Wylie

e-texts based on the ACIP/ALL Input

བ་དགེ་སློང་རྡོ་རྗེ་འཛིན་པ་ཞེ་སྡང་རྡོ་རྗེས་བསྒྱུར་ཅིང་ཞུས་ཏེ་སླར་དག་པར་བྱས་སོ། །སྔ་འགྱུར་ལ་འདི་ཚན་ཆེ་ཙམ་གདའ་ཨོ། གསུང་ངོ།། །།རྒྱ་གར་སྐད་དུ། པྲ་དྷ་ཝ་དྷ་ར་སྭཱ་དྷ་ནཾ། བོད་སྐད་དུ། འོད་འཛིན་སྒྲུབ་པའི ་ཐབས། བདུད་རྩིའི་མངའ་བདག་བཅོམ་ལྡན་འདས་གཤིན་རྗེ་གཤེད་ལ་ཕྱག་འཚལ་ལོ། །གང་ཞིག་གང་ཞིག་ཁ་ཟས་ཉུང་བ་ཡིས། །འཚོ་བའི་ཡོ་བྱད་ཀྱིས་ཕོངས་ན། །སེམས་ཉིད་བཟའ་བར་བྱ་བའི་ཕྱིར། །ཏིང་ངེ་འཛིན་གྱི་བཅུད་ལེན ་བཤད། །གསུམ་ལ་སྐྱབས་སོང་བྱང་ཆུབ་སེམས། །གནས་བཞི་ལ་སོགས་སྔོན་སོང་བས། །སྐད་ཅིག་ཉིད་ལས་ཡུལ་རྣམས་དང། །ཡུལ་ཅན་སྟོང་པའི་ངང་ཉིད་ལས། །པཾ་ལས་འཚོ་སྐྱེས་དབུས་སོན་པའི། །ཉི་མའི་དབུས་སུ་ལྷ་མོ་ནི།། ་ཆུ་ཤེལ་ལྟ་བུ་གྲི་གུག་དང། །བདུད་རྩི་བུམ་པ་གཡས་དང་གཡོན། །དར་དཀར་གོས་དང་རིན་ཆེན་རྒྱན། །ལང་ཚོ་རྒྱས་ཤིང་ཤ་རྒྱ་ས་མ། །ལི་བའི་སྐྲ་དང་བུང་བའི་དྲི། །མཛེས་ལྡན་མ་ཡི་བྲང་དབུས་སུ། །རང་དང་འདྲ་བའི་ལྷ་མོ་ནཾ། །དངས་པའི ་ཤེལ་དྲུང་མུ་ཏིག་ལྟར། །དཀར་ཞིང་འཚེར་བའི་འོང་ཅན་བལྟ། །དེ་ནས་རང་སྙིང་ཤིང་འབྲས་ལྟར། །རྩེ་མོ་གྱེན་ལྟ་རྩ་ལྔ་དང། །བཅས་པ་ཕྱེད་ནས་མཚོན་གྱིས་གཅད། །སྟེང་གི་ཕྱོགས་ནི་སངས་རྒྱས་ལྔའི། །རྩ་དང ་བཅས་ཏེ་ལྟོས་མེད་དབུལ། །ཉོན་མོངས་ལྔའི་རྩ་སྦུབས་ནས། །དྲི་མ་མ་ལུས་བཤད་ལམ་ནས། །འཐོན་ཏེ་རྒྱ་མཚོའི་དོགས་སུ་བསྐུར། །རྩ་སྟོང་བུམ་པའི་བདུད་རྩིས་བཀང། །ལུས་དང་རྩ་དང་ཁམས་བདུད་རྩི། །ཡེ་ཤེས་རྒྱལ་པོའི་རླུང་རྒྱས་ཏེ ་ཁྲུ་མ་མར་གྱིས་གང་བ་ལྟར། །རང་གི་ལུས་དང་དེ་བཞིན་སེམས། །ཟག་མེད་བདེ་བས་རབ་རྒྱས་ཏེ། །དམིགས་ཤིང་སྤྲོས་པ་བཅས་པ་ཡི། །ཏིང་ངེ་འཛིན་ལ་གཏད་དེ་གཞག་།དེ་ལྟར་ཡང་ཡང་གོས་པ་ཡིས། །ཏིང་འཛིན་ཟས་སུ་མི་འགྱུར་བའི། ། ་སྲིན་པུ་ཀུན་ཡང་འཛག་འགྱུར་བས། །དེ་དོན་བྱ་ཕྱིར་གསང་སྔགས་དང། །སྨོན་ལམ་ཆེ་ལ་འབད་པར་བྱ། །དེ་ལྟར་རྟེན་ན་ཟག་མེད་ཀྱི། །ཏིང་འཛིན་མཆོག་ནི་སྐྱེ་བ་དང། །གཉིད་རྨུགས་ལ་སོགས་བྱེད་པའི་ཟས། །ཏིལ་ཚམ་དགོས་པར་མི་འགྱུར ་པའི། །སྐྲ་དཀར་གཉེར་མ་སྤོང་བ་དང། །ལུས་རྒྱས་དངས་ཤིང་ཤ་སྟོབས་རྒྱས། །ཐིག་ལེ་རྒྱས་ཤིང་འཇིག་མི་འགྱུར། །དུས་མིན་མཆི་བས་མི་གོས་ཏེ། །ཕྱི་ནང་མཁའ་འགྲོ་དྲན་དུ་འགྱུར། །འདྲེ་སོགས་གནོད་པར་མི་འགྱུར་ཞིང། །འགྲོ་ཀུན ་དགའ་ཞིང་དབང་དུ་འགྱུར། །ཅི་འདོད་དམ་པའི་མཆོག་སྟེར་ཏེ། །འདོད་སྲེད་མ་ལུས་རབ་བཅད་ནས། །དུས་ཀྱི་དགྲར་ནི་མྱུར་འགྲོའོ། །དེ་ལྟར་བླ་མས་གནང་བ་ཡི། །མན་ངག་གསལ་ལ་ནོངས་མཆིས་རྣམས། །བཟོད་པར་གནང་ཞིང་དེ་ཡི་ནི།། ་དགེ་བས་གཤིན་རྗེ་གསོད་གྱུར་གཅིག་།འོད་འཆང་མའི་སྒྲུབ་ཐབས་ཏིང་ངེ་འཛིན་གྱི་བཅུད་ལེན་གྱི་མན་ངག་ཏིང་ངེ་འཛིན་ལ་མངའ་བརྙེས་པ་དཔལ་འཛིན་གྱིས་མཛད་པ་རྫོགས་སོ།། །།ལོ་བན་སྔ་མ་དང་འདྲ། འདིའི ་མན་ངག་ཅིག་སྔར་ཡང་སྙན་བརྒྱུད་དུ་བྱུང་འདུག་སྟེ། །གཞུང་སྔར་མ་འགྱུར་གསུང།། །།རང་གི་སེམས་གོང་དུ་འཕོ་བའི་མན་ངག་བྱིན་རླབས་དང་བཅས་པ་དཔལ་རྡོ་རྗེ་འཛིན་རྒྱལ་ཁྲོས་པ་ཆེན་པོ་ཞེ་སྡང་གཤིན་རྗེ་ལ ་