Wylie

e-texts based on the ACIP/ALL Input

སེམས་ཅན་དེ་བཞིན་གཤེགས་པར་ཤོག་།དེ་ཁོ་ན་ཉིད་རིན་པོ་ཆེའི་ཕྲེང་བ་ཞེས་བྱ་བ། སློབ་དཔོན་ཨ་བ་དྷཱུ་ཏི་པ་གཉིས་སུ་མེད་པའི་རྡོ་རྗེས་མཛད་པ་རྫོགས་སོ།། །།ནག་ཚེ་ཚུལ་ཁྲིམས་རྒྱལ་བས ་བསྒྱུར་བའོ།། །།རྒྱ་གར་སྐད་དུ། ཏཏྟཝ་པྲ་ཀ་ས་ནཱ་མ། བོད་སྐད་དུ། དེ་ཁོ་ན་ཉིད་རབ་ཏུ་བསྟན་པ་ཞེས་བྱ་བ། འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །སངས་རྒྱས་སྐུ་གསུམ་ངོ་བོ་ཅན། །གང་གི་མཐུ་ལས་སྐྱེས་གྱུར་པ། ། ་སྲིད་དང་མྱ་ངན་འདས་པ་མཆོག་།ཤེས་རབ་ཐབས་བདག་ཕྱག་འཚལ་ལོ། །སྐྱེ་བོ་རབ་རིབ་ཅན་དག་ལ། །མཁའ་ལ་སྐྲ་ཤད་སྣང་བ་ལྟར། །དེ་བཞིན་མ་རིག་མུན་སྒྲིབས་པའི། །བྱིས་པ་རྣམས་ནི་འགྲོ་སྙམ་སེམས། །འཁྲུལ་པས་མཁའ་ལ་མཚོན་པ ་ཡིས། །སྐྲ་ལ་དག་པའི་མིག་གིས་ལྟ། །མཐོང་བ་དག་པའི་རྣལ་འབྱོར་པས། །སྲིད་པ་ཐམས་ཅད་དེ་ལྟར་རྟོགས། །ཀྱེ་ལེགས་ནམ་མཁའ་ཨི་དཀྱིལ་ལྟོས་དང། །སྐྲ་ཤད་འཛིངས་པ་བདག་གིས་མཐོང། །དག་པའི་མིག་ཅན་དེས་སྨྲས་པ། །ཡོད་མིན་ཁྱོད་ཀྱི་བློ་གྲོས ་འཁྲུལ། །རབ་རིབ་ཀྱིས་འཁྲུལ་བསལ་བའི་ཕྱིར། །ཕྱི་ནས་ཡོད་མིན་ཞེས་བརྗོད་ཀྱི། །གསལ་དང་མི་གསལ་སྟོང་པའི་ཕྱིར། །དེ་ཉིད་དུ་ནི་དགག་སྒྲུབ་མེད། །དེ་བཞིན་ཟག་པ་མེད་ཆོས་རྣམས། །ལོངས་སྤྱོད་སྤྲུལ་པའི་སྐུ་དག་གིས། །རྟེན་འབྲེལ་སྨོན་ལམ་དག་གིས་ནི། །ས་ནི ་དོན་དུ་རབ་ཏུ་འཇུག་།དེ་དག་དེ་ལས་ཐ་དད་མིན། །དེ་དག་དེ་ཡི་རང་བཞིན་ཕྱིར། །དེ་དག་རང་བཞིན་མ་བཅོས་གྲུབ། །དེ་དབྱེས་སེམས་ཀྱི་དོགས་པ་སེལ། །གལ་ཏེ་སྐྱེ་མེད་མིན་འདོད་ན། །ལྡོག་པས་དངོས་ལ་ཐ་དད་པས། །རྣལ་འབྱོར་སྤྱོད་གཞུང་ལས་གཞན་བའི། དབུ ་མའི་དོན་དུ་ཇི་ལྟར་འགྱུར། །གལ་ཏེ་མཛའ་བཞི་རྣམ་སྤངས་པས། །དབུ་མའི་དོན་ནི་ཁྱད་འཕགས་ན། །རྣམ་རིག་ལ་ཡང་ཐལ་བར་འགྱུར། །དེ་ཡང་འདི་དག་རྣམ་སྤངས་ཕྱིར། །མཛའ་བཞི་ལས་ནི་རྣམ་གྲོལ་བའི། །ཤེས་པ་གཉིས་མེད་རྫས་བདེན་པ། །བརྟགས ་པས་སྟོང་ཞིང་གཉིས་སུ་མེད། །རྣམ་རིག་སྨྲ་བའི་མཁས་པས་རིག་།ཡང་དག་མཛའ་ལས་སྣ་ཚོགས་འདི། །རྟེན་ཅིང་འབྲེལ་ལས་འབྱུང་བར་འགྱུར། །དེ་ནི་མ་སྐྱེས་རྫས་ཀྱིས་སྟོང། །མ་འདྲེས་མིང་ཙམ་པ་ཉིད་དོ། །བདག་བྱིན་རླབས་དང་འོད་གསལ་བའི། །དབྱེ་བ ་ཀུན་མཁྱེན་གྱིས་གསུངས་པ། །གང་ཚེ་དེ་དག་གཅིག་བསྟན་པ། །དེས་ནི་ཆད་པ་ལྟ་བ་སྤངས། །འབྲས་བུ་དེ་ཉིད་མི་མཐུན་ཕྱོགས། །གང་ལ་ཆགས་པ་ཡོད་མིན་པ། །འབད་མེད་སྦྱོར་བ་དེ་ཡིས་ནི། །སངས་རྒྱས་གོ་འཕང་ངེས་རྫོགས་བྱེད། །དེ་བཞིན་གཤེགས་པས ་ལུང་བསྟན་པའི། །འཕགས་པ་ཀླུ་སྒྲུབ་ཀྱིས་བཞེད་པ། །སངས་རྒྱས་ཆོས་ཀྱི་རྗེས་འབྲངས་ཉིད། །ཆོས་ཀྱི་དེ་ཉིད་མ་སྐྱེས་པའོ། །དེ་ཉིད་རབ་ཏུ་བསྟན་བྱས་ལས། །བདག་གིས་བསོད་ནམས་གང་ཐོབ་པ། དེས་ནི་འཇིག་རྟེན་མ་ལུས་པ། །ཟུང་དུ་འཇུག་པའི་སྣོད་གྱུར་ཅིག་། ་དེ་ཁོ་ན་ཉིད་རབ་ཏུ་བསྟན་པ་ཞེས་བྱ་བ། སློབ་དཔོན་གཉིས་མེད་རྡོ་རྗེས་མཛད་པ་རྫོགས་སོ། །།པཎྜི་ཏ་བཛྲ་པཱ་ཎི་དང། ལོ་ཙ་བ་རྨ་པན་ཆོས་འབར་གྱིས་བསྒྱུར། །། *། (།དེ་བཞིན་གཤེགས་པ་ལྔའི་ཕྱག་རྒྱ་རྣམ་པར་བཤད་པ་ཞེས ་བྱ་བ་བཞུགས།།)་།།རྒྱ་གར་སྐད་དུ། ཏ་ཐཱ་ག་ཏ་པཉྩ་མུ་དྲཱ་བི་པ་ར། བོད་སྐད་དུ། དེ་བཞིན་གཤེགས་པ་ལྔའི་ཕྱག་རྒྱ་རྣམ་པར་བཤད་པ། རྡོ་རྗེ་སེམས་དཔའ་ལ་ཕྱག་འཚལ་ལོ། །རྐྱེན་ལས་སྐྱེས་པ་ཀུན་བརྟགས་སྟོང་པ་སྟེ། །རང་བཞིན ་སྟོང་པས་དངོས་པོ་ཡོད་མ་ཡིན། །ཆད་མིན་སྣ་ཚོགས་གཅིག་པའི་སེམས་རང་བཞིན། །གཟུགས་སོགས་རྒྱལ་བ་ལྔ་རུ་རྒྱལ་གྱུར་ཅིག་།ཕུང་པོ་ལྔ་ནི་དེ་བཞིན་གཤེགས་པ་ལྔར?། །དེ་ལ་བཞི་ནི?་རྣམ་པར་ཤེས་པ་ཙམ་དུ་རྟོགས་པར་བྱ་བའི་ཕྱིར། མི་བསྐྱོད་པས་རྒྱས ་བཏབ་པའོ། །དེ་ལྟར་ན་ཕྱི་རོལ་གྱི་རྣམ་པ་ནི་སེམས་ཙམ་ཡིན་པས། གཟུང་བའི་དངོས་པོ་མེད་ལ། འཛིན་པ་ཡང་སྟོང་པ་སྟེ། གཟུང་བ་དང་འཛིན་པ་སྤངས་པའི་དོན་དམ་པ་ཡོད་པ། མཆོག་ཏུ་ཉམས་སུ་མྱོང་བ་ཙམ་གྱིས་རྣམ་པར་རིག་པར་གནས་སོ། །དེ་ཉིད་སྟོན ་