Wylie

e-texts based on the ACIP/ALL Input

ལོ་ཙཱ་བ་དགེ་སློང་གཞོན་ནུ་ཚུལ་ཁྲིམས་ཀྱིས་བསྒྱུར་ཅིང་གཏན་ལ་ཕབ་པའོ།། །། *། །ལུང་བསྟན་སྦྱོར་བའི་མན་ངག་སློབ་དཔོན་ཆེན་པོ་བྷ་བས་མཛད་པ་བཞུགས་སོ།། །།བཅོམ་ལྡན་འདས་རྡོ་རྗེ ་འཛིན་པ་ལ་ཕྱག་འཚལ་ལོ། །ལུང་བསྟན་སྦྱོར་བའི་མན་ངག་འདི། །རྒྱུད་རྣམས་ཀུན་ལས་མི་གསལ་བའི། །མཁའ་འགྲོ་མ་ཡི་རྒྱས་བཏབ་ལ། །རྣལ་འབྱོར་བློ་དམན་དོན་དུ་ནི། །ཡང་ནས་ཡང་དུ་གསོལ་བཏབ་ནས། །ཡིད་ཆེས་བྲོད་པ་བསྐྱེད ་པའི་ཕྱིར། །མན་ངག་རིམ་པ་བསྟན་པ་ལ། །བླ་མ་ལ་ནི་མཉན་པར་གྱིས། །གསང་སྔགས་སྒོ་ནི་དཔག་མེད་ནས། །ཐབས་ཀྱི་རིམ་པ་མང་གསུངས་པ། །སེམས་ཅན་ལས་ནི་སྣ་ཚོགས་པས། །སོ་སོ་མོས་པ་མི་མཐུན་ཕྱིར། །དཔེར་ན ་སྨན་རྣམས་ནུས་པ་ཡིས། །ནད་རྣམས་སོ་སོར་སེལ་བ་བཞིན། །མན་ངག་ཐབས་རྣམས་སོ་སོས་ཀྱང། །དུག་གི་ནད་རྣམས་འཇོམས་པར་བྱེད། །དཔེར་ན་སྨན་ནུས་གཅིག་གིས་ཀྱང། །ཕྲད་པ་ཙམ་གྱིས་ནད་འཇོམ་པའོ། །ཡང་ན ་གཉིས་འཇོམས་གསུམ་འཇོམས་དང། །བཞི་འཇོམས་ལྔ་འཇོམས་ལ་སོགས་དང། །མང་པོ་འདུས་ནས་འཇོམས་པ་དང། །དེ་དག་ཀུན་གྱིས་མ་ཚོམས་པ། །སྦྱོར་བ་གཞན་ལོག་འཇོམས་པ་དང། །གཞན་པ་ཁོ་ནས་འཇོམས་པ་དང། །སྨན་དང་སྦྱོར་བ་དེ་དག་ཀྱང། །མཁས་པ་ཡིས་ནི་འཇོམས་པར་འགྱུར། །མི་མཁས་པས་ནི་གནོད་པར་འགྱུར། །སྨན་པ་མཁས་པར་གྱུར་ཀྱང་ནི། །བརྩོན་འགྲུས་ནན་ཏན་མ་བྱས་ན། །ནང་རྣམས་འཇོམས་པར་མི་འགྱུར་རོ། །དེ་བཞིན་མཐུན ་པའི་དཔེ་རྣམས་ཀྱང། །མཁའ་འགྲོ་མ་ཡི་ལུང་བསྟན་ན། །ཞིབ་པས་འདི་རུ་མ་ཕྱེའོ། །བསྒོམས་པའི་སྟོབས་ཀྱི་ཉོན་མོངས་འཇོམས། །བསྒོམས་པ་ལས་བྱུང་དངོས་གྲུབ་ཀྱིས། །མཆོག་གིས་དངོས་གྲུབ་ཐོབ་པར་འགྱུར། །ཏིང་འཛིན་ཐོབ་པར ་མ་གྱུར་པས། །ཚོགས་འཁོར་ཚོགས་མཆོད་དངོས་གྲུབ་པོ། །དེ་མ་བྱུང་ན་སྦྱིན་སྲེག་གིས། །དངོས་གྲུབ་བསྒྲུབ་པར་གསུངས་པ་ཡིན། །དེ་མ་བྱུང་བ་བཟླས་བརྗོད་དོ། །དེ་ནི་མ་བྱུང་གཏོར་མས་བྱ། །དེ་རྣམས་ཀུན་ལ་མ་བྱུང་ན། །ལས་ནི་ཕྲན་ཚོཊ ་གཞན་ཡང་བསྟན། །ཡང་ན་དེ་དག་ཐམས་ཅད་ཀྱང། །གཅིག་འདུས་གཉིས་འདུས་གསུམ་འདུས་དང། །བཞི་འདུས་ལྔ་འདུས་ལ་སོགས་པས། །འབྱུང་བར་འགྱུར་བ་གསུངས་པ་ཡིན། །ཡང་ན་མཆོག་འདོད་པ་ལ་ནི། །ཐམས་ཅད་རྫོགས ་པར་དགོས་པར་གསུངས། །ཐུན་མོངས་དངོས་གྲུབ་སྒྲུབ་པ་ལ། །ཆེ་ཆུང་གིས་ནི་རིམ་པས་གསུངས། །སྦྱོར་བ་རེ་རེས་ཀྱང་ནི་འགྲུབ། །གསང་སྔགས་ལ་ལའི་བཞེད་ཀྱིས་ནི། །དཔེར་ན་སྦྲུལ་ནི་གཤུ་བུར་ཞུགས། །རྩ་བར་འགྲོ་དང་ཅོ་ཏོར་འགྲོ ་དེ་བཞིན་རྣལ་འབྱོར་སྔགས་པ་ཡང། །རིག་འཛིན་ས་དང་རྡོ་རྗེ་དམྱལ། །ལ་ལ་དག་གི་གཞུང་གིས་ནི། །བར་མ་དོ་ནས་འགྲོ་བའོ། །ལ་ལ་སྐྱེ་བ་ཕྱི་མ་ལ། །ལ་ལ་དག་གི་བཞེད་ཀྱིས་ནི། །གཉིས་དང་གསུམ་པ་དག་ལའོ། །བཞི་པ་འམ་ལྔ ་པར་འདོད་པའང་ཡོད། །ལ་ལ་སྐྱེ་བ་བདུན་པ་ལ། །ཕྱག་རྒྱའི་དངོས་གྲུབ་ཐོབ་པར་འདོད། །དེ་ལྟར་གཞུང་ལུགས་མི་འདྲ་བ། །མང་དུ་གསུངས་པ་དེ་དག་ཀྱང། །འགལ་བ་མེད་དེ་ཀུན་ཀྱང་བདེན། །གསང་སྔགས་ཀྱི་ནི་གཞུང་གིས་ཀྱང། །སྐྱེ ་བ་བདུན་ལས་མི་དམའ་བས། །སྐྱེ་བ་བདུན་གྱི་ཐ་མ་ལ། །མ་བསྒོམས་ཀྱང་ནི་སངས་རྒྱས་སོ། །ཞེས་སུ་རྒྱུད་ལས་བསྟན་པ་ཡིན། །སྐྱེ་བ་བདུན་ཞེས་བྱ་བ་ཡང། །སྔགས་པའི་བྱང་ཆུབ་སེམས་དཔའ་ཡིན། །སྔགས་དང་སྨན་ལ་སོགས ་པ་ཡི། །སྟོབས་ཀྱིས་ལུས་སེམས་ལས་རུང་བ། །ཤ་དང་ཐོད་པ་ལ་སོགས་པ། །བསྟེན་ཅིང་ཟོས་པས་དངོས་གྲུབ་ཐོབ། །དེ་པས་སྔགས་མཐུའི་ཡོན་ཏན་ནོ། །ས་དང་ཕ་རོལ་ཕྱིན་པ་ལ། །སྐྱེ་བ་བདུན་བ་འོང་སྲིད་ཀྱང། ། ་དེ་ལྟར་འོང་བ་ཤིན་ཏུ་དཀོན། །སྐྱེ་བ་བདུན་པ་ཞེས་བྱའི་གནས། །ཕལ་ཆེར་དུར་ཁྲོད་ཆེད་པོ་ཡི། །མཁའ་འགྲོ་མ་ཡི་གནས་སུ་སྐྱེ། །རིག་འཛིན་ས་ཞེས་བྱ་བ་ཡང། །གཅིག་ནི་དེ་ལའང་བྱ་བ་ཡིན། །རིག་འཛིན་ས་ལའང ་གསུམ་ཡོད་དེ། །དུར་ཁྲོད་རིན་ཆེན་ས་དང་ནི། །བར་སྣང་ལྷ་གནས་ལྷ་རྟེན་ས། །མཁའ་སྤྱོད་འོག་མིན་སྟུག་པོའི་ས། །གནས་ནི་དེ་གསུམ་ཡིན་པར་གསུངས། །སྐྱེ་བ་བདུན་པའི་གང་ཟག་ནི། །ཡུལ་དང་གནས་ནི་ཁྱད་པར ་ཅན། །སྔགས་སྤྱོད་པ་ཡི་གནས་དག་ཏུ། །འགའ་ཙམ་འབྱུང་བ་དག་ཀྱང་ཡོད། །སྐྱེ་བ་གཅིག་སོགས་གཞན་པ་ནི། །དེ་རྣམས་གནས་ཀྱང་དེ་བཞིན་ནོ། །སྐྱེ་བ་བདུན་པའི་གང་ཟག་ནི། །དད་དང་སྙིང་རྗེ་ལ་སོགས་ལྡན། ། ་ཕ་རོལ་ཕྱིན་བཅུའི་ཆོས་ལ་སྤྱོད། །མཐུན་འཇུག་སྤྱོད་པ་ཀུན་ལ་མཁས། །བཟོ་དང་རིག་པ་གནས་ལ་མཁས། །ལྟ་བ་མ་ནོར་གདེང་དུ་གྱུར། །སྤྱོད་པ་ལ་དོར་ཐབས་ལ་མཁས། །མན་ངག་མཐོང་བ་ཙམ་གྱིས་ནི། །ཐེ ་ཆོམ་མེད་པར་འཇུག་པར་བྱེད། །མན་ངག་བསྒོམས་པ་དག་ཏུ་ནི། །ཏིང་འཛིན་སྐྱེ་འགྱུར་རང་གིས་ནི། །ཁམས་དང་དུས་ཀྱི་བྱེ་བྲག་ཤེས། །རྒྱུད་ལུང་མཚན་གྱི་མན་ངག་ལ། །ཐོས་པ་ཙམ་གྱིས་དབུ་ཞབས་ཀྱི། །མན་ངག་རྣམས ་ནི་ཁོང་དུ་ཆུད?་བཤད་པའི་རྒྱད་དང་འགྲེལ་པ་དང། །མངོན་རྟགས་པ་ཡི་རིམ་པ་རྣམས། །མ་ཐོས་པ་རུ་ཤེས་པར་འགྱུར། །དཔེར་ན་ཤིང་འཛོར་སྩལ་བ་ཙམ། །རྒྱུད་ལུང་མན་ངག་མདོ་མདོ་ཡི། །མཁས་པ་ལ་ནི་བརྟེན་པ་སུ། །ཐམས་ཅད ་དོན་རྣམས་ཁོང་ཆུད་ནས། །སྐབས་ཕྱེད་སྤྱི་དོན་ཤིན་ཏུ་རྒྱས། །དཀའ་འགྲེལ་མངོན་རྟོགས་རིམ་པ་ནི། །རྩོམ་ནུས་དོན་ལ་ཤིན་ཏུ་མཁས། མིག་ནི་ཡུན་རིངས་མི་འཛུམས་ཤིང། །ཡི་དམ་ལྷ་བསྒོམས་དུས་སུ་ནི། །སྐྱེ་པ་བདུན་པའི་གྲིབ་མ་སྣང ་སྐྱེ་བ་གཉིས་སོགས་གཞན་པོ་ལ། །གྲིབ་མའི་རྟགས་ཀྱང་དེ་བཞིན་ནེ། །བསྐོམས་པའི་སྟོབས་ཀྱི་ཁྱད་པར་གྱིས། །ཞག་བདུན་ཟླ་གཅིག་ཟླ་བདུན་དུ། །མཁའ་འགྲོ་མས་ནི་ལུང་སྟོན་ཞིང། །ཆོས་བཤད་རྟགས་རྣམས་སྟོན་པར་མཛད། །ཆོས་པ་ཡི ་ནི་མཛེ་སྐྱེད་ཀྱང། །དངོས་སུ་སྤྲུལ་ནས་སྟོན་པ་དང། །ཡང་སྤྲུལ་སུམ་སྤྲུལ་ལ་སོགས་སུ། །སྤྲུལ་ནས་སྟོན་དང་ཡང་ན་ནི། །སྐུ་ནི་མི་སྣང་སྒྲ་ཡིས་སུ། །ནམ་མཁའ་ལས་སུ་སྟོན་པ་དང། །ཡང་ན་ཕྱག་མཚན་ལ་སོགས་ལ། །སྒྲ་བྱུང་ནས་ནི་སྟོན་པ ་དང། ཡང་ན་རྨི་ལམ་མཚན་མས་སུ། །དུས་བཞི་དུས་གསུམ་དུས་གཅིག་ཏུ། །ཡང་ནས་ཡང་དུ་སྟེན་པའོ། །མ་ཐོས་པ་ཡི་མན་ངག་རྣམས། །སྟོན་མོར་བྱེད་ན་སྐྱེ་བདུན་སོགས། །སྔགས་ཀྱི་དངོས་གྲུབ་ཐོབ་པ་ཡི། །རྣལ་འབྱོར་རིག་འཛིན་བྱང ་ཆུབ་སེམས། །ཡང་ནི་དང་པོ་བསྐྱེས་ནས་ནི། །ཐེག་ཆེན་ཆོས་ལ་མོས་ནས་ཡང། །མན་ངག་བསྒོམ་ལ་ཤིན་ཏུ་དགའ་། །སློབ་དཔོན་ལ་ནི་མན་ངག་གི། །རྣ་རྒྱུད་གཅིག་ཙམ་ཐོས་པས་སུ། །བསྒོམས་པས་དངོས་གྲུབ་ཐོབ་པར་འགྱུར། །དེ་ནས ་གོང་བཞིན་བྱུང་ནས་སུ། །གཞན་ལ་ཡང་ནི་སྟོན་པར་ནུས། །ཡང་ན་སྐྱེ་བདུན་གང་ཟག་སྟེ། །སྐྱེས་མ་ཐག་ཏུ་ཡི་དམ་ལྷས། །རྨི་ལམ་ན་ནི་ཆོས་བསྟན་ནས། །མན་ངག་དེ་བསྒོམས་དངོས་གྲུབ་ནི། །ཕྲ་མོ་དག་ནི་ཐོབ་ནས་ཀྱང། །གཞན་ལ་ཆོས ་ནི་སྟོན་པ་འདུས། །དེ་ནས་རིམ་གྱིས་གཞན་ཡང་འབྱུང། །ཡང་ན་སྐྱེ་བདུན་གང་ཟག་དེ། །རྐྱེན་ནི་གཉིས་ལོ་འཛོམས་པ་ལས། །བསྒོམ་པ་ལ་ནི་དགའ་བར་འགྱུར། །སྔོན་གྱི་བསྒོམས་པའི་སྟོབས་ཀྱིས་ནི། །འབད་རྩོལ་དྲག་པོ་མ་བྱས་པར། །ཐུན ་གཅིག་ལ་ནི་སྒོམ་པ་རྙེད། །དེ་ནས་རིམས་ཀྱིས་བསྒོམས་པས་སུ། །ཞག་བདུན་ནས་ནི་ལུང་སྟོན་འབྱུང། །དེ་ནས་རིམ་གསུམ་གོང་མ་བཞིན། །དེ་ནས་མངོན་ཤེས་དྲུག་ལྡན་ནས། །ཕྱག་རྒྱའི་དངོས་གྲུབ་ཐོབ་པར་འགྱུར། ། ་སྔགས་པའི་དངོས་གྲུབ་ཐམས་ཅད་ཀུན། །སྐྱེ་བ་འདི་ལ་ཕྱག་རྒྱ་ཐོབ། །དེ་ལྟར་མ་གྱུར་རྣལ་འབྱོར་པ། །གོང་མ་བཞིན་དུ་སྐྱེ་བདུན་དུ། །ལེན་པའི་རྟགས་ནི་གོང་བཞིན་འབྱུང། །སྐྱེ་བ་འདི་ཐོབ་ཚུལ་རྣམས་ཀྱང། །ཐེག་ཆེན་སྣོད་དུ་རུང་པ་ལ ་དབང་བསྐུར་མན་ངག་ཐོབ་པ་ཡིས། །དམ་ཚིག་མ་ཉམས་བཤགས་ལ་བརྩོན། །བསྐྱེད་རིམས་བསྙན་པར་གྱུར་པས་ནི། །ལུས་ཀྱི་རྣམ་རྟོག་བཟློགས་ནས་ཀྱང། །རྡོ་རྗེ་བཟླས་ལ་བརྟེན་ནས་ཀྱང། །ངག་གི་རྣམ་རྟོག་བཟློག་ནས་ནི། །སེམས ་དབེན་པ་ལ་བརྟན་པར་བྱ། །སེམས་ཀྱི་འཁྲུལ་རྟོག་བཟློག་ནས་ཀྱང། །སྒྱུ་མའི་ཏིང་འཛིན་ལ་གནས་ནས། །འོད་གསལ་ལ་ནི་འཇུག་པར་བྱ། །དེ་ནས་སྤྲོས་མེད་མན་ངག་ལ། །ལྷུན་གྱིས་འགྲུབ་འགྱུར་ཕྱག་རྒྱའི་མཆོག་།ཡང་ན་བསྐྱེད་རིམ ་ལ་བརྟེན་ནས། །ཆེ་ལ་དབང་པའི་རིག་འཛིན་སྒྲུབ། །ཚེ་ལ་དབང་སྒྲུབ་རིག་འཛིན་གྱིས། །རྫོགས་པའི་མན་ངག་བསྒོམ་པར་བྱ། །དེས་སུ་ཕྱག་རྒྱའི་དངོས་གྲུབ་འཐོབ། །ཡང་ན་བསྐྱེད་རིམ་བརྟན་པ་ཡིས། །རྫོགས་པའི་མན་ངག་གར་བསྒོམས ་ཀྱང། །ཟླ་བ་དྲུག་གིས་ཕྱག་རྒྱ་འཐོབ། །རྫོགས་རིམས་བསྐྱེད་པ་ལ་བརྟེན་ནས། །དེ་ནས་རྫོགས་པས་རྫོགས་པའི་ནི། །ཕྱག་རྒྱའི་དངོས་གྲུབ་ཐོབ་པར་གསུངས། །དེ་ནི་སློབ་དཔོན་ཆེན་པོའི་གཞུང། །སྤྱིར་ན་ལྟ་བ་གདེང་འགྱུར་གཙོ། །ལན་ཅིག ་ལྡོག་བྱའི་ཚུལ་དུ་ནི། །བྱས་ནས་ཐེ་ཚོམ་མི་སྐྱེ་ཞིང། །ལྡོག་པར་མི་འགྱུར་འབྱུང་པས་ཀྱང། །ཚུགས་པར་མི་འགྱུར་འབྲས་བུ་མྱུར། །དེ་ལྟར་མ་གྱུར་རྣལ་འབྱོར་པས། །མན་ངག་ཉམས་སུ་ཡོན་པར་བྱ། །མན་ངག་བསྒོམས་པར་སྟོབས་ཀྱིས ་ནི། །མཁའ་འགྲོ་མ་ཡིས་ལུང་སྟོན་པས། །ལུང་སྟོན་པའི་དུས་སུ་ནི། །ལྟ་བ་མན་ངག་ཟབ་མོ་ནི། །བསྟན་པ་བསྒོམས་པས་ཕྱག་རྒྱ་འཐོབ། །ཡང་ན་རྣལ་འབྱོར་རིམ་པས་ནི། །སློ་ཡི་རབ་འབྲིང་ཁྱད་པར་ནི། །བག་ཆགས་རྐྱེན་ལ་སོགས་པ་ཡིས། །རབ་འབྲིང ་དགུ་དང་གསུམ་དང་ནི། །དབྱེ་བར་བྱ་བའི་དོན་ཤེས་བྱ། །རྒྱུ་རྐྱེན་འཛོམ་པའི་གང་ཟག་ནི། །སྐྱེ་བ་འདི་ལ་ལུང་སྟོན་པས། །ཕྱག་རྒྱའི་དངོས་གྲུབ་ཐོབ་པར་འགྱུར། །རྐྱེན་ནི་རབ་ཏུ་མང་གྱུར་པའི། །རབ་ཀྱི་འབྲིང་སོགས་ལྡན་པ་ཅན། །བར་མདོ་ལ་ལུང ་སྟོན་ནོ། །རབ་ཀྱི་ཐ་མ་ལྡན་པ་ནི། །སྐྱེ་བ་ཕྱི་མ་ལུང་བསྟོན་ནི། །འབྲིང་གི་གསུམ་པོའི་རིགས་ལྡན་ཡང། །གཉིས་དང་གསུམ་དང་བཞི་རུ་སྦྱར། །ཐ་མའི་རིགས་ལྡན་གསུམ་པ་ཡང། །ལྔ་དང་དྲུག་དང་བདུན་དུ་སྦྱར། །ཡང་ན་རྐྱེན་སོགས་ལྡན་གྱུར་ཀྱང ་རྒྱལ་སོགས་པའི་ནུས་པ་རྣམས། །དྲག་ཞན་གྱི་ནི་རིམ་པ་ཡིས། །རྐྱེན་གྱི་ཚུལ་བཞིན་སྦྱོར་ཤེས་བྱའོ། །རྒྱུ་རྐྱེན་གཉི་ག་འབྲིང་སོགས་ཀྱི། །རིམ་པ་དང་ནི་ལྡན་པ་རྣམས། །གོང་མ་གཉིས་མཐུན་པས། །གསུམ་དང་བདུན་དུ་སྦྱར་ཤེས ་བྱར?་གཉིས་གཞན་པར་གྱུར་པ་ན། །གསང་སྔགས་སོང་དུ་མི་རུང་བས། །དབང་བསྐུར་མི་བྱ་འཇུག་པ་ཙམ། །དགེ་བའི་ས་བོན་ཆུང་གྱུར་ཀྱང། །སྨོན་ལམ་བཏབ་པའི་དད་ལྡན་ནི། །གསང་སྔགས་ལ་ནི་མོས་གྱུར་ནས། །ཡང་ནས་ཡང་དུ་གསོལ ་འདེབས་ལ། །ཕྱི་ཡིས་དབང་བསྐུར་ཙམ་བྱས་ལ། །མི་ཟ་བ་དབྱིབས་ཀྱི་མན་ངག་བསྟན། །དེ་ལས་བསྟན་པའི་གང་ཟག་ལ། །ལྷག་མ་རྣམས་ནི་རིམས་ཀྱི་བསྟན། །ཡང་ན་རྣལ་འབྱོར་རིམ་པ་ནི། །ཡི་དམ་ལྷ་ཚོགས་སོ་སོ་རུ། །སོ་སོ་བག་ཆགས ་བཞག་པ་དང། །མོས་པ་ལ་སོགས་རིམ་པ་ཡིས། །ཐེ་ཚོམ་ལ་སོགས་མེད་མོད་ཀྱང། །དངོས་གྲུབ་འགྲུབ་པར་མ་འགྱུར་ན། །སྒྱུ་མ་ལྟ་བུའི་འདུ་ཤེས་ཀྱི། །ཐ་མི་དད་པར་བསྒོམས་ནས་ཀྱང། །མན་ངག་ཡང་ཡར་སྤོས་ཀྱང་ནི། །འགལ་བར? ་མེད་དེ་དངོས་གྲུབ་འགྲུབ། །དེ་ལྟར་བྱས་ཀྱང་མ་བྱུང་ན། །སྒྲིབ་པ་ཤིན་ཏུ་ཆེ་གསུངས་པས། །སྦྱིན་སྲེགས་འཁོར་ཚོགས་བཟླས་བརྗོད་དང། །གཏོར་མ་ལ་སོགས་ཆོ་ག་ཡིས། །བདུན་ནས་སྟོང་གི་བར་དུ་ནི། །མཁས་པས? ་ཅི་ནུས་རྒྱུད་བརྟགས་ལ། །ཚོགས་སྡིག་པ་སྦྱད་བ་གསུངས། །ལུས་ཀུན་ལ་ནི་གནོད་པ་ཡི། །ཚེར་མའི་ཕུང་པོས་ལམ་རྣམས་འགགས། །མེ་ཡི་སྦྱོར་བ་མཁས་པ་ཡིས། །བསྲེགས་པས་ཐམས་ཅད་མེད་པར་བྱེད། །དེ་ནས་ལམ་ནི ་རྙེད་ནས་ནི། །གང་དུ་ཕྱིན་པར་འགྲོ་བར་བྱེད། །དེ་བཞིན་སྔགས་སོགས་མཐུན་རྣམས་ཀྱིས། །སྒྲིབ་པ་ལ་སོགས་བཅོམ་ནས་ཀྱང། །ཏིང་ངེ་འཛིན་གྱི་ལམ་རྙེད་ནས། །དངོས་གྲུབ་ཀྱང་ནི་ཐོབ་པར་འགྱུར། །དངོས་གྲུབ་ཁྱད་པར ་མ་ཐོབ་ཀྱང། །ཕྲ་མོ་ལ་སོགས་ཐོབ་པར་འགྱུར། །མཚན་མའི་ལུང་སྟོན་ཕྲ་མོ་འབྱུང། །གལ་ཏེ་དེ་ལྟར་མ་གྱུར་པར། །ཚེ་དབང་མཐོབ་རྣལ་འབྱོར་པས། །སྒྲིབ་པ་རྣམས་ནི་བྱང་གྱུར་ནས། །སྐྱེ་བ་ཕྱི་མ་ལ་སོགས་སུ། །དངོས་གྲུབ་ཀྱང་ནི་ཐོབ་པར་འགྱུར། །ཡང་ན་སྔགས་ཀྱི་མཐུ་རྣམས་ཀྱིས། །སྡིག་སྒྲིབ་རྩད་ནས་མ་ཆོད་ཀྱང། །ཆེ་ལོང་རགས་པ་མགོ་བཅེམ་ནས། །གཞན་དག་མི་སྐྱེ་མགོ་གནོན་ཞིང། །དམ་ཚིག་མ་ཉམས་བཤགས་ལ་བརྩོན། །སྨོན་ལམ་དགེ ་རྩ་བསྔོ་ལེགས་པས། །སྐྱེ་བ་འདི་རྗེས་གཞན་དག་ཏུ། །དུས་དང་གནས་དང་སློབ་དཔོན་དང། །གྲོགས་དང་ཕྱག་རྒྱ་མན་ངག་སོགས། །སྐྱེས་མ་ཐག་ཏུ་རྙེད་པར་འགྱུར། །དེ་རུ་དམ་ཚིག་སྔོན་སོགས་པས། །རིམས་ཀྱིས་སྐྱེ་བདུན ་རྒྱུད་ནས་སུ། །འབད་རྩོལ་དྲག་པོར་བྱས་པར། །སངས་རྒྱས་སལ་འགྲོ་བར་གསུངས། །དེ་སོགས་ལུང་བསྟན་སྦྱོར་བ་རྣམས། །མཁའ་འགྲོ་མའི་ལུང་སྟོན་དུ། །རྣལ་འབྱོར་མཁས་པར་ཤེས་པར་བྱ། །འདི་ནི་བློ་དམན་དོན་ཆེད་དུ། ། ་ཅུང་ཟད་བསྡུས་ཏེ་བསྟན་པ་ཡིན། །མཁའ་འགྲོ་མ་ཡི་ལུང་སྟོན་ཀྱང། །འཇིག་རྟེན་འདས་དང་འཇིག་རྟེན་པ། །འཇིག་རྟེན་འདས་ལ་གཉིས་ཡོད་དེ། །ས་ནས་རིག་འཛིན་མཁའ་འགྲོ་དང། །བདེ་གཤེགས་བྱིན་བརླབས་མཁའ་འགྲོའོ། །མཁའ་ ་འགྲོ་དེ་དག་གཉི་ག་ཡང། །མཛེས་པའི་གཟུགས་དང་མི་མཛེས་པའི། །གཟུགས་ནི་སྣ་ཚོགས་སྤྲུལ་ནས་སྟོན། །དེ་ལ་འཇིག་དང་མི་འཇིགས་དང། །རེ་དང་དོགས་པའི་སེམས་སྤངས་ཏེ། །ཕྱག་རྒྱ་བརྡ་ལ་སོགས་པ་ཡི། །སྟོན་པའི་དུས ་སུ་ལས་རྣམས་ནི། །སྟོན་པར་ཤེས་པར་མ་གྱུར་ན། །དངོས་གྲུབ་མེད་དེ་ཉམས་པར་འགྱུར། །དེ་བས་ནན་ཏན་ཆེར་སྐྱེད་ལ། །མན་ངག་ཐོས་པ་ཆེ་བ་གཅེས། །ཐོས་པ་ཆེ་བར་མ་གྱུར་ཡང། །གང་སྒྲུབ་རྒྱུད་སྐོར་ལ་སོགས་ལ། །སློབ་དཔོན ་ལ་ནི་ཡང་ནས་ཡང། །ཐེ་ཚོམ་ཆོད་པར་མཉན་པར་བྱ། །རྒྱུད་རྣམས་ཐོས་པར་མི་ནུས་པས། །སྒྲུབ་པའི་ཆ་རྐྱེན་བཅུ་བདུན་པོ། །ཤེས་རབ་དེ་ནི་མ་བྱས་ན། །དངོས་གྲུབ་འགྲུབ་པར་མི་འགྱུར་རོ། །སློབ་དཔོན་ལ་ནི་བརྟེན་པ་ཡིས། །མ ་ཚང་ཡང་ནི་འགྲུབ་པར་གསུངས། །འཇིག་རྟེན་པ་ལ་གཉིས་ཡོད་དོ། །རྒྱལ་བས་བཀའ་ལ་བརྟགས་པ་ཡིས། །སངས་རྒྱས་བསྟན་པ་བསྲུང་པ་དང། །བདུད་ནི་ནག་པོ་ལ་སོགས་པ། །དམ་ལམ་ཐོགས་པར་ཚེང་མཁན། །དེ་ལྟར ་གཉིས་སུ་མ་ཤེས་ན། །དངོས་གྲུབ་ཐོབ་ཀྱང་སླར་ལ་འཚོར། །དེ་གཉིས་གཟུགས་དང་རྟགས་སོགས་པ། །གོང་མ་བཞིན་དུ་སྟོན་པས་ན། །དེ་ཡི་རིམ་པ་གོང་བཞིན་བྱ། །དེ་དག་བརྟགས་པར་ཆོ་ག་ཡང། །ཞག་གསུམ་ཞག ་བདུན་རྩ་གཅིག་ཏུ། །རི་དོགས་ལ་སོགས་ཐམས་ཅད་ཀུན། །སྤངས་ནས་རྣལ་འབྱོར་ཏིང་འཛིན་ལ། །ནན་ཏན་དུ་ནི་བརྩོན་འགྲུས་བྱ། །ཚོགས་འཁོར་ལ་སོགས་ཡང་དང་ཡང། །བྱེད་པའི་དུས་སུ་རྡོ་རྗེ་གླུ། །ལིན?་ཅིང་ཕྱག་རྒྱ་སོགས་བསྟན་པས ་ཏིང་འཛིན་ཕྱག་རྒྱ་གསལ་བ་དང། །མཚན་མ་ལ་སོགས་གསལ་འབར་ཞིང། །གཟུགས་དང་སྒྲ་དང་དྲི་ལ་སོགས། །ཐམས་ཅད་བརྟན་ཞིང་མི་འགྱུར་ན། །ལྷ་ཡི་མཚན་མར་ཤེས་པར་བྱ། །དེ་ལས་བཟློག་པ་ཐམས་ཅད ་ཀུན། །བདུད་ཀྱི་རྟགས་སུ་ཤེས་པར་བྱ། །དེ་ལ་སོགས་པ་མཛའ་ཡས་མཆོག་།མཁའ་འགྲོའི་ལུང་དུ་བསྟན་པས་ན། །འདིར་ནི་སྒྲུབ་པོའི་དོན་དུ་བསྡུས། །སྒྲུབ་པའི་ཆ་རྐྱེན་མན་ངག་རྣམས། །སྒྲུབ་པོ་ཉམས་སུ་ལེན་པ་ལ། །བསྟན་ཤིང?་སྤེལ་ན་བསོད་ནམས་འཕེལ། །ཉམས་སུ་མི་ལེན་སེར་སྣ་ཅན། །རྫས་དང་ལས་སྲོག་ལ་སོགས་པ། །བླ་མ་ལ་ནི་འབུལ་མི་ནུས། །དེ་ལ་མན་ངག་བསྟན་མི་བྱ། །དེ་ལ་མན་ངག་བསྟན་པ་ན། །དངོས་གྲུབ་ཉམས་ཏེ་སྡིག་པ་འཕེལ། །དམ་ཚིག ་ཉམས་ནས་མཁའ་འགྲོས་གསེང། །ཆ་རྐྱེན་ལ་སོགས་བཅུ་བདུན་པོ། །སྟོན་པ་ཕྱག་ན་རྡོ་རྗེ་ཡིས། །སེམས་དཔའ་ཕྱག་ན་རྡོ་རྗེ་ལ། །རྣ་བ་བརྒྱུད་པའི་གདམས་ངག་དེ། །རྡོ་རྗེ་མཁའ་འགྲོ་མ་ལ་བསྟན། །དེས་ནི་རོ་ལངས་མ་ལ ་བསྟན། །གནོད་སྦྱིན་ཕྱག་ན་རྡོ་རྗེ་དང། །སློབ་དཔོན་ཕྱག་ན་རྡོ་རྗེ་ཡིས། །བརྒྱུད་པའི་གདམས་ངག་རིམ་པ་རྣམས། །ནན་ཏན་གྱིས་ནི་བརྩལ་བར་བྱ། །དེ་ལ་བརྩལ་བམ་ཤེས་ན། །དཔེར་ན་ཡིད་བཞིན་ནོར་བུ་ནི། །ཀླུ་རྒྱལ་གཙུགས ་ནས་རྙེད་ནས་ནི། །འདམ་རྫབ་ནང་དུ་སྟོང་བ་བཞིན། །དེ་བཞིན་མན་ངག་རིན་ཆེན་འདི། །ལུས་ངག་ཡིད་གསུམ་དཀའ་བ་ཡི། །སྒོ་ནས་སློབ་དཔོན་ལ་བཙལ་ནས། །དམ་མེད་རྨོངས་པའི་ལག་ཤོར་ན། །དངོས་གྲུབ་ནི། ཐོབ་ཉམས ་པར་འགྱུར། །དེ་བས་ནན་ཏན་བསྐྱེད་དེ་བཙལ། །ལུང་བསྟན་པའི་རིམ་པའི་སྦྱོར་ཀའོ། །སློབ་དཔོན་ཆེན་པོ་བྷ་བས་མཛད་པ་རྫོགས། །།ལོཙཱ་བ་ཚུལ་ཁྲིམས་གཞོན་ནུས་བསྒྱུར་ཞིང་གཏན་ལ་ཕབ་པའོ།། །། ་རྡོ་རྗེ་ལས་ཀྱི་ཆོ་གས་རིམ་པར་ཕྱེ་བའི་ཆོ་ག་སློབ་དཔོན་བྷ་བས་མཛད་པ་བཞུགས་སོ། །།རྒྱ་གར་སྐད་དུ། བཛྲ་སུཏྲ་ཙཀྲ་ཀརྨ་བིདྷི། བོད་སྐད་དུ། རྡོ་རྗེ་ལས་ཀྱི་ཚོགས་རིམ་པར་ཕྱེ་བའི་ཆོ་ག་།བཅོམ་ལྡན་འདས་རྡོ་རྗེ་བསྣམས ་