Wylie

e-texts based on the ACIP/ALL Input

མཚན་གདོན་པའི་མན་ངག་སློབ་དཔོན་འཇམ་དཔལ་བཤེས་གཉེན་གྱིས་མཛད་པ་རྫོགས་སོ།། །།འཕགས་པ་འཇམ་དཔལ་ལ་ཕྱག་འཚལ་ལོ། །འཇམ་དཔལ་གྱི་མཚན་ཡང་དག་པར་བརྗོད་པའི་དགེ་བའི་རྩ་བ་བསྔོ་བ་དང་མཁས་པས་རང་གི ་བསྔོ་བ་དང། མི་མཁས་པ་གཞན་གྱི་བསྔོ་བའོ། །དེ་ལ་མཁས་པ་རང་གི་བསྔོ་བ་ནི་མི་དམིགས་པ་གསུམ་རྩིས་ཟིན་པས་འཁོར་གསུམ་ཡོངས་སུ་དག་པའི་བསྔོ་བའོ། །མི་མཁས་པ་གཞན་གྱི་བསྔོ་བ་ནི་དུས་གསུམ་གྱི་དེ་བཞིན་གཤེགས་པ་ཇི་ལྟར་བསྔོ་བ་ལྟར་བདག་གིས ་ཀྱང་བསྔོ་བའོ། །མཚན་ཡང་དག་པར་བརྗོད་པའི་དགེ་བའི་རྩ་བ་བསྔོ་བ། སློབ་དཔོན་འཇམ་དཔལ་བཤེས་གཉེན་གྱིས་མཛད་པ་རྫོགས་སོ།། །།འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །མཚན་ཡང་དག་པར་བརྗོད་པའི་རྣལ་འབྱོར་བས་མི་རྟག་པ་ལ ་སོགས་པ་བསྒོམ་པ་སྟེ། ཀྱེ་མ་འདི་ལྟར་སྣང་བའི་ཕྱིར་སྣོད་ཀྱི་འཇིག་རྟེན་འབྱུང་བ་ཆེན་པོ་བཞིས་འདུས་བྱས་པ་འདི་རྡུལ་ཕྲ་མོ་འདུས་པ་ལས་གྲུབ་པས། རྡུལ་ཕྲ་མོ་དེ་ཡང་རང་བཞིན་མེད་པ་མི་རྟག་པ། ཐེར་ཐུག་པ་དང། གློ་བུར་དང། ཡིད་བརྟན་དུ་མི་རུང་བ་དང། ཡང་དག་པའི ་དོན་བྱེད་མི་ནུས་པས་བརྟགས་ན་དབེན་པ་སླུ་བའི་ཆོས་ཅན། འགྱུར་བའི་རྣམ་པའོ། །ངེས་པ་མེད་པ་བདག་གི་བ་མེད་པ། འཇིག་པའི་ཆོས་ཅན། སྒྱུ་མ་ལྟ་བུ། སྨིག་རྒྱུ་ལྟ་བུ། སྤྲུལ་པ་ལྟ་བུ། དྲི་ཟའི་གྲོང་ཁྱེར་ལྟ་བུ། ཆུ་ཟླ་ལྟ་བུ། གཟུགས་བརྙན་ལྟ་བུ། ན་བུན་ལྟ་བུ། འཇའ་ཚོན་ལྟ ་བུ་སྡུག་བསྔལ་བ་བདག་མེད་པ། སྟོང་པའོ། །དེ་ལྟར་ན་ཕྱི་བཟུང་བའི་ཡུལ་ལ་བདག་མེད་པའོ། །མཚན་ཡང་དག་པར་བརྗོད་པའི་མི་རྟག་པ་བསྒོམ་པ། སློབ་དཔོན་འཇམ་དཔལ་བཤེས་གཉེན་གྱིས་མཛད་པ་རྫོགས་སོ།། །།འཕགས་པ་འཇམ་དཔལ་ལ་ཕྱག ་འཚལ་ལོ། འཁོར་བ་ལས་ཡིད་དབྱུང་བ་ནི་དེ་བཞིན་དུ་ནང་བཅུད་ཀྱི་སེམས་ཅན་དང། བདག་གི་གཟུགས་ཀྱི་ཕུང་པོ་ཡང་སྤྱི་བོ་ནས་རྐང་པའི་མཐིལ་ཡན་ཆད་དུ་བརྟགས་པས་མི་གཙང་བའི་ངོ་བོ་ཡིན་ཏེ། ཆུ་སེར་དང། བད་ཀན་དང། བླད?་པ་དང། བཤང་གཅི་དང། རྣག་ཁྲག་དང། སྣབས ་ལུད་དང། ཀེང་རུས་ལ་སོགས་པས་ཡོངས་སུ་གང་བ། དེ་ཡང་འགྱུར་བའི་ཆོས་ཅན། དེ་ཡང་ཡིད་བརྟན་དུ་མི་རུང་བ། སྡུག་བསྔལ་དང། མི་རྟག་པ་བདག་མེད་པ། སྟོང་པའོ། །དེ་ལྟ་བུར་ཤེས་པར་བྱས་ནས་གཟུང་འཛིན་གཉིས་ལས་ལོག་སྟེ། སེམས་ཀྱི་མཚན་ཉིད་ཀྱང་གདུགས་མེད་པ། ཁ ་དོག་མེད་པ་ངོ་བོ་མེད་པ། རྣམ་པ་མེད་པ་བལྟར་མེད་པ། གཟུང་དུ་མེད་པ་རྟོག་པ་མེད་པ། སྤྲོས་པ་མེད་པ། ཀུན་ནས་ཉོན་མོངས་པ་མེད་པ། རང་རིག་པ་རང་གསལ་བ་ཙམ་དུ་ཡང་མ་གྲུབ་པ་ཡིན་ཏེ། དེ་ལྟར་ན་འཁོར་བ་ན་འདོད་པའི་ཡོན་ཏན་ལྔ་ལ་ཆགས་པ་ནི་སླུ་བའི་ཆོས་ཅན་ཡིན་ནོ ་མཐོང་བ་ལས་ཡིད་དབྱུང་བ་འདི་ཡང་རང་བཟོ་མ་ཡིན་ཏེ། ལུས་མེད་ལུས་ཏེ་ལུས་ཀྱི་མཆོག་།ལུས་ཀྱི་མཛའ་ནི་རྟོགས་པ་པོ་ཞེས་པ་དང། འཁོར་བའི་ཕ་རོལ་མཐར་སོན་པ། །བྱ་བ་བྱས་པ་སྐམ་སར་གནས། །ཞེས་པའི་བཀའ་རྒྱུད་ལ་བརྟེན་ནས་བྱས་སོ། །མཚན་ཡང་དག་བར་བརྗོད ་པའི་མི་རྟག་པ་འཁོར་བ་ལས་ཡིད་དབྱུང་བ། སློབ་དཔོན་འཇམ་དཔལ་གཤེས་གཉེན་གྱིས་མཛད་པ་རྫོགས་སོ།། །།འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །མཚན་ཡང་དག་པར་བརྗོད་པའི་རྣལ་འབྱོར་བས་ཤེས་པ་དུག་གསུམ་ལས་བཟློག་པའི་མན་ངག ་ནི། དེ་ཡང་རིགས་བྱང་ཆུབ་ཀྱི་སེམས་འོད་གསལ་སྟོང་པ་གཉིས་མེད་དེ་མ་རིག་སྟེ་མ་ཤེས་པའོ། །སེམས་ཅན་སངས་རྒྱས་ཀྱི་སྙིང་པོ་ཅན་ཡིན་པ་ལ་སངས་རྒྱས་ཀྱི་རྒྱུ་བོར་ཏེ་ངན་སོང་གི་རྒྱུ་བསགས་པ་ནི་གཏི་མུག་གོ་།དེ་ལྟར་ཁམས་གསུམ་གྱི་སེམས་ཅན་འཁོར་བ་སྡུག་བསྔལ་ཡིན ་པར་མ་ཤེས་པས། སྡུག་བསྔལ་དེ་ལ་མངོན་པར་སྲེད་ཅིང་ཆགས་པ་ནི་འདོད་ཆགས་སོ། །དེ་ལྟར་ཆགས་པའི་དབང་གིས་སེམས་ཅན་རྣམས་ཀྱི་ཉིད་སྲོག་ཉིང་གིས་གཅད་དེ་ཉིད་ཤ་ཉིང་གིས་ཟོས་ནས་གནོད་པ་བྱས་པ་ནི་ཞེ་སྡང་ངོ། །དེ་ལྟར་རྒྱུ་དུག་གསུམ་ལས་འབྲས་བུ་ངན་སོང་གསུམ་དུ་སྨིན་ནོ། །དེའི ་དབང་གིས་ཉོན་མོངས་པའི་ཆུ་བོ་བཞི་འཁོར་བའི་རྒྱ་མཚོར་འབབ་པ་ནི་འདི་ལྟ་སྟེ། རྟོག་བའི་ཆུ་བོ་དང། ལས་ཀྱི་ཆུ་བོ་དང། འཁོར་བའི་ཆུ་བོ་དང། སྡུག་བསྔལ་གྱི་ཆུ་བོའོ། །དེ་ལ་རྟོག་པའི་ཆུ་བོ་གང་ཞེ་ན། རྟོག་པའི་ཆུ་བོ་སྔ་མ་ལ་བརྟེན་ནས་ཕྱི་མ་འབྲང་མི་ཆད་པའོ། །ལས་ཀྱི་ཆུ་བོ་གང་ཞེ་ན། རྟོག ་