Wylie

e-texts based on the ACIP/ALL Input

བརླབས་གནད་ཀྱི་བརྡ། །སེང་གེ་གླང་ཆེན་ཕག་རྒོད་བསད། །རྩ་བ་བྲལ་བའི་སྡོང་པོ་བཞིན། །ནགས་ཀྱི་རི་དགས་གལ་ལ་ཚུད། །གཟིངས་ཀྱི་བྱ་རོག་གར་བདེར་མཐོང། །དངས་པའི་ཆུར་ནི་གཟུགས་བརྙན་བཞིན། མཁའ་ལ ་མཚོན་གྱིས་བཀུར་མི་ནུས། །རི་བོ་རླུང་གིས་བསྒུལ་བ་མིན། །རྒྱ་མཚོ་ཆེན་པོ་གཏིང་མི་གཡོ། །སྙིང་ཕྱུང་དེ་ནི་སྐལ་བར་ལྡན། །སེང་གེའི་གསོབ་ལ་བྱིས་པ་འཇིགས། །བུང་བའི་སྤྱོད་པ་ཡིད་ཀྱིས་ལྟོས། །བུ་ཤིའི་མྱ་ངན་སེམས་ལ་ཞོག། སྒྲོན་མེ ་ལག་ཏུ་ཐོགས་པའི་མི། །ཀུན་གྱི་སྣ་ལ་འགྲོ་བར་གྱིས། །དེ་ནས་ནམ་མཁའ་ཨི་ཕྱི་ནང་འདྲེ། ཞེས་གསུངས་ཏེ་། རྔོན་པ་བ་ཆེན་པོས། ཀ་མ་ལ་ཤཱི་ལ་གནད་ཀྱི་གདམས་པ་བསྟན་པའོ། །རྫོགས་ཤོ།། །།རྒྱ་གར་སྐད་དུ། ཙདཏེ་གུ་ཧཡ ་གམྦྷི་རཱ་ཐ་གཱི་ཏ་ནཱ་མ། བོད་སྐད་དུ། སེམས་ཀྱི་གསང་བ་ཟབ་དོན་བརྡའི་གླུར་བླངས་པ་ཞེས་བྱ་བ། ཤ་བ་རི་དབང་ཕྱུག་ལ་ཕྱག་འཚལ་ལོ། །ཀྱེ་འོ་ཆུ་དང་འོ་མ་སོ་སོར་ནམ་མཁའ་ཨི་མཐོངས་སུ་བསྲེས་པ་རྟོག་མེད་དང་པའི་མཆུ་དེས་བསྡུས་ནས་སོང། །འདབ ་ཆགས་འུག་པའི་མིག་གིས་སྣ་ཚོགས་མུན་པའི་ཁྲོད་ན་སྣང་བ་སོ་སོར་མཐོང་བ་ཕྱི་རོལ་མིན། །འདབ་ཆགས་ནེ་ཅོས་ཉི་མའི་འོད་ལ་རྩི་ཤིང་ནགས་ཁྲོད་མཐོང་ལ་དགའ་ཞིང་རྩེ་ལ་ལྷག་པར་ཆགས། །རྨ་བྱ་དུག་གི་ལོ་མ་ཟོས་པས་སྤུ་སྡུག་ལྷག་བར་མཛེས་པའི ་ཁ་དོག་མདོངས་ནི་སུ་ཡིས་བྲིས། །སྒེག་མོ་གཞན་གྱི་དྲི་མ་དག་པའི་མདོང་ཅན་མེ་ལོང་བལྟ་ལ་རབ་ཏུ་བརྩོན་པ་ཤེས་པར་གྱིས། །སྲིན་པོའི་གླིང་ལས་ཐར་བའི་དེད་དཔོན་དྲི་ཟའི་གྲོང་མཐོང་དེ་ལ་གནས་བཅས་དོན་ཆེན་འགྲུབ་པ་མཚར། །དྲང་སྲོང་ཆུ ་ཡི་ཟླ་བ་བལྟ་ཞིང་ཉི་ཟླའི་ཕྲེང་བ་འགྲེད་ལ་བརྩོན་པ་གཙང་སྦྲ་ལྷག་པར་ཆེ། །རྒྱལ་བོས་དགྲ་ཐབས་ཀྱིས་ནི་བཀུག་སྟེ། བཅིངས་ནས་བསད་པས་སྲིད་དང་བཅས་པ་ཐོབ་སྟེ་གཡོན་ཅན་མིན། །གིང་བ་སྲོག་གཅོད་མཁས་པ་ཉིན་བཞིན་སྲོག་གཅོད ་དེ་ལ་སྡིག་པས་མི་གོས་གཤིན་རྗེ་གཤེད། །རྫི་བོ་ཐབས་མཁས་ལྕགས་ཀྱུས་སྟོབས་ལྡན་གླང་པོའི་ཁ་ལོ་ཇི་ལྟར་འདོད་བཞིན་སྒྱུར་བ་ཕྱི་རོལ་མིན། །མིག་འཕྲུལ་མཁན་པོས་ཉི་ཟླ་བརྐུས་ཏེ་མུན་ཁུང་ནང་དུ་སྤས་བས་?་སྐར་ཐམས་ཅད ་དབང་དུ་འདུས། །ཚངས་པའི་རིལ་བ་ཆུས་བཀང་མི་འཛག་དག་བྱེད་རྒྱུད་དུ་འཆང་བ་ཤེས་ན་རྟེན་འབྲེལ་ཆེ་བ་ཡིན། །དཔྱིད་དུས་མེ་ཏོག་མགུལ་ཆད་ལྷུང་བ་ཤིང་ཐོག་རོ་ལྡན་འགྱུར་བར་རེ་བའི་?་དེ་འཛའ?་ཡིན། །རྫ་སོབ་བཏང་སྣོད་དེར ་ཆུ་བླུགས་མི་འཛག་ཡིན་པས་མེ་ནང་བཅུག་ལ་ཏི་ཚ་མཁས་བར་བྱ། །ཁུག་རྟ་སྐོམ་ཡངས་ནང་འབབ་པའི་ཆུ་ནི་མི་མཐུང་ནམ་མཁའ་ཨི་ཆང་རྒྱུན་འཛེད་པར་ཤེས་པར་བྱ། །ལྐུགས་པར་སྡོད་པའི་མི་དེས་ཁབ་ལེན་རྡོ་ཡིས་ལྕགས་ཕྱེ་བསྡུས་བས་རྒྱ ་མཚོར་ཟླ་བ་གཟའ་ཡིས་གཟུང། །དུས་མཛའ་ཨི་མདུད་རྩེར་འབབ་བའི་ཚངས་པའི་དངུལ་ཆུ་དེ་ལ་གཟུགས་མཛེས་བརྟེན་པའི་རྒྱལ་པོ་ལྷག་པར་དགའ་། །ཟོ་ཆུན་འཁོར་ལོས་ཁྲོན་པའི་ཆུ་རྣམས་གྱེན་དུ་དྲངས་པས་མཆོག་གི་ལོ་ཏོག་སྨིན་པ་ཨེ་མའོ། ། ་ཟབ་མོ་བརྡའི་གླུ་གསང་བའི་བདུད་རྩི་ཞེས་བྱ་བ་རྫོགས་ཤོ།། །།ཤ་བ་རེ་དབང་ཕྱུག་གིས་དམ་པ་ལ་གསུངས་པ། དམ་པའི་ཞལ་སྔ་ནས་ཞ་མ་ལོ་ཙཱ་བས་གཏན་ལ་ཕབ་སྟེ། དཔལ་དིང་རི་མཁན་པའི་ཁྲོད་དུ་བསྒྱུར་བའོ།། །། ་བླ་མ་རྣམས་ལ་ཕྱག་འཚལ་ལོ། །སློབ་དཔོན་ཀླུ་སྒྲུབ་ཀྱི་ཞལ་ནས། གང་གིས་མ་རྟོགས་པ་ཡིས་རྟོགས་པའི་སྤྱོད་པ་མི་བྱ་སྟེ། །བྱས་ན་རྒྱལ་པོའི་ཁྲིམས་ལ་དམངས་ཀྱིས་གནོད་པ་བྱས་པ་བཞིན། །རྟོགས་པ་རྣམས་ཀྱིས་མ་རྟོགས་པ་ཡི་སྤྱོད ་པ་མི་བྱ་སྟེ། །བྱས་ན་གླང་ཆེན་དག་ནི་འདམ་དུ་བྱེད་བ་འདྲ་གསུང་ངོ། །སློབ་དཔོན་ས་ར་ཧའི་ཞལ་ནས། །ཀྱེའོ་གྲོགས་དག་ལྷན་ཅིག་སྐྱེས་པ་སྟེ། །གཞན་ནས་རྙེད་མིན་ཞལ་ལ་དྲིས། །དོན་དམ་གཞན་གྱི་ངོ་བོ་དེ་རྟོགས་ན། །ཡིད་ནི་གར་འཆིང་རླུང་ཡང ་