Wylie

e-texts based on the ACIP/ALL Input

རྒྱ་གར་སྐད་དུ། བྷ་སི་ཏི་ཏིལ་ཀ་དོ་ཧ་གཱི་ཏི་ཀ་ནཱ་མ། བོད་སྐད་དུ། དབྱིད་ཀྱི་ཐིག་ལེ་དོ་ཧ་མཛོད་ཀྱི་གླུ་ཞེས་བྱ་བ་།དཔལ་ཧེ་རུ་ཀ་ལ་ཕྱག་འཚལ་ལོ། །སེ་བྷུ་སྐུ་གསུམ་ལ་སོགས་ཀྱི། །སོས་ཀའི་མེ་ཏོག་མཐོང་པ་ཡི། །གཞོན་ནུ་བདག་ནི་མྱོས་པར་འགྱུར། །ཧེ་རུ་ཀ་ལ་ཆགས་པ་ཡིས། །སོས་ཀའི་དང ་པོ་དང་པོ་འདིར། །ཁྱོད་ཀྱིས་བདག་ནི་སྲུང་བར་མཛོད། །གདུང་བས་འགུམ་བར་མ་མཛད་ཅིག་།མེ་ཏོག་ཨཾ?་དྷ་ཀ་རུ་ཎ། དྲི་བསུང་ལྡན་པས་དགྱེས་པར་འགྱུར། །ཤ་རིས་པ་ནི་བརྡུངས་པས་བརྡུངས། །མེ་མར་ཁུར་ནས་ཙཎྜ་ལི་།རེ་མོ་བདག་ལ་འབབ་བོ་ཞེས། །ཀན་པ་ནི་གཤེགས་པར་རེ།། ་སོ་ཀའི་དང་པོ་དབྱིང་དུས་ལ། །ཁྱོད་ཀྱིས་བདག་ནི་བསྲུང་བ་མཛོད། །གདུང་པས་འགུམ་པར་མ་མཛད་ཅིག། ཕྱོགས་བཅུར་བལྟས་ན་བདག་གིས་ནི། །ཁྱོད་ལས་གཞན་ནི་མཐོད་བ་མེད། །གདུང་བའི་མེ་ཡིས་བདག་གིས་ནི། །བདག་གི་ལུས་ཀྱང་བསམ་པ་མེད། །རྣལ་འབྱོར་མ་བརྒྱད་ལས་བཞི། ་ནི། །བདག་ཅག་གསོལ་བ་བཏབ་པ་ཡིས། །བཅོམ་ལྡན་འདས་ནི་བཞེངས་པར་མཛོད། །དཔྱིད་ཀྱི་ཐིག་ལེ་དོ་ཧ་མཛོད་ཀྱི་གླུ་ཞེས་བྱ་བ། སློབ་དཔོན་ནག་པོ་གནས་བརྒྱུད་པ། སློབ་དཔོན་ས་ར་ཧས་མཛད་པ་རྫོགས་ཏོ།། །།རྒྱ་གར་སྐད་དུ། བཛྲ་ཙ་ཏུར་གཱི་ཏི་ཀ་ནཱ་མ། བོད་སྐད ་