Wylie

e-texts based on the ACIP/ALL Input

པས། །རྒྱུད་དང་སྒྲུབ་ཐབས་མི་འབྲལ་ཞིང། །དེ་ཡི་མན་ངག་རྗེས་འབྲང་བས། །བདག་དང་གཞན་དག་སེམས་ཅན་ཀུན། །གཤིན་རྗེ་གཤེད་ཀྱི་ཞལ་མཐོང་ཤོག། །།རྒྱ་གར་སྐད་དུ། ཡ་མཱ་རི་སཱ་དྷ་ན། བོད་སྐད་དུ། གཤིན་རྗེ་གཤེད ་ཀྱི་སྒྲུབ་པའི་ཐབས། །འཕགས་པ་འཇམ་དཔལ་གཞོན་ནུར་པ་ལ་ཕྱག་འཚལ་ལོ། །དཔལ་ལྡན་མཐར་མཛད་ཐུགས་རྗེའི་རང་བཞིན་ཅན། །འགྲོ་བའི་དོན་དུ་ཕྱི་རོལ་གཏུམ་ཆེན་སྐུ། །མགོན་པོ་གཤིན་རྗེ་གཤེད་ལ་མགོས་བཏུད་དེ། །དེ་ཡི་སྒྲུབས་ཐབས ་འདོད་པའི་དོན་དུ་ནི། །སྔགས་པ་དང་པོ་སེམས་ཡོངས་མགུ་བ་དང། །བདེ་བའི་སྟན་གནས་འོག་ཏུ་དམ་བཅའ་བྱས། །སྙིང་གར་ཧཱུཾ་བཀོད་པ་ལས་མཆོད་པའི་ཚོགས། །སྣ་ཚོགས་པ་ཡི་མགོན་ལ་མངོན་པར་མཆོད། །དེ་ཡི་སྤྱན་སྔར་སྡིག་པ་བཤགས ་ལ་སོགས། །བྱས་ནས་སྟོང་ཉིད་ཡོངས་སུ་བསྒོམས་ནས་ནི། །དང་པོར་རླུང་གི་དཀྱིལ་འཁོར་ཡཾ་ལས་བྱུང། །དུ་བའི་མདོག་འདྲ་གཞུ་ཡི་དབྱིབས་ཅན་ལ། །རང་གི་ས་བོན་ལས་བྱུང་མེ་ཡི་ནི། །དཀྱིལ་འཁོར་གྲུ་གསུམ་མདོག་ཀྱང་དམར་བ་ཡིན། །བཾ ་ལས་བྱུང་བའི་ཆུ་ཡི་དཀྱིལ་འཁོར་ནི། །བུམ་པ་འདྲ་ཞིང་དཀར་ལ་ཐུར་བལྟས་པ། །ཡཾ་ལས་བྱུང་བའི་དབང་ཆེན་དཀྱིལ་འཁོར་ནི། །ཟུར་བཞི་པ་ལ་ཀུན་ནས་རབ་ཏུ་སེར། །ཧཱུཾ་སུཾ་ཧཱུཾ་ལས་བྱུང་བའི་རི་རབ་ནི། །རཾ་རྒྱལ་རྩེ་མོ་བརྒྱད་པ་གོ་རིམས་བཞིན།། ་སྔར་བཤད་རླུང་ལ་སོགས་པའི་དཀྱིལ་འཁོར་རྣམས། །གོང་ནས་གོང་མའི་རིམ་པ་བསམས་ནས་ནི། །དེ་འོག་ཧཱུཾ་ལས་བྱུང་བའི་རྡོ་རྗེའི་མ། །ར་བ་དྲ་བ་དམ་པ་དབུས་ཀྱི་ཆར། ། ལས་བྱུང་བའི་ཟླ་བའི་དཀྱིལ་འཁོར་གྱིས། །དབུས་ན་དྷཱི(རྒྱུད་འགྲེལ་དཔའ་བོ་ཕྱག་གཡས་རལ་གྲི་མཛེས། །གཞོན་ནུའི་གཡོན་ན་ཐུགས་གར་གླེགས་བ་བསྣམས། །སྐུ་ནི་དམར་སེར་ཟུར་ཕུད་ལྔ་གནག་ཅིང། །རྡོ་རྗེ་སྐྱིལ་ཀྲུང་མཆོག་བཅས་ཤིན་ཏུ་ཞི། །བསམས་ལ་སླར་ཡང་དེ་ཡི་ཐུགས་ཟླ་བར་གནས། །ཧི་ལས་བྱུང།། ་བའི་ཉི་མ་འཆར་ཀའི་གཟུགས། །ཀུན་ནས་འོད་ཟེར་ནག་པོ་འཕྲོས་པ་ཡིས། །ཁམས་གསུམ་ཁྱབ་ནས་རྒྱལ་བ་བྱང་ཆུབ་སེམས། །ཁྲོ་བོ་རིག་པ་གནས་ན་ལེགས་བཞུགས་རྣམས། །ཡང་དག་བསྐུལ་ཏེ་དཀུག་ནས་ཉི་གཟུགས་ལ། །བཅུག་ལ་དར་ནི་གཅིག ་ཏུ་གྱུར་པ་ན། །སླར་ཡང་ཉི་མ་ཉིད་དུ་གྱུར་པ་ལས། །འོད་ཟེར་དམར་པོ་རབ་ཏུ་རྒྱ་ཆེ་བ། །ཤིན་ཏུ་འབར་བ་སྤྲོས་ནས་དེ་རུ་ནི། །ཧཱུཾ་ལས་བྱུང་བའི་རྡོ་རྗེ་ཁ་གྱེས་གནག་།ལྟེ་བར་ཧཱུཾ་བཅས་སྣ་ཚོགས་འོད་འདྲ་བ། །དེ་ལས་རྒྱལ་དང་བྱང་ཆུབ་སེམས་དཔའ་སྤྲོས། །སླར་ཡང་དེ ་ཡིས་འགྲོ་བ་དྲུག་ལ་གནས། །སེམས་ཅན་གདུལ་དེ་བྱང་ཆུབ་མཆོག་བཀོད་ནས། །བཀུག་སྟེ་ཐམས་ཅད་རྡོ་རྗེ་ལ་རབ་བཞུག་།དེ་འོག་རྡོ་རྗེ་ནི་ལ་ཡོངས་གྱུར་ནས། །གཤིན་རྗེ་གཤེད་པོ་ཞལ་གཅིག་ཕྱག་གཉིས་བསམ། །ཕྱག་གཡས་རྡོ་རྗེའི་དབྱིག་པ་འཕྱར ་བ་དང། །ཕྱག་གཡོན་སྡིགས་མཛུབ་རྡོ་རྗེ་ཞགས་པ་ཅན། །གཤིན་རྗེ་མ་ཧེའི་སྟེང་ན་གན?་རྐྱལ་གནས། །གཡས་བརྐྱང་གནས་པ་ཡིས་ནི་གནོད་པར་མཛད། །མི་ཐུང་ཞལ་ནི་རྣམ་འགྱུར་མཆེ་བ་གཙིགས། །གསུས་ཁྱིམ་ཆེ་ལ་ལྗགས་ནི་རྣམ་པར་སྐྱོང། །དབུ་སྐྲ་སྨིན ་མ་?་དམར་སེར་ནི། །གྱེན་དུ་བརྫིས་ཤིང་སྤྱན་གཉིས་རྣམ་པར་དམར། །གནག་ཅིང་ཁྲོ་བཅས་གཉེར་མ་དཔྲལ་བར་བསྡུས། །ཕུས་འདེབས་ཀླུ་བརྒྱད་ཀྱིས་ནི་ཡན་ལག་བརྒྱན། །སྟག་ལྤགས་བསྣམས་ཤིང་ཐོད་པའི་རྩེ་བྲན་ཅན། །མགོ་བོའི་ཕྲེང་བའི་དོ་ཤལ་ ་འཕྱང་མཛད་ཅིང། །དུས་མཛའ་ཨི་མེ་ལྟར་འཇིགས་འོད་རྣམ་པར་འབར། །འཇིགས་པར་བྱེད་པའང་འཇིགས་པ་སྐྱེད་པར་མཛད། །གཏུམ་ཞིང་གཤིན་རྗེ་གཤེད་ཚོགས་སངས་རྒྱས་འཕྲོ། །འཇིག་རྟེན་ལྷ་མཆོག་ཚོགས་ཀྱིས་? ་བྱས་ཤིང། །ཧ་ཧར་བཞོད་པས་ལྷ་དང་ལྷ་མིན་ཚོགས། །ཀུན་ནས་ཡོངས་སུ་སྐྲག་པར་མཛད་པའོ། །ས་གསུམ་དག་ན་ཡོད་པའི་བདུད་ཀྱི་ཚོགས། །མ་ལུས་པ་ཡང་རྣམ་པར་འབྱེད་པར་མཛད། །དེ་ལྟར་བསམ་གཏན་ལ་བརྩོན་གནས་པ་སྟེ། །དགས? ་མེད་པར་ཉིན་མཚན་སྔགས་ཟློས་ཤིང། །དེ་ཉིད་སྦྱོར་བས་དུར་ཁྲོད་སོགས་པར་གནས། །དམ་ཚིག་རྣམ་དག་ངེས་པར་འགྲུབ་པར་འགྱུར། །དེ་ཡི་སྒྲུབ་ཐབས་འདི་ནི་ལེགས་བྲིས་ལས། །བདག་གིས་བསོད་ནམས་གང་ཐོབ་དེས་འཇིག་རྟེན། །གཤིན་རྗེ ་གཤེད་མཉམ་འགྲོ་ཀུན་སྡུག་བསྔལ་ནི། །མི་བཟད་ཚོགས་ཐར་བདུད་ཚོགས་མྱུར་ཟད་ཤོག་།གཤིན་རྗེ་གཤེད་ཀྱི་སྒྲུབ་ཐབས་སློབ་དཔོན་འགྲོ་བཟངས་སྙིང་པོས་མཛད་པ་རྫོགས་སོ།། །།རྒྱ་གར་གྱི་མཁན་པོ་དཱི་པཾ་ཀ་ར་ཤྲཱི་ཛྙཱ་ན ་དང། ཞུ་ཆེན་གྱི་ལོཙྪ་བ་དགེ་སློང་རིན་ཆེན་བཟངས་པོས་བསྒྱུར་ཅིང་གཏན་ལ་ཕབ་པའོ།། །། !་།དཔལ་གཤིན་རྗེ་གཤེད་ནག་པོ་ལ་ཕྱག་འཚལ་ལོ། །གུས་པ་ཡིས་ནི་བླ་མ་ཡི། །ཞབས་ཀྱི་པདྨར་ཕྱག་འཚལ་ཏེ། །བླ ་