུ་ཞེས་བྱ་བའི་ཐ་ཚིག་གོ་།བཟུང་བ་ལ་སོགས་པའི་ཚིག་གསུམ་གྱི་བཤད་པ་འདིར་ནི་བཤད་པ་བར་མ་གཉིས་ལ་བལྟོས་པར་ཤེས་པར་བྱའོ། །དེ་ལྟར་ཞུ་བ་མཁྱེན་པར ་གསོལ་བ་བསྟན་ནས། ད་ནི་བཅོམ་ལྡན་འདས་ལ་གསོལ་བ་འདེབས་ཏེ། ཚིག་དང་དོན་དང་གཉི་ག་དང། ཐོས་སོགས་ཤེས་བའི་བྱེ་བྲག་དང། །མངོན་སུམ་རྗེས་དཔག་རྣམ་གཉིས་ཀྱིས། །རྣམ་པར་དག་པ་རྣམ་གསུམ་མོ། །གཟུང་བ་དང། ཡིད་ལ ་བྱས་བ་དང། ཀུན་ཆུབ་པར་བྱས་པ་རྣམས་ནི། ཚིག་དང། དོན་དང། གཉི་ག་འམ། ཐོས་པ་དང། བསམ་པ་དང། བསྒོམས་པའི་ཤེས་པས། ཡོངས་སུ་བཅད་པའམ། མངོན་སུམ་དང། རྗེས་སུ་དཔག་པ་དང། ཚད་མ་གཉི་གས་རྣམ་པར་དག་པ་ལས་རྣམ་པ་གསུམ་དུ་གོ་རིམ ་བཞིན་དུ་ཤེས་པར་བྱའོ། །དེ་ལ་བཤད་པ་དང་པོ་ལ་ཞུ་བའི་འབྲས་བུ་ནི་ཞུ་བའི་སྒྲས་བརྗོད་དོ་ཞེས་བསྟན་ཏེ། དེ་ལྟར་ན་འདི་སྐད་དུ་གང་གིས་ཞུ་བའི་འབྲས་བུ་འདི་འགྲུབ་པར་འགྱུར་བ་དང། དེ་ལས་ཐོས་པ་ལ་སོགས་པའི་ཤེས་པས་བསྡུས་པས་སྦྱོད་པ ་དག་པར་འགྱུར་བ་དེ་ལྟ་བུའི་ཞུ་བ་བཅོམ་ལྡན་འདས་ཀྱིས་བཤད་དུ་གསོལ་ཞེས་བྱ་བའི་ཐ་ཚིག་གོ་།བཤད་པ་གཉིས་བ་ལ་ཇི་སྐད་སྨོས་པ་ཞེས་བྱ་བ་ནི་ཇི་སྐད་སྨོས་པ་ཞེས་བྱ་བའི་འབྲས་བུ་ཞེས་བྱ་བར་ཁོང་དུ་ཆུད་པར་བྱ་སྟེ། དེ་ལྟར་ན་འདི་སྐད་དུ་ཞུ་བ་གང་ལས ་འབྲས་བུ་འདི་འགྲུབ་པར་འགྱུར་བ་དང། ཐོས་པ་ལ་སོགས་པའི་ཤེས་པས་བསྡུས་པས་སྤྱོད་པ་ཇི་ལྟར་ཡོངས་སུ་དག་པར་འགྱུར་བ་དེ་ལྟ་བུའི་ཞུ་བ་བཅོམ་ལྡན་འདས་ཀྱིས་བཤད་དུ་གསོལ་ཞེས་བྱ་བའི་ཐ་ཚིག་གོ་།དེ་ནས་སྦྱོད་པ་དེ་ནི་གང་ཡིན། དེའི་རྣམ ་པར་དག་པ་ནི་ཇི་ལྟ་བུ། དེའི་འབྲས་བུ་ནི་ཅི་ཞིག་འཐོབ་པར་ཞེ་ན། སྨྲས་པ་སྦྱོད་པ་ཕ་རོལ་ཕྱིན་པ་བཅུ་ཡང་ན་སྟོང་ཉིད་དེ་ཡི་ནི། །རྣམ་དག་སྐྱོན་མེད་ས་ཐོབ་པས། །ཐམས་ཅད་མཁྱེན་པའི་གོ་འཕང་འཐོབ། །སྦྱོད་པ་ནི་སྦྱིན་པ་ལ་སོགས་པ་ཕ་རོལ་ཏུ་ཕྱིན་པ་བཅུ? ་སྟེ། སྦྱད་པར་བྱ་བ་ཡིན་པའི་ཕྱིར་རོ། །ཡང་ན་སྟོང་པ་ཉིད་དེ། དེ་རྟོགས་ན་མི་དམིགས་པའི་ཚུལ་གྱིས་སྦྱིན་པ་ལ་སོགས་པ་ལ་སྤྱོད་པའི་ཕྱིར་རོ། །ཕ་རོལ་ཏུ་ཕྱིན་པ་རྣམས་ཀྱི་སྐྱོན་ནི་འཁོར་གསུམ་དམིགས་པ་དང། སེར་སྣ་ལ་སོགས་པའི་དྲི་མའོ། །སྟོང་པ་ཉིད ་ནི་དངོས་པོ་དང། དངོས་པོ་མེད་པ་ལ་སོགས་པའི་ངོ་བོར་མངོན་པར་ཞེན་པའོ། །དེ་མེད་པས་སྐྱོན་མེད་པ་ཉིད་ཀྱིས་མཚན་ཉིད་ཀྱི་དྲི་མ་མེད་པ་ནི་དེ་དག་གི་རྣམ་པར་དག་པའོ། །དེས་རབ་ཏུ་དགའ་བ་ལ་སོགས་པའི་ས་ཐོབ་པས་རྣལ་འབྱོར་ཅན་གྱིས་ཐམས་ཅད་མཁྱེན་བའི་གོ་འཕངས ་འཐོབ་པར་འགྱུར་ཏེ། འདི་ལྟར་སྦྱིན་པ་ལ་སོགས་པ་ཕ་རོལ་ཏུ་ཕྱིན་པ་རྣམས་ཕུལ་དུ་ཕྱིན་པར་རྣམ་པར་དག་པ་ལ་བརྟེན་ནས། གོ་རིམས་བཞིན་དུ་ས་བཅུར་རྣམ་པར་གཞག་སྟེ། དེའི་འོག་ཏུ་ཐམས་ཅད་མཁྱེན་པའི་གོ་འཕང་འཐོབ་པར་འགྱུར་རོ། །སྟོང་པ་ཉིད་རྣམ་པར ་དག་པ་ལས་ཀྱང་སྟོན་ཏེ། ཀུན་ཏུ་འགྲོ་དོན་ཅེས་བྱ་བ་ལ་སོགས་པ་ཇི་སྐད་བཤད་པ་ལྟ་བུའོ། །དེ་ལྟར་གསོལ་བ་བཏབ་ནས། ད་ནི་གུས་པ་བསྐྱེད་པར་བྱ་བའི་ཕྱིར་དང། །ཚེ་བ་ཉིད་བསྟན་པའི་ཕྱིར་གསོལ་བ་བཏབ་པའི་དོན་ལ་བཅོམ་ལྡན་འདས་ཀྱིས་མངོན་དུ་ཕྱོགས་པར ་མཛད་ནས། ཞལ་གྱིས་བཞེས་སོ། །ཞལ་གྱིས་བཞེས་པ་དེ་ཡང་ཉན་པ་པོའི་བྱེ་བྲག་དང། རང་གི་ངོ་བོ་རྣམས་པ་གཉིས་ཀྱི་ཕྱིར་རོ། །ཉན་པ་པོའི་བྱེ་བྲག་ནི་རྣམ་པ་བཞིར་གསུངས་ཏེ། ཉན་པ་དང། ལེགས་པར་ཉན་པ་དང། རབ་ཏུ་ཉན་པ་དང། ཡང་དག་པར་ཡིན་བྱ? ་བ་སྟེ། སྣོད་ནི་ཁས་ཕུབ་རྡོལ་བ་དང། །མི་གཙང་བ་ཡི་གཉེན་པོ་འམ། །གཟུ་བོ་ལ་སོགས་ཡོན་ཏན་ལྡན། །ཁྱོད་ཀྱིས་ཉོན་ལ་གཞན་དུ་མིན། །གང་ཕྱིར་ཚད་མ་ལྡན་པས་ན། །ཐོག་མ་བར་དང་ཐ་མར་དགེ་།ཆུང་ངུ་འབྲིང་དང་ཆེན་པོ་ཡི། །ཉེས་པ་རྣམས་ནི་?་བྱེད་དང། ཚིག ་འབྲུ་དོན་དང་གཉི་ག་ཤེས། །མངོན་སུམ་ལ་སོགས་མི་འགལ་བ། །ཐོས་ལ་སོགས་ལས་བློ་བསྐྱེད་དང། །བདག་སོགས་འབྱོར་པའི་རྒྱུ་ཡིན་ཕྱིར། །ཆར་བ་འབབ་པ་ན་བུམ་པ་ཁས་ཕུབ་པའི་ནང་དུ་ཆུ་ཅུང་ཟད་ཀྱང་མ་འགྲོ་བ་དེ་བཞིན་དུ། །ཁྱོད་སྣོད་ཁས་ཕུབ་པ་ལྟ་བུར་ཉམ ་བར་མ་བྱེད་ཅིག་ཅེས་བྱ་བའི་ཕྱིར་ལེགས་པར་ཞེས་གསུངས་སོ། །བུམ་པ་རྡོལ་བའི་ནང་དུ་ནི་ཆུ་སོར་དུ་ཟིན་ཀྱང་གནས་པར་མི་འགྱུར་བ་དེ་བཞིན་དུ་ཁྱོད་ཉན་པའི་མི་བྱེད་པར། ཅི་ནས་ཐོས་པ་བརྟན་པར་འགྱུར་བ་དེ་ལྟ་བུར་ཉོན་ཅིག་ཅེས་བྱ་བའི་ཕྱིར་རབ་ཏུ་ཞེས་གསུངས ་སོ། །བུམ་པ་མི་གཙང་བའི་ནང་དུ་ནི་ཆུ་ཅི་སོང་བ་དེ་དག་ཐམས་ཅད་མི་གཙང་བར་འགྱུར་ཏེ། སྦྱད་དུ་མི་རུང་བ་དེ་བཞིན་དུ། །ཁྱོད་ཀྱིས་ཚུལ་བཞིན་མ་ཡིན་པ་ཡིད་ལ་བྱེད་པའི་མི་གཙང་བར་མ་བྱེད་ཅིག་ཅེས་བྱ་བའི་ཕྱིར། ཚུལ་བཞིན་ཡིད་ལ་ཟུང་ཤིག་། ་ཅེས་གསུངས་སོ། །ཡང་ན་གཟུ་བོ་ལྟ་བུ་དང། དོན་དུ་གཉེར་བ་དང། རྟོག་པ་ཅན་དུ་གྱིས་ལ་ཉོན་ཅིག་ཅེས་གསུངས་ཏེ། ལེགས་པར་ཞེས་བྱ་བ་ལ་སོགས་པའི་ཚིག་དང་གོ་རིམས་བཞིན་དུ་སྦྱར་རོ། །དེ་ལྟར་བྱས་ན་ཁྱོད་ཀྱིས་མཉན་པ་འབྲས་བུ་ཡོད་པར་འགྱུར་གྱིས། །དེ་ལྟ ་མ་ཡིན་ན་མི་འགྱུར་བར་དགོངས་པའོ། །ཡང་ན་གང་གིས་ཕྱིར་ཐོག་མ་ཉིད་དུ་ཚད་མ་དང་ལྡན་པས་དགེ་བ་དེའི་ཕྱིར་ལེགས་པར་ཉོན་ཞེས་གསུངས་སོ། །གང་གི་ཕྱིར་བར་དུ་ཡང་དགེ་བ་དེའི་ཕྱིར་རབ་ཏུ་ཉོན་ཅིག་ཅེས་གསུངས་སོ། །གང་གི་ཕྱིར་ཐ་མར་ཡང་དགེ་བ་དེའི་ཕྱིར་ཚུལ ་བཞིན་ཡིད་ལ་བྱོས་ཤིག་ཅེས་གསུངས་སོ། །ཡང་ན་ཉེས་པ་ཆུང་ངུ་དང་འབྲིང་པོ་དང། །ཆེན་པོ་རྣམས་ཀྱི་གཉེན་པོ་ཡིན་པའི་ཕྱིར་ལེགས་པར་ཞེས་བྱ་བ་ལ་སོགས་པའི་ཚིག་དང་གོ་རིམས་བཞིན་སྦྱར་རོ། །ཡང་ན་ཚིག་འབྲུ་དང། དོན་དང། གཉི་ག་འཛིན་དུ་གཞུག་པའི ་ཕྱིར། ལེགས་པར་ཞེས་བྱ་བ་ལ་སོགས་པའི་ཚིག་དང་གོ་རིམ་བཞིན་དུ་སྦྱར་རོ། །ཡང་ན་མངོན་སུམ་དང། རྗེས་སུ་དཔག་པ་དང། ཚད་མ་གཉིས་ག་དང་མི་འགལ་བའི་ཕྱིར། ལེགས་པར་ཞེས་བྱ་བ་ལ་སོགས་པའི་ཚིག་དང། གོ་རིམ་བཞིན་དུ་སྦྱར་རོ། །ཡང་ན་ཐོས་པ་ལས ་བྱུང་བ་ལ་སོགས་པའི་ཤེས་རབ་རྣམ་པ་གསུམ་གྱི་རྒྱུ་ཡིན་པའི་ཕྱིར། ལེགས་པར་ཞེས་བྱ་བ་ལ་སོགས་པའི་ཚིག་དང། གོ་རིམ་བཞིན་དུ་སྦྱར་རོ། །ཡང་ན་བདག་དང། གཞན་གྱི་དོན་དང། གཉི་གའི་དོན་གྱི་རྒྱུ་ཡིན་པའི་ཕྱིར། ལེགས་པར་ཞེས་བྱ་བ་ལ་སོགས་པའི་ཚིག ་དང་གོ་རིམས་བཞིན་དུ་སྦྱར་རོ། །ཡང་ན་མཐོང་བ་ལ་སོགས་པའི་ལམ་གསུམ་གྱི་རྒྱུ་ཡིན་པའི་ཕྱིར། ལེགས་པར་ཞེས་བྱ་བ་ལ་སོགས་པའི་ཚིག་དང་གོ་རིམ་བཞིན་དུ་སྦྱར་རོ། །དོན་གསོལ་ཞལ་གྱིས་བཞེས་པས་ན། དེ་ཡིས་བདག་ཉིད་གསོལ་བར་ཕྱོགས། །ཐུབ་པ ་སེམས་ཅན་དོན་མཁྱེན་ཕྱིར། འདིར་ནི་གསུང་བ་ལ་སོགས་གསུངས། །དེ་ལྟར་འཆལ་ཞེས་བྱ་བ་ལ་སོགས་པ་ནི། མངོན་དུ་ཕྱོགས་པར་མཛད་པ་བསྟན་ཏོ། །དེ་ནི་བསྲུང་བ་བསྟན་ཏེ། དེ་ཡང་རྣམ་པ་གཉིས་ཏེ། བསམ་གཏན་གྱི་རྣལ་འབྱོར་དང། །གསང་སྔགས་ཀྱི་ཡི་གེའོ། །དེ་ལ་བསམ ་གཏན་གྱི་རྣལ་འབྱོར་ནི། །ཡང་དག་དུ་ན་དེ་ཆོས་ཀུན། །དངོས་པོའི་ངོ་བོར་ཁས་མི་ལེན། །རྐྱེན་ལ་རག་ལས་འབྱུང་ཕྱིར་ཏེ། སྒྱུ་མ་རྨི་ལམ་སྨིག་རྒྱུ་བཞིན། །དགག་པར་བྱ་བ་མེད་པས་ན། །ཡང་དག་དུ་ན་དགག་མེད་མངོན། །ཡང་དག་མཁྱེན་དེ་ཆོས་རྣམས་ཀུན། །ཐམས་ཅད་དངོས་པོར ་འཛིན་མི་མཛད། །ཆོས་ཐམས་ཅད་ནི་རྐྱེན་ལ་རག་ལས་ཏེ་འབྱུང་བའི་ཕྱིར་དང། སྒྱུ་མ་ལ་སོགས་པ་བཞིན་དུ། །ཡང་དག་པར་ན་དངོས་པོའི་ངོ་བོ་ཉིད་མི་ཡིན་ནོ། །དེ་བཞིན་དུ་སྐྱེས་བ་ལ་སོགས་པའི་ངོ་བོ་ཉིད་ཀྱང་ཡང་དག་པར་མེད་དོ་ཞེས་བརྗོད་པར་བྱའོ། །དེ་ལྟར་གྱུར་ན་ཆོས ་ཐམས་ཅད་ཡང་དག་པར་དངོས་པོ་ཡོད་པ་མ་ཡིན་པའི་ཕྱིར། ཡང་དག་པར་དགག་པ་དང་འབྲེལ་པ་མ་ཡིན་ཏེ། །མོ་གཤམ་གྱི་བུའི་སྔོ་སངས་ལ་སོགས་པ་བཞིན་ཏེ། དགག་པར་བྱ་བ་མེད་པས་དགག་པ་ཡང་མི་འཇུག་པའི་ཕྱིར་རོ། །མི་མཐུན་པ་རྟགས་པ་ཡིན་ན་ནི། ། ་དགག་པ་ཡང་དེ་དང་འདྲ་བར་འགྱུར་ཏེ། དེ་ལྟར་ན་ཆོས་ཐམས་ཅད་དོན་དམ་པར་དངོས་པོ་མེད་པའི་ངོ་བོ་ཉིད་མ་ཡིན་ནོ། །དེ་བཞིན་དུ་མ་སྐྱེས་པ་ལ་སོགས་པའི་ངོ་བོ་ཉིད་ཀྱང་མ་ཡིན་ནོ་ཞེས་སྦྱར་རོ། །ཡང་ན་ཚད་མ་ལྡན་པ་མ་ཡིན་པས། །ཡོད་མེད་ལ་སོགས་མཚན་ཉིད ་དུ། །དེ་ནི་ཆོས་ཀུན་ཁས་མི་ལེན། །དེ་ཕྱིར་མཁས་པ་འཛིན་མི་བྱེད། །མངོན་པར་ཞེན་པར་མི་བྱེད་ཅེས་བྱ་བའི་ཐ་ཚིག་གོ་།ཚད་མ་དང་མི་ལྡན་པའི་ངོ་བོ་ནི་བཤད་ཟིན་ཏོ། །དེ་ཕྱིར་དེ་ན་སྟོང་པ་མིན། །མི་སྟོང་མ་ཡིན་ཡོད་མེད་མིན། །མི་སྐྱེ་མ་ཡིན་སྐྱེ་མིན་ཞེས། །བྱ་བ་ལ་སོགས ་བཅོམ་ལྡན་གསུངས། །བསམ་གཏན་གྱི་ནི་ལམ་འདི་ཡིས། །གསང་སྔགས་ཚིག་རྣམས་བསམས་ན་ནི། །འབྲས་བུ་རྫོགས་པར་ཐོབ་འགྱུར་གྱི། །འདོན་པ་ཉིད་ཚེས་དེ་ལྟ་མིན། །རྣལ་འབྱོར་ཅན་བསམ་གཏན་གྱི་རྣལ་འབྱོར་འདི་ལ་གནས་ཤིང་གསང་སྔགས་ཀྱི་ཡི་གེ་རྣམས ་བརྗོད་ན། ཡིད་ལ་འདོད་པའི་འབྲས་བུ་རྫོགས་པར་ཐོབ་པར་འགྱུར་གྱི། །སེམས་ཕྱི་རོལ་དུ་བལྟས་པས་བཏོན་ན་ནི། །གསང་སྔགས་རྣམས་ངོ་བོ་ཉིད་ཤིན་ཏུ་བསམ་གྱིས་མི་ཁྱབ་པ་དང་ལྡན་པས་འབྲས་བུ་འཐོབ་པར་ལྟ་འགྱུར་མོད་ཀྱི་རྫོགས ་པར་ནི་མ་ཡིན་ནོ། །ཚིག་རྣམས་རེ་རེའི་རྣལ་འབྱོར་ལ། །མངོན་དུ་ཕྱོགས་པར་བྱེད་བཞིན་དུ། །གསང་སྔགས་རན་པར་བརྗོད་བྱ་སྟེ། །དེ་ཕྱིར་འདིར་ནི་ཚིག་སྨོས་སོ། །མྱུར་ཆེས་པ་དང། དལ་ཆེས་པ་དང། མི་གསལ་བ་ལ་སོགས་པའི་ཉེས་པ་དང། བྲལ་བ་ནི་རན་པ་ཉིད ་དེ། གསང་སྔགས་ཀྱི་ཡི་གེ་རྣམས་ལ་སེམས་གཏོད་པའོ། །ཚིག་རེ་རེའི་རྣལ་འབྱོར་ལ་མངོན་དུ་ཕྱོགས་པར་བྱེད་ཅིང་གསང་སྔགས་རན་པར་བརྗོད་པར་བྱ་སྟེ། དེ་བས་ན་ཚིག་སྨོས་སོ། །དེ་ལྟ་མ་ཡིན་ན་གཟུངས་ཀྱི་གསང་སྔགས་གཟུང་བར་བྱ་ཞེས་དེ་སྐད་འབྱུང ་བའི་རིགས་སོ། །ཡི་གེ་རེ་རེ་བསམ་པ་ཡི། །རྣལ་འབྱོར་སུས་ཀྱང་མི་ནུས་ཏེ། ཚིག་རེ་ནས་ནི་ངེས་པར་ཡང། །བརྗོད་པར་བྱ་བས་དེ་སྨོས་སོ། །དེ་སྨོས་ཞེས་བྱ་བ་ནི་ཚིག་སྨོས་པའོ། །གལ་ཏེ་ཡི་གེ་རེ་རེ་ལ་རྣལ་འབྱོར་དུ་བྱེད་ནུས་ན་ལྟ་རབ་ཏུ་ལེགས་པ་ཡིན་ནོ། །གལ ་ཏེ་མི་ནུས་ན་ཚིག་རེ་རེ་ལ་ནི་བསྒྲིམས་ཏེ་ཡང་བྱ་དགོས་ཏེ། འདི་ལྟར་རྣལ་འབྱོར་མེད་པའི་གསང་སྔགས་འདི། །དེ་ལྟར་འབྲས་བུ་བསྟེན་མི་འགྱུར། གསང་སྔགས་ཚིག་ནི་གསང་སྔགས་ཏེ། དེ་ཕྱིར་རྣལ་འབྱོར་དེ་མིན་བྱ། །འདིའི་དོན་ནི་བརྡ་ཕྲར་པར་ཟད་དོ། །གཟུངས་ཀྱི་དོན་གྱི?་གསང? ་སྔགས་ཀྱི་ཚིག་རྣམས་ཡིན་པས་གཟུངས་ཀྱི་གསང་སྔགས་ཀྱི་ཚིག་རྣམས་སོ། །དེ་ནི་གཟུངས་ཀྱི་ངོ་བོ་བརྗོད་པར་བྱ་སྟེ། གསུངས་པའི་མིང་ནི་འདོགས་པ་ནི། །འཐོབ་པའི་ཐབས་ནི་བསྟན་པ་དང། །ངེས་ཤེས་བྱ་ལ་སོགས་ཚིག་གིས། །གཟུངས་ནི་འོག་ནས་འབྱུང ་བ་ཉིད་?གང་གི་ཕྱིར་བཅོམ་ལྡན་འདས་དེས། འདི་ནི་ཤཱ་རིའི་བྱང་ཆུབ་སེམས་དཔའ་སེམས་དཔའ་ཆེན་པོའི་ཆོས་ཐམས་ཅད་མི་འཛིན་པ་ལ་འཇུག་པ་ཞེས་བྱ་བའི་སངས་རྒྱས་རྗེས་སུ་དྲན་པ་ཞེས་བྱའོ། །ཞེས་བྱ་བ་ལ་སོགས་པས་སངས་རྒྱས་རྗེས་སུ་དྲན ་པ་གསུངས་པའི་མིང་འདོགས་པར་མཛད་དོ། །གང་གིས་ཕྱིར་དེ་ནས་བཅོམ་ལྡན་འདས་ཀྱིས་ཡང་ཞེས་བྱ་བ་ལ་སོགས་པས་ནི་འཐོབ་པའི་ཐབས་བསྟན་ཏོ། །གང་ཕྱིར་དེས་སྒོ་མཛའ་ཡས་བསྒྲུབ་པའི་གཟུངས་འདི་བསྒྲུབས་ཏེ་ཞེས་གསུངས་པ་དེའི་ཕྱིར། །བདག་ནི ་སངས་རྒྱས་རྗེས་སུ་དྲན་པ་འོག་ནས་འབྱུང་བ་ཉིད་གཟུངས་ཡིན་པར་འཛིན་ཏེ། དེ་ལྟ་མ་ཡིན་གྱི་གསང་སྔགས་ཀྱི་ཡི་གེ་རྣམས་གཟུངས་ཉིད་ཡིན་ན་ནི། །འདི་རིགས་པ་དང་ལྡན་པར་མི་འགྱུར་ཏེ། སྐབས་མ་ཡིན་པའི་ཕྱིར་ཏེ། སངས་རྒྱས་རྗེས་སུ་དྲན་པ་བསྟན ་པའི་སྐབས་ཀྱིས་བར་དུ་ཆོད་པའི་ཕྱིར་དང། གསང་སྔགས་ཀྱི་ཡི་གེ་རྣམས་ནི་ཡི་གེའི་འབྲུ་དང། སྒྲའི་བདག་ཉིད་ཡིན་པས་མིག་དང་རྣ་བའི་རྣམ་པར་ཤེས་པས་ངེས་པར་གཟུང་བ་ཡིན་པའི་ཕྱིར་རོ། །དེ་བས་ན་འདི་ཞེས་གསུངས་པ་བརྗོད་བྱ་མིན། །འོག་ནས་འབྱུང ་བའི་ཆིངས་ཐུགས་ལ་གཞག་ནས། །ཞིང་ཞེས་བྱ་བ་གསུངས་སོ། །འཛིན་པ་འདིར་ནི་དོན་ལས་བཞེད། །རློམ་སེམས་མངོན་པར་ཞེན་པ་སྟེ། མི་དམིགས་ཕྱིར་ནད་མེད་དོ། །འཛིན་པ་ནི་འདིར་དོན་ལ་རྟོགས་པར་བཞེད་ཀྱི། །ཡི་གེ་ལས་ནི་མ་ཡིན་ཏེ། ཡི་གེ་འཛིན་པས་?? ་ཡོན་འདི་དག་འཐོབ་པར་མི་འགྱུར་རོ། །རློམ་སེམས་ནི་མངོན་པར་ཞེན་པ་ཡིན་པས་དེ་ལྟར་ན་འདི་ལྟར་འགྱུར་རོ། །འདུས་བྱས་དང་འདུས་མ་བྱས་ཀྱི་ཆོས་རྣམས་ལ་རློམ་སེམས་སུ་མི་བྱེད་ཅེས་བྱ་བ་ནི་མངོན་པར་ཞེན་པར་མི་བྱེད་ཅེས་བྱ་བའི་ཐ་ཚིག་གོ་།ཅིའི་ཕྱིར་མངོན་པར་ཞེས? ་པར་མི་བྱེད་ཅེ་ན། དེའི་ཕྱིར་དམིགས་པར་མི་བྱེད་ཅེས་གསུངས་སོ། །ཡང་ན་ངོ་བོ་ཉིད་མེད་པའི་ཕྱིར་འདུས་བྱས་དང་འདུས་མ་བྱས་ཀྱི་ཆོས་རྣམས་ལ་ངོ་བོ་ཉིད་དང་བཅས་པར་རློམ་སེམས་སུ་མི་བྱེད་པར་ངེས་པར་གཟུང་བར་བྱའོ། །མི་སྡུག་གཉི་ག་མ་ཡིན་སྡུག་།སྔགས?་པ་དེ་ཡང ་རྣམ་གཉིས་འདོད། །ཆོས་རྣམས་ཐམས་ཅད་ཐུབ་པ་ཡིས། །རྣམ་པ་བཞིར་ནི་བསྡུ་བ་མཛད། །ཆོས་རྣམ་པ་བཞི་ནི་མི་སྡུག་པའི་ངོ་བོ་ཉིད་དང། །གཉི་ག་མ་ཡིན་པའི་ངོ་བོ་ཉིད་དང། སྡུག་པའི་ངོ་བོ་ཉིད་དེ། དེ་དག་ཀྱང་ཟག་པ་དང་བཅས་པ་དང། ཟག་པ་མང་པའི་བྱེ་བྲག་གིས་རྣམ་ ་པ་གཉིས་ཏེ། དེ་བས་ན་རྣམ་པ་བཞིར་འགྱུར་རོ། །ཇི་སྟེ་ཅིའི་ཕྱིར་ཆོས་རྣམས་རྣམ་པ་བཞིར་བསྟན་པར་མཛད་ཅེ་ན། སྨྲས་པ། གནོད་སེམས་གཏི་མུག་འདོད་ཆགས་རྣམས། །དེ་ཡི་སྒོ་ནས་འབྱུང་ཕྱིར་རོ། །སྤང་བའི་ཐབས་ནི་བསྒྲུབ་པའི་ཕྱིར། །དེ་དག་དངོས ་པོ་མེད་པར་བསྟན། །ཞེ་སྡང་ནི་མི་སྡུག་པ་ལ་འབྱུང། །གཏི་མུག་ནི་དངོས་པོ་རྣམ་པ་གསུམ་ཆར་ལ་འབྱུང། །འཁོར་བའི་རྩ་བ་ནི་འདོད་ཆགས་ལ་སོགས་པ་ཡིན་ཏེ། །དེ་བས་ན་དེ་དག་སྤང་བའི་ཐབས་བསྟན་པའི་ཕྱིར། །དངོས་པོ་རྣམ་པ་གསུམ་པོ་དེ་དག་ངོ་བོ་ཉིད་མེད་པར ་སྟོན་པར་མཛད་དེ། ཇི་སྐད་དུ། དེས་གང་ཆགས་པར་བྱེད་པའི་ཆོས་དེ་དག་ཡང་དག་པར་རྗེས་སུ་མི་མཐོང་ངོ་ཞེས་བྱ་བ་ལ་སོགས་པ་གསུངས་པ་ལྟ་བུའོ། །གང་གི་ཕྱིར་འདུས་བྱས་དང་འདུས་མ་བྱས་ཀྱི་ཆོས་རྣམས་ལ་རློམ་སེམས་སུ་མི་བྱེད་པ་དེའི་ཕྱིར། མི་སྡུག་པ ་རྣམས་ལ་སྨོད་པ་མི་བྱེད་དེ། །བཤུང་བར་མི་བྱེད་ཅེས་བྱ་བའི་ཐ་ཚིག་གོ་།བར་མ་རྣམས་ལ་བཏང་སྙོམས་སུ་མི་བྱེད་དེ། དེ་དག་གི་རྗེས་སུ་ཆགས་པ་དང། ཁྲོ་བོའི་ཡུལ་མ་ཡིན་པའི་ཕྱིར། བཏང་སྙོམས་སུ་གཞག་པར་བྱ་བ་རྣམས་སོ། །སྡུག་པ་རྣམས་ལེན་པར་མི་བྱེད ་དེ། སྲིད་པས་བདག་གིར་བྱེད་པ་ནི་ལེན་པ་ཡིན་པའི་ཕྱིར་རོ། །སྡུག་པ་ཟག་པ་མེད་པ་ལ་བརྩོན་པར་མི་བྱེད་དེ། དེ་དག་ནི་རབ་ཏུ་མངོན་པར་འདུ་བྱེད་པ་ཆེན་པོས་བསྒྲུབ་པར་བྱ་བས་བརྩམ་པར་བྱ་བ་ཡིན་པའི་ཕྱིར་རོ། །འདི་ལ་འཐོབ་བྱ་རྣམ་འཐོབ་དང། །དེ་དག་ཉིད་? ་སྒོམ་པ་དང། །སྤང་བྱ་རྣམས་ནི་སྤང་བ་དང། །འཕེལ་བ་ཐམས་ཅད་ཡིན་པར་བཞེད། །འཐོབ་པར་བྱ་བར་འོས་པ་གང་ཡིན་པ་དེ་དག་ནི་འཐོབ་པར་བྱ་བ་རྣམས་སོ། །དེ་དག་ཀྱང་ཟག་པ་མེད་པའི་ཆོས་རྣམས་དང། ཟག་པ་དང་བཅས་པའི་ཆོས་རྣམས་ཏེ། བསམ་གཏན ་དང། གཟུགས་མེད་པ་དང། མངོན་པར་ཤེས་པ་དང། ནམ་མཁའ་མཛོད་ཀྱི་ཏིང་ངེ་འཛིན་ལ་སོགས་པའོ། །བསྒོམ་པར་བྱ་བ་ནི་དེ་དག་ཉིད་བསྟན་པར་བྱ་བའི་ཕྱིར་ཡང་དང་ཡང་དུ་གོམས་པར་བྱ་བའོ། །སྤང་བར་བྱ་བ་ནི་ཟག་པ་དང་བཅས་པ་རྣམས་ཏེ་དེ་དག་ནི་སྤང་བར ་འོས་པ་འམ། སྤང་བར་འོས་པའི་ཕྱིར་རོ། །འཐོབ་པར་བྱ་བ་དང། བསྒོམ་པར་བྱ་བའི་འཕེལ་བ་ནི་གོང་ནས་གོང་དུ་ཁྱབ་པར་འཐོབ་པའོ། །སྤང་བའི་འཕེལ་བ་ནི་གོང་ནས་གོང་དུ་ཉོན་མོངས་པ་སྤངས་པ་ངེས་པར་འཐོབ་པར་འགྱུར་བའི་ཕྱིར་རོ། །གང་གི་ཕྱིར་འདུས་བྱས་དང། །འདུས ་མ་བྱས་ཀྱི་ཆོས་རྣམས་ལ་རློམ་སེམས་མི་བྱེད་པ། །དེའི་ཕྱིར་རྣལ་འབྱོར་ཅན་དེ་ནི། ཐོས་དང་བསམ་ལ་སོགས་བྱུང་བའི་ཤེས་པ་རྣམས་ཀྱིས་ནམ་དུ་ཡང། །འདུས་བྱས་འདུས་མ་བྱས་ཀྱི་ཆོས། །དེ་དག་འཐོབ་སོགས་སྦྱོར་མི་བྱེད། །འཐོབ་པར་བྱ་བའི་ཕྱིར་ཐོས་པ་དང། །བསམས ་པ་དང། བསྒོམས་པ་ལས་བྱུང་བའི་ཤེས་པ་རྣམས་ཀྱིས་གོ་རིམ་བཞིན་དུ་སྦྱོར་བར་མི་བྱེད་པའི་ཕྱིར་མི་བྱེད་རྣམ་པར་མི་བྱེད། མངོན་པར་འདུ་མི་བྱེད་ཅེས་གསུངས་ཏེ། སྤང་བ་ལ་སོགས་པ་ལ་ཡང་དེ་བཞིན་དུ་བརྗོད་པར་བྱའོ། །ཡང་ན་ཆུང་འབྲིང་ཆེན་པོ་ཡི། །སྦྱོར་བ་རྣམས ་ཀྱིས་སྦྱོར་མི་བྱེད། །འཐོབ་པར་བྱ་བའི་ཕྱིར་གོ་རིམ་བཞིན་དུ་མི་བྱེད་ཅེས་བྱ་བ་ལ་སོགས་པ་གསུངས་ཏེ། སྤང་བ་ལ་སོགས་པ་ལ་ཡང་དེ་བཞིན་དུ་བརྗོད་པར་བྱའོ། །དེ་བཞིན་ཟག་བཅས་སློབ་སོགས་ཀྱི། །ལམ་རྣམས་ཀྱིས་ཀྱང་སྦྱོར་མི་བྱེད། །རྣལ་འབྱོར་བ་དེ་འཐོབ་པ་ལ ་སོགས་པ་ལ་ཞེས་བྱ་བར་སྙགས་ཏེ། སོགས་པ་སྨོས་པས་ནི་མི་སློབ་བའི་ལམ་བསྡུའོ། །ཅིའི་ཕྱིར་འདུས་བྱས་དང། འདུས་མ་བྱས་ཀྱི་ཆོས་རྣམས་མི་དམིགས་པས་དེའི་ཕྱིར་རློམ་སེམས་སུ་མི་བྱེད་ཅེ་ན། དེའི་ཕྱིར་མཚུངས་པར་ལྡན་པའི་ཆོས་རྣམས་ཞེས་བྱ་བ་ལ་སོགས ་པ་གསུངས་ཏེ། རྒྱུ་དང་རྐྱེན་ནམ་ཆགས་སོགས་ཀྱི། །བག་ཉལ་རྣམས་དང་ལྡན་དེ་དག་།འདིར་ནི་མཚུངས་ལྡན་ཤེས་བྱ་སྟེ། །བཟློག་པ་ལས་ནི་ལྡན་པ་མིན། །རྒྱུ་དང་རྐྱེན་རྣམས་དང་ལྡན་པས་ན་མཚུངས་པར་ལྡན་པ་དག་སྟེ། འདུས་བྱས་ཀྱི་ཆོས་མཛའ་དག་གོ་།དེ་ལས་བཟློག་པ ་ནི་ལྡན་པ་མ་ཡིན་པ་དག་སྟེ། འདུས་མ་བྱས་རྣམས་སོ། །ཡང་ན་འདོད་ཆགས་ལ་སོགས་པ་ཉོན་མོངས་པ་ལྟ་བར་གྱུར་པ་དང་ལྡན་པ་གང་ཡིན་པ་དེ་དག་ནི་མཚུངས་པར་ལྡན་པ་དག་སྟེ། ཟག་པ་དང་བཅས་པའི་ཆོས་རྣམས་སོ། །དེ་ལས་བཟློག་པ་ནི་ལྡན་པ་མ་ཡིན་པ་དག་སྟེ། ་ཟག་པ་མེད་པ་རྣམས་སོ། །གང་གི་ཕྱིར་མཚུངས་པར་ལྡན་པ་སྡུག་པ་ལ་སོགས་པའི་བྱེ་བྲག་གིས་ཐ་དད་པའི་ཆོས་རྣམས་ཀྱང་མི་མཐོང་ལ། ལྡན་པ་མ་ཡིན་པ་རྣམས་ཀྱང་མི་མཐོང་བ་དེའི་ཕྱིར་མི་དམིགས་སོ། །གང་གི་ཕྱིར་མི་དམིགས་པ་དེའི་ཕྱིར ་རློམ་སེམས་སུ་མི་བྱེད་དོ། །དེ་ཅིའི་ཕྱིར་མི་མཐོང་ཞེ་ན་སྨྲས་པ། རྣམ་པ་མེད་པའི་ཤེས་པ་ཡིས། །ཡུལ་ལ་འཛིན་པར་མི་རུང་ངོ། །རྣམ་པ་ཚད་མ་མིན་ཕྱིར་དང། །མ་རུང་ཕྱིར་ནི་ཅིག་ཤོས་མིན། །རེ་ཞིག་དོན་བྱེ་བྲག་ཏུ་ཡོངས་སུ་གཅོད་པ་མི་རུང་བ་མི་རུང་བའི་ཕྱིར་རོ།། ་རྣམ་པ་མེད་པའི་ཤེས་པས་ནི་མི་མཐོང་སྟེ། འབྲེལ་བའི་རྒྱུ་མེད་པའི་ཕྱིར་རོ། །རྣམ་པ་ཚད་མ་མ་ཡིན་པའི་ཕྱིར། །རྣམ་པ་དང་བཅས་ཀྱང་ཡུལ་འཛིན་པར་མི་རུང་སྟེ། གང་གི་ཕྱིར་མྱོང་བའི་ཚེ་དངོས་པོ་རིག་པར་འགྱུར་བས་དངོས་པོས་རྣམ་པ་ལ་མ་ཁྱབ་སྟེ། རྨི ་ལམ་ལ་སོགས་པ་ན་དངོས་པོ་མེད་བཞིན་དུ་ཡང་དེ་ཡོད་པའི་ཕྱིར་རོ། །རྣམ་པ་ཡང་མི་རུང་སྟེ། གཞན་དུ་ན་ནི་དངོས་པོ་གཅིག་།སྣ་ཚོགས་ཚུལ་དུ་སྣང་བ་དག་།དེ་ཡི་གཅིག་པུ་ཉམས་འགྱུར་ཕྱིར། །རྣམ་པ་ཇི་ལྟར་བདེན་པར་འགྱུར། །ཞེས་བྱ་བ་ལ་སོགས་པ ་འབྱུང་བའི་ཕྱིར་རོ། །རྣམ་པ་གཞན་ནི་ཡོད་པ་མ་ཡིན་ཏེ། དེ་ལྟ་བས་ན་མངོན་སུམ་གྱིས་མི་མཐོང་ངོ། །དེ་ཉིད་ཀྱི་ཕྱིར་རྟགས་ལ་སོགས་པས་ཡོངས་སུ་མ་བཅད་པས་ན་རྗེས་སུ་དཔག་པས་ཀྱང་མི་མཐོང་ངོ། །གང་གི་ཕྱིར་མཚུངས་པར་ལྡན་པའི་ཚེས་རྣམས་དང། ་ལྡན་པ་མ་ཡིན་པ་རྣམས་དེ་ལྟར་མི་མཐོང་བ་དེའི་ཕྱིར། ཐོབ་པར་བྱ་བའི་ཆོས་རྣམས་ཀྱི་སྐྱེ་བ་ཡང་མི་མཐོང་ལ་སྤང་བར་བྱ་བ་རྣམས་ཀྱི་འགོག་པ་ཡང་མི་མཐོང་ངོ། །བསྒོམ་པར་བྱ་བའི་དབང་དུ་མཛད་དེ། འདས་པའི་ཆོས་རྣམས་ཀྱང་མི་མཐོང་ཞེས་བྱ་བ་ལ་སོགས ་པ་གསུངས་སོ། །ལུས་དང་ལུས་མེད་འཕེལ་བ་དེ་རྫས་དང་རྫས་མེད་རྣམ་པ་གཉིས། །ལྟོས་པར་གནས་པའི་ངོ་བོའི་ཕྱིར། །མི་མཐུན་པ་དང་ལྷན་ཅིག་བཤད། །ལུས་མེད་པའི་དངོས་པོ་འཕེལ་བ་དེའི་དབང་དུ་མཛད་ནས། ལུས་མེད་པའི་ཆོས་རྣམས་ཀྱི་འཕེལ་བ་མི་མཐོང ་ཞེས་གསུངས་སོ། །ལུས་ཡོད་པའི་དངོས་པོའི་འཕེལ་པའི་དབང་དུ་མཛད་ནས། ལུས་ཡོད་པའི་ཆོས་གང་ཡང་སོགས་པར་མི་བྱེད་ཅེས་གསུངས་སོ། །འཕེལ་བ་དེ་རྣམ་པ་གཉིས་སུ་བཤད་པ་དེ་བཞིན་དུ། །རྫས་སུ་ཡོད་པའི་འཕེལ་བ་དེའི་དབང་དུ་མཛད་པ་ནི་སྔ་མ་ཡིན་ལ། བརྟགས ་པར་ཡོད་པའི་འཕེལ་བ་དེའི་དབང་དུ་མཛད་པ་ནི་ཕྱི་མ་ཡིན་པས། འཕེལ་བ་འདི་ཡང་རྣམ་པ་གཉིས་སུ་བཤད་དེ། །དེ་ཡང་མདོར་བསྡུ་ན་རྣམ་པ་བཞིར་བཤད་དོ། །འཕེལ་བ་དེ་ཡང་ཉུང་ངུ་ལས་བལྟོས་ནས། ཕ་རོལ་དང་ཚུ་རོལ་བཞིན་དུ་བརྟགས་པའི་ཡོད་པ་ཡིན་ཏེ། དེ་བས་ན་མི ་མཐུན་པའི་ཕྱོགས་འབྲི་བ་དང་འགྲིབ་པ་ལྷན་ཅིག་ཏུ་བཤད་དོ། །ཡང་དག་ཏུ་མ་སྐུ་གཉིས་ཀྱི། །རང་བཞིན་མ་མཐོང་གང་ཡིན་པ། །དེ་ཉིད་སངས་རྒྱས་རྗེས་དྲན་ཏེ། །རྟོག་པ་ཐམས་ཅད་སལ་བ་ཡིན། །རྐྱེན་ལ་རག་ལས་འབྱུང་བའི་ཕྱིར། །སྒྱུ་མ་བཞིན་དུ་གང་མ་སྐྱེས། །བདེན་པ ་བསམས་ན་གཟུངས་ལ་སོགས། །དེ་ནི་དེ་བཞིན་གཤེགས་མ་ཡིན། །དགག་པར་བྱ་བ་མེད་པས་ན། །ཡང་དག་ཏུ་ན་དགག་མེད་མངོན། །དེ་ཕྱིར་བརྟགས་ན་གཟུགས་མེད་སོགས། །དེ་ནི་དེ་བཞིན་གཤེགས་མ་ཡིན། །སྐུ་གཉིས་ནི་ལོངས་སྤྱོད་རྫོགས་པ་དང་སྤྲུལ་པའོ། །རྟོག་པ་ཐམས ་ཅད་སེལ་བ་ནི་རྟོག་པ་ཐམས་ཅད་ཀྱི་གཉེན་པོར་གྱུར་པའི་ཕྱིར་རོ། །གཟུགས་ལ་སོགས་པ་ནི་ཡང་དག་པར་ནམ་སྐྱེས་པའི་ངོ་བོ་ཉིད་དེ། །རྐྱེན་གྱི་དབང་གིས་འབྱུང་བའི་ཕྱིར། །སྒྱུ་མ་ལ་སོགས་པ་བཞིན་ནོ། །སོགས་པ་སྨོས་པས་ནི་མཚན་ལ་སོགས་པ་བསྡུའོ། །ལོངས་སྤྱོད་རྫོགས ་པ་དང་སྤྲུལ་པའི་སྐུའི་མཚན་ཉིད་མ་སྐྱེས་པ་གང་ཡིན་པ་དེ་ནི་བདེན་པར་ན་དེ་བཞིན་གཤེགས་པ་མ་ཡིན་ཏེ། སྒྱུ་མ་ལ་སོགས་པ་བཞིན་ནོ། །གཟུགས་མེད་པ་ལ་སོགས་པ་ཡང་དགག་པར་བྱ་བ་མེད་པའི་ཕྱིར་བདེན་པར་མེད་དེ། དགག་པར་བྱ་བ་མེད་ན་དགག་པ་ཡོད ་པར་མི་རུང་སྟེ། མོ་གཤམ་གྱི་བུའི་སྔོ་བསངས་ལ་སོགས་པ་དགག་པ་བཞིན་ནོ། །དེ་བས་ན་གཟུགས་མེད་པ་ལ་སོགས་པའི་ངོ་བོ་ཉིད་ཀྱང་བདེན་པར་ན་ལོངས་སྤྱོད་རྫོགས་པ་དང། སྤྲུལ་པའི་སྐུའི་མཚན་ཉིད་ཀྱི་དེ་བཞིན་གཤེགས་པ་མ་ཡིན་ནོ། །སོགས་པ་སྨོས ་པ་ནི་མཚན་མ་མེད་པ་ལ་སོགས་པ་བསྡུའོ། །དེ་ནས་གཉི་ག་མ་ཡིན་དང། །ཅིག་ཤོས་དེ་དག་བཀག་ཤེས་བྱ། །དེ་ཡི་ཕྱིར་ན་དེ་གཉིས་ནི། །སོ་སོར་དགག་པ་མ་མཛད་དོ། །གལ་ཏེ་དེ་བཞིན་གཤེགས་པ་གཟུགས་ཡོད་པ་ཡང་ན་ཡིན ་གཟུགས་མེད་པ་ལ་སོགས་པ་ཡང་མ་ཡིན་ན། འོ་ན་གཉི་གའི་ངོ་བོ་འམ། གཉི་ག་མ་ཡིན་པའི་ངོ་བོར་འགྱུར་རོ་ཞེ་ན། དེ་ནི་མེད་དེ། གཉིས་གའི་ཕྱོགས་དགག་པས་ནི། གཉི་གའི་ངོ་བོ་དེ་གཤེགས་པ་ཡིན་པ་ཡང་བཀག་པ་ཁོ་ནར་འགྱུར་རོ། །གཉི་ག་མ ་ཡིན་པའི་ངོ་བོ་ནི་མེད་པ་ཉིད་དེ། གཟུགས་དང་གཟུགས་མེད་པ་གཉིས་ནི་ཕན་ཚུན་རྣམ་པར་གཅོད་པར་གནས་པའི་ངོ་བོ་ཅག་ཡིན་པས་གཟུགས་དང་གཟུགས་མེད་པའི་ངོ་བོ་ཉིད་དུ་འགྱུར་བའི་ཕྱིར་རོ། །དེ་ལྟར་རྣམ་རྟོག་མེད་གྱུར་ན། །ཆོས་ཀྱི་སྐུ་ནི་མཐོང་བ ་སྟེ། །སངས་རྒྱས་རྗེས་དྲན་ཀུན་མཁྱེན་གྱི། །ཡོན་ཏན་ཕུན་སུམ་ཚོགས་པའི་གཞི། །དེ་ལྟར་ཇི་སྐད་བསྟན་པའི་རྣམ་པས་རྣམ་པར་རྟོག་པ་མེད་པར་གྱུར་ན་ཆོས་ཀྱི་སྐུ་མཐོང་བ་ཏེ། དེ་ནི་རྟོག་པ་ཐམས་ཅད་དང་བྲལ་བའི་ངོ་བོ་ཉིད་ཡིན་པའི་ཕྱིར་རོ། །མཐོང་བ་དེ་ནི ་སངས་རྒྱས་རྗེས་དྲན་པ་ཡིན་ཏེ། ཐམས་ཅད་མཁྱེན་པའི་སྟོབས་བཅུ་དང། མི་འཇིགས་པ་ལ་སོགས་པ་ཡོན་ཏན་རྣམས་ཀྱི་གཞི་ཡིན་ན། གཞན་དག་གི་ལྟ་ཅི་སྨོས། ང་ནི་སངས་རྒྱས་རྗེས་དྲན་པའི་ལུས་རྣམ་པར་དབྱེ་བ་བརྗོད་པར་བྱ་སྟེ། ལོངས་སྤྱོད་རྫོགས་པར ་མཛད་པའི་སྐུ། རྣམ་པ་ཉི་ཤུས་བཤད་པ་ཡིན། །ཅིག་ཤོས་བཅོ་བརྒྱད་ཤེས་པར་བྱ། །འདིར་ནི་དེ་གཉིས་འཕྲིན་ལས་བཞི། །དེ་ཡི་མཛད་པའི་འབྲས་བུ་དྲུག་།དེའི་དངོས་པོ་རྣམ་གཉིས་རྒྱུ་རྣམ་པ་བདུན་མཉམ་པ་ཉིད་ལ་གནས་བཞིན་དུ། དེ་དག་ལ་ནི ་བསྒོམ་པར་བྱ། །ལོངས་སྤྱོད་རྫོགས་པའི་སྐུ་ནི་རྣམ་པ་ཉི་ཤུས་བཤད་དོ། །གཟུགས་སུ་མ་ཡིན་ཞེས་བྱ་བ་ནས་བཟུང་སྟེ། རྣམ་པར་གྲོལ་བའི་ཡེ་ཤེས་མཐོང་བ་མེད་པ་མ་ཡིན་ཞེས་བྱ་བ་ཡན་ཆད་དོ། །གཟུགས་ནི་སྤྱི་ཡིན་ལ། མཚན་དང་དཔེ་བྱད ་བཟང་པོ་གཉིས་ནི་བྱེ་བྲག་ཡིན་པའི་ཕྱིར་བྱེ་བྲག་ཏུ་ཕྱེ་སྟེ་བསྟན་ཏོ། །རྣམ་པར་ཤེས་པ་སྨོས་པས་ནི། །ལྷན་ཅིག་སྤྱོད་པའི་ཚོར་བ་ལ་སོགས་པ་ཡང་བསྡུ་སྟེ། དེས་ནི་རྣམ་པར་སྨིན་པའི་ཕུང་པོ་ལྔ་པོ་འདི་བསྟན་ཏོ། དེའི་རྒྱུ་ནི་ཉོན་མོངས་པའོ། །ཉོན་མོངས་པ ་ཡང་བཀའ་བ་སྤྱོད་པ་དང། སྦྱིན་པ་ལ་སོགས་པའི་མཚན་ཉིད་དོ། །ཟག་པ་མེད་པའི་ཕུང་པོ་ལྔའི་རྒྱུ་ཡང་དེ་ཉིད་དེ། དེས་ན་བར་དུ་བསྟན་ཏོ། །ཚུལ་ཁྲིམས་ནི་རྣམ་པ་གསུམ་སྟེ། སྡོམ་པའི་ཚུལ་ཁྲིམས་དང། སེམས་ཅན་གྱི་དོན་བྱེད་པའི་ཚུལ་ཁྲིམས་དང། དགེ ་བའི་ཆོས་བསྡུད་པའི་ཚུལ་ཁྲིམས་སོ། །ཏིང་ངེ་འཛིན་ནི་དག་པ་དང། ཟག་པ་མེད་པ་དང། རོ་མྱང་བར་བྱེད་པ་དང་ལྡན་པའི་བྱེ་བྲག་གིས་རྣམ་པ་གསུམ་ཡོད་མོད་ཀྱི། འདིར་ནི་ཟག་པ་མེད་པ་གཟུང་ངོ། །ཤེས་རབ་ནི་རབ་ཏུ་དགའ་བ་ལ་སོགས་པའི་སས་བསྡུས་པའོ། །རྣམ་པར ་གྲོལ་བ་ནི་ཉོན་མོངས་པ་དང། ཤེས་བྱའི་སྒྲིབ་པ་སྤངས་པའོ། །རྣམ་པར་གྲོལ་བའི་ཡེ་ཤེས་མཐོང་བ་ནི་སྒྲིབ་པ་གཉིས་ལས་ངེས་པར་གྲོལ་བའི་ཐམས་ཅད་མཁྱེན་པའི་ཡེ་ཤེས་གང་ཡིན་པའོ། །ཡང་ན་ཡེ་ཤེས་ནི་ཡེ་ཤེས་ཉིད་དོ། །མཐོང་བ་ནི་མངོན་པར་ཤེས་པ ་རྣམས་སོ། །སྐྱེ་བར་མ་ཡིན་ཞེས་བྱ་བ་ནས་བཟུང་སྟེ། ཕུང་པོ་དང་ཁམས་དང་སྐྱེ་མཆེད་མེད་པར་མ་ཡིན་ཞེས་བྱ་བའི་བར་རྣམས་ནི། རྣམ་པ་བཅོ་བརྒྱད་ཀྱིས་སྤྲུལ་པའི་སྐུ་བསྟན་པར་ཤེས་པར་བྱ་སྟེ། སྐྱེ་བ་ནི་མངའ་ན་གནས་པ་བཟུང་ངོ། །རིགས་ནི་ཤཱཀྱའི?་རིགས ་ལ་སོགས་པའོ། །རུས་ནི་གཽ་ཏ་མ་ལ་སོགས་པའོ། །འཁོར་ནི་ཉན་ཐོས་དང་བྱང་ཆུབ་སེམས་དཔའ་དང། རྒྱལ་པོ་ལ་སོགས་པའོ། །གནས་པ་ནི་བྱམས་པ་ལ་སོགས་པ་དང། སངས་རྒྱས་ཀྱི་གནས་པ་ལ་སོགས་པའོ། །ཐོབ་པ་ནི་ཐམས་ཅད་མཁྱེན་པའི་ཡེ་ཤེས ་ཐོབ་པར་བྱ་བའི་ལམ་ཐོབ་པའོ། །མངོན་པར་རྟོགས་པ་ནི་ཐམས་ཅད་མཁྱེན་པའི་ཡེ་ཤེས་ཏེ། གང་གིས་ཕྱིར་འདིར་གཙོ་བོར་ཀུན་ནས་ཁོང་ཆུད་པ་མངོན་པར་རྟོགས་པ་ཡིན་པའི་ཕྱིར་རོ། །ཉོན་མོངས་པ་ནི་འདོད་ཆགས་ལ་སོགས་པའོ། །ཕུང་པོ་ལ་སོགས་པ་ནི་ཟག ་པ་དང་བཅས་པ་དང། ཟག་པ་མེད་པ་རྣམ་པ་གཉིས་ཏེ། མཐུན་མཐུན་དུ་གཟུང་བར་བྱའོ། །དེ་དག་ཐམས་ཅད་ཀྱང་བཅོམ་ལྡན་འདས་ཀྱིས་གདུལ་བའི་བསམ་པའི་བྱེ་བྲག་གིས་བསྟན་ཏོ། །ལོངས་སྤྱོད་རྫོགས་པ་དང། སྤྲུལ་པའི་སྐུ་དེ་གཉིས་ཀྱི ་འཕྲིན་ལས་ནི་རྣམ་བཞིར་གསུངས་པར་རིག་པར་བྱ་སྟེ། ཤེས་པར་མ་ཡིན་ཞེས་བྱ་བ་ནས་བཟུང་སྟེ། ཆོས་མི་སྟོན་པར་མ་ཡིན་ཞེས་བྱ་བ་ཡན་ཆད་དོ། །དེ་ལ་གདུལ་བ་རྣམས་ཀྱི་ཁམས་དང། བསམ་པ་དང། དབང་པོ་དང། སྤྱོད་པ་ལ་སོགས་པ་ལ་ལྟ་བ་ནི་ཤེས། ་པའོ། །ཁམས་ལ་སོགས་པ་ལ་གཟིགས་ནས་ཉོན་མོངས་པ་སྤང་བའི་ཐབས་སྟོན་པ་ནི་ཆོས་སྟོན་པའོ། །ལོངས་སྤྱོད་རྫོགས་པ་དང་སྤྲུལ་པའི་སྐུ་དེ་གཉིས་ཀྱི་མཛད་པའི་འབྲས་བུ་ནི་རྣམ་པ་དྲུག་དུ་གསུངས་པར་ཤེས་པར་བྱ་སྟེ། བདག་རྣམ་པར་དག་པར་མ་ཡིན ་ཞེས་བྱ་བ་ནས་བཟུང་སྟེ། གཞན་གྱི་དོན་དུ་མ་ཡིན་ཞེས་བྱ་བ་ཡན་ཆད་དོ། །བདག་རྣམ་པར་དག་པར་བྱ་བ་ནི་ཉན་ཐོས་རྣམས་ཀྱིའོ། །གཞན་རྣམ་པར་དག་པར་བྱ་བ་ནི། བྱང་ཆུབ་སེམས་དཔའ་རྣམས་ཀྱིའོ། །སེམས་ཅན་རྣམ་པར་དག་པར་བྱ་བ་ནི་གང་ཟག་ལ་མངོན ་པར་ཞེན་པ་རྣམས་ཀྱིའོ། །སེམས་ཅན་མེད་པ་རྣམ་པར་དག་པར་བྱ་བ་ནི་བདག་མེད་པ་མཐོང་བ་རྣམས་ཀྱིའོ། །བདག་གི་དོན་ནི་ཉན་ཐོས་ལ་སོགས་པ་རྣམས་ཀྱིའོ། །གཞན་གྱི་དོན་ནི་བྱང་ཆུབ་སེམས་དཔའ་རྣམས་ཀྱིའོ། །དེའི་དངོས་པོ་རྣམ་པ་གཉིས་ནི་? ་ལས་ཐ་མའི་ངོ་བོ་རྣམ་པ་གཉིས་སུ་གསུངས་པར་ཤེས་པར་བྱ་སྟེ། ཆོས་སུ་མ་ཡིན། འདུལ་བར་མ་ཡིན་ཞེས་བྱ་བའོ། །ཆོས་ནི་མདོ་སྡེ་ལ་སོགས་པའོ། །འདུལ་བ་ནི་བྱང་ཆུབ་སེམས་དཔའ་ཨི་འདུལ་བའི་སྡེ་སྣོད་དང། ཉན་ཐོས་ཀྱིས་འདུལ་བའི་སྡེ་སྣོད་དོ། །མཛད ་པའི་འབྲས་བུ་རྒྱུ་གང་གིས་འགྲུབ་པར་འགྱུར་བའི་རྒྱུ་དེ་ནི་རྣམ་པ་བདུན་དུ་གསུངས་ཏེ། ལུས་རྣམ་པར་དག་པར་མ་ཡིན་ཞེས་བྱ་བ་ནས་བཟུང་སྟེ། ད་ལྟར་བྱུང་བའི་སྤྱོད་པ་རྣམ་པར་དག་པར་མ་ཡིན་ཞེས་བྱ་བ་ཡན་ཆད་དོ། །ལུས་རྣམ་པར་དག་པ་ནི་ལུས ་ཀྱི་ལས?་རྣམ་གསུམ་ཡོངས་སུ་དག་པའོ། །ངག་རྣམ་པར་དག་པ་ནི་དག་གིས་རྣམ་པ་བཞི་ཡོངས་སུ་དག་པའོ། །ཡིད་རྣམ་པར་དག་པ་ནི་ཡིད་ཀྱི་ལས་རྣམ་པ་གསུམ་ཡོངས་སུ་དག་པ་སྟེ། ཐབས་འདིས་ནི་ཉན་ཐོས་ལ་སོགས་པའི་བྱ་བའི་འབྲས་བུ་འགྲུབ་བོ། །བྱང་ཆུབ་སེམས་དཔའ་ ་རྣམས་ཀྱི་འབྲས་བུ་ནི་སྤྱོད་པ་རྣམ་པར་དག་པས་འགྲུབ་སྟེ། སྤྱོད་པ་ནི་ཕ་རོལ་ཏུ་ཕྱིན་པ་བཅུའོ། །ཤིན་ཏུ་མྱུར་ན་བསྐལ་པ་གྲངས་མེད་པ་གསུམ་གྱི་སངས་རྒྱས་སུ་འགྱུར་ཏེ། དེའི་ཕྱིར་སྤྱོད་པ་འདི་ནི་ཡུན་རིང་མོ་ཞིག་གིས་རྣམ་པར་དག་པར་འགྱུར་བས་སྔོན་གྱི་མཛའ་ལ། ་སོགས་པ་སྨོས་སོ། །བདག་གི་རྣམ་པར་མ་ཡིན། གཞན་གྱི་རྣམ་པར་མ་ཡིན་ཞེས་བྱ་བ་ནི་སངས་རྒྱས་རྗེས་སུ་དྲན་པ་དེ་རྣལ་འབྱོར་ཅན་གྱིས་མཉམ་པ་ཉིད་ལ་གནས་ནས་བསྒོམ་པར་བྱའི། །དེ་མ་ཡིན་པར་མི་བྱ་བར་བསྟན་ཏོ། །བདག་ཅེས་སྨོས་པ་ནི་བསྒོམ་པ་པོ་བསྟན ་ཏོ། །གཞན་ཞེས་སྨོས་པ་ནི་བསྒོམ་པར་བྱ་བ་དང། བསྒོམ་པའི་རྣམ་པ་བསྟན་ཏོ། །མཉམ་པ་ཉིད་ནི་བསྒོམ་པར་བྱ་བ་དེ་བཞིན་གཤེགས་པ་དང། བསྒོམ་པ་པོ་རྣལ་འབྱོར་ཅན་དང། གཟུགས་ལ་སོགས་པ་རྣམ་པ་གང་གིས་བསྒོམ་པར་བྱ་བ་སྟེ། །དེ་ཡང་དེ་བཞིན་ཉིད ་དུ་རོ་གཅིག་པའི་ཕྱིར་ཏེ། དེ་ལྟར་ན་སངས་རྒྱས་རྗེས་སུ་དྲན་པ་འཁོར་གསུམ་ཡོངས་སུ་དག་པར་བསྒོམ་པ་ཡིན་ནོ། །དེ་ལྟར་མ་བྱས་ན་ནི་དམིགས་པ་ཁོ་ནར་ལྟུང་བར་འགྱུར་རོ། །རྣམ་པ་གཞན་ཡང། ཡང་ན་ལོངས་སྤྱོད་རྫོགས་པའི་སྐུ། །རྒྱུད?་དང་བཅས་དང་འབྲས ་བུར་བཅས། །ཡང་དག་དུ་ན་གདམ་མཐོང། །དེ་ནི་སངས་རྒྱས་རྗེས་སུ་དྲན། །ལོངས་སྤྱོད་རྫོགས་པ་ཉི་ཤུ་སྟེ། །སྔ་མ་བཞིན་ནོ། །ཉོན་མོངས་པ་སྨོས་པ་ནི། །བཤད་པ་འདིའི་སྐབས་སུ་ཉོན་མོངས་པ་རྣམས་ཉིད་ལ་བྱའོ། །འབྲས་བུ་ཉི་ཤུ་གཉིས་སུ་བཞི?་? ་མ་ཡིན་ཞེས་བྱ་བ་ནས་གཟུང་སྟེ། ཆོས་མི་སྟོན་པར་མ་ཡིན་ཞེས་བྱ་བ་ཡན་ཆད་དོ། །སྤྲུལ་པའི་སྐུ་དེའི་འབྲས་བུ་ཡིན་ནོ། །དེའི་རྒྱུ་ནི་བཅོ་ལྔ་སྟེ། །ལོངས་སྤྱོད་རྫོགས་པའི་སྐུ་དེའི་རྒྱུའི་གྲངས་ནི་བཅོ་ལྔའོ་ཞེས་བྱ་བའི་ཐ་ཚིག་།བདག་རྣམ་པར་དག་པར་བྱ་བའམ། ་ཡིན་ཞེས་བྱ་བ་ནས་བཟུང་སྟེ། དེ་ལྟར་བྱུང་བའི་སྤྱོད་པ་རྣམ་པར་དག་པར་མ་ཡིན་ཞེས་བྱ་བ་ཡན་ཆད་དོ། །ཅིའི་ཕྱིར་རྣམ་པ་བཅོ་ལྔ་ཞེ་ན། སྨྲས་པ་གང་གི་ཕྱིར་ནི་ནན་ཏན་བྱེད། །ཇི་ལྟར་གང་ལ་བྱེ་བྲག་གིས། །ཅིའི་ཕྱིར་ནན་ཏན་བྱེད་ཅེ་ན། ་བདག་རྣམ་པར་དག་པར་བྱ་བའི་ཕྱིར་དང། གཞན་རྣམ་པར་དག་པའི་བྱ་བའི་ཕྱིར་དང། སེམས་ཅན་རྣམ་པར་དག་པར་བྱ་བའི་ཕྱིར་དང། བདག་གི་དོན་དང་གཞན་གྱི་དོན་གྱི་ཕྱིར་རོ། །དེ་ལ་བདག་རྣམ་པར་དག་པར་བྱ་བ་ནི་གཞན་རྣམ་པར་དག་པར་བྱ་བའི་ཐབས་སུ་གྱུར ་བ་ཡིན་པའི་ཕྱིར་སྔར་བཤད་དེ། བྱང་ཆུབ་སེམས་དཔའ་རྣམས་ཀྱི་ནི་གཞན་རྣམ་པར་དག་པ་གཙོ་བོ་ཡིན་པའི་ཕྱིར་རོ། །རྣམ་པར་དག་པ་འདི་གཉིས་ནི་ཉོན་མོངས་པ་དང། ཤེས་བྱའི་སྒྲིབ་པ་སྤོང་བའི་མཚན་ཉིད་དེ། བདག་དང་གཞན་དང་མཐུན་མཐུན་དུ་སྦྱོར་རོ།། ་རྣམ་པར་དག་པར་དེ་གཉིས་ཀ་ཡང་སེམས་ཡིན་པའི་ཕྱིར་དེའི་འོག་ཏུ་སེམས་ཅན་རྣམ་པར་དག་པར་བྱ་བ་བསྟན་ཏེ། སེམས་ཅན་ནི་སེམས་ཡིན་ནོ། །ཡང་ན་རྣམ་པར་དག་པ་འདི་གཉིས་ལ་བརྟེན་ནས། སེམས་རྣམ་པར་དག་པ་ཐོབ་པའི་ཕྱིར། སེམས་ཅན ་རྣམ་པར་དག་པར་བྱ་བར་བསྟན་ཏོ། །བདག་ཉིད་སྟོབས་བཅུ་དང་མི་འཇིགས་པ་ལ་སོགས་པ་ཡོན་ཏན་རྣམས་ཀྱི་སྣོད་དུ་འགྱུར་བར་བྱ་བ་ནི་བདག་གི་དོན་ཏོ། །གཞན་དག་ཐེག་པ་གསུམ་ལ་གནས་པའི་ཡོན་ཏན་རྣམས་དང། བདེ་འགྲོའི་སྣོད་དུ་འགྱུར་བར་བྱ་བ་ནི ་གཞན་གྱི་དོན་ཏེ། དེ་གཉིས་ཀྱི་སྔོན་དུ་དག་པ་འགྲོ་བས་དེའི་ཕྱིར་ཕྱིས་བསྟན་ཏོ། །ཇི་ལྟར་ན་ནན་ཏན་བྱེད་ཅེ་ན། ཆོས་དང་འདུལ་བས་སོ། །གང་ལ་ནན་ཏན་བྱེད་ཅེ་ན། དེ་ནི་ཟག་བཅས་ཅིག་ཤོས་བྱེ་བྲག་གིས། བྱ་བ་རྣམ་གཉིས་ཤེས་པར་བྱ། །ཅིག་ཤོས་ཞེས་བྱ ་བ་ཟག་པ་མེད་པའོ། །ཟག་པ་དང་བཅས་པའི་ལུས་རྣམ་པར་དག་པ་ལ་སོགས་པ་བསྟན་ཏོ། །ཟག་པ་མེད་པ་ནི་སྤྱོད་པ་རྣམ་པར་དག་པའོ། །སྤྱོད་པ་རྣམ་པར་དག་པ་ནི་སྦྱིན་པ་ལ་སོགས་ཕ་རོལ་ཏུ་ཕྱིན་པ་རྣམས་ཏེ། དེ་ཡང་འདིར་སས་བསྡུས་པ་བཟུང་བར་བྱའོ། །ལུས ་རྣམ་པར་དག་པ་ལ་སོགས་པ་ནི་སྤྱོད་པ་རྣམ་པར་དག་པའི་སྡོམ་དུ་འགྲོ་བའི་ཕྱིར་ཕྱིས་བསྟན་ཏོ། །ལྷག་མ་དག་ནི་སྔར་བཤད་བཞིན། །མ་ལུས་བར་བཟུང་ངོ་ཞེས་བྱ་བའི་ཚིག་གི་ལྷག་མའོ། །ད་ནི་སངས་རྒྱས་རྗེས་སུ་དྲན་པ་དེ་ཉིད་ཀྱི་རྣམ་གྲངས་བརྗོད་པས་བསྟོད་པར་མཛད་དེ།། ་སར་འཇུག་པའི་རྒྱུ་ཉིད་ཡིན། །གང་ཚེ་དེ་ལ་སས་འཐོབ་པ། །སངས་རྒྱས་ཉིད་དུ་གཅིག་ཏུ་དེས། །སངས་རྒྱས་ཉིད་ཀྱི་ས་འཐོབ་ལ། །གནས་སྐབས་དག་ནི་ཐམས་ཅད་དུ། །བདུད་ཀྱི་ལས་ནི་རྣམ་སྤོང་ན། །གཟུངས་ཀྱིས་འཐོབ་པར་མི་འགྱུར་གང། །འཐོབ་བྱ་གཞན་ནི་ཅི ་ཞིག་ཡོད། །ཤེས་པ་གང་གིས་ཆོས་ཐམས་ཅད་ཀྱི་དངོས་པོ་ཡོད་པ་དང། དངོས་པོ་མེད་པ་ལ་སོགས་པའི་ངོ་བོར་འཛིན་པ་དེ་ནི། ཆོས་ཐམས་ཅད་མི་འཛིན་པར་མོས་པས་སྤྱོད་པའི་ས་ཆེན་པོའི་ཆེན་པོས་བསྡུས་པའི་ཤེས་པ་སྟེ། དེ་འདིས་འཇུག་པར་བྱེད་པས་ན། ་ཆོས་ཐམས་ཅད་མི་འཛིན་པ་འཇུག་པ་ཞེས་བྱ་བའི་སངས་རྒྱས་རྗེས་སུ་དྲན་པ་སྟེ། འདིས་ནི་གཟུངས་མོས་པས་སྤྱོད་པའི་ས་ཆེན་པོའི་ཆེན་པོ་ལ་འཇུག་པའི་རྒྱུ་ཉིད་དུ་བསྟན་ཏེ། །ཆོས་ཐམས་ཅད་ཡང་དག་པར་འདུ་བ་ནི་སྟོང་པ་ཉིད་དེ། དེར་ཆོས་ཐམས་ཅད་དེའི་བདག ་ཉིད་དུ་འདུ་བའོ། །དེ་ལ་མི་འཇིགས་པ་ནི་མི་སྐྲག་པའོ། །མི་སྐུག་པ་ནི་ས་དང་པོ་སྟེ། དེ་རྟོགས་པས་དེ་ལ་མི་འཇིགས་སོ། །དེ་གཟུངས་འདིས་འཐོབ་པར་འགྱུར་བས་ན། །ཆོས་ཐམས་ཅད་ཡང་དག་པ་འདུ་བ་ལ་མི་འཇིགས་པ་འཐོབ་པ་ཞེས་བྱ་བའི་གཟུངས་སོ། །དེ ་ཅིའི་ཕྱིར་ཞེ་ན། དེའི་ཕྱིར་དོན་དམ་པ་སྒྲུབ་པས་ཞེས་གསུངས་སོ། །དོན་དམ་པ་ནི་ཆོས་ཀྱི་སྐུ་སྟེ། དོན་དམ་པ་སྒྲུབ་པ་དེས་ནི་གཟུངས་འདི་ས་དང་པོ་ལ་སོགས་པའི་རྒྱུར་བསྟན་ཏོ། །གཟུངས་འདི་ཅིག་ཏུ་ངེས་པར་སངས་རྒྱས་སུ་འགྱུར་ཏེ། འདི་ལྟར་ཅིག་དེས་པ་ནི་སངས ་རྒྱས་ཉིད་གདོན་མི་ཟ་བ་སྟེ། དེ་འཐོབ་བའོ། །དེ་བས་ན་གཅིག་ཏུ་ངེས་པ་འཐོབ་པའི་ཕྱིར་བསམ་པ་ཐམས་ཅད་ཡོངས་སུ་རྫོགས་པར་བྱེད་པ་ཞེས་བྱ་བའི་ཏིང་ངེ་འཛིན་ཏོ། །འདིས་ནི་ས་བརྒྱད་པ་ལ་སོགས་པ་འཐོབ་པར་བསྟན་ཏེ། ས་བརྒྱད་པ་ལ་ནི་གཅིག་ངེས་པ ་འཐོབ་བོ། །སངས་རྒྱས་ཀྱི་ས་ཡང་གཟུངས་འདི་ཉིད་ཀྱིས་འཐོབ་པར་འགྱུར་ཏེ། འདི་ལྟར་འཇིག་རྟེན་པ་དང། འཇིག་རྟེན་ལས་འདས་པའི་དགེ་བ་ཐམས་ཅད་གང་གི་རྩ་བ་རྒྱུ་ཡིན་པ་དེ་ནི་དགེ་བ་ཐམས་ཅད་ཀྱི་རྩ་བ་ཅན་ནོ། །དེ་ནི་དགེ་བ་ཐམས་ཅད ་ཀྱི་རྩ་བ་ཅན་ཡང་ཡིན་ལ། གཞན་ལ་རག་མ་ལས་བའི་ཡེ་ཤེས་ཀྱང་ཡིན་ཏེ། གཞན་ལ་རག་མ་ལས་པའི་ཡེ་ཤེས་ནི་རང་བྱུང་གི་ཡིན་ནོ། །ཡང་ན་དགེ་བའི་རྩ་བ་ཐམས་ཅད་ལ་གཞན་ལ་རག་མ་ལས་པའི་ཡེ་ཤེས་ཞེས་བྱ་བར་རྟོག་པར་བྱའོ། །དེ་རྟོགས་པ་ནི་འདིས ་རྟོགས་པར་བྱེད་པས་ན་གཟུངས་འདི་ཉིད་ཡིན་ནོ། །དེ་ལྟ་བས་ན་དགེ་བའི་རྩ་བ་ཐམས་ཅད་ལ་གཞན་ལ་རག་མ་ལས་པའི་ཡེ་ཤེས་རྟོགས་པའི་ཕྱིར། ཆོས་ཀྱི་གཏེར་གྱི་རིགས་ལས་བྱུང་བའི་མཚན་དང། དཔེ་བྱད་བཟང་བས་གནས་པ་ཟིལ་གྱིས་མི་ནོན་པ་ཞེས་བྱ་བའི ་གཟུངས་ཏེ། འཇིག་རྟེན་པ་དང། འཇིག་རྟེན་ལས་འདས་པའི་ཆོས་རྣམས་ཀྱི་གཏེར་ནི་སངས་རྒྱས་བཅོམ་ལྡན་འདས་སོ། །དེ་ཉིད་རིགས་ཡིན་ཏེ། མཚན་དང། དཔེ་བྱད་བཟང་པོ་དེ་དག་གི་སྐྱེ་བའི་གནས་སོ། །ཆོས་ཀྱི་གཏེར་གྱི་རིགས་ལས་བྱུང་བའི་མཚན་དང་དཔེ་བྱད ་བཟང་པོ་བྱེད་པར་གྱུར་པ་དེ་དག་གིས་ན། གཞན་སུ་དག་གིས་ཀྱང་གཟུངས་འདིའི་གནས་པ་ཟིལ་གྱིས་མི་ནོན་ཅེས་ཚིག་རྣམ་པར་སྦྱར་རོ། །འདི་ལས་མོས་བས་སྤྱོད་པའི་ས་ལ་སོགས་པའི་གནས་སྐབས་ཐམས་ཅད་ལ་གནས་པའི་རྣལ་འབྱོར་ཅན་གྱིས་བདུད་ཀྱི་ལས ་རྣམ་པར་སྤོང་བ་ཡང་འཐོབ་པར་འགྱུར་རོ། །ཅིའི་ཕྱིར་ཞེ་ན། དེའི་ཕྱིར་དམ་པ་ཞེས་གསུངས་ཏེ། སངས་རྒྱས་ཉིད་དོ། །འདིས་ཀུན་ནས་སྔོན་དུ་ཚོལ་བས་ན་དམ་པ་ཡོངས་སུ་ཚོལ་བ་ནི་སྟོང་པ་ཉིད་དེ། དེ་ལ་མཁས་པའོ། །ད་ལྟ་བས་ན་དམ་པ་ཡོངས་སུ་ཚོལ་བ ་མཁས་པའི་ཕྱིར། བདུད་ཀྱི་ལས་ཐམས་ཅད་ལས་ཡང་དག་པར་འདའ་བ་ཞེས་བྱ་བའི་གཟུངས་ཏེ། རྣམ་གྲངས་དེ་དག་གིས་གཟུངས་ནི་དོན་ཐམས་ཅད་འཐོབ་པའི་རྒྱུ་ཡིན་པའི་ཕྱིར་དོན་ཆེ་བ་ཉིད་དུ་བསྟན་པ་ཡིན་ནོ། །རྣམ་པ་གཞན་ཡང་ཡང་ན་དང་པས་མོས ་ལ་སོགས། །དབང་དུ་མཛད་དོན་རིམས་བཞིན་མིང་རྣམས་ལྔ་པོ་འདི་དག་ནི། དོན་དང་མཐུན་པར་གསུངས་པ་ཡིན། འདི་ལྟར་དད་པས་མོས་པ་རྣམས་ཀྱི། དབང་དུ་མཛད་ནས་མིང་དང་པོ་གསུངས་ཏེ། དེ་དག་ཆོས་ཐམས་ཅད་མི་འཛིན་པ་ལ་འཇུག་པའི་ཕྱིར་རོ། །མི་སྐྱེ ་བའི་ཆོས་ལ་བཟོད་པ་ཐོབ་པ་རྣམས་ཀྱི་དབང་དུ་མཛད་ནས་མིང་གཉིས་པ་གསུངས་ཏེ། དེ་དག་གིས་ཆོས་ཐམས་ཅད་ཡང་དག་པར་འདུ་བ་ལ་མི་འཇིགས་པ་འཐོབ་པའི་ཕྱིར་རོ། །ཕྱིར་མི་ལྡོག་པ་རྣམས་ཀྱི་དབང་དུ་མཛད་ནས་མིང་གསུམ་པ་གསུངས་ཏེ། དེ་དག་གིས ་གཅིག་ཏུ་དེས་པ་འཐོབ་པའི་ཕྱིར་རོ། །སྐྱེ་བ་གཅིག་གིས་ཐོགས་པའི་དབང་དུ་མཛད་ནས་མིང་བཞི་བ་གསུངས་ཏེ། དེ་དག་དགེ་བའི་རྩ་བ་ཐམས་ཅད་ལ་གཞན་ལ་རག་མ་ལས་པའི་ཡེ་ཤེས་རྟོགས་པས། ཇི་སྐད་གསུངས་པ་ཐམས་ཅད་འགྲུབ་པོ། །ཡང་ན་དངོས ་པོ་ཐམས་ཅད་རྟོགས་པས་ན་དགེ་བའི་རྩ་བ་བསོད་ནམས་དང་ཡེ་ཤེས་ཀྱི་ཚོགས་ཀྱི་མཚན་ཉིད་དེ་དག་ཐམས་ཅད་སྒྲུབ་པའི་ཕྱིར། གཞན་ལ་རག་ལས་པ་མེད་པའི་ཡེ་ཤེས་སྒྲུབ་པོ། །སྒྲུབ་པ་ཞེས་བྱ་བ་ནི་ནན་ཏན་བྱེད་པ་སྟེ། དེ་ལས་ཇི་སྐད་གསུངས་པ་ཐམས ་ཅད་འགྲུབ་པར་འགྱུར་རོ། །སྲིད་པ་ཐ་མ་པ་རྣམས་ཀྱི་དབང་དུ་མཛད་ནས་མིང་ལྔ་པ་གསུངས་ཏེ། དེ་དག་བྱང་ཆུབ་ཀྱི་ཤིང་དྲུང་ཁོ་ནར་བྱང་ཆུབ་འཐོབ་པའི་ཚེ། སྟོང་པ་ཉིད་ལ་གོམས་པས་བདུད་ཀྱི་ལས་ཐམས་ཅད་ལས་ཡང་དག་པར་འདའ་བར་འགྱུར་རོ། །ད་ནི་ཤཱ་རིའི ་བུ་བྱང་ཆུབ་སེམས་དཔའ་གང་དག་ཅེས་བྱ་བ་ལ་སོགས་པས་ཕན་ཡོན་བསྟན་ཏེ། འབྲས་སུ་ཡང་དག་བསྟན་པས་ཀྱང། །གདུལ་བ་རྣམས་ནི་འཇུག་འགྱུར་ཏེ། དེའི་ཕྱིར་ན་ཐུབ་པ་ཡིས་ཐུགས་རྗེས་ཕན་ཡོན་ཡང་དག་གསུངས། །ཆོས་དང་དད་པས་རྗེས་འབྲང་བའི།། ་དབང་མཛད་འདི་ཡི་ཕན་ཡོན་གཉིས། །རྒྱལ་བས་གསུངས་ཏེ་སྔ་མ་སྔ། །ཕྱི་མ་བོ་ནི་ཕྱི་མ་ཡིན། །གདུལ་བའི་རྣམ་པ་གཉིས་ཏེ། ཆོས་ཀྱི་རྗེས་སུ་འབྲང་བ་དང། །དད་པས་རྗེས་སུ་འབྲང་བའོ། །དེ་ལ་སྔ་མ་ཆོས་ཀྱི་རྗེས་སུ་འབྲང་བའི་དབང་དུ་མཛད་ནས་ཕན་ཡོན ་སྔ་མ་སྟེ། འཐད་པ་དང་བཅས་པ་བསྟན་པའོ། །ཕྱི་མ་ངད་པས་རྗེས་སུ་འབྲང་བའི་དབང་དུ་མཛད་ནས་ཕན་ཡོན་ཕྱི་མ་སྟེ། ཚིགས་སུ་བཅད་པ་རྣམས་ཀྱིས་བསྟན་ཏོ། །ཡང་ན་ཕན་ཡོན་གཉིས་ཀ་ཡང། །ཆོས་དང་དད་པས་རྗེས་འབྲང་བའི། །ཕྱི ་མ་སྔ་མའི་བཏེགས་པ་ཡིན། ཕྱི་མ་ཡིན་གཉི་ག་དངོས། །ཡང་ན་ཕན་ཡོན་སྔ་མ་ནི་འཐད་པ་དང་བཅས་པའི་ཕྱིར། སྔ་མ་ཆོས་ཀྱི་རྗེས་སུ་འབྲང་བའི་དངོས་ཡིན་ལ། །ཕན་ཡོན་ཕྱི་མ་ནི་བཏགས་པ་ཡིན་ཏེ། །དེ་དག་ཀྱང་དེ་ལ་ཤས་ཀྱིས་ཕན་འདོགས་པའི་ཕྱིར་རོ། ། ་ཕྱི་མ་དད་པས་རྗེས་སུ་འབྲང་བ་ལ་ནི་ཕན་ཡོན་གཉི་གས་ལྷུར་ཕན་འདོགས་པའི་ཕྱིར་དངོས་ཡིན་ནོ། །སྟོབས་དང་ཕ་རོལ་ཕྱིན་ས་དང། །མི་འཇིགས་ཡོན་ཏན་ལ་སོགས་པ་རྣམ་ཐར་སྒོ་དང་མངོན་ཤེས་དང། ཏིང་འཛིན་གཟུངས་སྒོ་མཛའ་ཡས་པ་འམ། ་དེ་དག་མཛའ་ཡས་ཐབས་རྣམས་ཀྱིས། །སྒྲུབ་བར་བྱེད་པ་གང་ཡིན་པ། དེ་ཕྱིར་མཛའ་ཡས་སྒོས་བསྒྲུབ་པའི། གཟུངས་ཞེས་བྱ་བར་བསྒྲགས་པ་ཡིན། །སྟོབས་ནི་གནས་དང་གནས་མ་ཡིན་པ་མཁྱེན་པའི་སྟོབས་ལ་སོགས་པ་བཅུའོ། །ཕ་རོལ་ཏུ་ཕྱིན་པ ་ནི་སྦྱིན་ལ་སོགས་པ་བཅུའོ། །ས་ནི་མོས་བས་སྤྱོད་པའི་ས་ཡན་ཆད་སངས་རྒྱས་ཀྱིས་ཀུན་ཏུ་འོང་མན་ཆད་ས་བཅུ་གཉིས་སོ། །མི་འཇིགས་པ་ནི་ས་བཅུའོ། །སོགས་པའི་སྒྲས་ནི། དྲན་པ་ཉེ་བར་གཞག་པ་གསུམ་དང། ཐུགས་རྗེ་ཆེན་པོ་དང། སངས་རྒྱས་ཀྱི ་ཆོས་མ་འདྲེས་པ་བཅོ་བརྒྱད་དང། །བྱམས་པ་ལ་སོགས་པའི་ཡོན་ཏན་རྣམས་བསྡུའོ། །རྣམ་པར་ཐར་པའི་སྒོ་རྣམས་ནི་ཐུགས་རྗེ་ཆེན་པོ་དང། བཤོལ་བ་མེད་པ་ལ་སོགས་པའོ། །མངོན་པར་ཤེས་པ་རྣམས་ནི་ལྷའི་མིག་ལ་སོགས་པ་ལྔའོ། །ཏིང་ངེ ་འཛིན་རྣམས་ནི་ནམ་མཁའ་ཨི་མཛོད་ལ་སོགས་པའོ། །གཟུངས་ཀྱི་སྒོ་ནི་ཆོས་ཟབ་མོ་ལ་བཟོད་པའི་གཟུངས་ཀྱི་སྒོ་ལ་སོགས་པ་སྟེ། གང་གི་ཕྱིར་མཛའ་ཡས་པ་འདི་དག་ཐམས་ཅད་སྒྲུབ་ཅིང་རྫོགས་པར་བྱེད་པ་དེའི་ཕྱིར། སྒོ་མཛའ་ཡས་པ་སྒྲུབ་པའི་གཟུངས ་ཞེས་བསྒྲགས་སོ། །ཡང་ན་གང་གི་ཕྱིར་ཇི་སྐད་བསྟན་པ་འདི་དག་ཐམས་ཅད་ཐབས་མཛའ་ཡས་སྒྲུབ་པ་དེའི་ཕྱིར། སྒོ་མཛའ་ཡས་པས་སྒྲུབ་བ་ཞེས་བསྒྲགས་སོ། །འདིར་ནི་དོན་གྱི་གཟུངས་ཡིན་པ་འམ། །ཡང་ན་གཟུངས་དོན་སྟོན་པ་ཡི། །ཡི་གེའི་ཚོགས་ནི་འདི་ཉིད ་ལ། །གཟུངས་ཞེས་བྱ་བར་དགོངས་པ་ཡིན། །ཐོས་སོགས་ལས་བྱུང་ཤེས་པ་རྣམས། །ཆུང་དང་འབྲིང་དང་སོགས་ལྡན་པས། །གཟུངས་ཀྱི་དོན་ནི་ཐོབ་གྱུར་ནས། །བྱང་ཆུབ་སེམས་དཔར་འགྱུར་བ་གང། །དེ་དག་ཕྱིར་མི་ལྡོག་ཉིད་དུ། །མཚུངས་ཏེ་དུས་ནི་ཐ་དད་དོ། །བྱང ་ཆུབ་མྱུར་བ་ཉིད་གསུངས་གང། །དེ་ནི་གཞན་ལས་བལྟོས་ཏེ་དགོངས། །གང་གི་ཚེ་སྒོ་མཛའ་ཡས་པས་སྒྲུབ་པའི་གསུངས་ཞེས་བྱ་བ། །འདིར་གཟུངས་ཉིད་སངས་རྒྱས་རྗེས་སུ་དྲན་པའི་མཚན་ཉིད་དུ་བཟུང་བ་དེའི་ཚེ་ནི། དོན་ཐོབ་པ་ཞེས་བྱ་བ་འདི་ལ་དོན་གྱི་སྒྲ་ནི ་ངོ་བོ་ཉིད་དུ་བསྟན་པ་ཡིན་ཏེ། །ངོ་བོ་ཉིད་དེ་ཡང་འདིར་སངས་རྒྱས་རྗེས་སུ་དྲན་པ་ཉིད་ལ་བྱའོ། །གང་གི་ཚེ་གཟུངས་ཀྱི་དོན་སྟོན་པའི་ཡི་གེའི་ཚོགས་ལ་འདིར་གཟུངས་ཞེས་བྱ་བར་བཟུང་བ་དེའི་ཚེ་ནི། །སྒོ་མཛའ་ཡས་པས་སྒྲུབ་པའི་གཟུངས་འདིའི་དོན་གང ་རྗོད་པར་བྱེད་པའི་ངོ་བོར་གནས་པ་ལ་བྱ་བ་སྟེ། དེ་ཡང་སངས་རྒྱས་རྗེས་སུ་དྲན་པ་ཉིད་དེ། དེ་ཐོབ་པ་ནི་ཐོས་པ་ལས་བྱུང་བའི་ཤེས་པ་འམ། བསམ་པ་ལས་བྱུང་བ་འམ། བསྒོམས་པ་ལས་བྱུང་བ་ཆུང་ངུ་འམ། འབྲིང་ངམ། ཆེན་པོ་འམ། གཅིག་པུ་འམ། ་གཉིས་སམ། མཛའ་དག་གིས་ཐོབ་པའི་བྱང་ཆུབ་སེམས་དཔར་གྱུར་པ་གང་དག་ཡིན་པའོ། །སེམས་ཅན་རྣམས་ལ་བྱང་ཆུབ་ཀྱི་རྣམ་པར་བསྒོམ་པས་ན། བྱང་ཆུབ་སེམས་དཔའ་རྣམས་ཏེ། དེ་དག་ནི་གཟུངས་ཐོབ་པས་སེམས་ཅན་ཐམས་ཅད་ལ་སྟོང་པ་ཉིད ་ཀྱི་རྣམ་པར་བསྒོམ་པར་བྱེད་དོ། །ཡང་ན་སེམས་དཔའ་ཨི་སྒྲ་ནི་དངོས་པོར་བསྟན་པར་བལྟ་བར་བྱ་སྟེ། འདི་དག་ཐམས་ཅད་ནི་ཕྱིར་མི་ལྡོག་པར་མཚུངས་སོ། །ཕྱིར་ལྡོག་པ་ཕྱིར་ནུར་བ་སྟེ། འཁོར་བ་དང། ཉན་ཐོས་ལ་སོགས་པའི་བྱང་ཆུབ་ཏུ་ལྟུང་བའོ། །དེ་ཡོད ་པ་དག་ནི་ཕྱིར་ལྡོག་པའོ། །ཕྱིར་ལྡོག་པ་མ་ཡིན་པ་དག་ནི། །ཕྱིར་མི་ལྡོག་པ་དག་སྟེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ངེས་པར་གྱུར་བ་ཞེས་བྱ་བའི་ཐ་ཚིག་གོ་།དེ་དག་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་འཐོབ་པའི ་དུས་ལ་ནི་བྱེ་བྲག་ཡོད་དེ་འདི་ལྟར་གང་དག་ཐོས་པ་ལས་བྱུང་བའི་ཤེས་པ་ཆེན་པོས་གཟུངས་ཀྱི་དོན་ཐོབ་པ་དེ་དག་གི་བྱང་ཆུབ་འཐོབ་པའི་དུས་ནི་རིང་བའོ། །འབྲིང་གིས་ཐོབ་བ་གང་ཡིན་པ་དེ་དག་ནི་ཤིན་ཏུ་རིང་བའོ། །ཆུང་དུས་ཐོབ་པ་གང་ཡིན་པ་དེ་དག་ནི་ཆེས ་ཤིན་ཏུ་རིང་བའོ། །དེ་བཞིན་དུ་བསམས་པ་ལས་བྱུང་བ་ལ་སོགས་པ་ལ་ཡང་མཐུན་མཐུན་དུ་སྦྱར་བར་བྱའོ། །མྱུར་བའི་ཚིག་གསུངས་པ་གང་ཡིན་པ་དེ་ནི། བྱང་ཆུབ་སེམས་དཔའ་གསུངས་ཀྱི་དོན་ཐོབ་པ་དག་ལས་གཞན་པའི་བྱང་ཆུབ་སེམས་དཔའ་གང་ཡིན ་པ་དེ་དག་གི་བྱང་ཆུབ་འཐོབ་པའི་དུས་ལས་ལྟོས་པར་རིག་པར་བྱའོ། །དེ་ཅིའི་ཕྱིར་ཞེ་ན། ཞེས་བྱ་བ་དེས་ན་གཏན་ཚིགས་དྲི་བ་བསྟན་ཏེ། གཏན་ཚིགས་ཤཱ་རིའི་བུ་འདིར་ཞེས་བཀའ་སྩལ་བ་ནི་དམིགས་པ་མེད་པའི་སྤྱོད་པ་དང་ལྡན་པའི་གཟུངས་ཞེས་བྱ་བ་དང ་སྦྱར་བར་བྱའོ། །དམིགས་པ་ཐམས་ཅད་ཡོད་མིན་པ། །འདིར་ནི་དམིགས་པ་མེད་པར་བསྒྲགས། །དམིགས་པ་ཡོད་པ་མ་ཡིན་ཕྱིར། །དམིགས་པ་མེད་པའང་རིགས་ལྡན་མིན། །དངོས་པོ་དམིགས་པ་མེད་པ་དག་ལ་དམིགས་པ་ནི་དམིགས་པ་ཐམས་ཅད་དེ། ་དེ་མེད་པ་གང་ཡིན་པ་དེ་ལ་ནི་འདིར་བཅོམ་ལྡན་འདས་ཀྱིས་དམིགས་པ་མེད་པ་ཞེས་བསྟན་ཏེ། དམིགས་པར་བྱ་བ་མེད་པའི་ཕྱིར། །དམིགས་པ་མེད་པ་ཙམ་དུ་ཟད་པ་ནི་མ་ཡིན་གྱི། དམིགས་པ་མེད་པའི་ཕྱིར། དམིགས་པ་མེད་པ་ཡང། ཡང་དག་པར་ན ་མི་དམིགས་པ་ཁོ་ན་སྟེ། དགག་པར་བྱ་བ་མེད་པའི་ཕྱིར་རོ། །གང་ཚེ་འདི་ལ་དམིགས་མེད་པའི། །སྤྱོད་པ་ཆེན་པོ་ཡོད་གྱུར་ན། །དེ་ཉིད་ཡང་དག་ཤེས་དེའི་ཕྱིར། །དེ་ལ་མི་འགྲུབ་ཅི་ཞིག་ཡོད། །སྤྱོད་པ་ནི་སྔར་བསྟན་པའི་དམིགས་པ་མེད་པས་སོ། །ཆེན་པོ ་ནི་ཡོན་ཏན་རྣམ་པ་སྣ་ཚོགས་མཛའ་ཡས་པ་སྡུད་པ་ཡིན་པའི་ཕྱིར་རོ། །དེ་ཉིད་མི་བསླུ་བ་ཡིན་པའི་ཕྱིར་ཡང་དག་པའི་ཤེས་པ་ཡིན་ཏེ། གང་གི་ཚེ་འདི་ལ་ཡོད་པ་དེ་ནི་དམིགས་པ་མེད་པའི་སྤྱོད་པ་དང་ལྡན་པའོ། །དེ་ལྟ་བུའི་གཟུངས་དེ་ལས་ཅི་ཞིག་འགྲུབ་པར ་མི་འགྱུར་ཏེ། ཐམས་ཅད་ཀྱང་འགྲུབ་པར་འགྱུར་རོ་ཞེས་བྱ་བའི་ཐ་ཚིག་གོ་།ཁྱོད་ཀྱི་ཉེས་པ་མ་ལུས་པ། །སྤོང་བ་སངས་རྒྱས་རྗེས་དྲན་ཉིད། །དེ་ཡི་གཉེན་པོ་ཡིན་པས་ན། །དེ་ཕྱིར་ཅི་བདེར་བསྒོམ་པར་གྱིས། །དེའི་ཕྱིར་འདིར་སངས་རྒྱས་ཀྱི་ཆོས་དང་ཡོན་ཏན ་ཐམས་ཅད་ཀྱི་གཏེར་ངེས་པ་སྟེ། སངས་རྒྱས་ཀྱིས་ཆོས་ནི་ཐུན་མོང་མ་ཡིན་པ་རྣམས་སོ། །སངས་རྒྱས་ཀྱི་ཡོན་ཏན་རྣམས་ནི་ཉན་ཐོས་ལ་སོགས་པ་དང་ཐུན་མོང་པ་འམ། །སངས་རྒྱས་ཀྱི་ཆོས་རྣམས་ཁོ་ནའོ། །གནས་དང་གནས་མ་ཡིན་པ་མཁྱེན་པའི་སྟོབས་ལ ་སོགས་པ་ནི་ཡོན་ཏན་རྣམས་ཏེ། གོམས་པར་བྱ་བ་ཡིན་པའི་ཕྱིར་རོ། །དེ་དག་གི་གཏེར་ནི་རྒྱུ་སྟེ་ངེས་པའོ། །ཡང་དེ་ན་སངས་རྒྱས་ཀྱི་ཆོས་དང་ཡོན་ཏན་ཐམས་ཅད་ཡོད་པས་ན་སངས་རྒྱས་ཀྱི་ཆོས་དང་ཡོན་ཏན་ཐམས་ཅད་ཀྱི་གཏེར་ཏེ། ཐམས་ཅད་མཁྱེན་པའི ་ཡེ་ཤེས་སོ། །དེ་དེས་པ་ནི་སངས་རྒྱས་ཀྱི་ཆོས་དང་ཡོན་ཏན་ཐམས་ཅད་ཀྱི་གཏེར་ངེས་པའོ། །གང་གི་ཕྱིར་ཁྱེད་ཀྱི་ཉེས་པ་མ་ལུས་པ་སྤོང་བ་ནི་དེའི་གཉེན་པོར་གྱུར་པའི་ཕྱིར། །སངས་རྒྱས་རྗེས་སུ་དྲན་པ་ཁོ་ན་ཡིན་པ་དེའི་ཕྱིར། ཁྱེད་ཀྱིས་ཅི་བདེར་སྒོམས ་ཤིག་ཅེས་བྱ་བར་བཅོམ་ལྡན་འདས་ཀྱིས་དགོངས་ཏེ། འདི་ལྟར་འདོད་ཆགས་ལ་སོགས་པ་ཉོན་མོངས་པའི་སྒྲིབ་བ་ནི་དངོས་པོ་ལ་མངོན་པར་ཞེན་པ་སྔོན་དུ་འགྲོ་བ་ཅན་ལ། དངོས་པོ་ལ་མངོན་པར་ཞེན་པ་ཡང་ཤེས་བྱའི་སྒྲིབ་པ་ཡིན་ཏེ། སངས་རྒྱས ་རྗེས་སུ་དྲན་པ་ནི་ཆོས་ཐམས་ཅད་ཀྱི་ངོ་བོ་ཉིད་ཀྱི་སྒོ་ནས་དེ་སྤོང་བར་བྱེད་པ་ཡིན་ནོ། །དེའི་ཕྱིར་སངས་རྒྱས་རྗེས་སུ་དྲན་པ་ཡིད་ལ་གོམས་པའི་མི་ལ་ཉོན་མོངས་པ་དང་ཤེས་བྱའི་སྒྲིབ་པ་རྣམ་པར་གཉིས་ཀ་ཡང་མི་གནས་སོ། ། ་འདི་ལྟར་གང་ལ་གང་གི་མི་མཐུན་བའི་ཕྱོགས་ཟིལ་གྱིས་གནན་པའི་ཤས་ཆེ་བ་ཡོད་བ་དེ་ལ་དེ་མེད་དེ། ཇི་ལྟར་རྒྱ་མཚོ་ན་མེ་ལྕེའི་ཚོགས་མེད་པ་དེ་བཞིན་དུ། སངས་རྒྱས་རྗེས་སུ་དྲན་བ་ཡིན་ལ་གོམས་པའི་མི་ལ་ཉོན་མོངས་པ ་དང། ཤེས་བྱའི་སྒྲིབ་པ་མི་མཐུན་པའི་ཕྱོགས་ཟིལ་གྱིས་གནོན་པའི་ཤས་ཚ?་བ་ཡོད་དོ། །རིགས་པའི་རྗེས་སུ་སྒྲུབ་པས་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་བ་འབའ་ཞིག་ཏུ་ཡང་མ ་ཟད་དེ། འདི་ནི་རྒྱུ་ཉེ་བར་གནས་པས་ཀྱང་ཁོང་དུ་ཆུད་པར་བྱ་བའི་ཕྱིར་འདི་ཉིད་ལས་བྱང་ཆུབ་སེམས་དཔའ་ཨི་སྤྱོད་པ་ཐམས་ཅད་ཀྱི་བྱེ་བྲག་མཆོག་འཐོབ་པའི་ཕྱིར་རོ། །ཞེས་གསུངས་སོ། །བྱེ་བྲག་ཕུལ་དུ་ཕྱིན་པ་ནི་བྱེ་བྲག་མཆོག་སྟེ། འདི་ལྟར་འཁོར་གསུམ་རྣམ ་པར་དག་པའི་ཕྱིར། །སྦྱིན་པ་ལ་སོགས་མཆོག་དང་ལྡན། །ཡང་དག་རྫོགས་པའི་བྱང་ཆུབ་རྒྱུའི། །ཁྱད་པར་འདི་ལས་འཐོབ་པར་འགྱུར། །སྦྱིན་པར་བྱ་བ་དང། སྦྱིན་པ་པོ་དང། ལེན་པ་པོ་ལ་སོགས་པ་མི་དམིགས་པས། སྦྱིན་པ་ལ་སོགས་པ་རྣམ་པར་དག་པ ་ནི་དེ་ཡིན་ཏེ། དེའི་མི་མཐུན་པའི་ཕྱོགས་ཀྱི་དྲི་མ་མེད་པའི་ཕྱིར་རོ། །དེས་ཤིན་ཏུ་ཁྱད་པར་དུ་འཕགས་པའི་སྦྱིན་པ་ལ་སོགས་པ་སྤྱོད་པའི་མཚན་ཉིད་བླ་ན་མེད་པའི་བྱང་ཆུབ་ཀྱི་བྱེད་རྒྱུ་འདི་ཉིད་ལས་ཐོབ་པར་འགྱུར་རོ། །དེ་ལྟར་འཐད་པ་དང་བཅས་པའི་ཕན་ ་ཡོན་བསྟན་ནས། །ཕན་ཡོན་གཞན་ཡང་གསུངས་ཏེ། འདིར་ནི་ཐུབ་པའི་དབང་པོ་ཡིས། །ཡི་གེ་དོན་དང་གཉིས་ག་ཡིས། །གཟུངས་ཀྱི་ཕན་ཡོན་བཀའ་སྩལ་ཏེ། ཅི་རིགས་པར་ནི་སྦྱར་བར་ཟད། །ཡང་ན་ཕན་ཡོན་ཐམས་ཅད་ཀྱང། །གཟུངས་རྣམས་ཀུན ་ལ་བཤད་བྱ་སྟེ། ཁ་ཅིག་དག་ནི་དུས་གཞན་ལས། །དགོངས་པ་ཅམ་དུ་ཟད་པ་ཡིན། །ཡི་གེའི་གཟུངས་ནི་གཟུངས་ཀྱི་དོན་སྟོན་པའི་ཡི་གེ་སྟེ། ཁར་བ་གསད་པ་ལ་སོགས་པ་བཞིན་ནོ། །དོན་གྱི་གཟུངས་ནི་སངས་རྒྱས་རྗེས་སུ་དྲན་པའོ། །གཉི་གའི་གཟུངས་ནི ་གཉིས་པོ་དེ་ཉིད་དོ། །གཟུངས་རྣམ་པ་གསུམ་པོ་འདི་དག་གི་ཕན་ཡོན་ནི། །འདིར་བཅོམ་ལྡན་འདས་ཀྱིས་སྤྱིར་བཀའ་སྩལ་ཏེ། སྐྱེས་བུ་ཤེས་པ་དང་ལྡན་པས་ཅི་རིགས་པར་སྦྱར་བར་བྱ་བ་འབའ་ཞིག་ཏུ་ཟད་དོ། །ཡང་ན་ཕན་ཡོན་ཐམས་ཅད་ཀྱང། །གཟུངས་ཐམས ་ཅད་ཀྱི་ཡིན་བར་གསུངས་སོ། །བྱེ་བྲག་ནི་འདི་ཡོད་དོ། ཁ་ཅིག་ཏུ་ནི་དུས་གཞན་ལ་དགོངས་པར་བཤད་པར་བྱ་སྟེ། འདི་ལྟར་མཉམ་ཉིད་ཅེས་བྱ་དུས་དང་དོན། །གང་ཟག་གཞན་ཞེས་བྱ་བ་ནི། །དགོངས་པ་རྣམས་ཀྱིས་ཐུབ་པའི་གསུང། །ཅི་རིགས་པར་ནི་རྟོགས་པར ་བྱ། །བཅོམ་ལྡན་འདས་ཀྱི་དགོངས་པ་ནི་རྣམ་པ་བཞིར་ཁོང་དུ་ཆུད་པར་བྱ་སྟེ། མཉམ་ཉིད་ལ་དགོངས་པ་ཞེས་བྱ་བ་ནི། ཇི་སྐད་དུ་བཅོམ་ལྡན་འདས་ཀྱིས་ད་ཉིད་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་འགྱུར་རོ་ཞེས་གསུངས་པ་ལ་སོགས་པ་ལྟ ་བུའོ། །དོན་གཞན་ལ་དགོངས་བ་ཞེས་བྱ་བ་ནི། ཇི་སྐད་དུ་བཅོམ་ལྡན་འདས་ཀྱིས་སངས་རྒྱས་བཅོམ་ལྡན་འདས་གངྒཱའི་ཀླུང་གི་བྱེ་མ་སྙེད་ལ་བསྙེན་བཀུར་བྱས་ནས་གདོང་ཐེག་པ་ཆེན་པོ་སྟོན་པའི་མཆོག་ཏུ་ཟབ་མོའི་དོན་རྟོགས་པར་འགྱུར་རོ། །ཞེས་བྱ་བ་ལ ་སོགས་པ་ལྟ་བུའོ། །གང་ཟག་གཞན་ལ་དགོངས་བ་ཞེས་བྱ་བ་ནི། ཇི་སྐད་དུ་བཅོམ་ལྡན་འདས་ཀྱིས། སྦྱིན་པ་ཡིས་ནི་དགའ་བར་འགྱུར་ཞེས་བྱ་བ་ལ་སོགས་པ་གསུངས་པས། །སྦྱིན་པ་ལ་སོགས་པའི་སྔགས་པ་བརྗོད་པ་མཛད་ནས། གང་ཟག་ཁ་ཅིག་ལ ་བརྟེན་ཏེ། སྦྱིན་པ་སྦྱིན་པས་ཕན་ཚུལ་དག་ཏུ་བརྟེན་དེ་དག་།གཞན་དང་གཞན་ལ་གུས་པར་མི་འགྱུར་བས། །སངས་རྒྱས་མཁས་པ་བག་ཆགས་སྤངས་རྣམས་ནི། དེ་འདྲར་བརྟེན་བ་དེ་དག་བསྔགས་མི་མཛད། །ཅེས་བྱ་བ་ལ་སོགས་པས་སྦྱིན་པ་ལ་སོགས ་པ་དེ་དག་ཉིད་སྨོད་པར་མཛད་པ་ལྟ་བུའོ། །དགོངས་བ་བཞི་པོ་འདི་དག་གིས་ཐུབ་པའི་དབང་པོའི་གསུང་རབ་ཀྱི་མདུང་བའི་གནས་རྣམས་བཤད་པར་བྱའོ། །དགོངས་པ་བསྟན་པའི་དགོས་པ་ནི་ཡི་གེ་མངས་སུ་དོགས་བསམ་བཤད་དོ། །སྐབས་འདིར་ཁ་ཅིག་ཏུ ་ནི་དུས་གཞན་ལ་དགོངས་ཏེ་ཕན་ཡོན་བསྟན་ཏོ། །གང་ཟག་གཞན་ལ་དགོངས་པས་ཀྱང་བསྟན་ཏེ། དེ་ནི་གསལ་བའི་ཕྱིར་བདག་གིས་མ་སྦྱར་རོ། །གཟུངས་ཞེས་བྱ་འདིར་ཁ་ཅིག་ཏུ། །མགོན་པོ་ཐུགས་རྗེ་ཅན་གྱིས་ནི། །གཟུངས་ཞེས་པ་ནི་ ་ཆེན་པོ་ཡི། ཆེན་པོའང་ཡིན་པར་བཀའ་སྩལ་ཏོ། །གཟུངས་ལ་དམིགས་པ་ཤེས་པ་རབ་ཀྱི་མཛའ་ལ་གནས་པ་ལ་གཟུངས་ཞེས་བྱ་བར། སེམས་ཅན་གྱི་དོན་ལ་མཁས་པ་བཅོམ་ལྡན་འདས་ཀྱིས་ཁ་ཅིག་ཏུ་གསུངས་ཏེ། མི་སྡུག་པ་བཞིན་ནོ། །དེ་ལྟར་དོན ་བསྡུས་པ་བསྟན་ནས། ད་ནི་དེའི་ཕན་ཡོན་གྱི་ཚིགས་སུ་བཅད་པ་སོ་སོར་བརྟག་པར་བྱ་སྟེ། ཅི་འདི་དག་སྟོང་པ་ཡིན་ནམ་འོན་ཏེ་མ་ཡིན་སྙམ་དུ། ཆོས་རྣམས་སྟོང་པར་དོགས་མེད་ཅིང། །མདོ་སྡེ་འདི་ཐོས་ནས་སྟོང་པ་ཁོ་ནའོ་སྙམ་དུ་སེམས་ཏེ། འདི་ནི་ཐེ ་ཚོམ་པའི་ཕན་ཡོན་བསྟན་ཏོ། །ཆོས་རྣམས་སྟོང་པ་ལ། བྱང་ཆུབ་ཆེད་དུ་སྤྲོས་མི་བྱེད། །ཆོས་རྣམས་དང་བྱང་ཆུབ་ཀྱི་རང་བཞིན་མེད་པའི་ཕྱིར་རོ། །འདི་དག་ནི་བྱང་ཆུབ་འཐོབ་པོ་སྙམ་དུ་དམིགས་པ་ནི་སྤྲོས་པའོ། །འདིས་ནི་དམིགས་པ་མེད་པའི་ཕན་ཡོན་བསྟན ་ཏོ། །ཆོས་དབྱིངས་འཁྲུགས་པར་མི་བྱེད་ན། །ཆོས་ཀྱི་དབྱིངས་འཁྲུག་པ་ནི་ཕྱིན་ཅི་ལོག་ཏུ་མངོན་པར་ཞེན་པ་སྟེ། འདི་ལྟར་ཆོས་ཀྱི་དབྱིངས་ནི་ཡང་དག་པར་སྟོང་པའང་མ་ཡིན། མི་སྟོང་པའང་མ་ཡིན་ན། དེ་ལ་སྟོང་པ་ཉིད་ལ་སོགས་པའི་ངོ་བོ་ཉིད་དུ་འཛིན ་པ་ནི་འཁྲུག་པའོ། །འདིས་ནི་ཆོས་ཀྱི་དབྱིངས་ཀྱི་ངོ་བོ་ཉིད་ཡང་དག་པར་ཁོང་དུ་ཆུད་བའི་ཕན་ཡོན་བསྟན་ཏོ། །དེ་ཕྱིར་གཟུངས་ནི་འཐོབ་པར་འགྱུར་ཞེས་བྱ་བ་འདི་ནི་དོན་གྱི་གཟུངས་ཏེ། འདི་ནི་ཡི་གེའི་གཟུངས་ཀྱི་ཕན་ཡོན་དངོས་དང་བརྒྱད་པའི་བྱེ་བྲག ་གིས་བསྟན་ཏོ། །ཡང་ན་ཕན་ཡོན་འདི་ནི་གཟུངས་རྣམ་པ་གསུམ་ཆར་ལ་ཡང་མཐུན་མཐུན་དུ་སྦྱར་བར་བྱ་སྟེ། གང་གི་ཚེ་དོན་གྱི་གཟུངས་ཀྱི་ཕན་ཡོན་དུ་བསྟན་པ་དེའི་ཚེ་ནི་གཟུངས་སྨོས་པས་རབ་ཀྱི་མཛའ་ལ་གནས་པའི་གཟུངས་ཀྱི་ཡེ་ཤེས་གཟུང་ངོ། ་མདོ་སྡེ་འདི་ནི་མཉམ་པར་བྱ་བ་ཞེས་བྱ་བ་འདིས་ནི་ཡི་གེའི་གཟུངས་ཀྱི་ཕན་ཡོན་རྣམ་པ་གསུམ་དུས་གཞན་ལ་དགོངས་པའི་སྒོ་ནས་བསྟན་ཏོ། །གཟུངས་འཐོབ་པ་དང། ཡེ་ཤེས་འབྱོར་པ་འཐོབ་པ་དང་བྱང་ཆུབ་འཐོབ་པའོ། །ཡང་ན་གང་གི་ཚེ། འདི་ལ་གཟུངས་ནི ་ཟད་པ་མེད། ཅེས་བརྗོད་པར་བྱ་ཞེས་བྱ་བ་ལྷག་མ་ཡིན་པ་དེའི་ཚེ་ན་གཟུངས་སྨོས་པ་མངོན་སུམ་གྱི་ཕན་ཡོན་ཡིན་ལ། གཞན་གཉིས་པོ་ནི་དུས་གཞན་ལ་དགོངས་པའོ། །ཡང་ན་གཟུངས་རྣམ་པ་སུམ་ཆར་གྱི་ཕན་ཡོན་ཡིན་ཏེ། ཡི་གེའི་གཟུངས་ཀྱི་ཕན་ཡོན་ནི ་རྣམ་པ་གསུམ་མོ། །དོན་གྱི་གཟུངས་ཀྱི་ནི་རྣམ་གཉིས་སོ། །ཡེ་ཤེས་ཀྱི་གཟུངས་ཀྱི་ནི་གཅིག་ཏུ་བསྟན་ཏོ། །ཡོན་ཏན་ཟད་པ་མེད་པའི་ཕྱིར་མི་ཟད་པའོ། །གཟུངས་ཞེས་བྱ་བ་ལ་སོགས་པས་ནི། ཡི་གེའི་གཟུངས་ཀྱི་ཕན་ཡོན་དུས་གཞན་ལ་དགོངས་པའི ་སྒོ་ནས་རྣམ་པ་གཉིས་སུ་བསྟན་ཏོ། །སྟོང་པ་ཉིད་དང། འཚོ་བ་མེད་པ་དང། ཚིགས་སུ་བཅད་པ་མེད་པ་ལ་སོགས་པའི་འཇིགས་པ་མ་ལུས་པ་དང་བྲལ་བའི་ཕྱིར་འཇིགས་པ་མེད་པ་དང། ཕྱོགས་བཅུར་རྣམ་པར་བཞུགས་པའི་སངས་རྒྱས་རྣམས་ཀྱི་ཆོས་ ་བསྟན་པ་ཐོས་པའོ། །བཟུང་བ་ནི་མ་བརྗོད་པའོ། །དོན་གྱི་གཟུངས་ཀྱི་ནི་ཕན་ཡོན་དེ་གཉི་ག་མངོན་སུམ་ཁོ་ནའི་ཡིན་ཏེ། གཟུང་བ་ནི་བསྒོམ་པའོ། །མཆོག་གི་ཆོས་ཞེས་བྱ་བ་འདིས་ནི་དུས་གཞན་ལ་དགོངས་པའི་སྒོ་ནས་ཡི་གེའི་གཟུངས་ཀྱི་ཕན་ཡོན་དུ་བསྟན ་ཏོ། །ཅིག་ཤོས་ཀྱི་ནི་མངོན་སུམ་གྱི་ཕན་ཡོན་དུ་བསྟན་ཏོ། །འདིས་ནི་སོ་སོ་ཡང་དག་པར་རིག་པ་རྣམ་པ་བཞི་ཐོབ་པར་བསྟན་ཏོ། །དེ་ལ་མཆོག་གི་ཆོས་ཞེས་བྱ་བ་འདིས་ནི། ཆོས་སོ་སོ་ཡང་དག་པར་རིག་པར་བསྟན་ཏོ། །དོན་ཐམས་ཅད་ཅེས་སྨོས་པས་ནི་དོན་སོ ་སོ་ཡང་དག་པར་རིག་པར་བསྟན་ཏོ། །ཚིག་འབྲུ་ཐམས་ཅད་ཅེས་སྨོས་པས་ནི་ངེས་པའི་ཚིག་སོ་སོ་ཡང་དག་པར་རིག་པ་བསྟན་ཏོ། །ཉི་མའི་འོད་ཟེར་ཇི་སྙེད་པ་ཞེས་བྱ་བ་ལ་སོགས་པ་སྨོས་པས་ནི། སྤོབས་པ་སོ་སོ་ཡང་དག་པར་རིག་པ་བསྟན་ཏེ། མཆོག ་སྨོས་པ་ནི་སངས་རྒྱས་ཀྱི་རིགས་ཅན་གྱི་སོ་སོ་ཡང་དག་པར་རིག་པ་ཡིན་པར་བསྟན་པའི་ཕྱིར་རོ། །དོན་དང་ཚིག་འབྲས་བསྐྱོང་ཀུན་གྱི་ཞེས་བྱ་བའི་ཚིག་ནི། དེ་དག་གིས་ཆོས་སོ་སོ་ཡང་དག་པར་རིག་པར་འཇུག་པའི་ཕྱིར་རོ།། ་ཉི་མའི་འོད་ཟེར་གྱི་དཔེ་ནི་མཛའ་ཡས་པ་ཉིད་དུ་བསྟན་པའི་ཕྱིར་རོ། །ཚིག་སྨོས་པ་ནི་ཚིག་དང་ཚིག་གི་དོན་བཟུང་པའི་ཕྱིར་རོ། །ཡང་ན་མཆོག་གི་ཆོས་སྟོང་པ་ཉིད་ཀྱི་ཆོས་རྣམ་པར་ཤེས་སོ། །དོན་ཐམས་ཅད་ནི་སྟོང་པ་ཉིད་དེ། དེ་ནི་དངོས་པོ་ཐམས་ཅད ་ཀྱི་ངོ་བོ་ཉིད་ཡིན་པའི་ཕྱིར་རོ། །དེ་ཚིག་གང་དག་གིས་གསལ་བར་བྱེད་པ་དེ་དག་གིས་བསྐྱོད་དེ། འཇུག་པར་བྱེད་ཅེས་བྱ་བའི་ཐ་ཚིག་གོ་།ཚིག་འབྲུ་སྨོས་པས་ནི་ཚིག་རྣམས་བསྟན་ཏོ། །འདིའི་རྒྱུ་བསྟན་པ་ནི་ཇི་སྙེད་ཅེས་བྱ་བ་ལ་སོགས་པའོ། །ཡང་ན ་མཆོག་གི་ཆོས་ནི་འཇིག་རྟེན་ལས་འདས་པའི་ཆོས་རྣམས་ཏེ། ཚིག་འབྲུ་གང་དག་ལ་མཆོག་གི་ཆོས་དང་དོན་ཐམས་ཅད་ཡོད་པ་དེ་དག་གིས་བསྐྱོད་དེ་འཇུག་པར་བྱེད་ཅེས་བྱ་བའི་ཕྱིར་ནི་ཐ་ཚིག་གོ་།ལྷག་མ་ནི་སྔ་མ་བཞིན་ནོ། །འདིས་ཀྱང་སོ་སོ་ཡང་དག ་པར་རིག་པ་རྣམས་འཐོབ་པར་བསྟན་ཏོ། །གང་དག་ཆོས་ཀྱི་མཆོག་འགྱུར་བ། དེ་དག་གང་ཞེ་ན། བཀའ་སྩལ་པ། རླབས་ཆེན་གཟུངས་ཀྱི་སྒོ་རྣམས་ཏེ། གང་ཞིག་མདོ་འདི་འཛིན་དེ་ལ། །ཐམས་ཅད་རྟག་ཏུ་མངོན་དུ་འགྱུར་ཞེས་བྱ་བ་སྟེ། དུས་གཞན ་ལ་དགོངས་པའི་སྒོ་ནས་དེ་སྐད་ཅེས་གསུངས་སོ། །གལ་ཏེ་སེམས་ཅན་ཐམས་ཅད་ཀྱིས་ཞེས་བྱ་བ་ལ་སོགས་པས་ནི་ཕན་ཡོན་འདི་དངོས་དང་བརྒྱུད་པའི་སྒོ་ནས་གཟུངས་རྣམ་པ་གསུམ་ཆར་གྱི་ཡང་ཡིན་པར་གསུངས་སོ། །དེའི་ཡེ་ཤེས་མི་ཟད་དོ ་ཞེས་བྱ་བ་འདི་རྒྱུའི་ཚིག་གོ། བསྐལ་པ་སྨོས་པ་ནི་ཉེ་བར་མཚོན་པའི་ཕྱིར་ཏེ། བསྐལ་པ་གྲངས་མེད་པ་དག་ཀྱང་བཟུང་བར་བྱའོ། །མདོ་སྡེ་འདི་ལས་སུ་དགའ་ཞེས་བྱ་བ་ནི། དེ་ལ་དད་པ་ལ་སོགས་པ་དང་ལྡན་པའི་ཕྱིར་རོ། །འདིས་ནི་ཡི་གེའི་གཟུངས་ཀྱི ་ཕན་ཡོན་དུས་གཞན་ལ་དགོངས་པའི་སྒོ་ནས་བསྟན་ཏོ། །དོན་གྱི་གཟུངས་ཀྱི་ནི་མངོན་སུམ་ཉིད་དེ། མདོ་སྡེའི་དོན་མངོན་སུམ་དུ་བྱས་པས་མདོ་སྡེ་ལ་དགའ་བར་འགྱུར་བས་དེའི་ཕྱིར་དོན་གྱི་གཟུངས་ཀྱི་ཡང་འདིར་བསྟན་པར་རིག་པར་བྱའོ། །དེ་ནི་ཆོས་ཀྱི ་རྒྱལ་པོའི་སྲས་ཞེས་བྱ་བ་ནི་ས་དང་པོ་འཐོབ་པའི་ཕྱིར་ཏེ། དེའི་ཚེ་དེ་བཞིན་གཤེགས་པའི་རིགས་སུ་སྐྱེས་པ་ཡིན་ནོ། །བྱང་ཆུབ་མཆོག་ལ་ཉེ་བ་ཡིན་ཞེས་བྱ་བ་ནི་ཕྱིར་མི་ལྡོག་པ་ལ་སོགས་པའི་ས་ཐོབ་པའི་ཕྱིར་རོ། །ཡིད་བརྟན་པ་ནི་དེ་ཁོ་ནའི་ཡེ་ཤེས ་སྐྱེས་པས་མི་བསླུ་བ་ཡིན་པའི་ཕྱིར་རོ། །ཆོས་ཀྱང་འཛིན་ཅེས་བྱ་བ་ནི་ལེགས་པའི་བློ་གྲོས་ལ་སོགས་པའི་ས་ཐོབ་པས་དེ་བཞིན་གཤེགས་པའི་ཆོས་མ་ལུས་པར་འཛིན་པའི་ཕྱིར་རོ། །དེ་ལ་སེམས་ཅན་ཐམས་ཅད་དགའ་ཞེས་བྱ་བའི་དེས་ཀྱང་གཟུངས་རྣམ་པར་སུམ ་ཆར་གྱི་ཕན་ཡོན་བསྟན་པར་རིག་པར་བྱའོ། །སངས་རྒྱས་རྣམས་ཀྱང་དེ་ལ་དགྱེས་ཞེས་བྱ་བ་ནི། དེ་ངེད་ཅག་གི་གཅེས་པ་འཛིན་པར་འགྱུར་རོ་སྙམ་དུ་དགོངས་པའི་ཕྱིར་རོ། །ཅིའི་ཕྱིར། དེ་ནི་འཆི་བའི་དུས་བྱེད་ཚེ། སངས་རྒྱས་བྱ་བ་བརྒྱད་ཅུ་མཐོང་ཞེ་ན། གསང ་སྔགས་ཀྱི་ཚིག་བརྒྱད་ཅུ་ཡོད་པའི་ཕྱིར་ཏེ། གསང་སྔགས་ཀྱི་ཚིག་རེ་རེ་ཞིང་ཡང་སངས་རྒྱས་བྱེ་བ་བྱེ་བས་བྱིན་གྱིས་བརླབས་པའི་ཕྱིར་རོ། །ཡང་ན་གཟུངས་ཀྱི་མཐུ་ཉིད་འདི་འདྲ་སྟེ། དེས་འཆི་བའི་དུས་ཀྱི་ཚེ་སངས་རྒྱས་བྱེ་བ་བརྒྱད་ཅུ་མཐོང་ངོ། །ལག་པ་དེ་ལ ་ཉེ་བར་འཇོག་ཅེས་བྱ་བ་ནི། རིགས་ཀྱི་བུ་མ་འཇིགས་ཤིག་ཅེས་བྱ་བ་འམ། ཡང་ན་ངེད་ཀྱི་ཐར་དུ་ཤོག་ཅེས་བྱ་བའི་ཕྱིར་རོ། །སུ་ཞིག་མདོ་སྡེ་འདི་འཛིན་པ་ཞེས་བྱ་བ་འདིས་ནི་ཕན་ཡོན་འདི་ཡི་གེའི་གཟུངས་ཀྱི་ཡིན་ནོ་ཞེས་བསྟན་ཏེ། ཤུགས་ཀྱིས་?་ཡོན་གྱི ་དོན་གྱི་གཟུངས་ཀྱི་ཡང་ཡིན་པར་ངེས་པར་གཟུང་བར་བྱའོ། །བསྐལ་པ་བྱེ་བ་སྟོད་རྣམས་སུ་ཞེས་བྱེ་བ་འདིས་ནི་ཕན་ཡོན་འདི་གཟུངས་གསུམ་ཆར་གྱི་ཡང་ཡིན་པར་རིག་པར་བྱ་སྟེ། སྒྲོན་མའི་སྐད་ཅིག་གཅིག་གིས་ཀྱང་དུས་ངེད?་ངེ?་ནས་བསགས་པའི་མུན་པ ་སེལ་བར་མཐོང་བའི་ཕྱིར་བསྐལ་པ་བྱེ་བ་སྟོང་དུ་བསགས་བའི་སྡིག་པ་ཟླ་བ་གཅིག་གིས་ཇི་ལྟར་འབྱང་བར་འགྱུར་སྙམ་དུ་འཁྲུལ་པ་བསྐྱེད་པར་མི་བྱའོ། །བྱང་ཆུབ་སེམས་དཔས་བསོད་ནམས་གང་ཞེས་བྱ་བ་ལ་སོགས་པས་ནི་ཕན ་ཡོན་འདི་དོན་གྱི་གཟུངས་ཀྱི་ཡིན་པར་བསྟན་ཏོ། །ཡི་གེའི་གཟུངས་ཀྱི་ནི་མ་ཡིན་ཏེ། འདི་ལྟར་ཟླ་བ་གཅིག་སྨོས་པས་ན་ཕན་ཡོན་འདི་དུས་གཞན་ལ་དགོངས་པའི་སྒོ་ནས་ཀྱང་དེ་ཡིན་པར་མི་སྲིད་དོ། །བསོད་ནམས་ནི་གཟུངས་འདིས་ཀུན་ནས་བསླང་པ་ལས ་གཞན་པ་གཟུང་ངོ། །འཛིན་པ་གཟུངས་མངོན་སུམ་དུ་བྱ་བའོ། །ཁམས་གསུམ་སེམས་ཅན་ཇི་སྙེད་པ་ཞེས་བྱ་བ་ལ་སོགས་པས་ནི་ཕན་ཡོན་འདི་ཡི་གེ་གཟུངས་ཀྱི་ཡིན་པར་དུས་གཞན་ལ་དགོངས་པར་བསྟན་ཏོ། །ཕན་ཡོན་འདི་དོན་གྱི་གཟུངས་ཀྱི་ཡིན ་པར་ནི་དོན་གྱིས་བསྟན་ཏེ། ཡི་གེའི་གཟུངས་ཀྱི་ཕན་ཡོན་འདི་ཡང་དོན་གྱི་གཟུངས་ཀྱི་སྒོ་ཁོ་ན་ལས་བྱུང་བའི་ཕྱིར་རོ། །བྱང་ཆུབ་འཚང་རྒྱའི་བར་དུ་དེ་དྲན་པ་དང་ལྡན་པར་འགྱུར་ཞེས་བྱ་བར་སྦྱར་ཏེ། བློ་གྲོས་རྟོགས་ལྡན་འགྱུར་ཞེས་བྱ་བ་ལ ་སོགས་པ་ཡང་དེ་བཞིན་སྦྱར་བར་བྱའོ། །གཟུངས་ཀྱི་དམ་པ་གང་ཡིན་པ་ནི་དམ་པའི་དོན་སྟོན་པའི་ཡི་གེའི་གཟུངས་ཡིན་ཏེ། དེའི་ལྕེའི་རྩེ་མོ་གནས་ཞེས་བྱ་བ་ལ་སོགས་པར་སྦྱར་བར་བྱ་སྟེ། འདི་ཡང་ཡི་གེ་དང་དོན་གྱི་གཟུངས་གཉི་གའི ་ཕན་ཡོན་དུ་ཤེས་བར་བྱའོ། །བློ་གྲོས་ནི་མཉམ་པར་གཞག་པ་མ་ཡིན་པའི་ཤེས་རབ་བོ། །རྟོག་པ་ནི་མཉམ་པར་གཞག་པའི་ཤེས་རབ་བོ། །ཡང་ན་རྟོགས་པ་ཐམས་ཅད་དུ་ཐོབ་པ་མེད་པར་འཇུག་པ་ཉིད་དོ། །ཇི་ལྟར་མདོ་སྡེ་བསྟན་འདི་ལ། ། ་གཟུངས་དོན་གྱི་གཟུངས་ཀྱི་ཕྱིར་སོ་སོར་ངེས་པ་བཞིན། ཡང་ན་གཟུངས་ནི་གཟུངས་ཤེས་པ་སྟེ། དེ་བཞིན་དུ་མདོ་སྡེ་བསྟན་པ་འདི་ལ་ཐམས་ཅད་མཁྱེན་པ་ཉིད་བསྟན་བ་ངེས་པར་འཐོབ་པར་འགྱུར་ཞེས་བྱ་བར་སྦྱར་རོ། །དེ་བཞིན་དུ་འདི་ལས་བྱང ་ཆུབ་ངེས་པར་ཐོབ་བར་འགྱུར་ཞེས་བྱ་བར་ཡང་གཟུང་བར་བྱ་སྟེ། ཕན་ཡོན་འདི་ནི་མངོན་སུམ་དང། དུས་གཞན་ལ་དགོངས་པའི་སྒོ་ནས་ཡི་གེའི་གཟུངས་ཀྱི་ཡིན་བར་རིག་པར་བྱའོ། །དོན་གྱི་གཟུངས་ཀྱི་ནི་སྔ་མ་བཞིན་དུ་ཤུགས་ཀྱིས་ཁོང་དུ་ཆུད་པར་བྱའོ། །ཐམས ་ཅད་མཁྱེན་པ་ཉིད་ནི་ཤེས་བྱའི་སྒྲིབ་པ་སྤངས་པ་ལས་འགྱུར་རོ། །བྱང་ཆུབ་ནི་ཉོན་མོངས་པའི་སྒྲིབ་པ་སྤངས་པ་ལས་སོ། །ཡང་ན་ཐམས་ཅད་མཁྱེན་པ་ཉིད་ནི་ཐམས་ཅད་མཁྱེན་པའི་ཡེ་ཤེས་སོ། །བྱང་ཆུབ་ནི་ཉོན་མོངས་པ་དང་ཤེས་བྱའི་སྒྲིབ་པ་སྤངས་པའོ། །ཡང ་ན་རྒྱུ་དང་རྒྱུ་ཅན་གྱི་ཚུལ་དུ་གཉི་ག་རྟོགས་པར་བྱའོ། །འདི་ལས་བྱང་ཆུབ་འཐོབ་པར་འགྱུར་ཞེས་བྱ་བ་འདི་ནི། བདག་ཉིད་དཔེར་བསྟན་པས་བརྡ་སྤྲད་པའི་ཕྱིར། གཟུངས་འདི་ཐོས་མ་ཐག་ཏུ་ཡང་ཞེས་བྱ་བ་ལ་སོགས་པ་གསུངས་ཏེ། དེ་བཞིན་གཤེགས་པ་མར་མེ ་ཞེས་བྱ་བ་ནི་བཅོམ་ལྡན་འདས་མར་མེ་མཛད་ཡིན་ནོ། །བདག་ཅག་གིས་གཟུངས་ཐོས་ཀྱང་ལུང་ཡང་མ་བསྟན་ལ། སངས་རྒྱས་རྣམས་ཀྱང་མ་མཐོང་བ་མ་ཡིན་ནམ། ཅིའི་ཕྱིར་དེ་སྐད་གསུངས། ཐོས་མ་ཐག་ཏུ་ཞེས་གསུངས་པའི་ཕྱིར་དང། སྐད་ཅིག་དེ་ལ ་ཞེས་གསུངས་པའི་ཕྱིར། འདིར་དུས་གཞན་ལ་དགོངས་པ་ཡང་མ་ཡིན་ནོ། །ཞེ་ན་ཉེས་པ་མེད་དེ། འདི་ལྟར་འདིས་ནི་བཅོམ་ལྡན་འདས་ཀྱི་ཚེ་རབས་གཞན་དུ། བཅོམ་ལྡན་འདས་མ་འདི་ལ་གོམས་ན། ཇི་ལྟ་བ་བཞིན་དུ་ངེས་པ་ཁོ་ནར་ཚེ་འདི་ལ་ཁྱད་པར་འདི ་སྒྲུབ་བར་བྱེད་དོ་ཞེས་བྱ་བ་སྟེ་སྟོན་པར་མཛད་པ་ཡིན་ཏེ། །དེ་བས་ན་གལ་ཏེ་དེ་བཞིན་དུ། གཞན་ཚེ་རབས་གཞན་ན་གོམས་པ་གང་ཡིན་པ་དེ་ཡང་གཟུངས་ཐོས་མ་ཐག་ཏུ་ངེས་པར་ལུང་བསྟན་པར་འགྱུར་ཞིང། སྐད་ཅིག་དེ་ཉིད་ལ་སངས་རྒྱས་རྣམས་མཐོང་བར ་འགྱུར་ཏེ། འདི་ལ་འཁྲུལ་བ་བསྐྱེད་པར་མི་བྱའོ། །འདིས་ནི་ཕན་ཡོན་འདི་ཡི་གེ་དང་དོན་གྱིས་གཟུངས་ཀྱི་ཡིན་པར་བསྟན་ཏོ། །གཟུངས་འདིའི་ཕན་ཡོན་སངས་རྒྱས་ཐམས་ཅད་ཀྱི་ཆོས་ཀྱི་ཚུལ་འཛིན་པ་ཡིན་པར་བསྟན་པའི་ཕྱིར་གང་ཞིག་ཅེས་བྱ་བ་ལ་ ་སོགས་པ་གསུངས་ཏེ། བསྟན་པའི་གསུང་རབ་ཡན་ལག་བཅུ་གཉིས་སོ། །སངས་རྒྱས་ཐམས་ཅད་ཀྱི་བསྟན་པ་ཤེས་པར་བྱ་བའི་ཐབས་གཞན་ཡང་ཡོད་མོད་ཀྱི། འདི་མྱུར་བས་ན་མྱུར་བའི་ཚིག་གིས་སྟོན་པར་མཛད་དེ། ཕན་ཡོན་འདི་ནི་ཡི ་གེའི་གཟུངས་ཀྱི་ཡིན་པར་དུས་གཞན་ལ་དགོངས་པའི་སྒོ་ནས་བསྟན་པའོ། །དོན་གྱི་གཟུངས་ཀྱི་ནི་དོན་གྱིས་བསྟན་པ་ཡིན་པར་རིག་པར་བྱའོ། །སངས་རྒྱས་ཞིང་ནི་རྣམ་དག་དང། །ཞེས་བྱ་བ་ལ་སོགས་པས་ནི་ཕན་ཡོན་གཞན་སྟོན་ཏེ། འདི་ནི་ཡི་གེའི་གཟུངས་ཀྱི ་ཕན་ཡོན་དུས་གཞན་ལ་དགོངས་པ་བསྟན་ཏེ། བྱེད་པར་འགྱུར་ཞེས་འབྱུང་བའི་ཕྱིར་རོ། །དོན་གྱི་གཟུངས་ཀྱི་ནི་དོན་གྱིས་དངོས་དང་བརྒྱད་པར་ཅི་རིགས་པར་རིག་པར་བྱ་སྟེ། འདིའི་ཕན་ཡོན་གསུམ་པོ་འདི་ལ་ཐེ་ཚོམ་མི་བྱ་བར་འདི་ནི་དེ་ཁོ་ན་བཞིན་ནོ་སྙམ་དུ ་གཟུང་བར་བྱའོ། །གལ་ཏེ་ཁྱོད་ལ་ཐེ་ཚོམ་ཡོད་ན། དེའི་ཚེ་ཞག་བདུན་ཙམ་གྱི་བར་དུ་འདི་སོམས་ཤིག་དང། དེས་ན་ཁྱོད་བདག་ཉིད་ཀྱི་ཚེ་འདི་ལ་ཡིད་ཆེས་བའི་རྟགས་མཐོང་བར་འགྱུར་རོ་བྱ་བའི་དོན་དུ། དེ་བས་བག་ནི་ཡོད་གྱུར་ལ་ཞེས་བྱ་བ་ལ་སོགས ་པ་གསུངས་ཏེ། གསང་སྔགས་ཚིག་ནི་སྔ་མ་ཡིས། །བསྲུང་བའི་ཆོ་ག་འདི་བྱས་ལ། །གཙང་མས་འདུ་དང་འབྲེལ་སྤང་ཞིང། །ལུས་ཀྱི་འདུ་འཛིན་སྤང་བྱ་སྟེ། །དེས་ནི་རྟོག་པའི་དྲ་བ་ཡི། །རྒྱུན་རྣམས་མ་ལུས་སྤངས་ནས་ནི། །བག་མེད་པའི་རྣམ་པ་གཉིས་ཏེ། ་གཞན་ལས་བྱུང་བ་དང། བདག་ལས་བྱུང་བའོ། །གཞན་ལས་བྱུང་བ་ཡང་རྣམ་པ་གཉིས་ཏེ། གནས་བབས་པ་དང། རྩལ་ལས་བྱུང་བའོ། །བདག་ལས་བྱུང་བ་ནི་རྣམ་པ་གསུམ་སྟེ། འདུ་བ་ལས་བྱུང་བ་དང། ལུས་ཀྱི་འདུ་འཛི་ལས་བྱུང་བ་དང། །ལོག་པར་རྣམ ་པར་བརྟགས་པ་ལས་བྱུང་བའོ། །དེ་དག་མེད་པས་བདག་ཡོད་པར་གྱུར་ནས། ལས་ངན་པ་མ་ལུས་པར་ཡོངས་སུ་སྤངས་ཏེ། སངས་རྒྱས་རྗེས་སུ་དྲན་པ་ཙམ། །རབ་ཏུ་སྒོམས་ལ་གུས་བྱས་ལ། །སེམས་ནི་རྩེ་གཅིག་བྱས་ནས་སུ། །སངས་རྒྱས་རྗེས་སུ་དྲན་བྱད་པ། ་དེ་ནི་ཆོ་ག་བཞིན་དུ་བསྒོམ། །བསམ་གཏན་གྱི་ཚེར་མ་ནི་སྒྲ་ཡིན་པའི་ཕྱིར། སྒྲ་མེད་པའི་ས་ཕྱོགས་སུ་སྐྱིལ་མོ་ཀྲུང་བཅས་ནས། དབུགས་རྡུབ་པ་དང། འབྱུང་བ་དག་བསྟུང་བར་མི་བྱ་བར། ལུས་དྲང་པོར་བསྲང་ལ། ཧ་ཅང་མ་རེངས་པར་བྱ་སྟེ། སེམས་ཀྱི་ཚོགས ་ཕྱི་རོལ་ཏུ་འཕྲོ་བ་བཟློག་པའི་ཕྱིར། སེམས་སྣའི་རྩེ་མོ་ལ་བསྟད་དེ། ཅི་ནུས་ཀྱིས་བསྒོམ་པར་བྱའོ། །དེ་ནས་སྐྱེ་བར་གྱུར་ན་བློ་ཅན་གྱིས། །དེ་ནས་སེམས་ཀྱིས་དུས་བསྟུང་ངོ། །ཧ་ཅང་བསྒོམ་དྲགས་པས་རྣལ་འབྱོར་པ་སེམས་སྐྱོ་བར་གྱུར་ན། བསྒོམ་པ་དེ ་ལས་ལངས་ལ་ཀློག་འདོན་བྱ་བ་འམ། འགྲེང་བ་འམ། འགྲོ་བ་འམ། ཟན་ཟ་བ་འམ། བྱ་བ་གཞན་ཅི་ཡང་རུང་བ་བྱེད་ཅིང་སྐྱོ་པ་མེད་པར་མ་གྱུར་གྱི་བར་དུ་སངས་རྒྱས་རྗེས་སུ་དྲན་པ་ལ་གནས་པའི་སེམས་ཀྱིས་དུས་བསྟུང་པར་བྱ་སྟེ། སྐྱོབ་མེད་པར་གྱུར ་ནས་ཀྱང་བསྒོམ་པར་བྱའོ། །བློ་ལྡན་དེ་ལྟར་སྒོམ་བྱེད་བ། དེ་ལྟར་ཞག་བདུན་ཐ་མར་ནི། །སངས་རྒྱས་བྱེ་བ་བརྒྱད་ཅུ་རྣམས། །དེ་ཡི་འོག་ཏུ་གཟུངས་སྦྱིན་མཛད། ཅིའི་ཕྱིར་སངས་རྒྱས་བཅོམ་ལྡན་འདས་དེ་སྙེད་ཀྱིས་དེ་ལ་གཟུང་སྤྱན་པར་མཛད་ཅེ་མ ་སྨྲས་པ། གསང་སྔགས་ཚིག་ནི་རེ་རེ་ཞིང། །སངས་རྒྱས་བྱེ་བས་བྱིན་བརླབས་ལ། །དེས་ཀྱང་སྔར་ནི་དེ་དག་གིས། །བཟླས་བསྲུང་ལ་སོགས་ཕུན་ཚོགས་བྱས། །འདི་ལྟར་གསང་སྔགས་ཀྱི་ཚིག་བརྒྱད་ཅུ་པོ་རྣམས་སངས་རྒྱས་བྱེ་བ་ཕྲག་བརྒྱད་ཅུས་བྱིན ་གྱིས་བརླབས་ལ། གསང་སྔགས་ཀྱི་ཚིག་དེ་དག་གིས་ཀྱང་རྣལ་འབྱོར་པ་དེས་བཟླས་བརྗོད་བྱེད་པར་གྱུར་པས། བསྲུང་བ་དང། མདངས་དང། སྟོབས་དང། ནད་མེད་པ་ལ་སོགས་པ་ཕུན་སུམ་ཚོགས་པར་བྱས་པའི་ཕྱིར་ཏེ། བསྒོམ་པའི་སྔ་རོལ་དུ་བཟླས ་བརྗོད་བྱ་བའི་སྟོན་པའི་ནུས་སུ་གསང་སྔགས་ཀྱི་ཚིག་རྣམས་བརྗོད་ལ། དེའི་འོག་ཏུ་བསྒོམ་པར་བྱའོ། །གང་གི་ཕྱིར་དེ་ལྟ་ཡིན་པ། དེའི་ཕྱིར་སངས་རྒྱས་བྱེ་བ་ནི། །བརྒྱད་ཅུ་དེ་ལ་གཟུངས་སྦྱིན་མཛད། །ཡང་ན་དགུ་བཅུ་ལས་ཐོས་ལྟར། །བསྒོམ་ལ་མཐུ ་དེ་ནི་འདི་འདྲའོ། །ཡང་ན་སངས་རྒྱས་རྗེས་སུ་དྲན་པ་བསྒོམ་པའི་མཐུ་ཉིད་འདི་འདྲ་སྟེ། དེས་སངས་རྒྱས་བྱེ་བ་ཕྲག་བརྒྱད་ཅུས་དེ་ལ་གཟུངས་སྦྱིན་པར་མཛད་དོ། །དཔེར་ན་འདི་ནི་ལས་སངས་རྒྱས་བྱེ་བ་ཕྲག་དགུ་བཅུ་ལས་ཆོས་བསྟན ་པ་ཐོས་སོ་ཞེས་ཡང་དང་ཡང་དུ་གསུངས་པ་ལྟ་བུའོ། །གཟུངས་དེ་རྣམ་པ་ཇི་ལྟ་བུར་བསམས་ན་ཐོབ་པར་འགྱུར་ཞེ་ན། སྨྲས་པ། གཟུགས་སོགས་བསམ་པ་བསམ་བྱ་ཡིན། །གཟུགས་མེད་སོགས་པ་བསམ་བྱ་མིན། །ཡང་ན་སྤྲུལ་པ་བསམ་བྱ་ཡིན། ། ་ལོངས་སྤྱོད་རྫོགས་པ་བསམ་བྱ་མིན། །ཡང་ན་བསམ་བྱ་བསམ་བྱ་མིན། །བསམ་བྱ་བསམ་བྱ་མིན་དངོས་བསམ། །བཟོད་ནས་མ་སྐྱེས་པས་མེད་ཕྱིར། །བསམ་པ་དེ་དག་བསམ་མི་བྱ། །གཟུགས་ལ་སོགས་པ་ལ་བསམ་པ་ནི་བསམ་བྱ་མིན་པ་སྟེ། དེ་ནི ་དངོས་པོ་མེད་པའི་ངོ་བོ་ཡིན་པས་དོན་གྱི་བྱ་བ་མི་བྱེད་པའི་ཕྱིར། བསམ་པར་བྱ་བའི་འོས་མ་ཡིན་པའི་ཕྱིར་རོ། །སོགས་པ་སྨོས་པས་ནི་མཚན་ལ་སོགས་པ་སྔར་བསྟན་པ་རྣམས་ཉིད་གཟུང་ངོ། །ཡང་ན་སྦྲུལ་པའི་སྐུ་ལ་བསམ་པ་གང་ཡིན་པ་དེ་ནི། ་བསམ་པར་བྱ་བ་སྟེ། དེ་ནི་སྐྱེ་བ་ལ་སོགས་པའི་བྱེ་བྲག་གིས་བསམ་པར་བྱ་བར་ནུས་པའི་ཕྱིར་རོ། །ལོངས་སྤྱོད་རྫོགས་པའི་སྐུ་ལ་བསམ་པ་གང་ཡིན་པ་དེ་ནི་བསམ་པར་བྱ་བ་མ་ཡིན་པ་སྟེ། དེ་ནི་སྐྱེ་བ་ལ་སོགས་པའི་བྱེ་བྲག་གི་བསམ་པར་མི་ནུས ་པའི་ཕྱིར་རོ། །རྣམ་པ་གཞན་ཡང་བསམ་པར་བྱ་བ་བསམ་པར་ནུས་པའི་དངོས་པོ་ལ་བསམ་པ་གང་ཡིན་པ་དེ་ནི་བསམ་པར་བྱ་བ་ཡིན་ནོ། །བསམ་པར་བྱ་བ་མ་ཡིན་པ་སངས་རྒྱས་ཀྱི་ཆོས་ལ་སོགས་པ་དག་ལ་བསམ་པ་གང་ཡིན་པ་དེ་ནི་བསམ་པར་བྱ ་བམ་ཡིན་པའོ། །བཟོད་མ་ནས་མ་སྐྱེས་པས་གཟུགས་ལ་སོགས་པ་མེད་པའི་ཕྱིར། བསམ་པ་དེ་དག་ནི་བསམ་པར་མི་བྱའོ། །ཇི་ལྟར་ཆོས་ཐམས་ཅད་གཟོད་མ་ནས་མ་སྐྱེས་པ་དེ་ལྟ་ན་སྔར་བསྟན་ཟིན་ཏོ། །འོ་ན་ཅི་ཞིག་སོམས་ཤིག་ཅེ་ན་སྨྱས་པ་ཆོས་ཀྱི ་དབྱིངས་སོམས་ཤིག་།དེ་ལ་ཡང་ལོག་པར་བསམ་པར་མི་བྱའོ། །ཆོས་ཀྱི་དབྱིངས་ཇི་ལྟར་བསམ་ཞེ་ན། ཇི་ལྟར་ཡང་འགལ་བར་ཡང་མ་སེམས་ཤིག། ཅིའི་ཕྱིར་དེ་ལྟ་ཞེ་ན། འདི་ལྟར་རྣམ་པ་གང་དང་གང་གིས་ཆོས་ཀྱི་དབྱིངས་སེམས་པར་བྱེད་པ་རྣམས་དེ་དང ་དེ་མེད་པའི་ཕྱིར་རོ། །སྟོང་པ་དང། རང་བཞིན་གྱིས་སྐྱོ་བ་མེད་པ་ལ་སོགས་པ་ནི། དོན་དམ་པར་ན་དགག་པར་བྱ་བ་མེད་པ་ལ་དགག་པ་མི་འཇུག་པའི་ཕྱིར་མེད་པ་ཁོ་ན་སྟེ། དེ་ལྟ་བས་ན་ཆོས་ཀྱི་དབྱིངས་དེ་ལ་ཡང་བསམ་པར་མི་བྱ་སྟེ། ལོག་པར ་བསམ་པར་མི་བྱའོ་ཞེས་བྱ་བའི་ཐ་ཚིག་གོ་།འགལ་བར་སེམས་པ་ནི་སྐྱེ་བ་མེད་པ་ལ་སོགས་པའི་རྣམ་པ་དང། དངོས་པོ་ལ་སོགས་པའི་རྣམ་པ་དང། དངོས་པོ་ཐ་དད་པ་ཉིད་དང། གཅིག་པ་མ་ཡིན་པའི་མཚན་ཉིད་ལ་སོགས་པ་རྣམ་པར་སེམས་པ ་སྟེ། གང་གི་དབང་དུ་མཛད་ནས། གང་སྟོང་པ་ཉིད་དུ་ལྟ་བ་ནི་ཞེས་བྱ་བ་ལ་སོགས་པ་གསུངས་པ་ལྟ་བུའོ། །རྣལ་འབྱོར་པས་ཇི་སྐད་བསྟན་པའི་རྣམ་པ་ཁོ་ནས། དེ་ལྟར་ཞག་བདུན་སེམས་ན་ནི། དེའི་འོག་ཏུ་གཟུངས་ཐོབ་འགྱུར། བཅོམ་ལྡན་འདས་ཀྱིས ་ཡང་ཡང་དུ་བཤད་པས་ཅི་ཞིག་བྱ་སྙམ་དུ་དགོངས་ནས། དཔེར་ན་ཞེས་བྱ་བ་ལ་སོགས་པ་གསུངས་ཏེ། ཕན་ཡོན་འདི་ནི་གཟུངས་རྣམ་པ་གསུམ་ཆར་གྱི་ཡིན་ནོ། །བདེ་བ་ནི་ངེས་པར་ལེགས་པ་དང་མངོན་པར་མཐོ་བའི་བདེ་བའོ། །སོམ་ཉི་ནི་ཐེ་ཚོམ ་ཟ་ཞེས་བྱ་བའི་ཐ་ཚིག་གོ་།དེ་ལྟར་ཕན་ཡོན་རྣམ་པ་དུ་མ་བསྟན་ནས། འབྲས་བུ་ཉེ་བ་གཙོ་བོ་བསྟན་པས་འདུལ་བའི་འཇིག་རྟེན་གཟུངས་འདི་ལ་འཇུག་ཅིང་སྡུང་པར་མཛད་དེ། འདི་ལས་རྫོགས་པའི་བྱང་ཆུབ་ཉེ། །དེ་བས་འདི་ལ་སྦྱོར་བར་གྱིས། །ཐོས ་པ་ལ་སོགས་པ་འམ། ལུས་ལ་སོགས་པ་འམ། འོག་ནས་བཞི་ཚན་བསྟན་པ་རྣམས་ཀྱིས་སྦྱར་བར་བྱ་སྟེ། འདིས་ནི་རང་གི་དོན་ཕུན་སུམ་ཚོགས་པ་ཡེ་ཤེས་ཕུན་སུམ་ཚོགས་པ་དང། སྦངས་པ་ཕུན་སུམ་ཚོགས་པ་རྣམ་པ་གཉིས་བསྟན་ཏེ། བྱང་ཆུབ ་ནི་ཡེ་ཤེས་དང་སྤངས་པ་མཚན་ཉིད་ཡིན་པའི་ཕྱིར་རོ། །ཡེ་ཤེས་ཕུན་སུམ་ཚོགས་པ་ནི་རྣམ་པ་བཞི་སྟེ། ཐམས་ཅད་མཁྱེན་པ་དང། རྣམ་པ་ཐམས་ཅད་མཁྱེན་པ་ཉིད་དང། མ་འབད་པར་མཁྱེན་པ་དང། མ་བསྟན་པར་མཁྱེན་པའོ ་སྤངས་པ་ཡང་རྣམ་པ་བཞི་སྟེ། ཉོན་མོངས་པ་དང། ཤེས་བྱའི་སྒྲིབ་པ་སྤངས་པ་དང། གཏན་དུ་སྤངས་པ་དང། བག་ཆགས་དང་བཅས་པར་སྤངས་པ་དང། ཏིང་ངེ་འཛིན་དང་སྙོམས་པར་འཇུག་པའི་སྒྲིབ་པ་ཐམས་ཅད་སྤངས་པ་སྟེ། དེ་དག་ཀྱང་རྫོགས་པའི ་བྱང་ཆུབ་སྨོས་པས་བསྟན་ཏོ། །ཁྱེད་ཞི་བའི་གནས་ནི་ཐོབ་གྱུར་ནས། རྫོགས་པའི་བྱང་ཆུབ་ཐོབ་བྱེད་འགྱུར། །འཇིག་རྟེན་ནོ་སྙམ་དུ་དགོངས་པ་སྟེ། འདིས་ནི་གཞན་གྱི་དོན་ཕུན་སུམ་ཚོགས་པ་བསྟན་པར་རིག་པར་བྱའོ། །ཞི་བའི་གནས་ནི་ཉོན་མོངས ་པ་དང་ཤེས་བྱའི་སྒྲིབ་པ་ཞི་བར་གྱུར་པའི་ཕྱིར་རམ། མེ་གསུམ་ཞི་བར་གྱུར་པའི་ཕྱིར། མི་གནས་པའི་མྱ་ངན་ལས་འདས་པའོ། །རྫོགས་པའི་བྱང་ཆུབ་ནི་རྣམ་པ་གསུམ་པོ་སྟེ། འདི་ནི་བྱང་ཆུབ་གསུམ?་འགོད་པའི་གཞན་གྱི་དོན་ཕུན་སུམ་ཚོགས ་པ་བསྟན་ཏོ། །ངན་སོང་གསུམ་ལས་ངེས་པར་ཐར་པ་དང། མཐོ་རིས་སུ་འགད་པ་དང། འཁོར་བའི་སྡུག་བསྔལ་ལས་གཏན་དུ་རྣམ་པར་ཐར་པ་ནི་ཤུགས་ཀྱིས་བསྟན་པར་ཤེས་པར་བྱའོ། །ཡང་ནི་ཅིའི་ཕྱིར། འདི་ལས་རྫོགས་པའི་བྱང་ཆུབ་ཉེ་ཞེ་ན། འདི ་ལྟར་ཁྱེད། ཞི་བའི་གནས་ནི་ཐོབ་གྱུར་ནས། །རྫོགས་པའི་བྱང་ཆུབ་ཐོབ་བྱེད་འགྱུར་ཞེས་བྱ་བ་འདིས་ཉི་སྟེ། ཚིགས་སུ་བཅད་པ་རིལ་པོ་འདིས་ནི་རང་གི་དོན་ཕུན་སུམ་ཚོགས་པ་བསྟན་ཏོ། །ད་ནི་དེ་ནས་བཅོམ་ལྡན་འདས་ཀྱིས་ཞེས་བྱ་བ་ལ་སོགས་པ་གཟུངས ་འདི་འཐོབ་པའི་ཐབས་བསྙན་ཏེ། བློ་ལྡན་ཅི་འདྲ་གང་དུ་དང། །ཇི་ལྟར་གནས་དང་གང་བསྒོམས་དང། གང་བྱས་པས་ནི་འཐོབ་འགྱུར་བ། །དེ་ནི་བཞི་ཚན་རྣམས་ཀྱིས་བསྟན། །རྣལ་འབྱོར་པ་ཇི་ལྟ་བུས་གཟུངས་འདི་ཐོབ་པར་འགྱུར་བ་དེ་ནི་བཞི་ཚན་དང ་པོས་བསྟན་ཏོ། །གང་དུ་གནས་པ་དང། ཇི་ལྟར་གནས་པ་དེ་གཉིས་ནི་གཉིས་པས་བསྟན་ཏོ། །གང་བསྒོམ་པ་དང། གང་བྱ་བ་དེ་གཉིས་ནི་གསུམ་པས་བསྟན་ཏོ། །རྣལ་འབྱོར་པ་ཇི་ལྟ་བུས་གཟུངས་འདི་ཐོབ་པར་འགྱུར་ཞེ་ན། སྨྲས་པ་ཁྲིམས་ལྡན་དེ་ཡི་མི་མཐུན ་ཕྱོགས། །གཉིས་གྲོལ་དེ་ཡི་འཕེལ་བྱེད་ལྡན། ཉེས་པ་དང་ནི་ཕན་ཡོན་རྣམས། །བསྟན་པས་དེ་ལ་འཛུད་པར་བྱེད། །འདོད་པ་རྣམ་ལ་ལྷག་པར་ཆགས་པ་མེད་པ་ཞེས་བྱ་བས་ནི་ཚུལ་ཁྲིམས་དང་ལྡན་པར་བསྟན་ཏེ། ཚུལ་ཁྲིམས་ནི་ཡོན་ཏན་ཐམས་ཅད་ཀྱི ་གཞི་ཡིན་ནོ། །འདོད་པ་ལྔའི་ཡོན་ཏན་རྣམས་ལ་ལྷག་པར་ཆགས་པ་མེད་ན། སྲོག་གཅོད་པ་ལ་སོགས་པ་མི་བྱེད་དོ། །དེ་ལྟ་བས་ན་དེ་སྤངས་པའི་མཚན་ཉིད་ཀྱི་ཚུལ་ཁྲིམས་ཀྱང་ཐོབ་པཾ་ཉིད་པས་ལོགས་ཤིག་ཏུ་མ་བསྟན་ཏོ། །ཚུལ་ཁྲིམས་ཀྱི་མི་མཐུན་པའི ་ཕྱོགས་དྲག་དོག་དང་སེར་སྣ་ལས་གྲོལ་བ་ནི། སེམས་ཅན་ཐམས་ཅད་ལ་ཕྲག་དོག་མེད་པ་དང། བདོག་པ་ཐམས་ཅད་ཡོངས་སུ་གཏོང་ཞིང་འགྱོད་པ་མེད་པ་ཡིན་ཞེས་བྱ་བ་འདིས་བསྟན་ཏོ། །ཕུག་དོག་དང་སེར་སྣ་དག་ནི་ཚུལ་ཁྲིམས་ཀྱི་མི་མཐུན་པའི་ཕྱོགས་རྣམས ་ཡིན་ཏེ། འདི་ལྟར་འདོད་པ་རྣམས་ལ་ལྷག་པར་ཆགས་ན་ཕྲག་དོག་བྱེད་པ་དང། །སེར་སྣ་བྱེད་པར་འགྱུར་རོ། །སེམས་ཅན་ཐམས་ཅད་ལ་ཞེས་སྨྲས་པ་ནི། དགྲ་བོ་དང་མཛའ་བོ་དང་ཐ་མལ་པ་ཡོངས་སུ་བཟུང་བའི་ཕྱིར་རོ། །བདག་པ་ཐམས་ཅད་ཅེས་སྨོས་པ་ནི་བྱ ་རོལ་དང་ནད་གི་བསྡུ་བའི་ཕྱིར་རོ། །འགྱོད་པ་མེད་པ་ཞེས་སྨོས་པ་ནི་སེམས་ལ་འཛིན་པ་མེད་པ་ཉིད་དུ་བསྟན་པའི་ཕྱིར་ཏེ། ཆིག་འདི་གསུམ་གྱིས་ནི་ཚུལ་ཁྲིམས་ཤིན་ཏུ་རྣམ་པར་དག་པ་བསྟན་ཏོ། །འགྱོད་པ་མེད་པར་སྦྱུན་པའི་ཚུལ་ཅན་ནི་ཡིད་ལ་བཅགས་པ ་མེད་པར་སྦྱིན་ཞེས་བྱ་བའི་ཐ་ཚིག་གོ་།ཉིན་མཚན་དུ་ཆོས་འདོད་ཅིང་ཆོས་ཀྱི་ཀུན་དགའ་ལ་དགའ་བ་ཡིན་ཏེ་ཞེས་བྱ་བ་འདིས་ནི་ཚུལ་ཁྲིམས་འཕེལ་བར་བྱེད་པ་གང་དག་དང་ལྡན་པ་ཉིད་བསྟན་ཏོ། །ཆོས་ལ་སྲིད་པའི་ཕྱིར་ཆོས་འདོད་པར་འགྱུར་རོ། །ནན་ཏན ་བྱེད་པས་ནི་ཆོས་ལ་དགའ་ཨོ། །ཡང་ན་ཆོས་རྣམས་ལ་འཇུག་ཕྱིར་ཆོས་འདོད་དོ། །གོམས་པའི་ཕྱིར་ཆོས་ལ་དགའ་ཨོ། །ཡང་ན་ནམ་གྱི་ཆ་སྟོང་དང་ནམ་གྱི་ཆ་སྨད་ལ་སོགས་པར་བརྩོན་པའི་ཕྱིར་ཆོས་འདོད་པར་འགྱུར་རོ། །སྟོང་པ་ཉིད་ལ ་སོགས་པའི་ཆོས་བསྒོམ་པའི་ཕྱིར་ཆོས་ལ་དགའ་ཨོ། །ཡང་ན་གཉིས་སུ་ངེས་པར་བཟུང་བའི་ཕྱིར་གསུངས་ཏེ། འདིས་ན་རྟོག་པ་ངན་པ་མེད་པའི་ཕྱིར་དང་གྱིས་ན། འཁྲིག་པའི་སྦྱོར་བ་བདུན་དང་བྲལ་བའི་ཚུལ་ཁྲིམས་བསྟན་ཏོ། །ཉེས་པ་དང་ཕན་ཡོན་བསྟན ་པའི་རྒྱུས་ཚུལ་ཁྲིམས་ལ་སོགས་པ་དེ་དག་ལ་མཛུད་དེ། གདུལ་བ་ཞེས་བྱ་བའི་ཚིག་ལྷག་མའོ། །དེ་ཡང་ཚིགས་སུ་བཅད་པ་རྣམས་ཀྱིས་བསྟན་ཏེ། དེ་ལ་རྣམ་པ་ལྔས་ཚུལ་ཁྲིམས་ལ་འཛུད་དེ། འདོད་པ་རྣམས་ཀྱི་ཉེས་པ་བསྟན་པའི་ཕྱིར་གསུངས་པ་ལ། ་དྲི?་ད?་བ་ནི་འཆལ་པའི་ཚུལ་ཁྲིམས་ཀྱི་དྲི་དང་ལྡན་པའི་ཕྱིར་རོ། །ཡང་ན་འདོད་པའི་རྩ་བ་ལས་ཀྱི་མི་གཙང་བའི་དྲི་དང་ལྡན་པའི་ཕྱིར་རོ། །ངན་པ་ནི་ཐམས་ཅད་ཀྱི་ཐ་ཆད་དུ་གྱུར་པའི་ཕྱིར་དང། སེམས་ཅན་ངན་པས་བསྟེན་པའི་ཕྱིར་དང། དམ་པ་རྣམས ་ཀྱིས་སྨད་པའི་ཕྱིར་དང། བུམ་པ་མི་གཙང་བ་ཅན་ལ་སོགས་པ་དང་འདྲ་བའི་ཕྱིར་དང། འབྲས་བུ་ངན་པ་འགྲུབ་པའི་ཕྱིར་རོ། །བདུད་ཀྱི་སྦྱོད་ནི་བདུད་ཀྱི་ཡུལ་ལས་མ་འདས་པའི་ཕྱིར་རོ། །བདུད་ནི་ལྷའི་བུ་འམ། འདོད་ཆགས་ལ་སོགས་པ་ཉོན་མོངས ་བ་འམ། གཉིས་ཀའོ། །སེམས་ཅན་དམྱལ་བའི་རྐྱེན་ནི་འགྲུབ་པར་བྱེད་པ་དང། དེ་འགྲུབ་པར་འགྱུར་བའི་ལས་ཀྱིས་སེམས་ཅན་དམྱལ་བར་འགྲོ་བར་འགྱུར་བའི་ཕྱིར་རོ། །སེམས་ཅན་དམྱལ་བ་སྨོས་པ་ནི་གཙོ་བོ་ཡིན་པའི་ཕྱིར་ཏེ། དུད་འགྲོ ་དང་ཡིད་དགས་གཉིས་ཀྱི་རྐྱེན་ཡང་འདོད་པ་རྣམས་ཡིན་པའི་ཕྱིར་རོ། །ངན་སོང་གི་རྒྱུ་ན་མི་རུང་སྤར་འགྱུར་བའི་རྒྱུ་ཡིན་པའི་ཕྱིར་ཏེ། འདོད་ཕྱིར་འཇིག་རྟེན་བཅིང་དང་བསང་བར་འགྱུར་ཞེས་བྱ་བ་ལ་སོགས་བ་འབྱུང་བ་ལྟ་བུའོ། །ཡང་ན་ངན་སོང ་སེ་རྒྱུ་ནཾ་ངན་སོང་གསུམ་གྱི་རྒྱུ་ཡིན་པའི་ཕྱིར་རོ། །སེམས་ཅན་དམྱལ་བ་སྨོས་པ་ནི་གཙོ་བོར་བསྟན་བའི་ཕྱིར་རོ། །དེའི་མི་མཐུན་པའི་ཕྱོགས་ཕྲག་དོག་སྦོང་བ་ལ་འཛུད་པ་ནི། ཕན་ཡོན་བསྟན་པའི་ཕྱིར་རྣམ་པ་ལྔས་བསྟན་ཏེ། སྡང་བར་བྱ་བའི ་རང་བཞིན་བསྟན་པ་དང། སྤང་བར་བྱ་བའི་ཡུལ་བསྟན་པ་དང། སྤང་བར་བྱ་བའི་རྒྱུ་བསྟན་པ་ལ། རྒྱུ་དེ་ཡང་ཤེས་ཀྱི་ཁ་དང་རྙེད་པ་དང་གྲགས་པའི་བྱེ་བྲག་ལས་རྣམ་པ་གསུམ་དུ་བསྟན་ཏོ། །ཤེས་ཀྱི་ལེ་ནི་ཀུན་ཏུ་བསྟན་པས་འདུ་བར་འགྱུར ་བའོ། །དེའི་རང་བཞིན་བསྟན་པ་ནི། དགའ་བའི་མིག་ནི་དགའ་བས་ལྟ་བ་སྟེ། ཁྲོ་བ་ལ་སོགས་པའི་ཉེས་པ་དང་བྲལ་བའི་ཕྱིར་རོ། །སྤོང་བའི་ཕན་ཡོན་བསྟན་པ་དེ་ཡང་རྣམ་པ་གཉིས་མཐུ་ཆེ་བ་ཐོབ་པ། ནོར་དང་འཁོར་ལ་སོགས་འབྱོར་བ་འཐོབ ་པའི་ཕྱིར་དང། གཟུགས་མཛེས་པ་འཐོབ་པ། ཡན་ལག་དང་ཉིང་ལག་གི་གཟུགས་མཛེས་པ་འཐོབ་པའི་ཕྱིར་རོ། །དེའི་མི་མཐུན་པའི་ཕྱོགས་སེར་སྣ་སྤོང་བ་ལ་འཇུག་པ་ནི། ཉེས་པ་དང་ཕན་ཡོན་བསྟན་ཕྱིར་རྣམ་པ་བཞིས་བསྟན་ཏེ། ཉེས་དམིགས ་བསྟན་པ་ནི་རྩོད་པ་སྟེ་ལུས་ལ་སོགས་པའི་བྱ་བ་གནོད་པ་དང་ལྡན་པའོ། །དེའི་རྒྱུ་བསྟན་པ་ནི་ཡོངས་སུ་འཛིན་པ་སྟེ། བདག་དང་བདག་གིར་མངོན་པར་ཞེན་པས་དངོས་པོར་འཛིན་པའོ། །བཞི་རྩ་སྨོས་པ་ནི་དངོས་དང་བརྒྱུད་པའི་རྒྱུའི་རང་བཞིན་བསྟན ་པའི་དོན་ཏེ། འདི་ཡོངས་སུ་འཛིན་པ་འདི་ནི་རྣམ་པ་ཐམས་ཅད་དུ་གནོད་པའི་རྒྱུ་ཡིན་པར་བསྟན་པས་གདུལ་བ་རྣམས་དེ་ལས་འདུན་པ་བཟློག་པའི་ཕྱིར་རོ། །སྲིད་པའི་ཡུལ་ཡོངས་སུ་སྤོང་བ་ནི་སྤོང་བ་སྟེ། དེ་ལ་ལྷག་པར་ཆགས་པ་སྤོང་བའི་ཕྱིར་རོ ་དེའི་ཕན་ཡོན་བསྟན་པ་ནི། གཟུངས་ཤེས་བྱ་བ་སྟེ། གཟུངས་འདི་ཉིད་ཡིན། །དེ་ཡང་དུས་གཞན་ལ་དགོངས་ཏེ་གསུངས་སོ། །དེ་འཕེལ་བར་བྱེད་པ་ལ་འཇུག་བ་ནི། ཕན་ཡོན་བསྟན་པའི་ཕྱིར་རྣམ་པ་ལྔས་བསྟན་ཏེ། ཆོས་ཆོལ་བ་ན་ཆོས་ནི་སྟོན ་པ་ཉིད་དང། དེ་སྟོན་པའི་ཡི་གེའོ། །དེ་འདྲི་བ་ནི་འདྲི་པ་ལ་སོགས་པའི་རིམ་པ་སྟེ། དེའི་ཕྱིར། ཡི་གེར་འདྲི་མཆོད་སྦྱིན་པ་དང། ཀློག་དང་ཉན་དང་འཛིན་པ་དང། །སྟོན་དང་ཁ་ཏོན་བྱེད་པ་དང། །སེམས་དང་བསྒོམ་པ་གང་ཡིན་པ ་ཞེས་བྱ་བ་ལ་སོགས་པ་གསུངས་སོ། །རྒྱུན་མི་ཆད་པར་ཚེལ་བ་ནི་ལས་ངན་པ་ཡོངས་སུ་སྤང་བའི་ཕྱིར་རོ། །གཞན་མི་སེམས་བར་ཚོལ་བ་ནི་ལོག་པར་རྣམ་པར་རྟོག་པ་ཡོངས་སུ་སྤང་བ་དང། མཐོ་རིས?་ལ་སོགས་པའི་འབྲས་བུ་འཐོབ་པ་རྣམ་པར ་རྡོག?་པ་ཡོངས་སུ་སྤང་བའི་ཕྱིར་རོ། །བྱང་ཆུབ་འདོད་ཅིང་ཚོལ་བ་ནི་བྱེད་བྱང་ཆུབ་ཀྱི་རྒྱུ་ཡིན་པར་བསྟན་པའི་ཕྱིར་རོ། །བྱང་ཆུབ་ཀྱི་རྒྱུ་གཟུངས་ཡིན་པའི་ཕྱིར་རོ། །ཆོས་ཚིག་ནི་སྟོང་པ་ཉིད་དང། དེ་སྟོན་པའི་མདོ་སྡེ་ལ་སོགས་པའོ། །ཚིགས་སུ་བཅད ་པ་དང་པོ་ལས་ནི་མི་མཐུན་པའི་ཕྱོགས་ཀྱི་ཉེས་པ་འབའ་ཞིག་བསྟན་ལ། གཉེན་པོའི་ཡོན་ཏན་ནི་མ་བསྟན། །གཉིས་པ་དང་ཐ་མ་ལས་ནི་གཉེན་པོའི་ཡོན་ཏན་འབའ་ཞིག་བསྟན་ལ། མི་མཐུན་པའི་ཕྱོགས་ཀྱི་ཉེས་པ་མ་བསྟན། གསུམ་པ ་ལས་ནི་མི་མཐུན་པའི་ཕྱོགས་དང། གཉེན་པོ་གཉི་གའི་ཡོན་ཏན་དང་སྐྱོན་བསྟན་པ་མ་ཡིན་ནམ། ཅིའི་ཕྱིར་དེ་ལྟར་བསྟན་ཅེ་ན། དེ་ནི་གཉེན་པོ་དང་མི་མཐུན་པའི་ཕྱོགས་གཉིས་ཀྱི་ཡོན་ཏན་དང་ཉེས་པ་བསྟན་པ་གུང་དུ་གཅེས་པ་ཡོད་དོ། །དེའི་ཕྱིར ་ཚིགས་སུ་བཅད་པ་དང་པོ་ལ་ནི། འདོད་པའི་གཉེན་པོའི་ཚུལ་ཁྲིམས་དྲི་ཞིམ་པོ་བསྟེན་པར་བྱའོ། །ཞེས་བྱ་བ་ལ་སོགས་པས་ཡོན་ཏན་ཡང་བལྟ་བར་བྱའོ། །ཚིགས་སུ་བཅད་པ་གཉིས་པ་དང། བཞི་པ་དག་ལ་ཡང་དེའི་མི་མཐུན་པའི་ཕྱོགས་ཀྱི་ཉེས? ་པ་ཡང་བལྟ་བར་བྱའོ། །སྔར་བསྟན་པའི་དོན་ཉིད་ནི། ཆོས་ཀྱི་རྗེས་འབྲང་ཆེད་དུ་སྟེ། །རིགས་པ་ཕན་ཡོན་བྱེ་བྲག་གིས། །ཚིགས་བཅད་རྣམས་ཀྱིས་ཡང་བསྟན་ཏོ། །རྣམ་པ་གཞན་ཡང་སྔར་བསྟན་པའི་དོན་ཉིད་ཆོས་ཀྱི་རྗེས་སུ་འབྲང་བ་དང། ་ཞར་ལ་དང་པས་རྗེས་སུ་འབྲང་བའི་དབང་དུ་ཡང་མཛད་དེ། རིགས་པ་དང་ཕན་ཡོན་གྱི་བྱེ་བྲག་གི་རྒྱུས། །ཡང་ཚིགས་སུ་བཅད་པ་དག་གིས་བསྟན་ཏེ། འདི་ལྟར་འདོད་པ་རྣམས་སྤང་བའི་ཕྱིར་ནི་དྲི་ང་བ་ལ་སོགས་པའི་རིགས་པ་གསུངས་སོ། །ཕྲག ་དོག་མི་བྱ་བའི་ཕྱིར་མི་མཐུ་ཆེ་ལ་སོགས་པ་ཐོབ་པའི་ཕན་ཡོན་གསུངས་ལ། དེ་མི་བྱ་བའི་ཕྱིར་འབྲས་བུ་ཁྱད་པར་ཅན་འཐོབ་པོ་ཞེས་རྒྱུ་ཡང་གསུངས་སོ། །སེར་སྣའི་རྒྱུ་སྲེད་པའི་ཡུལ་ཡོངས་སུ་སྤང་བའི་ཕྱིར་ནི་རྒྱུ་རྩོད་པ་གསུངས་སོ། །རྩ་བ་བཞི ་བས་ནི་ཕན་ཡོན་བསྟན་ཏོ། ཚུལ་ཁྲིམས་འཕེལ་བར་བྱེད་པའི་ཆོས་བསྟེན་པའི་ཕྱིར་ནི་འབྲས་བུ་ཁྱད་པར་ཅན་འཐོབ་པོ་ཞེས་རྒྱུ་སྨོས་ལ། ཕན་ཡོན་ནི་དངོས་སུ་བསྟན་པ་ཉིད་དོ། །དེ་ནི་གང་དུ་གནས་པ་དང། ཇི་ལྟར་གནས་པ་དེ་བསྟན་པའི་ཕྱིར། ་གཞན་ཡང་ཞེས་བྱ་བ་ལ་སོགས་པ་གསུངས་ཏེ། དགོན་སོགས་གནས་ཤིང་ཟབ་མོ་ཡི། །ཆོས་རྣམས་ལ་ནི་ལེགས་པར་དཔྱོད། །རྙེད་དང་བཀུར་སྟི་ཚིགས་བཅད་ལ། ལྷག་པར་ཆགས་མེད་བརྟུལ་ཞུགས་ཅན། །རྟག་ཏུ་སྡུག་བའི་དངོས་པོ་ཀུན།། ་འབྲས་བུ་ལ་ནི་མི་བལྟ་བ་འམ། །འཛིན་མེད་སེམས་ཀྱིས་གཏོང་བྱེད་པས། །གཟུངས་འདི་འཐོབ་པར་འགྱུར་བ་ཡིན། །གང་དུ་གནས་པ་ཞེས་བྱ་བ་དེ། །དགོན་པ་དང། གཡེའི་ཚིག་གིས་བསྟན་ཏེ། ལུས་ཀྱི་འདུ་འཛི་ཡོངས་སུ་སྤངས ་པས་འདུ་པའི་ཉེས་པ་ཡོངས་སུ་སྤང་པའི་ཕྱིར་རོ། །དགོན་པ་ནི་གྲོང་ནས་འདོམ་ལྔ་བརྒྱ་ཕན་ཆད་དོ། །གཡེ་ནི་དེ་བས་ཀྱང་རིང་བའོ། །སོགས་པ་སྨོས་པས་ནི་དབྱེ་བསྡུའོ། །ཇི་ལྟར་གནས་པ་དེ་ནི་ལོག་པར་རྣམ་པར་རྟོག་པའི་ཉེས་པ་དང། འདུ ་འཛི་ཡོངས་སུ་སྤང་པའི་ཕྱིར། རྣམ་པ་གསུམ་གྱིས་བསྟན་ཏེ། དེས་ནི་ལུས་དང་སེམས་དག་གིས་བསྲིངས་ན་ཆོས་གང་བསྐྱེད་མི་ནུས་པ་དེ་འགའ་ཡང་མེད་དོ་སྙམ་དུ་དགོངས་པའོ། །ཆོས་ཟབ་མོ་ལ་སྤྱོད་པ་ནི་ཆོས་ཟབ་མོ་ལ་བཟོད་པའི ་སྟོབས་བསྐྱེད་པ་ཉིད་ཅེས་གསུངས་པ་གང་ཡིན་པ་སྟེ། ཆོས་ཟབ་མོ་དག་ལ་བཟོད་པ་ནི་འདོད་པའོ། །དེའི་སྟོབས་བསྐྱེད་པ་ནི་ཆེན་པོ་ལ་སོགས་པའི་རིམ་པ་བསྐྱེད་པའོ། །དེའི་དངོས་པོ་ནི་ཆོས་ཟབ་མོ་ལ་བཟོད་པའི་སྟོབས་བསྐྱེད ་པ་དེ་ཉིད་དོ། །ཡང་ན་ཆོས་ལ་བཟོད་པ་ཟབ་མོ་ཞེས་བྱ་བར་ཤེས་པར་བྱ་སྟེ། །ཡུལ་ཟབ་པའི་ཕྱིར་དེ་ཡང་ཟབ་པའོ་།རྙེད་པ་དང་བཀུར་སྟི་དང་ཚིགས་སུ་བཅད་པ་དག་ལ་ལྷག་པར་ཆགས་པ་མེད་པ་ནི་རྙེད་པ་དང་བཀུར་སྟི་དང་ཚིགས་སུ་བཅད་པ་དག་ལ་ལྷག ་པར་ཆགས་པ་མེད་ཅེས་གསུངས་པ་གང་ཡིན་པ་སྟེ། ཚིགས་སུ་བཅད་པ་ནི་གྲགས་པའོ། །ལྷག་པར་ཆགས་པ་མེད་པ་ནི་མངོན་པར་ཞེན་པ་མེད་པའོ། །རྟག་ཏུ་སྡུག་པའི་དངོས་པོ་ཐམས་ཅད་ལ་མི་ལྟ་བར་ཡོངས་སུ་གཏོང་པ་ནི་སྡུག་པའི་དངོས་པོ་ཐམས་ཅད་ལ ་མི་ལྟ་བར་ཡོངས་སུ་གཏོང་ཞེས་གསུངས་པ་གང་ཡིན་པ་སྟེ། ཐམས་ཅད་སྨོས་པ་ནི་ཕྱི་ནང་གི་དངོས་པོ་ཡོངས་སུ་བསྡུ་བའི་ཕྱིར་རོ། །མི་ལྟ་བར་གཏོང་པ་ནི་མཐོ་རིས་དང། ལན་དུ་ཕན་འདོགས་པ་ལ་སོགས་པའི་འབྲས་བུ་ལ་མི་ལྟ་བར་ཡོངས་སུ་གཏོང་བའི་ཕྱིར་རོ།། ་འཛིན་པ་མེད་པའི་སེམས་ཀྱིས་ཡོངས་སུ་གཏོད་བས་ན། །སྡུག་པའི་དངོས་པོ་ཐམས་ཅད་ལ་མི་ལྟ་བར་ཡོངས་སུ་གཏོད་བ་ཞེས་བྱ་སྟེ། གཏད་ངམ་མི་གཏད་སྙམ་པ་ལ་སོགས་པའི་ནམ་ནུམ་དང། །ལེ་ལོ་ལ་སོགས་པའི་འཛིན་པ་མེད་པའི་ཕྱིར་རོ། །ཆེར་ན་ལུས་དང ་སྲོག་ཀྱང་ཞེས་བྱ་བ་ནི། བུ་ལ་སོགས་པ་འབའ་ཞིག་དུ་མ་ཟད་ཀྱི་སྙམ་དུ་དགོངས་པའོ། །ལུས་དང་སྲོག་གཏོང་བ་ནི་ནང་གི་ཡིན་པས་དཀའ་བའི་ཕྱིར་དེ་གཉིས་སྨོས་སོ། །བུ་ལ་སོགས་པ་གཏོང་པ་ནི་ཕྱི་རོལ་གྱི་ཡིན་པའི་ཕྱིར་སླའོ། །ལུས་གཏོང་པ་ནི་ལག་པ ་དང་རྐང་པ་ལ་སོགས་པ་གཏོང་པའི་ཕྱིར་རོ། །ལུས་ཐམས་ཅད་གཏོང་ན་སྲོག་གཏོང་པ་ཡིན་ནོ། །དང་པོ་གནས་ཡིན་དེ་ནས་ལས། །དེ་ནས་རྙེད་སོགས་ཆོལ་བ་སྤོང། །དེར་ཡང་མ་ཟད་ཐམས་ཅད་ལ། །མི་ལྟ་བ་ཡང་གཏོང་བར་བྱེད། །བཞི་ཚན་འདིའི་དོན ་གོ་རིམ་བཞིན་དུ་བསྟན་པར་བྱ་སྟེ། །གནས་མེད་པར་བསྒོམ་དུ་མི་རུང་བའི་ཕྱིར། །རེ་ཤིག་ཐོག་མར་དགོན་པ་ལ་སོགས་པ་གནས་གསུངས་སོ། །དེར་གནས་ནས་ཀྱང་ཞིང་ལ་སོགས་པའི་ལས་ནི་མི་བྱའི། ལས་འདི་ལྟ་བུ་བྱའོ་ཞེས་བསྟན་པའི་ཕྱིར། །གནས་ཀྱི་འོག་ཏུ ་ཆོས་ཟབ་མོ་ལ་བཟོད་པའི་སྟོབས་བསྐྱེད་པ་གསུངས་སོ། །གནས་དང་ལས་དེ་དག་གིས་རྙེད་པ་ལ་སོགས་པ་བཙལ་བ་སྤང་བར་བྱའོ། །དེ་ལྟ་མ་ཡིན་ན་དགོན་པར་གནས་པ་དང། ཆོས་ཟབ་མོ་ལ་བཟོད་པའི་སྟོབས་བསྐྱེད་པ་དོན་མེད་པར་འགྱུར་བར་བསྟན ་པའི་ཕྱིར། ལས་ཀྱི་འོག་ཏུ་རྙེད་པ་དང་བཀུར་སྟི་དང་ཚིགས་སུ་བཅད་པ་དག་ལ་ལྷག་པར་ཆགས་པ་མེད་པ་གསུངས་སོ། །ཕྱི་རོལ་གྱི་ཡན་ལག་རྙེད་བ་ལ་སོགས་པ་དག་ལ་ལྷག་པར་ཆགས་པར་མི་བྱ་བར་ཡང་མ་ཟད་ཀྱི། སྡུག་པའི་དངོས་པོ་ཐམས་ཅད་ལ ་ཡང་མི་ལྟ་བར་སྤང་ངོ་ཞེས་བསྟན་པའི་ཕྱིར། དེའི་འོག་ཏུ་སྡུག་པའི་དངོས་པོ་ཐམས་ཅད་ལ་མི་ལྟ་བར་ཡོངས་སུ་གཏོང་པ་ཞེས་གསུངས་སོ། །སྔར་བསྟན་པའི་དོན་ཉིད་ཆོས་ཀྱི་རྗེས་སུ་འབྲང་བའི་ཆེད་དུ་གཏན་ཚིགས་དང་ཕན་ཡོན་གྱི་བྱེ་བྲག་གིས། ཚིགས ་སུ་བཅད་རྣམས་ཀྱིས་ཡང་གསུངས་ཏེ། རྒྱལ་བས་བསྔགས་པའི་ཞེས་བྱ་བ་ནི་གཏན་ཚིགས་བསྟན་པའོ། །དགོན་པར་གནས་པར་གྱིས་ཞེས་བྱ་བ་ནི་དམ་བཅའ་བའོ། །བཅོམ་ལྡན་འདས་ནི་ཉེས་པ་དང་བདུད་ཀྱི་དགྲ་ཐམས་ཅད་ལས་རྒྱལ་བས་ན་རྒྱལ ་བའོ།། དེས་བསྔགས་པ་ནི་འདུ་འཛི་ལ་སོགས་པའི་ཉེས་པ་ཡོངས་སུ་སྤོང་བའི་ཕྱིར་དང། ཡོན་ཏན་སྐྱེ་བའི་རྒྱུའི་ཕྱིར་རོ། །བསྒྲུབ་པར་བྱ་བ་དང། །སྒྲུབ་པའི་དབང་གིས་དཔེ་བརྟག་པ་བྱའོ། །བདག་ནི་དགོན་པ་ན་གནས་པའོ། སྙམ་པ་ལ་སོགས་པས་མངོན ་པའི་ང་རྒྱལ་བྱེད་པས། དེ་ན་གནས་པས་གཞན་ལ་བརྙས་མི་བྱ། དེ་ལྟ་ན་དགོན་པ་དེ་རྒྱལ་བས་བསྔགས་པ་ཡིན་གྱི། དེ་ལྟ་མ་ཡིན་ན་ནི་དེ་རྒྱལ་བས་སྨད་པ་ཁོ་ན་ཡིན་ནོ། །འདི་ལྟར་རྒྱལ་བས་བསྔགས་པའི་དགོན་པར་གནས་པར་གྱིས་ཞེས་བྱ་བ ་ནི་གཏན་ཚིགས་སོ། །དེ་ན་གནས་པས་གཏན་ལ་བརྙས་མི་བྱ་བ་ནི་དམ་བཅའ་ཨོ། །ཟབ་མོའི་འཚོས་ཞེས་བྱ་བ་ནི་རྒྱལ་བས་བསྔགས་པ་ཞེས་བྱ་བར་སྦྱར་ཏེ། རྒྱལ་བས་བསྔགས་བ་ཉིད་ནི་ཇི་སྐད་དུ་བསྟན་པའི་ཆོས་ཟབ་མོ་ལ་བཟོད ་པའི་ཕྱིར་རོ། །དེ་ལྟ་མ་ཡིན་ན་ནི་ལོག་པར་ལྟ་བ་ཁོ་ནར་འགྱུར་རོ། །དེ་ལྟར་ན་ཆོས་ཟབ་མོ་ལ་བཟོད་པ་ལ་འདུན་པ་བསྐྱེད་པ་ནི་དམ་བཅའ་བའོ། །བདེ་བར་གཤེགས་པས་བསྔགས་པ་ནི་གཏན་ཚིགས་སོ། །ཟབ་མོ་ལ་བཟོད་པ་དེ་ལ་འདུན་པ་བསྐྱེད་ནས ་ཅི་ཞིག་བྱ་ཞེ་ན། བག་ཡོད་མགོ་ལ་འབར་བཞིན་གནས་པར་གྱིས་ཞེས་གསུངས་པ་སྟེ། མགོ་ལ་འབར་བ་བཞིན་ཞེས་སྨོས་པ་ནི་འབད་པ་དང་ལྡན་པ་ཉེ་བར་མཚོན་པའི་ཕྱིར་ཏེ། དཔེར་ན་མགོ་ལ་མེ་འབར་ན་འབད་པོ་ཆེན་པོས་མགོ་ལས་མེ་སེལ ་བ་དེ་བཞིན་དུ་འབད་པ་དང་ལྡན་པར་བྱའོ་ཞེས་བྱ་བའི་ཐ་ཚིག་གོ་།བག་ཡོད་ཅེས་བྱ་བ་འདིས་ནི་འདི་སྟོན་པར་བྱེད་དོ། །ཆགས་པ་དང། ཞེ་སྡང་དང། གཏི་མུག་དང། ལེ་ལོ་རྣམས་སྤངས་ཏེ། མ་ཆགས་པ་དང། ཞེ་སྡང་མེད་པ་དང། གཏི་མུག ་མེད་པ་དང། བརྩོན་འགྲུས་དང་ལྡན་པར་གནས་པར་གྱིས་ཤིག་ཅེས་བྱ་བའི་ཐ་ཚིག་སྟེ། ཆོས་བཞི་པོ་འདི་དག་ལ་བག་ཡོད་པ་ཞེས་མིང་དུ་འདོགས་པའི་ཕྱིར་རོ། །འདི་ལྟར་ཚུལ་འཆོས་བྱེད་ཀྱི་གཞི་ཡིན་པ་ཞེས་བྱ་བ་ནི་གཏན་ཚིགས་སོ། །ཤེས་ཁ་རྙེད ་པ་རྣམས་ལ་གནས་མ་བྱེད་ཅེས་བྱ་བ་ནི་དམ་བཅའ་བ་སྟེ། རྙེད་པ་སྨོས་པས་ནི་རྫས་དང་བཀུར་སྟི་དང། ཚིགས་སུ་བཅད་པ་དང། འཚོ་བ་ལོག་པ་ལ་སོགས་པའི་རྙེད་པ་བསྡུའོ། །ཚུལ་འཆོས་པ་སྨོས་པ་ནི་ཉེ་བར་མཚོན་པའི་དོན་ཏེ། །བ?་བསགས་ལ་སོགས ་པ་ཡང་བསྡུའོ། །གནས་པ་ནི་ལྷག་པར་ཆགས་པའོ། །འོ་ན་ཇི་ལྟར་འཚོ་བར་བྱ་ཞེ་ན། ངན་དོན་དག་གིས་ཆོ་ག་བྱ་སྟེ་བྱ་བ་གསུངས་ཏེ། རྩ་དང། ལོ་མ་དང། ཆུ་ལ་སོགས་པ་ཅི་ཡང་རུང་ཅི་རྙེད་པས་ཆོག་པར་བྱའོ་ཞེས་བྱ་བའི་ཐ་ཚིག་གོ་།དེ་ལྟ་བུས ་ཇི་ལྟར་འཚོ་བར་ནུས་ཞེ་ན། བྱ་དང་འདྲ་བར་ཞེས་གསུངས་སོ། །དེ་ལྟ་བུའི་བརྟུལ་ཞུགས་དྲག་པོས་ཡོན་ཏན་ཅི་ཞིག་འཐོབ་པར་འགྱུར་ཞེ་ན། མིར་གྱུར་པའི་འབྲས་བུ་ཡོད་པར་བྱོས་ཞེས་གསུངས་པ་སྟེ། དེས་ནི་ཕན་ཡོན་བསྟན་ཏོ། །ཕན་པ་རྙད་པ་དང། གནོད ་པ་སྤངས་པས། མིར་གྱུར་པའི་འབྲས་བུ་ཡོད་པར་བྱ་བའི་ཕྱིར། ཀྱེ་མ་སངས་རྒྱས་བསྟན་པ་ལེགས་པར་རྙེད་ཅེས་གསུངས་ཏེ། དེས་ནི་ཕན་པ་རྙེད་པར་བསྟན་ཏོ། །སྡུག་བསྔལ་མང་པོའི་རྩ་བ་ཁྱིམ་ཡང་སྤངས་ཞེས་བྱ་བ་འདིས་ནི་གནོད་པ་སྤང་བར་བསྟན་ཏོ། ་ཀྱེ་མ་ཞེས་བྱ་བ་འདི་ཡ་མཚན་ལ་བྱ་སྟེ། ལེགས་པར་རྙེད་ཅེས་བྱ་བ་དེ་དང་སྦྱར་བར་བྱ་སྟེ། འཁོར་བ་ན་འདྲིས་པ་མ་ཡིན་པའི་ཆོས་ཡིད་བཞིན་གྱི་ནོར་བུ་དང་འབྲ་བ་རྙེད་པ་ནི་ཤིན་ཏུ་རྙེད་པར་དཀའ་བའི་ཕྱིར། ཀྱེ་མ་ལེགས་པར་རྙེད་དོ་ཞེས་གསུངས་སོ། །ཐོག་མ ་མེད་པའི་འཁོར་བ་ནས་བསྐྱེད་པའི་ཆགས་པ་སྤང་པར་དཀའ་བའི་ཕྱིར་ཡང། ཀྱེ་མ་སྤངས་སོ་གསུངས་སོ་།སངས་རྒྱས་ཀྱི་བསྟན་པ་འདི་རབ་ཏུ་འབྱུང་བའོ། །ལེགས་པར་རྙེད་པ་ནི་མཛེད་པར་རྙེད་པ་སྟེ། ཡོན་ཏན་ཕུན་སུམ་ཚོགས་པ་ཐམས་ཅད་ཀྱི་རྒྱུ་ཡིན་པའི ་ཕྱིར་དང། མངོན་པར་མཐོ་བ་དང། ངེས་པར་ལེགས་པ་འདྲེན་པའི་ཕྱིར་དང། འཁོར་བ་ན་འདྲིས་པ་མ་ཡིན་པའི་ཕྱིར་རོ། །ཡང་ན་ཕྱིར་མི་ལྡོག་པ་རྙེད་པ་ནི་ལེགས་པར་རྙེད་པ་སྟེ། ཚེ་རབས་གཞན་དུ་ཡང་ཕྱིར་མི་བཟློག་པའི་ཕྱིར་ཏེ། མྱ་ངན་ལས་འདས་པ ་ལ་གཞོལ་བའི་ཕྱིར་རོ། །ཡང་ན་ཤིན་ཏུ་ཡོངས་སུ་རྫོགས་པར་རྙེད་པས་ན་ལེགས་པར་རྙེད་པ་སྟེ། འདོད་པ་ལ་ཀུན་ཏུ་རྟོག་པ་ལ་སོགས་པས་ཉམས་པར་མ་བྱས་པའི་ཕྱིར་རོ། །སྡུག་བསྔལ་མང་པོའི་རྩ་བ་ནི། བསྒྲུབ་པ་དང། བསྲུང་པ་དང། སྡུག་པ་དང། ་བྲལ་བ་དང། མི་སྡུག་པ་དང་ཕྲད་པ་ལ་སོགས་པའི་སྡུག་བསྔལ་གྱི་རྩ་བ་ཡིན་པའི་ཕྱིར་རོ། །སངས་རྒྱས་ཀྱི་བསྟན་པ་ལེགས་བར་རྙེད་པའི་རྒྱུ་ནི་ཁྱིམ་སྤངས་པའོ། །ཁྱིམ་པའི་ཚིག་ནི་དགོན་པ་ན་གནས་པ་ཉེ་བར་མཚོན་པའི་དོན་ཏེ། གཙུག་ལག་ཁང་ལ་སོགས ་པ་ན་ཡང་ཁྱིམ་གྱིས་ཉེས་པ་སྲིད་པའི་ཕྱིར་རོ། །ཁྱིམ་སྤོང་བའི་རྒྱུ་ནི་སྡུག་བསྔལ་མང་པོའི་རྩ་བ་ཉིད་དོ། །གང་གི་ཕྱིར་སངས་རྒྱས་ཀྱི་བསྟན་པ་ལེགས་པར་རྙེད་པ་དང། སྡུག་བསྔལ་མང་པོའི་རྩ་བ་ཁྱིམ་སྤངས་པ་དེའི་ཕྱིར། ལུས་དང་ངག ་དང་ཡིད་ཀྱང་ཡོངས་དག་པས། ཁྱེད་སངས་རྒྱས་དང་ནི་ཆོས་ལ་གུས་པར་གྱིས། ངག་དག་པ་ནི་དག་གི་ལས་དགེ་བ་རྣམ་པ་བཞིའོ། །ལུས་ངག་པ་ནི་ལུས་ཀྱི་ལས་དག་པ་རྣམ་པ་གསུམ་མོ། །ཡིད་དག་པ་ནི་བརྣབ་སེམས་མེད་པ་ལ་སོགས་པ་ཡིད་ཀྱི་ལས་རྣམ་པ ་གསུམ་པོ་ཉིད་དོ། །འདིས་ནི་དགེ་བ་བཅུའི་ལས་ཀྱི་ལམ་དག་ལ་གནས་པ་བསྟན་ཏོ། །སངས་རྒྱས་ལ་གུས་པར་བྱ་བ་ནི་ལམ་བཟང་པོ་སྟོན་པས་མཆོག་ཏུ་ཕན་འདོགས་པའི་ཕྱིར་རོ། །ཆོས་ལ་གུས་པར་ཕྱ་བ་ནི་མྱ་ངན་ལས་འདས་པ་ལ་སོགས་པའི་ཡོན ་ཏན་ཕུན་སུམ་ཚོགས་པ་འཐོར་བར་བྱེད་པའི་ཕྱིར་རོ། །ཡང་ན་སངས་རྒྱས་དང་ཆོས་ལ་གུས་པར་བྱ་བ་ནི། ནན་ཏན་གྱིས་བསྒྲུབ་པའི་ཕྱིར་ཏེ། སངས་རྒྱས་བླ་མར་གྱིས་ཤིག་།ཆོས་བླ་མར་གྱིས་ཤིག་ཅེས་བྱ་བ་ལ་སོགས་པ་གསུངས་པ་ལྟ་བུའོ། །དེ་ལྟར ་ཕན་པ་རྙེད་པ་ལ་སོགས་པས་མིར་གྱུར་པ་འབྲས་བུ་ཡོད་པར་བྱེད་པས། །རྙེད་པའི་ཉེས་དམིགས་བསྟན་པས་རྫས་ལ་སོགས་པའི་རྙེད་པ་གཞན་སྤང་བར་བྱའོ་ཞེས་བརྗོད་པའི་ཕྱིར། རྙེད་འདོད་ཅེས་བྱ་བ་ལ་སོགས་པ་གསུངས་སྟེ་རྙེད་པ་འདོད་པ་ནི་དྲན་པ་ལ་སོགས ་པ་མེད་པར་འགྱུར་བ་རེ་རེའི་རྒྱུ་ཡིན་པར་ཁོང་དུ་ཆུང་བར་བྱ་སྟེ། འདི་ལྟར་རྙེད་པ་འདོད་པས་སེམས་གཡེངས་ནས་ཕན་ཚུན་འགྲོ་བ་ལ་ནི་དྲན་པ་ལ་སོགས་པ་མེད་པར་འགྱུར་ཞིང་བྱང་ཆུབ་ཀྱང་རིང་བར་འགྱུར་རོ། །དྲན་པ་ལ་སོགས་པ་མེད་པ་ཡང་རེ་རེ་ནས་རྙེད་པ ་ཡོངས་སུ་སྤང་བའི་རྒྱུ་ཡིན་ནོ། །ཡང་ན་རྙེད་པ་འདོད་པ་ནི་དྲན་པ་མེད་པ་ཁོ་ནའི་རྒྱུའོ། །དེ་ཡང་ཤེས་རབ་མེད་པའི་རྒྱུ་ཡིན་ཏེ། དེ་བཞིན་དུ་སྔ་མ་སྔ་མ་མེད་པ་ནི་ཕྱི་མ་ཕྱི་མ་མེད་པའི་རྒྱུ་ཡིན་པར་ཁོང་དུ་ཆུད་པར་བྱ་སྟེ། བྱང་ཆུབ་རིང་བར་འགྱུར་བ་རྙེད་པ་ཡོངས་སུ་སྤང ་བའི་རྒྱུ་ཡིན་པའི་བར་དུའོ། །ཡང་ན་རྣམ་པ་གཞན་ཡང་རྙེད་པ་འདོད་པ་ནི་དྲན་པ་མེད་པའི་རྒྱུའོ། །དེ་གཉིས་ཀྱང་ཤེས་རབ་མེད་པའི་རྒྱུ་སྟེ། །དེ་བཞིན་དུ་གོང་ནས་གོང་དུ་ལྔའི་བར་གྱིས། བསྐྱེད་པ་ནི་བྱང་ཆུབ་ལས་རིང་བའི་རྒྱུ་ཡིན་ནོ། །ཉེས་དམིགས་རབ་འབྱམ་འདི་ཐམས ་ཅད་ཀྱི་རྩ་བ་ནི་རྙེད་པ་འདོད་པ་ཡིན་པས། དེ་ལྟས་རྙེད་པ་ཡོངས་སུ་སྤང་བར་བྱ་ཞེས་གསུངས་སོ། །ད་ནི་གང་བསྒོམ་པ་དང། གང་བྱ་བ་ཞེས་བསྟན་པ་གང་ཡིན་པ་དེ་བཤད་པར་བྱ་སྟེ། དོན་གཅིག་རྟོགས་ནས་ཀུན་ཤེས་ན། །བརྒྱད་ཅེས་བྱ་བས་ཅི་ཞིག་བྱ། །ཡི་གེས ་སོ་སོའི་དོན་ཤེས་ན། །འདི་ཡང་ཧ་ཅང་ཉུངས་པ་ཡིན། །རྣལ་འབྱོར་པས་ཞེས་བྱ་བ་འམ། །གཞན་ཡང་རུང་སྟེ། ཡི་གེ་ཅིག་གི་དོན་ཁོང་དུ་ཆུད་པས་ཐམས་ཅད་རྟོགས་ན་ཅིའི་ཕྱིར་ཡི་གེ་འབྲུ་བརྒྱད་ཅེས་བསྟན། འོན་ཏེ་ཡི་གེ་སོ་སོའི་དོན་ཤེས་པར་བསྒྲུབ་པ ་ཡིན་ན་ནི། དེ་ལྟར་ན་འཇིག་རྟེན་ན་ཨ་ཞེས་བྱ་བ་ལ་སོགས་པ་ཡི་གེ་ཆེས་མང་པོ་ཞིག་ཡོད་པས། ཡི་གེ་འབྲུ་བརྒྱད་ཅེས་བྱ་བ་འདི་ཡང་ཧ་ཅང་ཉུངས་སོ་ཞེ་ན། ཉེས་པ་མེད་པ་དེ་འདི་ལྟར་བསྟན་བྱ་སྟོན་པ་ཉན་པ་ཡི། །ངོ་བོ་དེ་ཉིད་རྣམ་གསུམ་བསྟན། བསྟན་པར་བྱ་བ ་ནི་ཆོས་ཐམས་ཅད་དོ། །སྟོན་པ་པོ་ནི་ལོངས་སྤྱོད་རྫོགས་པ་དང་སྤྲུལ་པའི་སྐུའོ། །ཉན་པ་ནི་གདུལ་བྱའི་སྐྱེ་བོ་སྟེ། དེ་ཡང་བྱིས་པ་དང། མཁས་པའི་བྱེ་བྲག་གིས་རྣམ་པ་གཉིས་སོ། །དེ་དག་གི་ངོ་བོའི་དེ་ཁོ་ན་ནི། ཕྱིན་ཅི་མ་ལོག་པའི་ངོ་བོ་ཉིད་དོ། །དེ་ཡང་རྒྱུ་ལས་རྣམ ་པ་གསུམ་དུ་བསྟན་ཏེ། རྒྱུ་དེ་ཡང་གང་ཞེ་ན། རྣམ་པར་རྟོག་པ་རྣམ་པ་གསུམ་སྤོང་བ་སྟེ། རྣམ་པར་རྟོག་པ་རྣམ་གསུམ་ནི་བསྟན་པར་བྱ་བ་དང། སྟོན་པ་པོ་དང། ཉན་པ་པོར་རྣམ་པར་རྟོག་པ་སྟེ། དེ་མ་སྤངས་ན་སངས་རྒྱས་རྗེས་སུ་དྲན་པ་རྟོགས་པ་མེད་པའི་ཕྱིར་རོ།། ་བརྟན་བྱ་གང་ཡིན་ཏེ། རྣམ་གཉིས་འཇིག་རྟེན་འདི་ན་འདྲིས་པ་དང། མ་འདྲིས་པ་ཐ་དད་པའི་ཕྱིར་རོ། །ཅིའི་ཕྱིར་བསྟན་པར་བྱ་བ་དེ་རྣམ་པ་གཉིས་སུ་མཛད་ཅེ་ན། རྒྱུ་ལས་མཛད་དེ། རྒྱུ་དེ་ཡང་གང་ཞེ་ན། མངོན་པར་འདུ་བྱ་བ་ཆེན་པོས་བསྒྲུབ་པའི་ཆོས ་གཟུངས་ལ་སོགས་པ་རྣམས་ཀྱང་ངོ་བོ་ཉིད་མེད་པ་ཡིན་ན། སྐྱེ་བ་ལ་སོགས་པ་གཞན་ལྟ་ཅི་སྨོས་ཞེས་བསྟན་པའི་ཕྱིར། བསྟན་པར་བྱ་བ་ཉིད་དབྱེ་བར་མཛད་དེ་ཁྱབ་པའི་ཕྱིར་རོ། །འཇིག་རྟེན་ན་འདྲིས་པའི་བསྟན་པར་བྱ་བ་ཡང། མཚན ་ཉིད་དང་མཚན་གཞིའི་བྱེ་བྲག་གིས་རྣམ་པ་གཉིས་ཏེ་རྒྱུ་ལས་སོ། །རྒྱུ་དེ་ཡང་གང་ཞེ་ན། གང་ལ་མཚན་ཉིད་ཡོད་པ་དང་རྒྱུས་བསྐྱེད་པའི་ངོ་བོ་དེ་ཇི་ལྟར་མེད་སྙམ་དུ་རྟོག་པ་སྤང་བའི་ཕྱིར་རོ། །རྣམ་པར་སྨིན་པ་སྨོས་པས་ནི་བདག་པོའི་འབྲས་བུ་ཡང་མཚོན་ཏེ། ་དེ་ཡང་སྨིན་པའི་ངོ་བོ་ཡིན་པའི་ཕྱིར་རོ། །འཇིག་རྟེན་ན་མ་འདྲིས་པའི་བརྟན་པར་བྱ་བ་ཡང། ལམ་དང་ལམ་མ་ཡིན་པའི་བྱེ་བྲག་གིས་རྣམ་པ་གཉིས་ཏེ། རྒྱུ་ལས་མཛད་དོ། །རྒྱུ་དེ་ཡང་གང་ཞེ་ན། ཆོས་དེ་གཉི་ག་ཡང་རྣམ་པར་རྟོག་པ་སྤོང་བར་འགྱུར་ཏེ། དེ་དག ་ཇི་ལྟར་མེད་སྙམ་དུ་རྣམ་པར་རྟོག་པ་དེ་སྤང་བའི་ཕྱིར་རོ། །ཡང་ཐམས་ཅད་རྣམ་པ་གཅིག་དུ་མཛད་དེ་རྒྱུ་ལས་སོ། །རྒྱུ་དེ་ཡང་གང་ཞེ་ན། བསྟན་པར་བྱ་བ་ལ་སོགས་པར་རྣམ་པར་རྟོག་པ་སྤོང་བ་སྟེ། དེ་ནི་མདོར་བསྡུས་པ་ལ་དགའ་བའི་སེམས་ཅན་ལ་ཕན་འདོགས ་པའི་ཕྱིར་བསྟན་ཏོ། །ཡང་ན་ཡི་གེ་འབྲུ་བརྒྱད་འདི་དག་ནི། བྱང་ཆུབ་སེམས་དཔའ་མཁས་ལྡན་པ། །བརྒྱད་པོ་དག་གི་ཏིང་འཛིན་རྣམས། །སྨོས་པ་ཡིན་པར་ཐུབ་པས་གསུངས། །དེ་ཡི་དོན་ནི་བསྒོམ་པ་ལ། །དེ་ཀུན་མངོན་དུ་ཕྱོགས་པར་གནས། ། ་གཟུངས་ནི་ཐོབ་པར་བྱ་བའི་ཕྱིར། །ཀུན་ཏུ་བརྩོན་པར་རབ་ཏུ་བྱེད། །ཡི་གེ་འབྲུ་བརྒྱད་པོ་འདི་དག་ནི་རྣམ་པར་སྣང་བྱེད་ལ་སོགས་པ་འོག་ནས་འབྱུང་བ་བྱང་ཆུབ་སེམས་དཔའ་བརྒྱད་པོ་དག་གིས་ཏིང་ངེ་འཛིན་གང་དག་ཡིན་པའི་ཏིང་ངེ་འཛིན་དེ་དག་སྨོས ་པར་བྱེད་པ་ཡིན་པར་གོ་རིམ་བཞིན་དུ་བཅོམ་ལྡན་འདས་ཀྱིས་གསུངས་ཏེ། ཡི་གེ་དེ་དག་ཏིང་ངེ་འཛིན་གྱི་དོན་བསྒོམས་པ་ལ། བྱང་ཆུབ་སེམས་དཔའ་དེ་དག་ཐམས་ཅད་མངོན་དུ་ཕྱོགས་པར་འགྱུར་རོ། །དེ་ནས་མངོན་དུ་ཕྱོགས་པར་གྱུར་ནས ་སྒོམ་པ་དེ་གཟུངས་ཐོབ་པར་བྱ་བའི་ཕྱིར་བརྩོན་པར་བྱེད་དེ། འདི་ལྟར་འོག་ནས་བྱང་ཆུབ་སེམས་དཔའ་ཆེན་པོ་བརྒྱད་པོ་དེ་དག་དེས་གཟུངས་ཐོབ་པར་བྱ་བའི་ཕྱིར་མངོན་པར་བརྩོན་པར་འགྱུར་རོ་ཞེས་འབྱུང་སྟེ། དེ་ལྟ་བས་ན་ཡི་གེ་འབྲུ་བརྒྱད་པོ་འདི་དག་གསུངས ་ཏེ། ཉུང་ངུ་ཡང་མ་གསུངས་ལ། དགོས་པ་མེད་པའི་ཕྱིར་ལྷག་པར་ཡང་མ་གསུངས་སོ། །བྱང་ཆུབ་སེམས་དཔའ་རྣམས་དང་ནི། །སངས་རྒྱས་རྣམས་དང་གནོད་སྦྱིན་རྣམས་སོ། །རིམ་བཞིན་དགོད་པའི་དཀྱིལ་འཁོར་འདི། །རྨི་ལམ་དུ་ནི་བརྟེན་པ་ཡིན། ། ་པདྨའི་རྒྱལ་པོ་དཀར་པོ་ཞིག་།འདབ་མ་བརྒྱད་པ་ཡིད་དུ་འོད། །དེ་དབུས་ཐུབ་པ་མཚུངས་མེད་པ་བུམ་པ་དང་ནི་བཅས་པར་གཞག་།འདབ་བརྒྱད་དག་ལ་ཐུབ་པའི་སྲས། །རྣམ་པར་སྣང་བྱེད་སོགས་བརྒྱད་ཀུན། །ཐུབ་པ་དང་ནི་རང་རང་གི་།ཡི་གེའི་ས་བོན་ལྡན ་པར་དགོད། །འདབ་མ་རྣམས་ཀྱི་བར་དག་ཏུ། །གནོད་སྦྱིན་བརྒྱད་བཞག་ཆོ་ག་གཅིག་།ཆོ་ག་གཞན་ཡང་དེ་བཞིན་དུ། །ཚོན་ཕྱེ་སྣ་ལྔས་གྲུ་བཞིར་བྲི། །མཁས་པས་དེའི་དབུས་ཐུབ་པ་ནི། །པདྨ་དཀར་པོ་འདབ་བརྒྱད་ལ། །བུམ་པ་ཆུས་བཀང་ལྡན་པར ་གཞག་།དེ་བཞིན་ཐུབ་སྲས་དེ་དག་ཀྱང། །པདྨའི་གདན་བཅས་ཆུ་བུམ་བཅས། །ཕྱོགས་བཞི་དག་ཏུ་གཉིས་གཉིས་དགོད། །ཕྱོགས་ཀུན་བྱང་ཆུབ་སེམས་དཔའ་ཡི། །བར་དུ་སྦྱིན་དེ་དེ་དག་དགོད། །སློབ་མ་གཙང་མ་ཡོན་ཏན་ཅན། །གཟུངས་བསྒོམ་རྣལ ་འབྱོར་གྲུབ་འདོད་པ། །དཀར་པོའི་སྟན་ལ་འདུག་པ་ལ། །བུམ་པ་དེ་དག་གིས་དབང་བསྐུར། །དེ་ལྟར་རྨི་ལམ་བསྟན་པ་ཡི། །ཆོ་ག་བདག་གིས་གསལ་བརྗོད་པ། །བདག་ཉིད་ལེགས་དྲན་བྱ་ཕྱིར་གྱིས། །མངོན་པའི་ང་རྒྱལ་ཅུང་ཟད་མེད། །དེ་ལྟར་སྦྱིར་ཡི་གེ་འབྲུ ་བརྒྱད་པོ་རྣམས་ཀྱི་རང་བཞིན་བསྡུ་བ་བྱས་ནས། ད་ནི་སོ་སོའི་དོན་དེ་ལ་འཇུག་པ་བཤད་པར་བྱ་སྟེ། དོན་དམ་པར་སྟོང་པ་དང་སྟོང་པ་མ་ཡིན་པའི་ཆོས་ཐམས་ཅད་ཇི་ལྟར་ངོ་བོ་ཉིད་མེད་པ་དེ་ལྟར་ནི་དང་པོས་བསྟན་ཏོ། །སོགས་པ་སྨོས་པས་ནི་སྐྱེ་བ་དང་སྐྱེ་བ་མེད ་པ་ལ་སོགས་པ་བསྡུའོ། །དེ་རྣམ་པར་ཤེས་པ་ནི་གང་གིས་ཆོས་དེ་དག་བདག་མེད་པ་ལ་འཇུག་པར་འགྱུར་བའོ། །དེ་ཁོང་དུ་ཆུད་པ་ནི་མངོན་སུམ་དུ་བྱ་བའོ། །དེ་ལྟ་བས་ན་དམ་པའི་དོན་དུ་སྟོང་པ་དང། སྟོང་མིན་ལ་སོགས་ཆོས་རྣམས ་ཀུན། ངོ་བོ་ཉིད་མེད་རྣམ་ཤེས་པ། །ཁོང་དུ་ཆུད་ཕྱིར་དང་པོར་བཞེད། །བ་ཞེས་བྱ་བའི་དོན་ཁོང་དུ་ཆུད་པ་སྟེ། དེ་ནི་ཐོག་མར་གསུངས་པའི་ཕྱིར་དང་པོའོ། །དེ་བསྟན་པ་འདི་ལྟ་སྟེ་ཞེས་བྱ་བ་ལ་སོགས་པ་སྟེ། འདི་ལྟ་སྟེ་ཞེས་བྱ་བའི་སྒྲ་ནི་ངོ་བསྟན་པའི་དོན ་ཏོ། །པ་ཞེས་བྱ་བའི་དོན་ཁོང་དུ་ཆུད་པ་ཞེས་བྱ་བ་ནི་ཁོང་དུ་ཆུད་པས་ཞེས་བྱ་བར་རྣམ་པར་དབྱེ་བ་བསྒྱུར་བར་བྱ་སྟེ། གང་གིས་ཞེ་ན། བཀའ་སྩལ་པ། དོན་དམ་པར་སྟོང་པ་དང་སྟོང་པ་མ་ཡིན་པ་ལ་སོགས་པ་ཆོས་ཐམས་ཅད་ནི་བདག་མེད་པའོ། ། ་དེ་ལ་འཇུག་པ་ནི་རྟོགས་པ་སྟེ། འདིས་འཇུག་པའི་ཕྱིར་རོ། །དེ་ཁོང་དུ་ཆུད་པ་ནི་ཆོས་ཐམས་ཅད་བདག་མེད་པ་ལ་འཇུག་པ་ཁོང་དུ་ཆུད་པ་དེས་སོ། །ལོངས་སྤྱོད་རྫོགས་པའི་སྐུ་དང་ནི། །སྤྲུལ་པའི་སྐུ་གཉིས་ལས་སྐུར་བསྟན། །དེ་གཉིས་འཇིག ་རྟེན་དོན་འབྱོར་བ། །མ་ལུས་པར་ནི་མཛད་ཕྱིར་རོ། །ལོངས་སྤྱོད་རྫོགས་པ་དང་སྤྲུལ་པའི་སྐུ་དེ་གཉིས་འཇིག་རྟེན་གྱི་དོན་ཕུན་སུམ་ཚོགས་པ་མ་ལུས་པ་མཛད་པའི་ཕྱིར། །བཅོམ་ལྡན་འདས་ཀྱིས་ལས་ཀྱི་སྐུར་གསུངས་ཏེ། ལས་ལ་དང། ་ལས་ཀྱི་ཕྱིར་དང། ལས་ཀྱི་སྐུ་ཡིན་པའི་ཕྱིར་རོ། །ཀུན་རྫོབ?་དུ་དང་དོན་དམ་པར། །མཚན་དང་མཚན་མེད་སོགས་པའི་རྒྱུས། །སྐུ་གཉིས་རྣམ་པར་ཤེས་པ་ནི། །ཁོང་དུ་ཆུད་ཕྱིར་གཞན་དུ་བཞེས། །ལ་ཞེས་བྱ་བ་ནི་ཁོང་དུ་ཆུད་པ་ཞེས་བྱ་བའི ་ཐ་ཚིག་གོ་།འཕྲིན་ལས་ཀྱི་སྐུ་ལོངས་སྤྱོད་རྫོགས་པ་དང་སྤྲུལ་པ་དང་གཉིས་ཀྱི་རང་བཞིན་དེ་ཡང། ཀུན་རྫོབ་ཏུ་ནི་མཚན་དང་ལྡན་ནོ། །དོན་དམ་པར་ནི་མཚན་མེད་དོ། །སོགས་པ་སྨོས་པས་ནི། མདོ་ལས་དཔེ་བྱད་བཟང་པོ་དང་དཔེ་བྱད ་བཟང་པོ་མེད་པར་ཞེས་སྨོས་པ་བསྡུ་སྟེ། དེ་ཡང་ཉེ་བར་མཚོན་པའི་དོན་ཡིན་པའི་ཕྱིར། སྟོང་པ་མ་ཡིན་པ་དང། སྟོང་པ་ལ་སོགས་པ་ཡང་བསྡུའོ། །དེ་བསྟན་པ་ལ་ཞེས་བྱ་བའི་དོན་ཁོང་དུ་ཆུད་པ་ཞེས་བྱ་བ་དང་སྦྱར་ཏེ། ཇི་ལྟར་དེ་བཞིན་གཤེགས ་པའི་ལས་ཀྱི་སྐུ་ལ་འཇུག་པ་ཁོང་དུ་ཆུད་པ་ཞེས་བྱ་བ་གསུངས་པའོ། །རྣམ་པ་ཇི་ལྟ་བུར་ཁོང་དུ་ཆུད་ཅེ་ན། མཚན་དང་དཔེ་བྱད་བཟང་པོ་དང། མཚན་དང་དཔེ་བྱད་བཟང་པོ་མེད་པར་ཞེས་གསུངས་པའོ། །ཁ་ཅིག་ལས་ནི་དེ་བཞིན་གཤེགས་པའི་ཆོས་ཀྱི་སྐུ་ལ ་འཇུག་པ་ཁོང་དུ་ཆུད་པ་ཞེས་ཀྱང་འབྱུང་སྟེ། དེའི་ཚེ་ན་དོན་ཡིན་ཏེ། མཚན་དང་དཔེ་བྱད་བཟང་པོ་གང་ཡིན་པ་དེ་ཆོས་ཀྱི་སྐུ་འདི་ལ་མཚན་དང་དཔེ་བྱད་བཟང་པོ་མེད་དེ། དེས་ན་མཚན་དང་དཔེ་བྱད་བཟང་པོ་དང། མཚན་དང་དཔེ་བྱད་བཟང་པོ་མེད་པར་ཞེས ་བྱ་བ་ནི། ཆོས་ཀྱི་སྐུ་འདི་ལ་ཆོས་ཐམས་ཅད་ཅི་ཡང་མེད་པའི་དོན་ཏོ། །མཚན་ལ་སོགས་སྨོས་པ་ནི། མཚོན་པའི་ཕྱིར་རམ། ཆོས་ཀྱི་སྐུ་ལ་འཇུག་པ་ཁོང་དུ་ཆུད་པའི་སྒོ་བསྟན་པའི་ཕྱིར་ཏེ། དེ་བཞིན་གཤེགས་པ་སྨོས་པ་ཡང་དེ་དང་འདྲ་བར་བཤད ་པར་བྱའོ། །ཆོས་ཀྱི་སྐུ་ལ་ནི་འདི་ནི་དེ་བཞིན་གཤེགས་པའི་ཆོས་ཀྱི་སྐུའོ། །འདི་ནི་དེ་བཞིན་གཤེགས་པའི་ཆོས་ཀྱི་སྐུ་མ་ཡིན་ནོ་ཞེས་དབྱེར་མེད་དེ། །དབྱེར་ཡོད་དུ་ཟིན་ན་ཆོས་ཀྱི་སྐུ་ཉིད་ཉམས་པའི་ཕྱིར་རོ། །ཡང་ན་དོན་ཁོང་དུ་ཆུད་པ་ཞེས་བྱ་བ ་འདི་སངས་རྒྱས་རྗེས་སུ་དྲན་པའི་ངོ་བོ་ཡིན་པའི་ཕྱིར་གཉིས་གསུངས་སོ། །བྱིས་པ་དང་ནི་མཁས་པའི་ཆོས། །དྲི་མ་ཅན་དང་དྲི་མ་མེད། མི་གཏོང་མིན་སོགས་གཏོང་མིན་སོགས་ཇི་བཞིན་གཉིས་ནི་བསྟན་པ་ཡིན། །གང་དག་ལ་དྲི་མ་ཅན་གྱི་རང་བཞིན ་ཡོད་པ་དེ་དག་ནི་བྱིས་པའི་ཆོས་རྣམས་སོ། །གང་དག་ལ་དྲི་མ་མེད་པའི་རང་བཞིན་ཡོད་པ་དེ་དག་ནི། མཁས་པའི་ཆོས་རྣམས་ཏེ། ཟག་པ་དང་བཅས་པ་དང། ཟག་པ་མེད་པ་ཞེས་བྱ་བའི་ཐ་ཚིག་གོ་།དེ་དག་མི་སྟོང་པ་མ་ཡིན་པ་ལ་སོགས་པ་དང། ་སྟོང་པ་མ་ཡིན་པ་ལ་སོགས་པ་ཇི་ལྟ་བ་བཞིན་གཉིས་བསྟན་ཏེ། ཚད་མ་དང་ལྡན་པའི་ཕྱིར་ཕྱིན་ཅི་མ་ལོག་པ་གཉིས་ཞེས་བྱ་བའི་ཐ་ཚིག་གོ་།ཁ་ཅིག་ལས་ནི་གཉིས་སུ་མེད་པར་འབྱུང་སྟེ། དེའི་ཚེ་ན་ནི། མི་སྟོང་མ་མིན་སོགས ་སྟོང་མིན་སོགས། གཉིས་མེད་ཇི་བཞིན་ཤེས་པར་བྱ་ཞེས་བརྗོད་པར་བྱ་སྟེ། དེ་ལྟ་ན་ནི་བྱིས་པ་དང། མཁས་པའི་ཆོས་གཉི་ག་ཡང་ངོ་བོ་ཉིད་གཅིག་ཏུ་བསྡུད་པ་ཡིན་ནོ། །དེ་ཡི་འཇུག་པ་ནི་བྱིས་པ་དང་མཁས་པའི་ཆོས་གཉིས་སམ་གཉིས་སུ་མེད ་པར་ཇི་ལྟ་བ་བཞིན་གྱིའོ། །རྣམ་པར་ཤེས་པ་སྟེ་འདིས་འཇུག་པའི་ཕྱིར་རོ། །ཁོང་དུ་ཆུད་པ་མངོན་སུམ་བྱེད། རྟོགས་ཞེས་བྱ་བའི་ཐ་ཚིག་གོ་།གསུམ་པ་འདི་ནི་མཁས་པ་ཡིས། །དེ་ལྟ་བུར་ནི་ཤེས་པར་བྱ། །བ་ཞེས་བྱ་བའི་དོན་ཁོང་དུ་ཆུད་ཅེས ་བྱ་བའི་ཐ་ཚིག་སྟེ། དེ་བསྟན་པ། བ་ཞེས་བྱ་བའི་དོན་ཁོང་དུ་ཆུད་པ་ཞེས་བྱ་བ་དང་སྦྱར་ཏེ། ཇི་ལྟར་ཞེ་ན་བྱིས་པའི་ཆོས་རྣམས་ཞེས་བྱ་བ་ལ་སོགས་པ་གསུངས་པའོ། །སྐྱེ་སོགས་སྐྱེ་བ་མེད་སོགས་ཀྱི། །འཇུག་པ་སྐྱེ་བ་མེད་པ་དང། །འགག ་མེད་ཤེས་པ་གང་ཡིན་དེ། ཁོང་དུ་ཆུད་ཕྱིར་གཞན་དུ་བཞེད། །སོགས་པ་སྨོས་པས་ནི་རྒ་ཤི་མེད་པ་བསྡུའོ། །དེ་ལས་དོན་འདི་འབྱུང་སྟེ། སྐྱེ་བ་ལ་སོགས་པ་དང། སྐྱེ་བ་མེད་པ་ལ་སོགས་པའི་འཇུག་པ་གང་ཡིན་པའི་འཇུག་པ་དེའི་སྐྱེ་བ ་མེད་པ་དང། འགག་པ་མེད་པ་གང་དག་ཡིན་པ་དེ་སྡེ་ཚན་དེ་གཉིས་ངོ་བོ་ཉིད་ཀྱིས་སྟོང་པས་ནི། འཇུག་པ་ཡང་དེ་དང་འདྲ་བའི་ཕྱིར་རོ། །སྐྱེ་བ་མེད་པ་དང་འགག་པ་མེད་པ་དེ་གཉིས་ཤེས་པ་གང་ཡིན་པའི་ཤེས་པ་དེ་ཁོང་དུ་ཆུད་པའི་ཕྱིར་གཞན་དུ་བཞེད ་དེ། བཞི་པ་ཛ་ཞེས་བྱ་བའི་དོན་ཁོང་དུ་ཆུད་པ་ཞེས་བྱ་བའི་ཐ་ཚིག་གོ་།དེ་བསྟན་པ་ཛ་ཞེས་བྱ་བའི་དོན་ཁོང་དུ་ཆུད་པ་ཞེས་བྱ་བ་དང་སྦྱར་སྟེ། ཇི་ལྟ་ཞེ་ན། སྐྱེ་བ་དང། རྒ་བ་དང། འཆི་བ་དང། སྐྱེ་བ་དང། རྒ་བ་དང། འཆི་བ་མེད་པ་རྣམས་ཀྱི་འགྲོ ་བ་དང་འཇུག་པ་གང་ཡིན་པ་དེའི། མི་སྐྱེ་མི་འགག་པ་གང་ཡིན་པ་དེ་དག་ལ་འཇུག་པ་དེ་ཁོང་དུ་ཆུད་པ་སྟེ། དེས་ཤེས་བྱ་བའི་ཐ་ཚིག་གོ་།སྔ་མ་ཇི་ལྟར་སྣང་བར་གྱུར་ཏེ། ཕྱི་མ་དམ་པའི་དོན་དུ་ཡིན། །དེ་ལྟར་ཡང་དག་དོན་ཤེས་པ། །ཁོང་དུ་ཆུད་ཕྱིར ་ལྔ་པར་བཞེད། །ལས་དང་རྣམ་པར་སྨིན་པ་དག་ནི་ཇི་ལྟར་སྣང་བ་བཞིན་ཡིན་པའི་ཕྱིར་རོ། །ལས་དང་རྣམ་པར་སྨིན་པ་མེད་པ་ནི་དོན་དམ་པར་ཏེ། དེ་ལྟར་ཀུན་རྫོབ་དང་དོན་དམ་པའི་བདེན་པ་གཉིས་ལ་རྟེན་ནས་ལས་དང་རྣམ་པར་སྨིན་པ་དང། ་ལས་དང་རྣམ་པར་སྨིན་པ་མེད་པ་དག་གི་དེ་ཁོ་ན་ཤེས་པ་དེ་ཁོང་དུ་ཆུད་པའི་ཕྱིར་ལྔ་བར་བཞེད་དེ། ཀ་ཞེས་བྱ་བའི་དོན་ཁོང་དུ་ཆུད་ཅེས་བྱ་བའི་ཐ་ཚིག་གོ་།ལས་དང་རྣམ་པར་སྨིན་པ་མེད་པ་སྨོས་པ་ཡང་འཇིག་རྟེན་ལས་འདས་པའི་ཀུན་རྫོབ ་ཀྱི་བདེན་པ་ལ་བརྟེན་ནས། གསུངས་ཏེ། ཡང་དག་པར་ན། དགག་པར་བྱ་བ་མེད་པས། དགག་པ་མི་འཇུག་པའི་ཕྱིར་དེ་ནི་མེད་པ་ཁོ་ནའོ། །ཡང་ན་ཡང་དག་མི་སྣང་ཕྱིར། །དེ་གཉིས་ངོ་བོ་ཉིད་མེད་ཉིད། །དེ་ལྟར་ཡང་དག་དོན་ཤེས་པ། །ཁོང ་དུ་ཆུད་ཕྱིར་ལྔ་པར་བཞེད། ཡང་ན་གང་གི་ཕྱིར་ལས་དང་རྣམ་པར་སྨིན་པ་དང་ལས་དང་རྣམ་པར་སྨིན་པ་མེད་པ་གཉིས་ཡང་དག་པར་མི་སྣང་བས་ན། ངོ་བོ་ཉིད་མེད་པ་ཁོ་ན་ཡིན་པ་དེའི་ཕྱིར། ངོ་བོ་ཉིད་མེད་པའོ་ཞེས་དེ་ཁོ་ན་ཉིད་ཀྱི་དོན་ཤེས་པ་ཁོང ་དུ་ཆུད་པའི་ཕྱིར་ལྔ་པར་བཞེད་དོ། །དེ་བསྟན་པ་ཀ་ཞེས་བྱ་བའི་དོན་ཁོང་དུ་ཆུད་པ་ཞེས་བྱ་བ་དང་སྦྱར་ཏེ། ཇི་ལྟ། ལས་དང་རྣམ་པར་སྨིན་པ་དང། ལས་དང་རྣམ་པར་སྨིན་པ་མེད་པ་ལ་འཇུག་པ་ཁོང་དུ་ཆུད་པ་ཞེས་གསུངས་པའོ། །གཟུངས་ཀྱི་ཆོས ་ཀྱི་རྣམ་གྲངས་ཀྱིས། །སྟོང་པ་ཉིད་ལ་སོགས་པ་ཡི། །ཆོས་ཀྱི་དབྱིངས་ནི་འདི་ཤེས་པ། །རྟོགས་ཕྱིར་དྲུག་པ་འདིར་བཞེད་དོ། །ཆོས་ཀྱི་དབྱིངས་འདི་ནི། གཟུངས་ཀྱི་ཆོས་ཀྱི་རྣམ་གྲངས་ཀྱི་སྟོང་པ་ཉིད་ལ་སོགས་པ་གང་དག་ཡིན་པ་དེ་དག་གི་ཡིན་ནོ། ། ་སྙམ་དུ་ཤེས་པ་གང་ཡིན་པ་དེ་ཁོང་དུ་ཆུད་པའི་ཕྱིར། དྲུག་པར་བཞེད་དེ། དྷ་ཞེས་བྱ་བའི་དོན་ཁོང་དུ་ཆུད་ཅེས་བྱ་བའི་ཐ་ཚིག་གོ་།སྟོང་པ་ཉིད་ལ་སོགས་པ་ཡང། །ཡང་དག་པར་དཔྱད་ན་དགག་པར་བྱ་བ་མེད་པའི་ཕྱིར། ངོ་བོ་ཉིད ་སྟོང་པ་ཁོ་ནའོ། །ཡང་ན་གཟུངས་ཆོས་རྣམ་གྲངས་ཀྱི། །སྟོང་པ་ཉིད་ལ་སོགས་པ་ཉིད། །ཆོས་དབྱིངས་ཡིན་པར་རྣམ་ཤེས་པ། །ཁོང་དུ་ཆུད་ཕྱིར་དྲུག་པར་བཞེད། །ཡང་ན་གཟུངས་ཀྱི་ཆོས་ཀྱི་རྣམ་གྲངས་ཀྱི་སྟོང་པ་ཉིད་དང། མཚན་མ་མེད་པ་དང། ་སྨོན་པ་མེད་པ་གང་ཡིན་པ་དེ་ཆོས་ཀྱི་དབྱིངས་ཡིན་པར་ཤེས་པ་གང་ཡིན་པ་དེ་ཁོང་དུ་ཆུད་པའི་ཕྱིར་དྲུག་པར་བཞེད་དོ། །སྟོང་པ་ཉིད་ལ་སོགས་པ་ཡང་ངོ་བོ་ཉིད་ཀྱིས་སྟོང་པ་ཁོ་ན་ཡིན་མོད་ཀྱི། འོན་ཀྱང་ངོ་བོ་ཉིད་ལ་སོགས་པ་ལ་རྣམ་པར་རྟོག་པ ་སྤངས་པའི་ཐབས་བསྟན་པའི་ཕྱིར། ཡང་དག་པའི་ཀུན་རྫོབ་ལ་བརྟེན་ནས་ཆོས་ཀྱི་དབྱིངས་ཞེས་གསུངས་སོ། །ངོ་བོ་ཉིད་སོགས་རྣམ་རྟོག་པ། །སྤངས་པའི་ཐབས་ནི་གདུལ་རྣམས་ལ། །བསྟན་པར་བྱ་ཕྱིར་མགོན་རྣམས་ཀྱིས། །སྟོང་ཉིད་ལ་སོགས་བསྟན ་པ་མཛད། །རྣམ་པར་རྟོག་པ་ནི་རྣམ་པ་གསུམ་སྟེ། ངོ་བོ་ཉིད་ལ་རྣམ་པར་རྟོག་པ་དང། མཚན་མ་ལ་རྣམ་པར་རྟོག་པ་དང། སྨོན་པ་ལ་རྣམ་པར་རྟོག་པའོ། །དེ་ལ་ངོ་བོ་ཉིད་ལ་རྣམ་པར་རྟོག་པ་ནི་གཞན་གཉིས་ཀྱི་སྔོན་དུ་འགྲོ་བའོ། །མཚན་མ་ལ་རྣམ ་པར་རྟོག་པ་ནི་སྨོན་པ་ལ་རྣམ་པར་རྟོག་པའི་སྔོན་དུ་འགྲོ་བ་སྟེ། དེ་ལྟར་འདི་ནི་དེའི་གཉེན་པོ་དེ་དག་གི་གོ་རིམས་བསྟན་པ་ཡིན་ཏེ། དེ་བསྟན་པ། དྷ་ཞེས་བྱ་བའི་དོན་ཁོང་དུ་ཆུད་པ་ཞེས་པ་སྦྱར་ཏེ། ཇི་ལྟ་ཞེ་ན། གཟུངས་ཀྱི་ཆོས་ཀྱི་རྣམ་གྲངས་ཀྱི་ཞེས ་བྱ་བ་ལ་སོགས་པ་གསུངས་པའོ། །ཞི་གནས་ལ་སོགས་ཉིད་ཡིན་ཞེས། །ཆོས་རྣམས་ཐམས་ཅད་མདོར་སྡུད་དེ། །དེ་དག་དེ་བཞིན་ཉིད་ཤེས་པ། །ཁོང་དུ་ཆུད་ཕྱིར་སྡུད་པར་བཞེད། །ཞི་གནས་ནི་ཏིང་ངེ་འཛིན་ཏོ། །སོགས་པ་སྨོས་པས་ནི་ལྷག ་མཐོང་ལ་སོགས་པ་བསྡུའོ། །ལྷག་མཐོང་ནི་ཤེས་རབ་སྟེ། །ཆོས་ཐམས་ཅད་ནི་ཞི་གནས་དང་ལྷག་མཐོང་དང། ཞི་གནས་དང་ལྷག་མཐོང་མ་ཡིན་པ་ཉིད་དམ། དེ་དང་ལྡན་པ་ཉིད་དོ། །དེ་དག་གི་དེ་བཞིན་ཉིད་ནི་རེ་ཤིག་ཞི་གནས་དང་ལྷག་མཐོང་དག་གི ་དེ་བཞིན་ཉིད་ཡིན་ཏེ། གཟོད་མ་ནས་མ་སྐྱེས་པའི་ཕྱིར་རོ། །དགག་པར་བྱ་བ་མེད་ན་དགག་པ་མི་འཇུག་པའི་ཕྱིར། ཞི་གནས་དང་ལྷག་མཐོང་མ་ཡིན་པ་དག་ཀྱང་དེ་དང་འདྲའོ། །དེ་བཞིན་ཉིད་དེ་ཤེས་པ་གང་ཡིན་པ་ཁོང་དུ་ཆུད་པའི་ཕྱིར་བདུན་པར་བཞེད་དེ ་ཤ་ཞེས་བྱ་བའི་དོན་ཁོང་དུ་ཆུད་ཅེས་བྱ་བའི་ཐ་ཚིག་གོ་།དེ་བསྟན་པ། ཤ་ཞེས་བྱ་བའི་དོན་ཁོང་དུ་ཆུད་པ་ཞེས་བྱ་བ་དང་སྦྱར་རོ། །ཇི་ལྟ་བུའི་ཚུལ་དུ་ཞེ་ན། ཞི་གནས་ཞེས་བྱ་བ་ལ་སོགས་པ་གསུངས་པའོ། །ཀུན་རྫོབ་ཏུ་ནི་ཆོས་རྣམས་ཀུན།། ་སྐད་ཅིག་གང་ཡིན་དེ་དག་ནི། །གཟོད་ནས་ཞི་ཕྱིར་དོན་དམ་དུ། ཟད་མེད་ལ་སོགས་བྱེ་བྲག་བསྟན། །ཇི་ལྟར་གྲགས་པའི་སྐད་ཅིག་པའི། །ཆོས་གང་དག་ཡིན་པ་དེ་དག་རིམ་པས་དཔྱད་ན་སྐད་ཅིག་མའི་མི་རྟག་པའི་ཕྱིར། ཟད་པ་མེད་པའོ། ། ་རྒྱུན་གྱི་མི་རྟག་པ་མེད་པའི་ཕྱིར་འཇིག་པ་མེད་པའོ། །རྒྱུད་ཀྱི་མི་རྟག་པ་མེད་པའི་ཕྱིར་རྒྱུ་བ་མེད་པ་སྟེ། གང་དག་ལ་འགྲོ་བ་མེད་པ་དེ་དག་ནི་རྒྱུ་བ་མེད་པའོ། །འདིར་རྒྱུན་ནི་ཚེ་གཅིག་གི་རྒྱུན་ནོ། །རྒྱུད་ནི་ཚེ་དུ་མ་ཡིན་པར་བཞེད་དོ། །ཅིའི་ཕྱིར་དེ་དག་རིགས ་པས་དཔྱད་ན། །ཟད་པ་མེད་པ་ལ་སོགས་པའི་ངོ་བོ་ཡིན་ཞེ་ན། གཟོད་མ་ནས་ཞི་བའི་ཕྱིར་ཞེས་གསུངས་ཏེ། ཆོས་ཐམས་ཅད་སྐྱེ་བ་མེད་པའི་ཕྱིར་ཞེས་བྱ་བའི་ཐ་ཚིག་གོ་།སྐྱེ་བ་ནི་འཇིག་པའི་ཐོག་མར་འབྱུང་བ་སྟེ། དེ་སྔོན་དུ་འགྲོ་བའི་ཕྱིར་རོ། །ཡང ་ན་གཟོད་མ་ནས་ཞི་བའི་ཕྱིར་ཞེས་བྱ་བ་ནི། ངོ་བོ་ཉིད་ཀྱིས་ཞི་བའི་ཕྱིར་ཞེས་བྱ་བའི་ཐ་ཚིག་གོ་།གཟོད་མ་ནི་ངོ་བོ་ཉིད་ལ་བྱ་སྟེ། འཇིག་པའི་ཐོག་མར་དེ་འགྲོ་བའི་ཕྱིར་རོ། །ཅིའི་ཕྱིར་དེ་དག་ཟད་པ་མེད་པ་ལ་སོགས་པ་བྱེ་བྲག་གིས་བསྟན་ཅེ་ན། སྨྲས་པ་ ་མངོན་ཞེན་རྣམ་གསུམ་སྤང་བའི་ཕྱིར། །ཟད་མེད་ལ་སོགས་བྱེ་བྲག་གིས། །ཡང་ན་ཁམས་ཀྱི་བྱེ་བྲག་གིས། །རྣམ་པ་གསུམ་དུ་གསུངས་པ་ཡིན། །མི་རྟག་པ་ལ་སོགས་པ་ལ་གདུལ་བའི་སྐྱེ་བོའི་མངོན་པར་ཞེན་པ་རྣམ་པ་གསུམ ་ཡོད་དེ། སྐད་ཅིག་པའི་མི་རྟག་པ་ལ་མངོན་པར་ཞེན་པ་དང། དུས་གཞན་གྱིས་གནས་སྐབས་ཀྱི་མ་རྟག་པ་ལ་མངོན་པར་ཞེན་པ་དང། འཁོར་བ་ཇི་སྲིད་དུ་གནས་པ་མྱ་ངན་ལས་འདས་པའི་གྲོང་དུ་འཇུག་པ་ལ་མངོན་པར་ཞེན་པའོ། །ཡང་ན་ཁམས ་གསུམ་གྱི་བྱེ་བྲག་ལ་བརྟེན་ནས། ཟད་པ་མེད་པ་ལ་སོགས་པའི་བྱེ་བྲག་གོ་རིམ་བཞིན་བསྟན་ཏེ། ཁམས་གསུམ་པ་ལ་མ་གཏོགས་པ་འཁོར་བ་པའི་དངོས་པོ་གཞན་མེད་ལ། །དེ་ཡང་ཚུལ་དེ་ལྟ་བུ་ཡིན་པས་དེའི་ཕྱིར་དེ་ལ་མངོན་པར་ཞེན་པ་སྤང ་བའི་ཕྱིར་ཞེས་བསྟན་པའི་ཕྱིར་རོ། །ཡང་ན་གང་གི་ཕྱིར་སྐད་ཅིག་པའི་ཆོས་ཐམས་ཅད་ལ་བརྟགས་ན། སྐད་ཅིག་པའི་མི་རྟག་པ་མེད་པའི་ཕྱིར་ཟད་མེད་ལ། རྒྱུན་གྱི་མི་རྟག་པ་མེད་པའི་ཕྱིར་འཇིག་པ་དེའི་ཕྱིར། རྒྱུ་བ་མེད་དེ། ཉོན་མོངས་པ་མེད་ཅེས ་བྱ་བའི་ཐ་ཚིག་གོ་།དེ་ལྟ་བུ་དག་ལ་ཉོན་མོངས་པ་རྣམས་ཀྱིས་གནས་མི་ཐད་པའི་ཕྱིར་རོ། །ཟད་པ་མེད་པ་ལ་སོགས་པ་དེ་དག་ཉིད་ཅིའི་ཕྱིར་ཞེ་ན། གཟོད་མ་ནས་ཞི་བའི་ཕྱིར་ཞེས་གསུངས་པའོ། །ཆོས་ཀུན་མྱ་ངན་འདས་པ་གང། དེ་འདིར་དེ་བཞིན་ཉིད ་དུ་བསྟན། །འདིར་ཆོས་ཐམས་ཅད་མི་སྣང་བར་འགྱུར་བའི་ཚུལ་གྱིས་མྱ་ངན་ལས་འདས་པ་ན། ཆོས་ཐམས་ཅད་མྱ་ངན་ལས་འདས་པ་ནི། འདིར་དེ་བཞིན་ཉིད་ཡིན་པར་གསུངས་སོ། །དེ་ལ་འཇུག་པ་རྟོགས་པ་སྟེ། དེ་རྟོགས་ཕྱིར་ནི་བརྒྱད་པར་བཞེད། ། ་ཆོས་ཐམས་ཅད་མྱ་ངན་ལས་འདས་པ་དེ་ལ་འཇུག་པ་ནི་རྟོགས་པའོ། །དེ་རྟོགས་པ་ཁོང་དུ་ཆུད་ཅིང་མངོན་སུམ་དུ་བྱ་བའི་ཕྱིར་བརྒྱད་པར་བཞེད་དེ། ཀྵ་ཞེས་བྱ་བའི་དོན་ཁོང་དུ་ཆུད་ཅེས་བྱ་བའི་ཐ་ཚིག་གོ་།དེ་བསྟན་པ། ཀྵ་ཞེས་བྱ་བའི་དོན་དུ་ཁོང་དུ ་ཆུད་པ་ཞེས་བྱ་བ་དང་སྦྱར་སྟེ་ཇི་ལྟ་ཞེ་ན། སྐད་ཅིག་པ་ཞེས་བྱ་བ་ལ་སོགས་པ་གསུངས་པའོ། །འདིས་དོན་རྣམས་ཁོང་དུ་ཆུད་པར་བྱེད་པས་ན། དོན་ཁོང་དུ་ཆུད་པ་ནི་རྟོགས་པའོ། །དེ་རྟོགས་པར་བྱ་བ་ནི་མངོན་སུམ་དུ་ཞེས་བྱ་བའི་ཐ་ཚིག་གོ་།དེས་ནི་བསོད ་ནམས་བསྐྱེད་པ་ན། །གཟུངས་སམ་ཡང་ན་ཡི་གེ་ཡི། །དོན་ལ་གང་གིས་འཇུག་འགྱུར་བ། །དོན་རྟོགས་དེ་ནི་གསུམ་དུ་བསྟན། །རྣལ་འབྱོར་པ་དེ་བསོད་ནམས་བསྐྱེད་པར་བྱེད་པ་ན། སྒོ་མཛའ་ཡས་པས་བསྒྲུབ་པའི་གཟུངས་སམ། ཡི་གེ་འབྲུ་བརྒྱད་པོ་འདི ་དག་གི་དོན་ལ་གཟུངས་ལ་སོགས་པ་གང་གིས་རྟོགས་ཤིང་ཁོང་དུ་ཆུད་པར་འགྱུར་བ་གཟུངས་ལ་སོགས་པའི་དོན་ཁོང་དུ་ཆུད་པ་དེ་ནི། བཅོམ་ལྡན་འདས་ཀྱིས་ཚིགས་གསུམ་དུ་བསྟན་ཏོ། །ལེགས་པར་བྲི་བ་ནི་རྣམ་པ་གསུམ་གྱིས་བསྟན་ཏེ། བསམ་པ་དང། ་སྦྱོར་བ་དང། སྒྲུབ་པས་སོ། །བསམ་པ་ཡང་བྱང་ཆུབ་ཏུ་ཡོངས་སུ་བསྔོ་བ་ལ་སོགས་པའི་བསམ་པའི་བྱེ་བྲག་གིས་རྣམ་པ་དུ་མ་ཡོད་དོ། །སྦྱོར་བ་ཡང་བཀུར་སྟི་དང། ཁ་ཟས་དང། ས་ཕྱོགས་གཙང་མ་དང། ནན་ཏན་དུ་བྱ་བ་སོགས་པའི་སྦྱོར་བའི་བྱེ་བྲག ་གིས་རྣམ་པ་དྲུ་མ་ཡོད་དོ། །སྒྲུབ་པ་ཡང་ཡི་གེ་གསལ་བ་དང། ཟུར་ཕྱིན་པ་ལ་སོགས་པར་སྒྲུབ་པའི་བྱེ་བྲག་གིས་རྣམ་པ་དུ་མ་ཡོད་དོ། །ཡང་ན་ལེགས་པར་བྲི་བ་ནི། མཛེས་པར་བྲིས་པ་སྟེ། བྱང་ཆུབ་ཡོངས་སུ་བསྔོ་བ་ལ་སོགས་པའི་བསམ་པས་འདྲི་བའི་ཕྱིར་རོ།། ་ཕྱིར་མི་ལྡོག་པའི་དགེ་བའི་ཆོས་འཕེལ་བར་བྱེད་པའི་སྦྱོར་བས་འདྲི་བའི་ཕྱིར་རོ། །ཡོངས་སུ་རྫོགས་པར་འདྲི་བ་སྟེ། ཡི་གེའི་ཡོན་ཏན་ཐམས་ཅད་དང་ལྡན་པར་འདྲི་བའི་ཕྱིར་རོ། །བཟུང་བ་ནི་རྣམ་པ་བཞི་སྟེ། གླེགས་བམ་དང། ཚིག་དང། དོན་དང། དེ་གཉི ་གའོ། །ཀློག་པ་ནི་བསམ་པ་དང། བརྗོད་པའི་སྒོ་ནས་རྣམ་པ་གཉིས་སོ། །དེ་ལ་བསམ་པ་ནི་རྣམ་པ་གཉིས་ཏེ། བྱང་ཆུབ་ཏུ་ཡོངས་སུ་བསྔོ་བའི་བསམ་པ་དང། ཡི་གེ་ལ་སོགས་པ་ལ་གཏན་པའི་བསམ་པའོ། །བརྗོད་པ་ནི་ཟུར་ཆག་པ་ལ་སོགས་པའི་ཉེས་པ ་དང་བྲལ་བ་སྟེ། རྣམ་པ་དུ་མ་ཡོད་པར་རིག་པར་བྱའོ། །རྗེས་སུ་དྲན་པར་བྱ་བ་ནི་རྣམ་པ་གསུམ་སྟེ། བསམ་པས་དང། ཡུལ་གྱིས་དང། རང་གི་ངོ་བོས་སོ། །དེ་ལ་བསམ་པ་ནི་རྣམ་པ་གཉིས་ཏེ། བྱང་ཆུབ་ཏུ་ཡོངས་སུ་བསྔོ་བའི ་བསམ་པ་དང། ཡི་གེ་དང། དོན་དང། གཉི་ག་ལ་སོགས་པའི་བསམ་པས་སོ། །ཡུལ་ནི་རྣམ་པ་གསུམ་སྟེ། ཡི་གེ་རྗེས་སུ་དྲན་པ་དང། དོན་རྗེས་སུ་དྲན་པ་དང། གཉི་ག་རྗེས་སུ་དྲན་པའོ། །རང་གི་ངོ་བོ་ནི་རྣམ་པ་གཉིས་ཏེ། བསམ་པ་རྗེས་སུ ་དྲན་པ་དང། སྒོམ་པ་རྗེས་སུ་དྲན་པའོ། །ཐོབ་པར་འདོད་པས་ཉིན་རེ་ཞིང། ཀླག་དང་རྗེས་སུ་དྲན་པར་བྱ། །གཟུངས་འདི་ཞེས་བྱ་བའི་ཚིག་གི་ལྷག་མའོ། །དེ་ནི་དེ་ལྟ་ན་རིགས་ཀྱི། །གཟུངས་ནི་བསོད་ནམས་ཆུང་ངུ་ཡིས། ཤིན་ཏུ་ཐོབ་པར ་མི་འགྱུར་རོ། །དེ་ལྟ་བས་ན་རྟག་ཏུ་བཀུར་སྟིར་བྱས་ལ་ཡུན་རིང་པོར་རྒྱུན་ཏུ་གོམས་པར་བྱས་པའི་བསོད་ནམས་ཀྱི་ཚོགས་དང་ལྡན་པས་གཟུངས་ཐོབ་པར་འགྱུར་རོ། །ཟླ་བ་ཕྱེད་ཕྱེད་ཅིང་ཞེས་བྱ་བའི་ཚིག་གིས་ཡིན་པ་དེ་ནི་བཅོམ་ལྡན་འདས་ཀྱིས ་བྱེ་བྲག་དུ་བྱ་བའི་ཕྱིར་གསུངས་སྟེ། འདི་ལྟར་ཟླ་བ་ཕྱེད་ཕྱེད་ཅིང་གུས་པར་བྱས་ལ་ཤིན་ཏུ་བསྒྲིམས་པ་དང་ལྡན་ཞིང་ཁྲུས་ལ་སོགས་པ་སྔར་བྱས་ལ། ལེགས་པར་ཀླག་པ་ལ་སོགས་པ་བྱའོ་ཞེས་གསུངས་པ་ཡིན་ཏེ། དེ་དེ་ལྟ་བུ་ཡིན་པར་ཤེས་པར ་བྱ་བའི་ཕྱིར་སྨྲས་པ། བྱེ་བྲག་ལ་ནི་དགོངས་པའི་ཕྱིར། །བརྩོན་པ་ཡི་ནི་ཚིག་ཀྱང་གསུངས། །གང་གི་ཕྱིར་བརྩོན་པར་བྱ་ཞེས་གསུངས་པ་དེའི་ཕྱིར། བྱེ་བྲག་ལ་དགོངས་པར་མངོན་ནོ། །བརྩོན་པའི་སྒྲ་ནི་གུས་པ་ལ་སོགས་པའི་སྦྱོར་བ་ཉིད་དང ་སྦྱར་བར་བྱའོ། །གང་གི་ཕྱིར་དེ་ལྟ་ཡིན་པ། །དེ་ཕྱིར་ཁྲུས་སོགས་སྔར་བྱས་ལ། །ཀླག་པ་ལ་སོགས་དེ་དག་བྱ། ཁྲུས་བྱ་བ་དང། སྨྱུང་བ་བྱ་བ་དང། ངེས་པར་གནས་པ་དང། དཀྱིལ་འཁོར་དང། མེ་ཏོག་དང། གདུགས་པ་དང། སྤོས་དང། ་བཤོས་དང། གཏོར་མ་དང། མར་མེ་དབུལ་བ་དང། བྱང་ཆུབ་ཏུ་སྨོན་ལམ་གདབ་པ་དང། སྡིག་པ་བཤགས་པ་ལ་སོགས་པ་སྔར་བྱས་ནས། བཀླག་པ་ལ་སོགས་པ་བྱའོ། །བཀླག་པས་སྐྱོ་བར་གྱུར་ན་རྗེས་སུ་དྲན་པ་བྱའོ། །དེས་སྐྱོ་བར་གྱུར་ན། ཡང་བཀླག ་པར་བྱའོ། །དེ་ལྟ་བུས་ཉིན་མཚན་དེ་འདའ་བར་བྱའོ། །སྦྱིན་ལ་སོགས་ལ་ཞུས་ལ་སོགས་ཡང་དག་དགའ་བྱ་ལ་སོགས་དེ། རྟག་བྱ་དེ་གཟུང་བདག་མེད་ལ། །སྦྱིན་པ་ལ་སོགས་པ་ཕ་རོལ་ཏུ་ཕྱིན་པ་རྣམས་དང། ཏིང་ངེ་འཛིན་དང། རྣམ་པར་ཐར་པ་དང། གཟུངས ་ཀྱི་ཆོས་ཀྱི་རྣམ་གྲངས་ལ་སོགས་པ་འམ། དགེ་བའི་ཆོས་གཞན་དག་ལེགས་པར་ཞུགས་པ་ནི་ཡང་དག་པར་དགའ་བར་བྱའོ། །མ་ཞུགས་པ་ནི་ཡང་དག་པར་འཛིན་དུ་གཞུག་གོ་།ཞུགས་པ་བརྩོན་འགྲུས་ཆུང་བ་ཕྱིར་ལྡོག་པར་འདོད་པ་ནི། ཡང་དག་པར་གཟེང ་བསྟོད་པར་བྱའོ། །དེ་ལྟར་ཡང་དག་པར་དགའ་བ་ལ་སོགས་པ་མཐུན་མཐུན་དུ་བྱས་ནས་རིམ་གྱིས་སྣོད་དུ་གྱུར་པ་དེ། བདག་མེད་པ་ལ་བཟུང་བའི་ཕྱིར་བརྩོན་པར་བྱའོ། །ཡང་ན་དེ་དག་ཉིད་ལའོ། །ཡང་ན་སྦྱིན་པ་ལ་སོགས་པ་དེ་དག་ལ་མ་ཞུགས་པ་གཟུང ་བར་བྱའོ། །ཡང་ན་ཡང་དག་པར་དགའ་བ་ལ་སོགས་པ་དེ་དག་ལ་གཟུང་བ་ཞེས་བྱ་བར་སྦྱར་ཏེ། དེ་ལྟར་ན་ཡང་དག་པར་དགའ་བར་བྱ་བ་ལ་སོགས་པ་ལ་གཟུང་བ་ཞེས་བྱ་བར་ཚིག་བསྡུའོ། །གལ་ཏེ་དེ་ལྟ་ན་སེམས་ཅན་རྣམས་ཀྱང་འདི་འཛིན་གཞུག་པར་བྱ ་ཞེས་བྱ་བ་ལ་སོགས་པ་ཡང་ཇི་ལྟར་དྲང་སྟེ། འདི་ལྟར་འདི་ཞེས་བྱ་བའི་སྒྲ་ནི། སེམས་པ་དང། འདྲི་བ་དང། གཟུང་བ་དང། ཀློག་པའི་སྐབས་དང་སྦྱར་བ་ཡིན་ནོ། །མཚོན་པའི་དོན་ཡིན་པའི་ཕྱིར་ཉེས་པ་མེད་དེ། སྦྱིན་པ་ལ་སོགས་པ་གཞན་ཡང ་བསྡུའོ། །དཔེར་ན་འདི་ཉིད་ལས་ཡང་དག་པར་འཛིན་དུ་གཞུག་པ་མཚོན་པའི་དོན་དུ་གསུངས་ཏེ། དེས་ན་ཡང་དག་པར་དགའ་བ་ལ་སོགས་པ་གཞན་ཡང་བསྡུ་བ་ལྟ་བུ་དང། དཔེར་ན། བཀླག་པར་བྱ་བས་རྗེས་སུ་དྲན་པ་བསྡུ་བ་བཞིན་ནོ། །ཡང་ན ་གཟུངས་ཀྱི་ཆོས་ཀྱི་རྣམ་གྲངས་ལ། །ཞུགས་པར་གྱུར་ལ་སོགས་པ་དག་།ཡང་དག་དགའ་ལ་སོགས་དེ་བྱ། །འདི་གཟུངས་ཀྱི་ཆོས་ཀྱི་རྣམ་གྲངས་སྨོས་པས་ནི་ཡི་གེ་དང་དོན་བཟུང་ངོ། །བཤད་པ་སྔ་མ་ལ་ནི་བྱང་ཆུབ་སེམས་དཔའ་མངོན ་པར་བརྩོན་པའི་བྱེ་བྲག་བསྟན་པའི་དོན་དུ་བཤད་པར་བྱའོ། །འདིར་ནི་ལན་གཉིས་སུ་འདུས་པ་ལ་སོགས་པའི་རིག་པ་ལ་བརྟེན་ནས། ཡང་དག་པར་དགའ་བ་ལ་སོགས་པ་དེའི་ཡུལ་བསྟན་པའི་ཕྱིར་ཡང་ཡིན་པར་རིག་པར་བྱའོ། །དེ་ལ་གཟུངས་ཀྱི་ཆོས ་ཀྱི་རྣམ་གྲངས་ལ་ལེགས་པར་ཞུགས་པ་ལ་སོགས་པ་ཡང་དག་པར་དགའ་བར་བྱ་བ་ལ་སོགས་པ་ནི་སྔ་མ་བཞིན་དུ་སྦྱར་བར་བྱའོ། །ཡང་ན་གཟུངས་ལ་གཟུང་བར་བྱ། །ཡང་ན་གཟུང་སངས་རྒྱས་རྗེས་སུ་དྲན་པའི་མཚན་ཉིད་ལ་གཟུང་བར་ཤེས་པར་བྱའོ།། ་དོན་ནི་སྔར་ཡང་བཤད་མོད་ཀྱི། །ཆོས་ཀྱི་རྗེས་སུ་འབྲང་བའི་ཕྱིར། རིགས་པ་ཕན་ཡོན་བྱེ་བྲག་གིས། །ཚིགས་སུ་བཅད་པ་གཉིས་ཀྱིས་བསྟན། ཚིགས་སུ་བཅད་པ་དང་པོ་ནི་རིགས་པ་དང་ཕན་ཡོན་གྱི་ཡུལ་བསྟན་པའི་ཕྱིར་དོན་ཁོང་དུ་ཆུད་པ་སྡང ་བསྟན་པ་རྣམས་ཡང་དག་པར་བཟླས་པ་གསུངས་སོ། །གཉིས་པས་ནི་ཁོང་དུ་ཆུད་པ་བཞི་པོ་རྣམས་ཀྱི་ཕན་ཡོན་བཞི་གོ་རིམ་བཞིན་དུ་བསྟན་ཏོ། །ཡང་ན་དོན་ཁོང་དུ་ཆུད་པ་རེ་རེ་ཕན་ཡོན་བཞི་དང། རིགས་པ་བཞི་སྨོས་པ་ཡིན་ཏེ། བྱང་ཆུབ་དང ་ཉེ་བ་ལ། །བྱང་ཆུབ་ནི་བླ་ན་མེད་པའོ། །ཤེས་རབ་རྒྱ་ཆེ་བ་ནི་རྣམ་པ་གསུམ་གྱིས་བསྟན་ཏེ། ཡུལ་ལས་ནི་ཡུལ་མཛའ་དག་ལ་ཁྱབ་པའི་ཕྱིར་རོ། །འབྲས་བུ་ལས་ནི་བདག་དང་གཞན་གྱི་དོན་ཕུན་སུམ་ཚོགས་པ་རྒྱ་ཆེན་པོའི་འབྲས་བུ ་དང་ལྡན་པའི་ཕྱིར་རོ། །ངོ་བོ་ཉིད་ལས་ནི་ཤེས་རབ་ཀྱི་ཡོན་ཏན་མ་ལུས་པ་དང་ལྡན་པའི་ཕྱིར་རོ། །སངས་རྒྱས་ཐམས་ཅད་མངོན་སུམ་དུ་མཐོང་བའི་རྒྱུ་ཡིན་པ་དང། སངས་རྒྱས་ཐམས་ཅད་ཀྱི་རྗེས་སུ་སློབ་པར་འདོད་པས་སོ། །རིགས་པ ་རྣམ་པ་བཞི་ཇི་ལྟར་སྨོས་ཤེ་ན། འདི་ལྟར་དོན་དེ་དག་ནི་བྱང་ཆུབ་དང་ཉེ་བའི་རྒྱུ་ཡིན་པ་དང། ཤེས་རབ་རྒྱ་ཆེན་པོའི་རྒྱུ་ཡིན་པ་དང། སངས་རྒྱས་ཐམས་ཅད་མངོན་སུམ་དུ་མཐོང་བའི་རྒྱུ་ཡིན་པ་དང། སངས་རྒྱས་ཐམས་ཅད་ཀྱི་རྗེས་སུ་སློབ་པའི་རྒྱུ ་ཡིན་ཏེ། འདི་ལྟ་བུ་གང་ཡིན་པ་དེ་དག་ནི། ངེས་པར་ནན་ཏན་དུ་བསྒྲུབ་པར་བྱ་བ་ཡིན་ཏེ། དཔེར་ན་སྦྱིན་པ་ལ་སོགས་པ་ལྟ་བུ་ཡིན་ལ། དེ་དང་འདྲ་བར་དོན་རྣམ་པ་བཞི་པོ་ཇི་སྐད་བསྟན་པ་འདི་དག་ཀྱང་དེ་ལྟ་བུ་ཡིན་ནོ། །ད་ནི་གཟུངས་ཀྱི་ངོ་བོ་འཐོབ ་པར་བྱ་བའི་ཐབས་ལ་གནས་པའི་ཕན་ཡོན་བསྟན་ཏེ་བཞི་ཚན་གསུམ་གྱིས་གཟུངས་ལ་ནི། །མངོན་པར་བརྩོན་པའི་རྣལ་འབྱོར་པས། །ཐོབ་བྱ་མ་ཐོབ་བར་དུ་ཡང། ཕན་ཡོན་རྣམ་པ་བཞི་འཐོབ་འགྱུར། །བཞི་ཚན་གསུམ་གྱིས་བསྟན་པའི་ཐབས ་གང་ཡིན་པ་དེ་ལ་ནི་བཞི་ཚན་གསུམ་ཞེས་བྱ་སྟེ། བཞི་ཚན་གསུམ་བསྟན་པའི་ཐབས་དེས་གཟུངས་ལ་མངོན་པར་བརྩོན་པའི་རྣལ་འབྱོར་པས། ཐོབ་པར་བྱ་བ་མ་ཐོབ་སྟེ། གཟུངས་མ་ཐོབ་པའི་བར་སྐབས་སུ་ཕན་ཡོན་རྣམ་པ་བཞིར་འགྱུར་བ་ལ། ་ཕྱོགས་བཅུ་ན་བཞུགས་པའི་སངས་རྒྱས་ཐམས་ཅད་ཀྱིས་དགོངས་པར་འགྱུར་ཏེ། དགོངས་པ་ཡང་མཁྱེན་པ་ཙམ་དུ་ནི་མ་ཟད་དོ། །གལ་ཏེ་མཁྱེན་པ་ཙམ་དུ་ཟད་ན་ནི་ཕན་ཡོན་དུ་མ་ཡང་མི་རུང་སྟེ། མཚམས་མེད་པ་ལྔ་བྱེད་པ་ཡང་ཐམས་ཅད་མཁྱེན ་པས་དགོངས་པའི་ཕྱིར་རོ། །དེ་བས་ན་དགོངས་པ་ནི་ཕན་གདགས་པར་བཞེད་པའི་ཕྱིར་གཟིགས་པ་ལ་བྱ་སྟེ། བདག་དང་གཞན་གྱི་དོན་བསྒྲུབ་ནུས་པར་ཉེ་བར་བསྒྲུབ་པའི་མཚན་ཉིད་དོ། །དེ་ཡང་ཕན་པ་འཐོབ་ནུས་པར་ཉེ་བར་བསྒྲུབ་པ་དང། གནོད ་པ་སྤོང་ནུས་པར་ཉེ་བར་བསྒྲུབ་པ་དང། རྣམ་པ་གཉིས་སུ་ཤེས་པར་བྱའོ། །བདུད་ཀྱི་ལས་མེད་པར་འགྱུར་ཏེ། བདུད་ནི་ཉོན་མོངས་པའི་བདུད་དང། ལྷའི་བུའི་བདུད་དང། རྣམ་པ་གཉིས་སོ། །དེའི་ལས་ནི་ཕན་པ་དང། གནོད་པ། འཐོབ ་པར་བྱ་བ་དང། སྤང་བར་བྱ་བ་ལ་བར་ཆད་བྱེད་པའོ། །དེ་ལ་སྔ་མ་མེད་པ་ནི་གཟུངས་འཐོབ་པར་བྱ་བའི་ཐབས་བསྒོམ་པས་ཉོན་མོངས་པའི་བདུད་རྣམ་པར་གསལ་བའི་ཕྱིར་ཏེ། དེ་ཉིད་ཀྱི་ཕྱིར་ཕྱི་མ་ཤོས་ཀྱང་མེད་པར་འགྱུར་རོ། ། ་ལས་ཀྱི་སྒྲིབ་པ་མྱུར་དུ་འབྱང་བ་སྟེ། ལས་ཀྱི་སྒྲིབ་པ་ནི་མཚམས་མེད་པ་ལྔ་ལ་སོགས་པ་སྟེ། དེ་གཟུངས་ལ་སོགས་པ་སྟེ། དེ་གཟུངས་ལ་སོགས་པ་སྐྱེ་བ་ལ་སྒྲིབ་པའི་ཕྱིར་ན་སྒྲིབ་པ་ཞེས་བྱའོ། །དེ་ཡང་རྣམ་པ་བཞིས་ཡོངས་སུ་ཟད་པར་འགྱུར་ཏེ། ་རྣམ་པར་སུན་འབྱིན་པ་ཀུན་སྤྱོད་པ་དང། གཉེན་པོ་ཀུན་ཏུ་སྤྱོད་པ་དང། སོར་ཆད་པར་བྱེད་པའི་སྟོབས་དང། རྟེན་གྱི་སྟོབས་ཏེ། དེ་སྐད་དུ་ཆོས་བཞི་པའི་མདོ་ལས་འབྱུང་བའི་ཕྱིར་རོ། །དེ་ལ་རྣམ་པར་སུན་འབྱིན་པ་ཀུན་དུ་སྤྱོད་པས་ནི་ལས་ཀྱི ་སྒྲིབ་པ་དེ་མཇུག་འཇོམས་པར་བྱེད་དོ། །གཉེན་པོ་ཀུན་ཏུ་སྤྱོད་པས་ནི་དེ་རྣམ་པར་སྨིན་པར་བྱེད་པའི་མཐུ་ཉམས་སྨད་པར་བྱེད་དོ། །སོར་ཆུད་པར་བྱེད་པའི་སྟོབས་ཀྱིས་ནི་དེ་རྣམ་པར་སྨོན་པར་བྱེད་པའི་མཐུ་སེལ་པར་བྱེད་དོ། །རྟེན་གྱི་སྟོབས་ཀྱིས་ནི ་སྔར་བྱུང་བ་ནི་རྒྱང་སྲིད་པར་བྱེད་ལ། སྔར་མ་བྱུང་བ་ནི་མི་སྐྱེ་བར་བྱེད་དོ། །འདི་ལྟར་རྟེན་གྱི་སྟོབས་ནི་དགེ་བའི་བཤེས་གཉེན་ལ་བརྟེན་པ་དང། ཆོས་ཀྱི་དེ་ཁོ་ན་སྤྱོད་པ་སྟེ། དེ་ལྟ་བས་ན་རྣམ་པར་དག་གིས་ལས་ཀྱི་སྒྲིབ་པ་བྱས་ཤིང་བསགས་པ་ཡང་མ ་ལུས་པར་འབྱང་བར་འགྱུར་ཞེས་བྱ་བ་ནི་རིགས་པ་ཡིན་ནོ། གཟུངས་ཐོབ་པར་བྱ་བའི་ཐབས་བསྟན་པ་ནི་རྣམ་པར་སུན་འབྱིན་པ་ཀུན་ཏུ་སྤྱོད་པ་ལ་སོགས་པ་དེ་དག་ངེས་པར་བསྟན་ཏེ། འདི་ལྟ་བུས་ལས་ཀྱི་སྒྲིབ་པ་དེ་དག་མ་ལུས་པར་འབྱང་བར་འགྱུར ་བའི་ཕྱིར་རོ། །འདི་ལྟར་འགྲིབ་པ་དང་འཕེལ་བ་ཅན་གང་ཡིན་པ་དེ་ནི། མི་མཐུན་པའི་ཕྱོགས་ཀྱིས་ཟིལ་གྱིས་མནན་པ་འཕེལ་ན། འགྲིབ་པར་འགྱུར་བའི་ཆོས་ཅན་ཡིན་ཏེ། དཔེར་ན་མེ་འབར་བ་ལ་སོགས་པ་བཞིན་ནོ། །དེ་བཞིན་དུ་ལས་ཀྱི་སྒྲིབ ་པ་ཡང་འགྲིབ་པ་དང་འཕེལ་བ་ཅན་ཡིན་ནོ། །ཆུད་ཟ་བར་མི་འགྱུར་ཞེས་བྱ་བ་ལ་སོགས་པ་གསུང་པ་གང་ཡིན་པ་དེ་ནི། གཉེན་པོ་སྒོམ་པ་མེད་པ་ལ་བྱ་བར་ཤེས་པར་བྱའོ། །དེ་ལྟ་མ་ཡིན་ན་ནི་རིགས་པ་དང་འགལ་བ་དང། མདོ་སྡེ་མང་པོ་དག་དང་བགལ ་བར་འགྱུར་རོ། །ངེས་པ་ཞེས་བྱ་བའི་ཚིག་ཀྱང་དེ་ཉིད་ཀྱིས་བསྟན་ཏོ། །མ་ངེས་པ་ནི་གཉེན་པོ་བསྒོམ་པ་མེད་བཞིན་དུ་ཡང་ཇི་སྟེ་ན་འབྲས་བུར་མི་འགྱུར་བའི་ཕྱིར་རོ། །སྤོབས་པ་རྒྱུན་མི་འཆད་པ་ཡང་འགྱུར་ཏེ། སྤོབས་པ་རྒྱུན་མི་འཆད་པ་ནི་རྣམ་པ ་གཉིས་ཏེ། མི་མཐུན་པའི་ཕྱོགས་ཀྱིས་ཟིལ་གྱིས་མི་ནོན་པ་དང། གོང་ནས་གོང་དུ་སྤོབས་པའི་མཐུ་དང་ལྡན་པའོ། །གང་གིས་ཕྱིར་སངས་རྒྱས་ཐམས་ཅད་ཀྱིས་དགོངས་པ་དེའི་ཕྱིར་བདུད་ཀྱི་ལས་ལས་རིང་བར་གྱུར་ན་ལས་ཀྱི་སྒྲིབ་པ་བདེ་བླག་ཏུ་འབྱང ་བར་འགྱུར་རོ། །ལས་ཀྱི་སྒྲིབ་པ་བྱང་ན་སྤོབས་པ་རྒྱུན་མི་འཆད་པ་ཐོབ་པར་འགྱུར་ཏེ། འདི་ནི་ཕན་ཡོན་གྱི་རིམ་པ་ཡིན་ནོ། །དོན་དེ་ཡང་ཚིགས་སུ་བཅད་པས་གསུངས་ཏེ། ཅིའི་ཕྱིར་བཟླས་ཏེ་གསུངས་ཤེ་ན་?་ལ་གཟུང་བའི་ཕྱིར་ཏེ། ངེས་པ་ནི་འདི ་བསྟན་ཏེ། གཟུངས་ལ་མངོན་པར་བརྩོན་པ་ཐམས་ཅད་ཀྱི་ཕན་ཡོན་འདི་དག་ངེས་པ་ཁོ་ནར་འཐོབ་པ་ལ་བྱའི། །ཁ་ཅིག་ལ་སྲིད་པ་ཙམ་གྱི་ཕྱིར་ཕན་ཡོན་དུ་བསྟན་པ་ནི་མ་ཡིན་ནོ། །ཡང་ན་གང་དག་ཕན་ཡོན་སྟོན་བའི་ཚེ་ནི་མ་འདུས་ལ། ཕྱིས ་ལྷགས་པ་དེ་དག་གི་ཆེད་དུ་ཕན་ཡོན་དེ་ཚིགས་སུ་བཅད་པས་བརྡ་སྤྲོད་པར་མཛད་དེ། ཚིག་དང་ཡི་གེའི་འབྲུ་དེ་དག་ཉིད་ཀྱིས་བརྡ་སྤྲད་དུ་ཟིན་ན། གདུལ་བ་སྔ་མ་རྣམས་འཕྱ་བར་འགྱུར་བའི་ཕྱིར་རོ། །ཡང་ན་བདག་ཉིད་ཀྱིས་སོ་སོ་ཡང་དག་པར་རིག ་པའི་ཆེ་བ་ཉིད་བསྟན་པའི་ཕྱིར་ཡང་ཚིགས་སུ་བཅད་དེ་ཕན་ཡོན་གསུངས་སོ། །ཡང་ན་འཐད་པ་བསྟན་པའི་ཕྱིར་ཏེ། འདི་ལྟར་སྤོབས་པ་མཛའ་ཡས་ཀྱང་ཐོབ་པར་འགྱུར་ཞེས་བྱ་བ་དེའི་ཐད་པ་ནི། དེའི་ལས་ཀྱི་སྒྲིབ་པ་མྱུར་དུ་འབྱང་ཞེས་བྱ་བ་ཡིན་ནོ།། ་དེའི་འཐད་པ་ནི། དེ་ལ་བདུད་ཀྱིས་གླགས་ནི་རྙེད་མི་འགྱུར་ཞེས་བྱ་བ་ཡིན་ནོ། །དེའི་འཐད་པ་ནི། དེ་ནི་སངས་རྒྱས་ཀུན་གྱིས་ཡིད་ལ་མཛད་ཅེས་བྱ་བ་ཡིན་ནོ། །དེའི་འཐད་པ་ནི། གཟུངས་འདི་ལ་མངོན་པར་བརྩོན་པ་ཞེས་བྱ ་བ་ཡིན་ཏེ། དེའི་ཕྱིར་དེ་ལྟར་གཟུངས་ལ་མངོན་པར་བརྩོན་པ་དེའི་ཕན་ཡོན་ནི། །འདི་ན་སངས་རྒྱས་ཀུན་གྱིས་ཡིད་ལ་མཛད་ཅེས་བྱ་བ་འདི་ཁོ་ན་ཡིན་ནོ། །གཞན་ནི་བརྒྱུད་པར་ཤེས་པར་བྱའོ། །མཛའ་ཡས་པ་ནི་ཟད་པ་མེད་པའམ། ཡོན་ཏན་མཛའ་ ་ཡས་པ་དང་ལྡན་པའི་ཕྱིར་རོ། །ད་ནི་མངོན་འབྱུང་བ་བསྙད་པ་བརྗོད་པར་བྱ་སྟེ། སྔོན་འབྱུང་བ་ནི་མདོར་བསྡུ་ན། །རྣམ་པ་དགུར་ནི་བསྟན་པ་མཛད། །དེ་ཡང་སོ་སོར་དབྱེ་བ་ནི། །རྣམ་པ་མང་པོའི་དབྱེ་བ་ཡོད། །བསྒྲུབ་པར་བྱ་བའི་དངོས་པོ་ལ་ངེས་པ ་བསྐྱེད་པའི་ཕྱིར། བཅོམ་ལྡན་འདས་ཀྱིས་སྔོན་བྱུང་བ་བསྙད་པ་རྣམ་པ་དགུའི་རིམ་གྱིས་སྟོན་པར་མཛད་དེ། དགུ་གང་ཞེ་ན། འདི་ལྟ་སྟེ་སྟོན་པ་པོ་བསྟན་པ་ནི། སྟོན་པ་དེ་འདྲ་བ་ལས་ན། གདོན་མི་ཟ་བར་འབྲས་བུ་ཐོབ་པར་འགྱུར་རོ་ཞེས་ཐེ་ཚོམ་མི་བྱ ་བར་བསྟན་པའི་ཕྱིར་རོ། །གཟུངས་ཐོབ་པ་པོའི་རིགས་བསྟན་པ་དང། ཐོབ་པ་པོ་བསྟན་པ་དང། ཐོས་ནས་ཐོབ་པར་བྱ་བའི་ཕྱིར་མངོན་པར་བརྩོན་པ་བསྟན་པ་དང། ཐོབ་པ་བསྟན་པ་དང། ཐོབ་པའི་འབྲས་བུ་བསྟན་པ་སྟེ། འདི་ལྟ་བུའི་རིགས་སུ་སྐྱེས ་ལ། ན་ཚོད་འདི་ཙམ་གྱིས། བརྩོན་འགྲུས་འདི་ལྟ་བུ་བྱས་ཏེ་འབྲས་བུ་འདི་ལྟ་བུ་ཐོབ་ནས། །གཞན་ལ་ཕན་པ་འདི་ལྟ་བུ་བྱེད་ན། བདག་ཅག་གིས་ཀྱང་འདི་ལྟ་བུ་ཅིའི་ཕྱིར་མི་བྱ་སྙམ་དུ་བརྩོན་འགྲུས་ཆུང་བ་རྣམས་སྤྲོ་བ་བསྐྱེད་པའི་ཕྱིར་རོ། །རྗེས་སུ ་ཡི་རང་བྱེད་པ་བསྟན་པ་ནི་རྗེས་སུ་ཡི་རང་བ་ཙམ་གྱིས་ཀྱང་འབྲས་བུ་དེ་ལྟ་བུ་འཐོབ་ན། ཇི་སྐད་བསྟན་པའི་སྤྱོད་པ་ལ་ནན་ཏན་དུ་སྒྲུབ་པས་ལྟ་ཅིའི་ཕྱིར་ཐོབ་པར་མི་འགྱུར་སྙམ་དུ་ངེས་པ་བསྐྱེད་པའི་ཕྱིར་རོ། །དེ་ཇི་ལྟར་མངོན་སྙམ་པའི་ཐེ་ཚོམ་བསལ ་བའི་ཕྱིར་རྗེས་སུ་ཡི་རང་བའི་འབྲས་བུ་བསྟན་པ་དང། བདག་དང་གཞན་དག་ལས་དཔེ་བླངས་ནས། རྗེས་སུ་ཡི་རང་བའི་འབྲས་བུ་བརྡ་སྤྲད་པ་སྟེ། འདི་ནི་མདོར་བསྟན་པའོ། །འདི་ལྟར་སྔོན་བྱུང་བ་བསྙད་པ་དེ་སོ་སོར་དབྱེ་ན་ནི་རྣམ་པ་དུ་མར་དབྱེ་བ ་ཡོད་དེ་གང་གི་ཕྱིར་སྟོན་པ་པོ་དང། དུས་དང། མཚན་དང་ཡོན་ཏན་དང། ཡོངས་སུ་མྱ་ངན་ལས་འདས་པ་རྣམ་པ་བཞིར་བསྟན་པའི་ཕྱིར་རོ། །དེ་ལ་དུས་ནི་སྔོན་ཞེས་བྱ་བ་ལ་སོགས་པས་བསྟན་ཏེ། ཆགས་བྲལ་སློབ་དང་མི་སློབ་དང། བསེ་རུ ་ལ་སོགས་རྒྱལ་བའི་སྲས། །དེ་དག་གི་ཤེས་ལམ་ལས་འདས། །གྲངས་མེད་ལ་སོགས་པ་ཡིན། །གྲངས་མེད་པ་ནི་འཇིག་རྟེན་པའི་འདོད་ཆགས་དང་བྲལ་བ་རྣམས་ཀྱི་ཤེས་པའི་ལམ་ལས་འདས་པའོ། །ཆེས་གྲངས་མེད་པ་ནི་སློབ་པ་འདོད་ཆགས ་དང་བྲལ་བ་རྣམས་ཀྱི་ཤེས་པའི་བླ་མ་ལས་འདས་པའོ། །ཡངས་པ་ནི་མི་སློབ་པ་རྣམས་ཀྱི་ཤེས་པའི་ལམ་ལས་འདས་པའོ། །རྒྱ་ཆེར་གྱུར་པ་ནི་བསེ་རུ་ལ་སོགས་པའི་ཤེས་པའི་ལམ་ལས་འདས་པ་སྟེ། སགས་པ་སྨོས་པས་ནི། རང་སངས ་རྒྱས་ཚོགས་དང་སྤྱོད་པ་རྣམས་བསྡུའོ། །ཚད་མེད་པ་ལས་ནི་བདེ་བར་གཤེགས་པའི་སྲས་རྣམས་ཀྱི་ཤེས་པའི་ལམ་ལས་འདས་པའོ། །ཡང་ན་གཞལ་བྱའི། དངོས་པོ་བྱེ་བྲག་དག་།གོ་བྱེད་གྲངས་དང་བསྟོད་གཞལ་དང། །ཀུན་ནས་གཞལ་དང ་ཚང་ཅེས་བྱ། །དེ་དག་མེད་ཕྱིར་དེ་སྐད་བསྟན?། །གྲངས་མེད་པ་ལ་སོགས་ཞེས་བྱ་བའི་ཐ་ཚིག་སྟེ། གྲངས་མེད་པ་ནི་ཡོངས་སུ་གཅོད་པར་བྱེད་པའི་གྲངས་མེད་པའི་ཕྱིར་རོ། །ཆེས་གྲངས་མེད་པ་ནི་གནས་དྲུག་ཅུ་བར་བབ་པའི་གྲངས་ལ་གྲངས་མེད་པ ་ཞེས་བྱ་བ་ཡིན་པར་དོགས་པ་བསལ་བའོ་ཕྱིར་གྲངས་མེད་པའི་བྱེ་བྲག་སྨོས་པར་མཛད་པའོ། །ཡངས་པ་སྨས་པ་ནི་བསྟོད་དེ་གཞལ་བ་མེད་པའི་ཕྱིར་རོ། །ཀུན་ནས་གཞལ་བ་ནི་ཀུན་ཏུ་གཞལ་པ་ཡིན་པའི་ཕྱིར་ཡོངས་སུ་གཞལ་བ་སྟེ། དེ་མེད་པའི ་རྒྱ་ཆེ་བར་གྱུར་བའོ། །ཚད་མེད་པ་ནི་ཚད་མེད་པའི་ཕྱིར་རོ། །དེ་ལྟར་ན་དེ་ལ་ཡོངས་སུ་གཅོད་པར་བྱེད་པ་ཐམས་ཅད་མེད་པར་བསྟན་པའི་ཕྱིར་རོ། །སྔ་མ་སྔ་མ་སྒྲུབ་པའི། གཏན་ཚིགས་ཕྱི་མ་ཕྱི་མ་ཡིན། ཡང་གྲངས་མེད ་པ་ལ་སོགས་པ་སྔ་མ་སྔ་མ་བསྒྲུབས་པའི་གཏན་ཚིགས་ནི། ཆེས་གྲངས་མེད་པ་ལ་སོགས་པ་ཕྱི་མ་ཕྱི་མ་ཡིན་པར་ཤེས་པར་བྱའོ། །ཡང་ན་ལ་ལ་སྔར་མ་ཐོས། །གང་ཡང་རུང་བས་དོན་དེ་སྟོན། །ཡང་གདུལ་བྱ་ཁ་ཅིག་སྔ་མ་བསྟན་པའི ་ཚེ། དོན་དེ་མ་ཐོས་པ་ལ་ཕྱིས་ཆེས་གྲངས་མེད་པ་ལ་སོགས་པའི་ཚིག་གཞན་གྱིས་བརྡ་སྤྲོད་པར་མཛད་དོ། །མཚན་ནི་རིན་ཆེན་དཔལ་གྱི་གཟི་བརྗིད་རྒྱལ་པོ་ཞེས་བྱ་བའོ། །ཡོན་ཏན་ནི་དེ་བཞིན་གཤེགས་པ་ཞེས་བྱ་བ་ལ་སོགས་པས ་བསྟན་ཏེ། གདུལ་བྱའི་དོན་ནི་རབ་བསྒྲུབ་ཕྱིར། ཡེ་ཤེས་སྤངས་པའི་རང་བཞིན་ཉིད། ཅི་འདྲི་དེ་ནི་རྒྱུ་དང་བཅས། །ཕུན་སུམ་ཚོགས་གཉིས་བསྟོད་པ་གསུངས། གདུལ་བ་བཅོམ་ལྡན་འདས་ལ་མངོན་པར་མ་དད་པ་རྣམས་དང་བ ་བསྐྱེད་པའི་ཕྱིར་དང། །མངོན་པར་དད་པ་རྣམས་དད་པ་འཕེལ་བར་བྱ་བའི་ཕྱིར། བདག་དང་གཞན་གྱི་དོན་ཕུན་སུམ་ཚོགས་པ་རྣམ་པ་གཉིས་ཀྱིས་བསྟོད་པ་གསུངས་སོ། །རང་གི་དོན་ཕུན་སུམ་ཚོགས་པ་སྔར་སྨོས་པ་ནི་དེ་ཞལ་ལས་བྱུང་བ ་ཡིན་ཡང། དེ་ཅིག་ཤོས་ཀྱི་སྔོན་དུ་འགྲོ་བ་ཡིན་པའི་ཕྱིར་རོ། །དེ་ལ་ཡེ་ཤེས་དང་སྤངས་པ་ཕུན་སུམ་ཚོགས་པའི་རྒྱུ་མཚོན་པ་ནི། དེ་བཞིན་གཤེགས་པ་ཉིད་ཀྱིས་བསྟན་ཏེ། ཡང་དག་པར་རྫོགས་པའི་སངས་རྒྱས་སྔ་མ་རྣམས་ལམ ་གང་ནས་གཤེགས་པ་ཉིད་ནས་གཤེགས་པས་ན་དེ་བཞིན་གཤེགས་པ་ཞེས་བྱ་བའི་ཕྱིར་རོ། །དག་རྣམས་བཅོམ་བས་ན་དགྲ་བཅོམ་པ་སྟེ། འདིས་ནི་སྤངས་པ་ཕུན་སུམ་ཚོགས་པ་བསྟན་ཏོ། །དགྲ་དག་ནི་འདོད་ཆགས་ལ་སོགས་པ་ཉོན་མོངས ་པ་རྣམས་ཏེ། དགེ་བའི་ཆོས་ཐམས་ཅད་ལ་གནོད་པ་བྱེད་པའི་ཕྱིར་རོ། །སྤངས་པ་ཕུན་སུམ་ཚོགས་པ་འདི་སྔར་སྨོས་པ་ནི། དེ་ལ་ཡེ་ཤེས་ཕུན་སུམ་ཚོགས་པའི་སྔོན་དུ་འགྲོ་བའི་ཕྱིར་རོ། །ཡང་དག་པ་ཕྱིན་ཅི་མ་ལོག་པར་ཀུན་ནས་སངས་རྒྱས་པས་ན ་ཡང་དག་པར་རྫོགས་པའི་སངས་རྒྱས་ཞེས་བྱའོ། །འདིས་ནི་ཡེ་ཤེས་ཕུན་སུམ་ཚོགས་པ་བསྟན་ཏེ། ཐམས་ཅད་མཁྱེན་པའི་ཡེ་ཤེས་ཕྱིན་ཅི་མ་ལོག་པ་བསྟན་པའི་ཕྱིར་རོ། །གལ་ཏེ་ཐུབ་པ་སྔ་མ་རྣམས་ལམ་གང་ནས་གཤེགས་པའི་ལམ་དེ་ནས ་འདི་ཡང་གཤེགས་པའི་ཕྱིར། དེ་བཞིན་གཤེགས་པ་ཞེས་བྱ་ན། ལམ་དེ་ཉིད་གང་ཡིན་ཞེ་ན། རིག་པ་དང་ཞབས་སུ་ལྡན་པ་སྟེ། འདིས་ནི་འཕགས་པའི་ལམ་ཡན་ལག་བརྒྱད་པ་བསྟན་ཏེ། རིག་པ་ནི་ཡང་དག་པའི་ལྟ་བའོ། །ཡང་དག་པའི་རྟོགས ་པ་ལ་སོགས་པ་ཡན་ལག་བདུན་ནི་ཞབས་ཏེ། ཡང་དག་པའི་ལྟ་བས་དེ་ཁོ་ན་གཟིགས་ནས། ཡང་དག་པའི་རྟོག་པ་ལ་སོགས་པ་ཞབས་སུ་གྱུར་པ་རྣམས་ཀྱིས་གཤེགས་པའི་ཕྱིར་རོ། །ཡང་ན་བསླབ་པ་གསུམ་ནི། རིག་པ་དང་ཞབས་ཏེ། ལྷག་པའི ་ཤེས་རབ་ཀྱི་བསླབ་པ་ནི་རིག་པའོ། །ལྷག་པའི་སེམས་དང། ལྷག་པའི་ཚུལ་ཁྲིམས་ཀྱི་བསླབ་པ་ནི་ཞབས་སྟེ། ཤེས་རབ་ཀྱི་སྔོན་དུ་ཡོངས་སུ་སྤྱོད་པར་གྱུར་ནི་ཞབས་ཏེ། །སྤྱོད་པ་ཡིན་པའི་ཕྱིར་རོ། །རིག་པ་ལྔར་སྨོས་པ་ནི་དེ་ཡོངས་སུ་དག་པ་ཚུལ ་ཁྲིམས་དང་ཏིང་ངེ་འཛིན་ཡོངས་སུ་དག་པར་འགྱུར་བའི་ཕྱིར་རོ། །ཡང་ན་སྔོན་གྱི་གནས་རྗེས་སུ་དྲན་པ་ཤེས་པ་མངོན་སུམ་དུ་བྱ་བའི་མངོན་པར་ཤེས་པ་དང། འཆི་འཕོ་དང། སྐྱེ་བ་ཤེས་པ་མངོན་སུམ་དུ་བྱ་བའི་མངོན་པར་ཤེས་པ་དང། ཟག ་པ་ཟད་པ་མངོན་སུམ་དུ་བྱ་བའི་མངོན་པར་ཤེས་པ་དང། འདི་གསུམ་ནི་རིག་པའོ། །ཞབས་ནི་ཚུལ་ཁྲིམས་ཕུན་སུམ་ཚོགས་པ་དང། སྤྱོད་པ་ཕུན་སུམ་ཚོགས་པ་དང། བཟློག་པ་ཕུན་སུམ་ཚོགས་པ་དང། ལྷག་པའི་སེམས་ལས་བྱུང་བ་ཚེ་འདི་ལ? ་བར་གནས་པ་བཞི་པོ་རྣམས་ཏེ། རིག་པ་རྣམས་ཀྱི་སྔོན་དུ་ཡོངས་སུ་སྦྱོང་བར་གྱུར་པའི་ཕྱིར་ཏེ། སྔར་སྤྱད་པ་ཡིན་པའི་ཕྱིར་རོ། །དེ་ལ་ཚུལ་ཁྲིམས་ཕུན་སུམ་ཚོགས་པ་ནི་རང་བཞིན་དང་བཅས་པའི་ཁ་ན་མ་ཐོ་བ་སྤངས་ཤིང ་མ་ཉམས་པ་ལ་སོགས་པའི་ཡོན་ཏན་དང་ལྡན་པའོ། །སྤྱོད་པ་ཕུན་སུམ་ཚོགས་པ་ནི་སྤྱོད་ལམ་ཐམས་ཅད་ཤེས་བཞིན་དུ་གནས་པའོ། །བཟློག་པ་ཕུན་སུམ་ཚོགས་པ་ནི་མིག་ལ་སོགས་པའི་ཡུལ་རྣམས་ལ་མཚན་མར་མི་འཛིན་པས། དབང ་པོ་བསྡམས་པའོ། །དེ་ལྟར་ཚུལ་ཁྲིམས་ཡོངས་སུ་དག་པ་དང། ཤེས་བཞིན་དུ་གནས་པ་དང། དབང་པོ་རྣམས་ཀྱི་བསྲུང་བ་ནི། ལྷག་པའི་སེམས་ལས་བྱུང་བ། ཚེ་འདི་ལ་བདེ་བར་གནས་པ་བཞི་སྒྲུབ་པར་བྱེད་དེ། དེ་དག་ནི་བསམ་གཏན་བཞི་པོ ་རྣམས་སོ། །དེའི་ཕྱིར་འདི་ལྟར་བཅོམ་ལྡན་འདས་དེ་ནི་རིག་པ་རྣམས་དང། ཞབས་འདི་རྣམས་དང་ལྡན་པས། རང་གི་དོན་ཕུན་སུམ་ཚོགས་པ་བརྙེས་པར་གྱུར་པའི་ཕྱིར། རིག་པ་དང་ཞབས་སུ་ལྡན་པ་ནི་རང་གི་དོན་ཕུན་སུམ་ཚོགས་པ་འཐོབ ་པའི་རྒྱུར་བསྟན་པ་ཡིན་ནོ། །རང་གི་དོན་ཕུན་སུམ་ཚོགས་པ་དེ་ཇི་ལྟ་བུ་ཡིན་པ་དེ་ཡང། བདེ་བར་གཤེགས་པ་ཞེས་བྱ་བས་བསྟན་ཏེ། ནའདི་ལྟར་འཇིག་རྟེན་ལས་འདས་པའི་ལམ་ནས། ཡེ་ཤེས་སྤངས་པ་ཕུན་སུམ་ཚོགས་པར ་ལེགས་པ་གཤེགས་པས་ན་བདེ་བར་གཤེགས་པ་སྟེ། གཟུགས་ལེགས་པ་བཞིན་ནོ། །ཡང་ན་ཕྱིར་མི་ལྡོག་པར་གཤེགས་པས་ན་བདེ་བར་གཤེགས་པ་སྟེ། རིམས་ནད་ལེགས་པར་སོས་པ་བཞིན་ནོ། །མ་ལུས་པར་གཤེགས ་པའི་ཕྱིར་ཡང་བདེ་བར་གཤེགས་པ་སྟེ། བུམ་པ་ཤིན་ཏུ་གང་བ་བཞིན་ནོ། །དོན་འདི་གསུམ་ཡང་ཕྱི་རོལ་བའི་འདོད་ཆགས་དང་བྲལ་བ་དང། སློབ་པ་དང། མི་སློབ་པ་རྣམས་ལས་རང་གི་དོན་ཕུན་སུམ་ཚོགས་པ་བྱེ་བྲག་ཏུ་བྱ་བའི ་ཕྱིར་རོ། །འཇིག་རྟེན་མཁྱེན་པ་ནི་སྐལ་པ་དང་ལྡན་པ་དང། སྐལ་བ་དང་ལྡན་པ་མ་ཡིན་པ་མཁྱེན་པའི་ཕྱིར་རོ། །འདིས་ནི་གཞན་གྱི་དོན་ཕུན་སུམ་ཚོགས་པའི་རྒྱུ་བསྟན་ཏོ། །སྐལ་པ་དང་ལྡན་པ་དང། སྐལ་བ་དང་ལྡན་པ་མ་ཡིན་པ་ཐུགས་སུ ་ཆུད་ནས། སྐལ་བ་དང་ལྡན་པ་རྣམས་འདུལ་བར་མཛད་པས་ནི། སྐྱེས་བུ་གདུལ་བའི་ཁ་ལོ་སྒྱུར་བ་བླ་ན་མེད་པ་ཞེས་གསུངས་ཏེ། འདིས་ནི་གཞན་གྱི་དོན་ཕུན་སུམ་ཚོགས་པ་བསྟན་ཏོ། །གདུལ་བར་འོས་པ་དང། གདུལ་བར་ནུས་པ་ཡིན་པའི་ཕྱིར ་གདུལ་བ་སྟེ་སྐྱེས་བུ་ཉིད་གདུལ་བ་ཡིན་པའི་ཕྱིར་རོ། །སྐྱེས་བུ་གདུལ་བའོ། །དེ་དག་གིས་ཁ་ལོ་སྒྱུར་བ་ནི་ལམ་ངན་པ་ནས་བཟློག་ཏེ་ལམ་བཟང་པོར་འཛུད་པའི་ཕྱིར་དང། ཡོན་ཏན་གྱི་ཁྱད་པར་བསྐྱེད་པའི་ཕྱིར་ཏེ། རྟ་ལ་སོགས་པའི་ཁ་ལོ་སྒྱུར་པ ་བཞིན་ནོ། །བླ་ན་མེད་པ་སྨོས་པ་ནི། གདུལ་དཀའ་བ། འདོད་ཆགས་དང། ཞེ་སྡང་དང། གཏི་མུག་དང། ང་རྒྱལ་ཤས་ཆེ་བ་འཕགས་པ་མཛེས་དགའ་དང། སོར་ཕྲེང་དང། ལྟེང་རྒྱས་འོད་སྲུང་དང། རྒྱལ་པོ་ཆེན་པོ་ཀ་པི་ན་ལ་སོགས་པ་འདུལ ་བ་ཡང་མ་ཡིན་ནོ། །ཞེས་བསྟན་པའི་དོན་ཏོ། །ལྷ་དང་མི་རྣམས་ཀྱི་སྟོན་པ་ཞེས་བྱ་བ་འདིས་ནི་གཞན་གྱི་དོན་ཕུན་སུམ་ཚོགས་པ་ཇི་ལྟ་བུ་ཡིན་པ་བསྟན་ཏོ། །སྟོན་པའི་ཕྱིར་ནི་སྟོན་པ་སྟེ། བསྟན་པ་ན་འཕགས་པའི་བདེན་པ་བཞི་ཁོང་དུ་ཆུད་པའོ།། ་དེ་བས་ན་ལྷ་དང་མི་སྨོས་ཏེ། དེ་དག་ཁོ་ན་ཁོང་དུ་ཆུད་པའི་སྐལ་པ་དང་ལྡན་པའི་ཕྱིར་རོ། །ལམ་བཟང་པོ་སྟོན་པ་ལ་སོགས་པའི་རྒྱུ་ཉིད་ཀྱིས་ནི་ཐམས་ཅད་ཀྱི་ཡང་སྟོན་པ་ཡིན་ཏེ། དེའི་ཕྱིར་སེམས་ཅན་ཐམས་ཅད་ཀྱི་སྟོན་པ་ཞེས་གསུངས་སོ། །འཕགས ་པའི་བདེན་པ་རྟོགས་པ་དེས་ཞུགས་ན། ཐེག་པ་ཇི་ལྟ་བ་བཞིན་དུ་ཡེ་ཤེས་དང་སྤངས་པ་ཕུན་སུམ་ཚོགས་པར་འགྱུར་བའི་ཕྱིར། ཡེ་ཤེས་དང་སྤངས་པ་ཕུན་སུམ་ཚོགས་པ་གཞན་གྱི་དོན་ཕུན་སུམ་ཚོགས་པ་ཞེས་བྱའོ། །དེ་ལྟར་བདག་དང ་གཞན་གྱི་དོན་ཕུན་སུམ་ཚོགས་པ་དང་ལྡན་པ་དེ་སུ་ཡིན་ཞེ་ན། སངས་རྒྱས་བཅོམ་ལྡན་འདས་རིན་ཆེན་དཔལ་གྱི་གཟི་བརྗིད་རྒྱལ་པོ་ལྟ་བུ་ཞེས་བྱ་བ་ཞེས་གསུངས་པ་དང་སྦྱར་ཏེ། བློ་ཁྱད་པར་དུ་འཕགས་པ་འདི་ལ་ཡོད་པས ་ན་སངས་རྒྱས་ཞེས་བྱའོ། །བློ་ཁྱད་པར་དུ་འཕགས་པ་ཡང་རྣམ་པ་དགུ་སྟེ། ཐམས་ཅད་མཁྱེན་པ་དང། རྣམ་པ་ཐམས་ཅད་མཁྱེན་པ་དང། བསྒྲིམ་མི་དགོས་པར་མཁྱེན་པ་དང། ལུང་ཕོག་པ་མེད་པར་མཁྱེན་པ་དང། ཉོན་མོངས་པ་དང ་ཤེས་བྱའི་སྒྲིབ་པ་བག་ཆགས་དང། བཅས་པ་སྤངས་པ་དང། རྣམ་པ་ཐམས་ཅད་དུ་སེམས་ཅན་ཐམས་ཅད་ཀྱི་དོན་མཛད་པར་སྤྱོད་པ་དང། ཐུགས་རྗེ་ཕུན་སུམ་ཚོགས་པ་དང། ཟད་མི་ཤེས་པ་ཕུན་སུམ་ཚོགས་པ་དང། མཚུངས ་པ་མེད་པ་ཕུན་སུམ་ཚོགས་པས་སོ། །ཡང་ན་དངོས་པོ་ཐམས་ཅད་རྣམ་པ་ཐམས་ཅད་དུ་ཐུགས་སུ་ཆུད་པའི་ཕྱིར་སངས་རྒྱས་ཞེས་བྱ་སྟེ། ད་ལྟར་གྱི་དུས་ལ་བྱའོ། །མ་འོངས་པ་ཡང་དེ་དེའི་རང་བཞིན་ཡིན་པའི་ཕྱིར། །སངས་རྒྱས་ཞེས་བྱ་སྟེ ་འོ་མ་དང་བུང་ཤིང་བཞིན་ནོ། །གལ་ཏེ་དེ་ལྟར་ན་འདས་པ་ན་སངས་རྒྱས་མ་ཡིན་པར་འགྱུར་རོ་ཞེས་ན་མི་འགྱུར་ཏེ། སངས་རྒྱས་འདས་པ་ནི་མེད་པས། ཡོངས་སུ་མྱ་ངན་ལས་འདས་པ་ནི་མི་སྲིད་པར་བསྟན་ཟིལ་ཏེ། འཁོར་བ་ཇི་སྲིད་ཡོད་ཀྱི ་བར་དུ་སྐད་ཅིག་རེ་རེ་ལ་དངོས་པོའི་ཡུལ་མ་ལུས་པ་ལ་མཁྱེན་པ་འཇུག་པའི་ཕྱིར་རོ། །ཡང་ན་རྣམ་པ་ཐམས་ཅད་དུ་ལྷག་པ་མེད་པའི་ཡོན་ཏན་ཐམས་ཅད་དང་ལྡན་པ་དེ་ལ་ནི་སངས་རྒྱས་ཞེས་བྱ་སྟེ། དེའི་ཕྱིར་འདི་ལ་ཉེས་པ་མེད་དོ།། ་ཡང་ན་སྟོན་པ་པོ་བཅོམ་ལྡན་འདས་ལ་དད་པའི་ཁྱད་པར་བསྐྱེད་པའི་ཕྱིར་རོ། །སྟོན་པ་ཉིད་ཕུན་སུམ་ཚོགས་པ་ཡོན་ཏན་གྱིས་ཆེ་བ་ཉིད་བསྟན་ཏེ། སྟོན་པ་རྣམ་པ་གཉིས་གང་གིས་འཐོབ། །ཅི་འདྲ་དེ་ཡི་ལས་རྣམ་གཉིས། །གང ་དག་ལ་ནི་དེ་གནས་དང། དེ་དང་ལྡན་པའང་སྟོན་པར་བྱེད། །དེ་ལ་སྟོན་པ་ཉིད་ཕུན་སུམ་ཚོགས་པ་རྣམ་པ་གཉིས་ནི། གསུང་བ་ཉིད་ཀྱི་མཚན་ཉིད་དང། བསྒྲུབ་པ་ཉིད་ཀྱི་མཚན་ཉིད་དོ། །དེ་ལ་གསུང་བ་ཉིད་ཀྱི་མཚན་ཉིད་ནི། དེ་བཞིན་གཤེགས་པ་ཞེས ་གསུངས་པ་ཡིན་ཏེ། ཆོས་རྣམས་ཇི་ལྟར་གནས་པ་དེ་ཁོ་ན་བཞིན་དུ་གསུངས་པས་ན་དེ་བཞིན་གསུངས་པ་ཞེས་བྱ་བའི་ཕྱིར་རོ། །འདིས་ནི་ཕྱིན་ཅི་མ་ལོག་པར་ཆོས་སྟོན་པ་པོ་ཉིད་ཡིན་པར་བསྟན་ཏེ། །སྒྲུབ་པ་ཉིད་ཀྱི་མཚན་ཉིད་ནི། །སྤངས་པ་དང ་ཡེ་ཤེས་ཕུན་སུམ་ཚོགས་པའི་ངོ་བོ་ཉིད་རྣམ་པ་གཉིས་ཏེ། གོ་རིམ་བཞིན་དུ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཞེས་གསུངས་པ་ཡིན་ནོ། །དེའི་ཕྱིར་དེ་ལྟར་ཕྱིན་ཅི་མ་ལོག་པར་ཆོས་སྟོན་པ་པོ་ཉིད་དང། ཉོན་མོངས་པ་ཐམས་ཅད ་སྤངས་པ་དང། རྣམ་པ་ཐམས་ཅད་དུ་ཆོས་ཐམས་ཅད་ཐུགས་སུ་ཆུད་པས་བཅོམ་ལྡན་འདས་ཀྱི་སྟོན་པ་ཉིད་ཕུན་སུམ་ཚོགས་པ་ཐུན་མོང་མ་ཡིན་པ་དང། ཡོངས་སུ་རྫོགས་པར་བསྟན་ཏེ། འདི་ལྟར་ཕྱི་རོལ་པ་རྣམས་ལ་ཕྱིན་ཅི་མ་ལོག་པར་ཆོས་སྟོན་པ ་པོ་ཉིད་མེད་དེ། ཉོན་མོངས་པ་ཐམས་ཅད་མ་སྤངས་པའི་ཕྱིར་རོ། །དེ་ཉིད་ཀྱི་ཕྱིར་དེ་དག་ཡང་དག་པའི་སྟོན་པ་མེད་པ་ཡིན་ནོ། །ཉན་ཐོས་དང་རང་སངས་རྒྱས་རྣམས་ནི་ཉོན་མོངས་པ་ཐམས་ཅད་སྤངས་པ་ཡིན་པའི་ཕྱིར། ཡང་དག་པའི་སྟོན་པ ་ཡིན་མོས་ཀྱི། རྣམ་པ་ཐམས་ཅད་དུ་ཆོས་ཐམས་ཅད་ཁོང་དུ་ཆུད་པ་མ་ཡིན་པས་ན། རྣམ་པ་ཐམས་ཅད་ཀྱི་སྟོན་པ་མ་ཡིན་ནོ། །བཅོམ་ལྡན་འདས་ནི་ཡང་དག་པའི་སྟོན་པ་དང། རྣམ་པ་ཐམས་ཅད་ཀྱི་སྟོན་པ་ཡིན་ནོ། །སྟོན་པ་ཉིད་ཕུན་སུམ ་ཚོགས་པ་དེ་གང་གིས་འཐོབ་པ་ནི་རིག་པ་དང་ཞབས་སུ་ལྡན་པ་ཞེས་བྱ་བས་བསྟན་ཏོ། །སྟོན་པ་ཉིད་ཕུན་སུམ་ཚོགས་པ་རྣམ་པ་གཉིས་པ་དེ་ཅི་འདྲ་བ་དེ་ཡང། བདེ་བར་གཤེགས་པ་ཞེས་བྱ་བས་བསྟན་ཏེ། །དེ་ཡང་ལེགས་པར་ཞེས་བྱ་བ་ལ ་སོགས་པ་དོན་གསུམ་སྨོས་པས་ཅི་རིགས་པར་བཤད་པར་བྱའོ། །སྟོན་པ་ཉིད་ཕུན་སུམ་ཚོགས་པ་དེའི་འཕྲིན་ལས་རྣམ་པ་གཉིས་ལ་སེམས་ཅན་སྐལ་བ་དང་ལྡན་པ་དང། སྐལ་པ་དང་ལྡན་པ་མ་ཡིན་པ་ལ་གཟིགས་པའི ་འཕྲིན་ལས་གང་ཡིན་པ་དེ་ནི་འཇིག་རྟེན་མཁྱེན་པ་ཞེས་བྱ་བས་བསྟན་ཏོ། །སྐལ་བ་དང་ལྡན་པ་འདུལ་བ་གང་ཡིན་པ་དེ་ནི་སྐྱེས་བུ་གདུལ་བའི་ཁ་ལོ་སྒྱུར་བ་བླ་ན་མེད་པ་ཞེས་བྱ་བས་བསྟན་ཏོ། སྐལ་པ་དང་ལྡན་པའི་གདུལ་བའི་འཕྲིན་ལས་གང ་དག་ལ་གནས་པ་དེ་ནི། ལྷ་དང་མི་རྣམས་ཀྱི་སྟོན་པ་ཞེས་བྱ་བས་བསྟན་ཏོ། །སུ་སྟོན་པ་ཕུན་སུམ་ཚོགས་པ་དེ་དང་ལྡན་པ་དེ་ནི་སངས་རྒྱས་བཅོམ་ལྡན་འདས་ཞེས་བྱ་བས་བསྟན་ཏོ། །ཚིག་གི་དོན་ནི་སྔར་བཤད་ཟིན་པས་འདིར་ནི་སྦྱར་བ་ཙམ ་དུ་ཟད་དོ། །ཡོངས་སུ་མྱ་ངན་ལས་འདའ་པའི་སྒོ་ནས་སྟོན་པ་པོ་བསྟན་པ་ནི། ཤཱ་རིའི་དུ་ཞེས་བྱ་བ་ལ་སོགས་པས་མཚན་དང། ཡོན་ཏན་དང། ཡོངས་སུ་མྱ་ངན་ལས་འདས་པའི་དུས་ངེས་པ་རྣམ་པ་གསུམ་དུ་ཕྱེ་སྟེ། ཀྱེ་མ་འདི་ལྟར་སངས་རྒྱས ་བཅོམ་ལྡན་འདས་ཡོན་ཏན་གྱི་གཞི་འདི་ལྟ་དུ་ཡང། མི་རྟག་པ་ཉིད་ཀྱི་ལམ་ན་འདུག་ན། བདག་ཅག་ལྟ་སྨོས་ཀྱང་ཅི་དགོས་སྙམ་དུ་སེམས་ཏེ། སྲོག་ཆགས་རྣམས་ཀྱི་སྐྱེ་བའི་བྱེ་བྲག་བསྐྱེད་པའི་ཕྱིར་རོ། །ཚ་ཞེས་བྱ་བ་ནི་ངེས་པ་འམ། ཡང ་ན་ཁོང་དུ་ཆུད་པ་ལ་བྱ་བར་ཤེས་པར་བྱའོ། །གལ་ཏེ་ཡོངས་སུ་མྱ་ངན་ལས་འདའ་བའ་ཨི་དུས་ལ་ཕབ་པར་ངེས་ན། དེས་ལོ་བདུན་ཁྲིར་ཞེས་བྱ་བ་ལ་སོགས་པའི་ཚིག་ཇི་ལྟར་སྐྱོན་དུ་མི་འགྱུར་ཞེ་ན། སྨྲས་པ། འཇིག་རྟེན་ཚེ་ནི་དཔག་མེད་ཚེ། ཐུབ་པ ་ཆེན་པོ་སྐྱེས་པ་ད། །ཡོངས་སུ་མྱ་ངན་འདའ་བ་ཡི། །དུས་བབ་པ་ནི་དེ་འདྲའོ། །འཇིག་རྟེན་གྱི་ཚེ་དཔག་ཏུ་མེད་བྱ་ན་བཅོམ་ལྡན་འདས་དེ་བཞིན་གཤེགས་པ་རིན་ཆེན་དཔལ་གྱི་གཟི་བརྗིད་རྒྱལ་པོ་ལྟ་བུ་བྱུང་སྟེ། དེའི་ཕྱིར་དུས་དེ་ལས་བལྟོས་ནས ་དེའི་ཡོངས་སུ་མྱ་ངན་ལས་འདའ་བའ་ཨི་དུས་ལ་བབ་པ་ཡང་ཡུན་རིང་བར་འགྱུར་ཏེ། དེ་ལྟ་བས་ན་དེ་ལོ་བདུན་ཁྲིར་ཞེས་བྱ་བ་ལ་སོགས་པའི་ཚིག་ལ་སྐྱོན་མེད་དོ། །གཟུངས་ཐོབ་པ་པོའི་རིགས་བསྟན་པར་ནི་རྣམ་པ་ལྔར་མཛད་དེ། མིང་དང། ་རྒྱལ་པོ་དང། གླིང་བཞིའི་བདག་པོ་དང། དབང་ཕྱུག་དང། མིའི་བདག་པོའོ། །སྣང་བ་འཛིན་ཅེས་བྱ་བ་ནི་གཞན་ཡང་ཡོད་པའི་ཕྱིར་རྒྱལ་པོ་སྨོས་སོ། །རྒྱལ་པོ་ནི་རྒྱལ་ཕྲན་ལ་ཡང་བྱ་བའི་ཕྱིར། །འཁོར་ལོས་སྒྱུར་བ་སྨོས་སོ། །འཁོར ་ལོས་སྒྱུར་བ་ཞེས་བྱ་བ་ནི་དེ་བཞིན་གཤེགས་པ་ལ་ཡང་ཡོད་པའི་ཕྱིར་རྒྱལ་པོ་སྨོས་སོ། །འཁོར་ལོས་སྒྱུར་བ་སྨོས་པས་ཀྱང་རིན་པོ་ཆེ་སྣ་བདུན་དང་ལྡན་པར་མངོན་མོད་ཀྱི། །རིན་པོ་ཆེ་སྣ་བདུན་དང་ལྡན་པ་སྨོས་པ་ནི་བྱེ་བྲག་ཏུ་དབྱེ་བའི་དོན་ཏེ། དེ་ནི ་གླིང་བཞིའི་བདག་པོ་བསྡུའོ། །རིག་སྔགས་འཆང་གི་འཁོར་ལོ་སྒྱུར་བ་ཡང་ཡོད་པས་ན། མིའི་དབང་པོ་སྨོས་སོ། །ཐོབ་པ་པོ་བསྟན་པ་ནི་རྣམ་པ་ལྔས་མཛད་དེ། མིང་དང་འབྲེལ་བ་དང། ན་ཚོད་དང། ཆོས་ཀྱི་རྣམ་གྲངས་ཐོབ་པ་དང། །སྟོན ་བ་པོ་དང་འབྲེལ་པའོ། །ཐོས་ནས་ཐོབ་པར་བྱ་བའི་ཕྱིར་མངོན་པར་བརྩོན་པ་བསྟན་པ་ནི་རྣམ་པ་གཉིས་ཏེ། སྤྱི་དང་བྱེ་བྲག་གོ་།བྱེ་བྲག་ཀྱང་རྣམ་པ་བརྒྱད་དེ། །དུས་དང་རྨུགས་པ་དང་གཉིད་མེད་པ་དང། །དགའ་བ་མེད་པ་དང། །བརྩོན་འགྲུས་དང། ་སེམས་རྩེ་གཅིག་པ་དང། དེའི་འབྲས་བུ་དང། དེ་ཉམས་སུ་ལེན་པ་དང། རབ་ཏུ་འབྱུང་བའོ། །དེ་ལ་དུས་ནི་ལོ་བདུན་ཁྲི་སྟེ། འདི་ནི་རབ་ཏུ་མ་བྱུང་བའི་སྔ་རོལ་གྱི་ཡིན་པར་ཤེས་པར་བྱའོ། །དེ་ཕྱིན་ཆད་ལོ་དགུ་ཁྲི་ནི་གཟུངས་སྒྲུབ་པའི་དུས ་ཡིན་ནོ། །དེའི་རྒྱུ་ནི་སྤངས་པའི་ཕྱིར། །དེས་ནི་རྨུགས་གཉིས་དེ་མ་བསྟེན། །རྨུགས་པ་ནི་ལུས་དང་སེམས་ལས་སུ་མི་རུང་བ་ཉིད་དོ། །གཉིད་ནི་སེམས་མངོན་པར་སྡུད་པའོ། །དེ་གཉིས་ཀྱི་རྒྱུ་ནི་ཧ་ཅང་མང་དུ་ཟ་བ་དང། ཧ་ཅང་ཉུང་དུ་ཟ་བ ་སྟེ། དེ་སྤངས་པས་རྒྱལ་པོའི་བུ་དེས་རྨུགས་དང་གཉིད་མ་བསྟེན་ཏོ། །དེ་གཉིད་ནི་སེམས་རྩེ་གཅིག་ཏུ་བྱ་བ་ལ་བགེགས་བྱེད་པ་ཡིན་ཏེ། དེའི་ཕྱིར་འབྲས་བུ་ཐ་མི་དད་པས་མཚན་གཅིག་ཏུ་བསྡུའོ། །དངོས་པོའི་ངོ་བོ ་ཉིད་ཤེས་པས། །དགའ་བ་རྣམ་གསུམ་སྤང་བར་བྱ། །འདུ་བྱེད་འདི་དག་མི་རྟག་པ་སྤོང་བར་རྟོགས་པ་དགའ་བ་རྣམ་པ་གསུམ་མི་བྱེད་དེ། འདི་ལྟར་ཕྱི་རོལ་དང། ནང་གི་ཡུལ་གྱི་བྱེ་བྲག་གིས་དགའ་བ་རྣམ་པ་གཉིད་ཡོད་ལ། ཕྱི་རོལ་གྱི ་ཡུལ་ཡང་གཙོ་བོ་དང། དེའི་ཡན་ལག་དང། རྣམ་པ་གཉིས་ཡོད་དོ། །དེས་ནི་རྣམ་པ་གསུམ་དུ་འགྱུར་ཏེ། གཙོ་བོ་ནི་རྒྱལ་སྲིད་དོ། །དེའི་ཡན་ལག་ནི་ནོར་ཡིན་ཏེ། དེ་ཡང་རིན་པོ་ཆེ་སྣ་བདུན་ལ་སོགས་པའོ། །བདག་གི་ལུས་དང། ་དེའི་ཡན་ལག་ལ་སོགས་པ་ལ་དགའ་བ་ནི་བདག་ལ་དགའ་བའོ། །རྨུགས་པ་དང་གཉིད་ལ་སོགས་པ་དང། དེ་གསུམ་ཡོངས་སུ་སྤངས་ནས་བརྩོན་འགྲུས་བརྩམས་པའི་ཕྱིར། དེ་ལོ་བདུན་ཁྲིར་ལན་འགའ་ཡང་ས་ལ་གློས་མ་ཕབ་སྟེ། ཞེས་གསུངས་སོ། ་དེ་ནས་ཏིང་འཛིན་བསྒོམས་པའི་ཕྱིར། །གཅིག་ཏུ་ངེས་པར་ནང་དུ་ཡང་དག་འཇོག་ལ་གནས་སོ་ཞེས་གསུངས་ཏེ། གནས་སོ་ཞེས་བྱ་བའི་ཐ་ཚིག་གོ་།གཅིག་ཏུ་ངེས་པའི་སྐྱེ་བོ་མེད་པའི་ཕྱོགས་སམ་གཅིག་ཏུ་ངེས་པར་ནང་དུ་ཡང་དག་འཇོག་པས ་རང་བཞིན་གྱིས་སེམས་རྩེ་གཅིག་ཏུ་བྱེད་པ་ལ་ནི། གཅིག་ཏུ་ངེས་པར་ནང་དུ་ཡང་དག་འཇོག་ལ་བྱའོ། །ཏིང་ངེ་འཛིན་དེའི་འོག་ཏུ་ཏིང་ངེ་འཛིན་གྱི་འབྲས་བུ་འཐོབ་པ་ཡིན་ཏེ། ལོ་དགུ་ཁྲི་ཞེས་གསུངས་སོ། །འཇིག་རྟེན་ཁམས་གཞན་སངས ་རྒྱས་རྣམས། །བཞུགས་པ་བྱང་ཆུབ་སེམས་དཔའ་ཡོན་ཏན་རིན་པོ་ཆེ་བསམ་གྱིས་མི་ཁྱབ་པའི་དཔལ། སྣང་བ་ཐོབ་པ་དེས་མཐོང་སྟེ། །འཇིག་རྟེན་གྱི་ཁམས་གཅིག་ཏུ་མ་ཡིན་ཏེ། དེ་བཞིན་གཤེགས་པ་གཉིས་ནི་འཇིག་རྟེན་གྱི་ཁམས་གཅིག ་ཏུ་ཅིག་ཆར་འབྱུང་བ་འགལ་བའི་ཕྱིར་རོ། །དེ་ལྟ་བས་ན་སངས་རྒྱས་བྱེ་བ་ཕྲག་དགུ་བཅུ་ལས་ཆོས་བསྟན་པ་ནི་ཐོས་སོ་ཞེས། །བྱེ་བའི་ཚིག་ལ་ཉེས་པ་མེད། །ཡང་ན་བློ་བཟང་འཇིག་རྟེན་ཁམས། །འདི་གཞན་སངས་རྒྱས་བཞུགས་པ་མཐོང། །བསྟན ་པ་འབྱུང་བ་བརྟེན་ནས་ནི། །ཅིག་ཅར་སྐྱེ་བ་དགག་པ་ཡིན། །ཡང་ན་བྱང་ཆུབ་སེམས་དཔའ་བློ་བཟང་པོ་དེས་སངས་རྒྱས་འཇིག་རྟེན་གྱི་ཁམས་འདི་ལ་བཞུགས་པ་རྣམས་དང། འཇིག་རྟེན་གྱི་ཁམས་གཞན་ན་བཞུགས་པ་རྣམས་མཐོང་སྟེ། དེའི་ཕྱིར ་སངས་རྒྱས་བྱེ་བ་ཕྲག་དགུ་བཅུ་ཞེས་བྱ་བ་ལ་སོགས་པ་འདི་སྤྱིར་གསུངས་སོ། །སྔ་ཕྱི་མེད་པར་དེ་བཞིན་གཤེགས་པ་གཉིས་འཇིག་རྟེན་དུ་མི་འབྱུང་ཞེས་བྱ་བ་འདི་ནི། དེའི་བསྟན་པ་འབྱུང་བ་ལ་དགོངས་ནས་ཅིག་ཅར་སྐྱེ་བ་དགག་པ་ཡིན་ནོ། །དེ་ཕྱིར ་དེ་བཞིན་གཤེགས་པ་གཉིས་ཀྱི་བསྟན་པ་འཇིག་རྟེན་དུ་ཅིག་ཅར་མི་འབྱུང་སྟེ། དོན་དུ་དེ་ལ་བྱའོ། །དེ་གཉིས་ཀྱི་སྐྱེ་བ་དེ་ནི་འདི་ལྟར་བསྟན་པ་འབྱུང་བ་ལ་བྱ་སྟེ། སངས་རྒྱས་བཅོམ་ལྡན་འདས་རྣམས་ནི་གཞན་གྱི་དོན་དང། གཞན་གྱི་དབང་གིས་སྐྱེ ་བར་ཟད་པའི་ཕྱིར་རོ། །ཡང་ན་སྔ་ཕྱི་མེད་པར་མི་འབྱུང་ཞེས་སྨོས་པས་དེ་དག་རིམ་གྱིས་བྱུང་བ་ཁོ་ནར་བཀའ་སྩལ་པ་ཡིན་ནོ། །བྱུང་བ་དེ་དག་ཀྱང་ཡོངས་སུ་མྱ་ངན་ལས་མི་འདའ་སྟེ། ལོངས་སྤྱོད་རྫོགས་པའི་སྐུའི་ཚུལ་གྱིས་བཞུགས་པར་ངེས་ན། བསོད ་ནམས་དང་ལྡན་པ་མ་ཡིན་པ་རྣམས་ཀྱིས་མི་མཐོང་ལ། བསོད་ནམས་ཅན་རྣམས་ཀྱིས་ནི་བསོད་ནམས་ཇི་ལྟ་བ་བཞིན་དུ་ཉུང་ངུ་འམ། །མང་པོ་ཡང་དག་པར་དམིགས་པ་ཙམ་དུ་ཟད་པའི་ཕྱིར་ཉེས་པ་མེད་དོ། །ཐོས་པ་ནི་བསྟན་པ་ཐོས་པར་ཟད་ན། ་བསྟན་པ་ཞེས་སྨོས་ཅི་དགོངས་ཞེས་དེ་སྐད་ཟེར་ན་ནི། དོན་འདི་ཡིན་ཏེ། རྫོགས་པའི་སངས་རྒྱས་ཐམས་ཅད་ཀྱིས། བསྟན་དེ་དགུ་བཅུ་དག་ལས་ཐོས། །ཆོས་ཞེས་བྱ་བ་ལྷག་མའོ། །དེ་དེ་ལྟ་ན་དོན་ནི་འདི་ཡིན་ཏེ། སངས་རྒྱས་ཐམས་ཅད་ཀྱིས་ཆོས ་བསྟན་པ་སངས་རྒྱས་བྱེ་བ་ཕྲག་དགུ་བཅུ་ལས་ཐོས་སོ་ཞེས་བྱ་བའི་ཐ་ཚིག་སྟེ། དེས་ན་ཆོས་ཀྱི་དེ་ཁོ་ན། བསྟན་པ་ཐབས་དང་བཅས་པ་བརྗོད། །རྒྱུ་དེས་བརྗོད་པ་ཡིན་ཏེ། ཆོས་ཀྱི་དེ་ཁོ་ན་ནི་སྟོང་པ་ཉིད་དོ། །ཐབས་ནི ་སྦྱིན་པ་ལ་སོགས་པ་ཕ་རོལ་ཏུ་ཕྱིན་པ་ཞེས་བྱ་སྟེ། ཆོས་ཀྱི་དེ་ཁོ་ན་ཐབས་དང་བཅས་པ་འདི་ནི་སངས་རྒྱས་ཐམས་ཅད་ཀྱིས་བསྟན་པ་དང། སྟོན་པ་དང། སྟོན་པར་འགྱུར་རོ། །སྐྱེས་པའི་རབས་ལ་སོགས་པ་གང་ཡིན་པ་དེ་དག་ལ་ནི། ་སངས་རྒྱས་ཐམས་ཅད་ཀྱི་བསྟན་པ་ཚངས་པར་ངེས་པ་མེད་དེ། འདི་ལ་ཆོས་ནི་ནན་ཏན་དུ། །ལེགས་བསྒྲུབ་ཉམས་སུ་ལེན་པར་བསྟན། །གསུང་རབ་འདི་ལ་ལས་སུ་བྱ་བས་སྟོང་པ་ཉིད་ཀྱི་ཆོས་ཡང་དག་པར་སྒྲུབ་ཅིང་རྟོགས་པར་བྱ་བ་དང། སྦྱིན ་པ་ལ་སོགས་པ་བསྒྲུབ་པ་འདི་ནི་ཉམས་སུ་བླང་བའོ། །ཡང་ན་འཛིན་པ་ལ་སོགས་པ། །ཡོན་ཏན་སྐྱེད་པར་འགྱུར་བ་ཡིན། །ཉམས་སུ་བླང་བ་ཞེས་བྱ་བ་ལ་སྙེགས་ཏེ། ཡང་ན་འཛིན་པ་དང། སེམས་པ་དང། བསྒོམ་པ་དང། གཞན་ལ་སྟོན་པ་ལ ་སོགས་པ་ཡོན་ཏན་བསྐྱེད་པ་དེ་ཕྱིན་ཅི་མ་ལོག་པའི་ཕྱིར་ཉམས་སུ་བླང་བའོ། །ཡང་ན་རྗེས་སུ་ཡི་རང་བ་ཡང་ཉམས་སུ་བླང་བ་ཡིན་ནོ། །སངས་རྒྱས་གཞན་དག་མ་ཡིན་ཞེས། །དེ་ཡི་མཚན་ནི་སྨོས་པ་མཛད། །སངས་རྒྱས་བྱེ་བ་ཕྲག་དགུ་བཅུ་པོ ་གང་ཡང་རུང་བ་ལས་རང་བྱུང་བར་འཛིན་པ་བསལ་བའི་ཕྱིར། །རིན་ཆེན་དཔལ་གྱི་གཟི་བརྗིད་རྒྱལ་པོ་ལྟ་བུའི་མཚན་སྨོས་སོ། །མཚན་སྨོས་པ་དེས་ན་ཐུབ་པ་བཞུགས་པ་ནི། འཇིག་རྟེན་ཕན་ཕྱིར་ཉིད་དུ་བསྟན། འདི་ལྟར་ཡོངས་སུ་མྱ་ངན ་ལས་འདའ་བའ་ཨི་དུས་དཔགས་པ་ལས་ཀྱང། བཅོམ་ལྡན་འདས་དེ་དེ་སྲིད་ཀྱི་བར་དུ་བཞུགས་པ་ནི་རྒྱལ་པོའི་བུ་དེ་དེས་གདུལ་བ་ཡིན་པའི་ཕྱིར་ཏེ། དེའི་ཕྱིར་འདི་དག་གིས་ནི་སངས་རྒྱས་བཅོམ་ལྡན་འདས་རྣམས་ནི་འཇིག་རྟེན་ལ་ཕན་པ་ཁོ་ནའི ་ཕྱིར་དུས་མཛའ་ཡས་པར་ཡང་བཞུགས་པར་མཛད་དོ་ཞེས་བསྟན་ཏོ། །སྡོམ་བརྩོན་ཚུལ་ཁྲིམས་ལྡན་པ་དང། །བརྩོན་དང་གཞན་དོན་གཞོལ་བ་ཡིས། །གཟུངས་ནི་ཐོབ་པར་ཐུབ་པ་དེས། །རབ་བྱུང་ལ་སོགས་ཚིག་གིས་བསྟན། །ཡོན་ཏན་ཐམས ་ཅད་ཀྱི་གཞི་ནི་ཚུལ་ཁྲིམས་ཡིན་པའི་ཕྱིར། །ཚུལ་ཁྲིམས་དང་ལྡན་པས་གཟུངས་འདི་འཐོབ་པར་འགྱུར་གྱི་གཞན་གྱིས་མ་ཡིན་པར། །བཅོམ་ལྡན་འདས་ཀྱིས་རབ་ཏུ་བྱུང་བའི་ཚིག་གིས་བསྟན་ཏེ། འདི་རྣམས་ཀྱིས་ནི། ཐོས་ནས་ཐོབ་པར ་བྱ་བའི་ཕྱིར་མངོན་པར་བརྩོན་པར་བྱ་བ་བསྟན་པ་བསྟན་དོ། །བརྩོན་འགྲུས་བརྩམས་པ་གཟུངས་འདི་འཐོབ་པར་འགྱུར་གྱི། གཞན་གྱིས་མ་ཡིན་པར་ནི་ལོ་དགུ་ཁྲི་ཞེས་བྱ་བ་ལ་སོགས་པས་བསྟན་ཏེ། འདིས་ནི་འཐོབ་པ་བསྟན་པ་བསྙད་དོ། ། ་གཞན་གྱི་དོན་སྒྲུབ་པའི་བསམ་པ་ཅན་གྱིས། །གཟུངས་འདི་འཐོབ་པར་འགྱུར་གྱི། གཞན་གྱིས་མ་ཡིན་པར་ནི་བསྒྲུབས་ནས་ཀྱང་ཞེས་བྱ་བ་ལ་སོགས་པས་བསྟན་ཏེ། འདིས་ནི་ཐོབ་པའི་འབྲས་བུ་བསྟན་པ་བསྙད་དེ། དེ་ཁོ་ན་ཡིན་ནོ་ཞེས་གཟུང་བར ་བྱའོ། །དེ་ལྟ་མ་ཡིན་ནི་རབ་ཏུ་བྱུང་བ་ལ་སོགས་པ་སྟན་པ་ཡང་དོན་མེད་པར་འགྱུར་རོ། །དེ་ལ་ཐོབ་པའི་འབྲས་བུ་བསྟན་པ་ནི་རྣམ་པ་གཉིས་ཀྱིས་བཤད་དོ། །ཡང་དག་པར་རབ་ཏུ་བསྟན་པ་དང། ཡང་དག་པར་རབ་ཏུ་བསྟན་པའི་འབྲས་བུའོ།། ་ཡང་དག་པར་རབ་ཏུ་བསྟན་པ་ཡང། ཡང་དག་པར་སྦྱིན་པ་དང། རྒྱས་པ་དང། རང་གི་ངོ་བོ་དང་རྣམ་པ་གསུམ་སྟེ། ཡང་དག་པར་སྦྱིན་པ་ནི་སེམས་ཅན་ཐམས་ཅད་ལའོ། །དེ་དག་ཀྱང་གཟུངས་ཡང་དག་པར་རབ་ཏུ་བསྟན་པས་འདུལ་བ་ཁོ་ན ་ཡིན་པར་བཟུང་བར་བྱ་སྟེ། ཐམས་ཅད་ཀྱི་སྒྲ་ནི་བརྗོད་པར་འདོད་པས་མ་ལུས་པ་ལ་བྱ་བའི་ཕྱིར་རོ། །སེམས་ཅན་ཐམས་ཅད་ཁོ་ན་ལ་བྱ་བའི་མ་ཡིན་ཏེ། དེ་དག་ལ་ནི་ཐམས་ཅད་མཁྱེན་པ་མ་ཡིན་པས་ཡང་དག་པར་རབ་ཏུ་བསྟན་པར་བྱ་མི་ནུས ་བའི་ཕྱིར་རོ། །ཐམས་ཅད་མཁྱེན་པས་དེ་བསྟན་དུ་ཡང་སེམས་ཅན་ཐམས་ཅད་ཡུལ་དུ་འགྱུར་མི་སྲིད་དེ། དགོས་པ་མེད་པའི་ཕྱིར་མི་རུང་ངོ། །རྒྱས་པ་ཞེས་བྱ་བ་ནི་གཟུངས་ལ་སྦྱོར་བ་དང། འཐོབ་པ་དང། འབྲས་བུ་དང། ་ཡོན་ཏན་ཆུང་ངུ་དང། འབྲིང་དང། ཆེན་པོའི་བྱེ་བྲག་ལ་སོགས་པའི་རང་གི་ངོ་བོ་ཚད་མ་དང། ལྡན་པའི་ཕྱིར། ཡང་དག་པར་ཕྱིན་ཅི་མ་ལོག་པ་དང། ཕོ་བྲང་འཁོར་གྱི་སྐད་ལ་སོགས་པའི་ཡོན་ཏན་ཡན་ལག་བཅུ་དང་ལྡན་པའི་ཚིག་གིས་རབ་ཏུ ་དང། ཕ་རོལ་རྣམས་ཟིལ་གྱིས་མནན་ནས་བསྟན་པའོ། །ཡང་དག་པར་རབ་ཏུ་བསྟན་པའི་འབྲས་བུ་ནི། ཕྱིར་མི་ལྡོག་པའི་ས་ལ་འགོད་པ་སྟེ། འདི་ནི་ཤིན་ཏུ་ཁྱད་ཞུགས་པའི་འབྲས་བུར་བསྟན་ཏོ། །ལྷ་དང། མིར་སྐྱེ་བ་དང་ས་འཐོབ་པ་ལ་སོགས ་པའི་འབྲས་བུ་གཞན་ནི་མ་སྨོས་ཀྱང་འགྲུབ་པའི་ཕྱིར་མ་བསྟན་ཏོ། །ཉན་ཐོས་ལ་སོགས་པའི་བྱང་ཆུབ་ལས་ཕྱིར་མི་ལྡོག་པའི་ས་ཡང་ཡོད་པའི་ཕྱིར། བླ་ན་མེད་པར་ཡང་དག་པར་རྫོགས་པའི་བྱང་ཆུབ་སྨོས་སོ། །བླ་ན་མེད་པ་ཡང་དག་པར་རྫོགས ་པའི་བྱང་ཆུབ་ལ་ཡང་ཕྱིར་མི་ལྡོག་པའི་ས་ཡོད་པའི་ཕྱིར་ཕྱིར་མི་ལྡོག་པ་སྨོས་ཏེ། འདིས་ནི་གཟུངས་འཐོབ་པ་རྒྱུན་གྱིས་འབྲེལ་པའི་དོན་དུ་བསྟན་ཏོ། །དེའི་ཕྱིར་དེའི་འོག་ཏུ་ཤཱ་རིའི་བུ་འཁོར་དེ་ན་ཞེས་བྱ་བ་ལ་སོགས་པ་གསུངས་ཏེ། གཟུངས་འཐོབ ་པ་རྒྱུན་གྱིས་འབྲེལ་པས་ནི་ཇི་ལྟ་བུར་བརྩོན་པར་བྱེད་ཀྱང་རུང་བ་གང་དང། གང་ཡིན་པ་དེ་དང་དེས་ནི། གཟུངས་འདི་ངེས་པ་ཁོ་ནས་འཐོབ་པར་འགྱུར་ཏེ། ལ་ལས་མ་ཐོབ་པ་གང་ཡིན་པ་དེ་ནི་བདག་ཉིད་ཀྱི་ཉེས་པ་ལ་སོགས་པ་ལས་གྱུར་བར་བསྟན་ཏོ།། ་རྗེས་སུ་ཡི་རང་བར་བྱེད་པ་བསྟན་པ་ནི། འཁོར་དང། འབྲེལ་པ་དང། རིགས་དང། མིང་དང། དགེ་བའི་བཤེས་གཉེན་དང་འབྲེལ་པ་དང། རྗེས་སུ་ཡི་རང་བའོ། །རྗེས་སུ་ཡི་རང་བའི་འབྲས་བུ་བསྟན་པ་ནི་རྣམ་པ་དགུ་སྟེ། ཡང་དག་པའི ་དགེ་བའི་བཤེས་གཉེན་རྙེད་པ་དང། དེ་ལས་ཆོས་ཐོས་པ་དང། དེ་ཉམས་སུ་བླངས་པ་དང། གཟུངས་ཐོབ་པ་རྣམས་ཀྱི་མཆོག་དང། གཟུང་བའི་ཚིག་དང་ལྡན་པ་རྣམས་ཀྱི་མཆོག་དང། སྤོབས་པ་རྒྱུན་མི་འཆད་པ་རྣམས་ཀྱི་མཆོག་དང། དེ་དག་མཉེས ་པར་བྱ་བའི་དུས་དང། མཉེས་པར་བྱ་བ་དང། བླ་ན་མེད་པའི་བྱང་ཆུབ་མངོན་པར་རྫོགས་པར་འཚང་རྒྱ་བའོ། །དེ་ལ་མདོ་ལས་ཞེས་བྱ་དེ་མ་ཐག་།ཡང་ན་ཅིག་ཅར་འབྱུང་བ་ཡིན། །རྗེས་སུ་ཡི་རང་བའི་མདོ་ལ་ཞེས་བྱ་བ་འདི་ལ་མདོ་ལ་ཞེས་བྱ་བའི་སྒྲ་སྨོས ་པ་དེ་ནི་འདིར་དེ་མ་ཐག་ཏུ་བྱུང་བ་ལ་བྱ་སྟེ། དཔེར་ན་བྱམས་པའི་མདོ་ལས་སྐྱེས་པ་དྲན་པ་ཡང་དག་བྱང་ཆུབ་ཀྱི་ཡན་ལག་སྒོམ་པར་བྱེད་དོ་ཞེས་བྱ་བ་དེ་བཞིན་དུ། འདིར་ཡང་རྗེས་སུ་ཡི་རང་མ་ཐག་པའོ། །སྐྱེས་པ་ནི་ཐོབ་ཅེས་བྱ་བའི་ཐ་ཚིག་གོ་། ་ཡང་ན་ཅིག་ཅར་འབྱུང་བ་ལ་བྱ་སྟེ། འཁོར་ལོ་དང་བཅས་པར་ཟུང་ཤིག་ཅེས་བྱ་བ་ལ་སོགས་པ་དེ་བཞིན་དུ། རྗེས་སུ་ཡི་རང་བའི་མདོ་ལས་སྐྱེས་པ་ནི་ཐོབ་སྟེ། བྱུང་ཞེས་བྱ་བའི་ཐ་ཚིག་གོ་།དགུ་བཅུ་ཞེས་བྱ་བ་ལ་སོགས་ཚིག་།དེས་ནི་དུས ་གཞན་དགོངས་པ་ཡིན། །དགུ་བཅུ་ཞེས་བྱ་བའི་ཚིག་གང་ཡིན་པ་དེས་ནི་དུས་གཞན་ལ་དགོངས་ཏེ་གསུངས་པ་ཡིན་ནོ། །རྗེས་སུ་ཡི་རང་བའི་མདོ་ཁོ་ན་ལས་སྐྱེས་པའི་དགེ་བའི་རྩ་བ་ལས་དེ་མ་ཐག་ཏུ་དེ་ལྟ་བུའི་འབྲས་བུ་ཐོབ་པ་ནི་མ་ཡིན་ཏེ། ཐལ་ཆེས ་བའི་ཕྱིར་རོ། །ཕུལ་ཕྱིན་ཡོན་ཏན་ལྡན་པ་ཡི། །ཕུལ་དུ་ཕྱིན་པ་ཆེན་པོ་ཡི། །ཡང་ཆེན་པོའི་མཚན་ཉིད་ཀྱིས་དང། གཟུངས་ཐོབ་པ་དང་འབྲལ་བའི་ཡོན་ཏན་གྱིས་སོ། །ཡང་ན་ཕུལ་དུ་ཕྱིན་པ་མ་ལུས་པའི་མཚན་ཉིད་དང་ལྡན་པའི་སྒོ་མཛའ་ ་ཡས་བསྒྲུབ་པའི་གཟུངས་ནི་ཐོབ་པར་གྱུར་པའི་ཕྱིར། དེའི་རྒྱུས། བདེ་བར་གཤེགས་པའི་སྲས་པོ་དེ། སངས་རྒྱས་བྱེ་བ་ཕྲག་དགུ་བཅུ་པོ་དེ་དག་གི་འཁོར་དུ་གང་དག་གཟུངས་ཐོབ་པར་གྱུར་པ། གཟུངས་ཐོབ་རྣམས་ཀྱིས་མཆོག་ཡིན་ནོ་བྱང་ཆུབ་སེམས ་དཔའ་དེ་དག་གི་མཆོག་ཡིན་ནོ། །ཡེ་ཤེས་ཁྱད་འཕགས་འབྲེལ་པ་དང། ཡོན་ཏན་ཕུལ་ཕྱིན་ལྡན་པའི་ཕྱིར། །དེའི་རྒྱུས་དེ་དག་གི་འཁོར་དུ་བྱང་ཆུབ་སེམས་དཔའ་། །དེར་ནི་ཚིག་གཟུངས་ལྡན་རྣམས་ཀྱི། །བྱང་ཆུབ་སེམས་དཔའ་ ་རྣམས་ཀྱི་ནང་ན། །མཆོག་ཏུ་རྒྱལ་བ་རྣམས་ཀྱིས་བསྟན། །ཡེ་ཤེས་ཁྱད་པར་དུ་འཕགས་པ་ནི། །ས་དང། གཟུངས་དང། །ཡེ་ཤེས་ལ་སོགས་པ་ཕུལ་དུ་ཕྱིན་པ་དང་ལྡན་པའོ། །ཡོན་ཏན་ནི་མངོན་པར་ཤེས་པ་ལ་སོགས་པ་སྟེ། གང་གིས་སེམས ་ཅན་རྣམས་ཀྱི་རང་བཞིན་དང། བསམས་པ་དང། བག་ལ་ཉལ་ལ་སོགས་པ་རྟོག་ན། རྫུ་འཕྲུལ་ལ་སོགས་པས་འདུན་པར་བྱེད་པའོ། །སྤོབས་པ་རྒྱུན་མི་ཆོད་པ་རྣམས། གང་ལ་བྱ་ཞེ་ན། གང་དག་སོ་སོ་ཡང་དག་རིག་ཐོབ་རྣམས། །དེ་དག་ནི་བཞི ་སྟེ། ཆོས་དང། དོན་དང། ངེས་པའི་ཚིག་དང། སྤོབས་པ་སོ་སོ་ཡང་དག་པར་རིག་པའོ། །སོ་སོ་ཡང་དག་པར་རིག་པ་དེ་དག་ཕུལ་ཕྱིན་ལྡན་པའི་ཕྱིར། དེའི་རྒྱུས་སངས་རྒྱས་དེ་དག་གི་འཁོར་ན་བྱང་ཆུབ་སེམས་དཔའ་སྤོབས་པ་རྒྱུན་མི་ཆད་པ་། ་དེ་ནས་རྒྱལ་སྲས་དེ་མཆོག་གོ་།བྱང་ཆུབ་སེམས་དཔའ་སྨོས་པ་ནི། །སངས་རྒྱས་བཅོམ་ལྡན་འདས་ལ་མི་བྱ་བར་དགར་བའི་ཕྱིར་རོ། །དེ་དག་གིས་གསུངས་ཚུལ་ཁྲིམས་ནི། བསྒྲུབ་པ་མཉེས་བྱེད་ཡིན་པར་འདོད། །སངས་རྒྱས་དེ་དག་གིས་གསུངས ་པའི་ཚུལ་ཁྲིམས། སྡོམ་པ་དང། སེམས་ཅན་གྱི་དོན་བྱ་བ་དང། དགེ་བའི་ཆོས་སྡུད་པའི་མཚན་ཉིད། མ་ཞིག་མ་རལ་བ་ལ་སོགས་པའི་ཡོན་ཏན་དང་ལྡན་པ་སྒྲུབ་པ་གང་ཡིན་པ་དེ་ནི་མཉེས་པར་བྱེད་པ་ཡིན་པར་འདོད་དོ། །བསྐལ་པ་གསུམ་དུ ་ཚོགས་རྣམས་ནི། །ཡོངས་སུ་རྫོགས་བྱས་བྱང་ཆུབ་ཐོབ། །ཚོགས་ཡོངས་སུ་རྫོགས་པ་ནི། མཉེས་པར་བྱས་ནས་ཞེས་བྱ་བ་འདིས་བསྟན་ཏེ། གལ་ཏེ་ཚོགས་རྣམས་ཡོངས་སུ་རྫོགས་པར་བྱེད་ན་དེ་ལྟར་དེ་དག་ཤིན་ཏུ་མཉེས་པར་བྱས་པ་ཡིན་ནོ། ། ་ཇི་ལྟར་བསྐལ་པ་གསུམ་གྱིས་ཚོགས་ཡོངས་སུ་རྫོགས་ཤེ་ན། ཉེས་པ་མེད་དེ། གང་གི་ཕྱིར་དེར་སྔོན་བསྐལ་པ་གྲངས་མེད་དུ་མར་ཚོགས་བསྒྲུབས་ཏེ། སངས་རྒྱས་བྱེ་བ་ཕྲག་དགུ་བཅུ་པོ་རྣམས་ནི་བསྐལ་པ་གསུམ་དུ་མཉེས་པར་བྱས་པས་ཚོགས་ཡོངས་སུ ་རྫོགས་ནས་བྱང་ཆུབ་ཐོབ་པར་གྱུར་པའི་ཕྱིར་རོ། །མངོན་པར་རྫོགས་པར་སངས་རྒྱས་པར་ཡང་མ་ཟད་ཀྱི། དེ་བཞིན་གཤེགས་པ་མར་མེ་མཛད་དུ་གྱུར་ཏོ་ཞེས་ངེས་པར་བྱ་བའི་ཕྱིར་ཡང། ཚོང་དཔོན་གྱི་བུ་ཞེས་བྱ་བ་ལ་སོགས་པ་གསུངས་སོ། །རྒྱལ་པོའི་ཡོན ་ཏན་རིན་པོ་ཆེ་བསམ་གྱི་མི་ཁྱབ་པའི་དཔལ་ཡང་དེ་བཞིན་གཤེགས་པ་ཚེ་དཔག་མེད་ཏུ་གྱུར་ཏོ་ཞེས་ཞར་ལ་བསྟན་ཏེ། དེའི་ཕྱིར་དེ་ནི་ཕྱིས་གསུངས་སོ། །དངོས་པོ་སྟོང་པས་འདོད་མི་བྱ། །ཚད་མ་དང་ཡང་འགལ་བའི་ཕྱིར། མི་མཐུན་བློ་ནི་མི་བསྐྱེད་ཅིང། ་ཅིས་ཀྱང་ཐེ་ཚོམ་མི་བྱའོ། །ཚོང་དཔོན་གྱི་བུ་ཟླ་བའི་རྟོག་ཅེས་བྱ་བ་ནི། མར་མེ་མཛད་ལས་ཐ་དད་དོ། །སྙམ་དུ་སོམ་ཉི་འདོད་པའི་མཚན་ཉིད་ལྟ་བུ་ཡང་མི་བྱའོ། །དེ་ནི་དངོས་པོ་སྟོང་པའི་ཕྱིར་ཏེ། འདི་ལྟར་མར་མེ་མཛད་ཉིད་ཚོང་དཔོན་གྱི་བུ་ཟླ་བའི་རྟོག་ཡིན་པའི ་ཕྱིར་རོ། །ཁྱོད་ཀྱིས་མི་འདོད་པའི་ཕྱིར། ཟླ་བའི་རྟོག་མར་མེ་མཛད་མ་ཡིན་པར་མི་འགྱུར་ཏེ། ཐལ་ཆེས་པའི་ཕྱིར་རོ། །ཟླ་བའི་ཏོག་ནི་དངོས་པོ་ཁོ་ནར་ན་མར་མེ་མཛད་མ་ཡིན་ནོ། །སྙམ་དུ་མི་མཐུན་པའི་བློ་ཡིད་གཉིས་དེ་ལྟ་བུ་ཡང་ཚད་མ་དང་འགལ་བའི་ཕྱིར ་མི་བྱ་སྟེ། འདི་ལྟར་དེ་བཞིན་གཤེགས་པ་ཐམས་ཅད་ཀྱིས་ཀྱང་མར་མེ་མཛད་ཉིད་ཟླ་བའི་ཏོག་ཡིན་པར་མངོན་སུམ་དུ་གཟིགས་སོ། །ཅི་ཟླ་བའི་ཏོག་འདི་དེ་བཞིན་གཤེགས་པ་མར་མེ་མཛད་ཡིན་ནམ། འོན་ཏེ་མ་ཡིན་སྙམ་དུ་ཐེ་ཚོམ་དེ་ལྟ་བུ་ཡང་མི་བྱ ་སྟེ། འདི་ལྟར་མར་མེ་མཛད་ཉིད་ཟླ་བའི་ཏོག་ཡིན་པར་སངས་རྒྱས་ཐམ་ཅད་དང་ངེས་ཀྱང་མཁྱེན་ཏོ། །ཐོས་པ་ལ་སོགས་ཤེས་པ་འམ། །ཡང་ན་ཚད་མ་གསུམ་པོ་ཡིས། །ཡོངས་སུ་བཅད་པར་མི་རུང་ཕྱིར། །སོམ་ཉི་ལ་སོགས་ཚིག་གསུམ་སྨོས། །ཡང་ན ་སོམ་ཉི་དང་ཡིད་གཉིས་དང། ཐེ་ཚོམ་རྣམས་ནི་དོན་གཅིག་ཡིན་དུ་ཟིན་ཀྱང་ཐོས་པའི་ཤེས་པས་ཡོངས་སུ་བཅད་དུ་མི་རུང་བའི་ཕྱིར་ནི་སོམ་ཉིའོ། །བསམ་པ་ཡི་ནི་ཡིད་གཉིས་སོ། །སྒོམ་པ་ཡི་ནི་ཐེ་ཚོམ་སྟེ། །དེའི་ཕྱིར་ཚིག་གསུམ་དུ ་གསུངས་སོ། །ཡང་ན་མངོན་སུམ་གྱིས་ཡོངས་སུ་བཅད་དུ་མི་རུང་བ་ནི་སོམ་ཉིའོ། །རྗེས་སུ་དཔག་པ་ཡི་ནི་ཡིད་གཉིས་སོ། །ལུང་གི་ནི་ཐེ་ཚོམ་སྟེ། དེའི་ཕྱིར་ཚིག་གསུམ་སྨོས་སོ། །ཤཱ་རིའི་བུ་ཁྱོད་ཀྱིས་ཞེས་བྱ་བ་ལ་སོགས་པ་བཅོམ་ལྡན་འདས་ཀྱིས་གསུངས ་པ་འདི་ནི་ངེད་ཀྱིས་ཀྱང་ཟླ་བའི་ཏོག་ནི་མར་མེ་མཛད་ཁོ་ན་ཡིན་པར་མངོན་སུམ་དུ་ཡིད་ཆེས་ཀྱིས། ཁྱོད་ཀྱང་ངེད་ཀྱི་ཚིག་གིས་ཡིད་ཆེས་པར་བྱོས་ལ། སོམ་ཉི་ལ་སོགས་པ་ལ་གནས་པར་མ་བྱེད་ཅིག་ཅེས་བྱ་བའི་ཐ་ཚིག་གོ་།ཤཱ་རིའི་བུ་ང་དང ་བསྐལ་པ་བཟང་པོའི་ཞེས་བྱ་བ་ལ་སོགས་པ་འདི་ནི་སྤྱིར་གསུངས་པ་ཡིན་ཏེ། དེའི་ཕྱིར་སྤྱིར་བསྟན་པ་ནི་ཡིན་མོད་ཀྱིས། །འོན་ཀྱང་བདག་གིས་འབྲས་བུ་བཤད། །བཅོམ་ལྡན་འདས་ཀྱིས་བསྐལ་པ་འབུམ་ཕྲག་བཞི་ཁྲིར་ཞེས་བྱ་བ ་ལ་སོགས་པས། །ཉིད་ཀྱི་རྗེས་སུ་ཡི་རང་བའི་མདོ་ལས་སྐྱེས་པའི་དགེ་བའི་རྩ་བ་བཤད་ཀྱི། །བསྐལ་པ་བཟང་པོ་པ་རྣམས་ཀྱི་མ་ཡིན་ཏེ། དེའི་ཕྱིར་འདི་ནི་མཚོན་པ་ཁོ་ན་སྟེ། དེ་དག་གི་རྗེས་སུ་ཡི་རང་བའི་མདོ་ལས་སྐྱེས་པའི་དགེ་བའི་རྩ་བ་འབྲས་བུ་ཡང ་ཡོད་མོད་ཀྱི། མཚོན་པའི་ཕྱིར་བདག་ཉིད་ཀྱི་འབྲས་བུ་བསྟན་ཏོ། །ཅིའི་ཕྱིར་དེ་ལྟ་ཞེས། དེ་ལྟ་བས་ན་ཞེས་བྱ་བ་ལ་སོགས་པའི། མདོའི་ཚིག་གིས་མངོན་པ་ཡིན་བསམ་པ་ལ་སོགས་པའི་སྟོབས་བསྐྱེད་པ་ལས། ཁ་ཅིག་ནི་བསྐལ་པ་མང་པོ་ཞིག་ཏུ་འཁོར ་བ་ཕྱིར་སྙིལ་བར་བྱེད་ལ། ཁ་ཅིག་ཏུ་ནི་ཉུང་ངུ་ཞིག་ཏུ་བྱེད་པར་འགྱུར་བ་ཙམ་དུ་ཟད་དོ། །སངས་རྒྱས་བྱེ་བ་ཕྲག་དགུ་བཅུ་ཞེས་བྱ་བ་ལ་སོགས་པའི་འབྲས་བུ་དེ་ནི་ཐམས་ཅད་ཀྱི་ཡིན་པར་འདྲ་སྟེ། དེ་ལྟར་སྔ་མའི་སྐབས་སུ་ཟླ་བའི་ཏོག་གིས་འབྲས་བུ་བསྟན་པ ་ཡང་མཚོན་པའི་ཕྱིར་ཏེ། གཟུངས་བསྟན་པས་གདུལ་བ་ཐམས་ཅད་ཀྱི་འབྲས་བུ་ནི་དེ་ཡིན་པར་ཤེས་པར་བྱའོ། །ད་ནི་བཞེད་པའི་དོན་བསྒྲུབས་ནས། དེ་ལྟ་བས་ན་ཞེས་བྱ་བ་ལ་སོགས་པས་མཇུག་བསྡུད་པར་མཛད་དེ། དེ་མན་ཆད་ནི་ཆོས་ཀྱི་རྣམ་གྲངས་ཀྱི་ཆེ་བ ་ཉིད་སྟོན་ཏོ། །མཇུག་སྡུད་པ་དེ་ཡང་རྣམ་པ་གཉིས་ཏེ། བརྗོད་ཟིན་པའི་དོན་བསྙད་པ་དང་མ་བརྗོད་པའི་དོན་བསྙད་པའོ། །མ་བརྗོད་པའི་དོན་བསྙད་པ་ཡོད་རྣམ་པ་གསུམ་སྟེ། གནོད་སྦྱིན་གྱི་ཕན་ཡོན་བསྙད་པ་དང། བྱང་ཆུབ་སེམས་དཔའ་ཨི་ཕན་ཡོན་བསྙད ་པ་དང། འཆད་པའི་ཚེའི་ཕན་ཡོན་བསྙད་པའོ། །བརྗེད་ཟིན་པ་བསྙད་པ་ཡང་རྣམ་པ་ལྔར་མཛད་ད། །ཆོས་ཀྱི་རྣམ་གྲངས་ལ་རྗེས་སུ་ཡི་རང་བ་ཅན་གྱིས་གཟུངས་བ་བསྙད་པ་དང། དེའི་འབྲས་བུ་བསྙད་པ་དང། སྦྱར་བས་གཟུང་བ་བསྙད་པ་དང། དེའི་འབྲས ་བུ་བསྙད་པ་དང། ཚིགས་སུ་བཅད་པ་དག་གིས་གསུངས་པའི་དོན་བསྙད་པའོ། །རྗེས་སུ་ཡི་རང་བ་ཙམ་གྱིས་བཅོམ་ལྡན་འདས་ཤཱཀྱ་ཐུབ་པས་བསྐལ་པ་བྱེ་བ་འབུམ་ཕྲག་བཞི་ཁྲིར་འཁོར་བ་ཕྱིར་བསྙིལ་ཏོ། །དེ་བཞིན་དུ་གཞན་ཡང་བསམ་པའི་སྟོབས ་ཀྱིས་དེ་ལས་ལྷག་པར་ཡང་ཕྱིར་བསྙིལ་བར་བྱེད་དེ། དེ་ལྟ་བས་ན་མྱུར་དུ་ཞེས་བྱ་བ་གསུངས་སོ། །དེའི་གཏན་ཚིགས་བཀའ་སྩལ་པ། དེ་ནི་མི་ལྡོག་པའི་དང། གང་གི་ཕྱིར་རྗེས་སུ་ཡི་རང་བ་ཙམ་དང། ལྡན་པ་དེ་རྒྱུར་འགྱུར་བ་དེ་ནི་དེས་ཚེ་གཅིག་པོ་དེ་ཉིད་ལ་ཞེས ་བྱ་བ་ལ་སོགས་པ་གསུངས་པ་ཡིན་ནོ། །རྫོགས་པའི་སངས་རྒྱས་མཉེས་བྱ་བའི། །རྒྱུར་འགྱུར་བས་ན་རྒྱུ་གང་གིས་འགྱུར་བ་དེ་ནི་དེས་བསྐལ་པ་གསུམ་དུ་ཞེས་བྱ་བ་ལ་སོགས་པ་གསུངས་པ་ཡིན་ནོ། །དེའི་ཕྱིར་རྒྱུ་གཉིས་ཀྱིས། །དེའི་བྱང་ཆུབ་མྱུར་དུ་འཐོབ།། ་དེ་ཐམས་ཅད་མྱུར་དུ་བྱང་ཆུབ་འཐོབ་པའི་རྒྱུ་ཁོ་ནར་གནས་པ་ཡིན་ནོ། །ཞེས་བྱ་བའི་ཐ་ཚིག་གོ་།བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་ཆེད་དུ་ཞེས་བྱ་བ་འདི་ནི་རྒྱུའི་དོན་ཏོ། །ཆོས་སྨྲ་བ་རྣམས་ནི་སངས་རྒྱས་བཅོམ་ལྡན་འདས་རྣམས་སོ། །སྦྱོར་བས ་གཟུང་བ་བསྙད་པ་ནི་ཡི་གེར་འདྲི་བ་ལ་སོགས་པ་རྣམ་པ་བདུན་གསུངས་པ་ཡིན་ནོ། །དོན་དང་ཡི་གེ་གཉི་ག་ལས། །འདིར་ནི་ཀུན་ཆུབ་བྱེད་པར་བསྟན། །དོན་དང་ཡི་གེ་གཉི་གའི་སྒོ་ནས་ཀུན་ཆུབ་པར་བྱེད་པ་ནི། ཀུན་ཆུབ་པར་བྱེད་པ་སྟེ། ་ཀུན་ནས་ཆུབ་པར་བྱེད་པའི་ཕྱིར་རོ། །ཡང་ན་བསམ་པ་ལ་སོགས་ཐམས་ཅད་དང། འདིར་ཡང་ཀུན་ཆུབ་པར་བྱེད་པར་བསྟན་ཅེས་བྱ་བ་དང་སྦྱར་རོ། །སོགས་པ་སྨོས་པས་ནི་བསྒོམ་པ་ལས་བྱུང་བའི་ཤེས་པ་བསྡུའོ། །ཡང་ན་ཡི་གེར་འདྲི་སོགས་ཀུན།། ་འདིར་ཡང་ཀུན་ཆུབ་བྱེད་པར་བསྟན་ཅེས་བྱ་བ་དང་སྦྱོར་རོ། །སོགས་པ་སྨོས་པས་ནི། ལུང་ནོད་པ་དང། འཛིན་པ་དང། ཀླག་པ་དང། ཚུལ་བཞིན་ཡིད་ལ་བྱེད་པ་ལ་སོགས་པ་བསྡུའོ། །རིགས་པས་འགལ་བ་མ་ཡིན་པ་དང། ཡང་ན་ཇི་སྐད་ཐོས་པ་བཞིན ་ཡིད་ལ་བྱེད་པ་གང་ཡིན་པ། །དོན་ཚུལ་བཞིན་ཡིད་བྱེད་ཡིན། །མངོན་སུམ་ལ་སོགས་པའི་ཚད་མ་དང་མི་འགལ་བའི་དོན་ཡིད་ལ་བྱེད་པ་གང་ཡིན་པ་དེ་ནི་ཚུལ་བཞིན་ཡིད་ལ་བྱེད་པ་ཞེས་བྱ་བའོ། །ཡང་ན་སློབ་དཔོན་གྱི་ཁ་ནས་ཇི་སྐད་ཐོས་པ་བཞིན་དུ་ཡོད་ལ ་བྱེད་པ་གང་ཡིན་པ་དེ་ནི་ཚུལ་བཞིན་ཡིད་ལ་བྱེད་པ་སྟེ། སློབ་དཔོན་ནི་ཡང་དག་པ་ཉིད་ཀྱི་ལུང་འབོག་པ་ལ་བྱའོ། །དོན་དང་ཡི་གེའི་སྒོ་ནས་ནི། ཆོས་ཀྱི་རྣམ་གྲངས་འདི་རྒྱ་ཆེར་ཡང་དག་པར་རབ་ཏུ་སྟོན་པ་གང་ཡིན་པ་དེ་རྒྱ་ཆེར་ཡང་དག་པར་རབ་སྟོན ་བྱེད། སྦྱོར་བ་དང། འགྲུབ་པ་དང། ཡོངས་སུ་རྫོགས་པ་ཆུང་ངུ་དང། འབྲིང་དང། ཆེན་པོ་ལ་སོགས་པའི་བྱེ་བྲག་གིས་སོ། །ཡང་ན་རྣམ་པ་ཐམས་ཅད་དུ། །གཟུངས་འདི་ཡང་དག་རབ་སྟོན་བྱེད། །དེ་ནི་རྒྱ་ཆེར་ཡང་དག་པར་རབ་ཏུ་སྟོན་པའོ། །དེའི་དེ་ནི། ་བདག་ཉིད་ཀྱིས་ཚད་མས་ཤེས་པ་མི་ནུས་ལ། བསོད་ནམས་ཀྱི་ཕུང་པོ་དེའི་ཚད་ནི། ཉན་པ་པོ་དེའི་བདག་ཉིད་དམ། སྟོན་པ་པོ་ཀྱང་མངོན་སུམ་ལ་སོགས་པའི་ཚད་མས་ཤེས་པར་མི་ནུས་ལ། སྟོན་པ་པོ་གཞན་དག་གིས་ནི་བསྟན་ན་ཡང། །ཉན་པ ་པོ་ཚད་དེ་ནི་བསམ་པར་མི་ནུས་སོ། །དེ་ལྟར་ན་བསོད་ནམས་ཀྱི་ཕུང་པོ་དེའི་ཚད་ནི། ཤེས་པར་བྱར་མེད་པ་དང། བསམ་གྱི་མི་ཁྱབ་པ་ཁོ་ནར་དེ་ཉིད་ལས་མངོན་ནོ། །ཤེས་བྱ་མ་ལུས་ཁྱབ་པའི་ཕྱིར། འདྲེན་པ་རྣམས་ཀྱི་དེའི་ཚད་དེ། །མངོན་སུམ ་ཡོངས་སུ་མཁྱེན་པ་དང། །དགོངས་པར་ཡང་ནི་སྤྱོད་པ་ཡིན། །དེ་བས་ན་དེ་བཞིན་གཤེགས་པ་མ་གཏོགས་པར་ཞེས་གསུངས་པའི་ལྷག་མའོ། །བློ་རྨོངས་རྣམས་དང་མ་འདུས་དང། །སྐྱེ་བོ་བློ་ནི་གཡེངས་རྣམས་ཕྱིར། །དོན་དེ་ཚོགས་བཅད་པ་རྣམས་ཀྱིས། ཐུབ ་པ་ཡིས་ནི་བཟླས་ཏེ་གསུངས། །གང་དག་གི་དོན་ཐོས་ཀྱང་གློ་རྨོངས་པའི་ཕྱིར་ལེགས་པར་ཁོང་དུ་ཆུད་པ་རྣམས་དང། །གང་དག་དོན་དེ་བསྟེན་པའི་དུས་ནམ་འདུས་ཏེ་ཕྱིས་ལྷགས་པ་རྣམས་དང། །གང་དག་དེར་འདུས་ཀྱང་བློ་རྣམ་པར་གཡེངས་པའི་ཕྱིར་དོན་དེ་མ ་ཐོས་པ་དག་ཡོད་དེ། དེ་དག་ཐམས་ཅད་ལ་ཕན་གདགས་པའི་ཕྱིར་དང། བདག་ཉིད་དེས་པའི་ཚིག་སོ་སོ་ཡང་དག་པར་རིག་པ་ཐོབ་པ་ཡིན་པར་བསྟན་པའི་ཕྱིར་ཡང་དོན་དེ་ཉིད་ཚིགས་སུ་བཅད་པ་དག་གིས་བཟླས་ཏེ་གསུངས་སོ། །དགོས་པ་འདི་ནི་གཞན་དག་ཏུ ་ཚིགས་སུ་བཅད་དེ་གསུངས་པ་ལ་ཡང་དེ་བཞིན་དུ་ཤེས་པར་བྱའོ། །ཚིགས་སུ་བཅད་པ་རྣམས་ནི་རྣམ་པ་དྲུག་གིས་བསྟན་ཏེ། བསོད་ནམས་ཀྱི་ཕུང་པོ་ཚད་མེད་པར་བསྙད་པ་དང། དེའི་འབྲས་བུ་བསྙད་པ་དང། སྔོན་བྱུང་བ་བསྙད་པ་དང། ཚོགས་ཆུང་ངུས ་འབྲས་བུ་འགྲུབ་པར་བསྙད་པ་དང། དཔེ་བསྟན་པས་བསོད་ནམས་ཀྱི་ཕུང་པོ་དཔེ་མེད་པར་བསྙད་པ་དང། སྨྲ་བར་འདོད་པའི་དོན་བསྒྲུབས་ནས་མཇུག་བསྡུས་བསྙད་པའོ། །བསོད་ནམས་ཀྱི་ཕུང་པོ་ཚད་མེད་པར་བསྙད་པ་ནི། མདོ་སྡེ་ཐོས་དང་ཞེས་བྱ་བ་ལ ་སོགས་པ་རྣམ་པ་ལྔས་བསྟན་ཏོ། །དེ་དག་ཀྱང་མཚོན་པ་ཡིན་ཏེ། དེས་ན་ལུང་ནོད་པ་དང་ཀུན་ཆུབ་པར་བྱེད་པ་དང་ཚུལ་བཞིན་ཡིད་ལ་བྱེད་པ་དང། གཞན་ལ་སྟོན་པ་ཡང་བསྡུའོ། །དེའི་འབྲས་བུ་བསྙད་པ་ནི་རྣམ་པ་བཅུ་སྟེ། ཚེ་རབས་ཐམས་ཅད་དུ ་སངས་རྒྱས་མཐོང་བ་དང། སངས་རྒྱས་དེ་དག་ལ་དད་པ་བསམ་གྱིས་མི་ཁྱབ་པ་རྙེད་པ་སྟེ། དད་པ་བསམ་གྱིས་མི་ཁྱབ་པ་ནི་འབྲས་བུ་བསམ་གྱིས་མི་ཁྱབ་པ་འཕེན་པའི་ཕྱིར་དང། ཆེན་པོའི་ཆེན་པོ་ཡིན་པའི་ཕྱིར་རོ། །མདོ་སྡེ་ཟབ ་མོའི་ཚུལ་ཤེས་པ་སྟེ། མདོ་སྡེ་ཟབ་མོ་གང་དུ་སྐྱེ་བ་མེད་པ་དང། འགག་པ་མེད་པ་ལ་སོགས་པ་སྟོན་པ་དེ་དག་གི་ཚུལ་ནི་ཡང་དག་པའི་ཀུན་རྫོབ་ཉེ་བར་བཟུང་སྟེ་དེ་དག་བསྟན་པ་དང། དོན་དམ་པར་དེ་དག་བསྟན་པ་ལ་སོགས་པའི་དགོངས་པའོ། ། ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཆོས་མྱུར་དུ་རྟོགས་པར་འགྱུར་བ་དང། ཏིང་ངེ་འཛིན་ལས་ཉམས་པར་མི་འགྱུར་བ་སྟེ། ཏིང་ངེ་འཛིན་ནམ་མཁའ་ཨི་མཛོད་ལ་སོགས་པའོ། །མངོན་པར་ཤེས་པ་ལས་ཉམས་པར་མི་འགྱུར་བ་སྟེ། མངོན་པར ་ཤེས་པ་ནི་དྲུག་གོ་།དེ་ལ་ཟག་པ་ཟད་པའི་མངོན་པར་ཤེས་པ་མེད་པ་ཉིད་ཡིན་ན། དེ་ལ་ཉམས་པར་མི་འགྱུར་བར་ཇི་སྙེད་དུ་བརྗོད། དེ་ནི་བདེན་ཏེ། ཐོབ་པ་ཡོངས་སུ་ཉམས་པར་འགྱུར་བའི་ཉམས་པ་ནི་མེད་མོད་ཀྱི། མ་ཐོབ་པའི་ཡོངས་སུ་ཉམས་པར ་འགྱུར་བ་ནི་ཡོད་པ་ཉིད་དེ། མི་ཉམས་པ་ཇི་ལྟ་བུ་ཞེ་ན། མ་ཐོབ་པ་དེ་བསྐྱེད་པར་འོས་པའི་བདག་ཉིད་དུ་གནས་པའོ། །གཟུངས་ཉམས་པར་མི་འགྱུར་བ་སྟེ། གཟུངས་ནི་སྒོ་མཛའ་ཡས་པས་བསྒྲུབས་པ་ལ་སོགས་པའོ། །གཟུངས་ཉམས་པར་མི་འགྱུར ་བ་སྟེ་གཟུངས་ནི་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ལ་སོགས་པས་བརྒྱན་པའོ། །ལོངས་སྤྱོད་རྣམས་ཉམས་པར་མི་འགྱུར་བ་སྟེ། ལོངས་སྤྱོད་ནི་རྫས་ལ་སོགས་པ་འབྱོར་བའོ། །སངས་རྒྱས་མཐོང་བ་ལས་ཉམས་པར་མི་འགྱུར་བ་སྟེ། ་མཐོང་བ་སྨོས་པས་ན་མཚོན་པའི་དོན་དེ། བསྙེན་བཀུར་བྱེད་པ་ལ་སོགས་པ་ཡང་བསྡུའོ། །བླ་ན་མེད་པའི་བྱང་ཆུབ་ལ་རེག་པར་མ་གྱུར་གྱི་བར་དུ་ཞེས་འབྱུང་ན། ཅི་བྱང་ཆུབ་ཐོབ་ཟིན་པ་ལ་དེ་དག་ཉམས་པར་འགྱུར་བ་ཡོད་དམ་ཞེ་ན། དེ་ནི་མེད་དེ། ་བྱང་ཆུབ་ཐོབ་པའི་སྔ་རོལ་ན་ཡང་ཉམས་པར་འགྱུར་བ་མེད་ན། བྱང་ཆུབ་ཐོབ་ཟིན་པ་ལྟ་ལ་ཧ་ཅང་ཡང་མེད་ཆེས་མོད་སྙམ་དུ་དགོངས་ནས་གསུངས་པ་ཡིན་ནོ། །སྔོན་བྱུང་བ་བསྙད་པ་ནི་རྣམ་པ་གཉིས་ཏེ། རྗེས་སུ་དྲན་པ་བསྙད་པ་ནི་རྗེས་སུ་དྲན་པ་བསྙད་པ་དེ ་ཡང། མངོན་སུམ་མཚོན་པའི་དོན་ཏེ། དྲན་པ་ནི་ཉམས་སུ་མྱོང་བ་སྔོན་དུ་འགྲོ་བའི་ཕྱིར་རོ། །འདིས་ནི་འདི་ནི་དེའི་མངོན་སུམ་དུ་གྱུར་པ་ཡིན་ཏེ། དེ་བས་ན་འདི་ལ་ཐེ་ཚོམ་མ་བྱེད་ཅིག་ཅེས་བྱ་བར་སྟོན་ཏོ། །རྗེས་སུ་དྲན་པའི་ཡུལ་བསྙད་པ་དེ་ཡང། དུས་དང ་རིགས་དང། ཐོས་པ་དང། གཟུངས་ཀྱི་ཁྱད་པར་གྱི་རྒྱུ་ལས་བྱུང་བ་ལ་སོགས་པའི་ཡུལ་གྱི་བྱེ་བྲག་བསྟན་པར། ཆེས་བརྟེན་པོར་ངེས་པ་བསྐྱེད་པའི་ཕྱིར་རོ། །སངས་རྒྱས་བྱེ་བ་ཕྲག་དགུ་བཅུ་ཞེས་མ་གསུངས་སམ། གངྒཱའི་བྱེ་མ་སྙེད་ཅེས་ཇི་སྐད་དུ ་བྱ་ཞེ་ན། ཉེས་པ་མེད་དེ། དེ་ནི་འབྲས་བུ་ཁྱད་པར་དུ་འཕགས་པ་ཐབ་པར་བསྙད་པའི་ཕྱིར་དུས་གཞན་ལ་དགོངས་ནས་གསུངས་ཏེ། སྔོན་རོལ་དུ་ངེས་སངས་རྒྱས་བཅོམ་ལྡན་འདས་གམ་གཱའི་བྱེ་མ་སྙེད་མཐོང་བའི་ཕྱིར་རོ། །འདོད་བཞིན་ཞེས་གསུངས ་པ་ནི། གཟུངས་ཐོབ་པའི་མཐུས་ཉོན་མོངས་པ་མེད་པར་བྱང་ཆུབ་ཐོབ་པར་བསྙད་པའི་ཕྱིར་རོ། །འོད་ཟེར་མཛའ་ཡས་པ་སྨོས་པ་ནི་ཟླ་བའི་ཏོག་མཚོན་པའི་ཕྱིར་རོ། །ཡང་མ་ཤེས་པའི་བདག་ཉིད་དམ། ལུས་དང་འབྲེལ་པའི་འོད་ཟེར་མཛའ་ཡས ་པ་གང་ལ་ཡོད་པ་ནི་འོད་ཟེར་མཛའ་ཡས་པ་སྟེ། དེ་ཡང་མར་མི་མཛད་དང། ཚོང་དཔོན་གྱི་བུ་ལ་སོགས་པ་ཐམས་ཅད་ཀྱི་ཁྱད་པར་ཡིན་ནོ། །ཚེགས་ཆུང་དུས་འབྲས་བུ་འགྲུབ་པར་བསྙད་པ་ནི་རྣམ་པ་གསུམ་གྱིས་བསྟན་ཏེ། བྱང་ཆུབ་ཐོབ་པ་དང། ་བདུད་བཅོམ་པ་སྟེ། བདུད་སྨོས་ནི་ཉོན་མོངས་པ་དང། ལྷའི་བུ་དང། ཕུང་པོ་དང། འཆི་བདག་གི་བདུད་རྣམས་བསྡུའོ། །བསོད་ནམས་བརྒྱས་མཚན་འགྲུབ་པ་སྟེ། སྐབས་འདིར་ཡང་མྱུར་དུ་ཞེས་བྱ་བ་དང་སྦྱར་རོ། །བསོད་ནམས་བརྒྱའི་ཚད་ནི། འཕགས ་པ་དཀོན་མཆོག་སྤྲིན་ལ་སོགས་པའི་མདོ་ལས་ཤེས་པར་བྱའོ། །བྱང་ཆུབ་ལ་རེག་པ་ཞེས་བྱ་བ་ལ་སོགས་པ་རྣམས་ནི། གཅིག་བསྟན་པས། གཞན་གཉིས་ཀྱང་བསྟན་པ་ཁོ་ནར་འགྱུར་ཏེ། འཁྲུལ་པ་མེད་ན་ཅིའི་ཕྱིར་སུམ་ཆར་གསུངས ་ཤེ་ན། འབྲས་བུའི་རབ་ཏུ་དབྱེ་བ་བསྙད་པས། གཟུངས་ལ་བརྩོམ་པ་ལ་གུས་པའི་ཁྱད་པར་བསྐྱེད་པའི་ཕྱིར་རོ། །དཔེ་བསྟན་བས་བསོད་ནམས་ཀྱི་ཕུང་པོ་དཔེ་མེད་པ་བསྙད་པ་ནི། གངྒཱའི་ཀླུང་གི་བྱེ་མ་སྙེད་ཅེས་བྱ་བ་ལ་སོགས་པས་བསྟན་ཏེ། གཞི་དང ་མར་དང་རྫས་བཟང་དང། (ཡོངས་སུ་བཀང་བའི་བྱེ་བྲག་གིས། །སྦྱིན་པར་བྱ་བའི་ཁྱད་ལས་འདི། །སྦྱིན་པ་ཁྱད་པར་འཕགས་པར་བསྟན།)་།སྦྱིན་པའི་ཁྱད་པར་ནི་འདིར་སྦྱིན་པར་བྱ་བའི་ཁྱད་པར་རྣམ་པ་བཞི་ལས་བསྟན་ཏེ། དེ་ལ་གཞིའི་ཁྱད་པར་ནི། འཇིག་རྟེན་ཁམས་ཏེ། དེ་ཡང་སྟོང་གསུམ ་གྱི་སྟོང་ཆེན་པོའོ། །མང་བའི་ཁྱད་པ་ནི་གངྒཱའི་ཀླུང་གི་བྱེ་མ་སྙེད་དེ། དེས་ན་གཞི་ཚད་ཆེ་བ་དང། གྲངས་མང་བར་དེ་ལྟར་བསྟན་ཏོ། །རྫས་བཟང་བའི་ཁྱད་པར་ནི། རིན་ཆེན་རྣམས་སོ། །ཡོངས་སུ་བཀང་བའི་ཁྱད་པར་ནི་བྱུར་བུར་བཀང་པ་སྟེ། དེས་ནི་བཅུད་ཀྱི ་རིགས་ཆེ་བ་དང། གྲངས་མང་བར་དེ་ལྟར་བསྟན་ཏོ། །བསོད་ནམས་དེ་ལྟ་བུ་ཡང་ཡི་གེར་བྲིས་པ་ཙམ་འམ། ཡང་ན་བཟུང་བ་ཙམ་གྱི་ཡིན་པར་ཤེས་པར་བྱའི། གཉི་གའི་ནི་མ་ཡིན་ནོ། །འདི་ཡང་མཚོན་པ་ཡིན་ཏེ། དེས་ན་ལུང་ནོད་པ་ལ་སོགས ་པ་ཙམ་གྱི་ཡང་དེ་བཞིན་དུ་ཁོང་དུ་ཆུད་པར་བྱའོ། །སྨྲ་བར་འདོད་པའི་དོན་བསྒྲུབས་ནས་མཇུག་བསྡུ་བ་བསྙད་པ་ནི་རྣམ་པ་གསུམ་སྟེ། རྒྱུ་དང། སླ་བ་དང་འབྲས་བུའོ། །དེ་ལ་རྒྱུ་ཡང་རྣམ་པ་བརྒྱད་དེ། གཟུངས་ཉན་པ་དང། སེམས་གཏོད་པ་དང། ་དད་པ་དང། གཟུངས་འཛིན་པ་སྟེ། དེ་ཡང་ཡི་གེ་དང། དོན་གཉི་གའི་སྒོ་ནས་ཇི་ལྟ་བ་བཞིན་དུ་ཤེས་པ་དང། ཚུལ་ཁྲིམས་དང་ལྡན་པ་སྟེ། ཚུལ་ཁྲིམས་དང་ལྡན་པ་ཉིད་མཁས་པ་ཡིན་པའི་ཕྱིར་རོ། །དེ་ཡང་དགེ་སློང་དག་།ལྔ་པོ་འདི་དག་མཁས ་པ་རྣམས་ཀྱི་མཁས་པའི་མཚན་ཉིད་དོ་ཞེས་གསུངས་པ་ལྟ་བུའོ། །བྱང་ཆུབ་ཏུ་སྨོན་ལམ་འདེབས་པ་དང་གཟུངས་ཡི་གེར་འདྲི་བ་དང། གླེགས་བམ་དུ་བྱས་ཏེ་འཆང་བའོ། །སེམས་པ་ནི་ཕྱིན་ཅི་མ་ལོག་པའི་ཚུལ་གྱིས་སོ། །འདིར་སེམས་གཏོད་བ་དང། ངང་པ་ནི ་ཉན་པ་དང་འཛིན་པ་ཇི་ལྟ་བ་བཞིན་དུ་ཤེས་པ་དང། བྱང་ཆུབ་ཏུ་སྨོན་ལམ་འདེབས་པ་དང། ཡི་གེར་འདྲི་བ་དང། འཆང་བ་འམ། སེམས་བའི་རྒྱུར་འགྱུར་བར་སྦྱར་རོ། །སླ་བ་ནི་རྙེད་པར་དཀའ་བ་མེད་ཅེས་བྱ་བ་འདིས་བསྟན་ཏོ། །འབྲས་བུ་ནི་བླ་ན་མེད ་པའི་བྱང་ཆུབ་པོ། །ད་ནི་སྒོ་མཛའ་ཡས་པས་བསྒྲུབ་པའི་གཟུངས་འདི་ལ་ཞེས་བྱ་བ་ལ་སོགས་པས་གནོད་སྦྱིན་གྱི་ཕན་ཡོན་བསྟན་ཏེ། གཟུངས་ཀྱི་ཆོས་ཀྱི་རྣམ་གྲངས་ལ། མངོན་པར་བརྩོན་པ་གང་ཡིན་པ། །དེ་ནི་གཟུངས་ལ་བརྩོན་ཞེས་བྱ། དེ ་ལྟར་སྐབས་ཀྱིས་མངོན་པ་ཡིན། །གཟུངས་ཀྱི་ཆོས་ཀྱི་རྣམ་གྲངས་ལ་མངོན་པར་བརྩོན་པ་གང་ཡིན་པ་དེ་ནི། གཟུངས་འདི་ལ་མངོན་པར་བརྩོན་པ་ཞེས་བྱ་བར་འདོད་དོ། །ཇི་ལྟར་ཞེ་ན། དེས་སྒོ་མཛའ་ཡས་པ་བསྒྲུབ་པའི་གཟུངས་ཀྱི་ཆོས་ཀྱི་རྣམ་གྲངས ་ནི་དེ་བཞིན་གཤེགས་པ་དེ་ལས་ཐོས་ཏེ། ཞེས་བྱ་བ་ལ་སོགས་པས་གཟུངས་ཀྱི་ཆོས་ཀྱི་རྣམ་གྲངས་ཐོག་མ་ཁོ་ནར་དམིགས་ཀྱིས་གླེངས་པའི་ཕྱིར་རོ། །ཕན་ཡོན་བསྙད་པ་དེ་ཡང་རྣམ་པ་བདུན་གྱིས་བསྙད་དེ། དེ་ལ་རིགས་ནི་གྲངས་ན་གནས་པ་རྣམས ་རིགས་ཆེ་བར་བསྙད་པའི་ཕྱིར་དང། གྲངས་ནི་ཡི་གེ་འབྲུ་བརྒྱད་བསྒོམ་པའི་མཐུ་བསྟན་པའི་ཕྱིར་དང། གཟི་བྱིན་འཇུག་པར་བྱེད་པ་དང། ཉིན་མཚན་དུ་སྲུང་ཞིང་སྐྱོབ་ལ་སྦེད་པ་སྟེ། འདི་གཉིས་ནི་ཆོས་ཀྱི་རྣམ་གྲངས་ཀྱི་ཚེ་ཉིད་ཤེས་པར་བྱ་བ་དང། བདག ་ཉིད་བསྟན་པ་ལ་ཕན་འདོགས་པ་པོར་ཤེས་པར་བྱ་བ་དང་བཅོམ་ལྡན་འདས་ལ་བཀའ་དྲིན་དུ་བཟོ་ཤེས་པར་བྱ་བའི་ཕྱིར་རོ། །ལུས་དང་ངག་དང་བློ་གྲོས་ལ། །སྟོབས་དང་གཟི་བརྗིད་རབ་རྣོ་བ། །རིམ་བཞིན་གཟི་བརྗིད་ཤེས་པར་བྱ། །ལུས་ཀྱི་སྒྲ་དེ་ལུས་གནས ་བསྡུ། །ལུས་ཀྱི་སྟོབས་གང་ཡིན་པ་དང། །ཚིག་གི་གཟི་བརྗིད་གང་ཡིན་པ་དང། བློའི་རྣོ་བ་གང་ཡིན་པ་དེ་གསུམ་ལ་གཟི་བརྗིད་ཞེས་བྱའོ། །ལུས་ཞེས་བྱ་བའི་སྒྲ་གང་ཡིན་པ་དེ་ནི་གཙོ་བོ་ལུས་ཡིན་པའི་ཕྱིར་རོ། །ལུས་ལ་གནས ་པའི་ཚིག་དང་བློ་གཉིས་ནི་ཡོན་ཏན་གྱི་བརྡར་རིག་པར་བྱའོ། །ལུས་ནི་རྣམ་གསུམ་བྱེ་བྲག་གིས། །བསྲུང་སྐྱོབ་སྤེད་གསུངས་ཡང་ན་ནི། །གང་ཕྱིར་རྣམ་བསྒོས་ལ་སོགས་པའོ། །བྱེ་བྲག་གིས་ནི་རྣམ་པ་གསུམ། །ལས་མི་དགེ་བ་རྣམ་པ་གསུམ་ཡོད་དོ ་ཚེ་འདི་ལ་མྱོང་བར་འགྱུར་བ་དང། སྐྱེས་ནས་མྱོང་བར་འགྱུར་བ་དང། ལན་གྲངས་གཞན་ལ་མྱོང་པར་འགྱུར་བ་སྟེ། དེ་དག་ལས་གྱུར་པའི་གནོད་པའི་གཉེན་པོར། སྲུང་བ་དང། སྐྱོབ་པ་དང་སྦེད་པ་རྣམས་གོ་རིམས་བཞིན་དུ་བཅོམ་ལྡན་འདས་ཀྱིས ་བཀའ་སྩལ་ཏོ། །ཡང་ན་གང་གི་ཕྱིར་གནམ་གྱིས་བསྐོས་པ་ལ་སོགས་པའི་བྱེ་བྲག་གིས་གནོད་པ་རྣམ་པ་གསུམ་དུ་འགྱུར་ཏེ། དེའི་ཕྱིར་སྲུང་པ་དང། སྐྱོབ་པ་དང། སྤེད་པ་གསུམ་བོ་རིམས་བཞིན་དུ་གསུངས་ཏེ། གནམ་གྱིས་བསྐོས་བའི་གནོད་པ ་ནི་གང་དུ་མི་དགེ་བ་ཁོ་ནས་བྱས་པར་མངོན་གྱི། སྲོག་ཆགས་གཞན་གྱིས་བྱས་པ་མ་ཡིན་པ་སྟེ། དཔེར་ན་མི་དས་དང། མུ་གེ་དང། ཐོག་ལ་སོགས་པའི་བབ་པ་ལྟ་བུའོ། །མི་ལས་གྱུར་པའི་གནོད་པ་ནི། །གང་དུ་སྲོག་ཆགས་རྣམས་ཀྱིས་གནོད་པར ་བྱས་པར་མངོན་ལ། །གནམ་གྱིས་བསྐོས་པ་ཡོད་བཞིན་དུ་མི་མངོན་པ། །གང་གི་ཕྱིར་ལས་མ་གཏོགས་པར་འབྲས་བུ་ཅི་ཡང་མེད་པའི་ཕྱིར་ཏེ། དཔེར་ན་ལོ་ཏོག་ལ་སོགས་པ་སྨིན་དུ་ཟིན་ཀྱང། ཕ་རོལ་གྱི་དམག་ཚོགས་ཀྱིས་གནོད་པར་བྱས་ཏེ། མུ་གེར ་གྱུར་པ་ལ་སོགས་པ་ལྟ་བུའོ། །གནམ་གྱིས་བསྐོས་པ་དང་མི་ལས་གནོད་པར་གྱུར་པ་ནི་གང་དུ་གཉི་གས་བྱས་པར་མངོན་པའོ། །ལས་ནི་གནམ་གྱིས་བསྐོས་པ་དང། མི་ལས་གྱུར་པ་ཁོ་ནར་ཟད་དེ། གནམ་གྱིས་བསྐོས་པ་དང། མིའི་ལས་ཀྱིས་འཇིག ་རྟེན་འཚོང་བར་བྱེད་དོ་ཞེས་ཟེར་བ་ལྟ་བུའོ། །ཡང་ན་བདག་གཞན་རྐྱེན་གྱུར་ལས། །གནོད་པ་རྣམ་པ་གསུམ་ཤེས་པར་བྱ། །སེམས་ཅན་སེམས་ཅན་མིན་བགྲང་པའི། །བྱེ་བྲག་གིས་ནི་གཞན་གཉིས་བསྟན། །ཡང་ན་གནོད་པ་རྣམ་པ་གསུམ་ཡིད་དེ། རང་གི་རྐྱེན ་ལས་གྱུར་པ་དང། གཞན་གྱི་རྐྱེན་ལས་གྱུར་པ་དང། གཞན་གྱི་རྐྱེན་ལས་གྱུར་པ་རྣམ་པ་གཉིས་ཏེ། སེམས་ཅན་དུ་མི་བགྲང་བའི་རྐྱེན་ལས་གྱུར་པ་དང། སེམས་ཅན་དུ་བགྲང་བའི་རྐྱེན་ལས་གྱུར་པའོ། །དེ་བསྡུས་ན་རྣམ་པ་གསུམ་དུ་འགྱུར་ཏེ། དེའི་གཉེན ་པོར་སྲུང་བ་དང། སྐྱོབ་པ་དང། སྤེད་པ་གསུམ་པོ་གོ་རིམ་བཞིན་དུ་ཤེས་པར་བྱའོ། །མིང་གི་ཁྱད་པར་ནི་གདུལ་བ་རྣམས་མངོན་པར་ཡིད་ཆེས་པ་བསྐྱེད་པའི་ཕྱིར་རོ། །གནོད་སྦྱིན་རྣམས་འོང་བར་བྱ་བའི་ཆོ་ག་བསྟན་པ་ནི། རྣམ་པ་ལྔར་གསུངས་པ ་སྟེ། །ཇི་ལྟ་ཞེ་ན། མངོན་དུ་ཕྱོགས་པར་བྱ་བ་གཉིས་འོང་བར་བྱ་བའི་ཕྱིར་གསུངས་ཏེ། འོང་བར་བྱ་བའི་ཕྱིར་ཤིན་ཏུ་ཁྲུས་བྱ་བ་དང། གོས་ཤིན་ཏུ་གཙང་མ་བགོ་བར་བྱས་ན། གནོད་སྦྱིན་དེ་དག་མངོན་དུ་ཕྱོགས་པར་བྱེད་དེ། འདི་ལྟར་ཤིན་ཏུ ་ཁྲུས་བྱ་བ་ཡང་རྣམ་པ་གཉིས་ཏེ། ཕྱི་རོལ་གྱི་ཆོ་ག་དང་སྦྱར་ཏེ་ཆུས་བཀྲུ་བ་དང། ནང་གི་ཚུལ་ཁྲིམས་ཡོངས་སུ་དག་པས་སོ། །གོས་ཤིན་ཏུ་གཙང་མ་བགོ་བ་ཡང་རྣམ་པ་གཉིས་ཏེ། ཕྱི་རོལ་གྱི་བགོ་བ་གཙང་མ་ལ་སོགས་པས་ལུས་གཡོག་པ་དང། ་མ་?་བྱམས་པ་ལ་སོགས་པས་སེམས་ཀྱི་ལུས་དཀྲི་པ་སྟེ། ཕ་རོལ་དང་ནད་རྣམ་པར་དག་པས་མཛེས་པ་མཐོང་ན་གནོད་སྦྱིན་དེ་དག་འོང་བར་སྤྲོ་བར་འགྱུར་བའི་ཕྱིར་ཏེ། དེ་ལྟར་ན་འོང་པའི་ཕྱིར་སྤྲོ་བ་སྐྱེ་བར་འགྱུར་རོ། །གཅིག་གིས་སྤྲོ་བར་བྱ་བར་བསྟན། ་འཆག་པར་འགྲོ་བ་ཞེས་བྱ་བའི་ཚིག་གིས་བསྟན་ཏོ། འདི་ལྟར་རྣམས་ནི་དང་བྱ་བའི་ཕྱིར། །འཆག་པར་བསྡུ་བའི་བསམ་པར་བསྟན། །དེ་ལྟ་མའི་དུ་ཟིན་ན་ནི། །དེ་ཡིས་ལྷག་པ་ཅི་ཞིག་བསྟན། །དེ་ལྟར་དོན་དུ་གཉེར་ཤེས་ནས། །འོང་བར་སྤྲོ་བའི་སེམས་ལྡན ་རྣམས། །སྤྲོ་བའི་མཐུ་ལ་དམིགས་ནས་ནི། །དེ་དག་ངེས་པར་འོང་བར་འགྱུར། །དེ་དག་ནི་བརྡ་ཕྲད་པར་སླ་བས་མ་བཤད་དོ། །གཉིས་ཀྱིས་དེ་དག་གུས་པ་སྟེ། ཞེ་འགྲས་པ་མེད་པའི་སེམས་དང། ཆོས་ཀྱི་རྣམ་གྲངས་ཡིད་ལ་བྱེད ་པ་གཉིས་ནི་གནོད་སྦྱིན་དེ་དག་གུས་པ་སྐྱེ་བར་འགྱུར་ཏེ། འདི་ལྟར་ཞེ་འགྲས་པ་མེད་པའི་སེམས་ཀྱིས་བསམ་པ་དགེ་བར་གྱུར་པའི་ཕྱིར། ཡོན་ཏན་ལ་གུས་པ་སྐྱེ་བ་དང། ཆོས་ཀྱི་རྣམ་གྲངས་ཡིད་ལ་བྱེད་པས་ཆོས་ལ་གུས་པ་ལ་སྐྱེ་བར་འགྱུར་རོ། ། ་དེ་ལྟར་འོང་འདོད་པའི་སྤྲོ་བ་སྐྱེས་ནས་ཀྱང། དེ་དག་གུས་པར་ངེས་པ་ཁོ་ན་སྟོན་པར་འགྱུར་བའི་ཕྱིར། དེ་ལ་ཞེས་བྱ་བ་ལ་སོགས་པ་གསུངས་སོ། །གནོད་སྦྱིན་དེ་དག་ལྷག་ནས་ནི། །བརྟན་བཞིན་བརྟུལ་ཞུགས་སྤྱོད་དེ་ལ། །མྱུར་དུ་གཟུངས་ཀྱི་སྒོ་རྣམས ་ནི། ཐེ་ཚོམ་མེད་པར་སྟོན་པར་བྱེད། །སྒོ་ཞེས་བྱ་བའི་སྒྲས་ནི་སྒོ་ཟང་མི་ཤེས་པའི་གཟུངས་ཀྱི་སྒོ་ལ་སོགས་པ་བསྡུའོ། །ཚིགས་སུ་བཅད་པའི་དོན་ལྷག་མ་ནི་མ་བཤད་དོ། །ཡང་ན་ཡན་ལག་ཀུན་གྱི་གཙོ་བོ་བཞིན། །བསྙད་པས་དེ་དག་བློ་དགའ་བས།། ་ལྷགས་པ་ཡིན་ཏེ་དེ་དག་ལས། །འབྲས་བུར་འགྱུར་བ་ཐེ་ཚོམ་མེད། །དགའ་བར་མ་གྱུར་ན་བཞིན་སྟོན་པར་མི་བྱེད་དོ་སྙམ་དུ་དགོངས་སོ། །བྱང་ཆུབ་སེམས་དཔའ་ཨི་ཕན་ཡོན་བསྙད་པ་ནི་རྣམ་པ་དྲུག་སྟེ། གྲངས་དང་རིགས་དང། སེམས་པ་དང། མིང་དང ་གཟུངས་ཐོབ་པར་བྱ་བའི་ཕྱིར་མངོན་པར་བརྩོན་པ་དང། གཟུངས་ལ་བརྩོན་པ་ལ་གཟུངས་སྟོན་པའོ། །ཡི་གེ་བརྒྱད་པོ་དེ་དག་ནི་བྱང་ཆུབ་སེམས་དཔའ་བརྒྱད་པོ་ཡིན། །དེའི་ཕྱིར་དོན་དེ་སྒོམ་པ་ལ། །དེ་དག་ཐམས་ཅད་ཕན་འདོགས་སོ། །པ་ཞེས ་བྱ་བ་ལ་སོགས་པའི་ཡི་གེ་བརྒྱད་པོ་དེ་དག་ནི། །རྣམ་པར་སྣང་བྱེད་ལ་སོགས་པའི་བྱང་ཆུབ་སེམས་དཔའ་བརྒྱད་པོ་དག་གི་ཡིན་ཏེ། དེ་དག་གི་ཏིང་ངེ་འཛིན་སྟོན་པས་ན། དེའི་ཕྱིར། ཡི་གེ་དེ་དག་ནི་དོན་བསྒོམ་པ་ན་དེ་དག་ཐམས་ཅད་ཕན་འདོགས ་པར་བྱེད་པར་འོས་པ་སྟེ། དེའི་ཕྱིར་བརྒྱད་ཅེས་གསུངས་སོ། །གཞན་ལ་ཕན་འདོགས་ཞུགས་པའི་ཕྱིར། །སྨོན་ལམ་སྟོབས་ཀྱིས་དེ་དག་རྣམས། །དེ་དང་དེར་ནི་སྐྱེ་བྱེད་པ། །གང་ཡིན་དེ་ལ་ཐེ་ཚོམ་མེད། །གང་གི་ཕྱིར་བྱང་ཆུབ་སེམས་དཔའ་འདི་དག་ནི་བློ་སྙིང ་རྗེས་དབང་དུ་བྱས་ཤིང་ཕ་རོལ་ལ་ཕན་པར་བྱ་བ་ལ་གཞོལ་བས། འདོད་བ་ན་སྤྱོད་པའི་ལྷ་རྣམས་ཀྱི་ནང་དུ་དེ་དང་དེར་སྐྱེ་བར་བྱེད་དེ། དེའི་ཕྱིར་དེ་དག་ཀྱང་དེ་ལ་ཞེས་བྱ་བ་ལ་སོགས་པ་འདི་གསུངས་པ་གང་ཡིན་པ་དེ་ལ་ཐེ་ཚོམ་མི་བྱ་བར་ངེས་པ་ཁོ་ནར ་གཟུང་བར་བྱ་སྟེ། འདི་ལ་འཁྲུལ་པ་བསྐྱེད་པར་མི་བྱའོ་ཞེས་བྱ་བའི་ཐ་ཚིག་གོ་།གནོད་སྦྱིན་གྱི་རིགས་བསྙད་པ་ན་ཡང་འདི་ཉིད་ལ་དགོངས་ཏེ། དེ་དག་བྱང་ཆུབ་སེམས་དཔའ་ཉིད་ཡིན་ལ། མངོན་པར་ཤེས་པ་ཆེན་པོ་ཐོབ་པ་གནོད་སྦྱིན་གྱིས་གདུལ་བ་རྣམས་ལ ་ཕན་གདགས་པའི་ཕྱིར། འཕགས་པ་ལག་ན་རྡོ་རྗེ་བཞིན་དུ་སྐྱེས་བ་ཡིན་ཏེ། དེ་ལྟ་བུ་ཡིན་གྱི་བྱང་ཆུབ་སེམས་དཔའ་མིན་ན་དེ་ལྟ་མ་ཡིན་ན་ནི། གནོད་སྦྱིན་དེ་དག་མཐུ་མེད་པའི་ཕྱིར། གཟུངས་ལ་བརྩོན་པ་འཇིག་རྟེན་གྱི་ཁམས་གཞན་དག་ན་འཁོད་པ་རྣམས་ལ ་ཕན་འདོགས་པར་མི་བྱེད་པས། གནོད་སྦྱིན་གྱི་ཕན་ཡོན་བསྙད་པ་ཁྱབ་པ་མ་ཡིན་པར་འགྱུར་རོ། །སེམས་དཔའ་ཞེས་ནི་གསུངས་པ་འདི། སེམས་ནི་སྙིང་རྗེ་བརླན་རྣམས་ཀྱི། །ཕན་པ་བྱ་བར་འདོད་པའི་བློས། །སྙིང་བརྩེ་ནས་ནི་བལྟས་པ་ཡིན། །ཚིགས ་སུ་བཅད་པ་འདི་དོན་ནི་གསལ་བའི་ཕྱིར་མ་བཤད་དོ། །རྒྱལ་བའི་སྲས་པོ་དེ་དག་ནི། །ཕན་པ་ཉེ་བར་བསྒྲུབ་པ་དང། །གནོད་པ་མེད་པར་སྤངས་པ་ཡིས། །གཟུངས་ཐོབ་བྱ་ཕྱིར་མངོན་པར་བརྩོན། །ཕན་པ་ནི་དག་པའི་བཤེས་གཉེན་ལ་བརྟེན་པ་དང། ་བསོད་ནམས་དང་ཡེ་ཤེས་ཀྱི་ཚོགས་བསྒྲུབ་པ་དང། མཐུ་ཡོད་པར་བྱ་བ་ལ་སོགས་པའོ། །གནོད་པ་ནི་སྡིག་པའི་གྲོགས་པོ་དང་འདྲེ་བ་དག་།རྒོད་པ་དང་འགྱོད་པ་ལ་སོགས་པའོ། །ཕན་པ་དང་གནོད་པ་དེ་གཉིས་གོ་རིམས་བཞིན་དུ་བྱ་བ་དང། གསལ ་བས་བྱང་ཆུབ་སེམས་དཔའ་ངེས་གཟུངས་ཐོབ་པར་བྱ་བའི་ཕྱིར། བྱང་ཆུབ་སེམས་དཔའ་བརྒྱད་པོ་དེ་དག་བརྩོན་པར་འགྱུར་རོ། །གཟུངས་ལ་བརྩོན་པའི་བྱ་བ་བསྟན་པ་ཡང་རྣམ་པ་བདུན་དུ་གསུངས་ཏེ། དམ་བཅས་པ་ལ་བསྟན་པ ་པ་དང། བྱས་པ་གཟོ་བ་དང། བྱས་པ་ཚོར་བ་དང། ཆོས་འདོད་པ་དང། ཆོས་ལ་དགའ་བ་དང། ཟབ་མོའི་ཆོས་ལ་བཟོད་པ་ལ་བརྩོན་པ་དང། བགོ་བཤའ་བྱེད་པའི་ངང་ཚུལ་ཅན་དུ་བྱ་བའོ། །གཟུངས་ལ་བརྩོན་བྱེད་གང་ཞེ་ན། གང་ཞིག་ཉན་སེམས ་རྗེས་ཡི་རང། །འདྲི་དང་ལུང་ནོད་འདོན་ལ་སོགས། །སྟོན་པའི་ཚུལ་གྱིས་བརྩོན་བྱེད་པའོ། །སོགས་པ་སྨོས་པས་ནི་འཛིན་པ་དང། ཀུན་ཆུབ་པར་བྱེད་པ་དང། ཚུལ་བཞིན་ཡིད་ལ་བྱེད་པ་ལ་སོགས་པ་བསྡུའོ། །ལྷག་མའི་དོན་ནི་གསལ་བས་མ་བཤད ་དོ། །གཟུངས་བསྐྱེད་ཆོ་ག་རྒྱལ་བ་ཡིས། །བདག་གཞན་ལྟོས་ལ་བཟླས་ཏེ་གསུངས། །སྟོན་པ་ལ་སོགས་བྱེ་བྲག་གིས། །གཞན་ནི་རྣམ་པ་གསུམ་དུ་འགྱུར། །སྔར་ཡང་བཅོམ་ལྡན་འདས་ཀྱིས་གཟུངས་བསྐྱེད་པའི་ཆོ་ག་གསུངས་མོད་ཀྱི། །ད་ཡང་བདག ་དང་གཞན་ལ་ལྟོས་པའི་སྒོ་ནས་གསུངས་ཏེ། །དེ་ལ་བདག་ལ་བལྟོས་པ་ནི། །བདེན་པར་དམ་བཅའ་བར་བྱའོ་ཞེས་བྱ་བས་བསྟན་ཏོ། །བདེན་པར་དམ་བཅའ་བ་ནི་བསྟན་པོར་དམ་བཅའ་བའོ། །དེ་འདྲ་བ་དེ་ནི་གཟུངས་ངེས་པར་བསྐྱེད་པར་བྱེད་དེ། འདི་ལྟར ་དེས་གཟུངས་བདག་གིས་བསྐྱེད་པར་བྱའོ་ཞེས་དམ་བཅས་ན། དེ་ནི་དེ་མ་བསྐྱེད་ཀྱི་བར་དུ་བར་མ་དོར་ཕྱིར་མི་ལྡོག་གོ་།ལྷག་མ་རྣམས་ཀྱིས་ནི་གཞན་ལ་བལྟོས་པའི་སྒོ་ནས། གཟུངས་བསྐྱེད་པར་བྱ་བའི་ཆོ་ག་བསྟན་ཏེ། གཞན་པོ་དེ་ཡང། སྟོན་པ་དང། ཆོས ་དང། འདུ་བའི་བྱེ་བྲག་གིས་རྣམ་པ་གསུམ་དུ་འགྱུར་ཏེ། དེ་ལ་སྟོན་པའི་ལྟོས་པ་ནི། བྱས་པ་གཟོ་བ་དང། བྱས་པ་ཚོར་བ་ཅན་ཞེས་བྱ་བ་འདི་གཉིས་ཀྱི་གཟུངས་བསྐྱེད་པའི་ཆོ་ག་བསྟན་ཏེ། འདི་ལྟར་བཅོམ་ལྡན་འདས་དང། འབྲེལ་པའི་སྐྱབས་གསུམ ་ཐོབ་པ་ལ་སོགས་པ་བཀའ་དྲིན་དྲན་ནས་།དེས་གསུངས་པ་བཞིན་དུ་ངས་པ་ཁོ་ནར་སྒྲུབ་པར་བྱེད་དེ། དེས་གསུངས་པའི་གཟུངས་ནི་དོན་ཆེན་པོ་ཡིན་པས་ནི་བསྐྱེད་དངོས་སོ་སྙམ་པའི་ཕྱིར་རོ། །སུས་བྱས་པ་ཚོར་བ་དེ་ཡང་ངེས་པར་འཁོ་ནར་གཟུངས་བསྐྱེད ་པར་བྱེད་དེ། འདི་ལྟར་གཟུངས་བསྒྲུབས་པས་བཅོམ་ལྡན་འདས་ཀྱི་བཀའ་དྲིན་ཚོར་བའི་ཕྱིར་རོ། །དེ་བྱས་པ་ཚོར་བར་བྱེད་པའི་ངང་ཚུལ་ཅན་ཡིན་པས་ན་བྱས་པ་ཚོར་བ་ཅན་ནོ། །ཆོས་ལ་ལྟོས་པ་ནི་ཆོས་འདོད་པ་ཞེས་བྱ་བ་ལ་སོགས་པས་གཟུངས་བསྐྱེད་པའི ་ཆོ་ག་བསྟན་ཏེ། གང་གི་ཕྱིར་སུ་ཆོས་ལ་འདོད་ཅིང་སྲིད་པ་དེ་ནི་ངེས་པར་གཟུངས་བསྐྱེད་པར་འགྱུར་ཏེ། དེ་ནི་ཆོས་ཀྱི་མཆོག་ཡིན་པའི་ཕྱིར་རོ། །ཆོས་ལ་དགའ་བ་ནི། གང་ཆོས་ལ་ཤིན་ཏུ་ཞུགས་པ་སྟེ། དེ་ལྷུར་ལེན་པའི་ཕྱིར་རོ། །དེ་འདྲ་བ་དེ་ནི་གཟུངས ་མ་བསྐྱེད་པར་མི་འདུག་གོ་།ཟབ་མོའི་ཆོས་ལ་བཟོད་པ་ལ་བརྩོན་པ་ནི་ག་ལ་ཞིག་གཟུངས་བསྐྱེད་པར་མི་བྱེད་དེ། དེ་ནི་མཆོག་ཏུ་ཟབ་པའི་ཕྱིར་རོ། །གཞན་གྱི་དོན་གྱི་ཕྱིར་ཡང་གཟུངས་འདི་བསྐྱེད་པར་བྱ་བའི་ཕྱིར། བྱང་ཆུབ་སེམས་དཔའ་སེམས་དཔའ་ ་ཆེན་པོ་གཟུངས་ལ་བརྩོན་པས་ཤེས་པར་བྱ་བ་ལ་སོགས་པ་གསུངས་ཏེ། ཆོས་དང་ཟང་ཟིང་བྱེ་བྲག་གིས། །བགོ་བཤའ་རྣམ་པ་གཉིས་སུ་བསྟན། །བགོ་བཤའ་ནི་རྣམ་པ་གཉིས་ཏེ། ཆོས་ཀྱི་བགོ་བཤའ་དང། ཟང་ཟིང་གི་བགོ་བཤའོ། །ངང་ཚུལ་སྨོས ་པས་ནི་བགོ་བཤའི་ངོ་བོ་ཉིད་བསྟན་ཏོ། །དེས་ན་སེམས་ཀྱི་ཤིན་ཏུ་འཛིན་པ་མེད་པར་བསྟན་ཏོ། །ཆུང་དང་ཉུང་དང་མང་པོ་ནི། །གྲངས་དང་གྲངས་ནི་གཉི་གར་བསྟན། །ཆུང་དུ་ནི་རྫས་ཆུང་བའི་ཕྱིར་རོ། །ཉུང་ངུ་ནི་གྲངས་ཉུང་བའི་ཕྱིར་རོ། །མང་པོ་ནི་རྫས་དང ་གྲངས་མང་པའི་ཕྱིར་རོ། །གཟུངས་དོན་བསྟན་པ་ཡིན་མོད་ཀྱི། །འོན་ཀྱང་སྤྱིར་ཡང་བསྟན་པ་མཛད། །བྱས་ཟོས་ལ་སོགས་གཞན་དུ་ཡང། །བྱ་བའི་ཕྱིར་ནི་གསུངས་པ་ཡིན། །གཟུངས་ཀྱི་དོན་བསྟན་པའི་སྐབས་ཡིན་མོད་ཀྱི། སྤྱིར་བསྟན་ཏེ། གསུངས་པའི ་བྱས་པ་གཟོ་བ་ལ་སོགས་པ་གང་ཡིན་པ་དེ་ནི་གཞན་དུ་ཡང་བྱ་དགོས་པའི་ཕྱིར། དོན་དེ་བསྟན་པའི་ཐ་ཚིག་གོ་།བཤད་པའི་ཚེ་ཕན་ཡོན་བསྙད་པ་ནི། རྣམ་པ་གཉིས་ཏེ། ཕྱིར་མི་ལྡོག་པའི་ས་འཐོབ་པ་དང། བླ་ན་མེད་པའི ་བྱང་ཆུབ་ཏུ་སེམས་བསྐྱེད་པའོ། །དེ་ཡང་འདིར་ནི་གཙོ་བོར་ཐོབ་པ་ཡིས། །འབྲས་བུ་གཉིས་སུ་བསྟན་པ་ཡིན། །ཇི་ལྟ་ཞེ་ན། སྨྲས་པ། མཐོ་རིས་ལ་སོགས་འབྲས་བུ་ནི། གཞན་བསྟན་པ་ལས་རྟོགས་པར་འགྱུར། །བཅོམ་ལྡན་འདས་ཀྱིས་བསྟན ་པ་ནི་ཐམས་ཅད་ཀྱང་ལྷ་དང་མི་ལ་སོགས་པར་སྐྱེ་བ་དང། རྒྱལ་སྲིད་ལ་སོགས་པ་དང། མི་འབྲལ་པར་འཕེན་པ་ཡིན་ནོ། །འབྲས་བུ་འདི་གཉིས་གཙོ་བོར་བསྟན་པ་ཡང་བྱང་ཆུབ་ཆེན་པོར་ངེས་པར་འགྱུར་བའི་རྒྱུ་ཡིན་པའི་ཕྱིར་དང། གཞིར ་གྱུར་པའི་ཕྱིར་རོ། །ཕྱིར་མི་ལྡོག་པའི་ས་ཐོབ་པ་ནི། བྱང་ཆུབ་སེམས་དཔའ་རྣམས་ཁོ་ན་ཡིན་པའི་ཕྱིར། སྔ་མའི་སྐབས་སུ་བྱང་ཆུབ་སེམས་དཔའ་སྨོས་སོ། །བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པ་ནི་བྱང་ཆུབ ་སེམས་དཔའ་མ་ཡིན་པ་ཁོ་ན་དག་བྱེད་པ་ཡིན་པས་ན། །ཕྱི་མའི་སྐབས་སུ་ནི་བྱང་ཆུབ་སེམས་དཔའ་མ་སྨོས་སོ། །ད་ནི་མིང་ཞུས་པ་བརྗོད་པར་བྱ་སྟེ། བདག་དང་གཞན་དོན་རིམ་བཞིན་དུ། ཞུས་པ་དང་ནི་དགོས་པ་བསྟན། །ཡང་ན་དོན་ནི ་ཆེ?་ཕྱིར། །ཚིག་གཉིས་ཀྱིས་ནི་བཟླས་དེ་ཞུས། །འདིའི་མིང་ཅི་ལགས་ཞེས་བྱ་བས་ནི་མིང་ཞུས་པ་བསྟན་ཏོ། །མིང་ཞུས་པ་དགོས་པ་མེད་དུ་དོགས་པ་ལ། འདི་ཇི་ལྟར་བཟུང་བར་བགྱི་ཞེས་བྱ་བས་དགོས་པ་བསྟན་ཏེ། ཐ་སྙད་གདགས་པའི་དུས་ན ་འདི་ཇི་ལྟར་གཟུང་བར་བགྱི་ཞེས་བྱ་བའི་ཐ་ཚིག་གོ་།དེས་ན་ཕྱིས་ཐ་སྙད་གདགས་པའི་བྱ་བ་ཞུས་པའི་དགོས་པ་ཡིན་པར་བསྟན་པ་ཡིན་ནོ། །ཡང་ན་འདིའི་མིང་ཅི་ལགས་ཞེས་བྱ་བ་ནི་བདག་གོ་དོན་དུ་ཞུ་བའོ། །འདི་ཇི་ལྟར་གཟུང་བར་བགྱི་ཞེས་བྱ་བ་ནི་གཞན་གྱི ་དོན་དུ་ཞུ་བ་སྟེ། དེ་དག་ཀྱང་ཐ་སྙད་གདགས་པར་བྱ་བའི་ཕྱིར། ཆོས་ཀྱི་རྣམ་གྲངས་ཀྱི་མིང་ཐོས་པར་འདོད་ན། ཆོས་ཀྱི་རྣམ་གྲངས་འདི་གཞན་དག་འཛིན་ན། ཇི་ལྟར་འཛིན་དུ་གཞུག་པར་བགྱི་ཞེས་བྱ་བའི་ཐ་ཚིག་གོ་།ཡང་ན་ཆོས་ཀྱི་རྣམ་གྲངས་འདི་དོན་ཆེ་བའི་ཕྱིར། ་དད་པས་འདུན་པར་བྱས་པའི་སེམས་ཀྱིས་ཡང་དང་ཡང་དུ་མིང་ཞུ་བར་བྱེད་དོ། །ཡང་ཞེས་བྱ་བ་ནི་མ་སྨོས་པ་བསྡུ་བའི་དོན་ཏེ། དེ་བས་ནི་ཚིག་གཉིས་ཀྱིས་བདག་ཉིད་ཀྱིས་མིང་ཐོས་པར་འདོད་པ་བསྟན་ཏེ། འདི་ལྟར་སྤྱིར་ཞུས་མོད་ཀྱི། འོན་ཀྱང་བདག་ཉིད་ལ ་བསྡུ་བའི་ཕྱིར། འདི་ཇི་ལྟར་གཟུང་བར་བགྱི་ཞེས་སྨོས་སོ། །ད་ནི་མིང་འདོགས་པ་བསྟན། འདི་ནི་གོ་རིམས་ཁོ་ན་བཞིན། །རྒྱུ་དང་འབྲས་བུའི་དངོས་པོ་ཡིས། །མིང་ནི་རྣམ་པ་བཞིར་མཛད་དེ། །དེ་ཕྱིར་མི་ཉུང་ལྷག་པ་མེད། །མིང་རྣམས་པ་བཞི་པོ་འདི་ནི་ཆོས་ཀྱི་རྣམ ་གྲངས་འདིའི་རྒྱུད་པའི་འབྲས་བུར་འགྱུར་བ་གང་ཡིན་པ་དེའི་རྒྱུ་དང་འབྲས་བུའི་དངོས་པོར་འདུག་པའི་ཕྱིར་ཏེ། ས་དང་ཕ་རོལ་ཏུ་ཕྱིན་པ་དང། ཏིང་ངེ་འཛིན་དང། རྣམ་པར་ཐར་པ་དང། མངོན་པར་ཤེས་པ་ལ་སོགས་པའི་ཡོན་ཏན་རྣམས་སྒོ་མཛའ་ཡས ་པས་བསྒྲུབ་པའི་ཕྱིར་ན། ཆོས་ཀྱི་རྣམ་གྲངས་འདིའི་མིང་སྒོ་མཛའ་ཡས་པས་བསྒྲུབ་པ་ཞེས་བྱའོ། །གང་གི་ཕྱིར་འདིའི་མིང་སྒོ་མཛའ་ཡས་པས་བསྒྲུབ་པ་ཞེས་བྱ་བ་དེའི་ཕྱིར། འདིའི་མིང་བྱང་ཆུབ་སེམས་དཔའ་གཅིག་ཏུ་ངེས་པར་མངོན་པར་འཕགས་པར ་བྱེད་པ་ཞེས་བྱ་བར་ཡང་ཟུང་ཅིག་།ཅེས་གསུངས་ཏེ། གང་གི་ཕྱིར་རྒྱུ་དེ་ལྟ་བུ་ལས་འབྲས་བུ་དེ་ལྟ་བུ་ངེས་པར་འབྱུང་བའི་ཕྱིར་རོ། །གཅིག་ཏུ་ངེས་པར་ཞེས་བྱ་བ་ནི་ལྡན་པའི་དོན་ཏེ། འདི་ལས་བྱང་ཆུབ་སེམས་དཔའ་གཅིག་ཏུ་ངེས་པར་མངོན་པར་འཕགས ་པར་འགྱུར་རོ་ཞེས་བསྡུ་བར་བྱའོ། །མངོན་དུ་ཕྱོགས་པས་གོང་ནས་གོང་དུ་ཁྱད་པར་འཐོབ་པའི་ཕྱིར་འཕགས་པ་ནི་མངོན་པར་བྱེད་པའོ། །གང་གི་ཕྱིར་འདིའི་མིང་བྱང་ཆུབ་སེམས་དཔའ་ཐམས་ཅད་གཅིག་ཏུ་ངེས་པར་མངོན་པར་འཕགས་པར་བྱེད་པ ་ཞེས་བྱ་བ་དེའི་ཕྱིར། འདིའི་མིང་བདུད་ཐམས་ཅད་རྣམ་པར་འཇིག་པར་བྱེད་པ་ཞེས་བྱ་བར་ཡང་ཟུང་ཞིག་ཅེས་གསུངས་ཏེ། འབྲས་བུ་ནི་རྒྱུ་དང་འདྲ་བའི་ཕྱིར་རོ། བདུད་སྨོས་པས་ནི་ཉོན་མོངས་པ་དང། །ལྷའི་བུའི་བདུད་བསྡུས་ཏེ། འདིས ་བདུད་ཐམས་ཅད་རྣམ་པར་འཇིག་པར་བྱེད་པའི་ཕྱིར་ཞེས་ཚིག་སྦྱར་བར་བྱའོ། །གང་གི་ཕྱིར་འདིའི་མིང་བདུད་ཐམས་ཅད་རྣམ་པར་འཇིག་པར་ཞེས་བྱ་བའི་ཕྱིར། གཅིག་ཏུ་ངེས་པར་རྣམ་པ་ཐམས་ཅད་མཁྱེན་པ་ཉིད་ཐོབ་པར་བྱེད་པ་ཞེས་བྱ་བར་ཡང་ཟུང ་ཞིག་ཅེས་གསུངས་ཏེ། དེ་གཅིག་ཏུ་ཡང་ངེས་པ་ཡིན་ལ། ཐམས་ཅད་མཁྱེན་པ་ཉིད་ཐོབ་པར་བྱེད་པ་ཡང་ཡིན་ནོ་ཞེས་ཚིག་སྦྱར་བར་བྱའོ། །ཡང་ན་འབྲུ་མང་པོ་མ་ཡིན་པར་སྦྱར་རོ། །གང་གི་ཕྱིར་ད་ལྟ་ཡིན་པ་དེའི་ཕྱིར་འབྲས་བུ་གཞན་ཡོད་པས ་ན་མིང་ཉུང་བ་ཡང་མ་ཡིན་ལ། དེ་ཡན་ཆད་འབྲས་བུ་མེད་པའི་ཕྱིར་ལྷག་པ་མེད་དོ། །ལུགས་འབྱུང་ལུགས་འབྱུང་མ་ཡིན་ལས། །སྒྲུབ་དང་བསྒྲུབ་བྱའི་དངོས་པོ་ཡིས། །མིང་ནི་རྣམ་པ་བཞིར་མཛད་དེ། དེ་ཕྱིར་མི་ཉུང་ལྷག་པ་མེད། །ཡང་ན་ལུས ་སུ་བྱུང་བའི་ཚུལ་གྱིས་སྔ་མ་སྔ་མ་ནི་རྒྱུ་ཡིན་ལ། ཕྱི་མ་ཕྱི་མ་ནི་བསྒྲུབ་པར་བྱ་བ་ཡིན་པའི་ཕྱིར། མིང་རྣམ་པ་བཞིར་མཛད་དོ། ལུགས་སུ་འབྱུང་བ་མ་ཡིན་པ་ནི་ཕྱི་མ་ཕྱི་མ་ནི་རྒྱུ་ཡིན་ལ། །སྔ་མ་སྔ་མ་ནི་བསྒྲུབ་པར་བྱ་བ་ཡིན་པའི་ཕྱིར། མིང་རྣམ་པ ་བཞིར་མཛད་དེ། བལྟོས་དང་བཅས་པའི་ཕྱིར། ཉུང་བ་ཡང་མ་ཡིན་ལ། སྒྲུབ་པ་པོའི་བལྟོས་པ་མེད་པས། མིང་གཞན་བྱར་མེད་པའི་ཕྱིར། ལྷག་པར་ཡང་མ་མཛད་དོ། བཤད་པ་འདིའི་སྐབས་སུ་བདུད་སྨོས་པས་ནི། བདུད་ཐམས་ཅད་བསྡུའོ། །ཡང་ན ་ཡོན་ཏན་ཐམས་ཅད་དང། །ཡེ་ཤེས་ཕུན་སུམ་སྤོང་ཕུན་སུམ། །ཁྱད་པར་འབོགས་པ་ཕུན་སུམ་གྱི། །རྟེན་ནི་དེ་ཉིད་ཡིན་ཕྱིར་རོ། །ཡང་ན་ཆོས་ཀྱི་རྣམ་གྲངས་འདི་ནི། ཕུན་སུམ་ཚོགས་པ་རྣམ་པ་བཞིའི་རྟེན་ཡིན་ཏེ། དེའི་ཕྱིར་མིང་རྣམ་པ་བཞིར ་མཛད་དོ། །ཕུན་སུམ་ཚོགས་པ་རྣམ་པ་བཞི་ནི། ཡོན་ཏན་ཐམས་ཅད་ཕུན་སུམ་ཚོགས་པ་དང། ཡེ་ཤེས་ཕུན་སུམ་ཚོགས་པ་དང། སྤོང་བ་ཕུན་སུམ་ཚོགས་པ་དང། ཁྱད་པར་འབོགས་པ་ཕུན་སུམ་ཚོགས་པ་སྟེ། ཁྱད་པར་འབོགས་པ་ཕུན་སུམ ་ཚོགས་པ་ཞེས་བྱ་བ་ནི་གོང་ནས་གོང་དུ་ཞེས་བྱ་བ། བར་གྱི་ཚིག་མི་མངོན་པར་བྱས་ནས་བསྟན་པ་ཡིན་ནོ། །ཡེ་ཤེས་ཕུན་སུམ་ཚོགས་པ་ལ་སོགས་པ་ནི་ཡོན་ཏན་ཐམས་ཅད་ཕུན་སུམ་ཚོགས་པའི་ཁོངས་སུ་ཡང་འདུས་མོད་ཀྱི། །གཙོ་བོར་བསྟན་པའི ་ཕྱིར་ལོགས་ཤིག་ཏུ་བསྟན་ཏོ། །ཕུན་སུམ་ཚོགས་པ་ནི་གུད་ན་ཅི་ཡང་མེད་པའི་ཕྱིར། མིང་རྣམ་པ་བཞིར་མཛད་དེ། ལྷག་པ་ཡང་མེད་ལ་ཉུང་བ་ཡང་མི་རུང་ངོ། །སྤོང་བ་ནི་བདུད་ཐམས་ཅད་འཇིག་པ་སྟེ། དེ་ཡང་ལྷའི་བུ་ལ་སོགས་པ་ནི་ཟིལ་གྱིས་གནོན ་བའོ། །འདོད་ཆགས་ལ་སོགས་པ་ནི་བག་ཆགས་དང་བཅས་པར་རྩ་ནས་འདོད་པའོ། །སྔར་ནི་གཟུངས་ཀྱི་མིང་དུ་བསྟན་པར་མཛད་ལ། ད་ནི་ཆོས་ཀྱི་རྣམ་གྲངས་ཀྱི་མིང་དུ་བསྟན་པས་ན་ཟློས་བུར་འགྱུར་བར་དོགས་པར་མི་བྱའོ། །ད་ནི་ཡི་རངས་པ་བསྟན ་ཏེ། ཐུབ་པའི་གསུང་ལ་འཇིག་རྟེན་གྱིས། །དོན་ཆེན་སྐྱེས་པ་མཐོང་གྱུར་ནས། །སེམས་ནི་རངས་པར་གྱུར་པའི་ཕྱིར། །ཁམས་རྣམས་མངོན་པར་བསྟོད་པར་བྱེད། །ཐུབ་པའི་གཟུང་ལ་རྐྱེན་རྐྱེན་དུ། །ཁྱད་པར་ཐོབ་པར་གྱུར་ནས་ནི། །ཡིད་ཀྱང་དགའ་བར ་གྱུར་པའི་ཕྱིར། །མཁས་པ་ཁ་ཅིག་མངོན་པར་བསྟོད། །བཅོམ་ལྡན་འདས་ཀྱིས་འདི་བསྟན་པས་ལྷ་དང་མི་རྣམས་ཀྱི་འཁོར་ལོས་བསྒྱུར་བའི་རྒྱལ་སྲིད་ལ་སོགས་པ་དང། བླ་ན་མེད་པའི་བྱང་ཆུབ་ཏུ་སེམས་བསྐྱེད་པ་དང། ཕྱིར་མི་ལྡོག་པའི་ས་དང། ་ཕ་རོལ་ཏུ་ཕྱིན་པ་ཡོངས་སུ་རྫོགས་པ་དང། ཏིང་ངེ་འཛིན་པ་དང། རྣམ་པར་ཐར་བ་དང། མངོན་པར་ཤེས་པ་དང། གཟུངས་དང་གཟུངས་ཀྱི་སྒོ་དང། སོ་སོ་ཡང་དག་པར་རིག་པ་ཐོབ་པ་ལ་སོགས་པ་སྐལ་པ་ཇི་ལྟ་བུ་བཞིན་དུ། དངོས་པོ་བརྒྱུད་པའི་སྒོ ་ནས་འཇིག་རྟེན་གྱི་དོན་ཆེན་པོ་སྐྱེས་པ་མཐོང་ནས་ཐུབ་པའི་དབང་པོས་གསུངས་པ་ལ། ཤཱ་རི་བུ་ལ་སོགས་པ་མཁས་པ་རྣམས་ཡིད་ཡང་དག་པར་དགའ་བར་གྱུར་ནས། བསྟན་པ་དེ་ཉིད་ཀྱི་མདོ་ལ་མངོན་པར་བསྟོད་དོ། །བཅོམ་ལྡན་འདས ་ཀྱིས་བསྟན་པ་འདི་ལྟ་བུར་ཤིན་ཏུ་རྨད་དུ་བྱུང་བ་གང་གིས་ལྷག་པ་མེད་པའི་དོན་འདི་ལྟ་བུ་འཇིག་རྟེན་མ་ལུས་པའི་དོན་བྱེད་ལ། བསྟན་པ་དེས་ཀྱང་དེ་ཉིད་ཀྱི་མདོ་ལ། མཁས་པ་ཁ་ཅིག་རྒྱུ་ཇི་ལྟ་བ་བཞིན་དུ་བྱང་ཆུབ་ཏུ་སེམས་བསྐྱེད་པ་དང། རབ ་ཏུ་དགའ་བ་ལ་སོགས་པའི་ས་ཐོབ་པའི་ཁྱད་པར་སོ་སོ་རང་གིས་རིག་པར་བྱེད་པ་ན། ཡིད་ཡང་དག་པར་དགའ་ནས་མངོན་པར་བསྟོད་དོ། །ཁ་ཅིག་ཅེས་སྨོས་པ་ནི། དོན་ཡོད་མཐོང་བ་ལ་སོགས་པ་བྱང་ཆུབ་སེམས་དཔའ་ཆེན་པོ་རྣམས་ལ་དེ་མེད ་པའི་ཕྱིར་རོ། །གལ་ཏེ་བདག་གིས་ཀྱང་ལྷག་པ་འགའ་ཞིག་ཐོབ་པར་གྱུར་ན་ནི། ཕྱིར་མི་ལྡོག་པའི་ས་ཐོབ་པ་བཞིན་དུ། ཁྱད་པར་དུ་འཕགས་པའི་ཕྱིར། དེ་ཡང་བསྟན་པར་འགྱུར་བ་ཞིག་ན། མ་བསྟན་པས་དེའི་ཕྱིར། ཆོགས་ཡོངས་སུ་རྫོགས་པ་དེ ་དག་གིས་ནི་ལྷག་པ་འགའ་ཡང་ཐོབ་པ་མེད་དེ། འོན་ཀྱང་དེ་དག་དེར་འདུས་པ་ཡང་དོན་མེད་པར་མི་འགྱུར་ལ། བཅོམ་ལྡན་འདས་ཀྱི་ཆོས་བསྟན་པ་ཡང་དོན་མེད་པར་མི་འགྱུར་ཏེ། ས་ཡོངས་སུ་རྫོགས་པར་བྱ་བ་ལ་སོགས་པའི་ཡོན་ཏན ་རྣམས་བརྒྱུད་པའི་ཚུལ་གྱིས་ཡོད་པའི་ཕྱིར་རོ། །འཕགས་པ་ཤཱ་རའི་བུ་ལ་སོགས་པ་དག་གི་ནང་དང་ནི་སྐལ་པ་ཇི་ལྟ་བ་བཞིན་དུ། །ཁ་ཅིག་གིས་ནི་ཕྱིར་མི་ལྡོག་པའི་ས་ཐོབ་ལ། ཁ་ཅིག་གིས་ནི་བྱང་ཆུབ་ཏུ་སེམས་བསྐྱེད་དེ། དེ་དག་ནི་བྱང ་ཆུབ་ཆེན་པོའི་རིགས་དང་ལྡན་པ་ཉིད་ཡིན་པ་ལས་ཇི་ཞིག་ལྟར་ཉན་ཐོས་ཀྱི་བྱང་ཆུབ་ལ་ཞུགས་ནས་ཉོན་མོངས་པ་སྤངས་པ་བྱས་པར་ཟད་དོ། །བྱང་ཆུབ་ཆེན་པོའི་རིགས་དེ་ཉིད་ལ་བརྟེན་ནས་དེ་དག་ཐམས་ཅད་བཅོམ་ལྡན་འདས་ཀྱིས། འཕགས ་པ་དམ་པའི་ཆོས་པད་མ་དཀར་པོའི་མདོ་ལས་ལུང་བསྟན་ཏེ། ཆོས་བཅུ་པའི་མདོ་ལས་ཀྱང། དེ་བཞིན་དུ་དགོངས་པ་བཤད་པའི་ཕྱིར་རོ། །ཚོང་དཔོན་གྱི་དཔེ་ལ་སོགས་པ་རྣམས་ཀྱང་བྱང་ཆུབ་ཆེན་པོའི་རིགས་དང་ལྡན་པ་དེ་དག་ཉིད་ཀྱི་དབང་དུ་བྱས ་པ་ཁོང་དུ་ཆུད་པར་བྱའོ། །ཉོན་མོངས་པའི་བུད་ཤིང་ཐམས་ཅད་མ་ལུས་པར་བསྲེགས་པའི་རྒྱུ་ཅན་ཉན་ཐོས་རྣམས། ཇི་ལྟར་བྱང་ཆུབ་ཆེན་པོའི་ཚོགས་ཡོངས་སུ་རྫོགས་པར་བྱེད་པར་འགྱུར་སྙམ་དུ་ཡང་ཡིད་ལ་མི་བྱ་སྟེ། དེའི་དོན་ནི་མདོ་གཞན་ལས ་རྣམ་པར་ཕྱེ་བའི་ཕྱིར་རོ། །འདིར་ནི་གཏམ་དེ་ཤིན་ཏུ་རྒྱས་པ་དང་ལྡན་པ་ཡིན་པས་ཡི་གེ་མངས་སུ་དོགས་པའི་ཕྱིར་མ་བཤད་དོ། །ཚེ་དང་ལྡན་པ་ཤཱ་རི་བུ་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ་ཞེས་བྱ་བར་སྦྱར་ཏེ། ་ཉན་ཐོས་ཆེན་པོ་ལ་སོགས་པའི་ཚོགས་རྣམས་དང། དེ་བཞིན་དུ་སོ་སོར་ཚིག་གི་དོན་བསྟན་པའི་ལུགས་དང་སྦྱར་བར་བྱའོ། །གསལ་ཤིང་དྲི་མེད་ཡོན་ཏན་ལྡན་པ་ཤིན་ཏུ་རབ་ཏུ་གཏིང་དཔག་དཀའ་བས་ཉམས་དགའ་གཟུངས་སྔགས་འདི། །བདག་འདྲ་ཉོན་མོངས ་ཤིན་ཏུ་བློ་ཞན་བཞིན་དུ་བདག་གིས་ཆེ་ལོང་ཆེ་ལོང་རྣམ་པར་ཕྱེ་བ་ཡི། །བསོད་ནམས་ཕུང་པོ་སྐྱེ་བོ་ཕལ་ཆེན་རྣམས་ལ་སྐྱེ་བའི་མཐུ་ཅན་ཐོབ་པ་གང་ཡིན་པ། །དེ་དག་ཐམས་ཅད་ཀྱིས་ན་འགྲོ་བ་འདི་དག་ཀུན་གྱི་ཡེ་ཤེས་སྙིང་པོ་རྟག་ཏུ་འཆར་བར་ཤོག། །། ་འཕགས་པ་སྒོ་མཛའ་ཡས་པས་བསྒྲུབ་པའི་གཟུངས་རྒྱ་ཆེར་འགྲེལ་པ། །སློབ་དཔོན་ཡེ་ཤེས་སྙིང་པོས་མཛད་པ་རྫོགས་སོ།། །།རྒྱ་གར་གྱི་མཁན་པོ་པྲཛྙཱ་བརྨ་དང་ཞུ་ཆེན་གྱི་ལོ་ཙ་བ་བནདེ་ཡེ་ཤེས་སྡེ་ལ་སོགས་པས་བསྒྱུར་ཅིང་ཞུས ་ཏེ་གཏན་ལ་ཕབ་པའོ།། (།།ཆོས་སྤྱོད་ཐམས་ཅད་ཀྱི་མན་ངག་མངོན་པར་རྟོགས་པའི་རྣམ་བཤད་གཟི་བརྗིད་སྣང་བ་ཞེས་བྱ་བ་བཞུགས་སོ།།)་།།རྒྱ་གར་སྐད་དུ། སརྦ་དྷརྨ་ཙརྱ་ཨུ་པ་དེ་ཤ་ཨ་བྷི་ས་མ་ཡཱ་ཏནྟྲ་བྱཱ་ཁྱཱ་ཏེ་ཛཱ་ཨཱ་ལོ་ཀ་ནཱ་མ། བོད་སྐད་དུ། ཆོས་སྤྱོད ་