Wylie

e-texts based on the ACIP/ALL Input

མང་དུ་གསོལ་བ་བཏབ་པའོ། །ཅིའི་ཕྱིར་བྱས་ཞེ་ན། བརྩེ་ཕྱིར་ཞེས་བྱ་སྟེ། རང་གི་སློབ་མ་དར། སེམས་ཅན་གཞན་རྣམས་ལ་བརྩེ་བའི་ཕྱིར་སློབ་དཔོན་གྱི་དཔེ་མཁྱུང་སྤངས་པའོ། །གང་ཞིག་བྱས་ཞེ་ན། ཐིག་གི་ཆོ་ག་གསལ ་ཕྱེ་བས། ཞེས་བྱ་བ་སྟེ། ནོར་བུའི་གླིང་གི་སློབ་དཔོན་བདེ་བའི་རྡོ་རྗེའི་རྗེས་སུ་འབྲངས་ནས་གསལ་ཞིང་ཕྱིན་ཅི་མ་ལོག་པར་བྱས་པའོ། །ཉེས་པར་གྱུར་པས་བདག་ལ་བཟོད་པར་མཛོད། ཅེས་བྱ་བ་ནི། བདག་གིས་སློབ་མ་དམ་པའི་དོན་དུ་ཐིག་གདབ་པའི་ཆོག ་མདོར་བསྡུས་པ་བྱས་པ་འདི་ལ། དམ་པ་སྟེ་བདེ་བའི་རྡོ་རྗེ་ལ་སོགས་པ་སློབ་དཔོན་བདག་ལ་བཟོད་པར་མཛོད་ཅིག་པའོ།། །།བསོད་ནམས་ཡོངས་སུ་བསྔོ་བར་བྱ་བའི་ཕྱིར། འདི་བྱས་བསོད་ནམས་དམ་པ་ཡིན། ཞེས་བྱ་བ་ལ་སོགས་པ་སྨོས་ཏེ། ་གོང་དུ་བཤད་པའི་ཐིག་གདབ་པའི་ཆོ་ག་བྱས་པ་ལས་དྲི་མ་མེད་པའི་བསོད་ནམས་དམ་པ་བྱང་ཆུབ་ཚོགས་གྱུར་གང་ཐོབ་དེས་ཅེས་བྱ་བ་སྟེ། བྱང་ཆུབ་ནི་སྒྲིབ་པ་དར་བྲལ་བའི་ཡེ་ཤེས་སོ།། །།དེའི་ཚོགས་ནི་རྫོགས་པར་བྱེད་པ་སྟེ། དེ་ལྟ་བུར ་འགྱུར་བའི་བསོད་ནམས་གང་ཞིག་ཐོབ་པའི་བསོད་ནམས་དེས་ནི། འགྲོ་བ་དྲུག་ཏུ་གཏོགས་པའི་སེམས་ཅན་མ་ལུས་པ་འདི་དག་དཀྱིལ་འཁོར་གྱི་བདག་པོ་རྣམ་པར་སྣང་མཛད་དུ་རང་ཉིད་མངོན་སུམ་དུ་གྲུབ་པར་གྱུར་ཅིག་པའོ།། །།གང་ཞིག ་བླ་མའི་རབ་མཆོག་ཨུ་རྒྱན་མཁན་པོའི་གཞུར། །ཡོན་ཏན་དེ་ཉིད་བཅུ་ཤེས་སངས་རྒྱས་ཞི་བ་ཡི། །ཤིན་ཏུ་གཅེས་ཤིང་སྦས་པའི་དཀྱིལ་འཁོར་བྲིས་པའི་ལས། །དེ་འདིར་ཕྱེ་བས་འཇིག་རྟེན་རྡོ་རྗེ་འཛིན་གྲུབ་ཤོག།། །།ཡུལ་ཁ་ཆེར་སྐྱེས་པའི ་རྡོ་རྗེ་སློབ་དཔོན་ཤྲདྡྷ་ཀ་ར་?་རང་ཉིད་ཀྱིས་མཛད་པའི་ཐིག་གདབ་པའི་ཆོ་གའི་འགྲེལ་པ། བོད་ཡུལ་དུ་སྐྱེས་པའི་དགེ་སློང་རིན་ཆེན་བཟང་པོས་གསོལ་བ་བཏབ་ནས་འགྲེལ་པ་བྱས་པ་རྫོགས་སོ།། །།རྒྱ་གར་གྱི་མཁན་པོ་ཤྲདྡྷ་ཀ ་ར་པརྨ་དང། ཞུ་ཆེན་གྱི་ལོ་ཙ་བ་དགེ་སློང་རིན་ཆེན་བཟང་པོས་སྐད་གསར་ཆད་ཀྱི་ཞུས་ཏེ་གཏན་ལ་ཕབ་པའོ།། །།འཇམ་པའི་རྡོ་རྗེ་ལ་ཕྱག་འཚལ་ལོ། །དཀྱིལ་འཁོར་གྲུ་བཞིར་བྱས་པ་ལ། །ཟུར་ཐིག་ཕྱོགས་ཐིག་མཉམ་པར་གདབ། །ཆ་ཆེན ་ཉི་ཤུའི་ཚད་དུ་བྱ། །བདུན་པའི་ཐིག་ནི་བཞག་པར་བྱ། །དེ་ནས་ཆ་ཕྲན་བགོ་བ་ནི། །ཚངས་པའི་ཐིག་གི་ངོས་གཉིས་ཀྱི། །ཆ་ཆེན་དང་པོ་ཕྱེད་དུ་བགོ་།ཕྱི་ཡི་ཆ་ཆེན་དེ་བཞིན་བགོ་།ཆ་ཆེན་གཉིས་པ་ཕྱེད་དུ་བྱ། །ནང་གི་ཆ་ཕྱེད་དེ་བཞིན་བགོ་།ཆ་ཆེན་ལྔ་པ ་ཕྱི་ནང་གི་།ཆ་རེ་གདབ་ཅིང་དབུས་གཉིས་བཞག་།ཆ་ཆེན་དྲུག་པ་ཕྱེད་དུ་བྱ། །དེ་ནས་ཐིག་སྐོར་བྱ་བ་ནི། །ཆ་ཆེན་བཅུ་པའི་ཕྱེད་ལས་བསྐོར། །ཆ་ཆེན་དགུ་དང་ཆ་ཆེན་བརྒྱད། །གཉིས་གའི་མཛའ་ནས་བསྐོར་བར་བྱ། །ཆ་ཆེན་གསུམ་ལས་མཛའ་ཡི་ནི། ། ་ཆ་ཆུང་གཅིག་ལས་བསྐོར་བར་བྱ། །དེ་ལས་གཞན་པ་ཕྱི་ནང་གི་།བསྐོར་བ་རྒྱུད་ཀྱི་གཞུང་གིས་སོ། །སྒོ་གཉིས་པ་ལ་སོགས་པ་དང། རྒྱུད་གཞུང་གི་ནི་རྣམ་དབྱེ་ཡིས། །ཆ་རྣམས་དབྲི་དང་བསྣན་པར་བྱ། །མན་ངག་ཐོབ་ཅིང་མཁས་པ་ཡིས། །དཀྱིལ་འཁོར ་ཕྱི་ནང་གང་ཡིན་པའི། །ཐིག་ནི་སྔར་བཞིན་གདབ་པར་བྱའོ། །ཐིག་གདབ་པའི་རིམ་པ་དཀའ་བ་གཅོད་པ་ཞེས་བྱ་བ། སློབ་དཔོན་ཤུདྡྷི་པྲ་བྷས་མཛད་པ་རྫོགས་སོ།། །།དཀྱིལ་འཁོར་གང་ཡང་ཐིག་གདབ་པ། །ས་གཞི་ཆ་མཉམ་འཐས་བྱས ་ལ། ཚངས་ཆེན་ལ་སོགས་ཐིག་ཆེན་བརྒྱད། །ཤིན་ཏུ་འགྲུས་མེད་མཉམ་པོར་གདབ། །ཕྱོགས་རེ་དཀྱིལ་འཁོར་ཕྱེད་ཆ་ལ། །རེའུ་མིག་ཉི་ཤུ་བཞི་བཞིར་བྱ། །གཅིག་ལ་སོར་གཉིས་ཚད་དུ་བྱ། །གཉིས་པ་སྒོ་ཁྱུད་སོར་གཉིས་ཚད། །གསུམ་པ་སོར ་བཞིའི་ཚད་དུ་བྱ། །བཞི་པ་སྒོ་ལོགས་སོར་བཞིའི་ཚད། །ལྔ་པ་སོར་གཉིས་ནམ་མཁའ་སྟེ། །དྲུག་པ་སོར་གཉིས་ཀ་བའོ། །བདུན་པ་དང་ནི་བརྒྱད་པ་གཉིས། །དེ་ནི་ལྷའི་སྣམ་བུ་སྟེ། །སོར་བརྒྱད་པ་ཡི་ཚང་དུ་བྱ། །དགུ་པ་སོར་གཉིས་སྐུ་ངོས་ཏེ། །བཅུ་པ་ ་