Wylie

e-texts based on the ACIP/ALL Input

ན་འཕགས་པ་དགྲ་བཅོམ་པ་རྣམས་ཀྱིས་བསྐོར་བ་བལྟས་ཏེ། དེ་ལ་དད་པ་བསྐྱེད་ཅིང་ཕྱག་འཚལ་ནས་བསྐོར་བ་བྱ་བ་ནི་མཚན་གདོན་པ་འམ་ཡེ་ཤེས་སེམས་དཔའ་ཨི་སྐུའི་ཕྲེང་སྔགས་བརྗོད་པར་བྱའོ། །དེ་ལྟ་བུའི་བསྐོར་བ་ཇི་སྲིད་ནུས་པ་དེ་སྲིད་དུ་བྱས་ཏེ། ་བདེ་བར་གཤེགས་པ་དེ་རྣམས་ཀྱི་དྲུང་དུ་འདུག་ལ། སངས་རྒྱས་རྗེས་སུ་དྲན་པ་དང། ཆོས་རྗེས་སུ་དྲན་པ་དང། དགེ་འདུན་རྗེས་སུ་དྲན་པར་བྱས་ལ། སྙིང་ག་ནས་སྤྲུལ་པའི་མཆོད་པས་མཆོད་དེ། འདུད་ཉི་ཤུས་ཡང་དག་པར་བསྟོད་ལ། སྡིག་པ་བཤགས་པ་དང་རྗེས་སུ་ཡི་རང་བ་ལ་སོགས ་པའི་དགེ་བའི་རྩ་བ་ཆེར་བསྐྱེད་དོ། །དེ་ནས་དེ་རྣམས་ཀྱི་ཐུགས་ཀ་ནས་འོད་བྱུང་ནས་བདག་ལ་གཡས་སུ་བསྐོར་ཏེ། བདག་གི་སྙིང་གར་ཐིམ་པར་བསམས་པའི་བྱིན་རླབས་ཀྱིས་ལས་དང་ཉོན་མོངས་པའི་སྒྲིབ་པ་དག་ནས་ལུས་ཀྱང་ཆུ་ཟླ་ལྟ་བུར་བསམ་མོ། །དེ་ལྟར་དགེ་བ་བྱས་པའི་བསོད ་ནམས་རྫོགས་པའི་བྱང་ཆུབ་ཆེན་པོར་བསྔོས་ལ་དེ་རྣམས་ཀྱང་མི་སྣང་བར་བསྒོམ་མོ། །མཚན་ཡང་དག་པར་བརྗོད་པའི་བསྐོར་བ་བྱ་བའི་ཐབས་སློབ་དཔོན་འཇམ་དཔལ་བཤེས་གཉེན་གྱིས་མཛད་པ་རྫོགས་སོ།། །།འཕགས་པ་འཇམ་དཔལ་ལ་ཕྱག་འཚལ་ལོ། །མཚན ་ཡང་དག་པར་བརྗོད་པའི་ཡན་ལག་བདུན་པས་ཚོགས་བསགས་པའི་ཐབས་ལ། འཇམ་དཔལ་རྡོ་རྗེ་ལ་སོགས་པ། །རྒྱལ་བ་སྲས་དང་བཅས་པ་ལ། །ལུས་ངག་ཡིད་གསུམ་གུས་ལྡན་པས། །ཀུན་ནས་བཏུད་དེ་ཕྱག་འཚལ་ལོ། །སངས་རྒྱས་ཞིང་དུ་རབ་བསྔགས་དང། །འཇིག་རྟེན ་དག་ན་མཆོག་གྱུར་པ། །རིན་ཆེན་མེ་ཏོག་བདུག་སྤོས་སོགས། །ཀུན་ནས་སྤྲུལ་ཏེ་མཆོད་པར་བགྱི། །བདག་གིས་སྔོན་ཆད་བྱས་པའི་སྡིག་།ཀུན་ནས་བསགས་པར་གང་གྱུར་པ། །རང་བཞིན་མེད་དང་ཡོད་ཚུལ་གྱིས། །རྒྱལ་བ་ཀུན་གྱི་སྤྱན་སྔར་བཤགས། །མགོན་པོ་རྣམས་ཀྱི་བསོད་ནམས ་དང། དམན་པའི་དགེ་བ་ཐམས་ཅད་ལ། །དེ་བཞིན་མཐུན་པར་ལྷག་སེམས་ཀྱིས། །དད་པས་རྗེས་སུ་ཡི་རང་ངོ། །བདེ་གཤེགས་བྱང་ཆུབ་སེམས་བསྐྱེད་ནས། །འགྲོ་བ་ཐུགས་རྗེས་གདུལ་སླད་དུ། །ཆོས་ཀྱི་འཁོར་ལོ་བསྐོར་བ་ལ། །ཚངས་པ་བཞིན་དུ་གསོལ་བ་འདེབས། །ཡོངས་སུ་མྱ་ངན་འདའ་བཞེད? ་ལ། །འགྲོ་བ་ཡུན་དུ་བདེ་བའི་ཕྱིར། །ཇི་སྲིད་འཁོར་བ་དེ་སྲིད་དུ། །མྱ་ངན་མི་འདའ་བཞུགས་སུ་གསོལ། །ཇི་སྲིད་འཁོར་བར་གནས་པར་དུ། །བདག་གི་དགེ་བའང་དེ་བཞིན་དུ། །ཀུན་ནས་ཟད་པར་མི་འགྱུར་བར། །སེམས་ཅན་ཡོངས་སུ་སྨིན་པར་ཤོག་།དུས་འདི་ནས་ནི་བཟུང་ནས ་ནི། བྱང་ཆུབ་སྙིང་པོར་མཆིས་ཀྱི་བར། །མགོན་པོའི་འབངས་སུ་འབུལ་ལགས་ཀྱིས། །ཐུགས་རྗེས་ཡོངས་སུ་བཟུང་བར་མཛོད། །དུས་འདི་ནས་ནི་བཟུང་ནས་སུ། །བདེ་གཤེགས་བྱེད་ཀྱི་བཀའ་བཞིན་དུ། །སེམས་ཅན་ཀུན་དོན་སྒྲུབ་ལགས་ཀྱིས། །བྱིན་གྱིས་བརླབ་པ་མཛད་དུ་གསོལ། །རྒྱལ ་བ་མཉེས་ཕྱིར་བཟླས་པ་རིན་པོ་ཆེ། །དད་པས་སྤྱན་སྔར་རྟག་ཏུ་མཆོད་བགྱིད་པས། །ལུས་ངག་དུབ་དང་བསམ་པ་གཡེངས་པ་ཡིས། །ཅུང་ཟད་བདེ་བར་གནས་འཚལ་བཟོད་པར་བཞེས། །དད་པས་བསྐྱེད་པ་བསོད་ནམས་ཕྲ་མོ་ཡིས། །འགའ་ཡང་ཆུད་ཟོས་མི་འགྱུར་དོན་གྱི ་ཕྱིར། གསང་སྔགས་རིན་ཆེན་རྣམ་གྲངས་ཅི་ཙམ་ཞིག་།མགོན་པོ་བདག་ཉིད་ལ་ནི་གདམས་པར་བགྱི། །ནད་དང་སྡུག་བསྔལ་ལ་སོགས་དགྲ་བགེགས་དང། །འཁོར་བའི་རྒྱ་མཚོར་གནས་པ་སྣ་ཚོགས་དག་།འདི་དང་ཕ་རོལ་གཉི་གར་རྟག་ཏུ་འབྱུང། །གསང་སྔགས་རིན་ཆེན་འབྲས ་དུ་མཆིས་པར་མཛོད། །འཇམ་དཔལ་གྱི་མཚན་ཡང་དག་པར་བརྗོད་པའི་ཡན་ལག་བདུན་པས་ཚོགས་བསག་པའི་ཐབས། སློབ་དཔོན་འཇམ་དཔལ་བཤེས་གཉེན་གྱིས་མཛད་པ་རྫོགས་སོ།། །།འཕགས་པ་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །འཕགས ་པ་འཇམ་དཔལ་གྱི་མཚན་ཡང་དག་པར་བརྗོད་པ་ནི། དང་པོ་བདག་ཉིད་ཀྱིས་སེམས་ཅན་གྱི་དོན་དུ་སངས་རྒྱས་ཐོབ་པར་བྱའོ་ཞེས་བསམ། དེ་ནས་ཨ་ཨཱ་ཨི་ཨའི་ཨུ་ཨའུ་ཨེ་ཨི་ཨོ་ཨཽ་ཨཾ་ཨ(རྒྱུད་འགྲེལ་པའི་འོད་ཟེར་གྱིས་རྟེན་གྱི་དཀྱིལ་འཁོར་མངོན་པར་བསྒྲུབ་པར་བྱའོ། །དེའི་དབུས་སུ་སེངྒེའི་ཁྲི་ཉི་མའི་དཀྱིལ་འཁོར་གྱི་སྟེང་དུ་བསམ་པ་ནི། སྠི་ཏོ་ཧྲི་དི་ཛྙཱ་ན་མུརྟི་ར་ཧཾ་བུདྡྷ་བུདྡྷ་ནཱཾ། ཏྱདྷཱ་བརྟཱི་ནཱཾ་ཞེས་བརྗོད་པས་རྣམ་སྣང་ཆེན་པོ་ཀུན་ཏུ་ཞལ་བསམ་མོ། །དེའི་ཐུགས་ཀར་དང་པོའི་སངས་རྒྱས་ ་