Wylie

e-texts based on the ACIP/ALL Input

སོ།། །།འཕགས་པ་འཇམ་དཔལ་ལ་ཕྱག་འཚལ་ལ། །སྐྱེ་བ་མི་ལུས་ཐོབ་པ་རྣམས། །མི་ལུས་ཐོབ་པ་ཤིན་ཏུ་དཀའ་། །དེ་བས་དམ་ཆོས་རྙེད་པར་དཀའ་། །དེས་ན་སྒྲུབ་ལ་བརྩོན་པར་བྱ། །སང་ཙམ་འཆི་འམ་སུས་ཤེས་ན། །ད་ལྟ་ཉིད་དུ་བསྣུན་ཏེ་བྱ། །ཡིད་དགའ་བའི ་གནས་དག་ཏུ། །བདེ་བའི་སྟན་ལ་འདུག་ནས་ནི། །སྐད་ཅིག་ཙམ་གྱིས་ལྷ་རུ་དམིགས། །སྙིང་ཁའི་མུཾ་ལས་འོད་ཟེར་འཕྲོས། །བླ་མ་དང་ནི་ཡི་དམ་ལྷ། །མདུན་དུ་བསམ་པར་བྱས་པ་ལས། །དངོས་པོ་ཀུན་གྱིས་ཕྱག་བྱས་པས། །ཕྱི་དང་ནང་གི་མཆོད་པས་མཆོད ་སྡིག་པ་བཤགས་དང་རྗེས་ཡི་རང། །སྐྱབས་སུ་འགྲོ་དང་སེམས་བསྐྱེད་བྱ། །དགེ་བ་ལ་སྔོ་དང་གཤེགས་སུ་གསོལ། །དེ་དག་ཡིད་ཀྱི་བྱ་བར་བཤད། །དེ་ནས་ཚད་མེད་བཞི་བསྒོམས་ལ། སྟོང་པ་ཉིད་ལ་གོམས་པར་བྱ། །ོཾ་མཧཱ་ཤུ་ནྱ་ཏཱ་ཛྙཱ་ན་བཛྲི་སྭ་བྷཱ་བ་ཨཱཏྨ་ཀོཧཾ། སྟོང་ཉིད ་བརྟན་པར་བྱ་བའོ། །དེ་ནས་མུཾ་དང་ཨུཏཔལ་ལས། །འཇམ་དཔལ་ཡེ་ཤེས་སེམས་དཔའ་བསམ། །སྐུ་མདོག་གསེར་མདོག་ལྡེམ་མེ་བག་ཅན། །རིན་པོ་ཆེའི་དབུ་རྒྱན་དང། །སྙན་ཆ་གདུ་བུ་དཔུང་རྒྱན་དང། །འོག་བག་དང་ནི་ཞབས་གདུབ་དང། །རིན་ཆེན་རྣམས་ཀྱི་མཛེས་པར་བརྒྱན ་སེམས་དཔའ་ཨི་སྐྱིལ་ཀྲུང་བཞིན་དུ་བཞུགས། །གཡས་ན་ཨུཏཔལ་སྔོན་པོ་བསྣམས། །གཡོན་ནི་ཆོས་འཆད་ཕྱག་རྒྱའོ། །སྤྱན་དྲངས་བཞུགས་སུ་གསོལ་བ་ལ། །ཕྱི་དང་ནང་གི་མཆོད་པ་བྱ། །གཉིས་སུ་མེད་པར་བདག་ལ་བསྟིམ། །མི་ཕྱེད་ས་རུ་རྒྱས་པར་བསྒོམ། །དེ་ནས་བཟླས ་བ་བྱ་བ་ནི། །རང་འདྲའི་ཡེ་ཤེས་སེམས་དཔའ་བསམ། །དེ་ནས་ཏིང་འཛིན་སེམས་དཔའ་སྟེ། །པདྨའི་གདན་ལ་རབ་བཞུགས་པ། །ཡི་གེ་དྲུག་གིས་བསྐོར་བ་སྟེ། །ོཾ་བཱ་གཱི་ཤྭ་རི་མུཾ། དམིགས་པ་གཏད་ལ་བཟླས་པ་བྱ། །སྐྱོ་ཞིང་གཏོང་བར་འདོད་པ་ན། །སྤྱན་དྲངས་གཤེགས ་སུ་གསོལ་བ་དང། །བདག་ཉིད་ལྷ་ཡི་རྣལ་འབྱོར་བྱ། །རྣམ་པ་ཀུན་དང་དུས་ཀུན་དུ། །ལྷ་རུ་གསལ་བས་འགྲུབ་པར་འགྱུར། །རྫོགས་པའི་རིམ་པ་བསྒོམ་པར་བྱ། །དཀར་ནག་དམར་དང་སེར་དང་ལྗང། །གསལ་བ་དག་ཏུ་དམིགས་པ་ལས། །ཐུགས་ཀར་ཡི་གེ་ལྔ ་བཀོད་དེ། །འོད་ཟེར་འཕྲོས་པས་དགུག་པར་བྱ། །ཕྱི་དང་ནང་གི་མཆོད་པས་མཆོད། །མཚན་གྱི་བསྟོད་པ་དག་བྱའོ། །ཡང་ན་མདུན་དུ་དམིགས་པར་བྱ། །བསྟོད་པ་རང་བཞིན་མེད་པར་བསམ། །བསྟོད་པ་ཟིན་ནས་གཤེགས་སུ་གསོལ། །དེ་ནས་མཚན་མེད་བསྒོམ་པ་ལ། །ཐ་མ ་ནས་བསྡུ་དང་པོར་བསྡུ། །བདག་བསྡུ་ཡེ་ཤེས་སེམས་དཔའ་ལ། །ཡེ་ཤེས་སེམས་དཔའ་ཨ་ལ་བསྡུ། །དེ་ཡང་རང་བཞིན་དམིགས་མེད་དེ། །དེ་ལ་གཏན་པ་ཐོབ་པ་ནི། །ཚེས་སྐུ་སྐྱེ་མེད་ཐོབ་ཅེས་བྱ། །ཚིགས་བཅད་བཅུ་དྲུག་ལྡན་པ་ནི། །ཡེ་ཤེས་ཞལ་མཐོང་གཉིས་མེད་རྟོགས ་འཇམ་མགོན་སྒྲུབས་ཐབས་འདི་བརྩམས་ཏེ། །མཁས་རྣམས་གུས་པར་བླང་བར་བགྱིས། །བདག་གིས་སྒྲུབས་ཐབས་འདི་བྱས་བས། །བདག་དང་སེམས་ཅན་ཐམས་ཅད་ཀྱི། །སྣོད་བཅུད་སྒྲིབ་པ་བྱང་ནས་སུ། །བླ་མེད་བྱང་ཆུབ་ཐོབ་པར་ཤོག་།དཔའ་བོ་གཅིག་པའི་སྒྲུབས་ཐབས། ་སློབ་དཔོན་འཇམ་དཔལ་བཤེས་གཉེན་གྱིས་མཛད་པ། རྒྱ་གར་གྱི་མཁན་པོ་སུ་བཛྲ་དང། །བོད་ཀྱི་ལོ་ཙ་བ་ཆོས་ཀྱི་ཤེས་རབ་ཀྱིས་བསྒྱུར་བ་རྫོགས་སོ།། །།རྒྱ་གར་སྐད་དུ། ཨཱརྱ་མཉྫུ་ཤྲཱི་ནཱ་མ་སཾ་གཱི་ཏི་བི་བྷི་སཱུ་ཏྲ་བི་ཏྲི་ཏྲ། བོད་སྐད་དུ། འཕགས་པ་འཇམ་དཔལ་གྱི ་