Wylie

e-texts based on the ACIP/ALL Input

རྫོགས་སངས་རྒྱས། །མ་ནི་དག་སྐུའོ་སྒྲོན་མ་རྫོགས་སོ།། །།རྒྱ་གར་སྐད་དུ། ཡཱ་ན་བཱ་ཀ་པྲ་དཱི་པ་ནཱ་མ། བོད་སྐད་དུ། ཐེག་པ་གསུང་གི་སྒྲོན་མ་ཞེས་བྱ་བ། འཇམ་དཔལ་སྨྲ་བའི་སེང་གེ་ལ་ཕྱག་འཚལ་ལོ། ཁམས་གསུམ་སེམས ་ཅན་མ་ལུས་ཀུན། །མ་རིག་མུན་པས་འཐེབས་པ་ལ། །སྟོན་པ་བཅོམ་ལྡན་ཤཱཀ?་ཐུབ་ཀྱིས། །གསུང་གི་སྒྲོན་མ་འདི་བསྟན་པས། །དམ་ཆོས་རིམ་པ་གསུམ་དུ་གསུངས། །རྒྱས་པར་གསུང་དང་འབྲིང་དུ་བཤད། །བསྡུས་པའི་དོན་དུ་བསྟན་པའོ། །དེ་ལ ་རྒྱས་པར་གསུངས་པ་ནི། །དུག་གསུམ་ཉོན་མོངས་ཆ་མཉམ་པའི། །གཉེན་པོ་བརྒྱད་ཁྲི་བཞི་སྟོང་སྟེ། །ཐེག་པ་སྣ་ཚོགས་བསྟན་པའོ། །འབྲིང་ནི་གསུང་རབ་བཅུ་གཉིས་དང། །མོད་དང་དབྱངས་བསྙད་ལུང་བསྟན་དང། །ཚིགས་བཅད་ཆེད ་བརྗོད་གླེང་གཞི་དང། །རྟོགས་བརྗོད་དེ་བྱུང་སྐྱེས་པའི་རབས། །རྒྱས་དང་རྨད་བྱུང་གཏན་ལ་དབབ། །བསྡུས་པས་སྡེ་སྣོད་གསུམ་དག་སྟེ། །མདོ་སྡེ་འདུལ་བ་ཆོས་མངོན་ནོ། །ལྟ་བ་གཙོར་སྟོན་མངོན་པ་སྟེ། །བསྒོམ་པ་གཙོར་སྟོན་མདོ་སྡེ་ཡིན། །སྤྱོད་པ་གཙོར ་?་འདལ་བའོ། །དེ་ཡང་རྣམ་པ་གསུམ་ཡིན་ཏེ། །ཆེ་དང་ཆུང་དང་ཁྱད་པར་རོ། །དང་པོ་ལྔ་ནི་མེ་དོ་ཡིན་ཏེ། །དེ་རྗེས་དྲུག་ནི་འདུལ་བ་ཡིན། །ནངས་ཀྱིས་ཐ་མ་མངོན་པའོ། །དེ་ནི་ཐེག་པ་ཆུང་དུའི་གཞུང། །རྒྱས་དང་རྨད་བྱུང་མེད་ཡིན་ཏེ། །མེད?་སོགས་དགུ ་ནི?་འདུལ་བ་ལ། །གཏན་ལ་དབབ་པ་མངོན་པའི་སྡེ། །དེ་ནི་ཐེག་པ་ཆེན་པོའི་གཞུང། །མདོ་སོགས་རིམ་ལྔ་མདོ་ཡིན་ཏེ། །དེ་རྗེས་རྣམ་བཞི་འདུལ་བ་ལ། །ཐ་མ་གསུམ་ནི་མངོན་པའོ། །དེ་ནི་ཁྱད་པར་བླ་མེད་གཞུང། །དེ་བཞིན་སྦྱོར་བ་ཤེས་པར་བྱ། །ཁྱད་པར ་དབང་དུ་བྱས་ནས་ནི། །མཚན་ཉིད་རྒྱུ་ཡི་ཐེག་པ་དང། །འབྲས་དུ་རྡོ་རྗེའི་ཐེག་པའོ། །དེ་གཉིས་རྒྱུ་འབྲས་ཁྱད་པར་ཡང། །དོན་ཅིག་ལ་ཡང་མ་རྨོངས་ཏེ། །ཐབས་མང་དཀའ་བ་མེད་པ་ཡིས། །དབང་པོ་རྣོན་པོས་དབང་བྱས་ཏེ། །ཕ་རོལ་ཕྱིན་པའི་ཐེག ་པ་པས། །སྔགས་ཀྱི་ཐེག་པ་ཁྱད་པར་འཕགས་།སྔགས་ལ་རྒྱུད་སྡེ་བཞིར་གསུངས་ཏེ། །བྱ་བའི་རྒྱུད་དང་སྤྱོད་པའི་རྒྱུད། །རྣལ་འབྱོར་རྒྱུད་དང་བླ་མེད་པའོ། །དམན་པ་རྣམས་ལ་བྱ་བའི་རྒྱུད?། །བྱ་མིན་རྣལ་འབྱོར་དེ་ལྟག་ལ། །རབ་ལ་རྣལ་འབྱོར་བླ་མེད ་དོ། །ཡང་ན་མི་རིགས་བཞི་ལས་ནི། བྲམ་ཟེའི་རིགས་ལ་བྱ་བའི་རྒྱུད། །དམངས་རིགས་ལ་ནི་སྤྱོད་པ་ཡི། །དེ་བཞིན་རྗེའུ་རིགས་རྣལ་འབྱོར་རྒྱུད། །རྒྱལ་རིགས་རྣལ་འབྱོར་བླ་མེད་དོ། །འདི་ནི་བླ་མེད་རྒྱུད་དུ་གྲགས། །རྒྱུ་དང་ཐབས་དང་འབྲས་བུ ་ལས། །འདི་ནི་ཐབས་ཀྱི་རྒྱུད་དུ་གསུངས། །ཟབ་ཅིང་རྒྱ་རེའི་ཞི་བྱེད་འདི། །རྒྱུད་པ་རྣམས་པ་བཞི་རུ་བཤད། །རིག་གི་རྒྱུད་དང་དོན་གྱི་བརྒྱུད། །བྱིན་རླབས་བརྒྱུད་དང་བརྡ་ཡི་བརྒྱུད། །མ་ཞུགས་རྣམ་བཞི་ཤེས་པར་བྱ། །ཐེག་པ་གསུང་གི་སྒྲོན་མ་རྫོགས་སོ།། །། ་