Wylie

e-texts based on the ACIP/ALL Input

རྫོགས་སོ།། །།རྣལ་འབྱོར་པ་པྲཛྙཱ་ཤྲཱི་ཛྙཱ་ན་ཀཱིརྟིས་རང་འགྱུར་དུ་མཛད་པའོ།། །། !། །རྒྱ་གར་སྐད་དུ། ཙཎྜ་ཁཌག་ཡ་མཱ་རི་སཱ་དྷ་ནཾ་ནཱ་མ། བོད་སྐད་དུ། རལ་གྲི་གཤིན་རྗེ་གཤེད་གཏུམ ་པོའི་སྒྲུབ་ཐབས་ཞེས་བྱ་བ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །སྟོང་པ་བཞི་བ་ལས་ནི་རྡོ་རྗེའི་སྐུ། །བདུད་མཐར་མཛད་པ་རབ་ཏུ་གཏུམ་པའི་ཞལ། །སེམས་ཅན་རྗེས་འཛིན་ཐུགས་རྗེས་ཆེན་པོར་ལྡན། །རལ་གྲི་ཆེ་ལ་བཏུད་དེ་བཤད་པར་བྱ། ། ་སྐད་ཅིག་དྲན་པའི་ལྷར་བསྐྱེད་ནས། །དམ་པ་དམིགས་ལ་ཚོགས་བསག་བྱ། །ཚངས་པའི་གནས་བཞི་སྔོན་འགྲོ་བས། །སྟོང་པ་དང་ནི་འཁོར་ལོ་བསྒོམ། །པདྨ་འོད་ཟེར་རྣོན་པོ་སྟེ། །རང་ལས་ཤུགས་ཅན་གྱུར་པའི་སྐུ། །མར་ཀ་ཏ་ལྗང་ཁུའི་མདོག་འདྲ་ལ། ། ་སྔོ་དང་དཀར་པོ་གཡས་གཡོན་ཞལ། །གྲི་གུག་རལ་གྲི་འཁོར་ལོ་དང། །ཐོད་པ་རིན་ཆེན་ཆུ་སྐྱེས་འཛིན། །དཔའ་བོའི་རྒྱན་དང་ཀླུ་ཡིས་སྤྲས། །དབུ་སྐྲ་གྱེན་འགྲེང་མེ་དཔུང་དཀྱིལ། །སྟག་ལྤགས་མནམས་ཤིང་གཡོན་བརྒྱད་པ?། །། ་བསྐྱེད་པའི་སྐུ་ལ་འདི་ལྟ་སྟེ། །སྙིང་གར་ཧཱུཾ་ལས་རྡོ་རྗེ་ཐུགས། །མགྲིན་པར་ཨཱ(རྒྱུད་འགྲེལ་ཁཾ། འཇིག་དབང་དམར་པོ་ལྕེ་ལ་གཾ་།སྒྲིབ་སེལ་ལྗང་གུ་དཔྲལ་བར་ཀཾ། ཀུན་བཟང་དཀར་པོ་ལྷེང་སྣར་སཾ། །སྤྱན་དྲངས་མཆོད་བསྟོད་བྱིན་བརླབས་བྱ། །ོཾ་སརྦ་ཏ་ཐཱ་ག་ཏ་ཀཱ་ཡ་བཱཀྩིཏྟ་བཛྲ་སྭ་བྷཱ་བ་ཨཱཏྨ་ཀོ་ཧཾ། རྡོ་རྗེ་སེམས་མ་ལ་སོགས་ཀྱིས། །དབང་བསྐུར་སྤྱི་བོར ་གཤིན་རྗེ་གཤེད། །སྒོ་བཞིའི་སྔགས་ཀྱིས་འདོད་ལྷ་བསྐུལ། །རང་གི་ལུས་ལ་གཞུག་པར་བྱ། །མུངྒ་རཱ་ཛ(རྒྱུད་འགྲེལ་ཨཱཏྨ་ཀོ་ཧཾ། ཧཱུཾ་རྡོ་རྗེ་ལས་ནི་བརྩོན་འགྲུས་ཆེ། །སངས་རྒྱས་རྡོ་རྗེ་གཏུལ་ཞུགས་འཛིན། །ལས་མཐར་མཛད་པའི་ཐུབ་པ་པོ། །རྡོ་རྗེ་བརྩོན་འགྲུས་ཁྱོད་ཕྱག་འཚལ། །བདུད་རྩི་མྱང་བ་བྱས་ནས་ཀྱང། །སྤྲོ་བསྡུ་ལྡན་པས་བཟླས་པར་བྱ། །ོཾ་བཛྲ་ཁཌག ་དྷྲིཀ་ཧཱུཾ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། འབྱུང་བ་རིམ་གྱི་ཐིག་པ་ལ། །ཡི་གེ་གསུམ་དུ་སྦྱངས་ནས་ཀྱང། །བདེ་དང་སྡུག་བསྔལ་མི་དམིགས་པའི། །རྡོ་རྗེ་ལྟ་བུའི་ཏིང་འཛིན་བསྒོམ། །བདག་གིས་རྙེད་དང་ཀུར་སྟི་ལ། །མ་བལྟས་སེམས་ཅན་ལ་བརྩེའི་ཕྱིར། །རལ་གྲི་རྡོ་རྗེའི ་སྒྲུབ་ཐབས་བྱས། །འདི་ཡིས་ངེས་འབྱུང་རྙེད་གྱུར་ཅིག་།རལ་གྲི་གཤིན་རྗེ་གཤེད་གཏུམ་པོའི་སྒྲུབ་ཐབས་ཞེས་བྱ་བ་རྫོགས་སོ།། །། !། །རྒྱ་གར་སྐད་དུ། པྲཛྙཱ་སུ་ཁ་པདྨ་ཡ་མཱ་རི་སཱ་དྷ་ནཾ་ནཱ་མ། བོད་སྐད་དུ། པདྨ་གཤིན་རྗེ ་