Wylie

e-texts based on the ACIP/ALL Input

*། (།དཔལ་གཤིན་རྗེ་གཤེད་ནག་པོའི་དཀྱིལ་འཁོར་ལ་བསྟོད་པ་ཨཱ་ཙརྱ་ཀཱིརྟིས་མི་མཛད་པ་བཞུགས་སོ། །)་!། །རྒྱ་གར་སྐད་དུ། ཀྲིཥྞ་ཡ་མཱ་རི་མཎྜལ་སྟུ་ཏེ་ནཱ་མ། བོད་སྐད་དུ། གཤིན་རྗེ་གཤེད་ནག་པོའི་དཀྱིལ་འཁོར་གྱི་བསྟོད་པ་ཞེས་བྱ་བ། བཅོམ་ལྡན་འདས ་གཤིན་རྗེ་གཤེད་ནག་པོ་ལ་ཕྱག་འཚལ་ལོ། །ཙར་ཙིཀ་སོགས་བྱམས་སོགས་པས། །འཁོར་ལོའི་གཙོ་བོ་བསྐུལ་བར་བྱེད། །རྡོ་རྗེ་གླུ་ཡི་ངོ་བོ་ཉིད་དུ། །ཕུན་ཚོགས་ཉམས་འདྲལ་མཐོང་ནས་ནི། །ཁུ་བའི་གཟུགས་ནི་ཡོངས་གྱུར་ནས། །མཾ་སྔོན་ཉི་མ ་ལས་བྱུང་བ། །མི་བཟད་ཁྲོ་བཅས་མདོག་སྔོན་པོ། །རུས་པའི་རྒྱན་གྱིས་རྣམ་པར་བརྒྱན། །ར་རྣོ་འབར་ཞིང་སྤུ་སེར་སྐྱ། །རྨིག་པ་བརྐོ་ཞིང་འཇིགས་སྦྱིན་པ། །མ་ཧེ་ཡི་ནི་རྒྱབ་གནས་པ། །རྡོ་རྗེ་སྔོན་པོ་འོད་དང་བཅས། །ས་བོན་བཅས་པ་དང་ཉིད ་དུས?་ནི་འཇིགས་བྱས་ནས། །བདག་ཉིད་ལ་ནི་ཡང་དག་བསྡུས། །འཇིགས་ཆེན་པོ་ཡང་འཇིགས་པར་བྱེད། །མ་ཧེ་རྡོ་རྗེའི་རྣལ་འབྱོར་ཏེ། །རྣམ་ཤེས་ཕུང་པོ་རྣམ་དག་ལས། །དཀྱིལ་འཁོར་གཙོ་བོ་གཤིན་རྗེ་གཤེད། །འཇིག་རྟེན་གསུམ་གྱི་བདུད་ཀྱི་འཁོར ་འོད་ཟེར་དྲག་པོ་སྤྲོས་པས་བསྐྲོད། །དྲག་པོ་མུན་འདྲའི་གཟུགས་དྲག་པོ། །འགྲོ་བ་ཀུན་གྱི་ཉོན་མོངས་པའི། །དྲི་མ་བསྡུས་པས་ནག་པོ་ཉིད། །རྟག་པའི་འཁོར་བ་མྱ་ངན་འདས། །གཤིན་རྗེ་དེས་འདུལ་གཤིན་རྗེ་གཤེད། །ཞི་བས་མི་འདུལ་དེས་འདུལ་བས།། ་དེས་ན་ཁྲོ་བོ་ཆེན་པོའོ། །ལྕེ་འདྲིལ་བ་ལ་འོད་འབྱིན་བ་མཆེ་བ་ཤིན་ཏུ་གཙིགས་པ་སྟེ། །སྨིན་མ་སྨ་ར་མགོ་སྐྱེས་སེར། །གཡོན་བརྐྱང་བ་ཡི་གནས་པ་ཡིས། །འཇིག་རྟེན་དྲན་པ་མེད་པར་བྱེད?། །རྣམ་པར་ཐར་པའི་སྒོ་གསུམ་ཉི?་?་། ་རྣམ་པར་དག་པས་ཞལ་གསུམ་སྟེ། །རྩ་བའི་ཞལ་ནི་ནག་པོ་ཆེ། །གཡས་པ་ཟླ་བའི་འོད་དང་འདྲ། །གཡོན་པ་ཁྲག་དང་རབ་ཏུ་འདྲ། །རྡོ་རྗེའི་རྒྱན་གྱིས་རྣམ་པར་བརྒྱན། །ཐུང་ཞིང་གསུས་པ་འཕྱང་ལ་སྤོམ། །མགོ་བོའི་ཕྲེང་བས་རྣམ་པར་བརྒྱན། །ཕ་རོལ ་ཕྱིན་དྲུག་ཡོངས་སུ་ནི། །རྫོགས་པར་བསྒོམས་པས་ཕྱག་དྲུག་སྟེ། །སེམས་ཅན་དག་ནི་ཐམས་ཅད་ཀྱི། །ཇི་སྙེད་སྡིག་པ་ཡི་ནི་ལས། །དེ་གཅོད་གྲི་གུག་གཡས་པ་བསྣམས། །བདེ་བ་སྐྱོང་བ་ཉིད་ཀྱི་ནི། །གཡོན་གྱི་ཕྱག་ན་ཐོད་པ་བསྣམས། །ཚོགས་གཉིས ་རྫོགས་པ་ཉིད་ཀྱིས་ནི་ཉིད་མཚུངས་ཤེས་རབ་ཀྱིས་འཁྱུད་ཅིང། །བདེ་བར་འཇུག་ཅིང་གཞན་དོན་འདོད། །ལྷན་ཅིག་སྐྱེས་པའི་ངོ་བོ་ཉིད། །གཡས་པའི་ཕྱག་གི་ལྷག་མ་ལ། །རྡོ་རྗེས་སེར་སྣ་ལ་སོགས་འཇོམས། །ཉོན་མོངས་དགྲ་རྣམས་རྣམ་འཇོམས ་པས། །རལ་གྲི་འབར་བ་བསྣམས་པ་སྟེ། གཡོན་པའི་ཕྱག་གི་ལྷག་མ་ལ། །འཐུབ་ཅིང་སྦྱོར་བའི་འཁོར་ལོ་དང། །སྐྱོན་གྱིས་མ་གོས་ཆུ་སྐྱེས་བསྣམས། །ཞེ་སྡང་ཉོན་མོངས་འཇོམས་མཛད་པས། །སྦྲུལ་གྱི་དབང་པོས་རྒྱན་དུ་བྱས། །ཀླུ་རྒྱལ་སྔོན་པོ ་དགའ་ཨོ་ཡིས། །སྐྲ་བཅིངས་ཤིན་ཏུ་འཇིགས་པར་བྱེད། །ཏཀྵ་ཀ་ཀླུ་དམར་པོ་ཡི། །རྣ་ཆ་གདུབ་ཀོར་བྱས་པས་འཇིགས། །རིགས་ལྡན་ཁྲི་བོས་དཔུང་བརྒྱན་ཏེ། །དུད་སྐྱོང་ཞེས་པའི་ཀླུ་དེ་ནི། །སེར་པོ་ལག་པའི་གདུ་བུར་བྱས། །པདྨ་དཀར་པོས་དོ་ཤལ ་བྱས། །ཀར་ཀོ་ཊི་ནི་ལྗང་གུ་སྟེ། །སེ་རལ་ཁ་རུ་བྱ་བས་མཛེས། །བདུད་རྩིའི་མདོག་དང་འདྲ་བའི་ཀླུ། །ནོར་རྒྱས་བུས་ནི་སྐ་རགས་བྱས། །པདྨ་ཟླ་བ་ལྟར་དཀར་མདོག་།པདྨ་ཆེན་པོ་རྐང་གདུབ་ཡིན། །ཀུན་ཀྱང་ཕུད་སྒྲ་དྲག་པོ་སྒྲོགས། །ལྕེ་གཉིས་མཚོ ་བའི་ཕྲེང་བ་ཅན། །ཆོས་སྐུའི་རང་བཞིན་ཉིད་ཕྱིར་དུ། །ལོངས་སྤྱོད་རྫོགས་དང་སྦྲུལ་བ་ཡི། །གཟུགས་སུ་མཛད་པའི་རང་བཞིན་ཏེ། །ཆོས་དབྱིངས་ཡེ་ཤེས་རང་བཞིན་གྱིས། །ཞེ་སྡང་འཇོམས་མཛད་ཕྱག་འཚལ་བསྟོད། །ཤར་དུ་ཀྵེ་དང་འཁོར་ལོ་དང། ། ་གཟུགས་ཀྱི་ཕུང་པོ་རྣམ་དག་པས། །རྟག་པ་ཕྱག་དྲུག་དཀར་པོ་སྟེ། །རྩ་བའི་ཞལ་ནི་དཀར་པོ་ལ། །གཡས་པ་གནག་ཅིང་གཡོན་པ་དམར། །གཡས་པ་འཁོར་ལོ་རལ་གྲི་ཕྱག་།གཡོན་པ་རིན་ཆེན་ཆུ་སྐྱེས་འཛིན། །ཟླ་བའི་དཀྱིལ་འཁོར་མཉམ་པར་གནོན། །མེ ་ལོང་ལྟ་བུའི་ཡེ་ཤེས་ཀྱིས། །གཏི་མུག་འཇོམ་མཛད་ཕྱག་འཚལ་བསྟོད། །ལྷོ་རུ་མ་དང་རིན་ཆེན་ལས། །ཚོར་བའི་ཕུང་པོ་རྣམ་དག་པས། །བྱུང་བ་ཕྲ་མ་གཤིན་རྗེ་གཤེད། །གཙོ་མ་གསེར་གྱི་མདོག་འདྲ་ལ། རྩ་བའི་ཞལ་ནི་སེར་པོ་སྟེ། །གཡས་པ་གནག ་ཅིང་གཡོན་པ་དཀར། །གཡས་ན་རིན་ཆེན་རལ་གྲི་བསྣམས། །གཡོན་ན་འཁོར་ལོ་ཆུ་སྐྱེས་ཉིད། །མཉམ་པ་ཉིད་ཀྱི་ཡེ་ཤེས་ཀྱིས། །ཕྲ་མ་འཇོམས་མཛད་ཕྱག་འཚལ་བསྟོད། །མེ་དང་པདྨ་ལས་བྱུང་བ། །ནུབ་ཏུ་འདོད་ཆགས་རྡོ་རྗེ་ཅན། །འདུ་ཤེས་ཕུང་པོ་རྣམ་དག ་ཉིད། །པདྨ་རཱ་ག་འདྲ་བའི་འོད། །རྩ་བའི་ཞལ་ནི་དམར་ལ་གདངས། །གཡས་པ་གནག་ཅིང་གཡོན་པ་དཀར། །གཡས་ན་པདྨ་རལ་གྲི་བསྣམས། །ཕྱག་གཡོན་རིན་ཆེན་འཁོར་ལོ་སྟེ། །སོ་སོར་རྟོག་པའི་ཡེ་ཤེས་ཀྱིས། །འདོད་ཆགས་འཇོམས ་མཛད་ཕྱག་འཚལ་བསྟོད། །ད་དང་རལ་གྲི་ལས་བྱུང་བ། །འདུ་བྱེད་ཕུང་པོ་རྣམ་དག་ལས། བྱང་དུ་ཕྲག་དོག་གཤིན་རྗེ་གཤེད། །མརྒཏ་ཨུཏ་པལ་ལྟ་བུའི་འོད། །རྩ་བའི་ཞལ་ནི་ལྗང་གུ་སྟེ། །གཡས་པ་གནག་ཅིང་གཡོན་པ་དཀར། །གཡས་ན་རལ་གྲི་འཁོར ་ལོ་བསྣམས། །མཛེས་པའི་ནོར་བུ་པདྨ་ག-ཡོན། །བྱ་བ་ནན་ཏན་ཡེ་ཤེས་ཀྱིས། །ཕྲག་དོག་འཇོམས་མཛད་ཕྱག་འཚལ་བསྟོད། །ཁྲོ་བོའི་གཟུགས་ཅན་ཐམས་ཅད་ཀྱང། །ཞེ་སྡང་གཤིན་རྗེའི་མཚན་ཉིད་མཚུངས། །དེ་དག་པ་ཡི་ཕྱག་གཉིས་ལ། །གྲི་གུག ་དང་ནི་ཐོད་པ་བསྣམས། །རང་གི་ཤེས་རབ་ལུས་ངག་དང། །བདེ་བའི་དངོས་པོ་གཉིས་མེད་རོལ། །ཉི་མའི་དཀྱིལ་འཁོར་མཉམ་པར་གནོན། །རྡོ་རྗེ་རྩིབས་ཀྱི་རྩར་བཞུགས་ཤིང། །མྱ་ངན་འདས་པའི་མཛའ་འཇོམས་ཤིང། །སེམས་ཅན་དོན ་མཛད་ཕྱག་འཚལ་བསྟོད། །ཤར་སྒོར་ཡ་དང་ཐོ་བ་ལས། །བྱུང་བ་སྔོན་པོའི་གཟུགས་ཅན་ཏེ། །འཇིག་ཚོགས་ལྟ་བ་རྣམ་དག་ཉིད། །གཡས་དཀར་གཡོན་དམར་དབུས་སྔོ་ཞལ། །གཡས་ན་ཐོ་བ་རལ་གྲི་འཛིན། །ནོར་བུ་མཆོད་དང་པདྨ་ག-ཡོན། །ཐོ་བ ་ཞེ་སྡང་གཤིན་རྗེ་གཤེད། །བརྩོན་འགྲུས་སྟོབས་ཀྱི་རང་བཞིན་གྱིས། །ཕུང་པོའི་བདུད་འཇོམས་ཕྱག་འཚལ་བསྟོད། །ཙ་དང་དབྱུག་པ་ལས་བྱུང་ལྟོར། །དབྱུག་པ་གཤིན་རྗེ་གཤེད་མདོག་དཀར། །མཐར་འཛིན་ལྟ་བ་རྣམ་དག་ཉིད། །གཡས་སྔོ་གཡོན ་དམར་དབུས་དཀར་ཞལ། །གཡས་ན་དབྱུག་པ་རལ་གྲི་བསྣམས། །ཆུ་སྐྱེས་འཁོར་ལོ་གཡོན་གྱི་ཕྱག་།དབང་པོའི་སྟོབས་ཀྱི་རང་བཞིན་གྱིས། །ཉོན་མོངས་བདུད་འཇོམས་ཕྱག་འཚལ་སྟོད། །ནི་དང་པདྨ་ལས་བྱུང་ནུབ། །པདྨ་གཤིན་རྗེ་གཤེད་ཉིད་ནི། །འོག ་བར་བལྟ་བ་རྣམ་དག་ཉིད། །གཡས་གནག་གཡོན་དཀར་དབུས་ཞལ་དམར། །གཡས་ན་པདྨ་རལ་གྲི་བསྣམས། །ཕྱག་གཡོན་རིན་ཆེན་འཁོར་ལོ་སྟེ། །དྲན་པའི་སྟོབས་ཀྱི་རང་བཞིན་གྱིས། །འཆི་བདག་བདུད་འཇོམས་ཕྱག་འཚལ་བསྟོད། །ར་དང་རལ་གྲི་ལས ་བྱུང་བ། །བྱང་དུ་རལ་གྲི་གཤིན་རྗེ་གཤེད། །ལྟ་བ་མཆོག་འཛིན་རྣམ་དག་ཉིད། །གཡས་གནག་གཡོན་དཀར་དབུས་ལྗང་ཞལ། །གཡས་ན་རལ་གྲི་འཁོར་ལོ་བསྣམས། །མཛེས་པའི་ནོར་བུ་པདྨ་ག-ཡོན། །ཏིང་འཛིན་སྟོབས་ཀྱི་རང་བཞིན་གྱིས། །ལྷ་ཡི ་བདུད་འཇོམས་ཕྱག་འཚལ་བསྟོད། །ཀུན་ཀྱང་སྦྲུལ་གྱིས་རྣམ་པར་བརྒྱན། །རྣམ་འཇིགས་དགོད་པས་འཇིགས་བྱེད་པ། །སྐྲ་ནི་འབར་བ་གྱེན་དུ་འགྲེང། །བསྐལ་པའི་མེ་ལྟར་འབར་ཞིང་འཕྲོ། །ཉི་མའི་དཀྱིལ་འཁོར་ལ་གནས་པས། །མཆེ་བ ་གཙིགས་ཤིང་འཇིགས་པའི་ཞལ། གྲི་གུག་ཐོད་པ་འཛིན་པར་མཛད། །འཁོར་བ་བརྟགས་པའི་མཛའ་འཇོམས་ཤིང། །མི་གནས་སྒྲོལ་མཛད་ཕྱག་འཚལ་བསྟོད། །སྣ་ཚོགས་རྡོ་རྗེའི་མཚམས་བཞི་རུ། །ལྷ་མོ་ཟླ་བའི་གདན་ལ་བཞུགས། །ཤར་ལྷོ་ཛ་དང ་འཁོར་ལོ་ལས། །ལྷ་མོ་རྡོ་རྗེ་ཙར་ཙི་ཀ་།ས་ཁམས་རྣམ་དག་ཐབས་ཀྱི་བདག་།སྒེག་མོ་དཀར་མོ་ཆེར་ཁྲོམ། །གཏི་མུག་གཤིན་རྗེ་གཤེད་དང་མཚུངས། །བྱམས་པ་ཆེན་པོའི་ངོ་བོ་ཡིས། །ཉོན་མོངས་སྒྲིབ་འཇོམས་ཕྱག་འཚལ་བསྟོད། །དེ་བཞིན་ལྷོ་རུ་ས་དང ་ནི། །རྡོ་རྗེ་ལས་བྱུང་རྡོ་རྗེ་ཕག་།ཆུ་ཁམས་རྣམ་དག་སྟོབས་ཀྱི་བདག་།ཁྲོ་ཞིང་ཕག་གི་གདོང་པ་ཅན། །ཞེ་སྡང་གཤིན་རྗེ་གཤེད་དང་མཚུངས། །སྙིང་རྗེ་ཆེན་པོའི་ངོ་བོ་ཡིས། །ལས་ཀྱི་སྒྲིབ་འཇོམས་ཕྱག་འཚལ་བསྟོད། །ནུབ་དང་བྱང་གི་མཚམས་སུ་ནི།། ་དེ་སྐྱེས་གཙོ་བོ་རབ་ཏུ་དམར། །མེ་ཁམས་རྣམ་དག་སྨོན་ལམ་བདག་།རབ་ཏུ་ཞི་བའི་དབྱངས་ཅན་མ། །འདོད་ཆགས་གཤིན་རྗེ་གཤེད་དང་མཚུངས། །དགའ་བ་ཆེན་པོའི་ངོ་བོ་ཡིས། །ཤེས་བྱའི་སྒྲིབ་འཇོམས་ཕྱག་འཚལ་བསྟོད། །བྱང་དང་ཤར་གྱི ་མཚམས་སུ་ནི། །རུ་སྐྱེས་གཽ་རཱི་ལྗང་གུ་མ། །རླུང་ཁམས་རྣམ་དག་ཡེ་ཤེས་དྲུག་།འཇིགས་བྱེད་ཕྲག་དོག་གཤིན་རྗེ་གཤེད། །གཟུགས་དང་མཚན་མ་མཆོག་ཏུ་འཛིན། །བཏང་སྙོམས་ཆེན་པོའི་ངོ་བོ་ཡིས། །སྐྱེ་བའི་སྒྲིབས་འཇོམས་ཕྱག་འཚལ ་བསྟོད། །མཛའ་གཉིས་རབ་ཏུ་སྒྲོལ་མཛད་དེ། །རང་རིག་གཙོ་ལ་ཕན?་འདོགས་ཤིང། །ཐབས་དང་ཤེས་རབ་དབྱེར་མེད་བདག་།ལྷ་མོའི་ཚོགས་ལ་ཕྱག་འཚལ་བསྟོད། །མཚམས་བཞི་ར་ཎ་ཡེ་ནི་ར་ལས། །ཕྱི་རོལ་གཟུགས་རྫོགས་རྣམ་དག་ལས། ། ་དཀྱིལ་འཁོར་དུ་ནི་ཐོད་པ་གནས། །ཆོས་དབྱིངས་ཀུན་ཏུ་འགྲོ་བའི་ཕྱིར། །བདུད་རྩི་རྣམ་པ་ལྔ་ཡིས་བཀང། །དེ་ལྟར་མེ་མཐུན་ཚོགས་བཅོམ་ནས། །རབ་ཏུ་རྒྱལ་བའི་རྟགས་མཚན་ཉིད། །ཐོད་པ་བཞི་ཡི་ངོ་བོ་སྟེ། །བདེ་བ་ཆེན་པོ་ཕྱག་འཚལ་བསྟོད། ། ་བསོད་ནམས་ཡེ་ཤེས་ཆེན་པོ་ལས་བྱུང་སྐུ་གསུང་ཡེ་ཤེས་ལྔར་ལྡན་འཇིགས་གཟུགས་ལ། །བདག་ཉིད་དད་པའི་མཐུ་ཡིས་སྐུ་ཡི་ཡོན་ཏན་ཙམ་མཐོང་དད་བའི་དབྱངས་ཀྱིས་བསྟོད་པ་ཡིས། །ཁམས་གསུམ་འཁོར་བའི་རྒྱ ་མཚོར་དོང་རྣམས་རྣམ་རྟོག་རླུང་གིས་ཕྱོགས་བཅུར་གཡེངས་པས་སྡུག་བསྔལ་རྣམས། །སྐྱེ་རྒས་ན་འཆི་སྤངས་ནས་འཁོར་བའི་རྒྱ་མཚོ་ལས་རྒལ་བླ་མེད་བྱང་ཆུབ་ཐོབ་པར་ཤོག། །།སློབ་དཔོན་དཔལ་འཛིན་གྱི་དགོངས་པ་ཉེ ་བར་བསྡུས་པ་ལ། གཤིན་རྗེ་གཤེད་ནག་པོའི་དཀྱིལ་འཁོར་གྱི་བསྟོད་པ། ཨ་ཙཨཱ་རྱ་ཀཱིརྟིའི་ཞལ་སྔ་ནས་མཛད་པ་རྫོགས་སོ།། །།རྒྱ་གར་སྐད་དུ། ཡ་མཱ་རི་ཏུ་ནོ་ཏནྟ་བཛྲ་དྷྲིཀ་།བོད་སྐད་དུ། རྡོ་རྗེ་འཛིན་པས་གཤིན་རྗེ་གཤེད་པོ ་