Wylie

e-texts based on the ACIP/ALL Input

དཔལ་གཤིན་རྗེ་གཤེད་ནག་པོའི་སྒྲུབ་ཐབས་པདྨ་བསྲུང་བས་མཛད་པ་བཞུགས་སོ། ། *། །རྒྱ་གར་སྐད་དུ། ཀྲིཥྞ་ཡ་མཱ་རི་སཱ་དྷ་ནཾ། བོད་སྐད་དུ། གཤིན་རྗེའི་གཤེད་ནག་པོ་སྒྲུབ་པའི་ཐབས། །འཕགས་པ་འཇམ་དཔལ་གཤིན་རྗེའི་གཤེད་ལ་ཕྱག་འཚལ་ལོ། ། ་སྙིང་རྗེས་སེམས་ཅན་ཕན་པ་མཛད་ཅིང་དཔག་བསམ་ཤིང་དང་འདྲ་བ་ཡིས། །དཔལ་ལྡན་གཤིན་རྗེའི་གཤེད་ཀྱི་མདངས་འབར་ཆར་སྤྲིན་གཞོན་འདྲ་ཡིད་འོང་བ། །རྟོག་པའི་རླབས་བྲལ་ལྷན་ཅིག་སྐྱེས་པའི་འོ་མ་ལས་འཕྲོས་དེ་ལ་ཕྱག་འཚལ་ནས། །འདི་ཡི་དཀྱིལ ་འཁོར་བསྒྲུབ་བྱ་དང་བཅས་དཔལ་ལྡན་བླ་མའི་བཀའ་ཡིས་བཤད་པར་བྱ། །དང་པོར་སྔགས་པས་ཕྱི་ནང་གི་རྣམ་པར་གཡོ་བ་མ་ལུས་པ་ཡོངས་སུ་བཏང་ལ། །བློ་དང་ལྡན་ཞིང་སྙིང་རྗེ་དང་ལྡན་པས་རང་གི་སྙིང་གར་ཐུགས་ཀྱི་ས་བོན་གྱི་སྔགས་འོད་ཟེར་གྱི ་རིགས་ཀུན་ཏུ་འཁྲིགས་པ་ལྟས་ལ། །འོད་འཕྲོས་པ་དེ་ལས་ཕྱོགས་བསྐྱོང་བ་བརྒྱད། ཤིང་བརྒྱད་ཀྱིས་བརྒྱན་ཅིང་དྲག་པོའི་དུར་ཁྲོད་དོ། །དེའི་དཀྱིལ་དུ་འཇིགས་པ་དང་བྲལ་བས་སྟན་བདེ་བ་ལ་ཉེ་བར་འདུག་ལ། སེམས་ཅན་ལ་ཕན་པའི་ཕྱིར་བསམ ་གཏན་ལ་སྤྱད་པར་བྱ་སྟེ། ས་བོན་དེ་ལས་རང་གི་བ་སྤུའི་བུ་ག་ལས་ཕྱིར་བྱུང་བའི་ཁ་དོག་ལྔ་དང་ལྡན་པའི་འོད་ཀྱིས་བདག་ཉིད་རྣམ་པར་སྦྱང་བར་བྱའོ། །དེ་ཉིད་ཀྱིས་འགྲོ་བ་རིགས་དྲུག་ན་འཁོར་བའི་སེམས་ཅན་སྡུག་བསྔལ་བ་རྣམས་ལ་བལྟས་པས། ་རྣམ་པར་ཐར་པའི་སྒོ་གསུམ་གྱི་ངོ་བོ་ཉིད་དུ་འགྲོ་བ་བལྟའོ། །དེ་ནས་འོད་ཟེར་ངེས་སྤྱན་དྲངས་པའི་བླ་མ་དང་སངས་རྒྱས་དང་བྱང་ཆུབ་སེམས་དཔའ་དར། དཔལ་གཤིན་རྗེ་གཤེད་ལ་སོགས་པ་མདུན་དུ་ཟླ་བའི་གདན་ལ ་བཞུགས་པར་བལྟས་ལ། ཕྱག་འཚལ་བ་དང་མཆོད་པ་དང། སྡིག་པ་བཤགས་པ་ལ་སོགས་པ་བྱ་སྟེ། རྫོགས་པའི་སངས་རྒྱས་ཐམས་ཅད་ལ་མཆོད་པ་ཆེན་པོ་མཆོད་པར་བགྱིའོ། །རྫོགས་པའི་སངས་རྒྱས་ཐམས་ཅད་ལ་ལུས་དང་ངག་དང་ཡིད ་གྱིས་ཕྱག་བགྱིའོ། །སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་བདག་ཉིད་སྡིག་པ་ཐམས་ཅད་སོ་སོར་བཤགས་སོ། །སངས་རྒྱས་དང་བྱང་ཆུབ་སེམས་དཔའ་ཐམས་ཅད་དང། འཕགས་པ་དང་སོ་སོའི་སྐྱེ་བོ་ཐམས་ཅད་ཀྱི་བསོད་ནམས ་ལ་རྗེས་སུ་ཡི་རང་ངོ། །སངས་རྒྱས་ཐམས་ཅད་ལ་ཆོས་ཀྱི་འཁོར་ལོ་བསྐོར་བར་བསྐུལ་བར་བགྱིའོ། །ཡོངས་སུ་མྱ་ངན་ལས་འདའ་བར་བཞེད་པའི་སངས་རྒྱས་ཐམས་ཅད་བསྐལ་བ་མང་པོར་བཞུགས་པར་གསོལ་བ་གདབ་པོ། །མཆོད་པའི་རང་བཞིན ་རྣམ་པ་བདུན་ནམ། གཞན་ཡང་དག་ཇི་སྐད་གསུངས་པའི་དགེ་བ་མ་ལུས་པ་དེ་དག་ཐམས་ཅད་རྫོགས་པའི་བྱང་ཆུབ་ཏུ་བསྔོའོ། །དེའི་རྗེས་ལ་གསུམ་ལ་སྐྱབས་སུ་འགྲོ་བ་ནི་སངས་རྒྱས་དང་ཆོས་དང་དགེ་འདུན་ལ་སྐྱབས་སུ་འཆིའོ་ཞེས་འདི་ལྟར་བྱའོ། ། ་དེ་ནས་བྱང་ཆུབ་ཏུ་སེམས་བསྐྱེད་དེ། །ཡང་དག་པར་རྫོགས་པའི་བྱང་ཆུབ་ཐོབ་ནས་ཐམས་ཅད་དུ་སེམས་ཅན་གྱི་དོན་ཡངས་པ་བགྱིའོ་ཞེས་སོ། །དེ་ནས་བདག་གི་ལུས་དབུལ་ཏེ་སངས་རྒྱས་དང་བྱང་ཆུབ་སེམས་དཔའ་རྣམས་ལ་བདག་ཉིད་ཀྱི་ལུས་དབུལ་བར ་བགྱིའོ། །དེ་ནས་ལམ་གཟུང་བར་བྱ་སྟེ། ཇི་ལྟར་ཡང་བླ་ན་མེད་པའི་ལམ་རྡོ་རྗེ་སེམས་དཔའ་སྙིང་པོ་གཤིན་རྗེའི་གཤེད་བདག་གིས་གཟུང་བར་བགྱིའོ། །དེ་ནས་བྱམས་པ་དང་སྙིང་རྗེ་དང། དགའ་བ་དང་བཏང་སྙོམས་ཀྱི་ངོ་བོ་ཚངས་པའི་གནས་བཞི་བསྒོམ ་པར་བྱའོ། །དེའི་རྗེས་ལ་དངོས་པོ་ཐམས་ཅད་སེམས་ཙམ་གྱི་རང་བཞིན་པས་དངོས་པོ་ངོ་བོ་ཉིད་ཀྱིས་དག་པར་བལྟ་སྟེ། ཨོཾ་སྭ་བྷཱ་བ་ཤུདྡྷ(རྒྱུད་འགྲེལ་བསྲུང་བའི་མཆོག་གོ་།འདི་ལྟ་ལྷག་པའི་བསྲུང་བའི་དོན་ནི། །ཡི་གེ་རེ་ཡོངས་སུ་གྱུར་པའི་ཉི་མ་ལ་གནས་པའི་ཡི་གེ་ཧཱུཾ་ལས་བྱུང་བའི་སྣ་ཚོགས་རྡོ་རྗེ་ལས་སྤྲོས་པའི་རྡོ་རྗེ་ར་བ་དང། རྡོ་རྗེ་གྱུར་དང། རྡོ་རྗེ་དུར་ཁྲོད་དང་བཅས་པར་རྡོ་རྗེའི་ས་གཞི་བསྒོམ་མོ། །ཡང་དུར་ཁྲོད་རྣམས་འདི་ལྟར་འབྱུང་སྟེ། ་རྡོ་རྗེའི་ཕྱོགས་སུ་ཤིར་ཤ་སྟེ། གནོད་སྦྱིན་ལག་གཡས་སྤྱི་ལུགས་དང། གཡོན་ན་ཐོད་པ་ཐོགས་པ་ཡི། །ཙཎྜ་ཞེས་པའི་མདོག་སེར་གནས། །གནོད་སྦྱིན་དཔལ་འཛིན་དམར་པོ་སྟེ། །གཡས་པ་ན་ནི་ཕྲེང་བ་དང། གཡོན་ན་ཐོད་པའི་སྣོད་ཐོགས་ཏེ། །མེན་ཀ ་རི་ཛ་ཤིང་ལའོ། །གཤིན་རྗེའི་གཤད་ནི་ཙཱུ་ཏ་ལ། །རྣམས་འཇིགས་ཞེས་བྱའི་མདོག་ནག་པོ། །གཡས་པ་ན་ནི་དབྱུག་པ་དང། །གཡོན་པ་ཆུ་སྐྱེས་སྣོད་ཡིན་ནོ། །བདེན་བྲལ་གཡས་ན་གྲི་གུག་དང། གཡོན་ན་ཆུ་སྐྱེས་སྣོད་ཐོགས་པའི། །སེར་པོ་གོ་ར་ཨམྦྷ? ་ཀར། །འཁྲི་ཤིང་ལ་མའི་ཤིང་ལའོ། །ཆུ་ན་མྱ་ངན་མེད་ཤིར་ལ། །འོད་ཀྱི་ཕྲེང་ཅན་མགོ་ཡིས་རུས། །དཀར་པོ་གཡས་ན་ཀླུ་ཞགས་དང། གཡོན་ན་ཆུ་སྐྱེས་སྣོད་ཐོགས་པའོ། །རླུང་ན་ཀིར་ལ་ཀི་ར་བ། །སྔོན་པོ་གཡས་ན་གོས་སྔོན་ཐོགས། །གཡོན་པ་ན་ནི ་ཆུ་སྐྱེས་སྣོད། །རྫུ་ན་ཡི་ཤིང་ལ་གནས། །ཀུ་བེ་ར་ན་གྷ་བ་དར། །ལག་པ་གཡས་ན་རྡོ་རྗེ་དང། གཡོན་པ་ན་ནི་པདྨའི་སྣོད། ། ཤྭདཐ་ལ་མནན་ནས་གནས། །གནོད་སྦྱིན་གད་མོ་ཆེར་གྲགས་པ། དཀར་པོ་གཡས་ན་རྩེ་གསུམ་པ། །གཡོན་པ་ན་ནི་པདྨའི ་སྣོད། །དབང་ལྡན་ཤིང་ཆེན་པོ་ལ་གནས། །ཐམས་ཅད་ཤིང་ལས་ལུས་ཕྱེད་བཏོན། །དྲག་ཅིང་འབར་ལ་སྐྲ་དང་ནི། །སྨ་ར་སྨིན་མ་ལྐོག་སྤུ་དང། །རྫི་མའང་སེར་པོ་ཁྲོས་པའི་ཞལ། །སྤྱན་གསུམ་དམར་པོ་རབ་འགུལ་བ། །མཆེ་བ་དྲག་ཏུ་གཟིགས་པའོ། །ཤིང ་འདི་རྣམས་ཀྱི་རྩ་བ་རུ། །གསལ་ཤིང་གིས་ཕུག་རོ་ཡང་བཞག་།ཁ་ཅིང་ལྟུང་བའི་རོ་དག་དང། ཁྱི་དང་བྱ་རྒོད་ཟ་བའོ། །དེ་ལ་ཡང་དག་རོས་མྱོས་པའི། །རྣལ་འབྱོར་པ་དག་གླུ་ལེན་ཏེ། །ལྷན་ཅིག་སྐྱེས་ཞེས་འགྲོ་བ་གསུམ། །རྣམས ་པར་སྦྱོང་ཞིང་རྣལ་འབྱོར་བས། །བདུད་རྩི་ལྔ་ལྡན་ཐོད་པ་དང། །ཆགས་པས་དཔལ་ལ་འདུད་བྱེད་ཅིང། །འགྲོ་བ་གསུམ་པོ་ཚིམ་པར་བྱེད་པ། དེས་ན་རིག་པ་དང་བཅས་པའི་དཔལ་མཆོག་དང་བ་ལས་བྱུང་བའི་ཆོས་འབྱུང་ཞེས་བྱ་བའི་ཕྱ་རྒྱ་གྲུ་གསུམ་གྱི་ནང་ནམ ་མཁའ་ཨི་ངོ་བོ་ཉིད་ཀྱི་དཀྱིལ་ན་གནས་པའི་སྣ་ཚོགས་པདྨ་དང། རྡོ་རྗེ་བསྒོམ་པར་བྱའོ། །དེ་ནས་སྣ་ཚོགས་རྡོ་རྗེའི་ལྟེ་བ་ལ་གནས་པའི་སྣ་ཚོགས་པདྨ་དང། ཟླ་བ་ལ་གནས་པའི་ཡི་གེ་བྲུཾ་ཡོངས་སུ་གྱུར་པ་ལས། འཁོར་ལོ་རྩིབས་བརྒྱད་པ། དེའི་ལྟེ་བ་ལ་ཟླ་བ་ལ་གནས ་པའི་ཡི་གེ་བཾ་ཡོངས་སུ་གྱུར་པའི་རྣམ་པར་སྣང་མཛད་རིག་པ་དང་བཅས་པ་ལས་བྱུང་བའི་སྣ་ཚོགས་པར་སྣང་བའི་ནོར་བུའི་རང་བཞིན་ཁ་དོག་ལྔ་དང་ལྡན་པའི་འོད་འཕྲོ་བས། ཕྱོགས་མཚམས་མ་ལུས་པའི་འཇིག་རྟེན་གྱི་ཁམས་དཔག་ཏུ་མེད་པར་སངས་རྒྱས ་ཀྱིས་ཁྱད་པར་གནས་པ་གྲུ་བཞི་བསྒོ་བཞི་པ། ཀ་བ་བརྒྱད་ཀྱིས་ཉེ་བར་བརྒྱན་པ་སེ་མོ་དོ་དང་དོ་ཤལ་དང། མེ་ལོང་དང་གོས་དང་ནོར་བུས་རྣམ་པར་བརྒྱན་པ། །མཆོད་པའི་ལྷ་མོའི་ཚོགས་ཀྱི་ཡོངས་སུ་བསྐོར་བའི་གཞལ་ཡས་ཁང་བསྒོམ་པར་བྱའོ། །དེའི ་དཀྱིལ་དུ་ཡི་གེ་རེ་ཡོངས་སུ་གྱུར་པ་ལས་ཉི་མའི་དཀྱིལ་འཁོར་བལྟས་ལ་།དེའི་སྟེང་དུ་ཡི་གེ་ཧཱུཾ་ཡོངས་སུ་གྱུར་པ་ལས། །སྣ་ཚོགས་རྡོ་རྗེ་བསྒོམ་པ་བྱས་ལ། ལྷ་བཅུ་བདུན་གྱི་གདན་སྣ་ཚོགས་པདྨ་བསྒོམ་མོ། །དེའི་ལྟེ་བའི་ཟླ་བའི་དཀྱིལ་འཁོར་ལ་ཤེས་རབ་ཀྱི ་ངོ་བོ་ཉིད་ཡི་གེ་ཨ་ལ་སོགས་པ་ཉིས་འགྱུར་དུ་བྱས་པ་བཞུགས་ཏེ། མཚན་སུམ་ཅུ་རྩ་གཉིས་ཀྱིས་བརྒྱན་པར་བལྟའོ། །དེའི་སྟེང་དུ་རེ་ལས་བྱུང་བའི་ཉི་མའི་དཀྱིལ་འཁོར་ལ་ཐབས་ཀྱི་ངོ་བོ་ཉིད་ཀྱིས་འགྱུར་དུ་བྱས་པ་ལས། ཌ་དྷ་ད་དྷ་ཡ་ལ་བསྣན་པའི་ཡི་གེ ་ཀ་ལ་སོགས་པ་གསལ་བྱེད་རྣམས་བཅུག་ལ། དཔེ་བྱད་བཟང་པོ་བརྒྱད་ཅུས་བརྒྱན་པར་རྣམ་པར་བསམས་ཏེ། དེ་དག་ཐམས་ཅད་རོ་མཉམ་པར་བྱས་ལ། དེ་གཉིས་ཀའི་ཡང་ནང་དུ་འདུས་པའི་ཧཱུཾ་ལས་བྱུང་བའི་རྡོ་རྗེ་སྔོན་པོ་ལ་གནས་པའི་ཟླ་བའི་གདན་ལ་ཡི ་གེ་རྣམ་པར་བསམས་ལ། །དེའི་འོད་ཀྱིས་རེག་པས་བྱོན་པར་བཞེད་པའི་ཕྱོགས་བཅུ་ན་བཞུགས་པའི་སངས་རྒྱས་རྣམས་དང་ལྷ་མོ་རྣམས་དེའི་ནང་དུ་བྱོན་པར་བསམས་ལ། །དེ་ནས་དེའི་ང་རྒྱལ་སྤང་བོ་བྱ་སྟེ། །ོཾ་སརྦ་ཏ་ཏཱ་ག་ཏ་བཛྲ་སྭ་བྷཱ་བ་ཨཱཏྨ་ཀོ་ཧཾ་ཞེས་སོ་དེ་ནས ་དེ་ཡོངས་སུ་གྱུར་པ་ལས་རྡོ་རྗེ་སེམས་དཔའ་ཞལ་དང། རྒྱན་ཐམས་ཅད་གཤིན་རྗེ་གཤེད་དང་འདྲ་བ་ལ། ལྷན་ཅིག་སྐྱེས་པ་ཙམ་གྱིས་རིག་མ་ཅན། སྔོན་པོ་དང་དཀར་པོ་དང་དམར་པོ་སྟེ་ཞལ་གསུམ་པ། གཡས་པའི་ཕྱག་དང་དེ་ལས་གཞན་པའི་ཕྱག་རྣམས ་ལ་གོ་རིམས་ཇི་ལྟ་བ་བཞིན་དུ། རྡོ་རྗེ་སྔོན་པོ་འབར་ཞིང་འཕྲོ་བ་དང། རལ་གྲི་དང། གྲི་གུག་དང། འཁོར་ལོ་དང་པདྨ་དང་ཐོད་པ་འཛིན་པའོ། །སྐུ་དང་གསུང་དང་ཐུགས་དང་ཡེ་ཤེས་སེམས་དཔའ་བྱིན་གྱིས་བརླབས་པ་བསྒོམ་པར་བྱའོ། །དེ་ནས་ས་བོན་གྱི་ལྷ ་མོའི་མགོ་དང། མགྲིན་པ་དང་སྙིང་ག་དང་ལྟེ་བ་དང་གསང་བ་རྣམས་དང། ཨོཾ་ཨཱ(རྒྱུད་འགྲེལ་སྔགས་འདིས་གཉི་གའི་རྡོ་རྗེ་དང་པདྨ་རྣམ་པར་སྦྱང་བར་བྱའོ། །དེའི་རྗེས་ལ་ཡི་གེ་ཧོ་དམར་པོ་གཉིས་གཉི་གའི་མཐར་རྣམ་པར་བཀོད་ལ་དགའ་བ་བརྩམ་པར་བྱའོ། །ོཾ་སརྦ་ཏ་ཐཱ་ག་ཏ་ཨ་ནུ་རཱ་ག་ཎ་བཛྲ་སྭཱབྷཱ་བ་ཨཏྨ་ཀོ་ཧཾ་ཞེས་བྱ་བས་སོ། །དེ་ནས་འདོད ་ཆགས་ཆེན་པོ་ངེས་པའི་ཏིང་ངེ་འཛིན་ལ་སྙོམས་པར་ཞུགས་ཏེ། རང་ཡེ་ཤེས་སེམས་དཔའ་ཨི་སྙིང་པོའི་ས་བོན་གྱི་འོད་ཀྱིས་བཀུག་པའི་རྡོ་རྗེ་ཙང་ཙི་ཀ་ལ་སོགས་པའི་ལྷ་མོ་བཞི་དང་ལྡན་པའི་སངས་རྒྱས་ཐམས་ཅད་བདག་གི་ལུས་ཀྱི་ནང་དུ་བསྒོམས་ལ། བདག ་ཉིད་ཀྱང་རིག་མ་དང་བཅས་པ། འདོད་ཆགས་ཆེན་པོའི་དབང་གི་ཡི་གེ་གསུམ་དང་ལྡན་པའི་ཁུ་བའི་གཟུགས་སུ་བལྟའོ། །དེ་ནས་རྣམ་པར་དག་པའི་འོད་ཟེར་གྱིས་ཕྱོགས་བཅུར་ཁྱབ་པས། འགྲོ་བ་དྲུག་ན་འཁོར་བའི་སེམས་ཅན་རྣམ་པ་མ ་སྦྱངས་ནས། དེའི་ནང་དུ་ཆུད་པར་བསྒོམ་ལ། །དེ་ཡང་ཁུ་བའི་གཟུགས་སུ་བལྟ་བར་བྱའོ། །དེ་ནས་ཏིང་ངེ་འཛིན་ལས་བསླང་བའི་ཕྱིར། ལྔ་མོ་བཞིས་ཐུགས་ལ་བསྟོད་པ། སྙིང་རྗེས་ཁྲོས་བའི་དང་སྒྲོལ་བཞེངས། །ཁམས་གསུམ་ཀུན་གྱི་གཏི་མུག་སོལ། །དད ་སྒྲོལ་རྩོལ་མེད་མ་ཞུགས་བཞེངས། །བདུད་འདི་དག་ལས་རྒྱལ་བར་མཛོད། །འཇིག་རྟེན་མགོན་པོས་སྟོང་ཉིད་ཅི་སྟེ་བཞུགས། །དད་སྒྲོལ་འཇིག་རྟེན་བསོད་ནམས་ཀྱིས་བཞེངས་ཤིག། བྱང་ཆུབ་འདོད་པའི་འཇིག་རྟེན་མགྲོན་བོས་ནས། །ཇི་ལྟར་སྟོང་པ་ཉིད་ནི། ་སེམས་པར་བྱེད། །ཅེས་བྱ་བས་བསྟོད་ནས། སྐར་མདའའཕོ་བ་བཞིན་དུ་དེ་ཉིད་དུ་བཞུགས་པར་གྱུར་ཏོ། །དེ་ནས་ལྷ་མོ་བཞི་ཡང་ཁུ་བ་དེར་རབ་ཏུ་ཞུགས་པས་ཡི་གེ་གསུམ་དང་ལྡན་པའི་སྔགས་ཀྱིས་རང་བཞིན་གྱིས་ལྷའི་ངོ་བོ་ཉིད་དུ་བཀོད་ལ། གསལ ་བའི་དཀྱིལ་འཁོར་འབྱུང་བའི་ལྷ་ཡི་ས་བོན་ལྟ་སྟེ། ཡཀྵེ་མ་མེ་ད་ཡཙར་ནི་རཱ་ཛ་དོ་རུ་ད་ཎ་ཡོ་ནི་རཱ་ཞེས་བྱ་བ་འདི་ལྟ་བུ་མཚམས་བཞི་རུའོ། །དེའི་དཀྱིལ་དུ་མ་ལུས་པ་ལ་རང་གི་ས་བོན་དང་ཕྱག་མཚན་གྱི་ནང་དུ་འདུས་པའི་ནམ་མཁའ་ལ་བཞུགས་པའི་དེ་བཞིན ་གཤེགས་པ་དང། ལྷ་མོ་མ་ལུས་པ་བྱོན་ནས། བྱང་ཆུབ་ཀྱི་སེམས་ཁུ་བའི་རྣམ་པ་དེར་བཞུགས་ཏེ། དེ་རྣམས་ཞུགས་ནས་ཆོས་ཀྱི་དབྱིངས་ཀྱི་དངོ་བོ་ཉིད་དུ་བསམ་པར་བྱ་སྟེ། ཨོཾ་དྷརྨཱ་དྷཱ་ཏུ་སྭཱ་བྷ་བ་ཨཏྨ་ཀོ་ཧཾ་ཞེས་བྱའོ། །དེ་ནི་དེ་བཞིན་གཤེགས ་པ་ཐམས་ཅད་ཀྱི་ཡེ་ཤེས་དང་ལྡན་པ་སྟེ་རྣལ་འབྱོར་རོ། །དེའི་རྗེས་ལ་རྡོ་རྗེ་ཙར་ཙི་ཀ་ལ་སོགས་པ་ལྷ་མོ་བཞི་པོ་ཚངས་པའི་གནས་བཞིའི་ངོ་བོས་བསྐུལ་བའི་དབང་དུ་བྱས་ནས། དེའི་ཁུ་བ་ལས་བྱུང་བའི་ཉི་མ་ལ་གནས་པའི་ཡི་གེ་ཧཱུཾ་ཡོངས་སུ་གྱུར་པ་ཨིནྡྲ? ་ནཱི་ལའི་འོད་འབར་བའི་རྡོ་རྗེའི་ལྟེ་བ་ལ་གནས་པའི་རིགས་ཀྱི་ཡི་གེས་བྱིན་གྱིས་རློབ་ཅིང་འཕྲོ་བ། ཡི་གེ་ཡཾ་ལས་ཡང་དག་པར་བྱུང་བ། །ིནྡྲ་ནཱི་ལ་ལྟ་བཱི་འོད་ཅན། །ཞལ་གསུམ་ཕྱག་དྲུག་པ། རྩ་བ་དང། གཡས་ལ་དང་གཞན་ལ་རིམ་པ་ཇི་ལྟ་བ་བཞིན་དུ། སྔོན ་པོ་དང་དཀར་པོ་དམར་བའི་ཞལ་ཅན། འབར་བ་འཕྲོ་བའི་རྡོ་རྗེ་དང། རལ་གྲི་དང། གྲི་གུག་དང་འཁོར་ལོ་དང་པདྨ་དམར་པོ་དང། ཐོད་པ་འཛིན་པ་སྟེ། གཡས་པ་དང་དེ་ལས་གཞན་པ་ལ་རིམ་པ་ཇི་ལྟ་བ་བཞིན་ནོ། །འཇིགས་བྱེད་ཀྱང་འཇིགས་པར་བྱེད་པ། །ཐོད་པ་དྲུག ་གིས་བསྐོར་བས་མགོ་རྒྱན་པ། ཕྱོགས་བཅུར་ལྟ་བའི་དམར་ལ་ཟླུམ་པའི་སྤྱན་གསུམ་པ། དགའ་བོ་དང་ཉེར་དགས་གྱེན་དུ་འབར་བའི་སྐྲ་བཅིངས་པ། མཆེ་བ་ཅུང་ཟད་གཙིགས་ཤིང་ལྕེ་འདྲིལ་བ་སྨྲ་ར་དང་སྨིན་མ་སེར་པོ་རྡོ་རྗེས་བརྒྱན་པ། སྟག་གི་པགས་པ་འཛིན་པ། ་མི་ཐུང་ལྟར་གསུས་པ་ཆེ་བར་འཛིན་པ་བ་སུ་ཀྱིས་སེ་ར་ལ་ཉེ་བར་བརྒྱན་པ། སྟོང་དུ་སེངྒེའི་པགས་པ་བསྣམས་པ། ལུས་ཀྱི་བ་སྤུའི་བུ་ག་ཐམས་ཅད་གྱེན་དུ་གཡས་སུ་འཁྱིལ་ཅིང་འོད་འཕྲོ་བ། རོལ་པ་དང་བཅས་པའི་ལྷན་ཅིག་སྐྱེས་པའི་ཤེས་རབ་དང་གཉིས་སུ ་མེད་པའི་སྐུ། ཧྲཱི(རྒྱུད་འགྲེལ་བྱུང་བའི་རྡོ་རྗེ་འབར་བའི་ལྟེ་བ་ལ་ཉི་མ་དང། དེ་ལ་ས་བོན་ཡཾ་བསྒོམ་ཞིང་ཕྱག་མཚན་དང། ས་བོན་ཡོངས་སུ་གྱུར་པ་ལས་ཡེ་ཤེས་སེམས་དཔའ་གཤིན་རྗེ་གཤེད་དང་འདྲ་བའི་ཉི་མ་ལ་གནས་པའི་རྡོ་རྗེའི་ལྟེ་བའི་ཉི་མ་ལ་གནས་པའི་རང་གི་ས་བོན་གྱིས་བརླབས ་པ་སྙིང་གར་བསྒོམ་པར་བྱའོ། །རང་གི་ས་བོན་ལས་ཀྱང་འོད་ཟེར་སྤྲོས་ལ་འོད་དེས་སངས་རྒྱས་ཐམས་ཅད་ཀྱི་རང་བཞིན་ཡེ་ཤེས་སེམས་དཔའ་བཀུག་ལ། །མདུན་གྱི་ནམ་མཁའ་ལ་བཞུགས་ཏེ། མཆོད་པ་ཐམས་ཅད་ཀྱིས་ཡང་དག་པར་མཆོད་ལ། དང ་གི་ཡེ་ཤེས་སེམས་དཔའ་བཅུག་ལ་དེར་བྱིན་གྱིས་བརླབ་པ་ཡང་བྱ་སྟེ། །ོཾ་དྷརྨཱ་དྷཱ་ཏུ་སྭ་བྷ་བ་ཨཱཏྨ་ཀོ་ཧཾ་ཞེས་པའོ། །དེ་ནས་སྙིང་གའི་འོག་ཏུ་ཟླ་བ་ལ་གནས་པའི་ཧཱུཾ་ལས་བྱུང་བའི་རྡོ་རྗེའི་ལྟེ་བར་ཟླ་བ་དེ་ལས་ས་བོན་རྣམ་པར་བསམས ་ཏེ་།རང་གི་ཕྱག་མཚན་དང་ས་བོན་ཡོངས་སུ་གྱུར་པ་ལས་ཞེས་སྡང་གཤིན་རྗེ་གཤེད་དང་འདྲ་བ་ཟླ་བ་ལ་གནས་པ་ཕྱག་མཚན་ས་བོན་གྱིས་བརླབས་པ། སྙིང་པོ་ཐུགས་རྡོ་རྗེ་རྣམ་པར་བསམ་པར་བྱའོ། །རང་གི་ས་བོན་གྱི་འོད་ཀྱི་ཐུགས་རྡོ་རྗེའི་སངས་རྒྱས་ཐམས ་ཅད་བཀུག་ལ་མདུན་དུ་ཟླ་བ་ལ་བཞུགས་ཏེ། ཡང་དག་པར་མཆོད་ནས་རང་གི་ཐུགས་རྡོ་རྗེ་ལ་བཅུག་ལ་བྱིན་གྱིས་བརླབ་པར་བྱ་སྟེ། ཨོཾ་སརྦ་ཏ་ཐཱ་ག་ཏ་ཙིཏྟ་བཛྲ་སྭ་བྷཱ་བ་ཨཏྨ་ཁཾ་ཞེས་སོ། །དེ་བཞིན་དུ་སྐུ་རྡོ་རྗེ་ནི་གཏི་མུག་རྡོ་རྗེ་གཤིན་རྗེ་གཤེད་དང་འདྲ་བའོ། ། ་གསུང་རྡོ་རྗེ་ནི་འདོད་ཆགས་གཤིན་རྗེ་གཤེད་དང་འདྲ་བར་རྣམ་པར་བསྒོམས་ལ། སྐུ་རྡོ་རྗེ་དང་གསུང་རྡོ་རྗེའི་སངས་རྒྱས་ཐམས་ཅད་བཀུག་ལ་ཡང་དག་པར་མཆོད་དེ། ནང་དུ་བཞུགས་པ་ལ་བྱས་ལ། དེའི་བྱིན་གྱིས་བརླབ་པ་ཡང་བྱ་སྟེ། ཨོཾ་སརྦ་ཏ་ཐཱ་ག་ཏ ་ཀཱ་ཡ་བཛྲ་སྭ་བྷཱ་བ་ཨཱཏྨ་ཀོ་ཧཾ་ཨོཾ་སརྦ་ཏ་ཐཱ་ག་ཏ་བཱགྭཛྲ་སྭ་བྷཱ་བ་ཨཱཏྨ་ཀོ་ཧཾ་ཞེས་སོ། །དེའི་རྗེས་ལ་མིག་ལ་སོགས་པ་བྱིན་གྱིས་བརླབ་པ་བལྟ་བར་བྱ་སྟེ། མིག་ལ་སའི་སྙིང་པོ་ཀྵི་གི་ས་བོན་ལས། །རྣ་བ་ལ་ཛཾ་ལས་ཕྱག་ན་རྡོ་རྗེ་སྣ་ལ་ཁཾ་ལས་ནམ་མཁའ་ཨི་སྙིང་པོ། ་ཞལ་དུ་གཾ་ལས་འཇིགས་རྟེན་དབང་བྱུག་།མགོ་ལ་ཥྐཾ་ལས་སྒྲིབ་པ་ཐམས་ཅད་རྣམ་པར་སེལ་བ། སྙིང་གའི་འོག་ཏུ་སཾ་ལས་ཀུན་ཏུ་བཟང་པོ་སྟེ། སྐྱེ་མཆེད་འདི་རྣམས་ལ། དེ་རྣམས་ཀྱི་པདྨ་དང་ཟླ་བ་ལ་གནས་པ། །ཟླ་བའི་སྟེང་དུ་ཕྱག་མཚན་དང་ས་བོན ་ཡོངས་སུ་གྱུར་པས་བྱིན་གྱིས་བརླབས་ལ། ཕྱིས་ནས་ཡེ་ཤེས་སེམས་དཔའ་ཨི་ཐུགས་ཀའི་ས་བོན་ལས་འཕྲོས་པའི་འོད་ཀྱིས་བཀུག་པའི་དཀྱིལ་འཁོར་གྱི་འཁོར་ལོ་ཐམས་ཅད་མི་བསྐྱོད་པས་གཙོ་བོ་བྱས་པ་རྣམ་པར་བསམས་ལ། དེ་ལས་འཕྲོས་པའི་ལྷ་མོ ་ལྔ་རྣམས་ཀྱིས་བདུད་རྩི་ལྔའི་ཁུ་བ་རྣམས་ཀྱིས་བཀང་བའི་བུམ་པའི་ཁམས་འབབ་པས་བདག་ཉིད་ལ་དབང་བསྐུར་ནས། ཅོད་པན་ལ་མི་བསྐྱོད་པ་བལྟ་བར་བྱའོ། །ཡང་རྡོ་རྗེ་སེམས་དཔའ་ཁུ་བའི་གཟུགས་ལས་བྱུང་བའི་གཤིན་རྗེ་གཤེད་བཞིན་དུ་རིགས ་རང་གི་ངོ་བོ་ཡང་མདུན་དུ་བལྟས་ལ་བསྐྱེད་ཅིང་རང་གི་ལུས་སུ་འདུས་པར་བྱས་ལ། ཨོཾ་ཧཱུཾ་སྭཱ་ཧཱ་ཞེས་བྱ་བའི་ཡི་གེ་འདི་རྣམས་མགོ་དང། སྙིང་ག་དང་ལྟེ་བ་དང། གསང་བ་དང་པུས་མོ་རྣམས་ལ་རྣམ་པར་བཀོད་ལ། དེས་རིགས་ལྔ་བསྡུས་པས་བརྒྱན་པར་བྱའོ། ། ་ཨོཾ་ཧཱུཾ་ཧཱུཾ་ཨ་འདིས་ནི་རྡོ་རྗེ་དང་པདྨ་རྣམ་པར་སྦྱངས་ལ་གཉི་གའི་མཐར་ཡི་གེ་ཧོ་དམར་པོ་གཉིས་བཀོད་ལ། ཨོཾ་ཨ་ནུ་རཱ་ག་ཡ་མི་ཞེས་བརྗོད་དེ། བླ་ན་མེད་པའི་བདེ་བ་ལ་མངོན་པར་ཕྱོགས་ནས། དགའ་བ་བརྩམ་པར་བྱ་ཞིང་དེར་བྱིན་གྱིས་བརླབ་པར་བྱ་སྟེ། ཨོཾ་སརྦ ་ཏ་ཐཱ་ག་ཏཱ་ནུ་རཱ་ག་ཎི་བཛྲ་སྭ་བྷཱ་བ་ཨཱཏྨ་ཀོ་ཧཾ་ཞེས་པ་ནི་རྗེས་ཀྱི་རྣལ་འབྱོར་རོ། །དེ་ལྟར་དོན་དམ་པའི་བདེན་པ་ལ་གནས་པའི་རྣལ་འབྱོར་པའི་སྙིང་གའི་ས་བོན་གྱི་འོད་ཀྱིས་བཀུག་པའི་ལྷ་མོ་བཞི་དང་བཅས་པའི་སངས་རྒྱས་ལྔ་རྣམས་རང་གི་ས་བོན་གྱི་ནང་དུ་བསམས ་ལ། འདོད་ཆགས་ཆེན་པོའི་དབང་གིས་པདྨའི་ནང་གི་ནོར་བུ་ནས་རང་གི་ལྟེ་བའི་ཟླ་བ་ལ་མངོན་པར་བྱུང་བར་བསམས་ལ། དེའི་རྗེས་ལ་དེའི་འོད་ཟེར་ལས་བྱུང་བའི་ཧཱུཾ་གི་ས་བོན་ལས་ཡང། དག་པར་བྱུང་བའི་མི་བསྐྱོད་པ་གཤིན་རྗེ་གཤེད་དང་འདྲ་བའི ་ཡི་གེ་བཅུ་པའི་སྔགས་ཀྱིས་བསྐུལ་བས། ཨོཾ་བཛྲ་དྷྲིཀ་ཅེས་བྱ་བ་འདིས་བཏོན་ནས། །སེམས་ཅན་ཐ་མལ་པའི་ཞེ་སྡང་གི་རིགས་སུ་ལྟུང་བ་སྐྱོབ་ཅིང་མཆོད་པ་ཆེན་པོ་ཞེ་སྡང་ཆེན་པོའི་རང་གི་བདག་ཉིད་བསྒོམ་པར་བྱའོ། །དེ་བཞིན་དུ་ཨོཾ་ཛི་ན་ཛིག་ཅེས་ཀྵེའི་ས ་བོན་ལ་གཏི་མུག་གཤིན་རྗེ་གཤེད་བཏོན་ལ་ཐ་མལ་པའི་གཏི་མུག་གི་རིགས་སུ་ལྟུང་བའི་སེམས་ཅན་རྣམས་མཆོད་པ་ཆེན་པོ་གཏི་མུག་ཆེན་པོའི་རིགས་སུ་རབ་ཏུ་བཀོད་ནས། ཡང་ཕྱིར་འོངས་ནས་སྣ་ཚོགས་རྡོ་རྗེའི་ཤར་གྱི་རྩེ་མོ་ལ་ཟླ་བའི་གདན་ལ་དགོད་པར ་བྱ་སྟེ། དཀར་པོ་ཞལ་གསུམ་ཕྱག་དྲུག་པ། རྩ་བའི་ཞལ་དང་ལུས་ཐམས་ཅད་དཀར་པོ། །གཡས་ནག་པོ་གཡོན་དམར་པོའོ། །ཕྱག་གཡས་པ་ན་འཁོར་ལོ་དང་རལ་གྲི་དང་གྲི་གུག་འཛིན་པ་གཡོན་ན་རིན་པོ་ཆེ་དང། པདྨ་དང་ཐོད་པ་འཛིན་པའོ། ་དེ་བཞིན་དུ་ཨོཾ་རཏན་དྷྲིཀ་ཅེས་པའི་ས་བོན་ལས་ཕྲ་མ་གཤིན་རྗེ་གཤེད་བཏོན་ལ། ཕྲ་མའི་རིགས་སུ་ལྷུང་བའི་སེམས་ཅན་རྣམས་མཆོད་པ་ཆེན་པོ་ཕྲ་མཆེན་པོའི་རིགས་སུ་བཀོད་ནས་ཡང་ཕྱིར་ལག་སྟེ། ལྷོ་ཕྱོགས་སུ་སྣ་ཚོགས་རྡོ་རྗེའི་རྩེ་མོའི་ཉི་མ་ལ་དགོད་པར ་བྱ་སྟེ། རྩ་བའི་ཞལ་དང་ལུས་ཐམས་ཅད་སེར་པོ། །གཡས་དཀར་པོ་གཡོན་ནག་པོ། །དེའི་ཕྱག་གཡས་པ་རྣམས་ལ་རིན་པོ་ཆེ་དང། རལ་གྲི་དང། གྲི་གུག་འཛིན་པ། གཡོན་པས་འཁོར་ལོ་དང་པདྨ་དང་ཐོད་པའི་སྣོད་འཛིན་པའོ། །དེ་བཞིན་དུ་ཨོཾ་ཨཱ་རོ་ལིཀ་ཅེས ་མེའི་ས་བོན་ལས་འདོད་ཆགས་གཤིན་རྗེ་གཤེད་བཏོན་ལ་འདོད་ཆགས་ཀྱི་རིགས་སུ་ལྟུང་བའི་སེམས་ཅན་ལ་བལྟས་ཏེ། མཆོད་པ་ཆེན་པོ་འདོད་ཆགས་ཆེན་པོའི་རིགས་སུ་གནས་པར་བྱས་ནས་ཡང་ཕྱིར་ལོག་སྟེ། ནུབ་ཕྱོགས་སུ་སྣ་ཚོགས་རྡོ་རྗེ་རྩེ་མོའི ་ཉི་མ་ལ་དགོད་པར་བྱ་སྟེ། འདོད་ཆགས་གཤིན་རྗེ་གཤེད་དབང་ཆེན་པོ་ཅན་པདྨ་རཱ་གའི་མདངས་དང་ལྡན་པ། ཞལ་གསུམ་ཕྱག་དྲུག་པ། དམར་པོ་རྒྱན་དམར་པོ་ཅན། ཞལ་དང་པོ་དང་ལུས་ཐམས་ཅད་དམར་པོ། །གཡས་དཀར་པོ་གཡོན་ནག་པོ། །གཡས ་ཀྱི་ཕྱག་ན་པདྨ་དམར་བ་དང། རལ་གྲི་དང་གྲི་གུགས། ཡོན་ན་འཁོར་ལོ་དང་རིན་པོ་ཆེ་དང་ཐོད་བའི་སྣོད་འཛིན་པའོ། །དེ་བཞིན་དུ་ཨོཾ་པྲཛྙཱ་དྷྲིཀ་ཅེས་དྷའི་ས་བོན་ལས་ཕྲག་དོག་གཤིན་རྗེ་གཤེར་བཏོན་ལ་ཕྲག་དོག་ལ་ཞེན་པའི་སེམས་ཅན་རྣམས་མཆོད་པ་ཆེན་པོ ་ཕྲག་དོག་ཆེན་པོའི་རིགས་སུ་བཀོད་ནས་ཡང་ཕྱིར་འོངས་ཏེ། བྱང་གི་སྣ་ཚོགས་རྡོ་རྗེའི་རྩེ་མོའི་ཉི་མ་ལ་དགོད་པར་བྱ་སྟེ། ཞལ་གསུམ་ཕྱག་དྲུག་པ། རྩ་བའི་ཞལ་དང་ལུས་ཐམས་ཅད་ལྗང་གུ། མར་ཀཏ་དང་འདྲ་བའི་མདངས་ཅན། གཡས་དཀར་པོ་གཡོན ་ནག་པོ། གཡས་ཀྱི་ཕྱག་ན་རལ་གྲི་དང། འཁོར་ལོ་དང་གྲི་གུག་འཛིན་པ། གཡོན་པས་ནོར་བུ་དང་པདྨ་དང་ཐོད་པ་འཛིན་པའོ། །དེ་བཞིན་དུ་ཨོཾ་མོ་ཧ་ར་ཏི་བཛྲ་ཙར་ཙི་ཀཱཾ་ཞེས་པ། ཛའི་ས་བོན་ལས་བཏོན་ལ། དེ་བཞིན་དུ་རང་གི་རིགས་སུ་གྱུར་པའི་སེམས་ཅན་རྣམས ་ཀྱི་དོན་བྱས་ནས། ཡང་ཕྱིར་ལོག་སྟེ། མེའི་ཕྱོགས་སུ་སྣ་ཚོགས་རྡོ་རྗེ་རྩེ་མོ་གཉིས་ཀྱིས་ཟླ་བ་ལ་དགོད་པར་བྱ་སྟེ། གཏི་མུག་གཤིན་རྗེ་གཤེད་དང་འདྲ་བ་ལ་རྒྱན་ཐམས་ཅད་ཀྱིས་བརྒྱན་པ། ཅུང་ཟད་བུད་མེད་ཀྱི་ཆ་བྱད་ཀྱིས་འགྱིང་ཞིང་སྟེག་པའོ། །ཡང་དེ་བཞིན་དུ ་སའི་ས་བོན་ལས་བྱུང་བའི་རྡོ་རྗེ་ཕག་མོ་ཞེ་སྡང་གཤིན་རྗེ་གཤེད་དང་འདྲ་བ། དྭེ?་ཥ་ར་ཏི་ཞེས་བྱ་བས་ཕྱུང་ནས་དེ་བཞིན་དུ་རང་གི་རིགས་སུ་གྱུར་པའི་སེམས་ཅན་རྣམས་ཀྱི་དོན་བྱས་ནས། །བདེན་བྲལ་གྱི་ཕྱོགས་སུ་སྣ་ཚོགས་རྡོ་རྗེའི་རྩེ་མོ་གཉིས་ཀྱི་ཟླ་བ་ལ ་དགོད་དོ། །དེ་བཞིན་དུ་རླུང་གི་ཕྱོགས་སུ་དྷོའི་ས་བོན་ལས་བྱུང་བའི་རྡོ་རྗེ་དབྱངས་ཅན་མ་འདོད་ཆགས་རྡོ་རྗེ་གཤིན་རྗེ་གཤེད་དང་འདྲ་བ། རཱ་ག་ར་ཏི་ཞེས་བྱ་བས་ཕྱུང་ནས་དེ་བཞིན་དུ་རང་གི་རིགས་སུ་གཏོགས་པའི་དོན་བྱས་ཏེ། སྣ་ཚོགས་རྡོ་རྗེའི་རྩེ་མོ་གཉིས་ཀྱི་ཟླ ་བའི་དཀྱིལ་འཁོར་ལ་དགོད་དོ། །ཡང་དེ་བཞིན་དུ་རུའི་ས་བོན་ལས་བྱུང་བའི་རྡོ་རྗེ་གཽ་རཱི་མ་ཕྲག་དོག་གཤིན་རྗེ་གཤེད་དང་འདྲ་བ་བཛྲར་ཏི་ཞེས་བྱ་བ་བཏོན་ནས་དེ་བཞིན་དུ་རང་གི་རིགས་སུ་གཏོགས་པའི་སེམས་ཅན་རྣམས་ཀྱི་དོན་བྱས་ཏེ་སྣ་ཚོགས་རྡོ་རྗེའི་དབང་ལྡན ་གྱི་རྩེ་མོ་གཉིས་ལ་ཟླ་བ་ལ་དགོད་དོ། །ཐམས་ཅད་ཀྱང་རང་རང་གི་རིགས་ཀྱི་ཁ་དོག་དང་ཕྱག་མཚན་འཛིན་པའོ། །ཡང་དེ་བཞིན་དུ་འདིར་ཡའི་ས་བོན་ལས་བྱུང་བའི་ཐོ་བ་གཤིན་རྗེ་གཤེད་རྡོ་རྗེ་ཐོ་བ་འཛིན་ཅིང། ལྷག་མ་གཤིན་རྗེ་གཤེད་དང་འདྲ ་བ། ཕུང་པོའི་བདུད་དང། མ་དད་པ་དང། ཤེས་བྱའི་སྒྲིབ་པའི་གཉེན་པོར་གྱུར་པ། ཨོཾ་མུད་ག་ར་དྷྲི་ཀ་ཅེས་བྱ་བས་བཏོན་ལ། ཤར་ཕྱོགས་ན་གནས་པའི་བགེགས་རྣམས་ཡང་དག་པར་བཏུལ་ཏེ། དེ་བཞིན་དུ་རང་གི་རིགས་སུ་གཏོགས ་པ་རྣམས་ཀྱི་དོན་བྱས་ནས། སྣ་ཚོགས་རྡོ་རྗེའི་ཤར་གྱི་རྩེ་མོའི་ཉི་མ་ལ་དགོད་དོ། །དེ་བཞིན་དུ་འབྱུང་བ་ནི་ཙྪའི་ས་བོན་ལས་བྱུང་བའི་དཀར་པོ་དང་དམར་པོའི་ལྟེ་ཞལ་གསུམ་པ་རྡོ་རྗེ་དབྱིག་པ་དང། རལ་གྲི་དང་གྲི་གུག་ཕྱག་གཡས ་པས་འཛིན་པ། གཡོན་པས་འཁོར་ལོ་དང་རིན་པོ་ཆེ་དང་པདྨའི་སྣོད་འཛིན་པ། ལེ་ལོ་དང་ཉོན་མོངས་པའི་བདུད་དང། མཐར་འཛིན་པའི་ལྟ་བ་དང། ཉོན་མོངས་པའི་སྒྲིབ་པའི་གཉོན་པོ་དབྱིག་པ་གཤིན་རྗེ་གཤེད་ཨོཾ་ད་ཎ་ཌ་དྷྲིཀ་ཅེས་བྱ་བས་ཕྱུང་ལ། ་ལྷོ་ཕྱོགས་ན་གནས་པའི་བགེགས་བཏུལ་ནས། དེ་ཡས་སྤྲོས་པས་སེམས་ཅན་གྱི་དོན་བྱས་ནས། སྣ་ཚོགས་རྡོ་རྗེ་ལྕེ་མོ་ལ་དགོད་དོ། །ཡང་དེ་ལྟ་བུ་ནི་ཡིའི་ས་བོན་ལས་བྱུང་བའི་སྐུ་དམར་པོ། དམར་པོ་དང། དཀར་པོ་དང་ནག་པོ་སྟེ། ཞལ་གསུམ་པ། ་ཕྱག་གཡས་པ་རྣམས་ཀྱིས་པདྨ་དམར་པོ་དང། རལ་གྲི་དང་གྲི་གུག་འཛིན་པ། གཡོན་པ་རྣམས་ཀྱིས་འཁོར་ལོ་དང། རིན་པོ་ཆེ་དང་པདྨའི་སྣོད་འཛིན་པ་སྟེ། བརྗེད་པ་དང་འཆི་བདག་གི་བདུད་དང་ལྟ་བ་ལོག་པ་དང། སྐྱེ་བའི་སྒྲིབ་པའི་གཉེན་པོ་པདྨ་གཤིན་རྗེ ་གཤེད་པདྨ་དྷྲིཀ་ཅེས་བྱ་བས་གཤིན་རྗེ་གཤེད་ཕྱུང་ནས། ནུབ་ཕྱོགས་ན་གནས་པའི་བགེགས་རྣམས་བཏུལ་ཏེ། དེ་བཞིན་དུ་འགྲོ་བ་རྣམས་ཀྱི་དོན་བྱས་ནས་སྣ་ཚོགས་རྡོ་རྗེའི་རྩེ་མོའི་གདན་ལ་དགོད་དོ། །དེ་ནས་དེ་བཞིན་དུ་དེ་ལས་བྱུང་བའི་རའི་ས་བོན་ལས ་ཡང་དག་པར་བྱུང་བའི་སྐུ་མདོག་ལྗང་གུ་།ལྗང་གུ་དང། དཀར་པོ་དང་ནག་པོ་སྟེ་ཞལ་གསུམ་པ། རལ་གྲི་དང་འཁོར་ལོ་དང་གྲི་གུག་གཡས་པ་རྣམས་ཀྱིས་འཛིན་པ་གཡོན་གྱིས་འཁོར་ལོ་དང་རིན་པོ་ཆེ་དང། པདྨའི་སྣོད་འཛིན་པ། རྨུགས་པ་དང་ལྷའི་བུའི་བདུད་དང། ་ལྟ་བ་མཆོག་ཏུ་འཛིན་པ་དང། ལས་ཀྱི་སྒྲིབ་པ་རྣམས་ཀྱིས་གཉེན་པོར་གྱུར་པ། རལ་གྲི་གཤིན་རྗེ་གཤེད། ཨོཾ་ཁཌག་དྷྲིཀ། ཅེས་བྱ་བས་བཏོན་ལ། བྱང་ཕྱོགས་ན་གནས་པའི་བགེགས་རྣམས་བཏུལ་ནས་དེ་བཞིན་དུ་སེམས་ཅན་གྱི་དོན་བྱས་ཏེ་སྣ་ཚོགས་རྡོ ་རྗེའི་རྩེ་མོའི་ཉི་མ་ལ་དགོད་དོ། །ཡང་སྣམ་བུ་གཉིས་པའི་མཚམས་བཞིར་ཟླ་བ་ལ་ཕྱི་རོལ་དང། གསང་བའི་མཆོད་པའི་དོན་དུ་དེ་ལས་བྱུང་བ། ཎ་དང་ཨོ་དང་ནི་རང་བཞིའི་ས་བོན་ལས་ཡང་དག་པར་བྱུང་བ་རྣམས་ཀྱིས་བདུད་རྩི་ལྔས་ཡོངས་སུ་བཀང་བའི་མིའི་ཐོད ་པ་སྟེ། ཤིན་ཏུ་རྣལ་འབྱོར་རོ། །འདི་ལྟ་བུར་ཡོངས་སུ་རྫོགས་པའི་དཀྱིལ་འཁོར་ལ་རྣམ་པར་བལྟས་ཏེ། སྙིང་གའི་སྔགས་ལས་སྤྲོས་པའི་འོད་ཟེར་གྱིས་ལྕགས་ཀྱུས་ཡེ་ཤེས་ཀྱི་དཀྱིལ་འཁོར་བཀུག་ལ། མདུན་དུ་བཞུགས་སུ་གསོལ་ཏེ། གང་དེ་དང་ལྷན་ཅིག ་འོངས་པའི་བགེགས་རྣམས་ནི། སྒོ་སྐྱོང་བ་རྣམས་ཀྱིས་བསྐྲད་དེ་དེ་རྣམས་ཉིད་ནི་སྔགས་བཟླས་པས་བསྲང་བ་བྱས་ལ། ལམ་ལ་སོགས་པ་སྦྱིན་པར་བྱ་སྟེ། དེ་ནི་ཛ(རྒྱུད་འགྲེལ་པ་ལ་སོགས་པ་བྱའོ། །དེ་ནས་རོ་མཉམ་པའི་མཆོད་པས་ཡང་དག་པར་མཆོད་དེ། དཀྱིལ་འཁོར་གྱི་དེ་ཁོ་ན་ཉིད་རབ་ཏུ་བསྒྲུབ་ལ། དེ་བཞིན་དུ་དམ་ཚིག་དང་ཡེ་ཤེས་ཀྱི་དཀྱིལ་འཁོར་དང་བཅས་པ་རོ་མཉམ་པར་གྱུར་པས། རང་གི་བདག་པོ་དང་དཀྱིལ་འཁོར ་ཐམས་ཅད་ལ་ཡེ་ཤེས་སེམས་དཔའ་དང། རྡོ་རྗེ་གསུམ་རྣམས་གསལ་པོར་བལྟའོ། །དེ་ནས་རང་གི་སྙིང་གའི་ས་བོན་ལས་སྤྲོས་པའི་འོད་ཀྱི་ས་བོན་ལས་ཕྱོགས་བཅུ་ན་བཞུགས་པའི་མི་བསྐྱོད་པ། དཀྱིལ་འཁོར་དང་བཅས་པ་སྤྱན་དྲངས་པའི་ཐུགས་ཀའི་སྔགས ་ལས་བྱུང་བའི་ལྷའི་ཚོགས་ཀྱིས་ལོ་མའི་ཁ་རྒྱན་དང་བཅས་པའི་བུམ་པའི་ཁ་ནས་འདབ་པའི། བྱང་ཆུབ་སེམས་ཀྱི་ཁུ་བས་རང་གི་དཀྱིལ་འཁོར་པ་རྣམས་མངོན་པར་དབང་བསྐུར་བའི་དབུ་ལ་གཤིན་རྗེ་གཤེད་བལྟ་བར་བྱའོ། །གཙོ་བོའི་དབུ་བརྒྱན་ནི་མི་? ་པའོ། །དེའི་རྗེས་ལ་སྙིང་གའི་སྔགས་ལས་ངེས་པར་བྱུང་བའི་གཟུགས་དང་སྒྲ་ལ་སོགས་པ་རྣམ་པ་སྣ་ཚོགས་ཤིང་ཐ་དད་པས། ནམ་མཁའ་ཁྱབ་པར་མཚོན་ལ་སྙིང་གའི་ས་བོན་གྱི་འོད་ཀྱིས་བཅུག་ལ་ནོར་བུའི་ནང་གི་ལམ་དུ་ཁུ་བར་གྱུར་པ་དེ་བལྟས་ལ། དེ་?། ་འདི་ལྟར་དཔེ་མེད་པའི་འདོད་པའི་ཡོན་ཏན་གྱིས། ནམ་མཁའ་ཨི་དཀྱིལ་ཁྱབ་པས་ཁྱད་པར་དུ་ལྷག་པ་དང། རྡོ་རྗེ་ཙར་ཙི་ཀ་ལ་སོགས་པ་བཞི་ཡིས་གླུ་དང་བཅས་པས་མཆོད་པ་བྱེད་པ་སྟེ། ཡང་དེའི་གླུ་ནི། ཨ་ཀྱེ་ཀྱེ་གཤིན་རྗེ ་གཤེད་ནག་པོ། །སྲིན་པོའི་གཟུགས་ཅན་རང་བཞིན་ཁྱོད། །བདག་གིས་མཐོང་ན་ཤིན་ཏུ་འཇིགས། །ཁྲོས་པའི་རང་བཞིན་འདི་ཐོད་མཛོད། །མི་དང་ས་འོག་རྒྱ་མཚོར་བཅས། །ཁྱོད་ཀྱི་གར་གྱིས་གཡོས་པར་མཛོད། ། ན་ཛིན་ནག་པོ ་བཅག་འདྲ་ཡིས། །ཁྲོ་བོས་རོ་ལངས་བཞིན་གར་མཛོད། །རྣམ་པ་སྣ་ཚོགས་གཟུགས་སྤྲུལ་ཞིང། །མདངས་ནག་ཚད་ནི་ཐུང་བ་ལ། །བདེ་ཆེན་ངོ་བོའི་གར་མཛོད་ཅེས། །རྡོ་རྗེ་དབྱངས་ཅན་མ་གསོལ་འདེབས། །ཧྲཱི(རྒྱུད་འགྲེལ་ཁྱོད། །སྲིད་པ་གསུམ་གྱི་འཁྲུལ་པ་མཆོད། །སྙིང་རྗེ་ཁྲོས་ནས་གར་བྱེད་པ། །འགྲོ་བས་མཐོང་ན་ངོ་མཚར་འགྱུར། །དེའི་རྗེས་ལ་དེའི་བྱིན་གྱིས་བརླབ་པ་བྱ་སྟེ། ཨོཾ་སརྦ་ཏ་ཐཱ་ག་ཏ་པཱུ་ཛ་བཛྲ་སྭ་བྷཱ་བ་ཨཱཏྨ་ཀོ་ཧཾ་ཞེས་པའོ། །དེའི་རྗེས་ལ་བསྟོད་པ་བྱ ་སྟེ། གཤིན་རྗེ་གཤེད་པོ་རབ་འཇིགས་པ། །གཏི་མུག་རྡོ་རྗེའི་ངོ་བོ་ཁྱོད། །སྟོན་པ་སངས་རྒྱས་ཀུན་རང་བཞིན། རྡོ་རྗེའི་སྐུ་ལ་ཕྱག་འཚལ་བསྟོད། །གཤིན་རྗེ་གཤེད་པོ་རབ་འཇིགས་པ། །ཕྲ་མ་རྡོ་རྗེའི་ངོ་བོ་ཁྱོད། །རྡོ་རྗེ་ཐུགས་དང་རབ་མཚུངས་པ། ། ་རྡོ་རྗེ་རིན་ཆེན་ཕྱག་འཚལ་བསྟོད། །འདོད་ཆགས་རྡོ་རྗེའི་ངོ་བོ་ཁྱོད། །འདོད་ཆགས་པདྨའི་འབྱུང་གནས་བརྙེས། །ཉེས་པ་ཀུན་མཆོག་གཙོ་བོའི་གཙོ། །རྡོ་རྗེའི་གསུང་ལ་ཕྱག་འཚལ་བསྟོད། །ཕྲག་དོག་ངོ་བོའི་རང་བཞིན་ཁྱོད། །གཤིན་རྗེ ་གཤེད་པོ་ལས་ཀུན་པ། །རྡོ་རྗེའི་སྐུ་དང་རབ་ཏུ་མཚུངས། །ཕྱག་ན་རལ་གྲི་ཕྱག་འཚལ་བསྟོད། །སངས་རྒྱས་ཀུན་གྱི་དངོས་པོ་ཁྱོད། །སངས་རྒྱ་ཐམས་ཅད་གཅིག་བསྡུས་པས། །སངས་རྒྱས་ཀུན་མཆོག་གཙོ་ཡི་གཙོ། །དཀྱིལ་འཁོར་གཙོ་ལ་ཕྱག ་འཚལ་བསྟོད། །དེ་ནས་གཡོ་བའི་བ་དན་གཉིས་མཛའ་གཉིས་ནས་ཕྱར་བ་ཡཾ་ལས་བྱུང་བ་གཞུའི་རྣམ་པ་ལྟ་བུའི་རླུང་གི་དཀྱིལ་འཁོར་གྱི་སྟེང་དུ། རཾ་ཡོངས་སུ་གྱུར་པཾ་ལས་གྲུ་གསུམ་པའི་མེའི་དཀྱིལ་འཁོར་མངོན་པར་བལྟས་ནས། །དེའི་སྟེང་དུ་ཀཾ་ཡོངས་སུ་གྱུར ་པ་ལས་མིའི་མགོ་བོ་གསུམ། དེའི་སྟེང་དུ་ཡི་གེ་ཨ་ཡོངས་སུ་གྱུར་པ་ལས་པདྨའི་སྣོད། དེའི་སྟེང་དུ་སླ་བའི་རྫས་ལྔ་ཨོཾ་ཧཱུཾ་སྭ་ཨཱ་ཧཱ་ཞེས་བྱ་བས་བྱིན་གྱིས་བརླབས་པས་ཁུ་བ་ལྔ་དང་བཅས་བར་བསྒོམས་ལ། འབར་བས་བསྐོལ་བར་བྱའོ། །དེ་ནས་རོ་མཉམ ་པར་གྱུར་པ་དེའི་སྟེང་དུ་ཨོཾ་ཨཱ(རྒྱུད་འགྲེལ་དཔའ་རྣམས་ཀྱི་ཡེ་ཤེས་ཀྱི་བདུད་རྩི་བཀུག་ནས་གཅིག་ཏུ་གྱུར་བར་བསྒོམ་པར་བྱའོ། །དེ་ནས་སྙིང་གར་ཟླ་བའི་དཀྱིལ་འཁོར་ཆེན་པོ་ལ་གཤིན་རྗེ་གཤེད་ཀྱི་དཀྱིལ་འཁོར་རྣམ་པར་བཀོད་དེ། ཨ་ཡོངས་སུ་གྱུར་པ་ལས་པདྨ་དཀར་པོ། །དེའི་སྟེང་དུ་ཉི་མ་ལ་གནས་པའི ་ཧཱུཾ་ལས་བྱུང་བའི་རྡོ་རྗེ་སྤྲོས་པས། རྡོ་རྗེའི་རང་བཞིན་གྱི་ལྕེས་མྱང་བས། བདག་ཉིད་འཁོར་ལོ་དང་བཅས་པའི་དངོས་པོ་ཐམས་ཅད་ཚིམ་པར་བྱའོ། །འདི་ལྟར་བྱ་བ་ནི་རྣལ་འབྱོར་ཆེན་པོའོ། །དེ་ནས་བདག་པོས་བསྐུལ་བས་དཀྱིལ་འཁོར་བ་རྣམས་ཀྱིས་ཕྱོགས་བཅུར ་སྤྲོས་པས། སེམས་ཅན་གྱི་དོན་བྱེད་པར་བལྟས་ལ་ཡི་གེའི་མཐར་ལུས་ཉེ་བར་བསྡུས་ཏེ། ཡང་སྤྲོ་བ་དང་བསྡུ་བ་རྣལ་འབྱོར་པས། ཨཱ་ལི་དང་ཀཱ་ལི་གཉིས་སུ་མེད་པར་རོ། །དེ་ནས་ཐམས་ཅད་ཀྱི་སྙིང་གར་ཟླ་བ་ལ་རང་རང་གི་ས་བོན་ཡི་གེ་བཀོད་ལ། དེ་ནས་སྤྲོ ་ཞིང་སྔགས་བཟླས་ཏེ། ཨོཾ་ཡ་མ་རཱ་ཛ་ས་དེ་མེ་ཡ། ཡ་མེ་དོ་རུ། ཎ་ཡོ་ད་ཨ། ཨ་ད་ཡོ་ནི། ར་ཡཀྵེ་ཡ། ཡཀྵེ་ཡཙྪེ་ནི་དཱ་མ་ཡ། ཧཱུཾ་ཧཱུཾ་ཕཊ་ཕཊ་སྭཱཧཱ། འདི་ནི་འབུམ་བཟླས་ན། དངོས་གྲུབ་ཕྲ་མོ་རབ་ཏུ་འགྲུབ་པའོ། །འདི་ནི་ཕྲེང་བའི་སྔགས་སོ། །ཡན ་དཀྱིལ་འཁོར་ཕྱི་བདག་པོའི་ཐུགས་ཀའི་ཟླ་བ་ལ་ཡི་གེ་བཅུ་པའི་སྔགས་བཀོད་བ་སྔགས་སྤྲོ་ཞིང་བཟླས་པ་བྱ་སྟེ། ཨོཾ་ཧྲཱི(རྒྱུད་འགྲེལ་བྱེད་པའོ། །ཡང་ན་ཡི་གེ་དྲུག་པའི་སྔགས་ཏེ། ཨོཾ་ལ་ནཱནྟ་ཀ་ཧཱུཾ་བརྒྱ་བྱིན་ལ་སོགས་པ་ཐམས་ཅད་བྲལ་བའི་སྔགས་ཏེ། སྔགས་རང་ཞིང་ཡང་མཐུ་ཆེ་སྟེ། མདོར་ན་ལས་ཐམས་ཅད་བྱེད་དོ་ཞེས་བྱ་བའོ། །དེ་ལ་མི་དད་པ་ཡང་དང། གླང་པོ་ཆེ་དང་འོད་དུ ་དང། རྔ་མོ་དང། རྟ་དང། ཁྱིའི་རུས་བ་ལ་བཟླས་པའི་ཕྲེང་བ་ཡང་དག་པར་བྱས་ལ་མཉམ་པར་གཞག་པས་བཟླས་པ་བྱའོ། །དལ་བར་མ་ཡིན་དྲག་པར་མ་ཡིན། ཚིག་མའི་གསལ་བར་མ་ཡིན། ཡིད་ཀྱིས་བཟླས་པ་མ་ཡིན། །སེམས་གཞན་དུ་མ ་ཡིན། རིང་པོ་མ་ཡིན་ཐུང་ངུ་མ་ཡིན། འདི་ལྟ་བུའི་མཚན་ཉིད་ཀྱིས་ཅི་སྲིད་མི་སྐྱོ་བ་དེ་སྲིད་དུ་བཟླས་པ་བྱའོ། །གལ་ཏེ་སྐྱོན་དཀྱིལ་འཁོར་ཡང་དག་པར་མཆོད་དེ་ཡེ་ཤེས་ཀྱི་དཀྱིལ་འཁོར་གཤེགས་སུ་གསོལ་བ་ནི། ཡི་གེ་མུ(རྒྱུད་འགྲེལ་གེ་གསུམ་གྱི་སྔགས་ཀྱིས་སོ། །དེ་ནས་དམ་ཚིག་གི་དཀྱིལ་འཁོར་ནི་བཞག་པར་བྱའོ། །ད་ནི་སྔགས་བཟླས་པའི་ཆེ་བའི་བདག་ཉིད་དང་གཏོར་མ་ཉེ་བར་བསྟན་པར་བྱའོ། །ཟླ་བའོ་ཅོག་གི་བཅུ་བཞི་ལ། བདུད་རྩི་ལྔ་དང་ལྡན་པ་ཡི། ཤ་ལྔ་ཡིས ་ནི་བྱུག་བྱས་ནས། །བཟླས་ན་གྲུབ་པའི་མཆོག་གྲུབ་བྱེད། །གསང་སྔགས་བཟླས་པ་ཁྲི་བྱས་ན། །འབྱུང་པོ་མཉེ་དང་དེ་བཞིན་དུ། མཁའ་འགྲོ་མ་ནི་སྟོང་གསང་པ། །མཚམས་པ་མེད་ལྔ་པོ་བྱས་པས་ཀྱང། །འགྲུབ་པར་འདི་ལ་ཐེ་ཚོམ ་མེད། །དགེ་བ་བཅུ་ལ་གོམས་པ་དང། །དབང་པོ་ལས་རྒྱལ་བླ་མ་གུས། །ང་རྒྱལ་ཁྲོ་ལས་རྣམ་གྲོལ་བ། །དེ་ཡིས་ངེས་པར་ཚན་པོར་འགྱུར། སློངས་མོ་བྱེད་ཅིང་བཟླས་མི་བྱ། །ཀུན་ཏུ་རྒྱུ་ཞིང་མ་ཡིན་ཏེ། ཡན་ལག་མཉམས་གསང ་སྔགས་བཟླ། །གཙོ་བོ་དངོས་དང་དངོས་མེད་བདག་རྟག་ཏུ་དམ་ཚིག་ལ་སོགས་བསྟེན། །རྩ་བ་སྤོམ་པོ་བསྲུང་བར་བྱ། །སེམས་ཅན་ཀུན་ལ་རྣལ་འབྱོར་ནི། །རིག་པས་བྱམས་པའི་སེམས་མི་བཏང། །སྙིང་རྗེ་མཆོག་གི་དབང་གྱུར་པས། །ཕྱོགས་བཅུར་?? ་མ་སྦྱིན་པར་བྱ། །ཉིན་རེ་འམ་ཡང་ན་ཟླ་རེ་འམ། །ལོ་ནི་རེ་རེ་དག་ཀྱང་རུང། གཏོར་མ་དྲུག་ཅུ་རྩ་བཞི་སྦྱིན། །དབྱུག་གུ་དྲུག་ཅུ་རྩ་བཞིར་བརྟག་།རྟག་ཏུ་བགེགས་རྣམས་ཞི་བྱ་དང། བསོད་ནམས་འཕེལ་བར་བྱ་བའི་ཕྱིར། །འབྱུང་པོ་ཀུན་ལ་གཏོར་མ་སྦྱིན། རྟག་ཏུ་ཆོ ་ག་ཇི་བཞིན་དུ། །དཀྱིལ་འཁོར་གྲུ་གསུམ་གི་བར་བྱ། །ཆུ་དང་དྲི་ཆེན་བསྲེག་པས་བྱུག་།གཤིན་རྗེ་ནོར་བཟངས་རྣལ་འབྱོར་གྱིས། །དེ་ལ་ཕྱོགས་སྐྱོང་བ་རྣམས་དགུག་།ཡི་གེ་ཨོཾ་གྱིས་ཚངས་པ། ཧྲཱི(རྒྱུད་འགྲེལ་ཕྲི་ཡིས་བདེན་བྲལ། ཏཱ་ཡིས་ཆུ་ལྷ། ན་ཡིས་ཁྱབ་འཇུག་ཡང་ན་ཡིས་རླུང། ཧཱུཾ་གིས་གནོད་སྦྱིན། །ཡང་ཧཱུཾ་ཀྱིས་དབང་ལྡན། ཕཊ་ཀྱིས་ཟླ་བ། ཡང་ཕཊ་ཀྱིས་ཉི་མ། །སྭཱ་ཡིས་ནོར་འཛིན། །ཏཱ་ཡིས་ཐགས་བཟིངས་རིས་སོ། །དེ་བཞིན་དུ་ཡེ་ཤེས་སེམས་དཔའ་ ་ཐུགས་ཀའི་ས་བོན་ལས་འོད་འཕྲོས་པས་ཁམས་གསུམ་ན་གནས་པ་རྣམས་བཀུག་ལ། ཨོཾ་ཨཱ(རྒྱུད་འགྲེལ་?། གཤིན་རྗེ་གཤེད་ཀྱི་དཀྱིལ་འཁོར་འདི་བཀོད་པ་ལས་བསོད་ནམས་གང་ཐོབ་སྟོན་ཀ་ཡི། །འོ་མའི་མཚོ་བསྒྲུབས་ལས་སྐྱེས་ཟླ་བའི་འོད་དང་འདྲ་བ་དག་གིས་ཅུང་ཞིག་གང། །དེ་ཡིས་བདག་ནི་གཤིན་རྗེའི་རྒྱལ་པོའི་དགྲ་ནས་ཐོབ་ནས་ནམ་མཁའ་ཨི་གན ་དབྱེ?་བར། །སེམས་ཅན་འགྲོ་བ་དྲུག་ཏུ་འཁོར་བ་མ་ལུས་གཤིན་རྗེ་གཤེད་དུ་བྱེད་པར་ཤོག། །དཔལ་ལྡན་ནག་པོའི་སྒྲུབ་ཐབས་བྲིས་པ་འདི། །གཞུང་ལུགས་རྣ་ཚོགས་དག་དང་མངོན་འགེལ་བས། །ཡང་དག་གཞན་གྱི ་དོན་དུ་འདི་མ་བྱས། །མཐོང་བ་ཞིག་ཙམ་འབའ་ཞིག་བསྟན་པ་ཡིན། །སྦས་པ་གོ་བར་བྱ་ཕྱིར་བྱས་ལས་བསོད་ནམས་གང་ཞིག་བསྒྲུབས་པ་ནི། །ཟླ་བའི་འོད་འདྲེད་ཡིས་འགྲོ་བ་མཛའ་དག་གཤིན་རྗེ་གཤེད་ནག་པོར་ཤོག་།དཔལ ་གཤིན་རྗེ་གཤེད་ནག་པོའི་རྒྱུད་བཞི་བརྒྱ་ལྔ་བཅུ་བ་ལས། མཁས་པ་རྣམས་ཀྱིས་གསོལ་བ་བཏབ་པས། དགེ་སློང་བསོད་སྙོམས་པ་ཀ་མ་ལ་རཀྵི་ཏ་ཞེས་བྱ་བས་བསྡུས་པ་རྫོགས་སོ།། །།རྒྱ་གར་གྱི་མཁན་པོ་པཎྜི་ཏ་ཆེན་པོ་དཱི་པཾ་ཀ་ར་ཤྲཱི ་ཛྙཱ་ན་དང། ལོ་ཙྪ་བ་དགེ་སློང་ཚུལ་ཁྲིམས་རྒྱལ་བས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། །།རྒྱ་གར་སྐད་དུ། མཎྜལ་བི་དྷི། བོད་སྐད་དུ། མཎྜལ་གྱི་ཆོ་ག། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག ་