Wylie

e-texts based on the ACIP/ALL Input

སྲུང་བ་བྱའོ། །རྟེན་འབྲེལ་གྱིས་མཐུས་བསྲུང་བ་རྫོགས་སོ།། (ལག་ན་རྡོ་རྗེ་ལྕེ་དབབ་ཀྱི་སྔོན་འགྲོའི་ས་ནག་སྦྱོར་སྤྱོད་ལམ་བརྒྱད་པ་བཞུགས།།)་།།བཅོམ་ལྡན་འདས་ཕྱག་ན་རྡོ་རྗེ་གོས་སྔོན་པོ་ཅན་ལ་ཕྱག་འཚལ་ལོ། །རྣལ་འབྱོར ་པ་རྣམས་རྒྱུན་ཏུ་བྱ་བའི་ཆོ་ག་ནི། ཐུན་མོང་གི་སྤྱོད་ལཾ་བརྒྱད་ཀྱིས་བསྟན་ཏེ། ཁྲུས་དང། མཆོད་པའི་རྣལ་འབྱོར་དང། ཟས་དང། སྐོམ་དང། གཏོར་མ་དང། སྒོམ་པ་བཟླས་བརྗོད་ཀྱི་སྤྱོད་ལམ་བརྒྱད་དོ། །དང་པོ་ཁྲུས་ཀྱིས་རྣལ་འབྱོར་ནི།། ་རང་ཉིད་བསྐྱེད་པའི་རིམ་པ་སྒོམས་ཏེ། རིན་ཆེན་བུམ་པ་མཛེས་པ་རུ། །ཆུ་གཙང་སྲོག་ཆགས་མེད་པ་དང། །ཙནདན་ལ་སོགས་དྲིས་སུ་དགང། །བདག་གི་ཐུགས་ཀའི་ས་བོན་གྱིས། །བུམ་པ་སྦྱངས་ཏེ་བྷྲུཾ་གྱིས་བསྐྱེད། །དེ་རུ་ལྷ་བསྐྱེད་ཡེ་ཤེས་བསྟིམ། ་མཆོད་བྱས་སྔགས་ནི་བཟླས་ནས་སུ། །དྲངས་ནི་ཐིམ་ནས་འོད་དུ་ཞུ། །རང་གི་ཐུགས་ཀའི་ས་བོན་གྱིས། །ཡི་གེ་བཾ་བསྒོམ་པདྨར་གྱུར། །དེ་ཉིད་ནམ་མཁའ་ཨི་སྟེང་ཕྱོགས་བསམ། །དེ་སྟེང་སངས་རྒྱས་སྤྱན་ལ་སོགས། །རྫུས་སྐྱེས་བུམ་པ་ཐོགས་པ་བསམ། ་རང་བཞིན་དཀྱིལ་འཁོར་ལྷ་མོ་ཡང། །བདུད་རྩི་བུམ་པ་ཐོགས་ནས་སུ། །བཀྲ་ཤིས་རྡོ་རྗེ་གླུ་ལེན་ཅིང། །བདུད་རྩི་དཀར་པོ་དྲི་མེད་ཀྱིས། །རང་གི་སྤྱི་བོར་བླུགས་པར་བསམ། །དྲི་མེད་དག་ནས་མི་བསྐྱོད་འགྱུར། །དེ་ནི་དུས་ཆེན་ཁྱད་པར་དུ། །རྒྱུན་ཏུ ་འགྲུབ་ན་བསོད་ནམས་ཆེ། །དེ་ནི་ཁྲུས་ཀྱི་རྣལ་འབྱོར་རྒྱས་པའོ། །དེ་ནས་བསྡུས་པ་འདོད་པ་ལ། །རང་ཉིད་སྟོང་པའི་ངང་ལས་ནི། །ས་བོན་ལས་ནི་ལྷར་བསྐྱེད་དེ། །ཁྲུས་ཀྱི་བུམ་པ་དག་ལ་ཡང། །སྔགས་བཏབ་སྦྱངས་ཏེ་བདུད་རྩིར་གྱུར། །ཐུགས ་ཀའི་ཧཱུཾ་ལས་འོད་ཟེར་འཕྲོས། །རང་བཞིན་དཀྱིལ་འཁོར་ལྷ་ལ་ཕོག་།ལྷ་མོ་བུམ་པ་ཐོགས་པ་ཡིས། །བདུད་རྩི་ཆུ་བླུགས་སྒྲིབ་པ་དག་།དེ་ལས་ཤིན་ཏུ་བསྡུས་པ་ནི། །སྐད་ཅིག་རྫུས་སྐྱེས་ལྷ་རུ་བསམ། །ཐུགས་ཀའི་ཧཱུཾ་ལས་འོད་ཟེར་འཕྲོས ་ཆུ་ལ་ཕོག་པས་བདུད་རྩིར་གྱུར། །ལྷ་མོ་བུམ་པ་ཐོགས་པ་ཡིས། །ཁྲུས་བྱས་དྲི་མ་དག་པར་འགྱུར། །དེ་དག་ཀུན་གྱི་སྔོན་དུ་ནི། །སེམས་བསྐྱེད་པ་དང་ལྡན་བྱས་ཏེ། །བདག་དང་སེམས་ཅན་ཐམས་ཅད་ཀུན། །ཕྱག་རྒྱའི་དངོས་གྲུབ་ཐོབ་བྱའི ་ཕྱིར། །བདག་གིས་ཁྲུས་ནི་འདི་བྱའོ། །མཐར་སྨོན་པ་ཡི་བྱང་ཆུབ་སེམས། །ཕྱག་རྒྱའི་མཆོག་ཏུ་བསྔོ་བར་བྱའོ། །དེ་རྣམས་སྔགས་དང་ཕྱག་རྒྱ་ནི། །ོཾ་བཛྲ་ཥྣ་ཧཱུཾ་ཕཊ། ཕྱག་རྒྱ་རྡོ་རྗེ་ཁུ་ཚུར་གཉིས་མཐེ་བོང་སྦྲེང་སྟེ་སྤྱི་བོར་བཞག་།ཡང་ན་རྒྱུད་གཞན་སོ་སོ་ཡི།། ་སྔགས་དང་ཕྱག་རྒྱ་དག་གིས་བྱ། །དབང་བསྐུར་ཁྲུས་དང་ལྡན་པ་ཡི། །དེ་ནས་མཆོད་པའི་རྣལ་འབྱོར་བསྟན། །ས་གཞི་སྐྱོན་སྤངས་ཡོན་ཏན་ལྡན། །བ་ཡི་རྣམ་ལྔར་ལྡན་པ་ཡིས། །མཎྜལ་ཡིད་འོང་མཛེས་པར་བྱས། །ཚད་ལྡན་དབྱིབས་ལྡན་དེ་ལ་ནི། ། ་དང་པོར་དྲི་ལྡན་ཆུ་ཡིས་ནི། །བྱུགས་ཆེ་ཉི་ཟླའི་གདན་དུ་བསམ། །དེ་སྟེང་མེ་ཏོག་འགྲེམས་པའི་ཚེ། །པདྨ་དག་ཏུ་གྱུར་པར་བསམ། །དེ་གསུམ་སྔགས་དང་བརྗོད་པར་བྱ། །མཆོད་པ་དྲི་མེད་བཤམས་ནས་ཀྱང། །རང་ཉིད་ཆོ་གས་ལྷར་བསྐྱེད་དེ། །རང་གི་ཐུགས་ཀྱི ་ས་བོན་གྱིས། །འོད་འཕྲོས་ཐུགས་ཀའི་ལྷ་ཡང་གསལ། །པདྨའི་སྟེང་དུ་གཟུགས་བརྙན་ཤར། །དེ་ནས་སྔགས་དང་ཕྱག་རྒྱ་དང། །ཏིང་འཛིན་ལྡན་པའི་འོད་ཟེར་གྱིས། །ཡེ་ཤེས་ལྷ་ནི་སྤྱན་དྲངས་ཏེ། །གཟུགས་བརྙན་ཉིད་ལ་བསྟིམ་པར་བྱ། །ཡང་ན་འོད་ཟེར ་འཕྲོས་པས་སུ། །བླ་མ་སྤྱན་དྲངས་སྒྲིབ་པ་སྦྱང། །མི་བསྐྱོད་གྱུར་ནས་དབུ་ལ་བཞུགས། །དང་པོ་ཕྱག་ནི་བཙལ་བྱ་སྟེ། །དེ་ནས་མཆོད་བ་རྒྱས་པར་དབུལ། །དེ་ཡང་དང་པོ་བླ་མ་ལ། །དེ་ནས་དཀྱིལ་འཁོར་ལྷ་ལ་དབུལ། །མཆོད་པ་དབུལ་བའི་དབུལ་ས ་ཡང། །དང་པོ་མེ་ཏོག་གདན་བསམས་ཏེ། །ཞབས་གཉིས་ལ་ནི་དབུལ་བར་བྱ། །དེ་ནས་ཞལ་བསིལ་གདོང་དང་ཕྱག་།མཐོར་འཐུང་ཞལ་གྱི་ནང་དུ་དབུལ། །ཉེ་རེག་ཐུགས་ཀར་བྱུག་པར་བྱ། །ཡོན་ནི་ཞབས་ཀྱི་དྲུང་དུ་དབུལ། །སྐུ་ཁྲུས་དབུ་ལ་དབུལ་བར ་བྱ། །བདུག་སྤོས་ཤངས་ལ་དབུལ་བར་བྱ། །མེ་ཏོག་དབུ་ལ་དབུལ་བར་བྱ། ལྷ་བཤོས་ལྗགས་ལ་དབུལ་བར་བྱ། །སིལ་སྙན་སྙན་ལ་དབུལ་བར་བྱ། །རིན་ཆེན་མཛོད་པུར་དབུལ་བར་བྱ། །གདུགས་དང་རྒྱལ་མཚན་ལ་སོགས་པ། །སྐུ་ཉིད་ལ་ནི ་དབུལ་བར་བྱ། །དེ་ནི་ཕྱི་ཡི་མཆོད་པ་དང། །ནང་གི་མཆོད་པ་འདི་ལྟ་སྟེ། །སྒེག་མོ་ལ་སོགས་ལྷ་མོ་རྣམས། །སྦྲུལ་ལ་མཆོད་པ་དབུལ་བར་བྱ། །གསང་བའི་མཆོད་པ་བདུད་རྩི་ཡིས། །ལྷ་རྣམས་དགྱེས་པ་བསྐྱེད་པར་བསམ། །དེ་འོག་རྩ ་བའི་ལྟུང་བ་རྣམས། །རང་གི་བློ་ལ་བགྲང་བསྔོ་བྱ། །ཉེས་པ་གང་གྱུར་དེ་ལ་ནི། །ཆོད་དུ་གཏད་དེ་བཤགས་པ་བྱ། །དང་པོར་བསམ་པ་གཙོར་བྱས་ཏེ། །ཚིག་གིས་ཀྱང་ནི་བཤགས་པ་བྱ། །དེ་འོག་ཡི་གེ་བརྒྱ་པས་སྐྱངས། །དེ་ནས་འཇིག་རྟེན་འདས་པ་དང།། ་འཇིག་རྟེན་པ་ཡི་དགེ་བ་ལ། །དགའ་བ་བསྐྱེད་དེ་རྗེས་ཡི་རང། །དེ་འོག་བླ་མ་དཀྱིལ་འཁོར་དང། །སངས་རྒྱས་བྱང་ཆུབ་སེམས་དཔའ་ལ། །མྱ་ངན་མི་འདའ་གསོལ་བ་གདབ། །དེ་ནས་ཆོས་ཀྱི་འཁོར་ལོ་ནི། །བསྐོར་བ་ཡང་ནི་གསོལ་བ་གདབ། །དེ ་ནས་བླ་མ་སངས་རྒྱས་དང། །བྱང་ཆུབ་སེམས་དཔའ་དག་ལ་ཡང། །སྐྱབས་སུ་མཆི་ཞིང་ལུས་ཀྱང་དབུལ། དེ་འོག་སྡོམ་པ་བཟུང་བར་བྱ། །རོལ་མོ་སིལ་སྙན་ལྡན་པ་ཡིས། །རྡོ་རྗེ་སྔགས་ནི་མགུར་བཅས་ནས། །ཉི་ཤུ་རྩ་གཅིག་བདུན་གསུམ་གྱིས།། ་ལྷ་རྣམས་ལ་ནི་བསྐོར་བ་བྱ། །དེ་འོག་མཆོད་སོགས་དགེ་བ་རྣམས། །བྱང་ཆུབ་ཆེན་པོར་བསྔོ་བར་བྱ། །ཡེ་ཤེས་གཤེགས་ནས་ཏིང་འཛིན་བསྡུ། །དེ་ནས་ཅི་བདེར་དོན་གཞན་བྱ། །དེ་ནི་མཆོད་པ་རྒྱས་པའི་ཚད། །དེ་ལ་བསྡུས་པ་འདོད་པ་རྣམས། །མཎྜལ ་དངོས་སམ་ཡིད་ཀྱི་བསམ། །རང་ཉིད་སྟོང་པའི་ངང་ལས་ནི། །ས་བོན་ལས་ནི་ལྷར་བསྐྱེད་དེ། །ཡེ་ཤེས་དཀྱིལ་འཁོར་སྤྱན་དྲངས་ཏེ། །རྫས་རྣམས་དངོས་སུ་མ་འབྱོར་ཡང། །སྔགས་དང་ཕྱག་རྒྱ་ཏིང་འཛིན་གྱིས། །མཆོད་པ་རྣམ་ལྔ་གསང ་མཆོད་ཙམ། །ཡིད་ཀྱིས་བཤགས་པ་ལ་སོགས་བྱ། །ཤིན་ཏུ་བསྡུས་པར་འདོད་པ་ལ། །རང་ཉིད་སྐད་ཅིག་ལྷར་བསམས་ཏེ། །བླ་མ་ཡི་དམ་ལྷ་ལ་སོགས། །རྫུས་སྐྱེས་ཚུལ་དུ་མདུན་དུ་བསམ། །བསམ་པས་བདུད་རྩི་མཆོད་པ་དང། །སྡིག་པ ་བཤགས་དང་དགེ་རྩ་བསྔོ། །འདི་ནི་ཤིན་ཏུ་བསྡུས་པའོ། །ཟས་ཀྱི་རྣལ་འབྱོར་བསྟན་པ་ནི། །རང་ཉིད་ཆོ་གས་ལྷར་བསྐྱེད་ལ། །ལྟེ་བའི་འོག་ཏུ་རླུང་བསམས་ཏེ། །དེ་སྟེང་འབྱུང་བ་མེ་བསམ་མོ། །རླུང་གི་མེ་ལྕེས་སྙིང་ག་སླེབས། །སྙིང་གའི་དཀྱིལ་འཁོར་ལ་གསལ ་ཏེ། །འོད་ཀྱི་ཁང་པའི་ནང་ན་འབར། །ལྕེ་ནི་ཧཱུཾ་ལས་རྡོ་རྗེར་བསམ། །ཡར་ཀན་པཾ་ལས་པདྨ་བསམ། །དེ་ཉིད་ཐབས་དང་ཤེས་རབ་ལྡན། །ཡང་ན་ཁ་ནི་དགང་གཟར་བསམ། །ལག་པ་བླུགས་གཟར་ཉིད་དུ་བསམ། །ཟས་རྣམས་བྱིན་གྱིས་བརླབས་པ་ནི།། ་སྣོད་ནི་ཨ་ལས་ཀ་པཱ་ལ། །རྫས་ནི་བདུད་རྩིའི་ཡི་གེ་ཡིས། །བདུད་རྩི་རྣམ་པ་ལྔ་རུ་བསམ། །དེ་འོག་རཾ་དང་ཡཾ་ལས་ནི། །མེ་དང་རླུང་གི་དཀྱིལ་འཁོར་ནི། །གྲུ་གསུམ་ཟླ་གམ་བ་དན་ཅན། །ཐོད་པའི་ནང་གི་ཡི་གེ་གསུམ། །མུ་ཏིག་ཙང་ལ ་བརྒྱུས་པ་བཞིན། །དེ་སྟེང་རྡོ་རྗེ་ལྟེ་བ་ལ། །ཡི་གེ་ཧཱུཾ་གིས་མཚན་པར་བསམ། །དེ་སྟེང་ཟླ་བའི་དཀྱིལ་འཁོར་ལ། །ཡི་གེ་ཨོཾ་གྱིས་མཚན་པ་བསམ། །ཡི་གེ་ཧཱུཾ་གི་འོད་ཟེར་གྱིས། །བ་དན་བསྐྱོད་པས་རླུང་བྱུང་སྟེ། །རླུང་གི་མ་སྤང་བདུད་རྩི ་བཞུ། །ཧཱུཾ་གིས་བསྡུས་ཤིང་ཨཱ(རྒྱུད་འགྲེལ་ཕོག་ཟླ་བ་ཞུ། །དམ་ཚིག་དང་འདྲེས་རྡོ་རྗེ་ཕབ། །ཆ་གཉིས་གཅིག་འདྲེས་རྡོ་རྗེར་ཞུ། །བདུད་རྩི་དྲི་མེད་དཀར་པོ་དེས། །སྙིང་གའི་ལྷ་ལ་མཆོད་བྱས་ཏེ། །སྦྱིན་སྲེག་ཚུལ་དུ་བཟའ་བར་བྱ། །ཟས་ཀྱི་རྣལ་འབྱོར་རྒྱས་པའོ། །རང་ཉིད་ལྷག་པའི་ལྷར ་བསམས་ཏེ། །སྙིང་ཁར་ལྷ་ཡི་རྣལ་འབྱོར་བསམ། །ཟས་རྣམས་བྱིན་གྱིས་བརླབ་པ་ནི། །པདྨ་མཛེས་པའི་སྣོད་ངག་ཏུ། །བདུད་རྩི་རྣམ་པ་ལྔ་བསམས་ཏེ། །ལག་པ་གཡོན་པའི་ཟླ་སྟེང་ནས། །ོཾ་ལས་འོད་འཕྲོས་བདུད་རྩི་བསྲེགས། གཡས་ཀྱི ་ཉི་མའི་སྟེང་ནས་ནི། །ཱ(རྒྱུད་འགྲེལ་རྣལ་འབྱོར་རོ། །སྐད་ཅིག་རྫུས་སྐྱེས་རྣལ་འབྱོར་གྱིས། །བདག་དང་ཐུགས་ཀའི་ལྷ་གཉིས་གསལ། །ཐུགས་ཀའི་ཧཱུཾ་ལས་འོད་འཕྲོས་པས། །ཟས་ལ་སོགས་པ་བདུད་རྩི་བཞུ། །སླར་ཡང་ཡེ་ཤེས་བདུད་རྩི་འབབ། །ཆ་གཉིས་འདྲེས་པའི ་བདུད་རྩི་དེ། །ཐུགས་ཀའི་ལྷ་ལ་མཆོད་པར་བྱ། །ཤིན་ཏུ་བསྡུས་པའི་རྣལ་འབྱོར་རོ། །བཏུང་བའི་རྣལ་འབྱོར་བསྟེན་པ་ནི། །རང་ཉིད་བསྐྱེད་པ་ལ་སོགས་ནི། །ཟས་ཀྱི་རྣལ་འབྱོར་ཉིད་དང་མཐུན། །བཏུང་བ་བྱིན་གྱིས་བརླབ་པ་ནི། །སྣོད་ནི ་ཨ་ལས་ཀ་པཱ་ལ། །བྱིན་གྱིས་བརླབས་ནས་དེ་ནང་དུ། །བྱང་ཆུབ་སེམས་ཀྱི་ས་བོན་བསམ། །ཐུགས་ཀའི་ཡི་གེའི་ས་བོན་ལས། །ཧ་འཕྲོས་པས་ནི་རྣམ་རྟོག་སྦྱངས། །ཧྲི(རྒྱུད་འགྲེལ་བཞུ། །ལག་པ་གཡོན་གྱི་མཐེ་བོ་ནི། །ཧཱུཾ་གིས་ས་གཞི་བྱིན་གྱིས་བརླབས། །སྲིན་ལག་གསུམ་ལས་རི་རབ་ཏུ། །བྱིན་གྱིས་བརླབས་པའི་བང་རིམ་ལས། །ཡི་གེ་མི་གྱི་འོད་འཕྲོས་ཏེ། །དེ་བཞིན་གཤེགས་པའི་སྨིན་མཚམས་ཕོག་། ་ཡབ་ཡུམ་གཉིས་མེད་སྦྱོར་བ་ལས། །བྱང་ཆུབ་སེམས་ཀྱི་བདུད་རྩི་བབ། །ཡང་ན་ཡུམ་ཆེན་མཱ་མ་ཀཱི་།བདུད་རྩི་ཐོགས་པ་དཔག་མེད་བྱུང། །དམ་ཚིག་བདུད་རྩིའི་ནང་དུ་བྱོ། །ཆ་གཉིས་གཅིག་ཏུ་འདྲེས་པ་ཡི། །བདུད་རྩི་རི་རབ ་དག་གིས་བསྲུབས། །རི་རབ་ཉིད་ཀྱང་འོད་དུ་ཞུ། །བདུད་རྩི་དྲི་མེད་དཀར་པོ་དེས། །ཐུགས་ཀའི་དཀྱིལ་འཁོར་ལྷ་རྣམས་ལ། །སྦྱིན་སྲེག་ཚུལ་ལམ་མཆོད་པ་ཡི། །ཚུལ་གྱིས་འཐུངས་པས་བདེ་བ་བསྐྱེད་པར་འགྱུར་བའམ། །ཡང་ན་བདུད་རྩིའི ་མཆོད་པ་ནི། །ཕྱི་རོལ་མཎྜལ་སྟོང་སྟེང་དུ། །ཆོས་འབྱུང་གྲུ་གསུམ་བྲི་བར་བྱ། །མེ་ཏོག་ཚོམ་བུ་དགོད་པར་བྱ། །རྫོགས་པའི་རྣལ་འབྱོར་ཏིང་འཛིན་གྱིས། །ཡེ་ཤེས་དཀྱིལ་འཁོར་སྤྱན་དྲངས་ཏེ། །པདྨའི་སྟེང་དུ་བཞུགས་བསམས་ལ། །སོ་སོའི་རྩ་བའི་སྔགས ་ཀྱིས?་ནི། །བདུད་རྩིའི་འཐོར་བསྲུང?་མཆོད་པ་དབུལ། །ཐབས་དང་ཤེས་རབ་དང་ལྡན་པས། །རྡོ་རྗེའི་གླུ་ནི་ཕྲ་མོ་ཡིས། །ལན་གསུམ་སྐུ་གསུང་ཐུགས་ལ་མཆོད། །དེ་ནས་ཐུགས་ཀའི་དཀྱིལ་འཁོར་མཆོད། །དེ་ནི་རྒྱས་པའི་རྣལ་འབྱོར་རོ། །བསྡུས་དང ་ཤིན་ཏུ་བསྡུས་པ་གཉིས། །ཟས་ཀྱི་རྣལ་འབྱོར་ཉིད་དང་མཐུན། །གཏོར་མའི་རྣལ་འབྱོར་བསྟན་པ་ནི། །རང་ཉིད་བསྐྱེད་རིམ་ཚུལ་བསྒོམས་ལ། །གཏོར་མ་བྱིན་གྱིས་བརླབ་པ་ནི། །ཟས་ཀྱི་རྣལ་འབྱོར་ཉིད་དང་མཐུན། །མཆོད་པར་བྱ་བའི་མགྲོན་རྣམས ་ནི། །འཇིག་རྟེན་འདས་དང་འཇིག་རྟེན་པ། །མདུན་དུ་པཾ་ལས་པདྨར་བསྐྱེད། །འདབ་བརྒྱད་སྟེང་དུ་དུར་ཁྲོད་བརྒྱད། །དབུས་ཀྱི་ལྟེ་བར་ཨེ་ལས་ནི། །ངར་མོ་ང་ཡིའི་ཆོས་འབྱུང་བས། །དེ་ནས་འཇིག་རྟེན་འདས་པར་བསྐྱེད། །ཕྱི་རོལ་དུར་ཁྲོད་བརྒྱད་ལ ་ནི། །འཇིག་རྟེན་པའི་འཁོར་རྣམས་བསྐྱེད། །རང་བཞིན་དཀྱིལ་འཁོར་རྣམ་གཉིས་ཀྱང། །སྤྱན་དྲངས་དམ་ཚིག་དག་ལ་བསྟིམ། །སོ་སོའི་སྔགས་དང་ཕྱག་རྒྱ་ཡིས། །གཏོར་མ་བསྟབ་ཅིང་ཕྲིན་ལས་བཅོལ། །སིལ་སྙན་རྡོ་རྗེ་མགུར་གླུར་ལྡན། །མཆོད ་ཅིང་བསྟོད་ནས་གཤེགས་སུ་གསོལ། །ཏིང་འཛིན་བསྡུས་ཏེ་དགེ་རྩ་བསྔོ། །དེ་ནི་རྣལ་འབྱོར་རྒྱས་པའོ། །བསྡུས་པ་སྟོང་ཉིད་དང་ལས་ནི། །ས་བོན་ལས་ནི་ལྷར?་བསྐྱེད་དེ། །གཏོར་མ་བྱིན་གྱིས་བརླབ་པ་ནི། །ཟས་ཀྱི་རྣལ་འབྱོར་འབྲིང་དང་མཐུན། ། ་ཤིན་ཏུ་བསྡུས་པའི་རྣལ་འབྱོར་ནི། །སྐད་ཅིག་རྫུས་སྐྱེས་ལྷར་བསྐྱེད་ལ། །གཏོར་མ་སོ་སོའི་ས་བོན་གྱིས། །སྤྱང་བ་བྱས་ཏེ་གོད་དང་མཐུན། །དེ་རྣམས་གཏོར་མའི་རྣལ་འབྱོར་རོ། །དེ་ནས་སྤྱོད་ལམ་རྣལ་འབྱོར་ནི། །ནང་པར་ལངས་པའི་ཚེ་ན་ནི། །བདག ་རང་ཡི་དམ་ལྷར་བསམས་ཏེ། །འགྲོ་བ་ཕོ་རྣམས་ཐམས་ཅད་ནི། །བདེ་གཤེགས་སྤྲུལ་པ་ཉིད་དུ་བལྟས། །འགྲོ་བ་མོ་རྣམས་ཐམས་ཅད་ནི། །བདེ་གཤེགས་ཡུལ་གྱི་ལྷ་མོར་བལྟ། །སྣོད་ཀྱི་འཇིག་རྟེན་འདི་དག་ཀུན། །ལྷ ་ཡི་གཞལ་ཡས་ཉིད་དུ་བལྟ། །ཐམས་ཅད་སྒྱུ་མའི་རང་བཞིན་དུ། །ཐབས་དང་ཤེས་རབ་རོལ་པས་སྤྱོད། །ཉོན་མོངས་དྲག་པོ་ལངས་ཙམ་ན། །གང་དང་གང་འདུལ་གཉེན་པོར་བསྟེན་།འགྲོ་བ་སེམས་ཅན་དོན་བྱ་སྙམ། །འདུག་ན་བྱང་ཆུབ ་སྙིང་པོར་འཇུག་།ནུབ་མོ་ཉལ?་བའི་ཚེ་ན་ནི། །ཆོས་ཉིད་སྟོང་པའི་ངང་ལས་ཉལ། །དགེ་བའི་བསམ་པས་ཉལ་བར་བྱའོ། །བསྡུས་པའི་སྤྱོད་ལམ་བྱ་བ་ནི། །དང་པོ་ནང་པར་ལངས་ཚེ་ན། །ཉིན་མོ་ཐུན་མཚམས་བཞི་རྣམས་དང། །ནུབ་མོ ་ཉལ་བའི་དུས་དག་ཏུ། །རྣལ་འབྱོར་པ་ཉིད་གོང་བཞིན་བྱ། །ཤིན་ཏུ་བསྡུས་པའི་སྤྱོད་ལམ་ནི། །དང་པོར་ནང་པར་ལངས་དུས་དང། །ནུབ་མོ་ཉལ་བའི་དུས་དག་ཏུ། །སྤྱོད་ལམ་གོང་བཞིན་དྲན་པར་བྱ། །རྣལ་འབྱོར་དེ་རྣམས་ཀུན་ལ་ཡང། ། ་སྔོན་དུ་བྱང་ཆུབ་སེམས་བསྐྱེད་ཅིང། །ཐ་མ་དགེ་བ་བྱང་ཆུབ་བསྔོ། །དེ་ལྟར་རྒྱུན་ཏུ་བྱས་པ་ཡི། །དགེ་བའི་མཐུ་ཡི་བྱིན་རླབས་ཀྱིས། །ཕྱག་རྒྱ་མཆོག་གི་གྲོགས་འགྱུར་ཞིང། །ཐུན་མོང་དངོས་གྲུབ་ཐོབ་པར་འགྱུར། །དངོས་གྲུབ་རྣམ ་གཉིས་མ་ཐོབ་ཀྱང། །ལྷ་དང་མིའི་རིགས་སྐྱེ་ཞིང། །བསོད་ནམས་ལྷུན་གྲུབ་ཐོབ་པར་འགྱུར། །བསྒོམ་དང་བཟླས་པའི་བསྡུས་རྒྱས་ནི། །རྒྱུད་དང་སྒྲུབ་ཐབས་ལ་སོགས་སུ། །བླ་མའི་ཞལ་གྱི་མན་ངག་གིས། །ཤེས་པར་བྱ་སྟེ་ཉམས་སུ ་བླང། །སྒོམ་པ་བསྟན་པའི་རིམ་པ་ཡང། །བླ་མ་འཆད་པའི་བརྒྱུད་ཤེས་པས། །སློབ་མ་ཉིད་ཀྱིས་ཤེས་པར་བྱ། །རིན་ཆེན་ལྟ་བུའི་གང་ཟག་ལ། །རྫོགས་པའི་མན་ངག་རིམ་པ་བསྟན། །དེ་ལས་གཞན་པའི་སློབ་མ་ལ། །བསྐྱེད་པའི་རིམ ་པའི་མན་ངག་བསྟན། །དེ་ལ་བསྟན་ནས་ཕྱི་དུས་སུ། །རྫོགས་པའི་རིམ་པ་བསྟན་དུ་རུང། །དེ་ལས་གཞན་པ་ཁ་ཅིག་ལ། །ཟབ་མོ་དོན་རྣམས་མི་བསྟན་པར། །མི་ཟད་དབྱིངས་ཀྱི་ཆོས་རྣམས་བསྟན། །དེ་རྣམས་གསུམ་གྱི་འབྲས་བུ་ནི། །སྐྱེ་བ་འདི་ལས ་འབྱུང་བ་དང། །སྐྱེ་བ་བདུན་ལ་འབྱུང་བའོ། །འཇིག་རྟེན་གསུམ་གྱི་ལས་ཀྱིས་ནི། །ཐུན་མོང་དངོས་གྲུབ་ཁོ་ན་འགྲུབ། །དཔེར་ན་སྟོན་གྱི་མེ་ཏོག་བཞིན། །འབྲས་བུ་དག་ལ་སྤྲོ་བསྐྱེད་ལ། །བརྩོན་འགྲུས་ཆེན་པོའི་གོ་ཆ་གྱོན། །ལེ་ལོ་སྤངས་ཤིང ་ཉིན་མཚན་དུ། །རྣལ་འབྱོར་དག་ནི་ཆག་མི་བྱ། །སྙོམས་ལས་ལེ་ལོས་ཆག་གྱུར་ནས། །བདེ་གཤེགས་བཀའ་ལས་འདས་པ་ན། །རྩ་བའི་རབ་འབྲིང་ཐ་མ་ལ། །ཐ་མས་ཉམས་པའི་ཆར་འགྱུར་བས། །ཉམས་པ་སྦྱང་ཞིང་སླར་གསོལ་པ། །བླ ་མ་མཆོད་པའི་དུས་སུ་ནི། །ཡི་གེ་བརྒྱ་པའི་ཆོ་ག་ཡིས། །སྦྱངས་པས་སླར་ནི་སོར་ཆུད་འགྱུར། །འདི་དང་མི་ལྡན་སྔགས་པ་ནི། །གླང་ཆེན་མྱོས་འདྲ་ཇི་བཞིན་ནོ། །འདི་དང་ལྡན་པའི་སྔགས་པ་ནི། །སེང་ཕྲུག་སེང་གེའི་གདུང་འཚོབ་འདྲ། །དེ་ལ ་ནན་ཏན་ཆེར་བསྐྱེད་ཅིང། །ཕྱག་ན་རྡོ་རྗེ་ལྕེ་དབབ་ཀྱི་སྔོན་དུ་འགྲོ་བའི་ཡན་ལག་།རྣལ་འབྱོར་གྱི་སྤྱོད་ལམ་བརྒྱད་པ་ཞེས་བྱ་བ། །སློབ་དཔོན་རྒྱལ་པུ་སྤྲིན་གྱི་ཤུགས་ཅན་གྱིས་མཛད་པ་རྫོགས་སོ།། །།སློབ་དཔོན་རྒྱལ་བུ་སྤྲིན་གྱི ་ཞུགས་ཅན་གྱིས་རྒྱུད་དང་མི་འགལ་པར་མཛད་པའོ། །ཛ་ཡ་ཨཱ་ཀ་ར་དང། མར་པ་ལོཙྪ་བས་བསྒྱུར་ཅིང་ཞུས་ཏེ་གཏན་ལ་ཕབ་པོ།། (།།གསང་བའི་བདག་པོ་ཕྱག་ན་རྡོ་རྗེའི་སྒྲུབ་ཐབས་བཞུགས་སོ།།)་།།གསང་བ་པའི་བདག་པོ་ལག་ན་རྡོ་རྗེ་གོས ་