Wylie

e-texts based on the ACIP/ALL Input

པའོ།། །།*། །དཔལ་རྡོ་རྗེ་འཇིགས་བྱེད་ཀྱི་མདོར་བཤད་པ་སློབ་དཔོན་ཆེན་པོ་རྡོ་རྗེ་གྲུབ་པས་མཛད་པ་བཞུགས་སོ། ། !། །རྒྱ་གར་སྐད་དུ། ཤྲཱི་བཛྲ་བྷཻར་བ་ཏནྟ་སྱ་ཏི་བི་ནཱ་མ། བོད་སྐད་དུ། དཔལ་རྡོ་རྗེ་འཇིག་བྱེད་རྒྱུད་ཀྱི ་མདོ་མདོར་བཤད་པ་ཞེས་བྱ་བ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །མགོན་པོ་འཇིགས་བྱེད་དཔལ་ལྡན་བླ་མ་ཡི། །ཞབས་ཀྱི་པདྨ་ལ་ཡང་ཕྱག་འཚལ་ལོ། །དེ་ཡིས་རྒྱུད་ཀྱི་རྒྱལ་པོ་བཤད་པ་ནི། །དེ་ཡི་བཀའ་དྲིན་གྱིས་ནི་བར? ་བྱ། །དེ་ནས་ཞེས་བྱ་བ་ལ་སོགས་པ་ལ། །དེ་ནས་ཀྱི་སྒྲ་ནི་འདིར་དེ་མ་ཐག་པར་རྟོགས་པར་བྱའོ། །འོ་ན་གལ་ཏེ་དེ་ལྟ་བུ་ཡང་ཇི་ལྟར་རྒྱུད་ཀྱི་དང་པོར་བསྟན་ཅེ་ན། འདི་སྐད་བདག་གིས་ཞེས་བྱ་བ་ལ་སོགས་པ་དང་པོའི་ཚིག་པོར་ཏེ། དེ་ནས་ཞེས་བྱ་བའི་སྒྲ་བསྟན་པ་ནི།། ་འཇམ་དཔལ་གྱི་རྒྱུད་གྲངས་སྟོང་ཕྲག་བཅཝོ་བརྒྱད་པ་ལས། འཇིགས་བྱེད་ཆེན་པོ་སྒྲུབ་པའི་ཐབས་ཀྱི་རྗེས་ལས་རྒྱུད་འདི་ཕྱུང་པ་སྟེ། དེ་ལྟར་རྟོགས་པར་བྱས་ལ། རྒྱུད་ཀྱི་དང་པོར་སྦྱར་བར་བྱའོ། །ཡང་དེ་ནས་ཀྱི་སྒྲ་ནི་རྟོག་པ་བདུན་པ་མ་ལུས་པའི་སྐབས ་སུ་བབ་པའི་དོན་ཏོ། །ཡང་དག་བཤད་ཅེས་བྱ་བ་ནི། ཡང་དག་པའི་དོན་ཏེ་འདིར་བཟླས་པ་དང། འཁྲུལ་འཁོར་དང་སྦྱིན་སྲེག་དང། བསམ་གཏན་དང། ཕྲིན་ལས་དང། རྡོ་རྗེ་འཇིགས་བྱེད་ཀྱི་སྒྲུབ་ཐབས་ཞེས་བྱ་བ་ནི། རྡོ་རྗེ་སྟོང་པ་ཉིད་དུ ་བརྗོད། འཇིགས་བྱེད་སྙིང་རྗེར་འདོད་པ་སྟེ། །རྡོ་རྗེ་འཇིགས་བྱེད་སྦྱོར་བ་ལས། །གཉི་ག་དེ་ཡི་བདག་ཉིད་འགྲུབ། །དེ་ལྟར་ན་སྟོང་པ་དང་སྙིང་རྗེ་དབྱེར་མི་ཕྱེད་པའོ། །རྡོ་རྗེ་སེམས་དཔའ་ཨི་ནི་རྡོ་རྗེ་འཇིགས་བྱེད་དོ། །འདིའི་སྒྲུབ་ཐབས་ནི་སྒྲུབ་པར་བྱེད ་པ་སྟེ། གཞུང་གི་ཚོགས་འདི་ཡིས་རྡོ་རྗེ་འཇིགས་བྱེད་ཀྱི་ལྷའི་གཟུགས་འདི་ལྟ་བུར་བྱེད་པའོ། །རྒྱུད་ཀྱང་འདི་ཡིན་ཏེ་རྣམ་པར་བཀོད་པ་ལས་བྱུང་བས་ན་དེ་ཉིད་རྒྱུད་དོ། །དྲག་ཤུལ་ཞེས་བྱ་བ་ནི། །ཁྲོ་བོའི་ཐུགས་ཉིད་ལས་སོ། །འཇིགས་བྱེད ་ཅེས་པ་ནི་རྣམ་པར་འགྱུར་བའི་གཟུགས་ལས་སོ། །ཤིང་གཅིག་ཅེས་བྱ་བ་ནི་ཤིང་གང་ལ་ཤིང་གཞན་གི་གྱི་བམས་མ་ཕོག་པའོ། །དབང་དང་དགུག་པ་དང། གསང་བ་ལ་སོགས་པ་ནི་བསྟན་པའོ། །ཉེ་བར་བཤད་པ་ནི། དངོས་གྲུབ་སྣ་ཚོགས་སྒྲུབ ་པའི་རྟོག་པ་ལས་བསྟན་ཏོ། །རོ་སྲེག་ཐལ་བས་ཞེས་པ་ནི་རྡུལ་མཚོན་དཀར་པོའོ། །དུར་ཁྲོད་ཀྱི་སོ་འབས་ནི་རྡུལ་མཚོན་ནག་པོའོ། །ལྡོང་རོས་ཀྱིས་ནི་སེར་པོའོ། །དུར་ཁྲོད་ཀྱི་སོ་ཕག?་གིས་ནི་དམར་པོའོ། །ནི་མ?་པ་དང། ནི་སྲུན་ད་རའི་ལོ་མ་ལ ་སོགས་པ་ནི་ལྗང་གུའོ། །རྡུལ་ཚོན་དེ་རྣམས་ཀྱིས་དཀྱིལ་འཁོར་བྲི་བར་བྱ་ཞེས་པར་འབྲེལ་ཏོ། །གྲུ་བཞི་ཞེས་པ་ནི་མི་མཉམ་པ་མེད་བས་ནའོ། །སྒོ་བཞི་ཞེས་པ་སྟོང་པ་ཉིད་དང་མཚན་མ་མེད་པ་དང། སྨོན་པ་མེད་པ་དང།?་མངོན ་པར་འདུས་མ་བྱས་པ་སྟེ། རྣམ་པར་ཐར་བའི་སྒོ་བཞི་རྣམ་པར་དག་པའི་སྒོ་རྣམས་སོ། །རྟ་བབ་བཞི་ཡིས་བརྒྱན་ཅེས་པ་ནི། །དྲིལ་བུའི་སྒྲ་འཁྲོལ་པ་ནི། ཆོས་ཐམས་ཅད་སྟོང་ཉིད་དུ་རྟོག་བར་བྱེད་པའོ། །བ་དན་དགུ་ནི་གསུང་རབ་ཡན ་ལག་དགུའི་རྣམ་པར་དག་པའོ། །དེའི་མེ་ཏོག་གི་ཕྲེང་བ་དྲི་བཞི་པོ་ནི་འདོད་པའི་ཡོན་ཏན་ལྔའི་རྣམ་པར་དག་པའོ། །རྡོ་རྗེ་རིན་ཆེན་ཡང་ཞེས་པ་ནི་རྡོ་རྗེ་ནི་སྟོང་པ་ཉིད་དོ། །རིན་ཆེན་ཞེས་པ་ནི། བླ་ན་མེད་པའི་དགའ་བ་རྒྱས་པའི་རིན་པོ་ཆེ་སྟེ། ་སྙིང་རྗེ་ཆེན་པོའོ། །དེ་དག་ནི་གཉིས་སུ་མེད་པ་ཞེས་བྱ་བར་སྟོན་ཏོ། །ཟླ་བ་ཕྱེད་པ་ནི་བྱང་ཆུབ་ཀྱི་སེམས་འཛག་པའི་རང་བཞིན་དུ་སྟོན་པའོ། །དྲ་བ་དང་དྲ་བ་ཕྱེད་པ་ནི་ཐབས་དང་ཤེས་རབ་རྣམ་པར་དག་པའོ། །དེའི་དབུས་སུ་རེའུ་མིག་དགུ་པ་བྲི ་ཞེས་པ་ནི་གོ་སླའོ། །སྒོ་བཞི་རྣམས་སུ་ཞེས་པ་ནི། སྒོ་བཞི་པོ་རྣམས་དང། ཉེ་བ་བསྡུའོ། །རོ་ལངས་ཆེན་བོ་རྣམས་ཏེ། ཕྱག་གཉིས་པ་ཞལ་གཅིག་པ། སྤྱན་གསུམ་འབར་བ། སྐྲ་སེར་པོ་གྱེན་དུ་བརྫེས་པ། གཅེར་བུ་ཞལ་མཆེ་བ ་གཙིགས་པ། མདོག་ནག་པོ། །ཕྱག་གཡས་ཀྱིས་གྲི་གུག་གསོར་བར་བྱེད་པ། གཡོན་གྱིས་ཁྲག་གིས་བཀང་བའི་ཐོར་པ་འཛིན་པའོ། །གཞག་པར་བྱ་བ་ནི་བྲི་བར་བྱའོ། །མར་ཁུ་ཆེན་པོ་ཞེས་བྱ་བ་ལ་སོགས་པ་ནི་གོ་སླའོ། །སྔོན་དུ་བྱས་པ་ཞེས? ་པ་ནི་སྔོན་དུ་བསྙེན་པ་བྱས་པའོ། །ཧ་ཧ་ཞེས་སྒྲོགས་བྱེད་པ་ཞེས་པ་གད་མོ་བརྒྱད་ཀྱིས་རྣམ་པར་བྱེད་པའོ། །ཤིན་ཏུ་མཉམ་པར་གཞག་ཅེས་པ་ནི་རྡོ་རྗེ་འཇིགས་བྱེད་ཀྱི་རྣལ་འབྱོར་དང་ལྡན་པའོ། །དེའི་དབུས་སུ་བསྒྲུབ་ཅེས་པ་ནི། མངོན ་པར་འདོད་པའི་དངོས་གྲུབ་པོ། །དེའི་སྟེང་དུ་ཞེས་པ་ནི་དེ་མནན་པའོ། །གལ་ཏེ་སྔགས་པས་མ་གྲུབ་ན་ཞེས་པ་ནི། བཅོམ་ལྡན་འདས་དགྱེས་ཏེ། ཕྱག་རྒྱ་ཆེན་པོ་སྟེར་བ་ལས་བརྒྱ་ལམ་རྣལ་འབྱོར་པ་བསོད་ནམས་མེད་པའི་དབང་གིས་ཆ་ཡིན་པ་དེའི་ཚེ། ་དམན་པའི་ལས་དེ་ཡིས་གདོན་མི་ཟ་བར་འགྲུབ་བོ། །དེ་དག་གིས་དད་པས་བསྐྱེད་པར་བྱ་བའི་དོན་ཏོ། །དེ་དག་ནི་ཞེས་པ་ནི་ཡོངས་སུ་རྫོགས་པའོ། །འཇམ་དཔལ་ཞེས་པ་ནི་འཇམ་དཔལ་གྱི་སྤྲུལ་པའོ། །དཀྱིལ་འཁོར་ངེས་པར་བསྟན་ཅེས་པ་ནི། ་དཀྱིལ་འཁོར་རྡུལ་ཚོན་གྱི་དཀྱིལ་འཁོར་རོ། །ངེས་པར་བསྟན་པ་ནི་གང་གི་ཚེ་བརྟགས་པ་དེ་དེ་བཞིན་དུ་སྟོན་པའོ། །འོ་ན་ཇི་ལྟར་རྡུལ་ཚོན་གྱི་དཀྱིལ་འཁོར་དང་པོར་བསྟན་ཅེ་ན། དབང་མ་བསྐུར་བའི་རྒྱུད་ལས་གསུངས་པའི་ལས་མི་བྱ་ཞིང། རྒྱུད་ཉིད་ཀྱང ་མཐོང་པར་བྱ་བ་མ་ཡིན་པ་དེ་ལྟར་རྟོགས་པར་བྱ་བའི་ཕྱིར་དང། དང་བོ་ཉིད་དུ་རྡུལ་ཚོན་གྱི་དཀྱིལ་འཁོར་བསྟན་པ་ནི་རིགས་པའོ། །རྫོགས་སོ་ཞེས་པ་ནི་ཡང་དག་པར་ཐོབ་པ་སྟེ། རབ་ཏུ་ཐོབ་པའོ། །དེ་དག་ནི་རྡོ་རྗེ་འཇིགས་བྱེད་རྣལ་འབྱོར་གྱི་རྒྱུད་ལས ་བརྟག་པ་དང་པོའི་བཤད་པའོ།། ། །།དགོས་པ་མེད་པར་ནི་སུ་ཡང་འཇུག་བར་མི་འགྱུར་བ་འདིས་ནི། དགོས་པ་བསྟན་པའི་དོན་དུ། དེ་ནས་ཞེས་བྱ་བ་ལ་སོགས་པའོ། །དངོས་གྲུབ་སྣ་ཚོགས་སྒྲུབ་པའི་རྟོག་པ་གསུངས་སོ་།སྔགས ་པས་ཤིན་ཏུ་ཁྲོམ་པས་ཞེས་བྱ་བ་ནི། གསད་པ་དང། བསྐྲད་པ་དང། དབྱེ་བ་དང། ལས་གསུམ་སྟེ། ཁྲོས་པའི་སེམས་ཀྱིས་བྱའོ་ཞེས་པ་ལྷག་མའོ། །མེ་གཉིས་ཀྱི་དབུས་སུ་ཞེས་པ་ནི། མེ་རི་རེ་ཕའོ། །གང་ལས་ཤེས་ཤེ་ན། མེའི་ས་བོན་ཡིན ་པའི་ཕྱིར་ཏེ། རྒྱུ་ལས་འབྲས་བུ་བཏགས་པས་དེ་ཉིད་ཀྱིས་རྙེད་དོ། །ཧཱུཾ་བརྒྱད་ཅེས་བྱ་བ་ནི་ཕྱོགས་རྣམས་སུའོ། །གུར་རྣམས་སུ་ཕཊ་ཀྱི་ཡི་གེ་ཞེས་པ་ནི། ཕྱོགས་བྲལ་རྣམས་སུ་ཕཊ་ཀྱི་ཡི་གེ་བརྒྱད་བྲིའོ་ཞེས་འབྲེལ་ཏོ། །ཡང་ནི་རིམས་ཀྱིས་ཟིན་བར ་འདོད་ན་ཞེས་བྱ་བ་ནི། གང་གི་ཚེ་རྣལ་འབྱོར་པས་རིམས་ཀྱིས་ཟིན་པར་འདོད་པ་དེའི་ཚེ་ཆོ་ག་ནི་འདི་ཡིན་ཏེ། མཚོན་གྱིས་ཕོག་པ་འམ་སྦྱངས་པའི་མིའི་ཐོད་པ་ལ་རྒྱ་སྐྱེགས་ཀྱི་ཁུ་བ་འམ། རྡོ་རྒྱུས་ཀྱིས་རིམས་མངོན་པར་བྱའོ།། ་དེ་ལ་ཚ་བའི་རིམས་ནི་དམར་པོ་སྐྲ་གྱེན་དུ་འབར་བའོ། །གྲང་བའི་རིམས་ལ་ཡང་དཀར་པོ་གསུས་པ་ཆེ་བ་སྐྲ་འཕྱང་ཞིང་དུ་བ་ཞེས་པའོ། གཉིས་ཀ་ཡང་རྐང་པ་གསུམ་པ་ལག་པ་གསུམ་པ་ཞེས་པའོ། །ཕྱི་ནས་རོ་བསྲེགས་པའི་སོལ་པ་དང། ས ་དང་ཐལ་བ་ཡིས་བསྒྲུབ་བྱའི་རྐང་པའི་རྡུལ་དང། ལྷན་ཅིག་བསྲེགས་པ་ལ་བྱས་པའི་བསྒྲུབ་བྱའི་གཟུགས་བརྙན་གྱི་སྙིང་ག་རུ་སྔར་ཆོ་ག་ཉིད་ཀྱིས་བྲིས་པའི་འཁྲུལ་འཁོར་འདི་གཞུག་པར་བྱ་ཞིང། དུག་དང་ཚ་དང་སྐེ་ཚེ་ལ་སོགས་པས་ཀྱང་བྱུག་ལ། ་པདྨའི་སྣོད་གཞན་ཞིག་ཏུ་གཟུགས་དེ་གཞུག་པར་བྱའོ། །གཉིག་ལ་ཡང་དགུག་ཅིང་གཞུག་པར་བྱས་ནས། བྲིས་པའི་ཐོད་པའི་སྟེང་དུ་ཁ་སྤུབ་ཏུ་སྦྱིན་ནོ། །དེའི་རྗེས་ལ་དེ་ཡིས་གཟུང་བར་བསམ་ཞིང། མེ་ཐབ་ཀྱི་འོག་ཏུ་བསྲེགས་ཏེ། རྡོ་རྗེ་འཇིགས ་བྱེད་ཀྱི་རྣལ་འབྱོར་པས། མཚན་ཐོག་ཐག་བཟླས་པ་ངེས་པ་ཉིད་དུ་རིམས་ཀྱིས་ཟིན་པར་འགྱུར་བར་ཐེ་ཚོམ་མེད་དོ། །བྱ་རོག་གི་ལྷག་མ་ཞེས་པའི་བྱ་རོག་གིས་ཟོས་པའི་ལྷག་མས་སོ། །གསད་པ་ལ་ནི་ཆེ་གེ་མོ་མཱ་ར་ཡ་ཞེས་པས། སྤེལ་བའི་འཁྲུལ ་འཁོར་བྲིའོ། །བསྐྲད་པ་ལ་ནི་ཆེ་གེ་མོ་ཨུཏསྩ་ཏ་ཡ་ཞེས་སོ། །དབྱེ་བ་ལ་ནི་ཆེ་གེ་མོ་བི་དེ་ཤ་ཞེས་བོས་སོ། །དེ་ལྟ་བུ་ལ་སོགས་པ་ལས་དང་རྗེས་སུ་མཐུན་པར་ཀུན་ལ་ཤེས་པར་བྱའོ། །གསད་པ་ལ་ནི་གཤིན་རྗེའི་ལྟོ་བ་ལ་གནས་པའི་མེའི ་དཀྱིལ་འཁོར་བྲི་བར་བྱའོ། །བསྐྲད་པ་ལ་རྔ་མོའི་རྒྱབ་ཏུ་གནས་པའི་རླུང་གི་དཀྱིལ་འཁོར་ལའོ། །དྲན་པ་ཞེས་བྱ་བ་ནི་ཧ་ཡིག་སྟེ་མན་ངག་ལས་ཧ་ཡིག་ཟླ་བྱེད་ཐེག་ལེ་དང་དབྱངས་དྲུག་པས་བརྒྱན་པར་བྱའོ། ཞེས་རྟོགས་པར་བྱའོ། །རེངས་པ་ལ་ནི་རི་རབ་བཅོ་བརྒྱད་ཀྱིས་ཉེ ་པར་བརྒྱན་པའི་དབུས་སོ། །དབང་ལ་ནི་བུད་མེད་ཀྱི་ཆོས་འབྱུང་གི་དབུས་སོ། །དཀུག་པ་ལ་ནི་རྐང་བས་རྒྱང་པ་སེངྒེའི་རྒྱབ་ཏུའོ། །ཞི་བ་ལ་ནི་ཟླ་བའོ། །རྒྱས་པ་ནི་ཟླ་བ་སེལ་བའོ། །དབྱེ་བ་ནི་མ་ཧེ་དང་སྟག་གཉིས་ཀྱི་སྙིང་གར་རོ། །དེ་ལྟ་བུ་ལ་སོགས ་པའི་གནས་རྣམས་ནི་ལས་དང་རྗེས་སུ་མཐུན་པས་བྲི་བར་བྱའོ། །ཞི་བའི་འཁོར་ལོ་བྱ་བ། ཡ་དང་ཐ་མ་ཡ་ཡིག་ནི། །དབྱི་བར་བྱ་སྟེ་ནི་གཉིས་ཀྱང། །ཕྱི་ནས་དཀྱིལ་དུ་ཡ་ཡིག་སྟེ། །ཡི་གེ་ལྷག་མ་ཅི་བདེ་བའོ། །དེ་དག་ནི་རྡོ་རྗེ་འཇིགས་བྱེད ་ཀྱི་རྣལ་འབྱོར་གྱི་རྒྱུད་ལས་རྟོགས་པ་གཉིས་པའི་བཤད་པའོ།། །།རྟོག་པ་ལས་གསུངས་པའི་དགོངས་པ་དེ་ཉིད་ཀྱང། སྔགས་མེད་ནི་མ་འགྲུབ་པས། སྔགས་འདི་ལ་ཐེ་ཚོམ་མེད་པའི་དོན་དུ། དེ་ནས་ཞེས་བྱ་བ་སོགས་པས་སྔགས་བཏུ་བའི་རྟོག་པ ་གསུངས་པའོ། །དེ་ནས་ཞེས་བྱ་བ་གོ་སླའོ། །ཡ་ཡིག་ཞེ་སྡང་ཉིད་དུ་འགྱུར། །ཀྵེ་ཡི་ཡི་གེ་གཏི་མུག་བརྗོད། །མ་ཡིག་ཕྲ་མ་རུ་ནི་གསུངས། །མེ་ནི་འདོད་ཆགས་དགྲ་གསོད་པའོ། །ད་ཡིག་ཕྲག་དོག་ལ་ཡིག་འགྱུར། །ཡ་ཙ་ཐོ་བ་དབྱུག ་པ་དང། །ནི་ཡིག་ཕྱག་ན་པདྨའོ། །ར་ཡི་ཡི་གེ་རལ་གྲི་གཙོ། །ཛ་ཡིག་ལྷ་མོ་ཙ་ར་ཙི་ཀ་།ཕག་མོ་ཡང་ནི་ས་ཡིག་སྟེ། དྲོལ་དབྱངས་ཅན་མ་རུ་བརྗོད། །རུ་ནི་གཽ་རཱའི་རང་བཞིན་ཅན། །ཎ་ཡོ་ནི་རའི་རང་བཞིན་ཡང། །ཐོད་པ་གཤིན་རྗེ ་དགྲ?་འཇོམས་པའོ། །ཡི་གེ་བཅུ་བདུན་པོ་དེ་རྣམས་ནི། །ལྷ་བཅུ་བདུན་གྱི་རང་བཞིན་དུ་བསམ་པར་བྱས་ལ། རང་གི་སྙིང་གའི་ས་བོན་གྱི་འོད་ཟེར་གྱིས་གཤིན་རྗེ་གཤེད་ཀྱི་ལྷ་བཅུ་བདུན་གྱི་བདག་ཉིད་ཡེ་ཤེས་ཀྱི་དཀྱིལ་འཁོར་ནས་སྤྱན ་དྲངས་ཏེ། མདུན་དུ་བཞུགས་པ་ལ་མཆོད་ཡོན་ལ་སོགས་སྦྱིན་ཞིང། །སྔར་བྲིས་པའི་འཁྲུལ་འཁོར་ལ་ཐོ་བ་ལ་སོགས་པའི་སྦྱོར་བས་རབ་ཏུ་གཞུག་པར་བྱའོ། །ལས་དང་རྗེས་སུ་མཐུན་པར་གསུངས་པའི་རིམ་པས་བདག་ཉིད་བསྒོམ་ཞིང ་སྔགས་ཡོངས་སུ་བཟླས་པས་ལས་རབ་ཏུ་བསྒྲུབ་པར་བྱའོ། །དེ་དག་ནི་རྡོ་རྗེ་འཇིགས་བྱེད་རྣལ་འབྱོར་གྱི་རྒྱུད་ལས་རྟོག་པ་གསུམ་པའི་བཤད་པའོ།། །།དགོངས་པ་གསུངས་པ་དེ་ཡང་ལྷ་ལ་དམིགས་པ ་མེད་ན་མི་འགྲུབ་ཅེས་པས་ལྷ་ལ་དམིགས་པའི་དོན་དུ། དེ་ནས་ཤེས་བྱ་བ་ལ་སོགས་པ་སྒྲུབ་པའི་ཐབས་ཀྱི་རྟོག་པ་གསུངས་སོ། །དེ་ནས་ཞེས་པ་ནི་སྔགས་བཏུ་བའི་རྟོག་པའི་དེ་མ་ཐག་ཏུའོ། །རྡོ་རྗེ་འཇིགས་བྱེད་ཀྱི་སྒྲུབ་ཐབས་ཞེས་པ་ནི། ་བསྒྲུབ་པར་བྱ་བ་ཡང་བདག་ཉིད་བསྒྲུབ་པར་བྱ་བ་སྟེ། རྡོ་རྗེ་འཇིགས་བྱེད་ཉིད་ཀྱི་ཐབས་དེས་སྒྲུབ་པར་བྱེད་པའོ། །ཡང་དག་རབ་བཤད་ཅེས་བྱ་བ་ནི་ཡང་དག་པའི་དོན་ཏེ། འདིར་བླ་མའི་མན་ངག་བཤད་པའོ། །དེ་ལ་མན་ངག་ནི་འདི་ཡིན ་ཏེ། ཆོས་ཐམས་ཅད་བདག་མེད་པ་སྔོན་དུ་སོང་བས་ལྷ་ལ་དམིགས་པར་བྱའོ་ཞེས་པའི་ཚིག་ཕྱི་ནས་རྟོགས་པར་བྱའོ། །དང་པོ་ཁོ་ནས་ཤེས་པ་ཉིད་ཐོག་མར་རོ། །དེ་ལ་དགོངས་པ་ནི་འདི་ཡིན་ཏེ། དང་པོ་ཁོ་ནར་སྔགས་པས་དབེན་པའི ་གནས་གང་ཡང་རུང་བར་གནས་ཤིང་སྟན་བདེ་བ་ལ་འདུག་སྟེ། བདུད་རྩི་ལ་སོགས་པ་ཁར་བཅུག་ལ། གཅེར་བུ་སྐྲ་གྲོལ་བ། ལྷོར་མངོན་པར་ཕྱོགས་པར་གྱུར་པས། རང་གི་སྙིང་གར་ཉི་མ་ལ་གནས་པའི་འོད་ཟེར་གྱིས་ཕྱོགས་བཅུའི ་འཇིག་རྟེན་དུ་མངོན་པར་ཁྱབ་སྟེ། སངས་རྒྱས་དང་བྱང་ཆུབ་སེམས་དཔའ་དང་ཁྲོ་བོ་ལ་སོགས་པའི་ལྷའི་ཚོགས་བཀུག་ནས། མདུན་གྱི་ནམ་མཁའ་ཨི་ཕྱོགས་སུ་གནས་པར་བྱས་པ་དང། རང་གི་སྙིང་གའི་ས་བོན་གྱི་འོད་ཟེར་ལས་བྱུང་བའི ་རྡོ་རྗེ་ཙར་ཙི་ཀ་ལ་སོགས་པའི་ལྷ་མོ་བཞི་པོ་སྣ་ཚོགས་པ་ལ་སོགས་པའི་མཆོད་རྫས་ལག་པ་དག་གིས་བཟུང་སྟེ། ཡང་དག་པར་མཆོད་པ་དང། བཤགས་པ་ལ་སོགས་པ་བྱས་ལ་སླར་གཤེགས་པར་བྱའོ། །དེ་ལྟར་ཐམས་ཅད་རྣམ ་བསམ་པ། དེའི་རྗེས་ལ་ཆོས་ཐམས་ཅད་བདག་མེད་པ་ཞེས་བྱ་བའི་ཚིག་གིས་ཚངས་པའི་གནས་བཞི་བསྒོམ་པར་སྟོན་ཏེ། དེ་ལ་བྱམས་པ་ནི། སེམས་ཅན་ཐམས་ཅད་ལ་བུ་གཅིག་པ་ལྟར་རྩེ་བའི་མཚན་ཉིད་ཅན་ནོ། །སྙིང་རྗེ་ནི་སྡུག་བསྔལ ་དང་སྡུག་བསྔལ་གྱི་རྒྱུ་ལས་ཡང་དག་པར་སྒྲོལ་བར་འདོད་པའོ། །དགའ་བ་ནི་བདེ་བ་དེ་ཉིད་ཀྱིས་བརྟན་པར་འདོད་པའོ། །བཏང་སྙོམས་ནི་གཟུང་བ་དང་འཛིན་པའི་རྣམ་པར་རྟོག་པ་ཐམས་ཅད་ཉེ་བར་བཏང་བ་ལགས་སོ། །དེ་ནས་ཐམས་ཅད་རྟེན ་ཅིང་འབྲེལ་བར་འབྱུང་བས་མུ་བཞི་དང་བྲལ་བར་རྣམ་པར་བསམ་པར་བྱས་པ། ཨོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོ་ཧཾ། ཞེས་པའི་སྔགས་བརྗོད་པས་སྔགས་ཀྱི་དོན་མངོན་དུ་བྱས་ཏེ། བདག་ཉིད་དང་ཁམས་གསུམ་པོ་ཡང་སྣང་བ་མེད ་པར་བྱའོ། །དེ་ནས་སྨོན་ལམ་གྱི་སྟོབས་ཀྱིས་བར་སྣང་ལ་ཨ་ཡིག་དམར་པོ་ལས་སྐྱེས་པའི་སྟེང་དུ་ཧཱུཾ་ཡིག་ལས་འོད་ཟེར་ལྔ་སྤྲོས་ལ། དེ་ཡོངས་སུ་གྱུར་པའི་སྣ་ཚོགས་རྡོ་རྗེ་ཡོངས་སུ་གྱུར་པ་ལས། རྡོ་རྗེ་ར་བ་དང། གུར་དང། བླ་རེ་དང། ས ་གཞི་ཡང་ཡོངས་སུ་བསྒོམ་པར་བྱའོ། །ཡང་དེ་དག་ཐམས་ཅད་བསྒོམ་པར་བྱ་སྟེ་ཕྱི་ནས། ཡཾ་ལས་རླུང་གི་དཀྱིལ་འཁོར་ཞེས་པ་ནི། ཐིག་ལེ་དང་ཡང་དག་པར་ལྡན་པའོ། །དྷྲཱི(རྒྱུད་འགྲེལ་པོ་ཞལ་གཅིག་ཕྱག་གཉིས་པ། རལ་གྲི་པོ་ཏི་ཕྱག་ན་བསྣམས། །རྡོ་རྗེ་སྐྱིལ་ཀྲུང་སྦྱོར་བ་སྟེ། །རྒྱུ་ཡི་རྡོ་རྗེ་འཛིན་བདག་ཉིད། །དེ་ནས་རྒྱུད་ལས་གསུངས་པའི་འཆད་པར་འགྱུར་བའི་རིམ་པས། བདག་ཉིད་དུར་ཁྲོད་བརྒྱད་ཀྱིས་བརྒྱན་པའི། ་འབྲས་བུ་ཧེ་རུ་ཀའི་གཟུགས་སུ་བྱས་ལ། སྲིད་པ་དང་ཞི་བ་དབྱེར་མེད་པའི་ང་རྒྱལ་དུ་བྱེད་པ། ཨོཾ་སྭ་བྷཱ་བ་ཤུདྡྷ(རྒྱུད་འགྲེལ་སྐུ་ལ་སོགས་པ་ཡང་བྱིན་གྱིས་བརླབས་པ་བྱས་ལ། རང་སྙིང་ས་བོན་འོད་ཟེར་གྱིས། །སྣ་ཚོགས་སངས་རྒྱས་སྲས་བཅས་བཞུགས། །བཀུག་ལ་མདུན་དུ་བལྟས་པ་དང། དེ་རྣམས་ལས་སྤྲོས་ཡང་ནི་གང། །རྡོ་རྗེ ་ཙར་ཙི་ཀ་ལ་སོགས་པས་བུམ་པ་ཟླ་བ་ལྟ་བུ་བདུད་རྩི་རྣམ་ལྔས་བཀང་བ་བཟུང་སྟེ། དེ་རྣམས་ཀྱིས་བདག་ཉིད་ལ་བཀྲ་ཤིས་ཀྱི་ཚིགས་སུ་བཅས་པ་དང་ཡང་དག་པར་ལྡན་པས་དབང་བསྐུར་བར་རྣམ་པར་བསམ་པར་བྱའོ། །དབང ་བསྐུར་བའི་མཐར། མི་བསྐྱོད་ཕྱག་རྒྱ་མགོན་པོ་ཡི། །རྩ་བའི་དབུ་ལ་བསྒོམ་པར་བྱ། །སྒེག་པ་ལ་སོགས་རོ་དང་ལྡན། །ཕྱི་རོལ་དུ་ནི་ཁྲོ་བོའི་གཟུགས། །དེ་ནས་སྙིང་གའི་ས་བོན་གྱི་འོད་ཟེར་གྱིས་ཡེ་ཤེས་སེམས་དཔའ་བཀུག ་ཅིང། །མདུན་དུ་གཞག་པར་བྱས་ལ་མཆོད་ཡོན་དང་ཞབས་བསིལ་ལ་སོགས་མཆོད་པ་དབུལ་ལོ། །དེ་ནས་ཨོཾ་མུད་ག་ར་ཛ(རྒྱུད་འགྲེལ་ཞེས་པས་རབ་ཏུ་བཅིང་བ་དང། ཨོཾ་ཁཌག་ཧོ(རྒྱུད་འགྲེལ་པར་མཆོད་པར་བྱའོ། །དེ་ནས་བདུད་རྩི་འབར་བ་ལ་སོགས་པའི་ཚོགས་བསྒྲུབས་ལ་རྡོ་རྗེ་སྦུ་གུས་དྲང་ཞིང་ལོངས་སྤྱད་པར་བྱའོ། །བདག་ཉིད་ལྷའི་རྣམ་པར་བསྒོམས་ཏེ་དེ་ཉིད་རྣལ་འབྱོར་རོ། །བདེན་མིན་བརྫུན་བ་མ་ཡིན་ཉིད། །དེ་ནས ་རྣམ་དག་ཀྱང་ངན་བྱ། །ཐོད་པས་ཐོད་བྱས་པ་ཞེས་བྱ་བ་ནི། །ཡེ་ཤེས་རྣམ་པ་ལྔའི་རང་བཞིན་ནོ། །འཇིགས་སུ་རུང་བའི་ཞེས་བྱ་བ་ནི། བདུད་རྣམས་འཇིགས་པར་བྱེད་པས་སོ། །ཐོད་པའི་རྒྱན་གྱིས་བརྒྱན་ཅེས་བྱ་བ་ནི་ཆོས་ཀྱི ་དབྱིངས་ལས་སྐྱེས་པའི་ཕྱིར་རོ། །ཞབས་བཅུ་དྲུག་ཅེས་པ་ནི། སྟོང་པ་ཉིད་བཅུ་དྲུག་གི་རྣམ་པར་དག་པའོ། །གཅེར་བུ་ནི་ཆོས་ཐམས་ཅད་སྒྲིབ་པ་མེད་པར་རྟོགས་པའོ། །མཚན་མ་གྱེན་དུ་འགྲེང་བ་ནི། བདེ་བ་ཆེན་པོའི་བདག་ཉིད་དུ་གྱུར་པའི་ཕྱིར་རོ། །ཞབས ་གཡོན་བརྐྱང་བ་ནི། ཆོས་ཐམས་ཅད་སྟོང་པ་ཉིད་ཀྱིས་སོ་སོར་ཁྱབ་པའི་ཕྱིར་རོ། །གཏུམ་ཞིང་ཁྲོས་པས་ན། གསུས་པ་ཆེ་བའོ། །སྐྲ་གྱེན་དུ་བརྫེས་པ་ནི་མྱ་ངན་ལས་འདས་པའི་གོ་འཕང་སྟོན་པའོ། །བེ་ཏའི་སྒྲ་སྒྲོགས་བ་དང་ལྡན་པ་དང་ལྡན་པ་ནི། མ ་རུངས་པ་ལ་སོགས་པ་སྐྲག་པར་བྱེད་པས་ནའོ། །ཕྱག་སུམ་ཅུ་རྩ་བཞི་ནི། བྱང་ཆུབ་ཀྱི་ཕྱོགས་སུམ་ཅུ་རྩ་བཞིའི་རྣམ་པར་དག་པའོ། །ཡང་དག་པའི་རྩོལ་བ་དང། ཡང་དག་པའི་དྲན་པ་དང། ཡང་དག་པའི་ཏིང་ངེ་འཛིན་གསུམ་ནི་བཅོམ་ལྡན་འདས་ཉིད ་ཀྱི་སྐུ་གསུང་ཐུགས་ཀྱི་རང་བཞིན་གྱིས་བསྡུས་བའོ། །ལེགས་པ་དང་མཉམ་པར་བཞག་ཅེས་པ་ནི། ལུས་ངག་ཡིད་གསུམ་རྣམ་པར་གཡེང་བ་མེད་པའོ། །རྟག་ཏུ་ཞེས་པ་ནི་དུས་གསུམ་དུའོ། །དེ་ཁོ་ན་ཉིད་ཀྱི་སྦྱོར་བ་ཞེས་པ་ནི། བསྒོམ་བྱ་དང། ་བསྒོམ་པ་པོ་དང། བསྒོམ་པ་རྣམས་སུ་མི་དམིགས་པས་སོ། །གྲི་གུག་ནི་མ་རིག་པ་གཅོད་པའོ། །བྷིར་ཏི་པ་ལ་ནི་གཟུང་བ་དང་འཛིན་པའི་རྣམ་པར་རྟོག་པ་འཇིགས་པའོ། །བཏུན་ཤིང་ནི་དྲན་པ་ཉམས་པ་འཇོམས་པའོ། །ཆུ་གྲི་ནི་སྲེད་པ ་གཅོད་པར་བྱེད་པའོ། །རྡོ་རྗེ་རྩེ་གཅིག་པ་ནི་ལུས་ངག་ཡིད་གསུམ་ཀྱི་ཉེས་པ་འཇོམས་པའོ། །སྟ་རེ་ནི་སེམས་ཀྱི་སྲ་བའི་བག་ཆགས་འཇོམས་པའོ། །མདུང་ནི་བལྟ་བ་ངན་པ་འབིགས་པའོ། །མངའ་ནི་ཤིན་ཏུ་རྨོངས་པའི་ཟུག་རྔུ་འབིགས་པའོ། ་ལྕགས་ཀྱུ་ནི་འགུགས་པར་བྱད་པའོ། །བཾ་དབྱུག་ནི་ལས་ཀྱི་སྒྲིབ་བ་འཇོམས་པའོ། ཁ་ཊཝཱཾ་ག་ནི་བྱང་ཆུབ་སེམས་ཀྱི་རང་བཞིན་ནོ། །འཁོར་ལོ་ནི་ཆོས་ཀྱི་འཁོར་ལོ་བསྐོར་བ་ལས་སོ། །རྡོ་རྗེ་ནི་རོ་གཅིག་ཏུ་གྱུར་པའི་ཡེ་ཤེས་ལྔའི་བདག་ཉིད་དོ། །ཐོ་བ་ནི ་སེར་སྣ་འཇོམས་པའོ། །རལ་གྲི་ནི་རལ་གྲི་ལ་སོགས་པའི་དངོས་གྲུབ་སྟེར་བའོ། །ཅང་ཏེའུ་ནི་མཆོག་ཏུ་དགའ་བའི་སྒྲས་སངས་རྒྱས་ཐམས་ཅད་སྐུལ་བར་བྱེད་པའོ། །ཐོད་པ་ཁྲག་གིས་གང་བ་ནི། དམ་ཚིག་སྐུལ? ་བས་ནའོ། །བྲམ་ཟེའི་མགོ་བོ་ནི་ཐུགས་རྗེ་ཆེན་པོས་འགྲོ་བའི་དོན་མཛད་པས་ནའོ། །ཕུག་ནི་བདུད་ལས་རྣམ་པར་རྒྱལ་བས་ནའོ། །རྐང་པ་ནི་སངས་རྒྱས་ཀྱི་སྐུའི་གོ་འཕང་སྟེར་བས་ནའོ། །ཞགས་པ་ནི་ཡང་དག་པའི་ཡེ་ཤེས་སུ ་འཆིང་བའོ། །གཞུ་ནི་འཇིག་རྟེན་གསུམ་ལས་རྒྱལ་བའོ། །རྒྱུ་མས་ནི་སྟོང་པ་ཉིད་ཀྱི་སྙིང་པོ་སོ་སོར་རྟོགས་པའོ། །དྲིལ་བུ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་ངོ་བོའོ། །ལག་པ་ནི་འཕྲིན་ལས་ཐམས་ཅད་མཛད་པས་ནའོ། །དུར་ཁྲོད་ཀྱི་རས་ནི ་ཆོས་ཐམས་ཅད་བདག་མེད་པ་ལ་མ་རིག་པའི་སྒྲིབ་ཕྱོགས་སེལ་བའོ། །གསལ་ཤིང་ལ་གཙུགས་ཞེས་པ་ནི། དངོས་པོ་ཐམས་ཅད་སྟོང་པ་ཉིད་ལ་གཙུགས་པ་ཞེས་སོ་སོར་རྟོགས་པའི་ཕྱིར་རོ། །མེ་ཐབས་ཅེས་པ་ནི་ཆོས་ཐམས་ཅད་འོད ་གསལ་བར་སྟོན་པས་ནའོ། །ཐོད་ཚལ་ནི་སྙིང་རྗེའི་བདུད་རྩིས་གང་བའོ། །སྡིགས་མཛུབ་ནི་བདུད་རྣམས་བསྡིགས་པར་མཛད་པའོ། །འཕན་རྩེ་གསུམ་ནི་ལུས་ངག་ཡིད་གསུམ་རང་བཞིན་གཅིག་ཏུ་རྟོགས་པའོ། །རླུང་གི་རས་ནི་ཆོས ་ཐམས་ཅད་སྒྱུ་མར་སྟོན་པའོ། །གླང་པོའི་པགས་པ་ཞེས་པ་ནི་གཏི་མུག་གླང་པོའི་འོ། །གཡས་པའི་ཞབས་ཀྱིས། མི་ལ་སོགས་པས་བརྒྱད་པོ་ནི་དངོས་གྲུབ་ཆེན་པོ་བརྒྱད་པོའི་དག་པས་སོ། །གཡོན་པའི་ཞབས་བརྒྱད་ཀྱིས། བྱ་རྒོད ་ལ་སོགས་པ་བརྒྱད་ནི། དབང་ཕྱུག་བརྒྱད་ཀྱིས་དག་པས་སོ། །ཞལ་དགུ་པོ་འདི་ལྟ་བུས་ནི། ཡན་ལག་དགུའི་ཆོས་སྟོན་པས་སེམས་ཡོངས་སུ་སྨིན་པས་ནའོ། །མ་ཧེའི་གདོང་ནི་ཁམས་གསུམ་གྱིས་བདག་པོས་ནའོ། །རྭ་གཉིས ་ནི་བདེན་པ་གཉིས་ནའོ། །ཕྱག་རྒྱ་ལྔ་རྣམས་ནི་དེ་བཞིན་གཤེགས་པ་ལྔའི་རང་བཞིན་ནོ། །སངས་རྒྱས་ཀྱི་སེམས་ཅན་རྣམས་མཆོད་པར་བྱེད་པས་ན། སྟེང་གི་ཞལ་དམར་པོ་འདི་ལྟ་བུ་ཁྲག་འཛག་པའོ། །ཞལ་དགུ་པ་སེར་བ་ནི་འཇམ་དཔལ་གྱི་སྤྲུལ ་པ་སྟོན་པས་ནའོ། །བྱིས་པའི་རྒྱན་གྱིས་བརྒྱན་པ་ནའོ། །གཞོན་ནུའི་གཟུགས་ཀྱི་ཕྱིར་ནའོ། །སྤྱི་བོར་རལ་པ་ལྔ་དང་ལྡན་པ་ནི། མངོན་པར་བྱང་ཆུབ་པ་ལྔའི་དག་པའོ། །སྤྱན་གསུམ་ནི་དུས་གསུམ་སྟོན་པའོ། །དེ་ལྟར་བལྟས་ཏེ་བདག་ཉིད་ནི ་ལྷའི་བདག་ཉིད་དེར་གཏད་ནས། སྔགས་བཟླས་དེ་ཚེ་རྣལ་འབྱོར་པ། །ཡིད་ནི་ཇི་ལྟར་མི་བསྐྱོ་བར་རོ། །གང་ཡང་རུང་བའི་སྔགས་ཀྱི་ཡི་གེ་ཉིད་བརྗོད་པ་སྟེ། དེ་ཡང་རང་གི་སྙིང་གར་ཉི་མའི་དཀྱིལ་འཁོར་གྱི་སྟེང་དུ་གཡས་སྐོར་དུ་མཎྜལ་གྱི་རྣམ་པར་བལྟས་ལ། སྣ་བུག་ནས་འབྱུང ་བའི་རླུང་སྤྲོས་པའི་གཟུགས་ཀྱིས་འགྲོ་བའི་དོན་བྱས་ནས། ཡང་བསྡུས་ཏེ་སྣ་བུག་ནས་འཇུག་པའི་རླུང་གིས་རབ་ཏུ་ཞུགས་ཏེ་དེ་ཉིད་དུ་གནས་པར་རོ། །དེ་ལྟར་ཡང་དང་ཡང་མི་སྐྱོའི་བར་དུ་ཆོ་ག་ཉིད་ཀྱིས་བཟླས་པ་སྟེ། དེ་དག་ནི་བཟླས་པའོ། །དེ་སྐྱོ་བར་གྱུར་ན། ཆོ་ག་ཇི་ལྟ་བར་གཏོར ་མ་བྱིན་ལ། ཡེ་ཤེས་སེམས་དཔའ་གཤེགས་སུ་གསོལ་ཏེ། ལྷའི་རྣལ་འབྱོར་དུ་གནས་པར་བྱའོ། །དེ་དག་ནི་རྡོ་རྗེ་འཇིགས་བྱེད་རྣལ་འབྱོར་གྱི་རྒྱུད་ལས་བསྒྲུབ་པའི་རྟོག་པ་སྟེ་བཞི་པའི་བཤད་པའོ།། །།དེ་ལྟར་བསྒོམ་པ་གསལ་བའི་དོན་དུ། དེ་ནས་ཞེས་པ ་བྲིས་སྐུའི་ཆོ་གའི་རྟོག་པ་གསུངས་པ། དེ་ནས་ཞེས་བྱ་བ་ལ་སོགས་པ་གོ་སླའོ། །རྣམ་པར་རྟོག་པ་མེད་པ་ཅན་ཞེས་པ་ནི། དེ་ཁོ་ན་ཉིད་ཤེས་པའོ། །རི་མོ་མཁན་བཟང་པོ་ཞེས་པ་ནི། དམ་ཚིག་བསྟེན་པའོ། །རྩ་བ་ཞེས་པ་ནི་ཏིང་ངེ་འཛིན་གྱིས་བསྒྲུབ་པའི་སེམས་སོ།། ་བསྒྲུབས་པས་ཤེས་པ་ནི་རི་མོའི་ལན་གྱིས་སོ། །དཔའ་བོའི་རིམ་པ་ཞེས་པ་ནི། ཆང་དང་ཤ་ལ་ཉེ་བར་ལོངས་སྤྱོད་པས། དགའ་བའི་སེམས་ཀྱིས་སོ། །གླེགས་བམ་ལ་ལར་ནི། དཔའ་བོའི་ཚོང་ཞེས་པའི་ཚིག་།དེ་ལ་རི་མོ་མཁན་འདོད་པ་དེ་བྱིན་ལ། བྲི་བར་བྱ ་ཞེས་འབྲེལ་ཏོ། །ལྷག་མ་ནི་གོ་སླའོ། །དུད་ཆེན་གྱི་ཕྲེང་བ་ཞེས་པ་ནི། དུད་ཆེན་གྱི་ཕྲེང་བ་དེ་རྣམས་དག་པར་བྱ་སྟེ། དེ་ལ་རྣམ་པར་དག་པའི་མན་ངག་ནི་འདི་ཡིན་ཏེ། རྡོག་མ་རེ་རེ་ལ་ཧཱུཾ་ཡིག་ཡོངས་སུ་གྱུར་པ་ལས། དཔལ་རྡོ་རྗེ ་འཇིགས་བྱེད་ཆེན་པོའི་ངོ་བོར་བལྟའོ། །ཡང་ན་མིའི་མགོའི་ཁྲག་འཛག་པའི་ངོ་བོར་བསམས་ཏེ། སྔགས་བཟླས་ཞེས་པ་འབྲེལ་ཏོ། །དེ་དག་རྡོ་རྗེ་འཇིགས་བྱེད་རྣལ་འབྱོར་གྱི་རྒྱུད་ལས་རྟོག་པ་ལྔ་པའི་བཤད་པའོ།། །། ་སྦྱིན་སྲེག་ལས་ནི་འདོད་རྣམས་ཀྱི། །སེམས་ཅན་རྣམས་ལ་ཆོ་ག་མཆོག་།རྡོ་རྗེ་སེམས་དཔའ་བསྟན་པ་སྟེ། །ལས་རྣམས་ཐམས་ཅད་རབ་འགྲུབ་པའོ། །སྦྱིན་སྲེད་ལས་ཀྱི་ཆོ་ག་ཞེས་པ་ནི་གོ་སླའོ། །གང་གིས་གསད་པ་འདོད་ན་ཞེས་པ་ནི། ་གང་ཚེ་རྣལ་འབྱོར་པས་གསད་པར་འདོད་པ་དེའི་ཚེ་དུར་ཁྲོད་དུ་སོང་ལ། གསུངས་པའི་རྡོ་རྗེ་འཇིགས་བྱེད་ཀྱི་རྣལ་འབྱོར་གྱིས། དུར་ཁྲོད་ཀྱི་མེ་ལ་འབད་པར་འགྱུར་བའི་རིམ་པས། མེ་ལ་སོགས་པའི་ཞལ་དུ་གསུངས་པའི་རྫས་ཀྱི་སྦྱིན་སྲེག ་བྱའོ། །ཡང་ན་བཅུ་བཞི་ལ་ཁྱིམ་དུ་གནས་པ་དང། དབེན་པ་བྱས་ལ། ཐབ་ཁུང་གྲུ་གསུམ་དམར་པོ། །སོར་ཉི་ཤུའི་ཚད་ལ་ཟབས་སོར་ལྔ་གཉིས་པ་རྡོ་རྗེ་ཕྲེང་བས་བརྒྱན་པར་བྱའོ། །དེར་དུར་ཁྲོད་ཀྱི་མེ་འམ་གཏུམ་པོའི་མེའི་དབུས་སུ་པཾ་ཡིག ་ལས་སྐྱེས་པ་སྣ་ཚོགས་པདྨའི་སྟེང་དུ། མེ་ཉིད་གྲུ་གསུམ་གྱི་དབུས་སུ་རཾ་ལས་སྐྱེས་པའི་མེ་ལྷ་མདོག་ནག་པོ་ཞལ་གསུམ་ཕྱག་དྲུག་པའོ། །གཡས་པའི་ཕྱག་ན་བགྲང་ཕྲེང་དང་གཞན་མི་འཇིགས་པའོ། །གཡོན་པ་ནི་དགྱུ་གུ་གསུམ་པ ་འཛིན་པ་དང། ལྷག་མ་གཉིས་གྲི་གུག་འཛིན་པའོ། །ཞབས་གཡོན་བརྐྱང་བར་གནས་པའི་ཁྲོ་བོའི་རྒྱན་གྱིས་རྣམ་པར་བརྒྱན་པའོ། །དེའི་སྙིང་གར་རཾ་གྱི་ས་བོན་གནས་པ། དེ་ནས་ཡེ་ཤེས་ཀྱི་མེ་ལྷ་དགུག་ལ་མཆོད་ཡོན་དང་ཞབས་བསིལ་ལ ་སོགས་པ་ཕུལ་ནས། དམ་ཚིག་ལ་རབ་ཏུ་བཅུག་སྟེ། མཆོད་པ་ལ་སོགས་པ་བྱའོ། །དེའི་ཁ་རུ་རཾ་བཀོད་ལ་ཧ་ཨོཾ་ཨགན་ཡེ་སྭཱ་ཧཱ། ཞེས་བྱ་བའི་སྔགས་འདིས་ཅུང་ཟད་བསྲེག་པར་བྱའོ། །ཕྱི་ནས་དེའི་སྙིང་གར་གསུངས་པའི་ཚུལ་གྱིས་རྡོ་རྗེ་འཇིགས་བྱེད ་གསུངས་པའི་རིམ་པས་བསམས་ཏེ། མིག་ལ་སོགས་པ་བྱིན་གྱིས་རློབ་པ་སྔོན་དུ་འགྲོ་བ་ཅན་ཡེ་ཤེས་སེམས་དཔའ་དགུག་པ་ལ་སོགས་པ་བྱ་ཞིང། མཆོད་པ་ལ་སོགས་པ་བྱའོ། །དེའི་ཁར་ཡང་རེ་བ་བསམས་ལ་རང་ཡང་རྡོ་རྗེ་འཇིགས་བྱེད་ནག་པོའི ་རྣལ་འབྱོར་གྱི་བདག་ཉིད་རྫས་དེ་དག་གིས་སྦྱིན་སྲེག་བྱ་བ་སྟེ། གསུངས་པར་འགྱུར་བས་སོ། །གསད་པ་དང། བསྐྲད་པ་དང། དབྱེ་བ་ལ་སོགས་མངོན་སྤྱོད་ཀྱི་ལས་ལ་ནི་ཁྱད་པར་འདི་ཡིན་ཏེ། བཅུ་བཞི་དང་ཁྲོས་པའི་སེམས་སོ། །ཇི་ལྟར་བསང་བའི ་ཐབས་སུ་དེ་བཞིན་དུ། དབྱེ་བ་ལ་ཡང་ངོ། །དེ་ནས་བསྐྲད་པར་འདོད་པ་ཞེས་པ་ནི། གང་གི་ཚེ་བསྐྲད་པར་འདོད་པ་དེའི་ཚེ། ཐབ་ཁུང་སྔོན་པོ་ཁྲུ་དོའི་ཚད་ལས་ཟབས་སུ་ཁྲུ་གང་ཙམ་གཞུའི་རྣམ་པ་རྡོ་རྗེའི་ཕྲེང་བས་བརྒྱན་པའོ། །དེར་གསུངས་པའི་རིམ ་པས་ཐམས་ཅད་བྱས་ཏེ་བསྲེགས་པར་བྱ་ཞེས་བྱའོ། །ཡང་ན་ཞི་བར་བྱེད་པར་འདོད་ན། ཞེས་བྱ་ན་ནི། དེའི་རང་བཞིན་གྱི་ངོ་བོ་ཚེས་གཅིག་ལ་ཐབ་ཁུང་བྱ་བ་ཡང་ཟླུམ་ཞིང་དཀར་བ་ཁྲུ་གང་པའི་ཚད་ལ་ཟབས་སུ་ཁྲུ་ཕྱེད་པའོ། །འཁོར་ལོས་བརྒྱན ་པའོ། །ཞི་བར་འདོད་པ་ཞེས་པ་ནི། ཞི་བ་སྟེ་དགེ་བའི་སེམས་ཀྱིས་སོ། །རྡོ་རྗེ་འཇིགས་བྱེད་དཀར་པོའི་རྣལ་འབྱོར་གྱིས། མེ་ཐབ་ནི་སྔར་བཞིན་དུ་ཐམས་ཅད་བྱས་ལ། གསུངས་པའི་སྲེག་རྫས་ཀྱིས་སྦྱིན་སྲེག་བྱས་ན་ཞི་བར་འགྱུར་བའོ། །དེའི་ཚེ་རྒྱས ་པའི་ཐབ་ཁུང་ནི། གྲུ་བཞི་སེར་པོ་ཁྲུ་ངོའི་ཚད་ལ་ཟབས་སུ་ཁྲུ་གང་བའི་རིན་པོ་ཆེའི་ཕྲེང་བས་ཡོངས་སུ་བརྒྱན་པའོ། །དེ་སྔར་བཞིན་དུ་ཐམས་ཅད་བྱས་ལ་རྡོ་རྗེ་འཇིགས་བྱེད་སེར་པོའི་རྣལ་འབྱོར་གྱིས་ཁ་བྱང་དུ་བལྟས་ཏེ། ཟླ་བ་ཉ་ལ་རྒྱས་པའི ་སེམས་ཀྱིས་སྦྱིན་སྲེག་བྱས་ན་རྒྱས་པར་འགྱུར་རོ། །དེ་ནས་དགུག་པར་འདོད་ན་གང་གི་ཚེ། །དགུག་པར་འདོད་པ་དེའི་ཚེ། །ཚེས་བརྒྱད་ལ་ཐབ་ཁུང་སྔར་བཞིན་དུ་རླུང་གི་རྣམ་པ་བྱས་ཏེ། ཐམས་ཅད་སྔར་བཞིན་དུ་བྱས ་ལ། །རྡོ་རྗེ་འཇིགས་བྱེད་དམར་པོའི་རྣལ་འབྱོར་གྱིས། །ཆགས་པའི་སེམས་དང་ལྡན་པས་ཁ་ནུབ་ཏུ་བལྟས་ཏེ། གསུངས་པའི་སྲེག་རྫས་ཀྱིས་སྦྱིན་སྲེག་བྱས་ན་ཐེ་ཚོམ་མེད་པར་འགུགས་པར་བྱེད་དོ། །ཇི་ལྟར་འགུགས་པར་བྱེད་པ་དེ ་བཞིན་དུ་དབང་ལ་ཡང་ངོ། །དེ་དག་ནི་རྡོ་རྗེ་འཇིགས་བྱེད་རྣལ་འབྱོར་གྱི་རྒྱུད་ལས་རྟོག་པ་དྲུག་པའི་བཤད་པའོ།། །།གང་གི་ཚེ་སྔགས་པས་བསམ་གཏན་སྔགས་བཟླས་བྱས་པས་དུབ་པ་ན། །དེ་ལ་ཕན་ཕྱིར་ཀུན ་མཁྱེན་གྱིས། །རྟོག་པ་བདུན་པ་བསྟན་པའོ། །དེ་ནས་ཞེས་བྱ་བ་ནི་གོ་སླའོ། །གལ་ཏེ་སྔགས་པས་གསོད་པར་འདོད་པ་དེའི་ཚེ། བདག་ཉིད་རྡོ་རྗེ་འཇིགས་བྱེད་ཀྱི་རྣལ་འབྱོར་དུ་དམིགས་ལ། རང་གི་སྙིང་གའི་ཉི་མའི་ས་བོན་ལས་བྱུང་བའི ་ཁྲོ་བོ་དུ་མའི་ཚོགས་ཀྱིས་བསྐོར་བའི་སྤྲུལ་པའི་གཟུགས་ཀྱིས་སོང་སྟེ། བསྒྲུབ་བྱའི་སྙིང་ལ་རབ་ཏུ་ཞུགས་ནས་དེ་དག་བྱིན་གྱིས་རློབ་པའི་ལྷ་རྣམས་ཡང་དག་པར་མཆོད་ནས་གསོལ་བ་གདབ་སྟེ། འདི་ནི་འདི་ལྟ་བུའི་ལས་བྱེད་པས་ན། ་གདོན་མི་ཟ་བ་ཉིད་དུ་དམྱལ་བར་འགྲོའོ། །དེའི་ཕྱིར་འདི་ནི་ཁྱེད་རྣམས་ཀྱིས། །ཡོངས་སུ་བཏང་ལ་བྱོན་འཚལ་ལོ། །དེ་ནས་དེ་དག་དང་བཅས་པའི་བསྲུང་བ་ཁྱེར་ནས་རང་གི་གནས་སུ་འོངས་ཏེ། མཆོད་ཡོན་ལ་སོགས་པ་བྱིན་ལ། །རང ་གི་ཁའི་ལམ་དུ་ཞུགས་ནས། རང་གི་སྙིང་གར་བཀོད་པས་མཉེས་ཏེ་གནས་པར་བྱའོ། །བསྲུང་བའི་ལྷ་རྣམས་ནི་ཁྲོ་བོ་རྣམས་ཀྱིས་ཁྱེར་ཏེ་ནམ་མཁའ་ལ་གཤེགས་སོ། །དེ་ནས་སྟོང་པའི་ལུས་སུ་མཐོང་བའི་བསྒྲུབ་བྱ་དེ་ལ་ལས་བྱའོ། །དཔག ་ཚད་བརྒྱར་གནས་པའི་སྐྱེ་བོའི་གཟུགས་ཅན་བཟུང་སྟེ་ཞེས་བྱ་བ་ནི། །ལོ་དང། མདོག་དང། མཚན་མ་དང། གཟུགས་རྣམས་ཤེས་པར་བྱས་ལ། བསམ་གཏན་བརྩམ་པར་བྱའོ། །ཞེས་པར་འབྲེལ་ཏོ། །ལག་ན་ལྕགས་ཀྱུ་ཞགས་པ་ཞེས་བྱ་བ་ནི། །ལྕགས ་ཀྱུ་དང་ཞགས་པ་འཛིན་པའོ། །གཤིན་རྗེ་གཤེད་ཀྱི་གཟུགས་ཞེས་པ་ནི། །ཕྱག་གཉིས་པ། ཞལ་གཅིག་པ་སྟེ། པདྨ་གཤིན་རྗེ་གཤེད་ཀྱི་གཟུགས་སོ། །མ་ཧེའི་གདོང་གི་རྣལ་འབྱོར་དང་ལྡན་པས་སོ། །པདྨ་འདབ་མ་བརྒྱད་པ་ཞེས་པ་ནི། །པདྨ་འདབ ་མ་བརྒྱད་པ་དཀར་པོ་སྟེ། དེའི་ཟེ་འབྲུ་ལ་ཧྲཱི(རྒྱུད་འགྲེལ་འཁོར་ལ། ཨ་ཡིག་གནས་ཞེས་བྱ་བར་འབྲེལ་ཏོ། །དེ་དག་ནི་དཔལ་རྡོ་རྗེ་འཇིགས་བྱེད་རྣལ་འབྱོར་གྱི་རྒྱུད་ལས་རྟོག་པ་བདུན་པའི་བཤད་པའོ།། །།རྡོ་རྗེ་འཇིགས་བྱེད་རྒྱུད་ལས་ནི། །མདོ་མདོར་བཤད་པ་གསལ་བར་བྱས་པ་ཡི། ། ་བདག་གིས་བསོད་ནམས་གང་ཐོབ་པ། །དེ་ཡིས་འགྲོ་རྣམས་རྒྱལ་བར་ཤོག་།དཔལ་རྡོ་རྗེ་འཇིགས་བྱེད་རྣལ་འབྱོར་གྱི་སྐབས་མདོ་མདོར་བཤད་པ་རྫོགས་སོ།། །།སློབ་དཔོན་དཔལ་འཛིན་གྱི་རྗེས་སུ་འབྲངས་པའི ་སློབ་དཔོན་དཔལ་ཆེན་པོ་རྡོ་རྗེ་གྲུབ་པས་མཛད་པ་རྫོགས་སོ།། །།རྒྱ་གར་སྐད་དུ། བཛྲ་བྷི་ར་བ་ཏནྟ་པཉྩི་ཀཱ། བོད་སྐད་དུ། རྡོ་རྗེ་འཇིགས་བྱེད་ཀྱི་རྒྱུད་ཀྱི་དཀའ་འགྲེལ། དཔལ་རྡོ་རྗེ་འཇིགས་བྱེད་ལ་ཕྱག་འཚལ་ལོ། །དཔའ་ ་