Wylie

e-texts based on the ACIP/ALL Input

ཀྲིཥྞ་པཎྜི་ཏས་མཛད་པ་རྫོགས་སོ།། །། !། །རྒྱ་གར་སྐད་དུ། ཀྲིཥྞ་ཡ་མཱ་རི་བུདྡྷ་སཱ་དྷ་ནཾ་ནཱ་མ། བོད་སྐད་དུ། སངས་རྒྱས་གཤིན་རྗེ་གཤེད་ནག་པོ་སྒྲུབ་པའི་ཐབས་ཞེས་བྱ་བ། འཇམ་དཔལ་གཞོན་ནུར་པ་ལ ་ཕྱག་འཚལ་ལོ། །བླ་མ་རྗེ་བཙུན་བླ་མེད་དང། །སྐུ་གསུམ་མགོན་པོ་གཤེགས་ཉིད་ལས། །བཏུང་དེ་དེ་ཉིད་སྒྲུབ་པའི་ཐབས། །བློ་དམན་བདག་གིས་བཤད་པར་བྱ། །སྔགས་པ་བློ་དང་ལྡན་པ་ཡིས། །སྙིང་རྗེ་ཆེན་པོ་རབ་བསྐྱེད་དེ། །སྐད་ཅིག་དྲང་པས ་གསལ་བར་བྱ། །གཉིས་པས་རྫོགས་པ་ཐིག་ལེ་ཆེ། །བཟང་པོ་ཉིད་དང་དཔལ་གྱི་མགོན། །སོ་སོ་ལས་ཀྱང་བཞི་འབྱུང་བྱ། །རྫོགས་དང་རབ་ཏུ་གནས་པ་དང། །མངོན་པར་བཏུད་ལ་མཆོད་བྱས་ཏེ། །ཡ་ཡིག་སྤྲུལ་པའི་བཅས ་བྱའོ། །བཤགས་དང་རྗེས་སུ་ཡི་རང་དང། །བསྐུལ་དང་གསོལ་བ་གདབ་པ་དང། །སྐྱབས་སུ་འགྲོ་དང་སེམས་བསྐྱེད་ཆེ། །ལུས་དབུལ་ཡོངས་སུ་བསྔོ་བ་བྱའོ། །སྨོན་ལམ་གདབ་དང་གཤེགས་སུ་གསོལ། །ཚངས་པའི་གནས་བཞི་སྔོན་སོང་བས། ་རྣམ་ཐར་གསུམ་གྱི་བདག་ཉིད་བསྒོམ། །ོཾ་སྭཱ་བྷཱ་བ་ཤུདྡྷ(རྒྱུད་འགྲེལ་ངོ་བོར་ལྟ། །དག་པའི་ཐིག་ལེ་ནམ་མཁའ་ཡིས། །རྒྱུན་གྱིས་གནས་པའི་ཉི་མ་ཧཱུཾ། གྱུར་པ་རྡོ་རྗེ་གཞལ་མེད་ཁང། །ཟླ་བ་རྡོ་རྗེའི་སྦྱོར་བ་ཡིས། །ཆོས་ཀྱི་འབྱུང་གནས་རྣམ་པར་གནས་།སྣ་ཚོགས་པདྨའི་དཀྱིལ་ཉིད་དུ། །ཟླ་བ་ཡི་གེ་བཅུ་དྲུག་བཅས། ་རེ་ཕ་ལས་བྱུང་གཉིས་པ་ལས། །གསལ་བྱེད་ཡི་གེ་ཁོར་ཡུག་བལྟ། །རོ་མཉམ་པ་ལས་ས་བོན་ཉིད། །ནོར་བུ་རྡོ་རྗེ་སྤྲོ་དང་བསྡུ། །ང་རྒྱལ་གྱུར་པས་རྡོ་རྗེ་སེམས། །དཀར་དང་གནག་དང་དམར་བའི་ཞལ། །ཤེས་རབ་གཉིས་མེད་སྒེག་དང་སྟངས། ་གདུག་དང་དུར་ཁྲོད་རྒྱན་གྱིས་སྤྲས། །གྲི་གུག་ཐོད་པ་རྩ་བའི་ཕྱག་།རྡོ་རྗེ་རལ་གྲི་གཡས་ན་བསྣམས། །གཡོན་ན་འཁོར་ལོ་ཆུ་སྐྱེས་སོ། །ས་བོན་འོད་ཀྱི་བདག་ཉིད་དཔལ། །རྗེས་སུ་གྱུར་པས་ཁུ་བར་བལྟ། །སྐུ་གསུང་ཐུགས་ཀྱི་རྡོ་རྗེ་གནས། ཉི་མ ་དམར་པོ་ཡ་གཅིག་བཅས། །གྱུར་པས་རྡོ་རྗེ་སྔོན་པོ་སྟེ། །ས་བོན་འོད་ལས་གཤིན་རྗེ་གཤེད། །ཆར་སྤྲིན་གཞོན་ནུ་ལྟ་བུའི་མདོག་།གཡས་པ་ཟླ་བ་ལྟ་བུ་སྟེ། །གཡོན་པ་པདྨ་རཱ་གའི་མདོག། རང་གི་ཡུམ་དང་ལྡན་པའི་སྐུ། །རྩ་བའི་ཕྱག ་གིས་འཁྱུད་པའི་སྟངས། །རྡོ་རྗེ་རལ་གྲི་འཁོར་ལོ་དང། །པདྨ་འོད་ཟེར་ཆེན་པོ་འབར། །གྲི་གུག་རྡོ་རྗེ་མཚན་པ་དང། །ཐོད་པ་བྱང་ཆུབ་སེམས་བཀང་བ། །ཡུམ་དང་མཚུངས་པར་འཛིན་པ་སྟེ། །གཅེར་བུ་རྒྱན་བྲལ་སྐྲ་གྲོལ་བའོ། །སྙོམས་པར་འཇུག ་པའི་སྟངས་དང་ལྡན། །བརྒྱ་ཕྱེད་མགོ་བོའི་ཕྲེང་བ་ཅན། །པདྨ་ཟླ་བའི་གདན་སྟེངས་སུ། །མ་ཧེ་ཉི་མ་གནས་པའི་སྟེངས། །རྡོ་རྗེ་གཤེད་པོ་བསྒོམ་པར་བྱ། །སྐུ་གསུང་ཐུགས་དང་ལྡན་པ་ཡིས། །སེམས་དཔའ་ཨི་རྡོ་རྗེ་བདེ་བར་བསྒོམ། །སྐྱེ་མཆེད་ཟླ་བའི ་དཀྱིལ་འཁོར་སྟེ། །སེམས་དཔའ་ཨི་ཡི་གེ་གསལ་བར་བྱ། །ཀྵིཾ་ཛིཾ་ཁཾ་གཾ་ཀཾ་སཾ། སྤྱི་གཙུག་མགྲིན་པ་སྙིང་གའི་སྟེང། །ཟླ་བ་པདྨ་ཉི་མའི་དཀྱིལ། །དཀར་དམར་གནག་པའི་ཡི་གེ་དགོད། །ོཾ་ཨཱ(རྒྱུད་འགྲེལ་གཉིས་མེད་སྦྱོར་བ་ཡིས། །བདེ་ཆེན་བྱང་ཆུབ་སེམས་ཀྱི་རྒྱུན། །ཕབ་སྟེ་སྤྱི་གཙུག་བབ་གྱུར་པས། །དྲི་མེད་དག་པས་རྡོ་རྗེ་སེམས། །སྤྲོས་དང་བསྡུས་པས་དེ་ཉིད་དོན། །མཉེས་པར་བྱས་ལ་རྒྱུད་ལ་བསྟིམ། །དེས་དང་གསལ་དང་བརྟན་པ་དང། །ཕབ་ལ་ཐིག ་ལེ་ཐིག་ལེ་ཆེ། །བྱེད་པ་སྦྱོར་དང་ཕྲ་མ་དང། །གོ་རིམ་ནམ་མཁའ་ཨི་རྡོ་རྗེའོ། །འདི་ནི་འགྲུབ་མེད་འགྲུབ་པ་མེད། །རང་བཞིན་ཉིད་ནས་རྡོ་རྗེ་སེམས། །རྡོ་རྗེ་ནམ་མཁའ་ཨི་ཁམས་སྦྱོར་བས། །གཉིས་མེད་ཡེ་ཤེས་ཆོས་ཀྱི་སྐུ། །འདི་ནི་རྣམ་པར་དག་པའོ། །ལྡང་བ་སཱ་ལུའི ་འབྲས་ལྟར་དུ། །གནས་པ་རྒྱལ་པོའི་དབང་སྒྱུར་བཞིན། །དབྱིངས་ཀྱི་རྡོ་རྗེ་ཐ་མི་དད། །སྦྱོར་བའི་བྱང་ཆུབ་སེམས་ཕབ་པས། ས་སྟེངས་ས་འོག་ས་བླ་ཡི། །གནས་སུ་སྐུ་གསུང་ཐུགས་བསམས་ཏེ། །མ་ཡོངས་དོན་གྲུབ་བཟླས་པ་བྱ། །ོཾ་ཀཱ་ལ་རུ་པ ་ཧཱུཾ། འདིས་ནི་བརྒྱ་བྱིན་ལ་སོགས་པ་བརྒྱལ་བར་བྱེད་པའོ། །ོཾ་ཡ་མ་རཱ་ཛ་ས་དོ་མེ་ཡ། ཡ་མེ་དོ་རུ། ཎ་ཡོ་ད་ཡ། ཡ་ད་ཡོ་ནི། ར་ཡཀྵེ་ཡ། ཡཀྵེ་ཡཙྪ་ནི་རཱ་མ་ཡ། ཧཱུཾ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། འདིས་ནི་དངོས་གྲུབ་ཆེན་པོ་ཡང་ཐོབ་པར་འགྱུར་རོ། །ོཾ ་ཧྲཱི(རྒྱུད་འགྲེལ་པ་འགྲུབ་པར་འགྱུར། །འདི་ནི་བསྒྲུབ་པའི་དོན་དུ་བྱས། །ལས་ཀུན་བླ་མ་བརྒྱུད་ཤེས་བྱ། །མི་ཤེས་པ་དག་དགྲོལ་བའི་ཕྱིར། །བདག་གིས་རྟོགས་པར་གྱུར་པ་བརྩམས། །འདི་ལ་འབྱུང་བའི་བསོད་ནམས་ཀྱིས། །དཔལ་ལྡན་གཤིན་རྗེ་གཤེད་འགྱུར ་ཤོག་།སངས་རྒྱས་གཤིན་རྗེ་གཤེད་ནག་པོའི་སྒྲུབ་ཐབས། །ནཱ་ད་ཀུ་བེ་ར་ལས་བྱུང་བའི་དོན། །ཀུན་ད་ནཀྵེ་རི་ན་བཞུགས་པའི་མཁས་པ་ཆེན་པོ་རྣལ་འབྱོར་པ་ནག་པོ་ཞབས་ཀྱིས་མཛད་པ་རྫོགས་སོ།། །།རྣལ་འབྱོར་པ་པྲཛྙཱ་ཤྲཱི་ཛྙཱ་ན ་ཀཱིརྟིས་རང་འགྱུར་དུ་མཛད་པའོ།། །། *། །རྒྱ་གར་སྐད་དུ། ཀྲིཥྞ་ཡ་མཱ་རི་སྭ་དྷ་ནི་ན་མ། བོད་སྐད་དུ། གཤིན་རྗེ་གཤེད་ནག་པོའི་སྒྲུབ་པའི་ཐབས་ཞེས་བྱ་བ། །མགོན་པོ་གཤིན་རྗེ་གཤེད་ལ་ཕྱག་འཚལ་ལོ། །བླ་མ་ལ ་