Wylie

e-texts based on the ACIP/ALL Input

མེད་སྨྲ་བ་ནི། །ཐམས་ཅད་རྒྱུ་ལ་བལྟོས་མེད་པར། །དངོས་པོ་རྣམས་ནི་སྐྱེ་བ་སྟེ། ཉི་མ་པདྨའི་གསེར་སོགས། །སྣ་ཚོགས་གང་གིས་བྱས་པ་ཡིན། །རྨ་བྱའི་མདོངས་ལ་སོགས་པ་ཡང། །སྣ་ཚོགས་གང་གིས་སྤྲུལ་པ་ཡིན། །ཇི་ལྟར ་ཆར་རླུང་ལ་སོགས་པ། །གློ་བུར་འབྱུང་ཕྱིར་རྒྱུ་མེད་ལྟར། །སྡུག་བསྔལ་ལ་སོགས་རྒྱུ་མེད་ཉིད། །ཤིན་ཏུ་རྒྱ་ཆེན་རབ་ཟབ་ལ། །སྒྱིད་ལུག་ཤིན་ཏུ་མ་སྦྱངས་ལ། །བདག་བཞིན་སྒྲ་དག་གཏི་མུག་གིས། །དེ་ལྟར་ཐེག་པ་ཆེ་ལ་སྨོད། །ཚུལ་ཁྲིམས་ལས ་ནི་ཉམས་བླ་ཡི། །ལྟ་ལས་ཅིས་ཀྱང་མ་ཡིན་ཏེ། །ཚུལ་ཁྲིམས་ཀྱིས་ནི་མཐོ་རིས་འགྲོ། །ལྟ་བས་གོ་འཕང་མཆོག་ཏུ་འགྱུར། །གཏི་མུག་དབང་གིས་བསྒྲིབས་གྱུར་ཏེ། །གང་ཞིག་ཡང་དག་བགེགས་བྱེད་པ། །དེ་ལ་དགེ་བའི་འགྲོ་བའང་མེད། །ཐར ་པ་མེད་པ། སྨོས་ཅི་དགོས། །གནོད་པའི་ས་བོན་གྱུར་པ་ཡི། །མུ་སྟེགས་བྱེད་མང་མཐོང་ནས་ནི། །ཐར་འདོད་སྐྱེ་བོ་འདོད་རྣམས་ལ། །སྙིང་རྗེ་མི་འགྱུར་སུ་ཞིག་ཡོད། །དེ་ཕྱིར་ཐར་པ་དོན་གཉེར་རྣམས། །ཆོས་ཀྱི་དབྱིངས་སུ་ལྟ་བར་གྱིས། །ཆོས་ཀྱི ་དབྱིངས་སུ་ལྟ་བའི་གླུ། །སློབ་དཔོན་ཆེན་པོའི་དཱི?་པཾ་ཀ་རས་མཛད་པ་རྫོགས་སོ།། །།རྒྱ་གར་གྱི་མཁན་པོ་དེ་ཉིད་དང། བོད་ཀྱི་ལོ་ཙྪ་བ་དགེ་སློང་ཚུལ་ཁྲིམས་རྒྱལ་བས་བསྒྱུར་བའོ།། །། *། །རྒྱ་གར་སྐད་དུ། ཨུ་པ་དེ་ཤ ་གཱ་ཡ་བྲ་དི་བ་ནཱ་མ། བོད་སྐད་དུ། མན་ངག་སྐུའི་སྒྲོན་མ་ཞེས་བྱ་བ། འཇམ་དཔལ་སྨྲ་བའི་སེང་གེ་ལ་ཕྱག་འཚལ་ལོ། །རྒྱལ་བའི་སྐུ་ནི་གཅིག་ཉིད་ལ། །གདུལ་བྱའི་མོས་པའི་དབང་གིས་ནི། །ཕྱི་ནང་གསང་བ་གསུམ་དུ་གནས། །བདེ་གཤེགས ་སྦྲུལ་པ་སྣ་ཚོགས་སྟོན། །ཡབ་ནི་ཐབས་ཀྱིས་རང་བཞིན་ལ། །ཡུམ་ནི་ཤེས་རབ་རང་བཞིན་ཏེ། ཐབས་དང་ཤེས་རབ་གཉིས་མེད་པ། །ཐར་པའི་ལམ་གྱི་གཙོ་བོ་ཡིན། །ལས་དང་ཐུགས་རྗེའི་དབང་གིས་ནི། །ལ་ལ་ཞི་ཞིང་ལ་ལ་ཁྲོ། །ཞི་བས ་ཕན་པར་མ་གྱུར་ན། །ཁྲོ་བོ་དེ་བཞིན་གཤེགས་པས་བསྟན། །གདོད་ནས་ངག་པའི་སྙིང་པོ་ལ། །གཟུགས་སྐུ་མཚན་དང་དཔེ་བྱང་ལྡན། །རང་རྒྱུད་དངོས་པོ་མ་ཡིན་པར། །རང་དབང་ཅན་གྱི་སྐུ་ཉིད་དོ། །སྐྱེ་དང་འཆི་བའི་ཆོ་འཕྲུལ་རྣམས།། ་སེམས་ཅན་ལྟ་བུ་མ་ཡིན་ཏེ། །སྐྱེ་རྒ་ན་འཆི་རང་གིས་ཤེས། །ཞེན་པ་རྣམས་ལས་འདའ་ཚུལ་སྟོན། །སྐྱེ་དང་འཆི་བ་མི་དམིགས་པས། །བག་ཆགས་ལུས་ལས་གྲོལ་གྱུར་ནས། །རྡོ་རྗེ་ལྟ་བུའི་སྐུ་ཡིན་པས། །བལྟས་པ་ཙམ་གྱིས་དྲི་མ་ཐ་? ་མཚོན་གཞི་དྲི་མེད་མེ་ལོང་ལ། །མཚན་བཅས་འཛིན་མེད་གཟུགས་བརྙན་འཆར། །ཟུང་འཇུག་བློ་གྲོས་ངོ་བོར་རྟོགས། །གཉུག་མ་པར་ལྡན་མེ་ལོང་ལ། །བཅུད་དང་རྩལ་སྤྱོད་གཟུགས་བརྙན་འཆར། །ལྟན་ཅིག་སྐྱེས་པའི་ངོ་བོར་རྟོག། འཁོར ་འདས་གཞི་མེད་མེ་ལོང་ལ། །འགྲོ་བ་དྲུག་གིས་གཟུགས་བརྙན་འཆར། །བསྒོམ་དུ་མེད་པའི་ངོ་བོར་རྟོགས། །ཤེས་རབ་གསུམ་གྱི་མེ་ལོང་ལ། །ཡོན་ཏན་མཛའ་དང་གཟུགས་བརྙན་འཆར། །ཡོངས་སུ་མེད་པའི་ངོ་བོར་རྟོགས། །བཅུ་གཅིག་ལྡན་པའི ་དམ་པ་ལ། །བརྒྱད་དང་ལྡན་པའི་སློབ་མ་ཡིས། །ཞབས་ཀྱི་པདྨར་རབ་ཏུད་ནས། །མ་ཉམས་གསུམ་གྱིས་མཆོད་པ་དབུལ། །ངེས་པའི་ཤེས་པ་སྐྱེས་གྱུར་ནས། །སྤྱི་དང་རང་གི་མཚན་ཉིད་ནི། །མ་འདྲེས་གཅིག་ཏུ་རྟོགས་པ་ཡིས། །དུས་འདི་ཉིད་ལ ་རྫོགས་སངས་རྒྱས། །མ་ནི་དག་སྐུའོ་སྒྲོན་མ་རྫོགས་སོ།། །།རྒྱ་གར་སྐད་དུ། ཡཱ་ན་བཱ་ཀ་པྲ་དཱི་པ་ནཱ་མ། བོད་སྐད་དུ། ཐེག་པ་གསུང་གི་སྒྲོན་མ་ཞེས་བྱ་བ། འཇམ་དཔལ་སྨྲ་བའི་སེང་གེ་ལ་ཕྱག་འཚལ་ལོ། ཁམས་གསུམ་སེམས ་ཅན་མ་ལུས་ཀུན། །མ་རིག་མུན་པས་འཐེབས་པ་ལ། །སྟོན་པ་བཅོམ་ལྡན་ཤཱཀ?་ཐུབ་ཀྱིས། །གསུང་གི་སྒྲོན་མ་འདི་བསྟན་པས། །དམ་ཆོས་རིམ་པ་གསུམ་དུ་གསུངས། །རྒྱས་པར་གསུང་དང་འབྲིང་དུ་བཤད། །བསྡུས་པའི་དོན་དུ་བསྟན་པའོ། །དེ་ལ ་