Wylie

e-texts based on the ACIP/ALL Input

དཔལ་ངེས་པར་སྦྱངས་པ་དཔལ་ལྡན་གཉིས་སུ་མེད་པའི་རྡོ་རྗེས་བྲམ་ཟེ་བྷ་ལོ་ལ་གདམས་པ་རྫོགས་སོ།། །། *། །རྒྱ་གར་སྐད་དུ། ས་མཱ་དྷི་སཾ་བྷ་ར་པ་རི་བརྟ། བོད་སྐད་དུ། ཏིང་ངེ་འཛིན་གྱི་ཚོགས་ཀྱི་ལེའུ། འཇིག་རྟེན་མགོན་པོ ་ལ་ཕྱག་འཚལ་ལོ། །དང་པོ་སྙིང་རྗེའི་སྟོབས་ལས་བྱུང། །རྫོགས་པའི་བྱང་ཆུབ་སེམས་བརྟན་བྱ། །སྲིད་པའི་ལོངས་སྤྱོད་བདེ་མ་ཆགས། །ཡོངས་སུ་འཛིན་ལ་རྒྱབ་ཀྱིས་ཕྱོགས། །དད་སོགས་ནོར་ནི་ཕུན་སུམ་ཚོགས། །བླ་མ་སངས་རྒྱས་དང་མཉམ་གུས། །ངེས ་བསྟན་དམ་ཚིག་སྤྱོད་པ་ནི། །ཡོངས་སུ་བསྐྱད་ལ་རབ་ཏུ་བརྩོན། །བུམ་པ་གསང་བའི་དབང་སྐུར་བ། །བླ་མའི་དྲིན་གྱིས་ཡོངས་སུ་ཐོབ། །ལུས་ངག་སེམས་ནི་རྣམ་དག་པའི། །བསྒྲུབ་པ་པོ་དེ་དངོས་གྲུབ་སྣོད། །ཏིང་འཛིན་ཡན ་ལག་ལས་བྱུང་བའི། །ཚོགས་ནི་ཡོངས་སུ་རྫོགས་པ་ལས། །མྱུར་དུ་དངོས་གྲུབ་ཐོབ་འགྱུར་བ། །དེ་ལྟར་གསང་སྔགས་ཚུལ་གནས་ཡིན། །ཏིང་འཛིན་ཡན་ལག་ཉམས་གྱུར་ཅིང། །དེ་ཡི་མི་མཐུན་ཕྱོགས་གནས་ན། །སྐྱིབ་བྱེ་བ་སྟོང་གིས་ཀྱང།། ་ཏིང་འཛིན་རབ་ཏུ་གྲུབ་མི་འགྱུར། །ཏིང་ངེ་འཛིན་ནི་རབ་གྲུབ་ཕྱིར། །གསང་སྔགས་སྤྱོད་གནས་རྣལ་འབྱོར་པས། །དེ་ལས་གཞན་པའི་སེམས་སྤངས་ཏེ། །གཡེངས་མེད་བརྩོན་བས་འབད་པར་བྱ། །ཏིང་ངེ་འཛིན་གྱི་ཡན་ལག་དང། །མི་མཐུན ་ཕྱོགས་གང་དེས་བྱའི་ཕྱིར། །ཏིང་འཛིན་ཡན་ལག་མི་མཐུན་ཕྱོགས། །དེ་ནི་མདོར་བསྡུས་ནས་བཤད་བྱ། །ཚུལ་ཁྲིམས་ཕུན་སུམ་ཚོགས་པ་དང། །ལོངས་སྤྱོད་རྣམས་ལ་བལྟོས་མེད་ཉིད། །བཟོད་ལྡན་དམ་བཅའ་བརྟན་པ་དང། །སྐྱེ་བོ ་འདུ་འཛི་རྣམ་པར་སྤོང། །ལུས་དང་ངག་ཡིད་ལས་རྣམས་ལ། །ཤེས་བཞིན་དང་ནི་ལྡན་པ་དད། །སངས་རྒྱས་སྐུར་འདོགས་དྲན་པ་ཡི། །ལུས་ཀྱི་རྗེས་དྲན་ཡང་དག་ལྡན། །དུས་བར་དུ་ནི་གང་བྱ་བའི། །རྗེས་དྲན་དེ་ལ་བརྟན་པ་དང། །སྒྲིབ་པ་ལྔ ་ནི་སྤང་བ་དང། །ཟས་ཀྱི་ཚོད་རིག་སྤྱོད་ལམ་དན། །འཇིག་རྟེན་ཆོས་ནི་ཐམས་ཅད་ལ། །རྟག་ཏུ་སེམས་ནི་བཏད་སྙོམས་དང། །ཡོ་བྱད་བསྙུངས?་འདི་ཡན་ལག་སྟེ། །གོ་བཟློག་བ་ནི་མི་མཐུན་ཕྱོགས། །ཏིང་ངེ་འཛིན་ཚོགས་ལེའུ་བཀོད་བའི་བསོད ་ནམས་ངེས། །འགྲོ་བས་ཏིང་འཛིན་རྡོ་རྗེ་ལྟ་བུ་ཐོབ་པར་ཤོག་།ཏིང་ངེ་འཛིན་གྱི་ཚོགས་ཀྱི་ལེའུ། སློབ་དཔོན་མཁས་པ་ཆེན་པོ་དཔལ་མར་མེ་མཛད་ཡེ་ཤེས་ཀྱི་ཞལ་སྔ་ནས་མཛད་པ་རྫོགས་སོ།། །།རྒྱ་གར་གྱི་མཁན་པོ་དེ་ཉིད་དང། ་ཞུ?་ཆེན་གྱི་ལོ་ཙཱ་བ་དགེ་སློང་ཤཱཀྱ་བློ་གྲོས་ཀྱིས་བསྒྱུར་ཅིང་ཞུས་ཏེ་གཏན་ལ་ཕབ་བའོ།། །།*། །རྒྱ་གར་སྐད་དུ། ལོ་ཀ་ཨ་ཏི་ཏ་སཔཏ་ཀ་བི་དྷི། བོད་སྐད་དུ། འཇིག་རྟེན་ལས་འདས་པའི་ཡན་ལག་བདུད་པའི་ཆོ་ག་།སངས ་