Wylie

e-texts based on the ACIP/ALL Input

རྣལ་འབྱོར་པ་པྲཛྙཱ་ཤྲཱི་ཛྙཱ་ན་ཀཱིརྟིས་རང་འགྱུར་དུ་མཛད་པའོ།། །། !། །རྒྱ་གར་སྐད་དུ། བཛྲ་ཌཱ་ཀི་ཡོ་གི་ནི་སཱ་ཧ་ན་ནཱ་མ། བོད་སྐད་དུ། རྡོ་རྗེ་མཁའ་འགྲོ་མ་རྣལ་འབྱོར་མའི་སྒྲུབ་ཐབས་ཞེས་བྱ་བ། དཔལ་རྡོ་རྗེ ་སེམས་དཔའ་ལ་ཕྱག་འཚལ་ལོ། །སྐུ་མདོག་རང་བཞིན་རྣམ་དག་བདེ་བ་སྤྱོད་ཅན། །རྣམ་པར་རྟོག་པ་བྲལ་བས་ཕག་མོའི་ཞལ་མངའ་བ། །བཏུད་དེ་རྡོ་རྗེ་མཁའ་འགྲོ་མ་ནི་རབ་བསྒྲུབ་ཕྱིར། །ལྷན་ཅིག་སྐྱེས་པའི་ཡེ་ཤེས་བདེ་རྙེད་བཤད་པར་བྱ། །སྔགས་པ ་ཤེས་རབ་སྙིང་རྗེར་ལྡན། །ས་བོན་ལས་ནི་རྐྱེན་གྱིས་བསྐྱེད། །མྱུ་གུ་རང་གི་ལྷར་ལྡན་པས། །ཚོགས་བསགས་འབྲས་བུ་རྫོགས་པའི་ཕྱིར། །དཀྱིལ་འཁོར་ཆད་གིས་བྱུགས་ནས་ཀྱང། །རང་བྱུང་མེ་ཏོག་ཐིག་ལེ་དགོད། །བསྐུས་པའི་མེ་ཏོག་སྔོན་པོ་དགྲམ།། ་ཕྱག་སོགས་བདག་གིས་ཅི་ནུས་བྱ། །དང་པོ་བྱམས་པ་བསྒོམ་བྱ་སྟེ། །གཉིས་པ་སྙིང་རྗེའི་རྣམ་པ་བསྒོམ། །གསུམ་པ་དགའ་བ་བསྒོམ་བྱ་སྟེ། །གསུམ་གྱི་ཐ་མ་བཏང་སྙོམས་སོ། །ཆོས་ཀུན་སྟོང་པ་ཉིད་དག་ཏུ། །ཤེས་པའི་རྣལ་འབྱོར་རིག་པའི་རྒྱུན ་ཡི་གེ་མ་རུ་གནས་པ་དག་།ཉི་མའི་དཀྱིལ་འཁོར་སྟེར་ཉིད་དུ། །ཐུགས་ཀྱི་ཡི་གེ་བསྲུང་བ་བསམ། །པདྨའི་འོད་ཟེར་བསིལ་བའི་སྟེང། །ས་ལ་རྡོ་རྗེ་སྔོན་པོ་སྟེ། །སྤྲོ་བསྡུ་ང་རྒྱལ་དྲན་པར་བྱ། །ོཾ་དྭེ་ཥ་ཐེ་ཏི་བཛྲ་ཨཱཏྨ་ཀོ་ཧཾ། གྱུར་པས་རྡོ་རྗེ་ཕག་མོ་སྟེ། ་ཨིནྡྲཱ་ནཱི་ལའི་མདོག་འདྲ་བ། །རྩ་བ་ཕག་གདོང་རབ་སྔོ་ཞིང། །དེ་ལས་གཞན་པ་དཀར་དང་དམར། །གྲི་གུག་ཐོད་པ་རྩ་བའི་ཕྱག། རྡོ་རྗེ་རལ་གྲི་འཁོར་ལོ་པད། །རིམ་བཞིན་བཀོད་པའི་སྐུ་མཆོག་ནི། །གཡོན་བསྐུམ་གཡས་པ་བརྐྱང་བས་གནས།། ་དབུ་དང་སྐུ་ནི་དུར་ཁྲོད་དང། །ཀླུ་ཡིས་མཛེས་ཤིང་ཕྲེང་བར་ལྡན། །མ་དཔུང་ནང་ན་གཟི་བརྗིད་ཆེ། །བསྐྱེད་ལ་གསུམ་ལ་རྡོ་རྗེ་ཆེ། །དྲུག་ལ་བྱང་ཆུབ་སེམས་དཔའ་དྲུག་།རིག་པའི་དབང་བསྐུར་གཤིན་རྗེ་གཤེད། །ཡེ་ཤེས་ཕག་མོས་བྱིན་གྱིས་རླབ། །མཆོད ་པའི་རྣམ་འཕྲུལ་སྙིང་ལས་སྤྲུལ། །མི་བསྐྱོད་རྡོ་རྗེ་ཡེ་ཤེས་ཆེ། །ཞེ་སྡང་བདག་པོ་ཐུགས་དབྱེར་མེད། །མི་ཕྱེད་རྣམ་རྟོག་རབ་གཅོད་པ། །རྡོ་རྗེ་ཕག་མོ་ཁྱོད་ཕྱག་འཚལ། །འཕྲོས་པས་སྙིང་གའི་ས་བོན་ཏེ། །སྦྱངས་པ་རང་ཡང་དང་བའི་ལྟར། །བྱས་ནས་བསྡུ་བ ་དག་ཀྱང་བྱ། །གལ་ཏེ་སྐྱོ་ན་གསང་སྔགས་བཟླས། །ཡེ་ཤེས་སེམས་དཔའ་ཨི་དཀྱིལ་ཉི་སྟེ། །རྡོ་རྗེ་སྔགས་ནི་འབར་བར་བསམ། །ོཾ་དྭེ་ཥ་ར་ཏི་བཛྲ་ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ། སྟོང་དང་ཁྲི་དང་བྱེ་བར་བཟླས། །སྔགས་པས་དངོས་གྲུབ་ཐོབ་པར་འགྱུར། །རབ ་ཏུ་ཞི་བའི་བྱང་ཆུབ་སེམས། །ཡི་གེ་ཁ་དོག་དབྱིབས་ཀྱང་མེད། །རྣམ་པར་རྟོག་པ་ཀུན་སྤངས་པའི། །སྐྱེ་འཇིག་མེད་པ་བསྒོམ་པར་བྱ། །དེ་ལ་རྟེན་ཅིང་འབྲེལ་འབྱུང་སྟེ། །ཕྱག་རྒྱ་བཀྲོལ་ལ་སྤྱོད་ལམ་བྱ། །ོཾ་ཨཱ(རྒྱུད་འགྲེལ་??་དྲེད་པ། རྟོག་བྲལ་ཆོས་སྐུ་གཟུགས་སྐུ་སྣང་སྒྲུབ་ཐབས། །ཕག་མོ་རྣལ་འབྱོར་མ་ཡ་སྒྲུབ་ཐབས་བྱས། །འདི་ཡིས་དགེ་ཐོབ་ཐམས་ཅད་གྲོལ་གྱུར་ཤོག། །།རྡོ་རྗེ་མཁའ་འགྲོ་རྣལ་འབྱོར་མའི་སྒྲུབ་ཐབས། །སློབ་དཔོན་མར་མེ ་མཛད་པས་མཛད་པ་རྫོགས་སོ།། ། !། །རྒྱ་གར་སྐད་དུ། །བཛྲ་གཱི་ཏི་སུ་ཁརྔ?་སྭ་དྷ་ན་ནཱ་མ། བོད་སྐད་དུ། རྡོ་རྗེ་བདེ་རྒྱས་དབྱངས་ཅན་མའི་སྒྲུབ་ཐབས་ཞེས་བྱ་བ། །དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །ཤེས ་རབ་ཕ་རོལ་ཕྱིན་པ་རྒྱལ་པ་ཀུན་གྱིས་ཡུམ། །དྲི་མ་མེད་པའི་གསུང་ཆེན་རྡོ་རྗེ་དབྱངས་ཅན་མ། །བཏུད་དེ་སངས་རྒྱས་བདེ་ཆེན་རབ་ཏུ་འཕེལ་བྱའི་ཕྱིར། །གསུང་གི་པདྨ་དྲི་མ་མེད་པའི་སྒྲུབ་ཐབས་བཤད། །ནགས་ཚལ་མི་ཕྱེད་དཔོན་པའི་གནས། །ཉམས ་དགའ་བཀྲ་ཤིས་དང་བ་རུ། །འཇམ་པའི་སྟན་ལ་འདུག་ནས་ནི། །ཆུ་བུར་ལྟ་བུའི་ཚུལ་གྱིས་བསྒོམ། །སེམས་ཅན་ཀུན་དོན་ལེགས་བྱས་ནས། །དམ་པའི་འཁོར་ལོ་བསྒོམ་པར་བྱ། །ཕྱག་འཚལ་བསྟོད་དང་བཤགས་པ་དང། །རྗེས་སུ་ཡི་རང ་