Wylie

e-texts based on the ACIP/ALL Input

ཅན་མ་ལུས་ཀུན། །འཕགས་པ་འཇམ་དཔལ་ཁྲོས་པ་ལས་བྱུང་པའི། །རྡོ་རྗེ་འཇིགས་བྱེད་དེ་དང་འདྲ་བར་ཤོག་།དཔལ་རྡོ་རྗེ་འཇིགས་བྱེད་ཀྱི་སྒྲུབ་པའི་ཐབས་མདོར་བསྡུས་པ། སློབ་དཔོན་ཆེན་པོ་ཤྲཱི་བྷ་དྲས་མཛད་པ་རྫོགས་སོ།། །། ་དཔལ་རྡོ་རྗེ་འཇིགས་བྱེད་ཆེན་པོ་ལ་ཕྱག་འཚལ་ལོ། །གང་གིས་བསྙེན་སྒྲུབ་ལས་རྣམས་སྦྱོར་འདོད་པས། །དེ་རྣམས་དགོས་པར་བཅས་པ་ཤེས་དོན་དུ། །དེ་ཡི་མཚན་ཉིད་བདེ་བར་འདིར་ནི་བསྟན་པར་བྱ། །ཇི་སྲིད་ཏིང་འཛིན་སྔགས ་དང་མཆོད་པར་ལྡན་པ་ཡིས། །ལྷ་ཉེ་རྩེ་གཅིག་མཚན་མ་ཐོབ་པ་བསྙེན་པར་གསུངས། །རྟགས་ཐོབ་གྱུར་ནས་དབེན་པར་སོང་སྟེ་གླལ་དང་སྤྲིད་པ་དང། །གཉིད་སྤངས་བརྟུལ་ཞུགས་བཅས་པས་ལེགས་སྒྲུབས་པའོ། །བསྒྲུབས་པས ་གདུལ་བྱའི་རང་བཞིན་སྣ་ཚོགས་བཟླས་པ་ལ། །ཞི་བ་ལ་སོགས་ཐབས་ཀྱི་འབྱོར་པ་ལས་སུ་གསུངས། །དེ་ལ་ལས་གྲུབ་པ་ཡི་རྒྱུ་གསུམ་སྟེ། །རྩེ་གཅིག་པ་ཐོབ་པས་ཆོས་ལ་དབང་སྒྱུར་བ་དང། སྔགས་གྲུབ་པས་ངག་དབེན་པ་ཐོབ ་པ་དང། །དམ་ལ་གནས་པས་དམ་ཚིག་ཅན་སྟོང་གྲོགས་བྱེད་པའོ། དངོས་གྲུབ་འགྲུབ་པའི་རྒྱུ་ནི་དད་པ་མི་ལྡོག་པ་དང། ཤེས་རབ་ཀྱིས་ཐེ་ཚོམ་མི་ཟ་བ་དང། སེམས་རྩེ་གཅིག་པ་དང་ཤིན་ཏུ་གསལ་བ་རྣམས་སོ། །འཇིག་རྟེན་དང་འཇིག ་རྟེན་ལས་འདས་པ་གང་བསྒྲུབ་ཀྱང་ཐ་མལ་པའི་ཆགས་སྡང་ནི་བར་ཆོད་ཀྱི་སྒྲིབ་པ་ཆེན་པོ་ཡིན་ནོ། །དབང་དང་དམ་ཚིག་མེད་ན་འདི་དང་ཕ་རོལ་ཏུ་སྡུག་བསྔལ་འབྱུང་ངོ། །ཇི་སྐད་བཤད་པའི་ཡོན་ཏན་བླངས་ལ་སྐྱོན་སྤངས་ཏེ། ལྷའི ་བསྙེན་པ་ནི་དང་པོར་ཁྲུས་བྱས་ལ་སྟན་བདེ་བ་ལ་འདུག་སྟེ། མཎྜལ་བྱི་དོར་བྱས་ལ་མེ་ཏོག་གི་བཅལ་བཀྲམ། སྐུ་གཟུགས་མདུན་དུ་གཞག་ལ་བསོད་ནམས་ཀྱི་ཚོགས་ཡན་ལག་བདུན་གྱི་སྒོ་ནས་བྱང་ཆུབ་ཀྱི་སེམས་བསྐྱེད་དེ། །སྙིང་གའི ་པདྨར་ཉི་མ་ལ་གནས་པའི་སེམས་དཔའ་ཨི་འོད་ཟེར་གྱིས་དཔལ་འཇམ་པའི་རྡོ་རྗེ་འོག་ནས་འབྱུང་བ་ལྟ་བུ་སྤྱན་དྲངས་ཏེ། མདུན་གྱི་ནམ་མཁའ་ལ་བཞུགས་པ་ལ་འདི་ལྟར་ཡན་ལག་བདུན་གྱི་སྨོན་ལམ་བྱའོ། །མཆོད་པ་བླ་ན་མེད་པ་ཀུན་ཏུ་བཟང་པོའི ་མཆོད་སྤྲིན་འདོད་ཡོན་གྱི་ཆར་དག་པའི་སེམས་ཀྱིས་སྦྲུལ་ནས་འབུལ་ན། ཐུགས་རྗེ་ཆེན་པོའི་དབང་གིས་བཞེས་སུ་གསོལ། ན་མོ་དུས་གསུམ་གྱི་དེ་བཞིན་གཤེགས་པ་ཐུགས་ཀྱི་གཟུགས་བརྙན་སྐུའི་སྦྲུལ་པ་གསུང་གི་དབང་ཕྱུག་།དཔལ ་འཇམ་པའི་རྡོ་རྗེ་ལ་སོགས་པ་ཕྱོགས་བཅུ་ན་བཞུགས་སོ་འཚལ་ལ། བདག་ལུས་ངག་ཡིད་ཀྱི་སྒོ་ནས་ཕྱག་འཚལ་ཞིང་སྐྱབས་སུ་མཆིའོ། །གཞན་ཡང་བདག་གི་ཐོག་མ་མེད་པའི་དུས་ནས་དུག་གསུམ་གྱི་དབང་གིས་སྡིག་པ་མི་དགེ་བ ་ཅི་བགྱིས་པ་རྣམས་སོ་སོར་བཤགས་ཤིང་སླན་ཚད་སྡོམ་པར་བགྱིད་དོ། །ཕྱོགས་བཅུའི་འཕགས་པ་རྣམས་དང་འགྲོ་བ་དག་གི་བསོད་ནམས་ཀྱི་ཚོགས་བསྐྱེད་དོ་འཚལ་ལ་རྗེས་སུ་ཡི་རང་བར་བགྱིད་དོ། །སྟོན་པ་འཇིག་རྟེན་གྱི་སྒྲོན་མ ་བསྐུལ་བའི་ས་ལས་བཞེངས་པ་གང་དག་བཞུགས་སོ་འཚལ་དེ་དག་ལ་ཆོས་ཀྱི་འཁོར་ལོ་བསྐོར་བར་བསྐུལ་ལོ། །བདེ་བར་གཤེགས་པ་གང་དག་འདུལ་བའི་དུས་ལ་མ་བབ་པ་ལོག་པར་ལྟ་བ་རྣམས་སུན་དབྱུང་བའི་ཕྱིར། ཐབས་ཀྱིས་མྱ ་ངན་ལས་འདའ་བར་བཞེད་པ་རྣམས་ལ་འཁོར་བ་ཇི་སྲིད་པར་དོན་མཛད་པར་གསོལ་བ་འདེབས་སོ། །དགེ་བའི་རྩ་བ་དེ་དག་དང་གཞན་ཡང་བདག་དང་འགྲོ་བ་ཀུན་གྱི་བགྱིས་སོ་འཚལ་གྱི་དགེ་བའི་རྩ་བ་ཐམས་ཅད་ཀྱང་བླ་ན་མེད་པའི་བྱང་ཆུབ ་ཏུ་བསྔོ་བར་བགྱིའོ། །ཇི་ལྟར་དུས་གསུམ་གྱི་སངས་རྒྱས་རྣམས་ཀྱིས་ཐུགས་བྱང་ཆུབ་མཆོག་ཏུ་བསྐྱེད་པ་ཕུང་པོ་དང། ཁམས་དང་སྐྱེ་མཆེད་དང་བྲལ་བ་གཟུང་བ་དང་འཛིན་པའི་རྣམ་པ་སྤངས་པ། ཆོས་བདག་མེད་པ ་མཉམ་པ་ཉིད་རང་གི་སེམས་གདོད་མ་ནས་མ་སྐྱེས་པ། སྟོང་པ་ཉིད་ཀྱི་རང་བཞིན་དུ་ཐུགས་བསྐྱེད་པ་དེ་ལྟར་བདག་གིས་ཀྱང་སེམས་བསྐྱེད་པར་བགྱིའོ། །བདག་གིས་འཕགས་པ་རྣམས་ལ་ལུས་ཕུལ་ཏེ། སེམས་ཅན་འཁོར་བའི་རྒྱ་མཚོན ་གནས་པ་རྣམས་བསྒྲལ་བའི་ཆེད་དུ་བཅོམ་ལྡན་འདས་འཇམ་པའི་རྡོ་རྗེ་བསྒྲུབས་ཏེ། སེམས་ཅན་རྣམས་མྱ་ངན་ལས་འདའ་བར་བགྱིའོ། །དེ་ནས་ཚད་མེད་བཞིས་སེམས་དག་པར་བྱའོ། །ང་ནི་ཡེ་ཤེས་ཀྱི་ཚོགས་སུ་གྱུར་པ་སྟོང་པ་ཉིད་བསྒོམ ་པར་བྱ་སྟེ། །སྣང་བའི་ཆོས་ཐམས་ཅད་ནི་སེམས་ཉིད་འཁྲུལ་བ་ཙམ་སྟེ་གུང་ན་མེད་དོ། །སེམས་ནི་སྒྱུ་མ་ལྟ་བུར་རང་བཞིན་མེད་པ་སྟེ། དེ་ནས་ཆོས་ཐམས་ཅད་རང་བཞིན་མེད་པའོ་ཞེས་ཤེས་པར་བྱས་ལ་གསང་སྔགས་འདིས་སྟོང་པ་ཉིད ་ཀྱི་ང་རྒྱལ་བྱའོ། །ོཾ་སྭ་བྷཱ་བ་བི་ཤུདྡྷ(རྒྱུད་འགྲེལ་རལ་གྲི། རལ་གྲིའི་ལྟེ་བ་ལ་ཡི་གེ་དྷཱི(རྒྱུད་འགྲེལ་བསྒོམ། །དེའི་ཐུགས་ཀར་ཨ་གཉིས་པ་ལས་གྲུབ་པའི་ཉི་མའི་དཀྱིལ་འཁོར་འབར་བའི་ཕྲེང་བ་ཅན་དུ་བསམས་ཏེ། དེའི་འོད་ཀྱིས་ཕྱོགས་བཅུའི་སངས་རྒྱས་སྲས་དང་བཅས་པ་རྣམས་བསྐུལ་ནས། སླར ་ཞུགས་པས་འཇམ་པའི་རྡོ་རྗེ་ཉིད་དང་སངས་རྒྱས་རྣམས་སུ་བཅས་ཏེ། ཉི་མའི་དཀྱིལ་འཁོར་ལ་ཐིམ་པས་ཤིན་ཏུ་གཟི་བྱིན་དང་ལྡན་པར་གྱུར་ཏེ། འོད་ཟེར་འབར་བས་ཀུན་ཏུ་ཁྱབ་ཅིང་འཕྲོ་བར་བསྒོམ་མོ། །དེའི་སྟེང་དུ་ཧཱུཾ་ནག་པོའོ། །འོད ་ཟེར་ལྔ་འཕྲོ་བས་དོན་བྱས་ཏེ་སླར་བསྡུས་པའི་སྦྱོར་བས་ཁྲོ་བོའི་རྡོ་རྗེ་རབ་ཏུ་འཕྲོ་བ་ཅན་དུ་གྱུར་ཏེ། དོན་གྱི་བྱ་བ་བྱས་ནས་རྒྱལ་བ་སྲས་དང་བཅས་པ་སྤྱན་དྲངས་ནས་རྡོ་རྗེ་དེ་ཉིད་ལ་བཞུགས་པས་སྐུ་གསུང་ཐུགས་རྡོ་རྗེ་དབྱིངས་ཉིད་དང་ལྡན་པར ་གྱུར་ཏེ། དེ་ཉིད་བཅོམ་ལྡན་འདས་དཔལ་རྡོ་རྗེ་འཇིགས་བྱེད་ཆེན་པོའི་གཟུགས་སུ་གྱུར་པར་བྱའོ། །འདི་ལྟ་སྟེ་སྐུ་བསྐལ་པ་མེ་དཔུང་འབར་བའི་དཀྱིལ་ན་བཞུགས་ཤིང། ཞལ་ཁྲོ་གཉེར་སྨིན་མ་འགྱུར་བ། མེ་འབར་བ་རྡོ་རྗེ་རྟ་གད་ཆེན་པོ་འབྱིན ་ཅིང་ལྕེ་འཇིབ་པ། ཕེ་སྐད་ཆེན་པོ་གནམ་དུ་འདོན་ཅིང་འཇིག་རྟེན་གསུམ་གྱི་བདག་པོ་ཁྲག་གསོལ་ཞིང། འཇིག་རྟེན་དང་འཇིག་རྟེན་ལས་འདས་པའི་ལྷ་ཐམས་ཅད་བསྡིགས་པ། སྐུ་གཅེར་བུ་ཐོད་པས་བརྒྱན་པ། མཚན་མ་འགྲེང་བ་གསུས ་ཁྱིམ་ཆེ་བ། མ་ཧེའི་གདོང་ཆེན་པོ་སྟེ། འདི་དབུ་དགུ་པ་ཕྱག་སུམ་ཅུ་རྩ་བཞི་པ། ཞབས་བཅུ་དྲུག་པ་གཡོན་བརྐྱང་བའི་སྟབས་ཀྱིས་བཞུགས་པ། ཞལ་གཡས་དང་པོ་སྔོན་པོ། །གཉིས་པ་དམར་པོ། །གསུམ་པ་སེར་པོ་སྟེ། དེ་གསུམ་ནི ་གཡས་སོ། །གཡོན་པའི་ཞལ་གསུམ་ནི་དཀར་པོ་དང། དུད་ཁ་དང་ནག་པོ་ཁྲོས་པ་སྟེ། དེ་གསུམ་ནི་ལྗགས་འདྲིལ་བའོ། །རྩ་བའི་ཞལ་མ་ཧེ་ནག་པོ་ཁ་གདངས་པ་སྟེ་ལྕེ་འདྲིལ་བའོ། །རྭ་གཉིས་ཀྱི་ལུས་ཀྱི་ཞལ་དམར་པོ་འཇིགས་པ་སྟེ་ཞལ་ནས་ཁྲག ་འཇག་པའོ། །སྟེང་གི་ཞལ་སེར་པོ་ཅུང་ཟད་ཁྲོ་བ་གཞོན་ནུའི་ཚུལ་ཅན་གཙུག་ཕུད་ལྔ་པ་སྟེ། ཐམས་ཅད་ཀྱང་སྤྱན་གསུམ་པའོ། །ཕྱག་གཡས་གཡོན་གྱི་དང་པོས་གླང་པོ་ཆེའི་པགས་པ་བརྐྱངས་ཏེ་འཛིན་པའོ། །གཡས་པ་གཞན་ནི་རིམ་པ་བཞིན་ནོ ་དུ་གྲི་དང། བྷི་ཏ་པ་ལ་དང། གཏུན་ཤིང་དང་ཆུ་གྲི་དང་ཆུ་གྲི་བཟང་པོ་དང་སྟ་རེ་དང་མདུང་དང། མདའ་དང་ལྕགས་ཀྱུ་དང། དབྱུག་ཏོ་དང། ཁ་ཊཝཱཾ་ག་དང། འཁོར་ལོ་དང་རྡོ་རྗེ་དང་རྡོ་རྗེ་ཐོ་བ་དང། རལ་གྲི་དང་རྔ་ཆུང་དང་དེ་རྣམས་བསྣམས་པའོ། ། ་ཕྱག་གཡོན་ན་ཐོད་བ་དང། ཚངས་པའི་མགོ་བོ་དང། ཕུག་ཆུང་དང་མིའི་རྐང་བ་དང། ཞགས་པ་དང། གཞུ་དང་རྒྱུ་མ་དང། དྲིལ་བུ་དང། ལག་པ་དང་དུར་ཁྲོད་ཀྱི་རས་དང། རྩང་ཆེན་གྱིས་ཕུག་པའི་རོ་དང། མེ་ཐབས་དང། ཐོད་ཚལ་དང། ་སྡིགས་མཛུབ་དང་འཕན་རྩེ་གསུམ་པ་དང། རླུང་གིས་ཕྱར་བའི་རས་དང། དེ་རྣམས་བསྣམས་པའོ། །ཞབས་གཡས་པ་བརྒྱད་ཀྱིས་མི་དང་མ་ཧེ་དང། གླང་དང། བོང་བུ་དང་རྔ་མོ་དང། ཁྱི་དང་ལུག་དང་ཝ་དང་དེ་རྣམས་བརྫིས་པའོ། །གཡོན ་པས་བྱ་རྒོད་དང་འུག་པ་དང། བྱ་རོག་དང། སེང་གེ་དང། བྱ་རྒོད་ཆེན་པོ་དང། ཁྲ་དང་ནེ་ཙོ་དང། རི་སྐེགས་དང། དེ་རྣམས་རྫས་པའོ། །དེའི་ཐུགས་ཀར་ཡེ་ཤེས་སེམས་དཔའ་མཚོན་པ། སྐུ་གསུང་ཐུགས་བྱིན་གྱིས་བརླབས་པ། མི ་འཁྲུགས་པས་དབང་བསྐུར་བའོ། །དེ་ནས་ཨེ་ཡཾ་རཾ་ཁཾ་ལཾ་སུཾ་པྲུཾ། ཞེས་བརྗོད་འབྱུང་བ་ཆེན་པོ་གཞིའི་དཀྱིལ་འཁོར་གྱི་སྟེང་ན་གཞལ་ཡས་ཁང་གྲུ་བཞི་སྒོ་ཁྱུད་དང་ལྡན་པ། དུར་ཁྲོད་འབར་བའི་གློང?་ན་གནས་པ་ཞིག་བསྒོམ་མོ། །དཀྱིལ ་འཁོར་གྱི་དབུས་ན་རོ་ཆེན་པོའི་སྟེང་དུ་ཇི་སྐད་སྨོས་པའི་སེམས་ཅན་རྣམས་ཀྱི་གདན་ལ་བཅོམ་ལྡན་འདས་དཔལ་རྡོ་རྗེ་འཇིགས་བྱེད་ཆེན་པོ་བདག་དང་མཐུན་པར་བསྐྱེད་དོ། །གྲུ་བཞི་རུ་མཆོད་པའི་ལྷ་མོ་བཞི་དང། སྒོ་བཞིར་སྒོ་མ་བཞི་ཁྲོ ་བོའི་ཆ་བྱད་ཅན་ཡི་གེ་ཡ་ལས་བསྐྱེད་དོ། །དེའི་ཕྱི་རོལ་དུ་ལས་ཀྱི་གཤིན་རྗེ་ཕོ་མོ་མཁའ་འགྲོ་མ་དང་འབྱུང་པོའི་ཚོགས་བསྐྱེད་པར་བསྒོམ་སྟེ། དེའི་ལྷོ་ཕྱོགས་ཀྱི་སྐོར་བཅོམ་ལྡན་འདས་ཀྱི་མདུན་དུ་བདག་དམ་ཚིག་སེམས་དཔའ་གནས ་པར་བསྒོམ་མོ། །དེ་ལྟར་གསལ་བ་དང་ལྕགས་ཀྱུའི་ཕྱག་རྒྱ་བཅས་པའི་ཏིང་ངེ་འཛིན་དང་ལྡན་པས་སྤྱན་དྲངས་ཏེ། འཇམ་དཔལ་རང་བཞིན་ཆོས་རྣམས་ཀུན་གྱི་དངོས། གནས་མེད་འགྲོ་འོང་བྲལ་བ་ནམ་མཁའ་བཞིན། །དུས་ཀྱི་ཁམས་བཞིན་ཐུགས ་རྗེས་འགྲོ་འོང་བྲལ། །སྤྲུལ་པའི་འགྲོ་དང་བྲལ་བ་གཟུགས་བརྙན་བཞིན། །འགྲོ་དང་འོང་བའི་མཚན་ཉིད་མི་མངའ་ཡང། ཆུ་ཟླ་བཞིན་དུ་གར་དམིགས་དེར་སྣང་བའོ། །དེང་འདིར་སྤྱན་འདྲེན་གཤེགས་སུ་གསོལ་བའི་ལྷ། །སངས ་རྒྱས་ཀུན་གྱི་རང་བཞིན་འཇམ་པའི་དབྱངས། །གདུག་པ་འདུལ་བྱེད་གཤིན་རྗེ་གཤེད། །ཡེ་ཤེས་ཐུགས་ལས་སྤྲུལ་པའི་ལྷ་མོས་བསྐོར། །ལས་བྱེད་སྤྲུལ་པ་གཤིན་རྗེ་འཁོར་དང་བཅས། །འདིར་གཤེགས་བསྟན་པར་བདག་ལ ་དགོངས་སུ་གསོལ། །ོཾ་ཧྲཱི(རྒྱུད་འགྲེལ་ཆོས་ཀྱི་དབྱིངས་གྱུར་རྒྱལ་བ་ཀུན་གྱི་ཡུམ། །ཡེ་ཤེས་སེམས་དཔའ་རྒྱལ་བ་ཀུན་གྱི་སྲས། །ཕྱག་འཚལ་འཇམ་དཔལ་དཔལ་གྱུར་རྫོགས་པ་ཁྱོད། །ཆོས་ཀྱི་སྐུ་ལ་བྱམས་སྡང་མི་མངའ་ཡང། །སྲིད་གསུམ་གདུག་པ་མ་ལུས་འདུལ ་བའི་ཕྱིར། །ཐུགས་རྗེའི་ཐབས་ཀྱིས་ཁྲོ་རྒྱལ་སྐུར་བསྟན་པ། །འཇིགས་བྱེད་གཤིན་རྗེ་གཤེད་ལ་ཕྱག་འཚལ་ལོ། །དུས་གསུམ་སངས་རྒྱས་ཀུན་གྱི་ཡེ་ཤེས་ནི། །ཆོས་རྣམས་ཀུན་དང་རང་བཞིན་དབྱེར་མེད་དེ། །བསྒྲུབ་མཆོག་བདག་གི ་སེམས་ཀྱང་དེ་ལགས་པས། །དེ་མཚོན་དོན་ཕྱིར་རྟགས་ཀྱི་སྐུར་བསྟན་པ། །ཐུགས་ལ་གནས་པའི་ཡེ་ཤེས་འགྲོ་བའི་རྒྱུ། །ཡེ་ཤེས་སེམས་དཔའ་ཨི་སྐུ་ལ་ཕྱག་འཚལ་ལོ། །བདེ་གཤེགས་རྣམས་ཀྱི་ཡོན་ཏན་སྨན་པོ་ཆེ། །བསམ་འདས་བརྗོད ་བྲལ་དཔག་གིས་མི་ལང་ཡང། །མི་ཕྱེད་རྡོ་རྗེ་གསུམ་དུ་འདུས་བསྟན་པ། །སྐུ་གསུང་ཐུགས་ཀྱི་ལྷ་ལ་ཕྱག་འཚལ་ལོ། །བདེ་གཤེགས་ཐམས་ཅད་མཉམ་ཉིད་ཆོས་ཀྱི་སྐུ། །རང་བཞིན་རྣམ་དག་རིགས་རྒྱུད་མི་མངའ་ ་ཡང། །རྣལ་འབྱོར་གྲུབ་པ་མཚོན་ཕྱིར་རྒྱས་བཏབ་པ། །ུ་རྒྱན་རྡོ་རྗེ་མཚོན་ལ་ཕྱག་འཚལ་ལོ། །ཡེ་ཤེས་སྣང་མེད་ཆགས་པའི་རྡུལ་བྲལ་ཞིང། །འདོད་པ་ཁམས་ཀྱི་སེམས་ཅན་འདུལ་སླད་དུ། །ཐབས་ལ་མཁས་པའི་འདོད ་ཡོན་གཟུགས་སུ་སྤྲུལ། །མཆོད་པའི་ལྷ་མོའི་ཚོགས་ལ་ཕྱག་འཚལ་ལོ། །ཆོས་ཉིད་སྤྲོས་བྲལ་དབྱིངས་ཀྱི་ཕོ་བྲང་དུ། །གཟུང་འཛིན་བྲལ་བའི་ཡེ་ཤེས་ཟློས་འཇུག་ཕྱིར། །འཁྲུལ་པའི་བགེགས་ཚོགས་གདུལ་བའི་སྐུར་བསྟན་པ།། ་གཞལ་ཡས་སྒོ་སྐྱོང་བཞི་ལ་ཕྱག་འཚལ་ལོ། །བཅོམ་ལྡན་རྡོ་རྗེ་ཆོས་རྗེ་འཇམ་དབྱངས་སྤྱན་ལམ་དུ། །བདུད་འདུལ་བསྟན་པ་བསྲུང་བར་ཞལ་འཆེས་པ། །ལས་ཀྱི་གཤིན་རྗེ་མང་པོ་མཁའ་འགྲོ་མ། །འབྱུང་པོ་རོ་ལངས་ཅི་བགྱི ་བཀའ་ཉན་ཚོགས། །ཕྱི་ནང་སྐྱོང་བའི་དམ་ཅན་མ་ལུས་ལ། །བདག་ནི་རེ་བའི་སེམས་ཀྱིས་འདུད་ཅིང་མཆིས། །འདི་ནི་ཕྱག་འཚལ་བའོ། །རྒྱལ་བ་རྣམས་ནི་གཙང་གྱུར་ཅིང། །སྨེ་བའི་རྟོག་པ་མི་མངའ་ཡང། །སྲི་ཞུ་ཚུལ་གྱི་ཡོན ་ཆབ་འདི། །བདེ་གཤེགས་རྣམས་ལ་སྐུ་ཁྲུས་གསོལ། །ོཾ་ཧྲཱི(རྒྱུད་འགྲེལ་ལག་བརྒྱད་པ་མེ་ཏོག་མཛེས། །མ་རིགས་མུན་པ་བྲལ་བ་ཡེ་ཤེས་གསལ། །ནོར་བདུན་ཡོན་ཏན་ཆོག་ཤེས་བདུད་རྩི་ཟས། །ཡེ་ཤེས་ཕོ་བྲང་མཚན་གྱི་མེ་ཏོག་སྤོས། །སྒྱུ་མའི་ཆོས་ལ་ཡེ་ཤེས་དབང་སྒྱུར་ཞིང། །རང་བཞིན་རྣམ ་དག་རིགས་རྒྱུད་མི་མངའ་ཡང། །བདག་ཅག་སྲི་ཞུ་གུས་པའི་ཚུལ་གྱིས་སུ། །དྲི་དང་བདུག་པ་མེ་ཏོག་མར་མེ་བཤོས། །དག་ཅིང་གཙང་མར་བཤམས་ཏེ་ཕུལ་བ་འདིས། །བསོད་ནམས་ཡན་ལག་ཡོངས་སུ་རྫོགས་གྱུར་ཅིག། ཨོཾ་ཧྲཱི(རྒྱུད་འགྲེལ་དུཥྚ་སཏྭད་མ་ཀ་ག(རྒྱུད་འགྲེལ་བི་དྱེ་པཱུ་ཛ་ཡ་སྭཱཧཱ། བཤོས་གཙང་གིའོ། །འདི་ནི་མཆོད་པ་དབུལ་བའོ། །ཧཱུཾ་འཇམ་དཔལ་མཁའ་ལ་འབྱུང་བའི་གསེར་མདོག་ཅན། །འཇམ་དཔལ་ཐུགས་ལས་ཆོས་ཀུན་རང་བཞིན་གསལ། འཇམ་དཔལ་གསུང་གི་དབང་ཕྱུག་འཇམ་པའི ་དབྱངས། །འཇམ་དཔལ་བདག་ནི་རེ་བའི་སེམས་ཀྱིས་འདུད། །ཐུགས་མཆོག་འཇམ་པའི་ངང་ལས་མ་གཡོས་ཀྱང། །ཐུགས་རྗེས་གདུག་པ་མ་ལུས་འདུལ་བའི་ཕྱིར། །གཤིན་རྗེ་འཇིགས་བྱེད་ཆེན་པོའི་སྐུར་སྟོན་པ། །མི་བཟད་དུས ་མཛའ་བསྐལ་པའི་མེ་ལྟར་འབར། །ཞལ་བ་དངས་ཁྲོ་གཉེར་སྨིན་མ་གློག་སྟོང་འགྱུ། །སྤྱན་བགྲང་མཆེ་བ་གཙིགས་པ་རབ་ཏུ་འབར། །རྡོ་རྗེ་རྟ་གང་དྲག་པོ་ཧ་ཧར་བཞད། །མཁའ་འགྲོ་བསྡུས་པའི་ཕེཾ་སྐད་གནམ་དུ་སྒྲོགས། །ཁྲོས་པའི ་སྟོབས་ཆེན་བརྡབས་པས་ཁམས་གསུམ་གནོན། །སྡིགས་མཛུབ་གནམ་དུ་བསྒྲེང་ཞིང་ལྷ་ཆེན་འདུལ། །ལྗགས་འདྲིལ་ཚེམས་ཆེན་གཙིགས་ཤིང་ཁྲག་གིས་མྱོས། །ལྷ་དང་བཅས་པའི་འཇིག་རྟེན་ཞལ་དུ་གསོལ། །གླང་ཆེན ་ཀོ་རློན་ཐོད་པའི་ཕྲེང་བ་ཞགས། །གཅེར་བུ་འཇིགས་བྱེད་དབང་ཕྱུག་ཆེན་པོའི་ཚུལ། །འཇིགས་བྱེད་མ་ཧེ་ཁྲོས་པའི་ཞལ་གདངས་ཤིང། །ཞལ་དགུ་འབར་བར་སྲིད་པ་ཟ་ཞིང་རྡུབ། །འགྲོ་བ་སྣ་ཚོགས་འདུལ་བའི་ཕྱག་རྒྱ་འབར། །བདུད ་རིས་གནོན་པའི་ཞབས་ནི་བརྐྱང་བསྐུམ་མཛད། །འཇིགས་བྱེད་ཆེན་པོའི་སྐུ་ལ་རྟག་ཏུ་འདུད། །དབུ་དགུ་འབར་པའི་དཀྱིལ་འཁོར་ནས། །གཡས་ཀྱི་ཞལ་གསུམ་བགྲང་པ་ནི། །མཐིང་ག་དམར་དང་སེར་བའི་ཞལ། ། ་གཡོན་པའི་ཞལ་གསུམ་གདངས་པ་ནི། །དཀར་དང་དུད་ཀ་ནག་པོའི་ཞལ། །དབུས་ཀྱི་ཞལ་གསུམ་འབར་བ་ནི། །ཁྲོ་དང་ཆགས་དང་ཞི་བའི་ཚུལ། །ཕྱག་རྒྱ་འོད་ཟེར་འབར་བ་ལས། །གཡས་ཀྱི་ཕྱག་རྒྱ་བཅུ་དྲུག་ནི། །རྡེག་ཅིང་འཇོམས ་