Wylie

e-texts based on the ACIP/ALL Input

དགོན་པ་ཆེན་པོའི་གནས་སུ་འདུག་།འཁོང་བ་རྣམ་དག་བདེ?་བའི་གནས། །བྱང་ཆུབ་སེམས་ནི་དགོན་པ་ཆེ། །ཡཱ་ཙརྱ་དཔའ་བོ་རྣམ་པར་སྣང་མཛད་ཀྱི་གླུ་རྫོགས་ཤོ།། །།སངས་རྒྱས་ལ་ཕྱག་འཚལ་ལོ། །རང་བཞིན་བདག་མེད་མ་དེ་ནི། །བདག ་གི་མེ་རིང་བྱེད་པ་ཡིན། །ཆགས་པ་མེད་པ་དེ་ཡིས་ནི། །ཉོན་མོངས་ཞི་བར་བྱེད་པ་ཡིན། །སྐྱེ་དང་འཆི་བ་སྲིད་པ་ཡིན། །འཁྲུལ་པ་རྣམས་ནི་སྤོང་པ་ཡིན། །བདེ་བ་ཆེན་པོ་སྟེར་བྱེད་པའི། །ལེན་གྱི་འཁྲུལ་པ་མ་ཡིན་ནོ། །ངེས་ན་ཁ་དོག་དབྱིབས་མེད་དེ། །ཚད ་ཀྱང་ཡོད་པ་མ་མཐོང་ངོ། །འདོད་པ་མེད་པ་དེ་ཡིས་ནི། །ང་རྒྱལ་སྐྱེ་བ་མི་འདོད་དོ། །གང་ཚེ་བདག་མེད་མ་དེ་ནི། །བདག་གི་སྙིང་ལ་ཞུགས་པ་ན། །བདག་དང་གཞན་རྣམས་མ་ལུས་པའི། །དབྱེ་བ་ཡོད་པར་མ་མཐོང་ངོ། །འགྲོ་བ་མེད་ཅིང་འོད་བ་མེད། །གང་ཡང ་གནས་པ་མ་ཡིན་ཏེ། །ནམ་མཁའ་ཡིན་ནི་ངོ་བོ་ལྟར། །ཡོངས་སུ་གསལ་བར་སྣང་བ་ཡིན། །ཐུབ་པ་ཆེན་པོའི་རྣལ་འབྱོར་པ། མ་ལུས་པ་དང་རལ་པ་ནི། །དེ་ནི་མེ་ལི་བདག་མེད་མར། །དེ་ལྟར་བདག་ཉིད་སྨྲ་བ་ཡིན། །ནཱ་རོ་པཎྜི་ཏའི ་གླུ་རྫོགས་ཤོ།། །།སངས་རྒྱས་ལ་ཕྱག་འཚལ་ལོ། །སེམས་ཅན་ཉོན་མོངས་གདུང་བས་ས་སྟེང་བསྐོར་པའི་ལྷ། །དེ་ལྟ་ན་ཡང་བདེ་ཆེན་ཆུང་མའི་ལུས་མི་འདོར། །ཀྱེ་ཀྱེ་དཔེ་མེད་ཆུང་མ་ལ་ནི་རབ་ཏུ་ཆགས། །བསྐལ་པ་དཔག་མེད་མི་འབྲལ ་