Wylie

e-texts based on the ACIP/ALL Input

སློབ་དཔོན་ལུ་རྩི་ཀིས་མཛད་པ་རྫོགས་སྟོ།། རྒྱ་གར་སྐད་དུ་། ཤ་རཱི་ར་ཎ་རི་ཀ་བིནདུ་སཱ་མཱ་ཏཱ་ཨི་ནཱ་མ་། བོད་སྐད་དུ་ལུས་ཀྱིས་རྩ་ཐིག་ལེ་མཉམ་པ་ཉིད་ཀྱི་མན་ངག་ཅེས་བྱ་བ། དཔལ་དགྱེས་པའི་རྡོ་རྗེ་ལ་ཕྱག་འཚལ་ལོ། །ཇི་སྲིད་? ་སྡོང་བུ་རྣམས། །བརྐོས་པས་དེ་ནི་མ་བྱས་ན། །དེ་སྲིད་ཕག་རྒོད་གསོད་པ་ཡི། །མདའ་བ་དེ་ནི་ཚ་སྟེ་ཡིན། །གནད་དུ་བསྣུན་པས་ཕག་རྒོད་པས་དེ། །རྫིང་བུ་སྐམས་པར་མ་གྱུར་པས། །དེ་གོང་དུ་ནི་བརླག་པར་བྱས། །དཔག་ཆེད་ཕྱེད་དང་བཞི་པ་ཡིན?་།གྲུ་བཞི་ ་པ་ཡི་རྫིང་བུ་ལ། །ནང་དུ་ཞུགས་པ་བྱས་ནས་ནི། །ཟས་ནི་དོན་དུ་གཉེར་པར་བྱེད། །ཤིན་ཏུ་བཀང་བར་བྱས་ནས་ནི། །གནད་དུ་བསྣུན་ནས་ཕག་རྒོད་བསད། །རྫིང་བུ་སྐམས་པར་མ་གྱུར་པར། །དེ་གོང་དུ་ནི་བརླག་པར་བྱས། །ལྟེ་བའི ་དཀྱིལ་འཁོར་གཞུ་རུ་བྱས། །རྩ་གཉིས་དེ་ནི་རྒྱུད་དུ་སྦྲེངས། །བླ་མའི་མན་ངག་མདའ་རུ་བྱས། །ཤིན་ཏུ་བཀང་པར་བྱས་ནས་ནི། །གནད་དུ་བསྣུན་ནས་ཕག་རྒོད་བསད། །རྫིང་བུ་བསྐམས་པར་མ་གྱུར་པར། །དེ་གོང་དུ་ནི་བརླག་པར་བྱས། །མཚོ་ལ ་ཕག་རྒོད་ཇི་ལྟར་འཐུང། །འཕྲང་ལ་སྙིང་ནི་གཟུགས་བྱས་ནས། །གནད་དུ་བསྣུན་ནས་ཕག་རྒོད་བསད། །ཇི་སྲིད་རྫིང་བུ་མ་སྐམས་པར། །དེ་གོང་དུ་ནི་བརླག་པར་བྱས། །ལུས་ཀྱི་རྩ་ཐིག་མཉམ་པ་ཉིད་ཀྱི་མན་ངག་ཅེས་བྱ་བ། སློབ་དཔོན་ནི་ཀུ་ནིས ་མཛད་པ་རྫོགས་ཤོ།། །།རྒྱ་གར་སྐད་དུ། ཙ་ཏུརྦུདྡྷབྷ་བ་བྷཡ་བ་ཤ་ནི་ཀྲ་མཾ་ནཱ་མ། བོད་སྐད་དུ་། འབྱུང་བ་བཞིའི་སྲིད་པའི་ཆ་ལུགས་ཞེས་བྱ་བ། ཐུགས་རྗེ་ཆེན་པོ་ལ་ཕྱག་འཚལ་ལོ། །རི་རབ་ཟུར་ན་བརྒྱད་པ་དང། །རོལ་པའི ་