Wylie

e-texts based on the ACIP/ALL Input

བསྒོམ་?་དྲུག་པ་ཞེས་བྱ་བ་ཕྱག་ན་རྡོ་རྗེས་མཛད་པ་བཞུགས། ། *། །རྒྱ་གར་སྐད་དུ། བྷ་?་ཀྲ་མ་ཥ་ཊར?་ནཱ་མ། བོད་སྐད་དུ། བསྒོམ་རིམ་དྲུག་པ་ཞེས་བྱ་བ། བླ་མ་དམ་པ་རྣམས་ལ་ཕྱག་འཚལ་ལོ། །དང་པོ་ཐུགས་ནི་བླ་མ་སྟེ། ། བླ་མའི་མཚན་ཉིད་བརྟག ་པར་བྱ། །རྗེས་སུ་བཟུང་བ་སློབ་མ་སྟེ། །བླ་མས་ཀྱང་ནི་དེ་བཞིན་བརྟགས། །མཚན་ཉིད་ཀུན་ལྡན་བླ་མ་ལ། །སྒོ་གསུམ་གུས་དང་དངོས་པོ་ཡིས། །ཞེན་པ་མེད་པར་མཆོད་བྱས་ལ། །ཁྱིམ་པའི་གནས་སམ་དུར་ཁྲོད་དམ། །ཤིང་གཅིག་ཅི་བདེའི་ས་ཕྱོགས ་སུ། །ཆོ་གའི་རིམ་པ་བརྩམ་བྱ་ཞིང། །འཇམ་པའི་བསྟན་ལ་འཁྲུལ་འཁོར་བཅས། །བར་ཅོད་བསལ་ཕྱིར་གོ་ཆ་བགོ། ཚོགས་ཆེན་རྣམས་གཉིས་བསགས་པའི་ཕྱིར། །བླ་མ་སྤྱི་བོར་རྗེས་དྲན་བྱ། །དབང་པོ་གཉིས་ཀྱི་བྱེ་བྲག་གིས ་དང་པོ་ལྟ་བ་ཐག་བཅད་དེ། །ཏིང་འཛིན་ངོ་བོ་བརྟག་པར་བྱ། །རྟོགས་ཐོབ་དུས་མཉམ་བྱུང་མ་བྱུང། །རང་དང་བླ་མའི་ཉམས་ལས་ཤེས། །ཕྱི་རོལ་སྤྱོད་པ་དེ་བཞིན་ཤེས། །མ་བྱུང་རིག་པ་ཉམས་སུ་བླངས། །རོ་སྙོམས་བཞི་ལ་རིམ་གྱིས་བསླབ ་ཡང་ན་ལུས་ངག་ཡིད་གསུམ་སྤྱད། །ཐ་མ་འགྲོ་སར་གཏང་བར་བྱ། །གལ་ཏེ་དུས་མཉམ་བྱུང་བ་ན། །གཞི་དང་ལམ་དང་འབྲས་བུ་གསུམ། །བརྡ་ཡིས་ཕྱེ་ལ་དོན་དུ་དྲིལ། །གཞི་གཏན་ལ་འབེབས་པའི་ཆོས་དྲུག། གཞི་སྨིན་པར་བྱ་བའི ་ཆོས་གསུམ། །གཞི་གྲོལ་བར་བྱེད་པའི་ཆོས་གསུམ་སྟེ། གཞི་ལ་བརྡ་ཆོས་བཅུ་གཉིས་བསྟན། །ལམ་ལ་ཉེ་དང་རིང་བ་དང། །ཉེར་དི་མེད་པའི་ལམ་དང་གསུམ། །རེ་རེ་ལ་ཡང་ལྔ་ལྔར་བརྟག། ལྔ་གསུམ་བཅུ་ལྔ་ལམ་གྱིས་ཆོས། ། ་འབྲས་བུའི་མཚན་ཉིད་བསྟན་པ་ཡང། །སྐུ་བཞི་རྒྱུན་ཆད་མེད་པ་ལ། །ངོ་བོ་བསམ་བརྗོད་བྲལ་བ་སྟེ། །གདགས་བྱ་སྣ་ཚོགས་མི་འགག་སྟེ། །ཡིད་བཞིན་ནོར་བུ་བུམ་པ་བཟང། །དཔག་བསམ་ཤིང་ཆེན་ལྟ་བུའོ། །བསྒོམ་རིམ་དྲུག ་པ་ཞེས་བྱ་བ། །སངས་རྒྱས་གཉིས་པ་ལྟར་གྲགས་པའི་བཛྲ་པཱ་ཎིས་མཛད་པ་རྫོགས་སོ།། །།ལོཙྪ་བ་ནགས་ཚོས་བསྒྱུར་བའོ། །ན་མོ་བུདྡྷ་ཡ་ན། སྐྱེ་བ་མེད་ཅིང་འགགས་པ་མེད། །གཟུགས་མེད་གཟུགས་དང ་