Wylie

e-texts based on the ACIP/ALL Input

ལོཙྪ་བ་མར་པས་བསྒྱུར་ཅིང་གཏན་ལ་ཕབ་ནས་བསྒྱུར་བའོ།། །།རྒྱ་གར་སྐད་དུ། བྷ་ག་ཨཱན་ནཱི་ལཱཾ་བ་ར་དྷ་ར་བཛྲི་ཧཾ། བཛྲ་པཱ་ཎི་སཱ་དྷ་ར་ནཱ་མ། བོད་སྐད་དུ། བཅོམ་ལྡན་འདས་ཕྱག་ན་རྡོ་རྗེ་ལྕེ་དབབ་ཀྱི་གསང་བའི་ཡང་བཀོལ་གྱི ་སླབ་པའི་ཐབས་ཞེས་བྱ་བ། བཅོམ་ལྡན་འདས་ཕྱག་ན་རྡོ་རྗེ་གོས་སྔོན་པོ་ཅན་ལ་ཕྱག་འཚལ་ལོ། །གཡས་བསྐུམ་གཡོན་བརྐྱང་གར་དགུས་ནི། །རི་བོང་འཛིན་ལ་གར་གྱི་བཞུགས། །རིགས་སྔགས་གསང་སྔགས་ཀུན་གྱི་གཙོ། །རྡོ་རྗེ་འཆང་ལ་ཕྱག ་འཚལ་ནས། །དེ་ནས་བླ་མའི་བཀའ་དྲིན་གྱིས། །ཇི་ལྟར་རིམ་པས་སྒྲུབ་པའི་ཐབས། །བདག་ནི་བླ་མའི་རྗེས་དྲན་པས། །དེ་ཡི་སྒྲུབ་ཐབས་ཆོ་ག་བཤད། །དང་པོར་རྣལ་འབྱོར་སྣོད་ལྡན་གྱིས། །རྡོ་རྗེ་འཛིན་ལ་སྒྲུབ་འདོད་པས། །དུར་ཁྲོད་དབེན་པའི་གནས ་ཕྱོགས་སུ། །རོ་གསུམ་མེད་པའི་ས་ལ་ནི། །མཎྜལ་འམ་དཀྱིལ་འཁོར་ལེགས་བྱས་ལ། །མེ་ཏོག་སྔོན་པོས་མཛེས་བྱས་ལ། །མདུན་དུ་རྟེན་ལ་སོགས་པ་དགྲམ། །ཕྱི་ཡི་མཆོད་པ་རྣམ་ལྔ་དང། །ནང་གི་བདུད་རྩི་གཏོར་མར་བཅས། །ཤ་ཆང་ཟས་ཀྱི ་ལོངས་སྤྱོད་བཤམ། །རྣལ་འབྱོར་གནས་བཅས་ཤེས་རབ་ཅན། །ཁྲུས་བྱ་ཉེ་རེག་འཐོར་འཐུང་གསང་གཏོར་བྱའོ། །བདེ་བའི་སྟན་ལ་རབ་འདུག་ནས། །རྡོ་རྗེ་རྒྱལ་པོའི་སྐྱིལ་ཀྲུང་བཅའ་། །ཡན་ལག་བདུན་དང་ལྡན་པ་ཡི། །སེམས་བསྐྱེད་སྔོན་དུ་འགྲོ ་བར་བྱ། །དེ་ནས་རང་གི་སྙིང་ཁར་ཟླ་བའི་དཀྱིལ་འཁོར་ལ་གནས་པའི་ས་བོན་གྱིས། བླ་མ་དང་གོས་སྔོན་ཅན། སངས་རྒྱས་དང་བྱང་ཆུབ་སེམས་དཔའ་ཐམས་ཅད་སྤྱན་དྲངས་ལ། ས་བོན་ལས་བྱུང་བའི་མཆོད་པའི་བྱེ་བྲག་གིས། གདན་དབུལ་བ་དང། ་ཕྱག་འཚལ་བ་དང། ཉེ་རེག་དང། འཐོར་འཐུང་བསད་གཏོར་དབུལ་བ་དང། མཆོད་པ་ལ་སོགས་ཏེ་ཡན་ལག་བདུན་པ་བྱའོ། །བླ་མ་དང་ནི་གོས་སྔོན་ཅན། །ཕྱོགས་བཅུ་ན་བཞུགས་པའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ། ། ་མཆོད་པ་སྣ་ཚོགས་པ་དང། མེ་ཏོག་ལ་སོགས་པ་ཕུལ་ལ། སེམས་ཅན་ཐམས་ཅད་སྡུག་བསྔལ་ལས་སྐྱབ་པའི་ཕྱིར། བདག་གིས་སྡིག་པ་མ་ལུས་པར་ནི་བཤགས་པར་བགྱི། དེ་ནས་བླ་མ་དན་ནི་གོས་སྔོན་ཅན། །སངས་རྒྱས་དང་བྱང་ཆུབ་སེམས་དཔའ་ཨི་ཆགས་དང་ནི ་སློབ་དང་མི་སློབ་ལ་སོགས་སེམས་ཅན་རྣམས་ཀྱི་དོན་དུ། བསོད་ནམས་ཀུན་ལ་རྗེས་ཡི་རང། །དཀོན་མཆོག་གསུམ་ལ་སྐྱབས་སོང་ཤིང། །བྱང་ཆུབ་ཏུ་ནི་དེ་དག་བསྔོ། །ཆོས་ཀྱི་འཁོར་པོ་བསྐོར་བར་བསྐུལ་བ་དང། །མྱ་ངན་ལས་མི་འདའ་བར་གསོལ་བ ་གདབ་པ་དང། བྱམས་པ་དང། སྙིང་རྗེ་དང། དགའ་བ་དང། བཏང་སྙོམས་སོ། །ཚངས་པའི་གནས་བཞིར་བསྒོམ་པར་བྱའོ། །ོཾ་ཤཱུ་ནྱ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ་ཧཾ། དེ་ཡི་མཚན་ཉིད་བྲལ་བས་སྟོང། །རྒྱུ་མེད་པས་ན་མཚན་མ་མེད། །རང་བཞིན ་གྱིས་ན་དངོས་བོ་རྣམས། །སྨོན་པ་དང་བྲལ་བསྒོམ་པར་བྱའོ། །དེ་ནས་སྟེང་བའི་རང་བཞིན་ལས། །འོད་ཀྱི་ཕུང་པོར་གདག་རང་ཉིད། །དེ་ནས་མེ་དང་ཡཾ་རཾ་བཾ་ལཾ་སུཾ་ཧཱུཾ་རྣམས་ཡོངས་སུ་གྱུར་པ་ལས། གྲུ་གསུམ་པ་དང། གཞུའི་དབྱིབས་དང། གྲུ་གསུཾ ་པ་དང། ཟླུཾ་པོ་དང། གྲུ་བཞི་དང། ནག་པོ་དང། སྔོ་སྐྱ་དང། དམར་པོ་དང། སྔོན་པོ་དང། སེར་པོ་བསམ་པར་བྱའོ། །འབྱུང་བ་ལྷའི་དཀྱིལ་འཁོར་གོང་ནས་གོང་དུ་བསམ་པར་བྱའོ། །དེའི་སྟེང་དུ་སུམ་གྱི་ཡི་གེ་ལས་བྱུང་བའི་ཟུར་བཞི་རིན་པོ་ཆེའི་རང་བཞིན ་ཅན་རྭ་བརྒྱད་ཀྱི་ཉེ་བར་མཛེས་པའི་སྟེང་དུ། ཨོཾ་མེ་དི་ཎི་བཛྲི་བྷ་བ་བཛྲ་བནདྷ་ཧཱུཾ། ཨོཾ་བཛྲ་པྲཱ་ཀ་ར་ཧཱུཾ་བཾ་ཧཱུཾ། ཨོཾ་བཛྲ་པཉྩ་ར་ན་ཧཱུཾ་བཾ་ཧཱུཾ་ཨོཾ་བཛྲ་བི་དྷ་ན་ཧཱུཾ་ཁཾ་ཧཱུཾ། ཨོཾ་ས་ར་ཛཱ་ལ་ཏྲཾ་སཾ་ཏྲཾ། ཨོཾ་བཛྲ་ཛཝ་ལ་ཨ་ན་ལཱརྐ་ཧཱུཾ་ཧཱུཾ་སྔགས་དེ་རྣམས་ཀྱིས། རྡོ་རྗེའི་ས་གཞི ་ལ་སོགས་དྲུག་མངོན་དུ་གྱུར་ཏོ། །དེའི་ནང་དུ་བྷྲུཾ་དང། རྩ་དང་པཾ་དང་ཨ་ཉིད་དོ། །དེའི་སྟེང་ཟླ་བ་རྡོ་རྗེ་བསམ། །དེའི་ལྟེ་བར་ཧཱུཾ་གིས་མཚན། །ཧཱུཾ་སྔོན་འོད་ཟེར་ལྔར་ལྡན་པ། །རྡོ་རྗེ་ཡོངས་སུ་གྱུར་པ་ལས། །སྐུ་མདོག་མཐིང་ནག་ཞལ་ཅིག་པ། །རབ་ཏུ ་ཁྲོས་པས་བརྐྱང་བསྐུམ་སྟེ། །བཅུ་དྲུག་ལོ་ལོན་ཤ་ཚུགས་ཅན། །སྤྱན་གསུམ་མེ་ལྟར་འབར་བ་ལ། །ཤིན་ཏུ་ཁྲོས་པའི་ལྟ་སྟངས་ཅན། །བསྣུན་པའི་ཚུལ་གྱིས་ལེགས་བཟུང་ཞིང། །དྲིལ་བུ་སྡིག་མཛུབ་ཐུགས་ཀར་བསྒྲེང། །སྟོད་གཡོགས ་ན་བཟའ་སྔོན་པོ་ལ། །སྨད་གཡོགས་སྟག་གི་ཤམ་ཐབས་ཅན། །ཉི་མའི་འོད་ཅན་ཟླ་བའི་མདངས། །ཧ་ཧའི་འོ་དོད་ཆེན་པོ་ཡིས། །ལོག་འདྲེན་ལ་སོགས་སྐྲག་པར་མཛད། །འཇིགས་བྱེད་ཁྲོ་བོའི་བདག་པོར་ནི། །བདག་ཉིད་རྣམ་པར་བསྒོམ་པར་བྱ། །ཞེས ་བྱ་བ་ནི་སྐུའི་མཚན་ཉིད་དོ། །ཟས་སུ་སྦྲུལ་ཟ་བ་རྒྱན་ཐམས་ཅད་ཀྱིས་བརྒྱན་པའོ། །དེ་ནས་རང་གི་སྙིང་གར་ཟླ་བའི་དཀྱིལ་འཁོར་ལ་ས་བོན་བཀོད་ལ། ཡེ་ཤེས་སེམས་དཔའ་སྤྱན་དྲང་བར་བྱའོ། །བཞུགས་སུ་གསོལ་བ་དང། ཕྱག་འཚལ་ཞིང་བསྟོད་པ ་དང། མཆོད་པ་ལ་སོགས་པ་བྱའོ། །ོཾ་བཛྲ་ཧྲི་ཏྲི་ཧ་ས་མུ་དྲ་སཕ་ར་ཎ་ས་མ་ཡེ་ཧཱུཾ། ཨརྒྷཾ་གི་ཞལ་བསིལ་དབུལ་བའོ། །ོཾ་བཛྲ་པུཥཔེ་པཱུ་ཛ་མེ་གྷ་ས་མུ་དྲ་སཕ་ར་ཎ་ས་མ་ཡེ་ཧཱུཾ། མེ་ཏོག་དབུལ་བའོ། །ོཾ་བཛྲ་དྷུ་པ་པཱུ་ཛ་མེ་གྷ་ས་མུ་ཏྲ་སཕ་ར་ཎ་ས་མ་ཡེ ་ཧཱུཾ། བདུག་སྤོས་ཤངས་སུའོ། །ོཾ་བཛྲ་དཱི་པ་པཱུ་ཛ་མེ་གྷ་ས་མུ་དྲ་སཕ་ར་ཎ་ས་མ་ཡེ་ཧཱུཾ། མར་མེ་སྤྱན་ལའོ། །ོཾ་བཛྲ་གནདྷཱ་པཱུ་ཛ་མེ་གྷ་ས་མུ་དྲ་སཕ་ར་ཎ་ས་མ་ཡེ་ཧཱུཾ། དྲི་ཐུགས་ཀར་རོ། །ོཾ་བཛྲ་ནཻ་བི་ཏྱཻ་པཱུ་ཛ་མེ་ག་ས་མུ་ཏྲ་སཕ་ར་ཎ་ས་མ་ཡེ་ཧཱུཾ། ཞལ་ཟས་ཞལ་དུའོ།། ་ཨོཾ་བཛྲ་ཤཔཏ་པཱུ་ཛ་མེ་གྷཱ་ས་མུ་ཏྲ་སཕ་ར་ཎ་ས་མ་ཡེ་ཧཱུཾ། སིལ་སྙན་སྙན་དུའོ། །ཛ(རྒྱུད་འགྲེལ་སྙིང་གར་པདྨ་དང། ཟླ་བའི་དཀྱིལ་འཁོར་ལ། སྐུ་དང་གསུང་དང། ཐུགས་ཀྱི་སྙིང་པོ་ཇི་ལྟ་པར་བཀོད་ལ། དཀར་པོ་དང་སྔོན་པོ་ལ་སོགས་པ་བསམ་མོ། །དེ་ནས་སྤྱི་བོ་དང། མགྲིན་པ་དང། སྙིང་གར་པདྨ་དང། ཟླ་བ་ལ་སོགས་པ་རིམ་པ་ཇི་ལྟ་བ ་བཞིན་དུ་དམིགས་ལ། གསང་སྔགས་བཟླས་པར་བྱ་བ་ནི་འདི་ཡིན་ཏེ། ཉི་མ་ས་བླ་ན་ཀླད་པ་ནན། ཀུན་ཞི། ཙིཏྟ་ཀུ་ལི་ནན། ཙི་ཏྲ་མུ་ཏྲ་ཡཀྵ་ཏྲ་བཟློག་བྱེར། གསལ་པོར་དམིགས་ལ་བཟླས་པ་བྱ། སྐྱོ་བའམ་དུབ་པར་གྱུར་ན། གསང་སྔགས་ཡིད་ཀྱི་བཟླས་པར ་བྱ་སྟེ། སྔགས་ཀྱི་སྐྱོན་སྤངས་ཏེ། མི་གསལ་བ་ལ་སོགས་པའི་རྣམ་པར་རྟོག་པ་སྤང་བར་བྱའོ། །བཟླས་པས་སྐྱོ་ན་ཡེ་ཤེས་ཀྱི་འཁོར་ལོ་བཏོན་ལ། མཆོད་པ་དང། བསྟོད་པ་དང། བཟོད་གསོལ་བྱ། དེ་ནས་ཨོཾ་ཨཱ(རྒྱུད་འགྲེལ་ཀྱི་འཁོར་ལོ་གཤེགས་སུ་གསོལ། །དེ་ནས་མི་དམིགས་པར་སྒོམ་པར་བྱའོ། །ལྡང་བར་འདོད་ན། ཡི་གེ་བརྒྱ་པའི་སྔགས་བརྗོད་ལ། ལྡང་བར་བྱའོ། །ཕྱག་ན་རྡོ་རྗེ་ལྕེ་དབབ་ཀྱི་སྒྲུབ་ཐབས། གསང་བའི་ཡང་བཀོལ་གྱི་ཆོ་ག་བཀོད་པ་ཡིས། །བདག་གི ་སྒྲུབ་ཐབས་འདི་བཀོད་པས། །བདག་དང་སེམས་ཅན་ཐམས་ཅད་ཀྱིས། །བྱང་ཆུབ་ཏུ་ནི་དེ་དག་བསྔོ། །རྒྱལ་པོ་སྤྲིན་གྱི་ཤུགས་ཅན་གྱིས་མཛད་པ་རྫོགས་སོ།། །།ཀླད་ཀྱི་བླ་མ་ཛ་ཡ་ཀཱ་ར་དང། མར་པ་ལོཙྪས་བསྒྱུར་ཅིང་ཞུས་ཏེ་གཏན་ལ ་ཕབ་པའོ།། །།ན་མོ་བུདྡྷཱ་ཡ། བཛྲ་བཛྲ་ཧཱུཾ་ཐཱ། རྡོ་རྗེ་ལྕེ་དབབ་པའི་སྔགས་ནི། ཉི་མ་ས་བླ་ན། ཀླད་པ་ནན། ཀུ་ན་ཞི། ཙིཏྟ་ཀུ་ལི་ནན། ཙི་ཏྲ་མུ་ཏྲ་ཡཱཀྵ་ཏྲ་བཟློག་བྱེད། ནཱ་ག་བྱེར། ནཱ་ག་ནན། ནཱ་ག་མགོ་ནན། ནཱ་ག་ཧ་ན་ཧ་ན་མཱ་ར་ཡ་རྦད ་ནན། ཚིལ་ཆེན་དང། ཚོན་སྐུད་རྣམ་ལྔ་ལ་སྔགས་མདུད་བྱས་པ་དང། གླ་རྩི་དང་སེང་ལྡེང་གི་ཕུར་པ་ལ་སྔགས་བཟླས་ལ་བསྲུང་ངོ། །ས་དོམ་ནག་པོ་སོད། ས་དོམ་ནག་པོ་སོད། ས་དོམ་ནག་པོ་ནན། ས་དོམ་ནག་པོ་ནན། ཞེས་གོང་བཞིན་ནོ།། ་སེར་བ་སྲུང་ན། ཐལ་ཆེན་དང། སྐེ་ཚེ་དང། ཙང་དང། མཐོ་དང། མཛུབ་རིས་ཀྱིས་བསྲུང་ངོ། །སྔགས་འདི་གདགས་སོ། །ས་འདི་སྲུངས་ཤིག་བྱེར་ཡ་བྱའོ། །ཕྱུ་ག་ཙི་ཕཊ། ལྕེ་བ་ཏི་ཕཊ། ཐུམ་རིལ་རྦད། ཆེ་གེ་མོ་མཱ་ར་ཡ་རྦད་ནན། ནཱ་ག་ཧྲིལ ་ཧྲིལ། ནཱ་ག་ཕྲོམ། ནཱ་ག་ཕོབ། ཕུར་པ་དང་ཚིལ་ཆེན་དང། ཁྱི་དང་བུང་བུ་དང་རྟ་རྣམས་ཀུན་ནག་པོའི་ཁྲག་དང། ཐོད་པ་མཚན་དན་གཅིག་དང། དོར་རྟ་དང། ཆུས་དངོས་དང། དེ་རྣམས་ལ་བྱའོ། །ལིང་ཀ་དང། གཟུགས་ལ་རྟེན་ལ ་བྱའོ། །ཆར་བ་འབེབས་ན། རྟེན་ས་རུ་སྦྲ་ཕུབ་ལ་གཟུངས་གདོན། སྔགས་གོང་མ་བཟླས། ཀླུ་མཆོད་དང། ཆབ་གཏོར་བྱ། དུས་དུས་སུ་བསླང། ཞག་བདུན་བྱའོ། །འདིས་ཀྱང་བསྲུང། ཨེ(རྒྱུད་འགྲེལ་ས་ཏེ། བར་མཧཱ་ཨཱ(རྒྱུད་འགྲེལ་རྐྱེན་གྱི་རྒྱུ་བསྙེན་པ་དང་སྒྲུབ་པ་ཟབ་མོ་རྫོགས་སོ།། །།དེ་ཡང་བྱ་བའི་དུས་ནི། སྔགས་ཀྱི་ནུས་པ་བསྐྱེད། ཉམས་རྟགས་བྱུང་བ་དང། ལས་མཛའ་བསྡུས་ཏེ། མནན་པ་ལ་སོགས་གཞན་དང་མཐུན། །སྦྱིན་སྲེག་གི་རིམ་པ་ལ། རྫས ་ནི་ཞི་རྒྱས་གཞན་དང་མཐུན། །གདུག་པའི་རྫས་ནི་སྣ་ཚོགས་དང། །མར་དག་ཚིལ་ཆེན་སྐེ་ཚེ་དང། །ཏིལ་དང་མིང་བྱང་སྤེལ་ཏེ་བསྲེག་།སླ་ང་འམ་ཐབ་ཁུང་རྙིང་པ་རུ། །བརྒྱ་འམ་ཡང་ན་ལྔ་བཞི་གཅིག་།བསྐྱར་ཞིང་ལས་ལ་སྦྱར་བ ་དང། །སྔགས་ཀྱི་མཐར་ནི་རཀྵ་ཤཱན་ཏིཾ་གདགས་པར་བྱ། །སྤྱན་དྲངས་མཆོད་དང་བསྟོད་པ་ནི། །གཞན་ཡང་སྐྱུས་ལས་ཤེས་པར་བྱ། །ཉམས་ཆུང་སྣོད་མེད་ཐེ་ཚོམ་རང་འཕུང་འགྱུར། །ཉམས་ལྡན་མ་ཡངས་བསྒྲུབས་བྱས་ནས། །བླ་མ ་དམ་པ་རྣམས་ཀྱི་ཞབས་ལ་ཐུག་།ཞར་ལ་འདི་ཡང་མཆོད་པ་སྟེ། །འཁར་སོར་སྣོད་ནི་མཛེས་པ་རུ། །འོ་མ་དང་བཅས་སྨན་རྣམས་ཀྱིས། །བཀང་སྟེ་མདུན་དུ་བཞག་པའོ། །དེ་སྟེང་བཞག་པའི་རྫས་རྣམས་ནི། །ཤིན་ཏུ་གསལ་བྱེད་གདན་སྟེངས་སུ།། ་ལྔ་ལྡན་མཛའ་ཡས་སྤྲུལ་དགུ་པ། །རྩི་སྨན་མཆོད་ཅིང་མདུན་གནས་པའོ། །བསྲེག་མནན་བསྐྱལ་པ་ཉམས་དང་སྦྱར། །བདག་རྣལ་འབྱོར་པ་སྡང་མིག་གིས་ལྟ་ཞིང་ཡུངས་ཀར་གྱིས་བྲབ་པའོ། །གྲུ་གསུམ་དུ་བྲུའོ། །དེ་ནས་སྔགས་གདབ་བོ། །དེ་ནས་ཐལ ་མོ་བརྡབ་ཅིང། ནད་དང་གདོན་བགེགས་ཐམས་ཅད་བརླག་པར་བསམ་མོ། །ཡང་ཡང་ལྕགས་ཀྱུའི་ཕྱག་རྒྱ་བཅས་ཏེ་གོང་གི་མི་ལ་བསྟིམ་མོ། །དེ་ནས་ཕུར་པ་གདབ་ཅིང་བྲུབ་པར་བྱའོ། །ེའི་ཚོགས་ཀྱིས་རིམ་པ་དང། །དང་པོ་བདག་རྣལ་འབྱོར་པའི་མདུན ་དུ་མཛུབ་གང་བའི་འབྲུབ་ཁུང་གྲུ་གསུམ་བྲུས་ཏེ། དེའི་ནང་དུ་མིང་བྱད་བུ་ལ་བྲིས་ལ་གཞག་།དེའི་ཁ་རུ་གཡམ་པ་སྔོན་པོ་ཅིག་ལ་ཡུང་བ་སེར་པོས་རི་རབ་རྡོ་རྗེ་རྒྱ་གྲམ་གྱི་གཟུགས་བྲིས་ལ་གཞག་།མ་གྲུབ་བྱས་ན་བལྟས་ངན་འབྱུང། །ཀུན་ལ་ཡོང་ན་ངོ ་མཚར་ཆུང། །ལྕེ་དབབ་པའི་བྱ་ཐབས་རྫོགས་སོ།། །།རྟེན་འབྲེལ་གྱི་མཐུས་བསྲུང་བའི་ཐབས་ནི། རྨ་བྱའི་མཁྲིས་པ་དང། ཀ་ར་བསྲེ་ལ་བསྐུ། སའི་བདུད་རྩི་ལོ་ལྔ་བརྒྱ་ལོན་པ་ཡན་ཆད་བསྐུའོ། །སྤོས་གུ་གུལ་ནག་པོ་དང། གླ་རྩི་དང། ་