Wylie

e-texts based on the ACIP/ALL Input

དྲ་དང། བོད་ཀྱི་ལོ་ཙཱ་བ་འགོལ་ལྷས་བཙས་ཀིས་བསྒྱུར་ཅིར་ཞུས་ཏེ་གཏན་ལ་ཕབ་པའོ།། །།རྣལ་འབྱོར་པའི་རྟོག་པའི་བགེགས་སེལ་བ་ཞེས་བྱ་བ་། རྗེ་བཙུན་བླ་མ་རྣམས་དང་དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །ཅི་ཕྱིར་ཞེན? ་གང་གིས་གང་ལ་གང་ལྟར་བསྒོམ། །རྟགས་དང་ཡོན་ཏན་པར་ཆད་བགེགས་སྐྱོན་བསལ། །དེ་དག་ཤེས་ནས་གོམས་པས་བྱང་ཆུབ་འཐོབ། །མ་ཐོས་མི་ཤེས་མི་འགྲུབ་ཡང་ན་འབྱངས། །དང་པོ་ཅི་ཕྱིར་བསྒོམ་པ ་བཟུང་འཛིན་གཉིས། །མ་སྤངས་ཇི་བཞིན་མ་བསྒོམས་རྣལ་འབྱོར་པས། །ཕྱག་འཚལ་མཆོད་བཤགས་སྦྱིན་པ་མང་བྱས་ཀྱང། །བསོད་ནམས་འཕེལ་ཡང་ཡེ་ཤེས་རྫོགས་མི་འགྱུར། །གཉིས་པ་གང་གིས་རྣལ་འབྱོར་དང་ལྡན་པ། །ཐེབ་མང ་བཙུན་ཞིང་དམ་ཚིག་སྡོམ་གནས་ཤིང། །མཆོད་དང་སྦྱིན་མོས་བྱང་ཆུབ་སེམས་ལྡན་པ། །དེ་ནི་ཐེག་ཆེན་གསང་བའི་སྣོད་ཡིན་སྒོམ། །གསུམ་པ་གང་ལ་ཞེན་རང་གི་སེམས། །ཇི་བཞིན་མ་བཅོས་ཡི་ནས་རྣམ་དག་ཅིང། །སྤྲོས་བྲལ་ཡོད ་མེད་རྟག་ཆད་མཛའ་སྤངས་པ། །དེ་ལ་གཡེང་པ་མེད་པར་རྟག་ཏུ་གནས། །བཞི་པ་གང་ལྟར་སྒོམ་པ་བསྒོམ་བྱ་དང། །སྒོམ་པ་གཉིས་མེད་རང་གི་ངོ་བོ་ལ། །ཅི་ཡང་མེད་ལ་ཅིར་ཡང་སྣང་གསལ་བར། །བྱིང་རྨུགས་སྤྲོས་པའི་རྟོག ་པ་མེད་པར་བསྒོམ། །ལྔ་པ་དེ་རྟགས་རྣལ་འབྱོར་བརྩོན་ལྡན་པ། །དང་པོ་གཉིད་དང་འདོད་སྲེད་ཆུང་བར་འགྱུར། །དེ་ནས་རིམ་གྱིས་རྨི་ལམ་འདོད་ལ་སོགས། །རྟོག་པ་ཇི་བཞིན་ཚེ་འཕྲུལ་གཟུགས་ཀྱང་སྟོན། །དྲུག་པ་དེ་ཡི་ཡོན་ཏན་བསམ ་བརྗོད་པ། །མངོན་སུམ་ཚེ་རིང་ནང་རྣམས་གསོ་བ་དང། །བགེགས་སེལ་ལ་སོགས་ཡོན་ཏན་མང་པོ་འབྱུང། །དེ་བཞིན་རིམ་གྱིས་བྱང་ཆུབ་ལམ་ལ་འཇུག་།བདུན་པ་བར་ཆད་བགེགས་ནི་རྣལ་འབྱོར་པ། །གནས་སྤངས་གནས་འཆོལ ་གཞན་དུ་འགྲོ་འདོད་ན། །གནོད་སྦྱིན་གཞན་དང་གཞན་དུ་འགྲོ་འདོད་དེ། །རྣལ་འབྱོར་སེམས་ལ་ཞུགས་ནས་གནས་གཞན་འཕེན། །གལ་ཏེ་རྣལ་འབྱོར་བསྒོམ་ཞིང་གནས་བཟུང་བས། །སྨྲ་བཅད་པར་སྐབས་ནང་དུ་གཞན་འཇུག་དང། །ཕྱིར་བྱུང ་ཁེངས་གྲགས་འདོད་སྐོམ་ཟས་ནོར་ཚོལ། །ཡི་དགས་འདོད་སྲེད་ཅན་གདོན་དེ་སེམས་ཞུགས། །གལ་ཏེ་རྣལ་འབྱོར་སེམས་འཁྲུགས་འཐབ་འདོད་ཅིང། །འཁོར་ལ་གཤེ་དང་གཞན་ལ་སྤྱོ་བྱེད་ན། །འབྱུང་པོའི་བདག་པོ་ཡ་བ་ཤོན་པ། །སྒྲུབ་པ་དེ ་ཡི་སྙིང་ལ་ཞུགས་པ་ཡིན། །གལ་ཏེ་རྣལ་འབྱོར་འཕྲེས་ཤིང་ཉལ་ལ་དགའ་། །ཟས་སྐོམ་སྲེད་ཅིང་བཟླས་ལ་མི་བརྩོན་ན། །ལྟོ་འཕྱེ་ཉལ་བརྩོན་སྙོམས་བྱེད་ཅེས་བྱ་བ། །རྣལའབྱོར་སེམས་ལ་ཞུགས་ནས་གནས་པར་བྱེད། །གལ་ཏེ་རྣལ་འབྱོར ་རང་གི་ལོངས་སྤྱོད་རྐྱེན། །ཡོ་བྱང་སྲུང་ཞིང་སོ?་འཛུགས་སྲུངས་མ་སྒོ། །གསོག་ཕྱིར་འདོད་ཚོལ་གཞན་དུ་གཏོང་འདོད་ན། །གནོད་སྦྱིན་ནོར་བསྲུངས་ཞེས་བྱ་སེམས་ལ་ཞུགས། །གལ་ཏེ་རྣལ་འབྱོར་པ་མ་སྤུན་ཚོགས་ལ། །ཆགས་ནས་སྨོན་ལམ ་རིམ་འགྲོས་སྲུང་བྱེད་ན། །ལྷན་ཅིག་སྐྱེས་པའི་བག་ཆགས་མ་བྱང་བས། །ཉོན་མོངས་མ་སྤངས་བྱང་ཆུབ་རིང་བར་འགྱུར། །གལ་ཏེ་རྣལ་འབྱོར་གཟའ་སྐར་འཇུག་ཕོད་དང། །དུས་དང་ལོ་ཟླ་བཟང་ངན་རྩི་བྱེད་ན། །དབྱེར་མེད་མཉམ་པ་ཉིད་དང་འགལ ་བས་ན། །བྱང་ཆུབ་ཐོབ་པར་རབ་ཏུ་དཀའ་བར་འགྱུར། །གལ་ཏེ་རྣལ་འབྱོར་ཐོས་མང་རྟོགས་ཆེ་ཞིང། །བསྒོམ་བརྩོན་བསྙེམས་པས་བདག་བསྟོད་གཞན་སྨོད་ན། །ཉོན་མོངས་མ་སྤངས་ང་རྒྱལ་འཕེལ་འགྱུར་བས། །ཕྱིར་ཡང་ལྷུང་ཞིང་བྱང ་ཆུབ་རིང་བར་འགྱུར། །གལ་དེ་རྣལ་འབྱོར་བདག་ལ་གཞན་དག་གིས། །སྔོན་དང་ད་ལྟར་མ་འོངས་གནོད་བྱེད་ཅེས། །ཞེ་སྡང་སྐྱེས་ནས་རིག་སྔགས་གསོད་གཏོང་ན། །ཞེ་སྡང་དབང་གིས་བྱང་ཆུབ་རིང་བར་འགྱུར། །གལ་ཏེ་བདག་ལ་གཞན་གྱིས་མཆོད ་བཀུར་ཞིང། །བསྔགས་པ་མང་བརྗོད་བསྟོད་ལ་སེམས་དགའ་ན། །འགྲོའི་ཕྱོགས་ཆར་གྱུར་ཏེ་ཆགས་སེམས་ཀྱིས། །བྱང་ཆུབ་ལམ་ལ་འདིས་གྱང་རིང་བར་འགྱུར། །གལ་ཏེ་རྣལ་འབྱོར་འཁོར་མང་འདུ་ལོང་དག་།རྒྱལ་པོ་ལྟ་བུར་མང་པོར་བརྟེན་ན་ནི། །ཁྱེད ་གྲགས་ཡིན་པས་བསྒོམ་པ་གཡེང་བའི་རྒྱུ། །བྱང་ཆུབ་ལམ་ལས་ཤིན་ཏུ་རིང་བར་འགྱུར། །བརྒྱད་པ་སྐྱོན་གསལ་ཐབས་ནི་རྣལ་འབྱོར་པ། །སེམས་ལ་བར་ཆད་མཚན་མ་དེ་བྱུང་ན། །འདི་ལྟར་བསམས་ནས ་མཚན་རྟོག་གསལ་བར་བྱ། །ཆོས་སུ་ཅི་སྣང་སེམས་ལས་གཞན་མེད་ཅིང། །སེམས་ཀྱི་རང་བཞིན་ཆོས་ཉིད་ངོ་བོ་ལ། །བཟང་ངན་སྤོང་ལེན་འདོད་སྲེད་བྱམས་སྡང་སོགས། །རྟོག་དང་རྟོག་པའི་དབང་གིས་བགེགས་བྱུང་ན། །སེམས་ལ ་བལྟས་ན་གང་ཡང་མི་སྣང་བས། །སྣང་མེད་སེམས་རྟོག་མཚན་མ་ག་ལ་ཡོད། །བདག་རྟོག་མཚན་མར་སེམས་ལ་བཟུང་ཉེས་པས། །རྟོག་པ་ཐམས་ཅད་སྤངས་ཤིང་རྟོག་མེད་གནས། །རྟོག་པ་མེད་པ་ལ་ཡང་གནས་པ་མེད། །དེ་ལྟར་རིང ་དུ་གནས་ན་རྟོག་བགེགས་ནི། །མྱུར་བར་ཞི་གནས་ཇི་བཞིན་བསྒོམ་པ་ལས། །བར་ཆད་སེམས་ཀྱི་རྟོག་པ་འབྱུང་མི་འགྱུར། །བྱང་ཆུབ་འབྲས་བུ་མྱུར་དུ་ཐོབ་པར་འགྱུར། །རྣལ་འབྱོར་པའི་རྟོག་པའི་བགེགས་སེལ་བ་ཞེས་བྱ་བ། དངོས་གྲུབ ་མཉེས་པའི་སློབ་དཔོན་མཁས་པ་ཆེན་པོ། །སངས་རྒྱས་གསང་བའི་ཞལ་སྔ་ནས་མཛད་པ་རྫོགས་སོ།། །།དཔལ་འཁོར་ལོ་སྡོམ་པ་ལ་ཕྱག་འཚལ་ལོ། །བྱིས་པའི་རྗེས་སུ་བྱིས་པ་འབྲེང། །བྱིས་པས་བྱིས་པ་འཇིག་འགྱུར ་