Wylie

e-texts based on the ACIP/ALL Input

རང་བཞིན་གྱིས་རྣམ་པར་དག་པ་འོད་གསལ་བ་རྒྱུ་གང་གིས་ཀྱང་མ་བསྐྱེད་པས། རྐྱེན་གང་གིས་ཀྱང་མི་འཇིག་།ཞེས་འདོད་ཐམས་ཅད་དང་བྲལ་བའི་སྟོང་པའི་རྒྱས་ཐེབས་པའི་ཤེས་པ་དེ་ཁོ་ན་ལ་གནས་པ་ནི་ཆོས་ཀྱི་སྐུའོ། །ཤེས་པའི་ངོ་བོ་མ་གྲུབ་ཅིང་རིག་པ་རང་གསལ་གྱི་ཉམས་མྱོང་དང་བྲལ ་བ་ནི་ལོངས་སྤྱོད་རྫོགས་པའི་སྐུའོ། །ཤེས་པ་གསལ་བ་དེ་ཉིད་སྣང་ལ་རང་བཞིན་མེད་པས་སྤྲུལ་པའི་སྐུའོ། །རྒྱུའི་གནས་སྐབས་སུ་སྐུ་གསུམ་དབྱེར་མེད་བསྒོམས་པས་འབྲས་བུ་སྐུ་གསུམ་ཐོབ་སྟེ། སྤངས་པ་དང་ཡེ་ཤེས་ཕུན་སུམ་ཚོགས་པ་ཆོས་ཀྱི་སྐུ། ས་བཅུའི་བྱང་ཆུབ ་སེམས་དཔའ་ལ་མཚན་དང་དཔེ་བྱད་དུ་ལྡན་པ་ལོངས་སྤྱོད་རྫོགས་པའི་སྐུ། རིགས་དྲུག་གི་སེམས་ཅན་གྱི་སྣང་བ་ལ་སྣང་བ་སྤྲུལ་པའི་སྐུ་ཡིན། འབྲས་བུ་སྐུ་གསུམ་ཐོབ་པའོ། །དབང་པོ་རབ་ཀྱི་དེ་ཁོ་ན་ཉིད་བསྒོམ་པ་སློབ་དཔོན་འཇམ་དཔལ་བཤེས་གཉེན་གྱིས་མཛད་བ་རྫོགས་སོ།། །། ་